Jamiyat
To‘qqiz qizli Jasur – to‘rt egiz tug‘ilgan xonadondan reportaj
Qashqadaryoning Kitob tumanida yashovchi Jasur va Dilfuzaning besh qizi bor edi. Shu yil ularning farzandlari 9 nafarga yetdi – oilada to‘rt qizaloq egizaklar dunyoga keldi. Kun.uz jamoasi chaqaloqlarning ilk kunlari va oilaning kundalik hayoti bilan tanishdi.
{Yii::t(}
O’tkazib yuborish 6s
O’tkazib yuborish
Egizaklar tug‘ilishi – tabiatning eng noyob va hayratlanarli hodisalaridan biri. Statistikaga ko‘ra, har 80-85 ta tug‘uruqdan birida ikki egizak dunyoga keladi. Uch egizak esa har 8-10 mingta holatda kuzatilar ekan. Va har 500-700 mingta tug‘uruqda to‘rt egizak dunyoga kelishi mumkin.
Shunday mo‘jiza Qashqadaryoning Kitob tumanida, tog‘lar orasida sodir bo‘ldi. Jasur va Dilfuzaning oilasida to‘rt nafar egizak qizaloqlar tug‘ildi. Endi ularning oilasida to‘qqiz qiz bor.
Chaqaloqlar qariyb uch hafta davomida Respublika ixtisoslashtirilgan ona va bola salomatligi ilmiy-amaliy tibbiyot markazining Qashqadaryo filialida parvarishlanib, shu kunlarda uyiga javob berildi.
“Chaqaloqlar tug‘ilgunga qadar ularning to‘rt nafar ekanini bilmaganmiz. UZI tekshiruvlarida uch nafar ekani ko‘rsatilgan edi. Chaqaloqlar kesib olish yo‘li bilan tug‘ilganda, to‘rt egizak ekanini bilib, yana ham hayratlandik. Ularning har biri sog‘lom va baxtli o‘sishi uchun qo‘limizdan kelgan barcha harakatlarni qilamiz. Kelajakda to‘qqiz farzandimizni ham yaxshi o‘qitib, voyaga yetkazib, ziyoli inson qilib tarbiyalashni maqsad qilganmiz”, – deydi Dilfuza Bahriddinova.
Chaqaloqlarga Xadicha, Saida, Fotima va Osiyo ismlari qo‘yildi.
“Har bir chaqaloqni o‘z qo‘llarimda ko‘rish, ularning nafas olishini, haroratini kuzatish – eng katta baxt”, – deydi Dilfuza.
Qaynonasi Rafoat Omonova ham oilaga ko‘maklashmoqda.
“Meni hozircha o‘ylantirayotgan asosiy holat – qishning sovug‘ida bolalarni issiq joyda saqlash va kelinimning qiynalib qolishi. Ammo hammasi yaxshi bo‘lishiga umid qilaman. Men ham qo‘limdan kelgan yordamni qilaman, albatta”, – deydi chaqaloqlarning buvisi.
Oilada egizaklardan tashqari yana besh nafar qizaloq tarbiyalanmoqda. Ular ham voyaga yetmagan bo‘lsa-da, ota-onalarga ko‘maklashib, kichiklar bilan shug‘ullanishda yordam berishadi.
Hududiy poliklinika hamshiralari ham oilaga muntazam yordam ko‘rsatmoqda.
“Chaqaloqlar tug‘ilganini eshitganimizda biz ham juda hayratlandik. Haqiqatan ham tug‘uruqdan oldingi tekshiruvlarda uch nafar egizak ekanini bilgandik. Ular to‘rt egizak ekan, Xudoning bergan ne’mati. Oilaga poliklinika hamshiralari navbatchiligi tashkil qilindi, har kuni bir hamshira kelib chaqaloqlarga qarashga ko‘maklashamiz. Bugun mening navbatim. Ochig‘i, bunday holat biz uchun ham yangilik va tajriba bo‘lyapti. Qizaloqlarning sog‘lom katta bo‘lishi uchun bor imkoniyatimizni ishga solamiz”, – deydi Gulbahor Ostonova.
