Jamiyat
Farg‘onada sohalar rivoji: sanoat, IT va turizm
Farg‘ona viloyati keyingi yillarda iqtisodiy, sanoat va turizm salohiyatini kengaytirishga qaratilgan yirik loyihalar markaziga aylanmoqda. Prezident Shavkat Mirziyoyevning joriy yil aprel oyida viloyatga tashrifi davomida berilgan topshiriqlar esa hududdagi o‘zgarishlarni yanada ko‘paytiradi. 5–6-may kunlari «Farg‘onada — Yangi O‘zbekiston nafasi» shiori ostida tashkil etilgan press-tur davomida jurnalistlar ana shu yangilanish jarayonlarini joylarda ko‘rish imkoniga ega bo‘lishdi.
Safarning dastlabki manzillaridan biri Farg‘ona shahridagi «Farg‘ona ekspo» xalqaro ko‘rgazmalar markazi bo‘ldi. Besh gektar maydonda barpo etilgan majmua nafaqat ko‘rgazma maydoni, balki investorlar va tadbirkorlar uchun doimiy muloqot platformasi sifatida shakllantirilgan.
Markazda 200 dan ortiq ishlab chiqaruvchilar mahsulotlarini namoyish eta oladi. Sakkiz qavatli binoda savdo va investitsiya tashkilotlari, eksportchilar hamda biznes vakillari uchun ofislar joylashtirilgan. Bu yerda yil davomida 15 ta tarmoq bo‘yicha ko‘rgazma va yarmarkalar o‘tkazilishi rejalashtirilgan.
Farg‘ona shahridagi IT-park majmuasi esa raqamli iqtisodiyotga qaratilgan islohotlarning amaliy ifodasi bo‘ldi. 150 milliard so‘m mablag‘ evaziga qurilgan majmua bir vaqtning o‘zida 200 nafar foydalanuvchini qabul qilish imkoniyatiga ega. Bu yerda dasturchilar va frilanserlar uchun zamonaviy kovorking hududlari, rezident kompaniyalar uchun ofislar tashkil qilingan. Markaz yiliga 3 mingdan ortiq yoshlarni o‘qitish, ularni IT loyihalarga jalb qilish imkonini beradi. So‘nggi yillarda Farg‘ona viloyatida axborot texnologiyalari xizmatlari hajmi to‘rt barobarga o‘sgani, eksport esa 23 million dollardan oshgani sohadagi o‘sish sur’atini ko‘rsatadi.
Quvasoy shahridagi «Crown Ceramic» qo‘shma korxonasi esa sanoatda yuqori qo‘shilgan qiymat yaratishga qaratilgan loyihalardan biri sifatida namoyon bo‘ldi. Korxona yiliga 8 million kvadrat metr keramogranit plita ishlab chiqarish quvvatiga ega. Bu yerda mahalliy xomashyodan foydalanish darajasi 97 foizni tashkil etadi. Zamonaviy raqamlashtirilgan texnologiyalar, energiya tejovchi uskunalar va ekologik talablarga mos filtrlar ishlab chiqarish samaradorligini oshirmoqda. Korxona mahsulotlari bugunning o‘zida Qirg‘iziston va Tojikistonga eksport qilinmoqda, yaqin yillarda Qozog‘iston, Rossiya va Yevropa bozorlariga chiqish rejalashtirilgan. Ayniqsa, oddiy soy toshidan yuqori sifatli eksportbop mahsulot tayyorlanayotgani hududdagi sanoat transformatsiyasining amaliy namunasi bo‘lib ko‘rindi.
Marg‘ilon shahridagi «Burhoniddin Marg‘inoniy» ilmiy-ma’rifiy va turizm majmuasi esa milliy meros va zamonaviy turizmni uyg‘unlashtirgan yirik loyihalardan biri hisoblanadi. 35 gektar maydonda qurilgan majmuada mehmonxonalar, karvonsaroy, milliy bozor, muzeylar va hunarmandlar markazi joy olgan.
Bu yerda «Otabek va Kumush uyi» muzeyi ham tashkil etilgan bo‘lib, unda «O‘tkan kunlar» romani muhiti qayta yaratilgan. Turkiyaning «Studio Vertebra» kompaniyasi tomonidan ishlab chiqilgan bosh rejaga ko‘ra, kelgusida majmua hududida biznes markaz, yirik masjid va yuzlab savdo nuqtalari ham paydo bo‘ladi. Loyiha to‘liq ishga tushgach, viloyatga yiliga 250 minggacha xorijiy sayyoh jalb qilinishi kutilmoqda.
