Jamiyat
ADWorld ishi: pullar qaytariladimi?
Xorijga viza olish va ishga jo‘natishni va’da qilgan firma va’dasini bajarmadi. Jabrlanganlarning so‘zlariga ko‘ra, ADWorld odamlarni Saudiya Arabistoni, Serbiya, Chernogoriya, Norvegiya, Ummon davlatlariga ishga yuborishga, yuqori maosh bilan ta’minlashga ishontirgan. Mashhur blogerlarning ADWorld haqidagi maqtovlari esa ishonchni mustahkamlagan. Shundan keyin yuzlab odamlar firmaga o‘rtacha 15-20 mln so‘m to‘lagan.
{Yii::t(}
O’tkazib yuborish 6s
O’tkazib yuborish
Tuzoq vazifasini bajargan mashhurlar
O‘zbekistonda turib fuqarolarni xorijda ishga joylashtirish bilan shug‘ullanish litsenziya talab qiladigan faoliyat turi ekanini ko‘pchilik yaxshi bilsa kerak.
Ammo ayrim shovvozlar “bilsa hazil, bilmasa chin” qabilida ish tutib, yuzlab odamlarga Amerika, Angliya, Janubiy Koreya va Yevropa davlatlarida ish topib berishni, eng muhimi bu davlatlarning vizasini olib berishni va’da qilib, pullarni yig‘ib olgan.
Odamlar bu shovvozlarga shunchaki ishonishmagan – ularni ishonishga “majburlashgan”. O‘zingiz muxlis bo‘lgan, hurmat qilgan, ta’bir joiz bo‘lsa, siz ishongan mashhur odamlar va’da berib turganidan keyin ishonmaysizmi?
Afsuski, odamlar yana aldandi. Ulardan biri – Chernogoriyaga 2 oyda viza chiqarib berishlariga ishongan Davron Faxriddinov.
“Otabek, Aziz Estet, Sariq bola va boshqa blogerlar orqali ADWorld’ga kelganmiz. Ular Chernogoriyaga ishga 2 oyda viza chiqarib jo‘natamiz, hammasi qonuniy, oyligi 1800 dollardan 2000 dollargacha deb, bizning soddaligimizdan foydalandi. Aldov yo‘llari bilan pullarni oldi. 15 milliondan to‘lov qilgandik. Mana, 5-6 oy bo‘ldi, hali viza yo‘q. Pulimizni qaytib bering desak, qaytarish niyatlari ham bo‘lmayapti”, – deydi Faxriddinov.
“Men shu yil 25 mart kuni shartnoma qilganman. Hozir 5-6 oy bo‘lib qoldi. Uzog‘i 2 oy degandi. Shartnomada ham 60 ish kunida deb ko‘rsatilgan. 1100 dollar to‘lov qilganman”, – deydi boshqa bir jabrlanuvchi Oxunjon Nurmurodov.
Nurmurodovning aytishicha, firma 2024 yilda odamlardan Norvegiya, Serbiya, Chernogoriya, Ummon davlatlariga viza uchun pul olgan, ammo jo‘nata olmagan.
“Bu hammasi tasodif deb o‘ylaysizmi? Yo‘q, bu – viloyatliklarning pulini aylantirish. Balki ularning ishi yurishmay qolgandir, lekin shuncha qorako‘z ketishi kerak edi. 2000 dollar to‘lov qilib, 1 yildan beri qaytarib ololmaganlar bor”, – deydi u.
Namanganlik Akromjon Qayumboyev ham aldanganlardan biri. U shu yilning 23 martida Ummon davlatiga shartnoma tuzgan va 13 mln to‘lagan. Firma Qayumboyevni Ummonda oyiga 2000 dollar topishiga ishontirgan.