Oila uchun bu yordam nafaqat farzandlar salomatligi, balki onaning dam olishi uchun ham muhim ahamiyatga ega.
Jasur Markayev Dehqonobod tumanida temiryo‘l sohasida ishlaydi.
“Haftaning besh kunida ishdaman, dam olish kunlari uyda bo‘laman. O‘sha kunlarda hovlidagi ishlarim bilan shug‘ullanaman. Uyda mol-holimiz bor, kichikroq issiqxona ham qilganman. Shukur, tirikchiligimiz manbai shular. Biroq bizda qish qattiq keladi, chaqaloqlar xonasiga konditsioner o‘rnatdik, elektrda uzilishlar bo‘lib turgani uchun biroz muammolar bo‘lyapti. Xonalar sovib ketyapti. Pechka va sandal qilganmiz, qancha harakat qilmaylik xonaga tutun tarqaydi. Bu kattalarga bilinmas, chaqaloqlar qiynalishadi. Hozir eng asosiy tashvishim shu. Har bir farzandim sog‘lom va baxtli bo‘lishi uchun qo‘limdan kelgan barcha harakatni ishga solaman”, – deydi u.
Oila uchun bugun quvonchli kunlar, ertangi kun esa juda katta mas’uliyat, degani. To‘qqiz farzandni, ayniqsa, bir vaqtning o‘zida to‘rt chaqaloqni katta qilish, tarbiyalash, kundalik ehtiyojlarini qondirish oson emas, albatta. Kitob tumanida tug‘ilgan bu to‘rt mo‘jiza – faqat bir oila emas, siz-u biz, jamiyat uchun ham alohida mas’uliyat yuklaydi.
Bu xonadondagilar farzandlarining kamoloti uchun tinimsiz harakat qilmoqda. Hech kimdan ta’ma qilayotgani yo‘q.
Biroq ushbu oilaning umumiy daromadi, yashash sharoitini kuzatib, tahlil qildik va ularni moddiy-ma’naviy tomondan qo‘llab-quvvatlash lozim, degan qarorga keldik.
Kun.uz tahririyati ularning plastik kartalarini quyida e’lon qilmoqda.
9860 1201 3598 3167 (Jasur Markayev)
5614 6820 3970 9441 (Dilfuza Baxriddinova)
Ushbu xayriya oila uchun nafaqat moliyaviy qo‘llab-quvvatlash, balki katta ruhiy quvvat ham bo‘ladi. Saxovatli yurtdoshlarimizni ularni qo‘llab-quvvatlashga chaqiramiz.
Bugun kunduzi ba’zi joylarda yog‘ingarchilik (yomg‘ir, qor) bo‘ladi. Ba’zi joylarga tuman tushishi mumkin. Shamol 7–12 m/s tezlikda esadi, ba’zi joylarda 13–18 m/s gacha kuchayishi mumkin. Harorat 3–8° iliq bo‘ladi.
Poytaxtimizda vaqti-vaqti bilan yomg‘ir yog‘adi, kechqurun qorga aylanishi mumkin. Shamol 5–10 m/s tezlikda esadi. Harorat 6–8° iliq bo‘ladi.
Tog‘li hududlarda ba’zi joylarda yog‘ingarchilik (yomg‘ir, qor) bo‘ladi. Ba’zi joylarga tuman tushishi mumkin. Qor ko‘chishi xavfi bor. Shamol 7–12 m/s tezlikda esadi. Harorat 2–7° iliq bo‘ladi.
Yangihayot tumanida fuqaro R.T. tanishining ishonchiga kirib, 4 tonna pomidor yetkazib berish bahonasida 4 000 AQSh dollarini qo‘lga kiritgani, keyin esa mablag‘ni qaytarmaslik maqsadida qalbaki 4 000 dollar bergani aniqlandi. Holat yuzasidan Jinoyat kodeksining 168- va 176-moddalari bilan jinoyat ishi qo‘zg‘atilib, tergov harakatlari olib borilmoqda.
