Sport
«MYu», «Liverpul» va «Chelsi» yutqazdi, «Siti»da yirik g‘alaba. Kun o‘yinlari
Shanba oqshomida Yevropa futbolida ro‘y bergan asosiy voqealar, o‘yinlardagi gollar va turnir jadvallaridagi vaziyat.
Angliya: favoritlardan faqat «Siti»da g‘alaba
«Brentford» – «Manchester Yunayted» 1:3
Gollar: Tiago, 8 (1:0). Tiago, 20 (2:0). Sheshko, 26 (2:1). Yyensen, 90+5 (3:1)
Aniq ijro etilmagan penalti: Brunu Fernandesh, 76’
«Brentford»: Kelleher, van der Berg, Kollinz, Hiki (Henri, 75), Kayode, Henderson (Oneka, 81), Yarmolyuk, Damsgor (Yanelt, 81), Shade, Uattara (Lyuis-Potter, 75), Tiago (Yyensen, 90)
«Manchester Yunayted»: Altay Bayindir, Maguayr (Yoro, 66), Shou (Maunt, 81), de Liht, Brunu Fernandesh, Ugarte (Maynu, 66), Dorgu (Zirkze, 85), Dalot, Kunya, Mbemo, Sheshko
Ogohlantirishlar: Kollinz, 72. Shade, 80 – Brunu Fernandesh, 55. Dorgu, 84
Turni shu kuni o‘ziga xos bo‘lmagan qora-sariq rangli formada maydonga tushgan «MYu» ochib berdi. Klub bu ranglarda 90-yillar boshlarida, o‘z tarixida ilk bor ketma-ket ikki chempionlikka erishgan davrida o‘ynagan. Ammo bu ham jamoaga yordam bermadi va o‘yin startidayoq tezkor gol o‘tkazib yuborildi. Hujumda to‘p yo‘qotilgach, Henderson o‘z jamoasi jarima maydoni yaqinida turib uzun pas uzatdi, Maguayr sun’iy ofsayd holati yuzaga keltirishga ulgurmadi va to‘pni boshda o‘ziga bo‘ysundirib olgan Igor Tiago kuchli zarba bilan yaqin «to‘qqizlik»ni nishonga oldi.
Keyinroq bir necha ajoyib seyvlar amalga oshirgan Bayindirda bu vaziyatda imkoniyat yo‘q edi. Ko‘p o‘tmay Tiago qaytgan to‘pni darvozaga kiritib yuborib, dublini rasmiylashtirganida ham.
20-daqiqaga kelib ikki gol farqi bilan ortda qola boshlagan mehmonlarda hech qanday imkoniyat qolmagandek ko‘ringandi. Ammo «qizil iblislar» tezda o‘ziga kelishdi va hisobni qisqartirishdi. Qarshi hujumda Patrik Dorgu to‘pni jarima maydoniga yetkazib berganida, tartibsizlik yuzaga keldi va «MYu»ning yozdagi xaridlaridan biri Benyamin Sheshko uchinchi urinishda to‘pni darvozaga yo‘llab, debyut golini nishonladi.
Ikkinchi bo‘lim boshida «Brentford» yana raqibdan yaxshiroq boshladi va ketma-ket hujumlar uyushtirdi. Lekin gol ko‘proq mehmonlarga zarur edi va Ruben Amorim 66-daqiqada ikkitalik almashtirish amalga oshirdi. Leni Yoro shu kuni yuqori himoya chizig‘ida yaxshi harakatlana olmagan Maguayrning o‘rniga tushdi. Tayanch yarimhimoyachisi Manuel Ugarte esa hujum vakili Kobbi Maynuga o‘rnini bo‘shatib berdi.
Shu kuni mezbon muxlislar tomonidan hushtakbozlikka uchragan Brayan Mbemo 76-daqiqada «MYu» uchun penalti ishladi. VAR bu epizodni Neytan Kollinzni maydondan chetlatish ehtimoli bo‘yicha jiddiy ko‘rib chiqdi, ammo futbolchiga ko‘rsatilgan sariq kartochka yetarli deb topildi.
Nuqtaga «MYu» sardori Brunu Fernandesh yaqinlashdi, ammo u bu mavsumda ikkinchi bor 11 metrdan muvaffaqiyatsiz zarba berdi. Kelleher esa o‘z darvozasiga belgilangan so‘nggi beshta penaltidan uchtasini qaytarmoqda. Bu epizod amalda o‘yin taqdirini hal qildi. Qolgan vaqt davomida «Yunayted» bosim qilishga urindi, ammo chinakamiga xavfli vaziyat yarata olmadi. O‘yinga qo‘shib berilgan daqiqalarda esa «Brentford» qarshi hujumda uchinchi golni ham urdi. «Manchester Yunayted» 2024 yil may oyidan buyon APLda qatorasiga ikki g‘alabaga erisha olmayapti. Amorim o‘jarlik bilan o‘zining 3-4-3 sxemasidan voz kechmasdan, o‘z iste’fosini yaqinlashtirmoqda.
«Brentford» yozda «Tottenhem» boshqaruviga yo‘l olgan Tomas Franksiz ham, sobiq jamoadoshlariga qarshi o‘ynagan Mbemosiz ham, Isak o‘rniga «Nyukasl»ga o‘tib ketgan Vissasiz ham, jamoa sardorligidan «Arsenal»ning zaxira o‘rindig‘ini afzal ko‘rgan Norgarsiz ham APLda munosib ishtirok etmoqda.
