Jamiyat
«Videoyozuv bo‘yicha ekspertiza xulosasi chiqsa tanishib, keyin ko‘rsatma beraman» – sobiq IIB boshlig‘i yana ko‘rsatma berishdan bosh tortdi
Furqat tumani IIB mansabdorlari ustidan 21 noyabr kuni bo‘lib o‘tgan navbatdagi sud majlisida Akmal Xo‘jayev va uning o‘rinbosari bo‘lgan Jasur Rasulov ko‘rsatmalari tinglanishi kerak edi. Sobiq IIB boshlig‘ining aytishicha, u soliq inspeksiyasi boshlig‘i uyida bo‘ladigan «tezkor tadbir» haqida tuman prokurorini og‘zaki xabardor qilgan.
Kecha, 21 noyabr kungi sud majlisida Furqat tumani sobiq IIB boshlig‘i va jinoyat ishidagi sudlanuvchilardan biri Akmal Xo‘jayev ko‘rsatma berishdan avval sudga iltimosnoma kiritdi. U o‘z iltimosnomasida 17 aprel kuni o‘tkazilgan tezkor tadbir haqida tuman prokurorini og‘zaki ravishda ogohlantirganini, biroq prokuror mazkur holatni inkor etayotganini bildirgan. Shuningdek, Gulira’no Qosimova 22 aprel kuni o‘z joniga suiqasd qilganini qayd etar ekan, ushbu voqea jinoyat haqidagi xabar sifatida ro‘yxatga olingan-olinmaganini aniqlash maqsadida tuman prokuroridan “Shakl-1” kitobini taqdim etishni so‘rab, suddan tegishli ajrim chiqarishni iltimos qildi.
Iltimosnoma sud raisi tomonidan qisman qanoatlantirildi.
Shundan so‘ng sud raisi Akmal Xo‘jayevdan tezkor tadbir haqida ko‘rsatma berishini so‘radi. IIB sobiq boshlig‘i barcha ekspertiza xulosalari bilan tanishib chiqqach ko‘rsatma berishini aytdi. IIB boshlig‘i o‘rinbosari Jasur Rasulov ham ekspertiza xulosalari bilan tanishib bo‘lgach ko‘rsatma berishini ma’lum qildi.
Ma’lumot uchun, sud G.Qosimovaga nisbatan o‘tkazilgan tadbirda IIB xodimlari tasvirga olgan videoyozuv, G.Qosimova tadbir kuni ushlab turilgan IIB binosidagi xona kamera yozuvi hamda G.Qosimovaning telefonidagi videoyozuvlar bo‘yicha ekspertiza tayinlagan va uni o‘tkazishni X.Sulaymonova nomidagi ekspertiza markaziga topshirgan. Akmal Xo‘jayev va Jasur Rasulov ushbu ekspertizalar xulosalarini nazarda tutmoqda.
Akmal Xo‘jayev va Jasur Rasulov sud jarayoni avvalida barcha guvohlar ko‘rsatmasidan so‘ng ko‘rsatma berishini aytgan edi.
Sud 25 noyabrga qadar tanaffus e’lon qildi.
Eslatib o‘tamiz, Kun.uz oldinroq Furqat tumanida maktab direktori bo‘lgan Gulira’no Qosimova bilan sodir bo‘lgan holat haqida surishtiruv e’lon qilgandi. Unda Furqat tumani IIB xodimlari ayolni kaltaklab, kiyimlarini yirtib, yalang‘och holda tasvirga olgani haqida gap boradi. Holat Senat qo‘mitasi tomonidan nazoratga olingan. Ombudsman Furqat tumani IIBning 4 nafar mas’ul xodimi jinoiy javobgarlikdan ozod etilganini ma’lum qilib, holatga aloqador bo‘lgan har bir shaxsning qilmishi to‘liq va xolisona o‘rganilishini so‘ragan.
Avvalgi sud majlisida ko‘rsatma bergan Furqat tuman soliq inspeksiyasi sobiq boshlig‘i, ish bo‘yicha jabrlanuvchilardan biri bo‘lgan Qurbonali Abdurahmonov o‘zi bilan bir vaqtda ishlagan tuman IIB boshlig‘i Akmal Xo‘jayev unga militsiya xodimlari kuniga 20 ta televizor olib berasan degan topshiriq berganini, u rad etganidan so‘ng IIB boshlig‘i «IIBga qarshi chiqish qanday bo‘lishini ko‘rsatib qo‘yish» bilan tahdid qilganini eslagandi.
22 oktyabr kuni o‘tgan sud majlisida esa guvoh tariqasida chaqirilgan IIB xodimlari G‘ayrat Otaqulov va Yusuf Yoqubov sudga kelmagani bois sudlanuvchilar Akmal Xo‘jayev (sobiq IIB boshlig‘i) va Jasur Rasulov (IIB boshlig‘ining sobiq o‘rinbosari) guvohlar eshitilmay turib ko‘rsatma bermasliklarini aytgandi.
