Jamiyat
Toshkent viloyatida 13 yoshli qiz orqali dori sotgan ayol va uning sheriklari ushlandi
“Xavfsiz va sog‘lom yurt” tezkor-profilaktik tadbiri doirasida Toshkent viloyatida 13 yoshli qizdan dori savdosida vositachi sifatida foydalanib kelgan ayol va uni dorilar bilan ta’minlab turgan sheriklari qo‘lga olindi. Jami 1 343 dona kuchli ta’sir qiluvchi dori vositalari (qiymati 150 mln so‘m) musodara qilindi.
O‘zbekiston prezidentining giyohvandlik va narkojinoyatlarga qarshi kurashishga qaratilgan qarori ijrosi doirasida mamlakat bo‘ylab “Xavfsiz va sog‘lom yurt” tezkor-profilaktik tadbirining uchinchi bosqichi izchil davom etmoqda.
Shu doirada Toshkent viloyati IIBB va DXX viloyat boshqarmasi xodimlari tomonidan o‘tkazilgan tezkor tadbirda Farg‘onadan poytaxtga katta miqdorda kuchli ta’sir qiluvchi dori vositalarini yetkazib, ularni sotish bilan shug‘ullanib kelgan jinoiy guruh fosh etildi.
Toshkent tumanida o‘tkazilgan tezkor tadbir chog‘ida, 1985 yilda tug‘ilgan ayol nazoratdagi xaridorga kelishilgan kuchli ta’sir qiluvchi dori vositasini 750 ming so‘m evaziga sotish paytida qo‘lga olindi. U dori vositasini yetkazishda o‘zining 13 yoshli jiyanini vositachi sifatida ishlatgan.
Uning yashash xonadonini ko‘zdan kechirish jarayonida qiymati 20 million so‘mga teng 162 dona kuchli ta’sir qiluvchi dorilar topilib, daliliy ashyo sifatida rasmiylashtirildi. Huquqni muhofaza qiluvchi organlar ta’kidlashicha, ayol shaxsiy manfaatini ko‘zlab, qilmishiga voyaga yetmagan bolani jalb qilishdan ham qaytmagan.
Tezkor tadbir davom ettirilib, ushbu ayolni dorilar bilan ta’minlab kelgan, Toshkent shahrida yashovchi ikki nafar shaxs ham qo‘lga olindi. Ular nazoratdagi xaridorga 23 million so‘m evaziga 278 dona shu turdagi dorilarni sotish paytida to‘xtatib qolindi. Tekshiruvlar davomida ularning avtomashinasi va yashash hududidan qo‘shimcha 67 dona kuchli ta’sir qiluvchi dori vositasi aniqlanib, hujjatlashtirildi.
“Jinoyat zanjiri”ni to‘liq uzish maqsadida tezkor tadbir Farg‘ona viloyatida ham davom ettirildi. Dang‘ara tumanida yashovchi 39 yoshli ayol hamda Qo‘qon shahrida yashovchi 35–39 yoshli ikki nafar erkak 738 dona kuchli ta’sir qiluvchi dorilarni 44 million so‘m evaziga shartli xaridorga sotish paytida qo‘lga olindi.
Umuman, mazkur tezkor-qidiruv tadbirlari natijasida umumiy qiymati 150 million so‘mdan ortiq bo‘lgan 1 343 dona kuchli ta’sir qiluvchi dori vositalari muomaladan chiqarildi. Huquqni muhofaza qiluvchi organlar ma’lumoticha, shu orqali minglab fuqaroning ushbu dorilardan zararlanishi va ularga qaram bo‘lib qolishining oldi olindi.
Holat yuzasidan Jinoyat kodeksining 251-1-moddasi 4-qismi bilan jinoyat ishi qo‘zg‘atildi. Jami 6 nafar shaxs gumonlanuvchi tariqasida jalb etilib, ularga nisbatan “qamoq” ehtiyot chorasi qo‘llangan. Tergov harakatlari davom etmoqda.
Ma’lumot uchun, giyohvandlik moddalari va kuchli ta’sir qiluvchi dori vositalari bilan qonunga xilof muomala qilish 20 yilgacha ozodlikdan mahrum qilish bilan jazolanishi mumkin.
Bugun kunduzi ba’zi joylarda yog‘ingarchilik (yomg‘ir, qor) bo‘ladi. Ba’zi joylarga tuman tushishi mumkin. Shamol 7–12 m/s tezlikda esadi, ba’zi joylarda 13–18 m/s gacha kuchayishi mumkin. Harorat 3–8° iliq bo‘ladi.