Foto: Prokuratura departamenti
Bosh prokuratura huzuridagi Departamentning Yangihayot tumani bo‘limi tomonidan o‘tkazilgan tergovga qadar tekshiruvda fuqaro R.T. (muqaddam sudlangan) tanishi M.X.ning ishonchiga kirib, unga 4 tonna pomidor yetkazib berishi evaziga 4 000 AQSh dollarini qo‘lga kiritib, ushbu mablag‘ni o‘z ehtiyojlari uchun sarflab yuborgani aniqlangan.
Qayd etilishicha, R.T. keyinchalik pullarni qaytarmaslik maqsadida 100 AQSh dollarlik kupyuradagi qalbaki 4 000 AQSh dollarini M.X.ga bergan.
Mazkur holat yuzasidan Jinoyat kodeksining 168-moddasi (firibgarlik) va 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) bilan jinoyat ishi qo‘zg‘atilib, tergov harakatlari olib borilmoqda.
Navoiy shahridagi 22-umumta’lim maktabi o‘quvchisi Islombek Mansurov birinchi urinishdayoq ushbu natijani qayd etdi.
Navoiy shahridagi 22-umumta’lim maktabining 5-sinf o‘quvchisi Islombek Mansurov chet tilini bilish darajasi bo‘yicha B2 sertifikatni qo‘lga kiritdi. Bu yosh jihatdan Navoiy viloyatida eng yaxshi natijalardan biri bo‘ldi.
Ma’lum bo‘lishicha, Islombek Mansurov pedagoglar oilasining to‘ng‘ich farzandi. Uning otasi Dilshod Mansurov Navoiy davlat universiteti dotsenti bo‘lsa, onasi Shohista Turdiyeva maktabda matematika fani o‘qituvchisi.
“Ikki o‘g‘lim bor, Islombek to‘ng‘ich farzandimiz. Yoshligidan internetdagi turli o‘yinlar va bilim olishga ixtisoslashgan dasturlarni ingliz tilida ko‘rardi. Hozirda YouTube’da o‘zi kanal ochib, ingliz tilida yuritmoqda”, deydi Dilshod Mansurov.
Islombek ushbu natijani birinchi urinishdayoq qo‘lga kiritgan.
“Maktabimizda sertifikat olgan o‘quvchilar ko‘p. Ammo Islombek maktabimiz tarixida chet tilini bilish darajasi bo‘yicha B2 sertifikatini qo‘lga kiritgan eng yosh o‘quvchi bo‘ldi. Ingliz tili ustozi Alisher Xudoyorov ham yosh pedagog, ancha tirishqoq. Albatta, ushbu natija bilan to‘xtab qolmaymiz”, deydi Navoiy shahridagi 22-umumta’lim maktabi direktori Feruza Fayziyeva.
Navoiy viloyatida 11 yoshli o‘quvchi B2 sertifikatini qo‘lga kiritishi bundan 2 yil oldin ham kuzatilgandi. O‘shanda Xatirchi tumanidagi 22-umumta’lim maktabi o‘quvchisi Zarina Muxiddinova bu natijani qayd etgan.
Eslatib o‘tamiz, OTMga o‘qishga kirishda chet tilidan B2 sertifikati bor abituriyentga maksimal ball beriladi.
Qora va rangli metall parcha va chiqindilarini tayyorlash litsenziyalanadi.
Qonun (O‘RQ–1113-son, 15.01.2026 y.) bilan ayrim qonun hujjatlariga o‘zgartirish va qo‘shimchalar kiritildi.
Qonun bilan kiritilgan qo‘shimchalarga ko‘ra, quyidagi faoliyat turlarini amalga oshirish uchun litsenziyalash tartibi joriy etilishi belgilandi:
– qora metall parcha va chiqindilarini tayyorlash (xarid qilish), qayta ishlash hamda realizatsiya qilish;
– rangli metall parcha va chiqindilarini tayyorlash (xarid qilish), qayta ishlash hamda realizatsiya qilish;
– tabiiy gazning ulgurji va chakana savdosi.
Mazkur faoliyat turlari bo‘yicha litsenziya olishda quyidagi miqdorlarda davlat boji undirilishi belgilandi:
– qora va rangli metall parcha va chiqindilarini tayyorlash (xarid qilish), qayta ishlash, realizatsiya qilish faoliyati – BHMning 10 baravari miqdorida;
– tabiiy gazning ulgurji va chakana savdosi – BHMning 30 baravari miqdorida.