«Kristal Pelas» – «Liverpul» 2:1
Gollar: Sarr, 9 (1:0). Kiyeza, 87 (1:1). Nketia, 90+7 (2:1)
«Kristal Pelas»: Henderson, Lakrua, Gehi, Richards, Kamada (Devenni, 90+1), Uorton (Hyuz, 62), Mitchell, Munyos, Sarr (Nketia, 75), Pino (Lerma, 74), Mateta
«Liverpul»: Alisson, van Deyk, Konate (Frimpong, 74), Kerkez, Bredli (Gakpo, 46), Makallister (Jons, 65), Gravenberh, Soboslai, Virs (Kiyeza, 74), Saloh, Isak (Ngumoha, 84)
Ogohlantirishlar: Nketia, 78 – Konate, 26. van Deyk, 61. Kiyeza, 77
«Liverpul» bu mavsumda muxlislarini eng qiyin vaziyatlardan chiqib ketishiga o‘rgatib qo‘ygandi. Bu o‘yinda ham hisob 0:1 holatida ko‘pchilik barchasi o‘yin oxirida hal bo‘lishini kutayotgandi. O‘yin davomida Alisson juda ko‘p marta qutqardi va intrigani saqlab turdi. Londonliklar barcha jabhalarda peshqadamdan ustun edi: jami zarbalar (10:6), darvoza sohasiga to‘g‘ri borgan zarbalar (4:2), to‘pni olib qo‘yishlar (13:1) va hatto muvaffaqiyatli fintlar (4:2) bo‘yicha ham.
Lekin 87-daqiqada Kiyeza hisobni tenglashtirganida, «Kristal Pelas» ham so‘nggi daqiqalar qurboniga aylanadigandek ko‘rina boshladi. Ammo londonliklar nafaqat yutqazmaslikni, balki mavsum startidagi besh o‘yinda besh g‘alabaga erishgan chempionni ularning uslubida nokautga uchratishni uddaladi. O‘yinga qo‘shib berilgan yettinchi daqiqada mezbonlar aut ijrosidan keyin mehmonlar mudofaasini dog‘da qoldirishdi va Nketia yaqin masofadan turib to‘pni darvozaga yo‘lladi. Unga assistni yozgi transferlarning oxirgi kunida «Liverpul»ga o‘tishi amalga oshmay qolgan himoyachi Mark Gehi bergani dramani yanada kuchaytirdi. Mavsumdagi ilk mag‘lubiyatdan keyin ham mersisaydliklar turnir jadvalining birinchi o‘rnida qolishdi, «Pelas» esa hozircha ikkinchi o‘ringa ko‘tarildi.
Oliver Glasner jamoasi qatorasiga o‘n sakkiz o‘yinda mag‘lub bo‘lmagan holda o‘tgan asrda o‘rnatilgan klub rekordini takrorladi. Agar faqat APL o‘yinlari hisobga olinsa, «burgutlar» o‘z tarixida ilk bor 12 o‘yindan iborat mag‘lubiyatsiz seriyasini davom etmoqda va bu mavsumda ham hali yutqazmagan yagona jamoa bo‘lib qolmoqda.
«Manchester Siti» – «Byornli» 2:1
Gollar: Estev, 12 – avtogol (1:0). Entoni, 38 (1:1). Mateus Nunes, 61 (2:1). Estev, 65 – avtogol (3:1). Holand, 90 (4:1). Holand, 90+3 (5:1)
«Manchester Siti»: Donnarumma, Ruben Diash, Gvardiol (Ake, 70), O`Rayli (Lyuis, 83), Mateus Nunes, Gonsales, Reynders (Bernardu Silva, 83), Foden, Doku, Savio (Bobb, 62), Holand
«Byornli»: Dubravka, Estev, Ekdal, Loran, Hartman (Hamfris, 88), Uoker, Florentinu, Kallen (Ugochukvu, 79), Entoni (Mejbri, 88), Chauna (Brun Larsen, 62), Foster (Broyya, 80)
Ogohlantirishlar: Foden, 83 – Xartman, 27. Uoker, 30. Entoni, 63
«Manchester Siti» esa «Byornli»ni so‘nggi daqiqalardagi gollar evaziga yirik hisobda mag‘lub etdi. O‘yinning eng omadsiz futbolchisi mehmonlar himoyachisi Estev bo‘ldi — u ikki bor o‘z jamoasi darvozasini ishg‘ol etib qo‘ydi. APLning butun tarixida bunday holat faqat olti bor kuzatilgan. O‘yinning eng yaxshi futbolchisi maqomini esa qo‘shimcha daqiqalarda dublni rasmiylashtirgan Holand ilib ketdi. Erling o‘yin taqdirini hal qilmadi, ammo turnir tarixidagi eng yaxshi norvegiyalik to‘purarga aylanib oldi. «Shaharliklar» forvardi «MYu»ning sobiq hujumchisi Ule-Gunnar Sulsherni quvib o‘tib, ligadagi gollari sonini 97 taga yetkazib olishi uchun 103 o‘yin yetarli bo‘ldi.
«Chelsi» – «Brayton» 1:3
Gollar: Fernandes, 24 (1:0). Uelbek, 77 (1:1). De Keyper, 90+2 (1:2). Uelbek, 90+10 (1:3)
«Chelsi»: Sanches, Xato (Badiashile, 79), Chaloba, Kukurelya, Jyeyms, Santos (Achimpong, 54), Kaysedo, Fernandes, Pedru
Netu (Lavia, 79), Estevan (Gyusto, 63), Joao Pedro
«Brayton»: Verbryuggen, Dank, van Hekke, Ferdi Kadio‘g‘li, Veltman (Viffer, 55), Baleba (Gruda, 67), Ayyari, Gomes (De Keyper, 85), Mitoma (Uelbek, 67), Minte, Ryutter (Tsimas, 85)
Ogohlantirishlar: Kukurelya, 42. Jyeyms, 66. Badiashile, 89 – Veltman, 9. Viffer, 64. van Hekke, 89. Dank, 90. Uelbek, 90
Chetlatish: Chaloba, 53
Shu kuni «Chelsi» himoyachisi Chalobaning faoliyatidagi eng yomon o‘yinlardan biri bo‘ldi. U maydondan chetlatilgan 53-daqiqaga qadar ko‘klar jamoasi hisobda oldinda borayotgan va navbatdagi g‘alabani rasmiylashtirishiga ko‘pchilik shubha qilmayotgandi. Ammo «Stemford Brij» mezbonlari kamchilik bo‘lib qolgach, hisobdagi ustunligini saqlab qololmadi. Avvaliga zaxiradan tushgan Uelbek muvozanatni tikladi, u Mintening ajoyib uzatmasidan keyin darvozabon hududida turgan holda aniq zarba berishi yetarli edi. O‘yin oxirida esa londonliklar kuchli bosimga dosh bera olmadi. Qanotdan amalga oshirilgan yana bir hujum Viffer to‘pni qulay pozitsiyada turgan De Kayperga tashlab berishi va jarohatdan tuzalib safga qaytgan himoyachi g‘alaba golini urishi bilan yakunlandi. «Chelsi» sardori Jyeymsning penalti ishlashga urinishi besamar ketganida, «Brayton» pressing bilan to‘pni olib qo‘ydi va Uelbek ikkinchi golini urdi. Endi oxirgi uch o‘yinda atigi bir ochko ishlagan Enso Mareska shogirdlari turnir jadvalining sakkizinchi o‘rniga tushib ketdi.
