Jamiyat
Temiryo‘l muzeyida ovqatlanish shoxobchasi va attraksionlar ochilgani tanqidlarga sabab bo‘ldi
Toshkent temiryo‘l texnika muzeyi eksponatida ovqatlanish shoxobchasi ochildi. Muzeydagi ayrim joylar ijaraga berilib, bosqichma-bosqich boshqa lokomotivlar ham shunday qilinishi, hudud ko‘ngilochar maskanga aylanishi kutilmoqda. Rasmiylar bu orqali muzeyga ko‘proq odam kelishidan umidvor, jamoat faollari esa bundan norozi.
Ijtimoiy tarmoqlarda Toshkent shahrida joylashgan Temiryo‘llar texnika muzeyidagi poyezd vagonlaridan birida “Sosiskaxona bekati” nomli ovqatlanish shoxobchasi ochilgani haqida xabarlar tarqaldi. Ayrim faollar shoxobcha nomiga, ayrimlari esa muzey eksponatida bunday joy tashkil qilinganiga e’tirozlarini bildirib, post joylashdi.
Xususan, jurnalist Muhrim A’zamxo‘jayev muzey eksponatlarini “sosiskaxona”ga aylantirishni keskin qoralagan. U muzeylar daromad keltirishi uchun attraksionli bog‘ yoki yoki sosiskaxona-yu restoranlarga aylantirilishi shartmasligini yozgan.
“Boshlanishiga har bir eksponat haqida ko‘proq, qiziqroq axborot stendlarini qo‘yib chiqish mumkin, balki interfaolroq nimadir qilsa ham bo‘lar. Vokzallar, stansiyalar, umuman temiryo‘l faoliyatini yuqoridan ko‘rib, tushunishga yordam beradigan miniatyura shaharcha qurish mumkindir.
O‘zbekiston temiryo‘llarining eski vagonlarini — u tramvayniki bo‘ladimi, metroniki bo‘ladimi yoki poyezdniki, farqi yo‘q — “so‘yib tashlamay”, shu muzeyga yig‘aversa ham muzey yanada qiziqarli bo‘lardi. Masalan, juda ko‘pchilik metroning haydovchi o‘rniga o‘tirib ko‘rgisi kelsa kerak — buni muzeydan boshqa yana qaysi joyda qilish mumkin axir?” – degan A’zamxo‘jayev.
Ayni keys jamoatchilik muhokamasiga sabab bo‘lgach, “O‘zbekiston temiryo‘llari” AJ poyezd vagonida tashkil etilgan ovqatlanish shoxobchasidan “Sosiskaxona bekati” nomi olib tashlanganini, muzey hududida rekonstruksiya va obodonlashtirish ishlari davom etayotganini bildirdi.
Qayd etilishicha, shu kunga qadar muzeyda 7 ta bolalar attraksionlari ochilib, 60 metrli noyob musiqali favvora barpo etilgan, 4 ta yirik muzey eksponatlari tashqi va ichki tomondan restavratsiya qilinib, kafe va restoranlar faoliyati uchun moslashtirilgan.
Muzey parkka aylantirilyaptimi?
Kun.uz muzeyning attraksionli bog‘ga aylantirilayotganiga oid savollarga javob olish uchun “O‘zbekiston temiryo‘llari” AJ matbuot xizmati bilan bog‘landi.
Ma’lum qilinishicha, muzeyning ayrim hududlari tadbirkorlarga ijaraga berilgan, hozircha bitta poyezd vagonida ovqatlanish joyi ochilgan, bosqichma-bosqich bunday zonalar ko‘paytiriladi va bo‘sh yerlarga attraksionlar qo‘yiladi.
“Oldin 1 oyda atigi 10 ta odam kelardi, hozir endi 200-300 nafar odam kirib kelyapti. Bu ham muzey uchun katta ko‘rsatkich. Attraksion qo‘yilishi hali loyiha, u bo‘yicha tender o‘tkaziladi. Lokomotivlarning ichida sekin-sekin ovqatlanish shoxobchalari ochilmoqda. Odamlar uning ichiga kirib, atmosferani his qilib ovqatlanadi. Bo‘sh joylarga 1-2 ta attraksion qo‘yiladi, bo‘ldi.
Hozircha bitta lokomotivda “sosiskaxona” qilindi, daraxtlar ekildi, to‘liq obodonlashtirildi. Endi yosh bolalar lokomotivning ichiga kirib, mashinist bo‘lib, narsalarni ushlab, o‘rgana oladi. Kechasi joydagi chiroqlar ham yonyapti, sekin-sekin qilinyapti.