“Ora-orada men Telegram orqali bulardan xabar olib turganman. Miraziz ismli ishchisi bilan aloqada bo‘lganman. Qolgan boshliqlarini umuman tanimaganman. 2 oy o‘tdi, qarasam natija yo‘q. Biz o‘zi 90 kunga shartnoma qilganmiz. Bular: “Aka, bilib bo‘lmaydi, cho‘zilishi mumkin, ko‘pchiliksizlar, o‘shaning hisobiga 3 oy deb shartnoma qilamiz”, degan. 90 kun o‘tdi. Shubhalanishni boshladim. Instagramʼda ko‘pchilik bilan gaplashdim. “Aka, bular natija qila olmaydi”, dedi. Keyin ishonmasdan Namangandan 4 kishi Instagram orqali tanishib, ofisiga bordik. Boshlig‘i Dilmurod Yusupov: “Aka, bir haftada yangilik bo‘ladi, yo uyoqqa, yo buyoqqa suriladi”, dedi. Bir haftadan keyin telefon qilsak: “Aka, o‘xshamadi, ariza yozinglar”, degan. Men qonuniy bo‘lishi uchun shartnoma (muddati) tugashini kutib, ariza yozganman, shungayam 2 oy bo‘lib qoldi”, – deydi Qayumboyev.
“Yemagan” bahonalar
Lisenziyasi bo‘lmay turib fuqarolarni xorijda ishga joylash bilan shug‘ullanib kelgan firma – “ADWORLD GROUP” MChJ 2023 yil 15 mart kuni Xorazm viloyatida davlat ro‘yxatidan o‘tgan.
Jamiyat ta’sischisi Dilmurod Yusupov vaziyatga izoh berdi.
“Viza masalasida nima hujjat kerak bo‘ladigan bo‘lsa, hammasini qilib berganmiz. Elchixona viza berish yoki bermaslikni o‘zi mustaqil hal qiladi. Serbiyadagi siyosiy vaziyat viza olishda muammolar tug‘dirdi va rejalarimizni buzib yubordi. Fuqarolarga pulni qaytarishni va’da qilganmiz, faqat buning uchun bizga ozroq vaqt kerak”, – deydi u.
Kun.uz’ga kelib tushgan ma’lumotlarga ko‘ra, fuqarolarning ayrimlari shartnomada ko‘rsatilgan pul mablag‘larini ta’sischining bank plastik kartasiga P2P tarzida o‘tkazib bergan. Yusupov bu pullar bankka kirim qilinmaganini tasdiqlab, viza xarajatlari uchun ishlatilganini aytdi.
Shov-shuvdan keyin
ADWorld ishi tarmoqlarda bo‘y cho‘za boshlagach, ayrim blogerlar reklama sabab o‘z auditoriyasining aldanib qolishiga hissa qo‘shib qo‘yganidan xijolat bo‘ldi chog‘i, ular ko‘rgan zararni qoplash haqida o‘ylay boshladilar.
Masalan, ADWorld’ni reklama qilgan Jahongir Latipov undan jabrlanganlarning 5 nafariga 500 dollardan pul bergan.
Kuzatuvchilari iWash deb biladigan Otabek Jo‘rayev ham shu kunlarda mashinasini sotib, odamlar ko‘rgan zararni qisman qoplashga va’da berdi. Mashinaning rusumi qanaqa, qanchaga sotiladi, uning qanchasini ADWorld’dan jabr ko‘rganlarga taqsimlaydi, bunisi hozircha noma’lum.
Firibgarlik alomatlari tekshirilishi kerak
Migratsiya agentligi “ADWorld group” fuqarolarni xorijda ishga joylashtirish xizmatlarini litsenziyasiz amalga oshirganini aniqlagan va bu firmaga nisbatan 112 mln 500 ming so‘mlik jarima tayinlagan. Jarima ixtiyoriy ravishda to‘lanmagani sababli, mablag‘ni sud orqali undirish ishlari boshlangan.
Kun.uz bilan suhbatda firma ta’sischisi va bir vaqtning o‘zida uning boshqaruvchisi bo‘lgan Dilmurod Yusupov bu faoliyat bilan litsenziyasiz shug‘ullanib bo‘lmasligini bilmaganini aytdi.
Qonunlarni bilmaslik javogarlikdan ozod qilmaydi. Shunday ekan, “ADWorld group” MChJ egasi Elmurod Yusupov va atrofidagi kishilarning xatti-harakatlari o‘rganilishi, qonuniy baho berilishi maqsadga muvofiq.
Chunki jabrlanganlar ko‘p, ular kuyib qolayotgan pul esa juda ko‘p.
Kun.uz voqealar rivojini kuzatib boradi.
Shahzod O‘roqboyev tayyorladi.
Prezident o‘z nutqida 7 milliy dastur haqida e’lon qildi.
