Turkiyada o‘zbekistonliklar qurgan «Buxoro» masjidi ochildi



Source link

Korrupsiyaga qarshi kurashish agentligi «ochiq» va «yopiq» davlat tashkilotlari ro‘yxatini e’lon qildi. 

Prezident Farmoniga muvofiq, davlat organlari va tashkilotlarida ochiqlik bo‘yicha amalga oshirilgan ishlarning samaradorligi va natijadorligi 2022-yildan boshlab har yili «Ochiqlik indeksi» asosida baholab kelinmoqda.

2025-yil yakunlari bo‘yicha o‘tkazilgan bu yilgi baholashda 97 ta vazirlik, idora, muassasa va mahalliy davlat hokimiyati organlari faoliyati qamrab olindi. Baholash jarayoni 84 ta baholash mezonidan tarkib topgan 8 ta indikator asosida amalga oshirildi.

Yakuniy natijalarga ko‘ra, 66 ta davlat organi «yashil», 22 tasi «sariq» va 9 tasi «qizil» samaradorlik ko‘rsatkichlarini qayd etdi.

2022-yildagi, ya’ni ilk baholash ko‘rsatkichlari bilan taqqoslaganda «yashil» toifadagilar 3,5 barobarga ko‘paygan bo‘lsa,«sariq» toifadagilar 2 barobar va «qizil» toifadagilar 3 barobarga kamaygan.

Ochiqlik bo‘yicha eng yuqori samaradorlik ko‘rsatkichlari «Navoiy kon-metallurgiya kombinati», «O‘zbekgidroenergo» va «O‘zavtosanoat» AJlari, Transport nazorati inspeksiyasi,«Olmaliq kon-metallurgiya kombinati» AJ, Raqamli texnologiyalar vazirligi va Adliya vazirligi tomonidan qayd etildi.

Respublika darajasidagi tashkilotlardan — O‘rmon va yashil hududlarni ko‘paytirish, cho‘llanishga qarshi kurashish agentligi va «O‘zbekiston temir yo‘llari» AJ, hududiy miqyosda esa Andijon viloyati va Toshkent shahar hokimliklari eng past ko‘rsatkichlarni qayd etib,«qizil» toifada baholandi.

Agentlik tomonidan kelgusida baholash jarayonlarini quyi tizimlarda ham amalga oshirish ko‘zda tutilgan.

Jumladan, 2026-yil 2-yarmidan sinov tariqasida Navoiy viloyatining tuman va shahar hokimliklari, tashkilotlari faoliyati ochiqligi darajasini index.anticorruption.uz platformasida baholash rejalashtirilmoqda.

Source link

Toshkent shahrida 2,5 mlrd so‘mlik sifati kafolatlanmagan dori vositalari ashyoviy dalil sifatida olindi. 

Bosh prokuratura huzuridagi Departamentning Olmazor tumani bo‘limi va boshqa huquqni muhofaza qiluvchi organ xodimlari hamkorligida tezkor tadbir o‘tkazildi. Unda shubha ostiga olingan fuqaro A.Yu.ning yuk tashuvchi avtotransport vositasi ko‘zdan kechirilganda, avtotransport vositasi yukxonasidagi yem mahsulotlari ostiga yashirilgan sifatini tasdiqlovchi hujjatlari bo‘lmagan va davlat reyestrida qayd etilmagan 156 turdagi 2,5 mlrd so‘mlik dori vositalari borligi aniqlanib, ushbu dori vositalari ashyoviy dalil sifatida olingan. 

Mazkur holatlar yuzasidan Jinoyat kodeksining 186-3-moddasi bilan jinoyat ishlari qo‘zg‘atilib, tergov harakatlari o‘tkazilmoqda.

Ushbu modda sifatsiz yoki qalbakilashtirilgan dori vositalarini yoxud tibbiy buyumlarni o‘tkazish maqsadida ishlab chiqarish, tayyorlash, olish, saqlash, tashish yoki o‘tkazish, dori vositalarini yoki tibbiy buyumlarni dorixonalardan va ularning filiallaridan tashqarida realizatsiya qilish va boshqalarni nazarda tutadi.