Muzeyning vagonlari o‘sha yerda turadi. Bundan tashqari, poyezdlar turmaydigan maxsus joyga 60 metrli musiqali favvora qilindi. Poyezdlar rekonstruksiya qilinib, [muzey bo‘ylab harakatlanishi uchun] bekatdan olib chiqildi”, – deydi AJ matbuot kotibi Alisher Boltaboyev.
“Markazdagi muzeylar o‘rni sotilib ketishi ehtimoli meni ko‘proq qo‘rqitadi” – iqtisodchi
Iqtisodiy tahlilchi Otabek Bakirov muzey uchun bunday loyiha konsepsiyasi tanlab olinishining asosini so‘rab yozmoqda. Uning fikricha, 200 kishiga yetgan mijozlar sosiska yegani kelyaptimi yo tarixiy texnikani ko‘rganimi, bu nuqta ham ahamiyatli.
Qolaversa, Bakirov muzeyning “tillaga teng yerlari” ovqatlanish shoxobchasi bahona xususiylashtirilishidan xavotir bildirgan.
“Yil o‘tib sosiskaxona o‘rnida dom yo biznes markaz qurvorishga, sosiskaxonaga yondosh muzeyni, aytaylik, Sergeliga ko‘chirib yuborishga bo‘lgan munosabat va e’tirozlar kuchi, albatta, avvalgidek bo‘lmaydi”, – deydi u.
Jamiyat
Jurnalistlar uyushmasi Oila va xotin-qizlar qo‘mitasi bilan hamkorlik memorandumini imzoladi
2026-yil 22-aprel kuni Toshkent shahrida Oila va xotin-qizlar qo‘mitasi raisi Zulayxo Mahkamova O‘zbekiston Jurnalistlar uyushmasi raisi vazifasini bajaruvchi Shuhrat Oripov bilan uchrashuv o‘tkazdi.
Muloqotda oila institutini mustahkamlash, xotin-qizlarning huquq va qonuniy manfaatlarini himoya qilish, ularning jamiyatdagi faolligini oshirish hamda ayollar va bolalarga nisbatan zo‘ravonlikning oldini olishga qaratilgan islohotlarni ommaviy axborot vositalari orqali keng jamoatchilikka yetkazish yuzasidan o‘zaro fikr almashildi.
Uchrashuv yakunida Oila va xotin-qizlar qo‘mitasi va Jurnalistlar uyushmasi o‘rtasida hamkorlik memorandumi imzolandi.
Memorandumga muvofiq, Jurnalistlar uyushmasi o‘z a’zolarini jalb qilgan holda oila va xotin-qizlar masalalariga oid davlat siyosati hamda sohada amalga oshirilayotgan islohotlarni ommaviy axborot vositalarida keng yoritish, shu jumladan video, audio va boshqa mediakontentlar tayyorlash ishlarini amalga oshiradi.
Shuningdek, tomonlar hamkorlikda:
— Mamlakatimizda oila institutini mustahkamlash, xotin-qizlarning jamiyatdagi o‘rni va faolligini oshirishga qaratilgan tashabbuslar, milliy qadriyatlar va ijtimoiy loyihalarni xalqaro miqyosda keng targ‘ib qilish maqsadida xorijiy auditoriya uchun ham jurnalistik materiallar tayyorlash;
— «Oltin qalam»,«Atirgul» kabi ko‘rik-tanlovlar orqali, shuningdek, ijodiy loyihalar va media tashabbuslarni yo‘lga qo‘yish eng yaxshi jurnalistik materiallarni aniqlash, ularni rag‘batlantirish;
— mediaturlar, matbuot anjumanlari va brifinglarda jurnalistlar ishtirokini ta’minlash;
— qo‘mita tizimi xodimlari va xotin-qizlar faollarining OAV bilan ishlash ko‘nikmalarini oshirish maqsadida seminar-treninglar va davra suhbatlari tashkil etish;
— oila va xotin-qizlar hayotiga oid axborotlarni muntazam yig‘ish, tahlil qilish hamda tahliliy materiallar tayyorlash;
— milliy qadriyatlar, ijtimoiy tashabbuslar va ilg‘or tajribalarni xalqaro miqyosda targ‘ib etish uchun xorijiy auditoriyaga mo‘ljallangan materiallar tayyorlash;
— ommaviy axborot vositalari va ijtimoiy tarmoqlarda faol jurnalistlar va blogerlarni rag‘batlantirish bo‘yicha takliflar ishlab chiqish;
— qo‘mita axborot xizmatiga jamoatchilik bilan ishlash va raqamli kommunikatsiyalar bo‘yicha metodik yordam ko‘rsatish;
— joylarda jurnalistika sohasi faxriylarini e’zozlash va ularning yubileylarini nishonlashga qaratilgan tadbirlarni tashkil etish yo‘nalishlarida hamkorlik qiladi.