«Tottenhem» – «Vulverhempton» 1:1
Gollar: S. Bueno, 54 (0:1). Palinya, 90+4 (1:1)
«Tottenhem»: Vikario, Romero, van de Ven, Udodji (Tel, 84), Spens (Porro, 63), Palinya, Bentankur (Jonson, 62), Bergvall (Sarr, 78), Simons (Odober, 78), Quddus, Risharlison
«Vulverhempton»: Jonston, S. Bueno, Kreychi, Doerti (Agbadu, 46), Andre, Gomes (Bellegard, 64), U. Bueno, Munetsi, Arias (Gomesh, 90+2), Hvang Xi Chhang (Chachua, 46), Larsen (Arokodare, 84)
Ogohlantirishlar: Simons, 32. Bergvall, 65. Palinya, 90 – Doerti, 35. Gomes, 39
Kuning oxirgi o‘yinida «Tottenhem» ham boshqa yetakchi jamoalarga qo‘shilib, turni omadsiz o‘tkazdi. Shporlar autsayder «Vulverhempton»ga qarshi o‘yinning asosiy vaqtida hisobda ortda bordi. Londonga safariga qadar hisobida birorta ochko bo‘lmagan «bo‘rilar» Buenoning APLdagi ilk goli evaziga uch ochko bilan qaytishga yaqin edi. Ammo o‘yinga qo‘shib berilgan to‘rtinchi daqiqada Sarr va Joau Palinyaning sa’y-harakatlari evaziga mezbonlar sharmandalikdan qutulib qolishdi.
Ispaniya: «sariq submarinalar» kuchli uchlikda
«Vilyarreal» – «Atletik» 1:0
Gol: Moleyro, 77 (1:0)
«Vilyarreal»: Luis Junior, Marin, Veyga, Kardona, Mourinio, Partey (Parexo, 72), Geyye, Solomon (Moleyro, 72), Axomax (Byukenen, 46), Mikautadze (Oluvaseyi, 72), Pepe (Pedrasa, 90)
«Atletik»: Simon, Vivian, Lyaport, Berchiche, Lekue, Ruis de Galarreta (Vesga, 67, Rego, 74), Xauregisar, Sanset, Gomes (Navarro, 57), Inyaki Uilyams (Sannadi, 75), Guruseta (Areso, 68)
Ogohlantirishlar: Byukenen, 83. Parexo, 90
Shanba kungi Madrid derbisi Ispaniyada boshqa voqealarni soyada qoldirdi. Lekin shu kuni «Vilyarreal» YeChL yo‘llanmasi uchun kurashdagi asosiy raqiblaridan biri «Atletik» bilan orani ochiq qildi. Minimal hisobdagi g‘alabadan keyin «sariq submarinalar» uchinchi o‘rinni mustahkamladi va eng yaqin ta’qibchisi «Atletiko»ni to‘rt ochkolik farq bilan ortda qoldira boshladi. Shu bilan birga, Marselino Toral jamoasi natijani oldinroq hal qilishi ham mumkin edi, ammo Pepe Byukenen tashlab bergan to‘pni bir necha metr masofadan turib darvoza to‘riga kirita olmadi. Moleyro esa to‘pga qanday moslashish bo‘yicha ivuarlik jamoadoshiga saboq berdi va to‘p noqulay kelganiga qaramay, uni ustun yonidan darvoza to‘riga kiritdi. «Vilyarreal» uchun navbatdagi sinov, YeChL ikkinchi tur o‘yinidan keyin «Real» maydoniga safar bo‘ladi.
Italiya: «Yuve»da yana durang
«Yuventus» – «Atalanta» 1:1
Gollar: Sulemana, 45+1 (0:1). Kabal, 78 (1:1)
«Yuventus»: Di Gregorio, Bremer (Kabal, 76), Kelli, Gatti (Joao Mariu, 64), Kopmeyners, Tyuram (Makkenni, 58), Kambiyaso, Kalyulyu, Kenan Yildiz, Adjich (Vlahovich, 58), Openda (Jyegrova, 64)
«Atalanta»: Karnesekki, Jimsiti, Axanor, Kossunu, Pashalich, de Ron, Dzappakosta, Bellanova, Sulemana (De Ketelare, 61), Samardjich (Musa, 76), Krstovich (Breshanini, 82)
Ogohlantirishlar: de Ron, 32. Dzappakosta, 87
Chetlatish: de Ron, 80 (ikkinchi sariq)
«Yuventus» «Inter» bilan o‘yindagi fenomenal g‘alabadan (4:3) keyin qatorasiga ikki bor durang o‘ynadi. «Verona» maydonidagi durangga aniq ochko yo‘qotish deb qaralsa, «Atalanta» bilan o‘yin natijasiga aniq baho berish qiyin. Bir tomondan, bergamoliklar hujumkor jamoa va Sulemananing ikki himoyachidan qochib ketib, burchakni aniq poylagani mehmonlarning yagona goli bo‘lib qolmasligi ham mumkin edi. Shu bilan birga, Kabal hisobni tenglashtirganidan keyin «Keksa sinioralar» g‘alabani ilib ketishga ham yaqin kelishdi. Turinliklar o‘yin oxirida to‘pga va hududlarga egalik qilishdi, 80-daqiqada De Ron ikkinchi sariq kartochkani olganidan keyin son jihatdan ham ustunlikka ega bo‘lishdi. Ammo yakuniy shturmda Makkenni yaqin pozitsiyada turib gol ura olmadi va hisob o‘zgarmay qoldi.