Birinchi milliy dastur bilim va malakani kelgusi taraqqiyotning asosiy kapitaliga aylantirishdan iborat bo‘ladi.
Bolalarning 6 yoshli tayyorlov guruhlariga qamrov qisqa muddatda 100 foizga olib chiqiladi. Xususiy bog‘cha tashkil qilish bo‘yicha mavjud imtiyozlar saqlab qolinadi.
Barcha maktablar xalqaro baholash dasturlari bilan to‘liq qamrab olinadi.
Yurtimizdagi texnikumlarda xalqaro ta’lim standartlarini joriy etiladi. Ularda yoshlarimizni yuqori daromadli kasblarga o‘qitishni yo‘lga qo‘yib, qamrovni 1 millionga yetkaziladi. Bir so‘z bilan aytganda, Yangi O‘zbekistonda kasb egallamagan birorta yigit-qiz qolmaydi.
Ikkinchi milliy dastur xalqimizning sog‘lom bo‘lishi va uzoq umr ko‘rishini ta’minlashga xizmat qiladi.
Shu maqsadda aholi salomatligi bilan bog‘liq davlat xarajatlarini kelgusi besh yilda yalpi ichki mahsulotga nisbatan 5 foizga yetkaziladi.
Tibbiyotda profilaktikani kuchaytirish orqali salomatlikni asrash modeliga o‘tiladi. Davlat tibbiy sug‘urtasi mamlakatning barcha xonadonlariga kirib boradi
Ixtisoslashgan tibbiyotda raqobat muhitini kuchaytirish maqsadida dunyoning eng nufuzli kamida 5 ta klinikasi olib kelinadi.
Uchinchi milliy dastur – iqtisodiyotimizni yuqori texnologiya va mehnat unumdorligi modeliga o‘tkazish.
Buning uchun kelgusi o‘n yilda 450 milliard dollar xorijiy investitsiya jalb qilinadi. Iqtisodiyotda yuqori o‘sish sur’atini saqlagan holda, 2030 yilgacha yalpi ichki mahsulot hajmi 300 milliard dollarga yetkaziladi, sanoatda 2 millionta yuqori daromadli ish o‘rni yaratiladi.
Yoshlarimizning salohiyatini to‘liq ro‘yobga chiqarishda startap, venchur va sun’iy intellektni rivojlantirish ustuvor yo‘nalishga aylanadi.
Shuningdek, kichik biznes – o‘rta biznesga, o‘rta korxonalar esa yirik kompaniya va korporatsiyalarga aylanishi uchun yaxlit ekotizimni yo‘lga qo‘yamiz. Bularning hisobiga kelgusi o‘n yilda jon boshiga yalpi ichki mahsulot hajmi 10 ming dollarlik marradan oshadi.
Global iqlim o‘zgarishi sharoitida suv va ekologiya masalalari yanada dolzarb bo‘lib bormoqda.
Shu bois, to‘rtinchi milliy dastur suv va tabiatga munosabatni tubdan o‘zgartirishga qaratiladi.
Kelgusi besh yilda ekin maydonlarida suv tejaydigan texnologiyalar qamrovini 100 foizga olib chiqiladi. Bu – umummilliy marraga aylanadi.
Adolat qaror topgan joyda iqtisodiy o‘sish ham, ijtimoiy ishonch ham yuksaladi.
Bu borada beshinchi milliy dastur – sud mustaqilligini kuchaytirish va qonun ustuvorligini ta’minlashni umumiy qadriyatga aylantirishdan iborat.
“Buning uchun huquqiy tarbiyani maktabdan boshlab aniq tizim asosida yo‘lga qo‘yamiz. Fuqarolar va tadbirkorlarning qonuniy kafolatlarini kuchaytirish bo‘yicha islohotlarimizni qat’iy davom ettiramiz. Kiberjinoyatchilik, giyohvandlik va odam savdosining oldini olish bo‘yicha choralarni yanada kuchaytiramiz.
“Yashirin iqtisodiyot”, uyushgan jinoyatchilik, ayollar va bolalar huquqini kamsitishga qarshi kurashni yangi bosqichga ko‘taramiz.
Odamlarimizning kayfiyati, oilalarning farovonligi, yoshlarning orzu-istagi, tadbirkorlarning tashabbuskorligi, eng avvalo, mahallada namoyon bo‘ladi.
