Jamiyat
“O‘rganishga vaqt va imkoniyat berishdi”
Go‘zal Olloberganova Urganchda tug‘ilgan. Yoshligida bir muddat Rossiyaning Sankt-Peterburg shahrida yashagan. Keyinroq O‘zbekistonga qaytib, Toshkent shahridagi Singapur menejmentni rivojlantirish institutida ta’lim olgan. 2021 yilda esa talaba vizasi bilan AQShga o‘qishga kelgan. Kun.uz muxbiri Amerikaga qilgan safari davomida Go‘zal bilan suhbatlashib, undan “sehrli diyor”gacha bosib o‘tgan yo‘li, hozirgi faoliyati, ikki mamlakat ta’lim tizimidagi farqlar haqida so‘radi.
{Yii::t(}
O’tkazib yuborish 6s
O’tkazib yuborish
Go‘zal Olloberganova Toshkent shahridagi Singapur menejmentni rivojlantirish institutini tamomlaganidan keyin — 2021 yilda talabalik vizasi bilan AQShga kelgan. U 4 yildan beri shu davlatda o‘qib, ishlab hamda yashab kelmoqda. Go‘zal Amerikada buxgalteriya yo‘nalishida ta’lim oladi. U AQShdagi ta’lim O‘zbekistondan osonroq ekanini aytadi.
“O‘zbekistonda chuqurroq, ko‘proq ma’lumot berishadi. Bu yerda esa sal yengilroq. Ozgina umumiy ma’lumotni bilib qo‘ysangiz ham sizdan yaxshisi yo‘q. O‘zbekistonda qiyinroq, haqiqatan.
Bizda yaxshi ma’lumot berishadi. Esimda institutda mening o‘qituvchilarim jonini berib o‘qitishardi. Bizneslarning moliyasini hisoblab chiqardik. Qiyin bo‘lardi, lekin bajarardik.
Bu yerda esa shunchaki kitob berishadi, “mana shu bo‘limgacha o‘qib qo‘ygin” deyishadi. Amerikada ko‘p institutlarda McGraw Hill tizim ishlaydi. U uyga vazifalar tizimi hisoblanadi. Unga kirganingizda siz javobni belgilaysiz, uni tekshirsangiz bo‘ladi. U sizga aytadi: bu noto‘g‘ri, boshqasini tekshir deydi, boshqasini bosasiz. U to‘g‘ri deydi — bo‘ldi, shuni kiritib ketaverasiz.
Aniqrog‘i, o‘qidingiz-o‘qimadingiz, tizim ichida o‘zingiz tekshirasiz. Bo‘ldi, shu bilan besh bahoga topshirib ketaverasiz. Tizim juda kechirimli”, – deydi u.
Go‘zal hozirda logistika kompaniyalariga xizmat ko‘rsatadigan UGL Holding kompaniyasida marketing menejeri bo‘lib ishlaydi. U logistika sohasiga kirib kelgan vaqtda sohadan bexabar bo‘lgan.
“Amerikaga kelgan vaqtlarimda bir do‘stimiz kompaniyada suhbatdan o‘tishga taklif qilgan. Dugonam bilan birga biznes egasi bilan suhbatlashganmiz. “Men logistika haqida hech nimani bilmayman, mendan hech narsa kutmanglar”, deb ochiq aytganman. Ular esa vaqt va imkoniyat berishlarini aytgan. Bir yil o‘z ustimda ishlaganman, onlayn kurslar o‘qiganman, aytganimdek, logistikada nima bo‘layotganini, u o‘zi nima, qayerdan kirib kelgan – shularni tushunganman. O‘zimga logistika yoqadi. Boisi odamlar bilan gaplashib, kommunikatsiyaga kirishishni yaxshi ko‘raman. Logistikada ham har doim haydovchilar, boshqa departamentlar bilan gaplashib turasiz. Bir joyda o‘tirib qiladigan ish emas-da, har doim harakatda bo‘lishingiz kerak”, — deydi u.