Press-turning ikkinchi kuni Quva tumanidagi «Quva Agrostar» korxonasi bilan tanishuvdan boshlandi. Bu yerda mahsulot yetishtirishdan tortib saqlash, qayta ishlash, qadoqlash va eksportgacha bo‘lgan jarayonlar yagona tizimga birlashtirilgan. Korxona xalqaro sertifikatlar asosida ishlamoqda va Yaponiya hamda Janubiy Koreya kabi talabchan bozorlarga mahsulot eksport qilishni boshlagan. 3 ming xonadon va minglab dehqon xo‘jaliklari bilan kooperatsiya tizimi yo‘lga qo‘yilgani esa qishloq aholisi daromadini oshirishda muhim omil bo‘lmoqda.
Quva tumanidagi agrovoltaika texnologiyasi joriy etilgan qishloq xo‘jaligi majmuasi esa O‘zbekiston uchun yangi tajriba sifatida qiziqish uyg‘otdi. 110 gektar maydonda tashkil etilgan majmuada quyosh panellari, intensiv bog‘dorchilik, chorvachilik va baliqchilik bir tizimga birlashtirilgan. Quyosh panellari elektr energiyasi ishlab chiqarish bilan birga tuproq namligini saqlash va ekinlarga soya berish vazifasini ham bajaradi. Avstriya texnologiyasi asosidagi yomg‘irlatib sug‘orish tizimi suv sarfini sezilarli qisqartirgan. Hozirda bu yerda eksportbop uzum navlari yetishtirilib, 350 nafar aholi doimiy ish bilan ta’minlangan.
Safarning navbatdagi manzili «Karkidon» suv ombori hududida barpo etilayotgan turizm majmuasi bo‘ldi. 508 gektar maydonda tashkil etilayotgan hududda shale uslubidagi uylar, mehmon uylari, ekobozor, restoranlar va agroturizm obyektlari qurilgan. Kelgusida motokross, karting, golf va dor yo‘li kabi faol turizm yo‘nalishlari ham yo‘lga qo‘yiladi. Loyiha yiliga 750 ming nafar sayyohni qabul qilish imkoniyatiga ega bo‘ladi. Shu bilan birga, 2 mingga yaqin yangi ish o‘rni yaratilishi rejalashtirilgan.
Press-tur yakunida jurnalistlar «Yangi Quva» mahallasida amalga oshirilgan obodonlashtirish va infratuzilma ishlari bilan ham tanishdi.
Jamiyat
Namanganda 381 ming dollarga 50 sotix yerni rasmiylashtirib berishni va’da qilganlar ushlandi
Ikki fuqaro 5 000 AQSh dollarini, kadastrlar palatasi Pop tumani bo‘limi sobiq boshlig‘i 1 500 AQSh dollari va 6 mln so‘mni olgan vaqtida qo‘lga olingan.
Bosh prokuratura huzuridagi Departamentning Pop tumani bo‘limi va boshqa huquqni muhofaza qiluvchi organ xodimlari hamkorligida tezkor tadbir o‘tkazildi.
Tezkor tadbirda fuqarolar U.A. va M.B. kadastrlar palatasida ishlovchi tanishlari orqali 381 000 AQSh dollari evaziga fermer xo‘jaligi balansidagi 50 sotix yer maydonining hujjatlarini fuqaro A.S.ning nomiga noturar joy sifatida rasmiylashtirib berishlarini aytib, shundan 5 000 AQSh dollarini olgan vaqtida qo‘lga olindi.
Shundan so‘ng tadbir davom ettirilib, kadastrlar palatasi Pop tumani bo‘limi sobiq boshlig‘i S.A. 1 500 AQSh dollari va 6 mln so‘mni olgan vaqtda ashyoviy dalillar bilan ushlandi.
Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
Viloyat FVB xabariga ko‘ra, yorilish natijasida yong‘in sodir bo‘lmagan, hech kim tan jarohati olmagan.
27 iyun kuni soat 19:00 larda Farg‘ona shahridagi AGTKSh hududida avtobus tom qismiga o‘rnatilgan gaz ballonlariga gaz to‘ldirish vaqtida gaz ballonlaridan birida yorilish paydo bo‘lgan.
Viloyat FVBning xabariga ko‘ra, yorilish natijasida yong‘in sodir bo‘lmagan, tan jarohati olganlar yo‘q.