«Kalyari» – «Inter» 0:2
Gollar: L. Martines, 9 (0:1). F. Espozito, 82 (0:2)
«Kalyari»: Kaprile, Mina, Luperto, Ze Pedru (Gaetano, 58), Adopo, Deyola (Felichi, 58), Folorunsho (Idrissi, 77), Obert (Borrelli, 77), Pelestra, Belotti (Prati, 44), Seb. Espozito
«Inter»: X. Martines, de Vrey, Bastoni, Akandji, Xakan Chalxanoglu, Mxitaryan, Barella (Frattezi, 64), Karlos Augustu (Dimarko, 46), Luis Enrike (Dyumfris, 72), Tyuram (F. Espozito, 64), L. Martines (Bonni, 89)
Ogohlantirishlar: Karlos Augustu, 45. Barella, 59
Lautaro Martines qatorasiga uch turdan buyon gol urolmayotgandi. Ammo argentinalik hujumchi boshlang‘ich tarkibga qaytishi bilanoq Bastonining uzatmasidan foydalanib, hisobni ochdi. Bu Martines uchun A Seriyada «Inter» uchun urilgan 117-gol bo‘ldi va u neradzurrilar tarixidagi to‘purarlar ro‘yxatida Sandro Matssolani ortda qoldirgan holda beshinchi o‘ringa ko‘tarildi. Undan yuqorida faqat Juzeppe Meatssa (197), Benito Lorensi (138), Ishtvan Niyersh (133) hamda Alessandro Altobelli (128) joylashgan. O‘yin oxirida esa Kristin Kivu yoshlar jamoasidan jalb etgan Pio Espozito chempionatdagi ilk golini nishonladi. Klub tarbiyalanuvchisi hisoblangan, o‘tgan mavsumni «Spetsiya»da ijara asosida o‘tkazgan yosh hujumchini murabbiy klublar o‘rtasidagi jahon chempionatida ham sinab ko‘rgandi va u asta-sekin asosiy jamoa a’zosiga aylanib bormoqda. Tyuram o‘rniga tushirilgan 20 yoshli forvard Dimarkoning uzatmasini golga aylantirdi.
APLda yakshanba kuni o‘tkazilgan so‘nggi tur o‘yinlaridan keyin qaysi jamoalar qaysi yevrokuboklarda ishtirok etishi va qaysi jamoalar chempionshipga tushib ketishi aniq bo‘ldi. Bundan tashqari, shu kuni «Siti» va «Liverpul» o‘z afsonalari bilan xayrlashdi.
«Arsenal» g‘alaba bilan yakunladi
«Kristal Pelas» – «Arsenal» 1:2
Gollar: Jyezus, 42 (0:1), Madueke, 48 (0:2), Mateta, 89 (1:2).
Muddatidan oldin chempion bo‘lib ulgurgan «Arsenal» natijasi o‘zi uchun hech qanday ahamiyatga ega bo‘lmagan o‘yinda ikkinchi tarkibni tushirib, g‘alaba qozondi. «Kristal Pelas» ham shu kuni aralash tarkibda o‘ynadi: jamoa uch kun o‘tib Konferensiyalar ligasi finalida «Rayo Valekano»ga qarshi o‘yin o‘tkazadi. O‘yinning 42-daqiqasida Gabriel Jyezus «Arsenal»ni hisobda oldinga olib chiqdi. Ikkinchi bo‘lim boshida Madueke burchak zarbasidan keyin ikkinchi golni urdi. Barcha o‘yin yakunini kutayotganida «Pelas» oldinga o‘tdi va 89-daqiqada Jan-Filipp Mateta hisobni qisqatirdi. O‘yinga qo‘shib berilgan daqiqalarda mezbonlar hisobni tenglashtirishgandi, ammo Pinoning goli Evann Gessandagi ofsayd tufayli bekor qilindi.
O‘yindan keyin esa chempionlar oltin medallarni va kubokni qabul qilib olishdi hamda 22 yil kutilgan chempionlikni yorqin nishonlashdi.
«Siti» «Bornmut»ni YeChLsiz qoldirdi
«Manchester Siti» – «Aston Villa» 1:2
Gollar: Semenyo, 23 (1:0). Uotkins, 47 (1:1). Uotkins, 61 (1:2)
«Manchester Siti»: Trafford, Ruben Diash, Stouns (Ayt Nuri, 77), Ake (Gvardiol, 77), Lyuis, Gonsales, Bernardu Silva (Kovachich, 59), Savio, Semenyo (Sherki, 58), Reynders (Doku, 77), Foden
«Aston Villa»: Bizot, Lindelyof (Pau Torres, 74), Mings, Matsen, Garsiya (Kesh, 46), Duglas Luis (Tilemans, 74), Bogard (Onana, 74), Barkli (Makginn, 86), Buendiya, Beyli, Uotkins
Ogohlantirish: Lyuis, 82
«Liverpul» – «Brentford» 1:1
Gollar: Jons, 58 (1:0). Shade, 64 (1:1)
«Liverpul»: Alisson, van Deyk, Konate (Gomes, 89), Roberson (Kerkez, 83), Jons, Makallister, Gravenberh (Nioni, 83), Soboslai, Ngumoha (Virs, 73), Saloh (Frimpong, 74), Gakpo
«Brentford»: Kelleher, van der Berg, Kollinz, Lyuis-Potter (Nelson, 89), Kayode, Henderson (Hiki, 60), Yanelt, Yyensen (Damsgor, 83), Shade, Uattara, Tiago
Ogohlantirishlar: Konate, 79. Makallister, 90 – Yanelt, 90. Kollinz, 90
Manchesterning ko‘k tomoni va Liverpulning qizil tomoni afsonalarini kuzatishdi. Xosep Gvardiola, Bernardu Silva, Jon Stounz, Endi Roberson va Muhammad Saloh endi «Siti» va «Liverpul» liboslarida boshqa o‘ynashmaydi. Lekin har ikki jamoa ham xayrlashuv uchrashuvlarini g‘alaba bilan yakunlay olishmadi.