Ilg‘or ijodkor Prezident mukofoti joriy etiladi.
Prezident farmoniga ko‘ra, 2027-yildan har 2 yilda 1 marta 12-avgust – Xalqaro yoshlar kuni arafasida «Avlodlar muloqoti» xalqaro yoshlar kongressi o‘tkaziladi.
2026-yildan har yili sentyabr oyida davlat-xususiy sheriklik shartlari asosida milliy urf-odatlarga tayanib, yuksak madaniy-estetik me’yorlar hamda xavfsizlikni ta’minlagan holda «Yoshlik – hayotning baxtli va oltin davri» shiori asosida umummilliy yoshlar festivalini o‘tkazib borish yo‘lga qo‘yiladi.
2026-yildan kitobxonlik madaniyatini yuksaltirish yo‘lida fidokorona mehnat qilayotgan yosh ijodkorlarni rag‘batlantirish maqsadida «Ilg‘or ijodkor» Prezident mukofoti joriy etiladi. Unga ko‘ra:
– she’riyat, dramaturgiya hamda bolalar adabiyoti yo‘nalishlari bo‘yicha eng yaxshi yozuvchi va shoirlar mukofotlanadi;
– har bir yo‘nalish bo‘yicha g‘oliblar BHMning 200 baravari miqdorida pul mukofoti bilan taqdirlanadi.
2026-yildan hududlarda ta’lim muassasasi, sport ob’yektlari, yoshlar va madaniyat markazi, kutubxona, kinoteatr, konsert-tomosha zali, ko‘ngilochar saylgoh va bog‘lardan iborat yoshlarga mo‘ljallangan infratuzilma ob’yektlari faoliyatini yo‘lga qo‘yish bo‘yicha minimal standartlar joriy etiladi.
2026–2027-yillarda har bir hududda 1 tadan turizm, gastronomik, yoshlar sayilgohi va savdo-servisga ixtisoslashgan maxsus xizmat ko‘rsatuvchi ko‘chalarda kutubxona,«book cafe», kitob do‘konlari joylashtiriladi.
Kitob sotuvini oyiga 10 mingdan oshirgan tadbirkorlarga 1 mlrd so‘mgacha Markaziy bank asosiy stavkasining 50 foizi miqdoridagi foiz stavkasida 6 oylik imtiyozli davr bilan 3 yilgacha muddatga ssuda ajratish choralari ko‘riladi.
Qayd etilishicha, bolalarning birortasida ham hujjat bo‘lmagan.
Foto: Migratsiya agentligi
Rossiyaning Novosibirsk shahrida ikki nafar o‘zbekistonlik onalarning biri 5 ta, ikkinchisi 2 ta voyaga yetmagan farzandi bilan og‘ir ahvolda qolib ketgan, deb xabar berdi Migratsiya agentligi.
Qayd etilishicha, bolalarning birortasida ham hujjat bo‘lmagan.
“Migratsiya agentligining Rossiyadagi vakolatxonasi hamda Bosh konsulxona tomonidan barcha tashkiliy ishlar hal etildi. Bolalarga vatanga qaytish guvohnomalari rasmiylashtirildi va avia chiptalar olinib, barchalari vatanga qaytarildi”, deyiladi xabarda.
Avvalroq Sankt-Peterburg shahrida murakkab vaziyatga tushib qolgan O‘zbekiston fuqarosi va uning uch nafar voyaga yetmagan farzandi Bosh konsulxona ko‘magi bilan vatanga qaytarilgani xabar qilingandi.
2026-yil 15-apreldan boshlab akseptsiz (roziliksiz) yechib olishlardan foydalanilganda minimal kamaytirilmaydigan qoldiq joriy etiladi. Ya’ni kartada har doim kamida BHMning 3 baravari miqdoridagi qoldiq saqlanadi.
Aniqroq aytganda, avtomatik yechib olishlarda bank kartalarning balansi nolga tushib qolmaydi. Amaliyotlar faqat belgilangan chegaradan ortiq bo‘lgan mablag‘ doirasida amalga oshiriladi.
Ma’lumot uchun, akseptsiz yechib olishlar odatda karta egalarining banklar va boshqa moliyaviy institutlar oldidagi majburiyatlarini (masalan, kreditlar, bo‘lib-bo‘lib to‘lash va boshqa majburiyatlar) so‘ndirish hollarida qo‘llaniladi.