Avvalroq Farg‘ona viloyatida DXX, bojxona va ichki ishlar organlari hamkorligida o‘tkazilgan tezkor tadbir davomida Qo‘qon shahriga yo‘l olgan «xavfli yuk» to‘xtatib qolingandi. 

Source link

O‘simliklar karantini va himoyasi agentligining Toshkent viloyati bo‘yicha boshqarmasi inspektori ushlandi. Inspektor o‘z xizmat mavqeini suiste’mol qilgan holda, noqonuniy boylik orttirmoqchi bo‘lgani aytilmoqda.

Xususan, u Toshkent shahrida yashovchi, 1995-y.t. fuqaroga tegishli 7 turdagi, jami 187 dona qadoqda bo‘lgan mineral o‘g‘it mahsulotlarini «Navoiy» chegara bojxona posti orqali o‘tkazib berganligi evaziga 20 mln so‘m talab qilgan. 

Mazkur noqonuniy harakat Davlat xavfsizlik xizmati xodimlari tomonidan Bojxona qo‘mitasining Shaxsiy xavfsizlik boshqarmasi bilan hamkorlikda o‘tkazilgan tezkor tadbir davomida fosh etildi. 

Inspektor so‘ralgan pul mablag‘ini poytaxtning Olmazor tumani hududida olgan vaqtida ashyoviy dalillar bilan ushlandi. 

Holat yuzasidan unga nisbatan jinoyat ishi qo‘zg‘atilib, «qamoq» ehtiyot chorasi qo‘llanildi. Tergov harakatlari olib borilmoqda.

Avvalroq Toshkent shahrida 2,5 mlrd so‘mlik sifati kafolatlanmagan dori vositalari ashyoviy dalil sifatida olingandi. 

Source link

Poytaxt aeroportida 6,3 kg «marixuana»ni olib kirishga uringan xorijiy yo‘lovchi to‘xtatib qolindi. Bu haqda Davlat bojxona qo‘mitasi xabar berdi. 

«Toshkent-Aero» IBKning «Toshkent xalqaro aeroporti» chegara bojxona posti xodimlari giyohvandlik vositalarini yashirincha olib o‘tishga uringan yo‘lovchini to‘xtatib qolishdi. 

Bangkokdan uchib kelgan xorijiy yo‘lovchilardan biriga tegishli qo‘l yuki va bagajlari bojxona nazoratidan o‘tkazilganida, yuklar orasida turli qadoqlar ichida 12 dona polietilen o‘ramlar yashirilganligi aniqlandi. 

Belgilangan tartibda va xolislar ishtirokida ushbu o‘ramlar ochib ko‘rilganida, ularning ichidagi yashil rangdagi o‘tkir hidli modda Markaziy bojxona laboratoriyasi xulosasiga ko‘ra, 6,3 kgdan ziyod og‘irlikdagi quritilgan marixuanna ekanligi ma’lum bo‘ldi. 

Mazkur modda esa O‘zbekistonda muomalasi taqiqlangan giyohvandlik vositasi hisoblanadi. Holat yuzasidan bojxona organlari tomonidan jinoyat ishi qo‘zg‘atildi. 

Eslatib o‘tamiz, «Toshkent-Aero» IBK tezkor tuzilmalari va bojxona postlari xodimlari tomonidan joriy yilning dastlabki choragida aniqlangan 15 ta holatda salkam 30 kg og‘irlikdagi giyohvandlik vositalarining, shu jumladan sintetik narkotiklarning bojxona chegaralari orqali noqonuniy ravishda olib o‘tilishi va ichki hududdagi yashirin aylanmasiga chek qo‘yildi. 

Olib qo‘yilgan giyohvandlik vositalari o‘tgan yilning shu davriga nisbata 18 kilogrammga oshgan.

Source link