Go‘zalning aytishicha, logistika daromadli soha. Biroq uning ham sir-asrorlari bor. Yaxshi daromad olish uchun sohada qanday ishlashni bilish kerak. Xususan, ingliz tilini biladigan trak haydovchilari qish faslida haftasiga 5000 dollardan daromad qila olishi mumkin. Eng kamida esa bu summa 2 ming dollarni tashkil qiladi. Unga ko‘ra, trak haydovchilari va kompaniyalar uchun eng yaxshi daromad davri — yangi yil hisoblanadi.
“Chunki bu vaqtda odamlar katta-katta onlayn do‘konlardan sovg‘alar buyurtma qiladi. Ularning hammasi chetdan portga keladi. Ana shunda bu sovg‘alarni hamma shtatga tarqatish kerak bo‘ladi. Eng yaxshi vaqt shu.
Shunaqa haydovchimiz bor, bir oyning ichida qariyb 25-27 ming dollar topadi. Qancha tilni bilib, aqlli bo‘lib, ishingizni qilsangiz, doim kerak bo‘lasiz”, — deydi Go‘zal.
Uning ta’kidlashicha, AQShda katta yuk mashinalari haydovchilarning qancha daromad ko‘rishi ularning haydovchilik tarixiga ham bog‘liq.
“Aniqrog‘i, politsiya sizni to‘xtatganmi, jarima berganmi, yo‘qmi? Agar tarixingiz toza bo‘lsa, politsiya sizga jarima solmagan bo‘lsa, tezlik chegarasida haydagan bo‘lsangiz, to‘xtash belgilariga amal qilgan bo‘lsangiz, narxingiz oshib ketaveradi.
Masalan, yaqinda Kaliforniyada YTH bo‘ldi. Uch nafar odam hayotdan ko‘z yumdi, yana uch nafari trak haydovchisining aybi bilan jarohatlandi. Bu butun logistikaga ta’sir qiladi. Brokerlar ham qo‘rqadi. Avtohalokat bo‘lganida xavfsizlik ko‘rsatkichi tushib ketadi. Keyin shu sabab sizga ishonishmaydi.
Shuning uchun sizga yaxshi yuklarni berishmaydi. “Ha, sening haydovching avtohalokat qilibdi-yu, sening haydovching tezlikdan jarima olibdi-ku, deyishadi. Sen bizning yukimizni vaqtida, avariyaga tushmasdan, hech nima qilmasdan olib borishingga ishonmaymiz deydi. Bu savdoga ham salbiy ta’sir qiladi”, — deya aytadi u.
Intervyuni to‘liq holda Kun.uz’ning YouTube’dagi kanalida tomosha qilishingiz mumkin.
Dilshoda Shomirzayeva tayyorladi.
Tasvirchi Boymirza Halilov.
Raqobat qo‘mitasi tomonidan 2026 yilning dastlabki sakkiz oyida o‘tkazilgan tekshiruvlar davomida 73 nomdagi mahsulot sifat va xavfsizlik talablariga javob bermasligi aniqlandi. Bu haqda qo‘mita matbuot xizmati xabar berdi.
Ma’lum qilinishicha, qo‘mita hamkor tashkilotlar bilan birgalikda chakana savdo nuqtalarida sotilayotgan xalq iste’moli tovarlarining sifat va xavfsizlik talablariga muvofiqligini tekshirish uchun muntazam ravishda nazorat xaridlarini o‘tkazib kelmoqda. Xarid qilingan mahsulotlar akkreditatsiyadan o‘tgan laboratoriyalarda tekshirilib, ularning davlat standartlari hamda normativ-texnik hujjatlar talablariga mosligi baholanadi.
Xususan, 2026 yilning sakkiz oyida 60 turdagi jami 558 nomdagi mahsulot laboratoriya ekspertizasidan o‘tkazilgan. Natijada ulardan 73 nomdagisi belgilangan normativ-texnik talablarga javob bermasligi ma’lum bo‘lgan.
Ushbu mahsulotlarni savdo rastalaridan qaytarib olish va qonunchilikka muvofiq choralar ko‘rish uchun tegishli materiallar O‘zbekiston texnik jihatdan tartibga solish agentligi hamda Sanitariya-epidemiologik osoyishtalik va jamoat salomatligi qo‘mitasiga yuborilgan.