24 oktyabr kuni Furqat tumani IIB mansabdorlari ustidan navbatdagi sud majlisida jabrlanuvchi ayol yechintirilgani aytilayotgan «tezkor tadbir» ishtirokchisi bo‘lmish IIB tezkor xodimi Yusufbek Yoqubov so‘roq qilingan va «davlat siri» degan vaj bilan sudda OAV ishtiroki cheklab qo‘yilgandi.
7 noyabr kungi sud majlisida sudya jabrlanuvchi Gulira’no Qosimovani «ish yuritish tartibini buzgani uchun» sud zalidan chiqarib yuborgan edi.
Shundan so‘ng G.Qosimova ijtimoiy tarmoq orqali videomurojaat yo‘llab, sudya unga nisbatan adolatsizlik qilayotganini, IIB sobiq amaldorlariga yon bosayotganini aytdi. Ushbu bayonot ortida 12 noyabrdan boshlab sud majlisi OAV ishtiroki uchun ochib qo‘yildi.
«Jaloliddin Manguberdi» yuqori tezlikdagi poyezdlarning ilk partiyasi Janubiy Koreyadan O‘zbekistonga jo‘natildi.
Janubiy Koreyaning Changvon shahrida O‘zbekiston uchun ishlab chiqarilgan Hyundai Rotem yuqori tezlikdagi poyezdlarning ilk partiyasi Masan portidan rasmiy ravishda jo‘natildi.
«Jaloliddin Manguberdi» nomi berilgan yangi poyezdlar 2024-yil iyunda Hyundai Rotem va O‘zbekiston temir yo‘llari o‘rtasida tuzilgan shartnoma asosida ishlab chiqarilgan.
Shu yil may oyida prezident Shavkat Mirziyoyev Xorazm viloyatiga tashrifi davomida Hyundai Rotem kompaniyasidan yuqori tezlikdagi 6 ta elektropoyezd xarid qilinib, kelgusi yildan «Jaloliddin Manguberdi» nomi ostida Toshkent-Xiva yo‘nalishiga qo‘yilishi haqida xabar berilgan edi.
Prezident Shavkat Mirziyoyev qishloq xo‘jaligi sohasini qo‘llab-quvvatlashga ajratilayotgan mablag‘lar yildan-yilga oshirib borilayotganini ta’kidlab, bundan keyin ham sohaga qancha mablag‘ kerak bo‘lsa, topib berilishini bildirdi.
«Lekin bu mablag‘lar o‘z vaqtida egasiga yetib borishi va hosildorlikni yanada oshirishga xizmat qilishi uchun ochiq va shaffof tizim bo‘lishi kerak», – dedi Prezident.
Qayd etilishicha, qishloq xo‘jaligidagi subsidiyalar shu paytgacha 6 ta vazirlik tomonidan ajratilayotgan edi. Shu bois, barcha subsidiyalar bo‘yicha moliyaviy xizmatlarni bir joyda ko‘rsatadigan Agrar sohada to‘lovlar agentligi tashkil etildi.
Agentlik tomonidan kelasi yil dehqon va fermerlarga 2 trillion 200 milliard so‘mlik subsidiya beriladi. Bunda subsidiya ajratish jarayoni hozirgi 4 bosqichdan 2 bosqichga, uni olishga ketadigan vaqt esa 1 oydan 15 kunga qisqaradi. Eng muhimi, har bir subsidiya fermerlarga ma’qul bo‘ladigan shartlarda, ularga mablag‘ eng zarur paytda beriladigan tizimga o‘tiladi.
Keyingi yildan suv nasosiga sarflangan elektr energiyasi uchun subsidiyalar meva-sabzavot, moyli ekin, kartoshka va ozuqa ekinlari yetishtiruvchi fermerlarga ham ajratilishi e’lon qilindi.
Bugun respublika bo‘ylab agrar sohada 22 ta ilmiy markaz, 260 ta laboratoriya, ularda juda katta salohiyatga ega yuzlab olim va ilmiy xodimlar faoliyat yuritmoqda.
Bugun Prezident Shavkat Mirziyoyev va qishloq xo‘jaligi sohasi xodimlari o‘rtasida bo‘lib o‘tgan muloqotda mazkur salohiyatdan to‘liq foydalanish uchun «ilm-fan – ta’lim – ishlab chiqarish» integratsiyasini ta’minlaydigan Qishloq xo‘jaligi fanlar akademiyasi tashkil etilishi e’lon qilindi. Ushbu akademiya qishloq xo‘jaligidagi fundamental va amaliy tadqiqotlarni rivojlantirishga mas’ul bo‘ladi.
«Men bir gapni takror aytishdan charchamayman. Ilm va izlanish bo‘lmagan sohada rivojlanish ham, yuksalish ham, taraqqiyot ham bo‘lmaydi», – dedi davlat rahbari.
O‘tgan yilda 4 ta institut negizida Qishloq xo‘jaligi kadrlarining malakasini oshirish instituti tashkil etilgan edi. Ushbu institutda yiliga 8 mingdan ortiq soha vakillari, xususan, fermer, dehqon va klasterlar xodimlari zamonaviy agrotexnologiyalardan foydalanishga o‘qitiladi.
