Jamiyat
54 kun qidirilgan murda: navoiylik oshiq-ma’shuq qotillar
2024 yil 29 noyabr. “Navoiy-Toshkent” yo‘nalishida qatnaydigan avtobusda “posadchik” bo‘lib ishlaydigan yigit uyiga qaytmaydi. O‘zbekiston karlar jamiyati Navoiy viloyat hududiy bo‘limi raisi lavozimida ishlaydigan turmush o‘rtog‘i “Sizlar bilan ketgandi, topib beringlar”, deya avvaliga avtobuschining oldiga boradi. So‘ngra IIBga murojaat qiladi. Hamma uni izlar, biroq 33 yoshli yigit hech qayerda yo‘q edi. Oradan 54 kun o‘tib u topildi, faqat murdasi: yigit qotillik qurboni bo‘lgandi.
{Yii::t(}
O’tkazib yuborish 6s
O’tkazib yuborish
Shunday jinoyatlar bo‘ladiki, qaysidir jihati bilan yillar davomida odamlar xotirasida muhrlanib qoladi. 2024 yilning noyabr oyi oxirida Karmana tumanida sodir etilgan qotillikni ham navoiyliklar, ayniqsa g‘avvoslar hali-beri unutishmasa kerak. Chunki qotillik qurboni bo‘lgan 33 yoshli yigitning murdasi Zarafshon daryosidan qariyb 2 oy davomida izlangan. Maqolada ushbu jinoyat tafsilotlari haqida to‘xtalib o‘tamiz.
Yo‘qolib qolgan “posadchik”
Davron Kenjayev va Maftuna Husainova 2012 yilda turmush qurishgan. Ular ikki farzandi bilan Karmana tumanining Kattamachid mahallasida istiqomat qilishardi.
Davron Kenjayev “Navoiy-Toshkent” yo‘nalishida qatnaydigan avtobuslarning birida yo‘lovchilarni yo‘naltiruvchi (posadchik) bo‘lib ishlagan. U mehnatkash, uyim-joyim deydigan oddiy yigit bo‘lgan. 1990 yilda tug‘ilgan Maftuna Husainova esa O‘zbekiston karlar jamiyati Navoiy viloyat hududiy bo‘limi raisi lavozimida ishlagan.
Davron 2024 yil 29 noyabr kuni erta tongda ishga ketganicha uyiga qaytmaydi. Ertasi kuni ham daragi bo‘lavermagach, turmush o‘rtog‘i avvaliga eri bilan birga ishlaydiganlarga qo‘ng‘iroq qilib, uni so‘raydi. “Sizlar bilan birga ketgan edi-ku”, deydi ayol xavotirli ohangda. So‘ngra turmush o‘rtog‘i yo‘qolib qolgani haqida ichki ishlar bo‘limiga xabar beradi.
Ishi tugashi bilan uyiga yuguradigan Davronning birdan yo‘qolib qolishi uning yaqinlarini oyoqqa turg‘izgandi: hamma uni izlashga tushadi, biroq ha deganda topilavermaydi. Davron mudhish qotillik qurboni bo‘lganini bu paytda hech kim bilmasdi.
Oshiq taksist
Davron va Maftuna bir qarashda atrofdagilarga baxtli oila kabi ko‘rinardi: har ikkisi ishli, farzandlari bor, birovdan kam joylari yo‘q. Hatto Maftuna bolalarini maktab va bog‘chaga olib borib-keltirish, o‘zining yumushlari uchun shaxsiy taksist ham tutib qo‘ygandi. Bu 1992 yilda tug‘ilgan Soyib Primov edi.
Soyib oylik to‘lov evaziga har kuni ertalab Maftunaning o‘g‘lini maktabga, qizini esa bog‘chaga olib borib, darslar tugagach keltirib qo‘yardi. Undan hech kim shubha qilmagan. Ammo oldindan tanish bo‘lgan Soyib va Maftuna 2023 yilning dekabr oyidan boshlab don olisha boshlagandi. Davron Toshkentga ketganida Maftuna Soyibni ko‘ngli tusab, uni kechasi uyiga chaqirar, oshiqlarning bunday diydorli tunlari haftada bir-ikki bo‘lib turardi.