Poytaxtimizda vaqti-vaqti bilan yomg‘ir yog‘adi, kechqurun qorga aylanishi mumkin. Shamol 5–10 m/s tezlikda esadi. Harorat 6–8° iliq bo‘ladi.
Tog‘li hududlarda ba’zi joylarda yog‘ingarchilik (yomg‘ir, qor) bo‘ladi. Ba’zi joylarga tuman tushishi mumkin. Qor ko‘chishi xavfi bor. Shamol 7–12 m/s tezlikda esadi. Harorat 2–7° iliq bo‘ladi.
Yangihayot tumanida fuqaro R.T. tanishining ishonchiga kirib, 4 tonna pomidor yetkazib berish bahonasida 4 000 AQSh dollarini qo‘lga kiritgani, keyin esa mablag‘ni qaytarmaslik maqsadida qalbaki 4 000 dollar bergani aniqlandi. Holat yuzasidan Jinoyat kodeksining 168- va 176-moddalari bilan jinoyat ishi qo‘zg‘atilib, tergov harakatlari olib borilmoqda.
Foto: Prokuratura departamenti
Bosh prokuratura huzuridagi Departamentning Yangihayot tumani bo‘limi tomonidan o‘tkazilgan tergovga qadar tekshiruvda fuqaro R.T. (muqaddam sudlangan) tanishi M.X.ning ishonchiga kirib, unga 4 tonna pomidor yetkazib berishi evaziga 4 000 AQSh dollarini qo‘lga kiritib, ushbu mablag‘ni o‘z ehtiyojlari uchun sarflab yuborgani aniqlangan.
Qayd etilishicha, R.T. keyinchalik pullarni qaytarmaslik maqsadida 100 AQSh dollarlik kupyuradagi qalbaki 4 000 AQSh dollarini M.X.ga bergan.
Mazkur holat yuzasidan Jinoyat kodeksining 168-moddasi (firibgarlik) va 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) bilan jinoyat ishi qo‘zg‘atilib, tergov harakatlari olib borilmoqda.
Navoiy shahridagi 22-umumta’lim maktabi o‘quvchisi Islombek Mansurov birinchi urinishdayoq ushbu natijani qayd etdi.
Navoiy shahridagi 22-umumta’lim maktabining 5-sinf o‘quvchisi Islombek Mansurov chet tilini bilish darajasi bo‘yicha B2 sertifikatni qo‘lga kiritdi. Bu yosh jihatdan Navoiy viloyatida eng yaxshi natijalardan biri bo‘ldi.
Ma’lum bo‘lishicha, Islombek Mansurov pedagoglar oilasining to‘ng‘ich farzandi. Uning otasi Dilshod Mansurov Navoiy davlat universiteti dotsenti bo‘lsa, onasi Shohista Turdiyeva maktabda matematika fani o‘qituvchisi.
“Ikki o‘g‘lim bor, Islombek to‘ng‘ich farzandimiz. Yoshligidan internetdagi turli o‘yinlar va bilim olishga ixtisoslashgan dasturlarni ingliz tilida ko‘rardi. Hozirda YouTube’da o‘zi kanal ochib, ingliz tilida yuritmoqda”, deydi Dilshod Mansurov.
Islombek ushbu natijani birinchi urinishdayoq qo‘lga kiritgan.
“Maktabimizda sertifikat olgan o‘quvchilar ko‘p. Ammo Islombek maktabimiz tarixida chet tilini bilish darajasi bo‘yicha B2 sertifikatini qo‘lga kiritgan eng yosh o‘quvchi bo‘ldi. Ingliz tili ustozi Alisher Xudoyorov ham yosh pedagog, ancha tirishqoq. Albatta, ushbu natija bilan to‘xtab qolmaymiz”, deydi Navoiy shahridagi 22-umumta’lim maktabi direktori Feruza Fayziyeva.
Navoiy viloyatida 11 yoshli o‘quvchi B2 sertifikatini qo‘lga kiritishi bundan 2 yil oldin ham kuzatilgandi. O‘shanda Xatirchi tumanidagi 22-umumta’lim maktabi o‘quvchisi Zarina Muxiddinova bu natijani qayd etgan.
Eslatib o‘tamiz, OTMga o‘qishga kirishda chet tilidan B2 sertifikati bor abituriyentga maksimal ball beriladi.
Qora va rangli metall parcha va chiqindilarini tayyorlash litsenziyalanadi.
Qonun (O‘RQ–1113-son, 15.01.2026 y.) bilan ayrim qonun hujjatlariga o‘zgartirish va qo‘shimchalar kiritildi.