Mutasaddilarga Gollandiya, Ispaniya, Italiya, Turkiya va Xitoydan malakali agronomlarni olib kelib, dehqon va fermerlarni yangiliklarga doimiy o‘qitib boradigan tizim qilish topshirildi.
Bundan tashqari, paxta-g‘alla yo‘nalishidagi eng ilg‘or 200 nafar fermer, meva-sabzavot yo‘nalishidagi eng mirishkor 200 nafar bog‘bon va dehqon, qishloq xo‘jaligi yo‘nalishidagi eng faol 100 nafar eksportchi Xitoy, Turkiya, Gollandiya, Fransiya kabi davlatlarga yuborilib, o‘qitiladi. Ushbu 500 nafar fermer, bog‘bon va eksportchilarning yo‘lkira va mehmonxona xarajati to‘liq qoplab beriladi.
Respublikada ekin maydonlaridan o‘tgan 70 ming kilometr uzunlikdagi ochiq drenaj va kollektorlar bor.
Prezidentning qishloq xo‘jaligi sohasi xodimlari bilan bo‘lib o‘tgan uchrashuvda ularni bosqichma-bosqich yopiq tizimga o‘tkazilsa, ekin ekish uchun qo‘shimcha maydonlar ochilishi, zovurlarni tozalash xarajatlari karrasiga tejalishi aytib o‘tildi.
«Bu masala, ayniqsa, yer tanqis bo‘lgan vodiy viloyatlari uchun juda dolzarb.
Shu bois, ochiq drenaj va kollektorlarni yopiq tizimga o‘tkazish bo‘yicha alohida dastur qabul qilinib, bu maqsadlar uchun 100 million dollar ajratilishi belgilandi», – dedi Prezident.
Viloyat hokimlari tajribali tadbirkorlar bilan kelasi yilning o‘zida kamida 10 ming kilometr drenajni yopiq tizimga o‘tkazib, 20 ming gektar qo‘shimcha ekin maydoni ochish uchun mas’ul bo‘ladi.
Hukumatning joriy yil 6-dekabrdagi 772-son qarori bilan «Qishloq xo‘jaligi sug‘urtasi jamg‘armasi to‘g‘risida»gi nizom tasdiqlandi.
Nizom Qishloq xo‘jaligi sug‘urtasi jamg‘armasining maqomi, asosiy vazifa va funksiyalari, huquq va majburiyatlari, Jamg‘arma faoliyatini boshqarish tartibini belgilaydi.
Nizomga ko‘ra, quyidagilar Jamg‘armaning asosiy vazifalari hisoblanadi, jumladan:
qishloq xo‘jaligini sug‘urta qilishni tashkil etish va boshqarish;
sug‘urta hodisasi yuz berganda, qishloq xo‘jaligi mahsulotlarini ishlab chiqaruvchilariga yetkazilgan zararning qiymati qishloq xo‘jaligi sug‘urtasi shartnomasi doirasida to‘lanishini ta’minlash.
Jamg‘arma o‘ziga yuklangan vazifa va funksiyalarni bajarish doirasida quyidagi huquqlarga ega, jumladan:
sug‘urta (qayta sug‘urta) shartnomalarini tuzish;
vositachilar, sug‘urta va qayta sug‘urta brokerlari hamda sug‘urta bozorining boshqa professional ishtirokchilari bilan tegishli shartnomalar tuzish.
Jamg‘arma faoliyati Jamg‘armaning boshqaruv kengashi tomonidan boshqariladi.
«Jaloliddin Manguberdi» poyezdining ilk partiyasi O‘zbekistonga jo‘natildi
Kelasi yil dehqon va fermerlarga 2,2 trln so‘mlik subsidiya ajratilgan
Fedf foiz stavkalarini qisqartirdi, ammo kelajakni yumshatish aniq emas
-
Sport4 days agoТуркия Суперлигаси. «Башакшеҳир» – «Фенербаҳче». Шомуродов ва Файзуллаев — асосий таркибда
-
Jamiyat2 days agoTo‘qqiz qizli Jasur – to‘rt egiz tug‘ilgan xonadondan reportaj
-
Iqtisodiyot4 days agoXitoylik investorlar Jizzaxdagi volfram konini ishga tushirmoqda
-
Iqtisodiyot4 days agoBMTning Oziq-ovqat va qishloq xo‘jaligi tashkiloti bilan hamkorlikda qator loyihalar amalga oshiriladi
-
Jamiyat1 day agoO‘zbekistondagi muzey va ziyoratgohlarga «virtual sayohat» qilish imkoni yaratiladi
-
Sport2 days agoO‘zbekiston fuqaroligini qabul qilgan rossiyalik tennischi WTA 125 turniri g‘olibi bo‘ldi
-
Jamiyat2 days agoToshkent viloyatida 13 yoshli qiz orqali dori sotgan ayol va uning sheriklari ushlandi
-
Turk dunyosi3 days agoTüriyatiye: Trabzonspor super burgutlar hujumchisini tayinlaydi