«Manchester Siti» «Aston Villa»ga qarshi o‘yinda dastlab Semenyoning goli orqali hisobni ochganiga qaramay, ikkinchi bo‘limda Uotkinsning o‘zidan ikkita gol o‘tkazib yubordi. O‘yin oxirlarida Fodenning hisobni tenglashtiruvchi goli inobatga olinmadi va «shaharliklar» mavsumni mag‘lubiyat bilan yakunlaydigan bo‘lishdi. Shu bilan birga, jamoa bu orqali o‘zini chempionlik poygasidan chiqarib yuborgan «Bornmut»dan o‘ziga xos tarzda qasos olishdi. «Aston Villa»ning g‘alabasi Andoni Iraola shogirdlarini YeChL yo‘llanmasidan mahrum etdi.
«Liverpul» esa uyda «Brentford» bilan durang (1:1) o‘ynadi va keyingi mavsum YeChLda ishtirok etadigan bo‘ldi. O‘yinning birinchi bo‘limida hisob ochilmadi, ikkinchi bo‘lim boshida esa shu kuni klub safida so‘nggi o‘yinini o‘tkazayotgan Muhammad Saloh Jonsga assistentlik qilib, yana bir klub rekordini o‘rnatdi – u APL o‘yinlaridagi golli paslari sonini 93 taga yetkazib, bu borada Stiven Jyerrardning natijasini yaxshiladi. Mezbonlar g‘alabani saqlab qola olishmadi: Kevin Shade biroz o‘tib hisobni tenglashtirdi, qolgan daqiqalarda mersisaydliklar sobiq darvozaboni Kelleherga boshqa gol ura olishmadi.
O‘yin oxirlarida Saloh va Roberson «Enfild»da yig‘ilgan muxlislarning olqishlari ostida zaxiraga olindi.
Fernandeshda rekord
«Brayton» – «Manchester Yunayted» 0:3
Gollar: Dorgu, 33 (0:1). Mbemo, 44 (0:2). Brunu Fernandesh, 48 (0:3)
«Brayton»: Verbryuggen, Dank, van Hekke, Ferdi Kadio‘g‘li, Viffer, Milner (Baleba, 59), Gros, Hinshelvud (Ryutter, 74), De Keyper (Minte, 46), Gomes (March, 59), Uelbek (Kostulas, 59)
«Manchester Yunayted»: Lammens, Maguayr, Martines, Shou (Malasia, 82), Mazraviy (Yoro, 74), Maunt (Fletcher, 74), Maynu, Brunu Fernandesh, Dorgu (Leysi, 62), Diallo, Mbemo (Zirkze, 74)
Ogohlantirishlar: Maynu, 45
«MYu» allaqachon uchinchi o‘rinni kafolatlagandi va «Brayton»ga qarshi o‘yin oldidan jamoa uchun bitta intriga bor edi – jamoa sardori Brunu Fernandesh APL tarixidagi eng yaxshi assistentga aylanadimi? Va bu maqsadga erishildi: portugaliyalik yarimhimoyachi birinchi bo‘limdayoq Dorguning goliga uzatma berdi va bu mavsumdagi golli uzatmalari sonini 21 taga yetkazib, APL rekordchisiga aylandi. U ikkinchi bo‘limda o‘z nomiga ham gol yozdirib qo‘yib, Angliya chempionatidagi golli harakatlar soni (143) bo‘yicha Devid Bekhemni ortda qoldirdi. Shu ritmda davom etadigan bo‘lsa, Brunu keyingi mavsumda Pol Skoulzni (162) ortda qoldirib, uchinchi o‘ringa ko‘tarilishi ham mumkin. Ammo unga Ueyn Runi (276) va Rayan Giggzga (271) yaqinlashib olish uchun ham ko‘p yillar kerak bo‘ladi.
«Brayton» esa bu mag‘lubiyatdan keyin turnir jadvalida «Sanderlend»ni oldinga o‘tkazib yubordi va keyingi mavsumda Yevropa Ligasida emas, Konferensiyalar ligasida qatnashadigan bo‘ldi.
«Chelsi» 10-o‘rinda
«Sanderlend» – «Chelsi» 2:1
Gollar: Hyum, 25 (1:0). Gyusto, 50 – avtogol (2:0). Palmer, 56 (2:1)
«Sanderlend»: Rufs, O`Nayyen, Mukiyele, Mandava, Gertreyda, Sadiki, Jaka, Le Fe (Rigg, 90), Angulo (Diarra, 61), Hyum, Brobbi (Izidor, 61)
«Chelsi»: Sanches, Kolvill, Xato (Jyeyms, 53), Fofana, Fernandes, Kaysedo (Achimpong, 85), Kukurelya, Gyusto (Delap, 85), Palmer, Pedru Netu (Chaloba, 65), Joao Pedro
Ogohlantirishlar: Angulo, 42. Gertreyda, 52. Jaka, 73. Diarra, 81. Sadiki, 89 – Fofana, 54. Fernandes, 69. Joao Pedro, 90. Palmer, 90
Chetlatish: Fofana, 62 (ikkinchi sariq)
Shu kuni yevrokuboklar yo‘llanmasini qo‘lga kiritgan yana bir baxtiyor jamoa – chempionshipdan chiqqan «Sanderlend» bo‘ldi. «Qora mushuklar» o‘zaro bahsda «Chelsi»ni mag‘lub etgan holda, o‘z tarixidagi eng yaxshi natijani qayd etdi va yettinchi o‘rin bilan Yevropa ligasida qatnashadigan bo‘ldi.