Voqea joyiga viloyat FVB boshlig‘i va huquqni muhofaza qilish organlari hamda tegishli xizmat vakillari chiqqan.
Yorilish sababi vakolatli tashkilotlar bilan hamkorlikda aniqlanmoqda.
Jamiyat
“Hokimiyatdan kelgan topshiriqni deb, bolamga kuyib o‘tiribman” – o‘lim bilan tugagan “Andijon polkasi” tafsilotlari
23 iyun kuni “Andijon polkasi” Ginnesning rekordlar kitobiga kiritildi: viloyat markaziy stadionida 20 ming odam bir vaqtda raqsga tushdi.
Raqsga tushganlar orasida Asaka tumanidagi 14-maktabning 8-sinf o‘quvchisi, 15 yoshli Farrux Ne’matov ham bor edi.
U o‘sha kuni tadbirdan qaytishda o‘zi o‘qiydigan maktab direktori boshqaruvidagi Damas’da avtohalokatga uchrab, shifoxonada vafot etdi.
Tafsilotlar – Kun.uz muxbiri reportajida.
Surishtiruvdan ma’lum bo‘lishicha, “Andijon polkasi”ni Ginnes rekordlar kitobiga kirishi uchun stadionda katta tadbir uyushtirilgan va bunga maktab o‘quvchilari jalb qilingan. 23 iyun kuni boshqa maktablar qatori Asaka tumanidagi 14-maktabning o‘quvchilari ham tadbirda qatnashgan. O‘sha kuni YTH oqibatida vafot etgan 8-sinf o‘quvchisi Ne’matov Farrux ham maxsus avtobuslarda stadionga borgan. Tadbir tugagach u 5 nafar sinfdoshlari bilan maktab direktorining “Damas” avtomashinasiga o‘tirib uyga qaytayotgan bo‘lgan.
YTH sodir bo‘lgan chorraha
Maktab o‘quvchilari mingan mashina asosiy yo‘ldan kelib chapga qayrilmoqchi bo‘lgan paytda qarama qarshi tomondan kelayotgan “ZIL” yuk mashinasi “Damas”ning orqasiga kelib urilgan. Oqibatda “Damas” ag‘darilib ketgan.
“Sog‘lom o‘g‘limni o‘ldirib berishdi”…
“Bir kun avval o‘g‘limning sinf rahbari telefon qilib ertaga “Andijon polkasi” tadbiriga Farruxni jo‘nating iltimos deb qayta-qayta tayinladi. Xo‘p dedim. 15 yoshga kirib pul topadigan bo‘lib qolgandi o‘g‘lim. Chiroyli qilib kiyintirib maktabiga jo‘natdik. Chorsilarni beliga tugib xursand bo‘lib do‘sti bilan uydan chiqib ketdi.
marhum Farrux Ne’matov
Bir payt qo‘shnim yugurib kirdi. Durdonaxon, bolalarimiz “avariyaga” uchrabdi, qolgan bolalar yaxshi ekan, bitta sizning bolangizni boshi yorilibdi, tikishyapti ekan dedi. Viloyat shifoxonasiga qarab ketdik. Farruxbek besh-olti soatda chiqdi operatsiyadan. Amaliyot juda uzoq cho‘zildi.
O‘qituvchilarning o‘zi qon berdi o‘g‘limga. Ichki a’zolari majaqlanib ketgan ekan. O‘ziga kelmadi o‘sha kuni kechasi bilan ham. Ertasi kuni 24 iyunda joni uzildi-da bolamni. Farruxbek o‘g‘lim katta farzandim edi. Uydan soppa-sog‘ chiqib ketgan edi.
Aslida tadbirni tashkillagan tashkilotlar, hokimiyat o‘quvchilarni maxsus avtobusda olib borib, olib kelib qo‘yishlari kerak edi. O‘zboshimchalik bilan avtobusga chiqmay “Damas”ga chiqqan deb, endi aybni o‘g‘limga ag‘darib qo‘yishyapti. Aybdorlar qonun oldida javob bersin. Guldek o‘g‘limdan ayrildim”, deydi marhum Farrux Ne’matovning onasi Durdona Qosimova.
Durdona Qosimova, marhumning onasi
Avtobus ketib qolgach, direktorning “Damas”iga chiqishgan ekan…
“Jiyanim do‘stlari bilan tadbirga avtobusda borgan. Tadbirdan keyin bolalar ust-boshlarini almashtirib chiqqunicha, avtobus ketib qolgan ekan. Ko‘chada qolgan bolalar bizni olib ketinglar deb, domlasiga telefon qilgan. Shundan keyin maktab direktori o‘zining “Damas” mashinasida bolalarni olib ketayotgan bo‘lgan. Chorrahaga yetganlarida baxtsiz hodisa sodir bo‘lganda.