Shuning uchun oltinchi milliy dastur mahallani jamiyat taraqqiyotining asosiy buyurtmachisiga aylantirishga yo‘naltiriladi.
Endi davlat dasturlarini ishlab chiqish bo‘yicha yondashuv butkul o‘zgaradi. Tuman budjeti, investitsiya dasturi hamda infratuzilma loyihalari mahalla buyurtmasi asosida ishlab chiqiladi. Bunda fuqarolarning talab va ehtiyoji, mahallaning farovonligi – eng asosiy mezon sifatida belgilanadi”, dedi Prezident.
Yettinchi milliy dastur – O‘zbekistonning tinchlik va do‘stlik diyori, bag‘rikeng o‘lka sifatidagi nufuzini har tomonlama yuksaltirishdan iborat.
Bizning ochiq, pragmatik va tinchlikparvar siyosatimiz uzoq muddatli taraqqiyotimizni ta’minlashga qaratilgan.
Bu yilgi Mustaqillik bayrami ijtimoiy tarmoqlarda chin ma’noda portladi. Prezident Shavkat Mirziyoyevning nutqi, bayram ssenariysi va sahnadagi chiqishlarga foydalanuvchilardan juda katta, samimiy va kuchli reaksiya bo‘ldi.
Izohlarni o‘qib, bir narsa yaqqol ko‘rinadi: odamlar bayramni shunchaki tomosha qilmagan — his qilgan.
“Juda zo‘r!”, “Boshqacha bo‘ldi!”, “Ta’sirli!”, “Gap yo‘q!”, “Sahnadagi energiya va jonli ijro odamni lol qoldirdi, haqiqiy bayram kayfiyati!”, “Harbiylarning safdagi kelishgan va qat’iy qadamlari qalbimizni g‘ururga to‘ldiradi”, “Juda go‘zal bayram, betakror bayram”… — ijtimoiy tarmoqlardagi minglab fikrlarda bir xil kayfiyat.
Ayniqsa, Prezident nutqidagi fikrlar alohida muhokama qilindi. Vatan tarixi, bugungi islohotlar va kelajakka ishonch uyg‘unlashgan nutq ko‘pchilikda kuchli taassurot qoldirdi.
Bu yilgi Mustaqillik bayrami sahnada o‘zgacha bo‘ldi — ijtimoiy tarmoqlardagi reaksiya esa bundan ham kuchli!
Bu shunchaki izohlar emas. Bu — xalqning bayramga bo‘lgan kayfiyati.
BYD Central Asia mahalliy ishlab chiqarilayotgan BYD CHAZOR UzPride modelining rasmiy sotuvi boshlanganini e’lon qiladi. Mahalliylashtirish darajasi yuqori bo‘lgani tufayli 55 KM Luxe jamlanmasi 255 900 000 so‘m narxda taklif etilmoqda.
Modelning nomi uning mazmun-mohiyatini aks ettiradi: brend mahalliy bozorda izchil rivojlanib, texnik mutaxassislarni tayyorlash va mamlakat avtomobilsozlik sanoatini zamonaviylashtirishga ko‘maklashmoqda. Shu bilan birga, zamonaviy texnologiyalarni aholining tobora keng qatlamlari uchun qulay va hamyonbop qilmoqda. Shu sababli yangi talqin O‘zbekiston va uning xalqiga chuqur hurmat ramzi sifatida UzPride nomini oldi.
O‘zbekiston Respublikasi mustaqilligining 35 yilligi munosabati bilan xaridorlar uchun maxsus moliyalashtirish dasturi tayyorlandi:
– boshlang‘ich to‘lov – 35%;
– bo‘lib to‘lash muddati – 35 oy;
– foiz stavkasi – 0%;
– moliyalashtirishni rasmiylashtirish – faqat OFB hamkor banki orqali.
Mustaqillikning 35 yilligiga bag‘ishlangan moliyalashtirish dasturi shartlari 2026 yil 29 avgustdan 1 sentyabrgacha amal qiladi.
Dastur shartlari qutlug‘ sana bilan ramziy tarzda uyg‘unlashtirilgan bo‘lib, yangi supergibrid sedanni O‘zbekiston bo‘ylab xaridorlar uchun yanada qulayroq shartlarda sotib olish imkonini beradi.