Qonunchilik palatasi deputatlari bugungi majlisida moliyaviy jarimalarni qo‘llash tartibini yengillashtirishga qaratilgan qonun loyihasini uchinchi o‘qishda qabul qilib, Senatga yubordi.
Hujjatga ko‘ra, tadbirkorlar jarima solish to‘g‘risidagi qaror topshirilgan kundan boshlab bir oy ichida jarimaning 50 foizini ixtiyoriy to‘lasa, qolgan qismini to‘lashdan ozod etilishi mumkin.
Shuningdek, jarimani 6 oy davomida bo‘lib-bo‘lib to‘lash imkoniyati nazarda tutilmoqda.
Agar jarima to‘g‘risidagi qaror bekor qilinsa yoki haqiqiy emas deb topilsa, noqonuniy undirilgan mablag‘ qaytariladi. Qaytarish kechiktirilgan taqdirda, Markaziy bank asosiy stavkasining uch yuzdan biri miqdorida foiz to‘lash tartibi joriy etiladi.
Hozircha bu qoidalar qonun loyihasida nazarda tutilgan, kuchga kirmagan.
O‘zbekistonda moda va dizayn sohasi uchun malakali mutaxassislar tayyorlashga ixtisoslashgan yangi davlat oliy ta’lim muassasasi tashkil etiladi.
Prezidentning 2026-yil 16-oktyabrdagi PQ–378-son qaroriga muvofiq, Toshkent xalqaro moda akademiyasi tashkil etiladi. Akademiya Yengil sanoatni rivojlantirish agentligi tizimida faoliyat yuritadi.
Yangi oliygoh Toshkent to‘qimachilik va yengil sanoat instituti hamda Parij xalqaro moda akademiyasining qo‘shma ta’lim dasturi negizida tashkil etiladi.
Mazkur dasturda tahsil olayotgan barcha talabalar o‘qishini yangi akademiyada davom ettiradi. Bitiruvchilarga Toshkent xalqaro moda akademiyasining diplomi beriladi.
O‘quv jarayoni 2026/2027 o‘quv yilidan boshlanadi. Akademiyada xalqaro qo‘shma dasturlar bilan bir qatorda, mustaqil ta’lim dasturlari asosida bakalavr va magistrlar tayyorlashga ham ruxsat etiladi.
2027/2028 o‘quv yilidan boshlab to‘qimachilik, tikuvchilik, trikotaj va charm-poyabzal sohalarida korxonalar buyurtmasi asosida dual ta’lim joriy qilinadi. Bunda talabalar nazariy bilim olish bilan birga ishlab chiqarish jarayonlarida ham ishtirok etadi.
Shuningdek, yengil sanoat yo‘nalishidagi texnikumlarni muvaffaqiyatli tamomlagan, o‘rtacha bahosi akademiya belgilagan talabga javob beradigan bitiruvchilarga bakalavriatning uchinchi bosqichidan to‘lov-kontrakt asosida o‘qishni davom ettirish imkoniyati yaratiladi.
Akademiya bazasida davlat buyurtmasi asosida turli tashkilotlar uchun kiyim-bosh dizaynini ishlab chiqish va milliy brendlarni shakllantirish ham yo‘lga qo‘yiladi.
Qarorda xorijiy mutaxassislar va talabalarni jalb qilish uchun ko‘p martalik vizalar rasmiylashtirish tartibi ham nazarda tutilgan.
Bundan tashqari, 2028-yil yakuniga qadar davlat-xususiy sheriklik asosida 400 o‘rinli talabalar turar joyi quriladi. Ungacha akademiyaga o‘tkazilgan talabalar Toshkent to‘qimachilik va yengil sanoat instituti yotoqxonasidan belgilangan tartibda foydalanishi mumkin.
Xorijda o‘zbek milliy taomlariga ixtisoslashgan restoran yoki oshxona tashkil etgan mahalliy tadbirkorlar ayrim xarajatlarining 50 foizigacha bo‘lgan qismini subsidiya sifatida qaytarib olishi mumkin.