UZCARDning bildirishicha, ushbu shartlar Bank tomonidan mijozdan olingan va OTP tasdiqlangan karta rekvizitlariga nisbatan qo‘llanilmaydi.
Poytaxtda 16,2 km BRT yo‘laklari hamda 56 km ajratilgan avtobus yo‘laklarini tashkil etish, ajratilgan yo‘laklarda 600 dan ortiq kameralar o‘rnatish, 1116 ta bekatni rekonstruksiya qilish, 545 ta «aqlli» svetofor o‘rnatish ko‘zda tutilmoqda.
Foto: Toshshahartransxizmat
Toshkent shahrida qo‘shimcha ravishda 240 ta avtobus xarid qilish orqali 16 ta yangi yo‘nalish tashkil etiladi. Bu haqda Xalq deputatlari Toshkent shahar Kengashining Qurilish, kommunal, suv xo‘jaligi, ekologiya, sanoat va transport masalalari bo‘yicha doimiy komissiyasi qarorida aytilmoqda.
Qayd etilishicha, Toshkent shahri jamoat transporti tizimida jami 169 ta yo‘nalish faoliyat yuritib, mazkur yo‘nalishlarga 1927 ta avtobus biriktirilgan. Kun davomida ushbu transport vositalari orqali o‘rtacha 23 000 ta qatnov amalga oshirilmoqda.
O‘tkazilgan tahlillar natijasida Toshkent shahri jamoat transporti tizimi faoliyatida qator tizimli muammolar mavjudligi aniqlangan. Xususan, tirbandlik yuqori bo‘lgan vaqtlarda avtobuslarni kutish vaqti 35–40 daqiqagacha oshib ketmoqda. Bu esa aholi uchun ortiqcha vaqt sarfiga, ish va o‘qish joylariga o‘z vaqtida yetib borishda qiyinchiliklarga, shuningdek jamoat transportiga nisbatan ishonchning pasayishiga sabab bo‘lmoqda. Ayrim yo‘nalishlarda harakat intervallarining ortib ketishi esa yo‘lovchilar uchun noqulayliklarni yanada kuchaytirmoqda.
Mavjud muammolarni bartaraf etish maqsadida quyidagi chora-tadbirlar amalga oshirish rejalashtirilmoqda:
Qo‘shimcha ravishda 240 ta avtobus xarid qilish orqali harakat tarkibini kengaytirish;
16 ta yangi yo‘nalishni tashkil etish, kunlik qatnovlar sonini qo‘shimcha 2000 taga oshirish;
16,2 km BRT yo‘laklari hamda 56 km ajratilgan avtobus yo‘laklarini tashkil etish, ajratilgan yo‘laklarda nazoratni kuchaytirish maqsadida 600 dan ortiq kameralar o‘rnatish;
bekat infratuzilmasini modernizatsiya qilish doirasida 1116 ta bekatni rekonstruksiya qilish hamda 70 ta yangi bekat qurish;
545 ta «aqlli» svetoforlarni o‘rnatish orqali transport harakatini real vaqt rejimida boshqarishni yo‘lga qo‘yish.
267 nafar farzandni tarbiyalagan “Super dada” (foto)
Tokayevga muhim hujjat topshirildi: Qozog‘iston MDHda birinchi
Prezident «aravasini torta olmayotgan» hokimlar bugunning o‘zida lavozimiga loyiqligi ko‘rib chiqilishini aytdi
-
Jamiyat5 days ago
Самарқандда МЧЖ раҳбарларининг кирдикорлари ошкор бўлди: тафсилотлар
-
Dunyodan5 days agoEron Hurmuz boʻgʻozini bloklagani sababli muzokaralarni rad etmoqda
-
Siyosat3 days agoSaida Mirziyoyeva xalqaro forumda Prezident murojaatini o‘qib eshittirdi
-
Siyosat5 days ago“Oʻzbekneftgaz” va Xitoyning CNPC hamkori uglevodorodlarning oʻta chuqur zahiralarini oʻrganish boʻyicha
-
Siyosat4 days agoSamarqandda narkotiklarning transmilliy tahdidlariga qarshi kurash bo‘yicha xalqaro forum bo‘lib o‘tmoqda
-
Siyosat4 days agoGiyohvand moddalar savdosini moliyaviy tomirlarni kesish orqali to’xtatish mumkin.
-
Siyosat3 days agoHukumat mehnat muhojirlariga til oʻrgatish va malaka olish xarajatlari uchun kompensatsiya toʻlashi kerak
-
Siyosat3 days agoPrezident Shavkat Mirziyoyev JSST bosh direktorini qabul qildi