O‘tgan mavsumda Konferensiyalar ligasida va klublar o‘rtasidagi jahon chempionatida g‘olib bo‘lgan londonliklar esa bu mavsumni APLda 10-o‘rin bilan yakunlab, keyingi mavsumda hech qaysi yevrokubokda qatnashmaydigan bo‘ldi. Bu bir tomondan yozda jamoani qabul qilib oladigan Habi Alonso uchun ayni muddao. U«Stemford Brij»da o‘z o‘yinini qurish uchun ideal sharoitga ega bo‘ladi.
«Tottenhem» APLda qoldi
«Tottenhem Hotspur» – «Everton» 1:0
Gol: Palinya, 43 (1:0)
«Tottenhem Hotspur»: Kinski, Danso, van de Ven, Udodji (Dregushin, 90), Porro, Palinya, Bentankur (Meddison, 82), Gallaher (Grey, 82), Tel (Sarr, 73), Spens, Risharlison (Kolo Muani, 73)
«Everton»: Pikford, Kin, Tarkovski, Mikolenko, O`Brayyen (Armstrong, 62), Garner, Iroegbunam (Koulman, 84), Ndiay, Dyusberi-Holl (Alkaras, 84), Rel (Jorj, 62), Barri (Betu, 84)
Ogohlantirishlar: Sarr, 80. Palinya, 87 – O`Brayyen, 13. Tarkovski, 89
«Vest Hem» – «Lids» 3:0
Gollar: Kastelyanos, 67 (1:0). Bouen, 79 (2:0). Uilson, 90 (3:0)
«Vest Hem»: Hermansen, Disasi, Mavropanos, Diuf, Uoker-Piters, Fernandesh, Souchek, Pablo (Uilson, 46), Sammervill, Bouen, Kastelyanos (Kante, 88)
«Lids»: Darlou, Biyol (Jyeyms, 70), Streyk, Rodon, Ampadu, Aaronson (Bornau, 90), Tanaka (Buonanotte, 78), Jastin, Bogl (Piru, 78), Kalvert-Lyuin (Nionto, 69), Nmecha
Ogohlantirishlar: Biyol, 10. Aaronson, 25. Ampadu, 88
Bir yil muqaddam ham chempionatni muvaffaqiyatsiz o‘tkazgan «Tottenhem» Yevropa Ligasida g‘olib chiqqan va YeChLga yo‘llanma olgandi. Bu safar so‘nggi turda Joau Palinyaning yagona goli «shporlar» joniga ora kirdi. Roberto De Dzerbi qatorasiga ikkinchi mavsumda turnir jadvalida 17-o‘rinni egalladi va ligada jon saqlab qoldi. «Vest Hem» esa so‘nggi turda «Lids» ustidan yirik hisobda g‘alaba qozonganiga qaramay, «Byornli» va «Vulverhempton» bilan birga chempionshipga tushib ketdi. «Bolg‘achilar» 39 ochko jamg‘arishdi, bu esa so‘nggi 15 yillikda 18-o‘rin egalari uchun maksimal ko‘rsatkichdir. Oxirgi bor bu qadar ko‘p ochko jamg‘arib ham ligani tark etgan jamoalar «Birminghem» va «Blekpul» bo‘lgandi.
Yakuniy turnir jadvali
Sport
O‘zbekiston milliy terma jamoasining jahon chempionatida ishtirok etuvchi tarkibi e’lon qilindi
Milliy terma jamoa 26 may kuni AQShga yo‘l oladi.
Futbol bo‘yicha O‘zbekiston milliy terma jamoasi bosh murabbiyi Fabio Kannavaro Jahon chempionatida ishtirok etuvchi 30 nafardan iborat futbolchilarning ro‘yxatini e’lon qildi.
Tarkib quyidagicha ko‘rinish oldi:
Darvozabonlar: O‘tkir Yusupov (“Navbahor”), Botirali Ergashev (“Neftchi”), Abduvohid Ne’matov (“Nasaf”).
Himoyachilar: Avazbek O‘lmasaliyev (OKMK), Jahongir O‘rozov (“Dinamo”), Rustam Ashurmatov (“Istiqlol”, Eron), Umar Eshmurodov (“Nasaf”), Abduqodir Husanov (“Manchester Siti”, Angliya), Abdulla Abdullayev (“Dibba”, BAA), Farruh Sayfiyev (“Neftchi”), Hojiakbar Alijonov (“Paxtakor”), Sherzod Nasrullayev (“Paxtakor”), Behruz Karimov (“Surxon”)
Yarim himoyachilar: Sherzod Esanov (“Buxoro”), Odil Hamrobekov (“Traktor”, Eron), Akmal Mozgovoy (“Paxtakor”), Otabek Shukurov (“Baniyas”, BAA), Jamshid Iskanderov (“Neftchi”), Jasur Jaloliddinov (“So‘g‘diyona”), Aziz G‘aniyev (“Al Batayeh”, BAA), Umarali Rahmonaliyev (Sabah, Ozarbayjon)
Hujumchilar: Abbos Fayzullayev (“Istanbul Boshoqshehir”, Turkiya), Jaloliddin Masharipov (“Istiqlol”, Eron), Doston Hamdamov (“Paxtakor”), Oston O‘runov (“Persepolis”, Eron), Ruslan Jiyanov (“Navbahor”), Aziz Amonov (“Dinamo”), Sherzod Temirov (“Erbil”, Iroq), Igor Sergeyev (“Persepolis”, Eron), Eldor Shomurodov (“Istanbul Boshoqshehir”, Turkiya)
Jamoamiz 26 may kuni tongda Toshkent – Nyu-York yo‘nalishi bo‘yicha Amerika Qo‘shma Shtatlariga yo‘l oladi.