Qonun bilan kiritilgan qo‘shimchalarga ko‘ra, quyidagi faoliyat turlarini amalga oshirish uchun litsenziyalash tartibi joriy etilishi belgilandi:
– qora metall parcha va chiqindilarini tayyorlash (xarid qilish), qayta ishlash hamda realizatsiya qilish;
– rangli metall parcha va chiqindilarini tayyorlash (xarid qilish), qayta ishlash hamda realizatsiya qilish;
– tabiiy gazning ulgurji va chakana savdosi.
Mazkur faoliyat turlari bo‘yicha litsenziya olishda quyidagi miqdorlarda davlat boji undirilishi belgilandi:
– qora va rangli metall parcha va chiqindilarini tayyorlash (xarid qilish), qayta ishlash, realizatsiya qilish faoliyati – BHMning 10 baravari miqdorida;
– tabiiy gazning ulgurji va chakana savdosi – BHMning 30 baravari miqdorida.
Aholi va mehmonlar uchun qo‘shimcha qulaylik yaratish maqsadida Seoul Mun atrofida transport harakatini tartibga solish, shu jumladan yo‘l bo‘yi turargohlarni tashkil etish bo‘yicha takliflar ishlab chiqilgani ta’kidlanmoqda.
Foto: Transport vazirligi
Toshkentda yo‘l harakatini samarali tashkil etish, tirbandliklarni kamaytirish hamda jamoat transporti ustuvorligini ta’minlash maqsadida bir qator manzillarda o‘rganish va tahlil ishlari amalga oshirildi, deb xabar berdi poytaxt hokimligi.
Qayd qilinishicha, dastlab, Zargar va Botir Zokirov ko‘chalari kesishmasida joylashgan «Paxtakor» transport o‘tish bog‘lamasida mavjud holat o‘rganilgan. Xususan, jamoat transporti — avtobuslarning bog‘lamaga kirishi bilan bog‘liq muammolar atroflicha tahlil qilinib, mazkur masalani hal etish bo‘yicha chora-tadbirlar belgilangan. Ushbu yechimlar amalga oshirilgandan so‘ng, jamoat transport yo‘nalishlari soni 11 taga yetkazilib, bog‘lama orqali kunlik yo‘lovchilar oqimi 37 ming nafargacha oshishi ko‘zda tutilmoqda.
Shu bilan birga, Abdulla Qodiriy – Abay ko‘chalari hamda Sharof Rashidov – Osiyo ko‘chalari kesishmalarida transport vositalarining o‘tkazuvchanligini oshirish, harakatni samarali boshqarish va jamoat transportiga ustuvorlik berish yuzasidan tahlil ishlari olib borilgan.
Bundan tashqari, Ziyolilar va Kichik halqa yo‘li kesishmasida yuzaga kelayotgan muammolarni bartaraf etish, Abdulla Qodiriy – Mahtumquli ko‘chalarida harakatni optimallashtirish hamda yo‘l belgilarini takomillashtirish bo‘yicha takliflar ishlab chiqilgan.
Shuningdek, Avliyo ota ko‘chasi hamda Fidokor ko‘chasida tirbandliklarni kamaytirish maqsadida transport vositalari uchun bir tomonlama harakat tizimini joriy etish masalasi muhokama qilingan.
Ta’kidlanishicha, aholi va mehmonlar uchun qo‘shimcha qulaylik yaratish maqsadida Seoul Mun atrofida transport harakatini tartibga solish, shu jumladan yo‘l bo‘yi turargohlarni tashkil etish bo‘yicha takliflar ishlab chiqilmoqda.
Eng ko‘p kitob o‘qigan xodimga pul beriladi
O‘zbekistonda xorijdagi diplomatik vakolatxonalar uchun natijalarga asoslangan KPI joriy etiladi
Bugun ba’zi joylarda yog‘ingarchilik bo‘ladi
-
Jamiyat4 days ago«Ўзгидромет» тезкор ахборот эълон қилди
-
Jamiyat5 days agoOlovda yonmagan ayol yuragi…
-
Dunyodan3 days agoPrezident Tramp Eron bilan biznes yurituvchi davlatlarga 25 foizlik bojlar joriy etishini eʼlon qildi
-
Jamiyat1 day agoMast holda mashina boshqargan ayol 15 sutkaga qamaldi
-
Jamiyat4 days agoFarg‘onada “prava”siz ayol uch odamni urib yubordi, bir kishi to‘shakka mixlandi: jabrlanuvchilar sud hukmidan norozi
-
Jamiyat3 days agoAksilkorrupsiya agentligi Ozodbek Nazarbekovga chora ko‘rishni so‘radi
-
Jamiyat2 days agoMirzo Ulug‘bek tumanida ko‘p qavatli uyda yong‘in sodir bo‘ldi
-
Jamiyat2 days agoPirotexnika buyumlari bo‘yicha qonun qabul qilindi