Ushbu xizmat Turizm qo‘mitasi tomonidan my.gov.uz Yagona interaktiv davlat xizmatlari portali orqali bepul ko‘rsatiladi.
Subsidiya O‘zbekistonda davlat ro‘yxatidan o‘tgan va xorijda milliy restoran tashkil etgan tadbirkorlik subyektlariga ajratiladi.
Ariza topshirishda restoranning xorijiy davlatda ro‘yxatdan o‘tganini va binodan foydalanish huquqini tasdiqlovchi hujjatlar, sanitariya va yong‘in xavfsizligi talablariga muvofiqlik bo‘yicha ma’lumotlar taqdim etilishi kerak.
Shuningdek, restoranni tashkil etish bilan bog‘liq amalga oshirilgan xarajatlarni tasdiqlovchi hujjatlar, zaruratga qarab O‘zbekistondan mahsulot yetkazib berilganini tasdiqlovchi ma’lumotlar va ularning rasmiy tarjimasi so‘ralishi mumkin.
Restoranning ichki va tashqi ko‘rinishini aks ettiruvchi fotosuratlar ham arizaga ilova qilinadi.
Ariza my.gov.uz portali orqali elektron shaklda yuboriladi va 18 ish kuni ichida ko‘rib chiqiladi. Ijobiy qaror qabul qilinsa, subsidiya mablag‘lari 7 ish kuni ichida tadbirkorning bank hisobvarag‘iga o‘tkaziladi.
Arizada kamchiliklar aniqlangan taqdirda, tadbirkorga ularni bartaraf etib, hujjatlarni qayta taqdim qilish imkoniyati beriladi.
Qoraqalpog‘iston Respublikasidagi Ekologiya va iqlim o‘zgarishi milliy qo‘mitasi huzuridagi «Sayg‘ochiy» kompleks landshaft buyurtma qo‘riqxonasida yovvoyi hayvonlarni suv bilan ta’minlash maqsadida beshta avtonom suv ichish tizimi o‘rnatildi.
Tashabbus Ekologiya qo‘mitasi tomonidan BMT Taraqqiyot dasturi (BMTTD) va Global ekologik jamg‘arma (GEF) bilan hamkorlikda «Aral Sea Wetlands» loyihasi doirasida amalga oshirildi.
Suv resurslari cheklangan Ustyurt cho‘li sharoitida qo‘shimcha suv manbalarining mavjudligi sayg‘oqlar va mahalliy faunaning boshqa vakillarini saqlab qolishda muhim ahamiyatga ega.
Avtonom tizimlar quyosh energiyasida ishlaydi va to‘liq avtomatlashtirilgan. Ularning har biri 3 kub metr sig‘imga ega suv havzalari, nasoslar, datchiklar va hisoblagichlar bilan jihozlangan. Bu markazlashgan elektr energiyasi va suv ta’minoti manbalariga doimiy ulanish zaruratisiz suvni barqaror yetkazib berish imkonini beradi.
Suv ichish tizimlari bilan bir qatorda hududga 10 ta kamera va 10 ta fototuzoq ham o‘rnatildi. Ular hayvonlarni sutka davomida kuzatish, harakatlanishi va suv ichish joylaridan foydalanishini qayd etish, shuningdek, populyasiyalar holatini keyingi monitoring qilish uchun ma’lumot to‘plash imkonini beradi.
Ustyurtning og‘ir tabiiy sharoitida yashaydigan sayg‘oqlar uchun qo‘shimcha suv manbalarining yaratilishi yovvoyi hayvonlar populyasiyalarini saqlash va tiklashda muhim ahamiyat kasb etadi.
Avtonom suv ichish tizimlarining o‘rnatilishi Ustyurtda bioxilma-xillikni asrash bo‘yicha amalga oshirilayotgan chora-tadbirlardan biri bo‘lib, zamonaviy kuzatuv vositalari orqali hayvonlar holatini monitoring qilish va zarur ma’lumotlarni to‘plash imkonini ham beradi.
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Iqtisodiyot4 days ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat4 days ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Iqtisodiyot2 days ago
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
-
Jamiyat4 days ago
O‘zbekiston do‘konlarida 73 turdagi mahsulot sifatsiz deb topildi