O‘zbekiston milliy terma jamoasi 26 may kuni qaysi tarkib bilan AQShga yo‘l olishi ma’lum bo‘ldi. Bu haqda Championat.asia xabar berdi.
Tarkib quyidagicha ko‘rinish oldi:
Darvozabonlar: O‘tkir Yusupov (“Navbahor”), Botirali Ergashev (“Neftchi”), Abduvohid Ne’matov (“Nasaf”).
Himoyachilar: Avazbek O‘lmasaliyev (OKMK), Jahongir O‘rozov (“Dinamo”), Rustam Ashurmatov (“Istiqlol”, Eron), Umar Eshmurodov (“Nasaf”), Abduqodir Husanov (“Manchester Siti”, Angliya), Abdulla Abdullayev (“Dibba”, BAA), Farruh Sayfiyev (“Neftchi”), Hojiakbar Alijonov (“Paxtakor”), Sherzod Nasrullayev (“Paxtakor”), Behruz Karimov (“Surxon”)
Yarim himoyachilar: Sherzod Esanov (“Buxoro”), Odil Hamrobekov (“Traktor”, Eron), Akmal Mozgovoy (“Paxtakor”), Otabek Shukurov (“Baniyas”, BAA), Jamshid Iskanderov (“Neftchi”), Jasur Jaloliddinov (“So‘g‘diyona”), Aziz G‘aniyev (“Al Batayeh”, BAA), Umarali Rahmonaliyev (Sabah, Ozarbayjon)
Hujumchilar: Abbos Fayzullayev (“Istanbul Bashakshehir”, Turkiya), Jaloliddin Masharipov (“Istiqlol”, Eron), Doston Hamdamov (“Paxtakor”), Oston O‘runov (“Persepolis”, Eron), Ruslan Jiyanov (“Navbahor”), Aziz Amonov (“Dinamo”), Sherzod Temirov (“Erbil”, Iroq), Igor Sergeyev (“Persepolis”, Eron), Eldor Shomurodov (“Istanbul Bashakshehir”, Turkiya)
Yig‘inda qatnashgan quyidagi futbolchilar AQShga bormaydi: Vladimir Nazarov, Muhammadrasul Abdumajidov, Diyor Ortiqboyev, Quvondiq Ro‘ziyev, Nodir Abdurazzoqov, Alisher Odilov, Sardor Bahromov, Husayn Norchayev, Muhammadqodir Hamraliyev.
Oldinroq O‘FA Ibrohimhalil Yo‘ldoshevning jarohati sababli JChga bora olmasligini ma’lum qilgandi.
12 raund davom etgan jang yakuniga ko‘ra, britaniyalik Jyek Katterol hakamlarning yakdil qarori bilan g‘olib deb topildi.
O‘zbekistonlik bokschi Shahram G‘iyosov yarim o‘rta vaznda (66,7 kg) WBA Regular kamari uchun jang o‘tkazdi.
U Misrning Giza shahridagi Pyramids of Giza arenasida britaniyalik Jyek Katterolga qarshi ringga chiqdi. Jang 12 raund davom etdi va Jyek Katterol hakamlarning yakdil qarori bilan g‘olib deb topildi.
Bu Shahram G‘iyosovning professional boksdagi ilk mag‘lubiyati bo‘ldi. U bunga qadar 17ta jang o‘tkazib, ularning barchasida g‘alaba qozongan va 10ta jangda raqiblarini nokautga uchratgandi.
Uning raqibi esa bugunga qadar 34ta jang o‘tkazgan bo‘lib, 32 g‘alabaga erishgan, 2ta jangda mag‘lub bo‘lgan, 14ta jangni nokaut bilan yakunlagan.
Shahram G‘iyosovning so‘nggi jangi 2025 yil 12 aprel kuni bo‘lib o‘tgandi. O‘shanda o‘zbekistonlik bokschi argentinalik Franko Okamponi 4-raundda nokautga uchratgandi.
Coca-Cola kompaniyasi O‘zbekiston futbol assotsiatsiyasi bilan hamkorlikda O‘zbekiston milliy terma jamoasini 2026 yilgi futbol bo‘yicha Jahon chempionatiga tantanali kuzatish marosimini o‘tkazdi. Tadbir butun mamlakatdan o‘n minglab muxlislar, media vakillari, hamkorlar va futbol ishqibozlarini bir joyga jamladi.
Marosimda O‘zbekiston Respublikasi prezidenti Shavkat Miromonovich Mirziyoyev ishtirok etib, tadbirni rasman ochib berdi. Davlat rahbari milliy terma jamoani futbol bo‘yicha Jahon chempionatidagi ishtiroki oldidan shaxsan qo‘llab-quvvatlashini bildirar ekan, bu tarixiy yutuqning butun mamlakat uchun alohida ahamiyatga ega ekanini ta’kidladi.
“Kelinglar, bugun hammamiz yaxshi niyat qilaylik. Jahon chempionatida futbolchilarimizni Yaratganning o‘zi qo‘llasin! Har bir o‘yinda xalqimizning duosi madadkor bo‘lsin!
Yashasin o‘zbek futboli! Yashasin Yangi O‘zbekiston yoshlari! Yashasin bunyodkor O‘zbekiston xalqi!” – deya nutqini yakunladi Shavkat Mirziyoyev.