Jiyanim Muhammadrizo Qambarovning holati og‘ir edi, endi hozir “operatsiyadan” keyin ancha o‘ziga kelib qoldi. “Damas”da 2011 yilda tug‘ilgan 6 nafar sinfdosh do‘stlar bo‘lgan”, deydi YTH oqibatida shifoxonaga tushib qolgan Muhammadrizo Qambarovning tog‘asi Oybek Ibragimov.
Oybek Ibragimov
2 o‘quvchi shifoxonada, qolganiga ruxsat berdik…
“23 iyun kuni Andijon-Asaka avtomobil yo‘lida yo‘l-transport hodisasi sodir bo‘lgan. Respublika shoshilinch tibbiy yordam ilmiy markazi Andijon filialiga olti nafar jabrlangan o‘quvchi olib kelindi. Olti nafardan biri o‘ta og‘ir holatda kelgan. Ertasi kuni o‘sha og‘ir bemor vafot etgan. Qolgan besh nafar bemor turli jarohatlar bilan davolangan. Ulardan uch nafariga holati yaxshilanganidan keyin uyiga ruxsat berildi. Hozirda ikki nafari shifoxonada davolanyapti” – Respublika shoshilinch tibbiy yordam ilmiy markazi Andijon filiali direktori o‘rinbosari Abdumutalib Akbaraliyev.
Abdumutalib Akbaraliyev
Kun.uz muxbiri bo‘lib o‘tgan voqea bo‘yicha tegishli idoralardan izoh olmoqchi bo‘ldi. Ammo biror bir tashkilot xodimi holatga munosabat bildirishni istamadi.
Ayni paytda YTH yuzasidan Asaka tumani IIB tomonidan surishtiruv ishlari olib borilyapti.
Ma’lumot o‘rnida, 24 iyun kuni Andijon viloyati markazidagi stadionda «Andijon polkasi» raqsiga tushish orqali rekord o‘rnatildi.
Toshkent davlat o‘zbek tili va adabiyoti universiteti hamda Toshkent davlat iqtisodiyot universiteti eng yuqori – 101–200 o‘rinlar bandida qayd etildi.
Times Higher Education (THE) xalqaro reyting agentligi tomonidan “THE Sustainability Impact Ratings -2026” (avvalgi THE Impact Ratings) natijalari e’lon qilindi.
2026 yilgi reytingga O‘zbekistonning 50 ta oliy ta’lim tashkiloti kiritildi va ularning 24 tasi dunyoning top-1000 talik oliy ta’lim tashkilotlari qatoridan o‘rin oldi.
Ular orasidan Toshkent davlat o‘zbek tili va adabiyoti universiteti hamda Toshkent davlat iqtisodiyot universiteti eng yuqori — 101–200 o‘rinlar bandida qayd etildi.
O‘zbekiston Milliy universiteti va «TIQXMMI» Milliy tadqiqot universiteti – 201-300-o‘rinlar bandiga kiritilgan bo‘lsa, Buxoro davlat universiteti, Samarqand davlat tibbiyot universiteti hamda Termiz iqtisodiyot va servis universiteti 301-400-o‘rinlar bandidan joy oldi.
Foto: gov.uz
Shuningdek, top-1000 talikka Farg‘ona davlat texnika universiteti, O‘zbekiston Milliy pedagogika universiteti, Toshkent davlat texnika universiteti, Toshkent davlat yuridik universiteti, Toshkent axborot texnologiyalari universiteti, Termiz davlat universiteti, Toshkentdagi Vestminster xalqaro universiteti (401-600-o‘rinlar), International School of Finance Technology and Science, Navoiy davlat universiteti, Navoiy davlat konchilik va texnologiyalar universiteti, Samarqand davlat universiteti, Toshkent davlat tibbiyot universiteti, Toshkent davlat transport universiteti, Jahon iqtisodiyoti va diplomatiya universiteti (601-800-o‘rinlar), Farg‘ona davlat universiteti, Huquqni muhofaza qilish akademiyasi va Toshkent farmatsevtika instituti (801-1000-o‘rinlar) kiritildi.