BYD CHAZOR UzPride haqida
BYD CHAZOR UzPride DM-i supergibrid tizimi bilan jihozlangan. Unda elektr yuritmaning afzalliklari 1,5 litr hajmli yuqori samarali benzin dvigatelining imkoniyatlari bilan uyg‘unlashtirilgan.
132 kVt quvvatga ega elektr dvigatelining eng yuqori burovchi kuchi 316 N·m ni tashkil etadi. Avtomobil 0 dan 100 km/soat tezlikka 7,9 soniyada chiqadi. NEDC o‘lchov tartibi bo‘yicha faqat elektr quvvatida yurish masofasi 55 kilometrgacha yetadi. Akkumulyator quvvati past bo‘lganda yoqilg‘i sarfining eng kam ko‘rsatkichi 100 kilometrga 3,8 litrni tashkil etadi.
55 KM Luxe jamlanmasiga aylantiriladigan 12,8 dyuymli multimedia ekrani, 8,8 dyuymli displeyga ega raqamli ko‘rsatkichlar paneli, o‘zbek tilidagi aqlli ovozli boshqaruv tizimi, 4G va Bluetooth ulanishi, shuningdek, OTA orqali masofadan yangilash imkoniyati kiradi.
Haydovchiga yanada ko‘proq qulaylik yaratish maqsadida avtomobil kalitsiz kirish tizimi, NFC-karta, masofadan ishga tushirish, o‘rindiqni elektr yordamida sozlash, elektr yuritmali tom tuynugi hamda orqa o‘rindiq yo‘lovchilari uchun havo yo‘naltirgichlarga ega iqlim tizimi bilan jihozlangan.
360° atrofni ko‘rsatuvchi panoramali HD-kamera hamda old va orqa to‘xtash datchiklari avtomobilni boshqarish va tor joylarda harakatlanishni osonlashtiradi.
Xavfsizlik tizimlari qatoriga tezlikni bir maromda saqlash tizimi, yo‘nalish barqarorligini nazorat qilish, g‘ildiraklarning sirpanishiga qarshi tizim, shinalardagi bosimni kuzatish, qiyalikda harakatni boshlashga ko‘maklashish, avtomobilni avtomatik ushlab turish, old va yon xavfsizlik yostiqchalari, shuningdek, parda turidagi xavfsizlik yostiqchalari kiradi.
BYD CHAZOR UzPride modelining mahalliy ishlab chiqarilishi yangi energiya manbalarida harakatlanuvchi zamonaviy avtomobillar tanlovini kengaytiradi hamda mamlakat avtomobilsozlik sanoatining rivojlanishiga hissa qo‘shadi.
BYD Central Asia kompaniyasining mustaqillikning 35 yilligiga bag‘ishlangan dasturi – O‘zbekiston Respublikasi mustaqilligining 35 yilligini mamlakatimizda ishlab chiqarilgan yangi avtomobil boshqaruvida kutib olish uchun ajoyib imkoniyatdir.
*Mustaqillikning 35 yilligiga bag‘ishlangan moliyalashtirish dasturi 2026 yil 29 avgustdan 1 sentyabrgacha, 1 sentyabr kuni ham, amal qiladi. Dastur doirasidagi moliyalashtirish faqat OFB hamkor banki orqali rasmiylashtiriladi. Dastur bo‘yicha taklif etiladigan avtomobillar soni cheklangan. Texnik ko‘rsatkichlar ma’lumot berish maqsadida keltirilgan bo‘lib, yo‘l va ob-havo sharoiti, avtomobilning yuklanish darajasi hamda haydash uslubiga qarab farq qilishi mumkin. Avtomobilni sotib olish shartlari va jamlanmasi haqidagi batafsil ma’lumotni BYD kompaniyasining rasmiy dilerlaridan olishingiz mumkin.
BYD kompaniyasining O‘zbekistondagi aloqa ma’lumotlari
Rasmiy ishonch telefoni: 1811
Rasmiy veb-sayt: bydauto.uz
Instagram: @bydauto.uz
Telegram: t.me/bydautouz
Jamiyat
Yangi o‘quv yilida 806 mingdan ziyod 6 yoshli bola maktabga tayyorlov guruhlariga qamrab olinadi
E-qaror tizimida Maktabgacha va maktab ta’limi vazirligining maktabgacha ta’lim tashkilotlarini 2026/2027 o‘quv yiliga tayyorlash va bolalarni qabul qilish jarayonini samarali tashkil etishga oid buyrug‘i e’lon qilindi. Hujjatning ilovalari Maktabgacha va maktab ta’limi vazirining 2026-yil 18-avgustdagi 299-son buyrug‘i bilan tasdiqlangan.