Marosim arafasida milliy terma jamoa o‘yinchilari va murabbiylar shtabi O‘zbekiston Respublikasi prezidenti Shavkat Miromonovich Mirziyoyev bilan uchrashdi. Bu bo‘lajak turnir oldidan jamoa uchun muhim va ruhlantiruvchi voqea bo‘ldi.
Oqshomning asosiy voqeasi O‘zbekiston milliy terma jamoasining “Bunyodkor” stadionidagi o‘rtoqlik uchrashuvi bo‘ldi. Stadion o‘rindiqlari jamoani bayroqlar, hayqiriqlar va qarsaklar bilan qo‘llab-quvvatlagan muxlislar bilan to‘lib-toshdi. Bu ko‘plab mehmonlar uchun terma jamoani 2026 yilgi futbol bo‘yicha Jahon chempionatidagi tarixiy ishtiroki oldidan aynan shu tarkibda ko‘rish uchun ajoyib imkoniyatga aylandi.
“The Coca-Cola Company uchun bugun, ana shunday tarixiy bir pallada O‘zbekiston terma jamoasi yonida turish katta sharafdir. Coca-Cola — o‘zi ishlab chiqariladigan mamlakat qalbi bilan yashaydigan jahon brendidir. Biz muhim bir voqea — O‘zbekiston milliy terma jamosini futbol bo‘yicha 2026 yilgi Jahon chempionatiga kuzatish marosimining bir qismi bo‘lganimizdan chin dildan faxrlanamiz.
O‘zbekistonning har bir g‘alabasi nafaqat millat zafari, balki butun dunyodagi Coca-Cola tizimi uchun ham iftixor manbaidir. Bugun biz shunchaki hamkor emas, balki jamoamizni butun qalbimiz bilan qo‘llab-quvvatlaydigan muxlislarmiz. Futbolchilarimizga chin yurakdan kuch-quvvat, o‘ziga ishonch va jahon arenasida ulkan muvaffaqiyatlar tilaymiz. Faxr bilan olg‘a — Olg‘a, O‘zbekiston!” deya ta’kidladi Coca-Cola kompaniyasining O‘zbekistondagi bosh direktori Kazumasa Mukaye.
Tadbirning asosiy qismi boshlanishidan avval mehmonlarni stadion hududida interaktiv va mavzuli fotozonalar, tanlovlar hamda ko‘ngilochar mashg‘ulotlar kutib turardi. Coca-Cola tizimining O‘zbekistondagi ko‘p yillik va ishonchli hamkori, shuningdek, O‘zbekiston futbol assotsiatsiyasining hamkori bo‘lgan Korzinka kompaniyasi tadbir mehmonlari uchun maxsus hududlar tashkil etdi. Bu yerda mehmonlar Coca-Cola mahsulotlarini hamda milliy terma jamoaning “Oq bo‘rilar” ramzini ifodalovchi “Bek maskot”larni xarid qilish imkoniga ega bo‘ldi.
“Coca-Cola” kompaniyasi ko‘magida mamlakatning barcha hududlarida milliy terma jamoani qo‘llab-quvvatlashga qaratilgan “Collecting Voices” nomli keng ko‘lamli flesh-mob loyihasi yo‘lga qo‘yildi. Marosim vaqtida stadion ekranlarida butun mamlakat muxlislarining ovozlarini jamlagan va milliy birlik ramziga aylangan maxsus rolik namoyish etildi.
Dastur yakunida o‘zbek estradasi yulduzi Sevara Nazarxon “Olg‘a O‘zbekiston!” sadosi ostida stadion maydoniga chiqdi va bu kechaning eng hayajonli daqiqalaridan biriga aylandi.
Mazkur marosim nafaqat muhim sport tadbiri, balki O‘zbekiston terma jamoasini qo‘llab-quvvatlash yo‘lida muxlislarni birlashtirgan chinakam milliy iftixor bayrami bo‘ldi. Mamlakatimizning FIFA 2026 Jahon chempionatiga tarixiy yo‘llanmani qo‘lga kiritishi milliy futbolimiz va butun mamlakat bo‘ylab millionlab o‘yin ishqibozlari uchun muhim bir marra bo‘ldi.
“Coca-Cola” kompaniyasi va O‘zbekiston futbol assotsiatsiyasi ushbu esda qolarli kechaning bir qismiga aylangan barcha mehmonlar va muxlislarga minnatdorchilik bildiradi hamda milliy terma jamoamizga bo‘lajak mundialda muvaffaqiyatli ishtirok etishini tilab qoladi.
Reklama huquqi asosida
O‘zbekiston Qirg‘iziston ko‘mirining asosiy xaridori bo‘lib qolmoqda
Raqobat qo‘mitasi Centrum Air va Qanot Sharq reyslaridagi kechikishlar bo‘yicha so‘rov yubordi
Suv va sel-suv omborlarida suvdan bo‘shagan yerlar ijaraga beriladi
-
Siyosat4 days agoBirlashgan Millatlar Tashkiloti Bosh Assambleyasi Markaziy Osiyodagi chegaralarni tinch yoʻl bilan tartibga solish boʻyicha rezolyutsiyani qabul qildi
-
Dunyodan2 days agoPrezident Trampning Gʻazo boʻyicha 15 banddan iborat rejasi eʼlon qilindi
-
Siyosat4 days ago
Shavkat Mirziyoyev YeXHT bosh kotibini qabul qildi
-
Jamiyat4 days ago
Kontent markazida «Yurt qayg‘usida 365 kun» nomli kitob taqdimoti bo‘lib o‘tdi
-
Iqtisodiyot4 days ago
O‘zbekistonda IPO investorlari huquqini himoya qilish bo‘yicha qonun ishlab chiqilmoqda
-
Dunyodan1 day agoYashil kartani topshirish shartlari yanada qattiqlashdi
-
Siyosat5 days agoJazoir elchisi O‘zbekistondagi diplomatik missiyasini yakunladi
-
Iqtisodiyot4 days agoOLX onlayn reklama bozorida ustun mavqega ega deb topildi