2021 yilda THE Impact Ratings reytingida O‘zbekistonning 12 ta, 2022 yilda 30 ta, 2023 yilda 47 ta, 2024 yilda 53 ta, 2025 yilda 59 ta oliy ta’lim tashkiloti o‘rin egallagan edi.
Ota chaqalog‘i yig‘lagani uchun uni urgan va ovozi chiqmasin, deya og‘ziga paypoq tiqib qo‘ygan. Oqibatda bola nafas yetishmovchiligidan vafot etgan. Ushbu bolaga nisbatan qiynoq va zo‘ravonlik haqida jamoatchilikni Kun.uz o‘z manbalariga tayanib xabardor qilgandi.
Jinoyat ishlari bo‘yicha Xatirchi tuman sudida farzandini o‘ldirgan otaga hukm o‘qildi. Kun.uz mazkur hukm bilan tanishdi.
Hukmda yozilishicha, 2026 yil 9 yanvar kuni 1993 yilda tug‘ilgan F.N. dam olish maqsadida xonasiga kirganida 6 oylik o‘g‘li yig‘lab, xarxasha qilib unga xalal berganidan jahli chiqqan. Shunda u yaqinlarining ko‘z o‘ngida bolaning og‘ziga paypoq tiqib, bir necha marta ikki qo‘lidan ushlab siltab qo‘yib yuborishi oqibatida bolaning boshi divan yog‘ochiga tekkan va sog‘ligi yomonlashib klinik o‘lim qayd etiladi.
Sud tibbiy ekspertizasi xulosasida chaqaloqning o‘limi miya qattiq va yumshoq pardalari ostiga va miyachaga qizil qora qon quyilishi, miya va o‘pkalar shishi, o‘tkir nafas yetishmovchiligidan kelib chiqqanligi aytilgan.
F.N. Jinoyat kodeksining 97-moddasi 2-qismi “v” (aybdorga ayon bo‘lgan ojiz ahvoldagi shaxsni) va “j” (o‘ta shafqatsizlik bilan) bandlarida nazarda tutilgan jinoyatni sodir etganlikda aybdor deb topilib, 15 yil muddatga ozodlikdan mahrum qilish jazosi tayinlandi.
Eslatib o‘tamiz, 9 yanvar kungi ushbu qiynoq va zo‘ravonlik haqida jamoatchilikni Kun.uz o‘z manbalariga tayanib xabardor qilgandi. Jumladan, yig‘lagani uchun ota o‘zining 6 oylik o‘g‘il bola chaqalog‘iga tan jarohati yetkazgan va uning og‘ziga paypoq tiqqan. Shundan so‘ng chaqaloqning ahvoli og‘irlashib, ko‘kara boshlagan.
Chaqaloq onasi tomonidan zudlik bilan shifoxonaga olib borilgan. Ammo ko‘rsatilgan tibbiy yordamga qarama bola 14 yanvar kuni soat 11:30 lar atrofida shifoxonada vafot etgan.
Dastlab holat yuzasidan Jinoyat kodeksining 104-moddasi 1-qismi (qasddan og‘ir tan jarohati yetkazish) bilan jinoyat ishi qo‘zg‘atilgandi.
Namanganda 381 ming dollarga 50 sotix yerni rasmiylashtirib berishni va’da qilganlar ushlandi
Ukrainaning uchta prezidenti Polsha ordenidan voz kechdi, lekin nafaqat
Farg‘onada gaz to‘ldirish vaqtida avtobus tomidagi gaz balloni yorilib ketdi
-
Sport4 days ago🔴 LIVE: AQSh-Eron muzokaralari va Starmer iste’fosi
-
Siyosat5 days ago
O‘zbekiston uchun nimalar muhim? (video)
-
Sport2 days agoYaponiya futbolining buyuk sabog‘i: mag‘lubiyatdan to‘g‘ri xulosa chiqarish
-
Iqtisodiyot5 days ago
Octobank xalqaro hamkorlikni va global kapital bozorlariga kirishni kengaytirmoqda: TXIF-2026 natijalari
-
Jamiyat2 days ago«Andijon polkasi» tadbiriga ketayotgan o‘quvchilar YTHga uchradi
-
Jamiyat5 days agoBo‘stonliqda kanalga tushib ketgan ikkinchi bolaning jasadi ham topildi
-
Iqtisodiyot5 days ago
yangi xalqaro amaliyotlar joriy etiladi
-
Siyosat5 days ago
O‘zbekiston va BAA o‘rtasida yirik investitsiya loyihalari amalga oshiriladi