Aholi va mehmonlar uchun qo‘shimcha qulaylik yaratish maqsadida Seoul Mun atrofida transport harakatini tartibga solish, shu jumladan yo‘l bo‘yi turargohlarni tashkil etish bo‘yicha takliflar ishlab chiqilgani ta’kidlanmoqda.
Foto: Transport vazirligi
Toshkentda yo‘l harakatini samarali tashkil etish, tirbandliklarni kamaytirish hamda jamoat transporti ustuvorligini ta’minlash maqsadida bir qator manzillarda o‘rganish va tahlil ishlari amalga oshirildi, deb xabar berdi poytaxt hokimligi.
Qayd qilinishicha, dastlab, Zargar va Botir Zokirov ko‘chalari kesishmasida joylashgan «Paxtakor» transport o‘tish bog‘lamasida mavjud holat o‘rganilgan. Xususan, jamoat transporti — avtobuslarning bog‘lamaga kirishi bilan bog‘liq muammolar atroflicha tahlil qilinib, mazkur masalani hal etish bo‘yicha chora-tadbirlar belgilangan. Ushbu yechimlar amalga oshirilgandan so‘ng, jamoat transport yo‘nalishlari soni 11 taga yetkazilib, bog‘lama orqali kunlik yo‘lovchilar oqimi 37 ming nafargacha oshishi ko‘zda tutilmoqda.
Shu bilan birga, Abdulla Qodiriy – Abay ko‘chalari hamda Sharof Rashidov – Osiyo ko‘chalari kesishmalarida transport vositalarining o‘tkazuvchanligini oshirish, harakatni samarali boshqarish va jamoat transportiga ustuvorlik berish yuzasidan tahlil ishlari olib borilgan.
Bundan tashqari, Ziyolilar va Kichik halqa yo‘li kesishmasida yuzaga kelayotgan muammolarni bartaraf etish, Abdulla Qodiriy – Mahtumquli ko‘chalarida harakatni optimallashtirish hamda yo‘l belgilarini takomillashtirish bo‘yicha takliflar ishlab chiqilgan.
Shuningdek, Avliyo ota ko‘chasi hamda Fidokor ko‘chasida tirbandliklarni kamaytirish maqsadida transport vositalari uchun bir tomonlama harakat tizimini joriy etish masalasi muhokama qilingan.
Ta’kidlanishicha, aholi va mehmonlar uchun qo‘shimcha qulaylik yaratish maqsadida Seoul Mun atrofida transport harakatini tartibga solish, shu jumladan yo‘l bo‘yi turargohlarni tashkil etish bo‘yicha takliflar ishlab chiqilmoqda.
Eng ko‘p kitob o‘qigan xodimga pul beriladi
O‘zbekistonda xorijdagi diplomatik vakolatxonalar uchun natijalarga asoslangan KPI joriy etiladi
Bugun ba’zi joylarda yog‘ingarchilik bo‘ladi
-
Jamiyat4 days ago«Ўзгидромет» тезкор ахборот эълон қилди
-
Jamiyat5 days agoOlovda yonmagan ayol yuragi…
-
Dunyodan3 days agoPrezident Tramp Eron bilan biznes yurituvchi davlatlarga 25 foizlik bojlar joriy etishini eʼlon qildi
-
Jamiyat1 day agoMast holda mashina boshqargan ayol 15 sutkaga qamaldi
-
Jamiyat4 days agoFarg‘onada “prava”siz ayol uch odamni urib yubordi, bir kishi to‘shakka mixlandi: jabrlanuvchilar sud hukmidan norozi
-
Jamiyat3 days agoAksilkorrupsiya agentligi Ozodbek Nazarbekovga chora ko‘rishni so‘radi
-
Jamiyat2 days agoMirzo Ulug‘bek tumanida ko‘p qavatli uyda yong‘in sodir bo‘ldi
-
Jamiyat2 days agoPirotexnika buyumlari bo‘yicha qonun qabul qilindi