Hujjatga ko‘ra, 2026/2027 o‘quv yilida respublika bo‘yicha 811 ming 586 nafar 6 yoshli bola hisobga olingan. Ularning 806 ming 290 nafarini maktabga tayyorlov guruhlariga qamrab olish rejalashtirilgan. Natijada qamrov darajasi 99,3 foizga yetkazilishi ko‘zda tutilmoqda.
Maktabga tayyorlov guruhlari bilan qamrab olinmagan 6 yoshli bolalar uchun 485 ta bir yillik bepul majburiy tayyorlov guruhi tashkil etiladi. Ularda jami 13 ming 104 nafar bolani qamrab olish rejalashtirilgan.
Shundan:
— umumiy o‘rta ta’lim maktablarida 413 ta guruh tashkil etilib, 11 ming 163 nafar bola;
— davlat maktabgacha ta’lim tashkilotlarida 65 ta guruh ochilib, 1 ming 766 nafar bola;
— boshqa mos binolarda 7 ta guruh tashkil qilinib, 175 nafar bola qamrab olinadi.
Chora-tadbirlar rejasiga muvofiq, avval hududlardagi 6 yoshli bolalar xatlovdan o‘tkaziladi. Xatlov natijasida tayyorlov bilan qamrab olinmagan bolalar mavjud bo‘sh guruh va o‘rinlarga joylashtiriladi.
Shundan keyin ham qamrovdan tashqarida qolgan bolalar uchun umumta’lim maktablari, davlat maktabgacha ta’lim tashkilotlari, «Kelajak markazlari» va boshqa obyektlarning bo‘sh xonalarida yangi tayyorlov guruhlari tashkil etiladi. Ularni sentyabr–oktyabr oylarida ishga tushirish belgilangan.
Prezident farmonida tadbirkorlik subyektlarining huquqiy himoyasini kuchaytirishga qaratilgan «tadbirkorlik subyektining haqlilik prezumpsiyasi» belgilandi.
Unga ko‘ra, davlat organi tomonidan aksi isbotlanmaguncha tadbirkorlik subyekti va uning mansabdor shaxsi qonunchilikka muvofiq harakat qilgan hamda o‘z majburiyatlarini lozim darajada bajargan deb hisoblanadi.
Sudda tadbirkorga nisbatan huquqiy ta’sir chorasi qo‘llash uchun uning asosli, qonuniy va mutanosib ekanini, shuningdek, huquqbuzarlik faktini isbotlash majburiyati davlat organiga yuklanadi.
Qonunchilikdagi bartaraf etib bo‘lmaydigan ziddiyatlar, noaniqlik va tushunmovchiliklar, shuningdek, dalillar yetarli emasligi tufayli yuzaga keladigan shubhalar tadbirkorlik subyekti foydasiga talqin qilinadi.
O‘zbekiston mahsulotlari AQShning eng yirik savdo tarmog‘i orqali Amerika bozoriga chiqishi mumkin
Prezident 7 milliy dastur haqida e’lon qildi
Prezidentning bojxona xizmatiga oid farmoni qabul qilindi
-
Sport5 days ago
EChL 2026/2027. Umumiy guruh bosqichi taqvimi e’lon qilindi
-
Siyosat2 days ago
Шавкат Мирзиёев Бишкекда кутиб олинди
-
Jamiyat4 days ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Sport4 days ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
-
Jamiyat4 days ago
Qonunchilikdagi noaniqliklar tadbirkor foydasiga talqin qilinadi
-
Mahalliy2 days ago
«Enamdan qolgan dalalar» (Esse)
-
Siyosat4 days ago
Pokiston bosh vaziri bilan uchrashuv o‘tkazildi
-
Jamiyat3 days ago
BYD CHAZOR UzPride – O‘zbekiston mustaqilligining 35 yilligiga bag‘ishlangan maxsus taklif