Iqtisodiyot
Yevropa Ittifoqi Rossiyadan gaz importini to‘liq taqiqlashga qaror qildi
Yevropa Ittifoqi 2027 yil 1 yanvardan suyultirilgan tabiiy gaz, 30 sentabrdan esa quvur orqali Rossiya gazini import qilishni to‘xtatish rejasini ma’qulladi. Bunga Vengriya va Slovakiya qarshi chiqyapti, Bolgariya betaraf qoldi. Qolgan davlatlar hujjatni qo‘llab-quvvatladi.
Rossiyadan Yevropa Ittifoqiga suyultirilgan tabiiy gaz yetkazib berishga to‘liq taqiq 2027 yil boshidan kuchga kiradi. Shuningdek, quvur orqali tabiiy gaz yetkazib berish ham 2027 yil 30 sentabrdan boshlab to‘xtatiladi. Bu bo‘yicha 26 yanvar kuni bo‘lib o‘tgan Yevroittifoq mamlakatlarining uchrashuvida kelishib olindi.
«Mazkur reglament YeIning Rossiya energiya resurslariga qaramlikni tugatishga qaratilgan REPowerEU maqsadiga erishishda muhim bosqich hisoblanadi», — deyiladi hisobotda.
YeIga a’zo davlatlar gaz yetkazib berilishiga ruxsat berishdan oldin uning qayerda ishlab chiqarilganini tekshirishi shart bo‘ladi. Taqiqni buzganlik uchun jarimalar belgilangan:
jismoniy shaxslar uchun — kamida 2,5 mln yevro;
kompaniyalar uchun — kamida 40 mln yevro, yoki yillik umumiy aylanmaning kamida 3,5 foizi yoxud bitim bo‘yicha kutilayotgan aylanmaning kamida 300 foizi.
Shu bilan birga, agar YeIning bir yoki bir nechta davlatida favqulodda holat e’lon qilinsa va gaz ta’minoti xavfsizligiga jiddiy tahdid yuzaga kelsa, Yevrokomissiya Rossiya gazini import qilishga qo‘yilgan taqiqni to‘rt haftagacha to‘xtatib turishi mumkin bo‘ladi.
1 martga qadar a’zo davlatlar gaz importini diversifikatsiya qilish bo‘yicha rejalar tayyorlashi va Rossiyadan yetkazib berishni almashtirishda yuzaga kelishi mumkin bo‘lgan muammolarni aniqlashi kerak.
Rossiyadan neft import qilishni davom ettirayotgan YeI davlatlari ham yetkazib berishni diversifikatsiya qilish rejalarini ishlab chiqishi shart. YeI Kengashi bayonotiga ko‘ra, Yevrokomissiya Moskvadan neft importini bosqichma-bosqich to‘xtatish bo‘yicha reglamentni 2027 yil oxiriga qadar taqdim etishni rejalashtiryapti.
Ma’lumot uchun, 2022 yil oxiridan buyon Yevropa Ittifoqida Rossiya neftiga narx cheklovi amal qiladi. Belgilangan narxdan yuqori qiymatda yoqilg‘i import qilish taqiqlangan. 2022 yilda bir barrel uchun maksimal narx 60 dollar etib belgilangan, o‘tgan yilning sentabrida bu 47,6 dollarga, 1 fevraldan esa 44,1 dollarga tushiriladi.
Bunga javoban Moskva narx cheklovlariga rioya qiluvchi shartnomalar asosida neft va neft mahsulotlarini eksport qilishni taqiqladi. Bu cheklov 2026 yil 30 iyungacha amal qiladi.
Vengriya va Slovakiya Rossiyadan neft va gaz import qilishni davom ettiryapti. Ular Rossiya nefti va gazidan voz kechishni bekor qilish hamda sud jarayoni davomida reglament amalini to‘xtatib turish talabi bilan Yevropa sudiga murojaat qilishni rejalashtirgan. Har ikki davlat YeI Kengashi yig‘ilishida reglament qabul qilinishiga qarshi ovoz berdi. Bolgariya betaraf qoldi, qolgan davlatlar hujjatni qo‘llab-quvvatladi.
O‘zbekiston Prezidenti Shavkat Mirziyoyev «Wabtec» kompaniyasi direktorlar kengashi raisi va bosh ijrochi direktori Rafael Santanani qabul qildi. Bu haqda Prezident matbuot xizmati xabar berdi.
Uchrashuvda mamlakatda temir yo‘l infratuzilmasi va tranzit salohiyati rivojlanayotganini hisobga olib, lokomotivlar parkini yangilash va kengaytirish masalalari ko‘rib chiqildi.
AQSh moliya institutlari ishtirokida lokomotivlarni uzoq muddatli servis xizmati bilan birga yetkazib berish imkoniyatlari muhokama qilindi.
Shuningdek, O‘zbekistonda texnik xizmat ko‘rsatishni yo‘lga qo‘yish, butlovchi qismlar ishlab chiqarish va mutaxassislar tayyorlash masalalari ko‘rib chiqildi.
Tog‘-kon korxonalari karer texnikasiga xizmat ko‘rsatuvchi servis markazini tashkil etish hamda dizel-generator qurilmalari bo‘yicha hamkorlik qilishga ham e’tibor qaratildi.
«Wabtec» lokomotivlar, temir yo‘l texnikasi, raqamli va servis yechimlarini ishlab chiqarish bo‘yicha jahondagi yetakchi kompaniyalardan biri hisoblanadi. Kompaniya Markaziy Osiyo mamlakatlarida ham loyihalarni amalga oshirmoqda.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Milliy statistika qo‘mitasi ma’lumotlariga ko‘ra, 2026-yil yanvar–iyul oylarida O‘zbekistonga 46 davlatdan qariyb 28,5 ming tonna shokolad mahsulotlari olib kirilgan.
Import qilingan mahsulotlarning umumiy qiymati 123,7 mln AQSh dollarini tashkil etgan. Bu o‘tgan yilning mos davriga nisbatan 1,6 ming tonnaga yoki 6 foizga ko‘p.
Import hajmi bo‘yicha Rossiya keskin ustunlik qilgan. Yilning dastlabki yetti oyida Rossiyadan O‘zbekistonga 19,5 ming tonna shokolad mahsulotlari yetkazib berilgan.
Rossiyadan kelgan shokolad mahsulotlari umumiy importning qariyb 70 foizini tashkil etgan. Keyingi o‘rinda Ukraina bo‘lib, undan 2,2 ming tonna mahsulot import qilingan.
Qozog‘istondan 914 tonna, Belarusdan 805,2 tonna shokolad mahsulotlari olib kirilgan. Litvadan import 746,2 tonnani tashkil etgan.
Turkmaniston 715,2 tonna, Turkiya esa 569,5 tonna ko‘rsatkich bilan keyingi o‘rinlarda qayd etilgan. Qolgan davlatlar hisobiga 3 ming tonna mahsulot to‘g‘ri kelgan.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot5 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat4 days ago
Toshkentda xalqaro moda akademiyasi tashkil etiladi
-
Iqtisodiyot2 days ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat1 day ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat1 day ago
O‘zbekiston do‘konlarida 73 turdagi mahsulot sifatsiz deb topildi