Kutilmagan “mehmon”
2024 yilning 29 noyabr kuni tunda ham oshiq-ma’shuqlarning ana shunday uchrashuvi bo‘lib o‘tadi: o‘sha kuni soat 21:00 dan keyin Soyib Maftunaga borishini aytib xabar jo‘natadi.
Maftuna avvaliga o‘g‘lini, keyin qo‘shni xonaga olib o‘tib qizini uxlatadi. Keyin tashqariga chiqib darvozani ochadi va Soyib kirib keladi. Ular xonaga kirishadi va o‘tirib, birga ovqatlanishadi. So‘ngra ayol uxlab yotgan qizi yonida boshqa erkak bilan oshiq-ma’shuq o‘yinini o‘ynaydi.
Soat tungi 1:00 lar atrofida Soyib kech bo‘lib qolganini aytadi va ketishga chog‘lanadi. Tashqariga chiqqanda kutilmaganda darvozadan Davron kirib keladi. Yo‘l azobi – go‘r azobi deganlariday, u xorib-tolgan holatda edi. Ammo xiyonat ustidan chiqqan Davron yarim tunda uyida taksistni ko‘rib, Soyibning yoqasidan oladi. 12 yillik turmushi davomida ishonib kelgan ayolining qilmishi uni esankiratib qo‘ygandi.
Tundagi qotillik
Davron va Soyib janjallasha boshlaydi. Biroq Maftunani ularning janjali emas, mahalla-ko‘y va qarindoshlari oldidagi sharmandalik ko‘proq o‘ylantira boshlagandi.
Soyib Davronning yuziga ketma-ket musht tushiradi va uni yerga yiqitadi. Eri yordam so‘rab baqira boshlaganini ko‘rgan ayol yugurib borib qo‘llari bilan uning og‘zini yopadi. Bundan foydalangan oshiq taksist Davronning egnidagi kurtkasi yoqasi bilan uni bo‘g‘ib, qasddan o‘ldiradi.
Shu tariqa, Davron o‘z uyida qotillik qurboni bo‘ladi. Mudhish jinoyatga qo‘l urgan oshiq-ma’shuqning oldida endi murda va jinoyatni yashirish muammosi turgandi. Maftuna va Soyib o‘lib yotgan Davronning qo‘llarini orqasiga qilib bog‘lashadi va Nexia mashinasi yukxonasiga yuklashadi. So‘ngra Karmana va Navbahor tumanlarini bog‘lovchi ko‘prikdan o‘tib, murdani Zarafshon daryosiga tashlab yuborishadi.
Shuningdek, ular Davronni go‘yoki bedarak yo‘qolgan shaxs sifatida ko‘rsatish maqsadida unga tegishli fuqarolik pasportini yoqib yuborishgan.
Maftuna Soyib bilan ishqiy munosabati hamda Davronning o‘ldirilishi yopiqligicha qoladi, deb o‘ylagandi. Ammo unaqa bo‘lmadi.
Yo‘qotilgan izlar va soxta xavotir
Erining murdasi daryoga tashlab qaytilgach Maftuna tonggacha uxlolmaydi. Erta tongda tashqariga chiqib, hovlini supurib, izlarni yo‘qotadi.
Soat 9:00 larda Davron bilan birga ishlaydigan yigit Maftunaga qo‘ng‘iroq qiladi va erini so‘raydi. Shunda ayol ovoziga biroz xavotir tusini berib, “Iye, axir sizlar kecha birga Toshkentga ketgandingizlar-ku, qaytib keldingizlarmi?” deb so‘raydi. Bunga javoban yigit bu safar Toshkentga bormaganini, Davronning qayerdaligini amakisidan so‘rab aniqlashini aytadi. Oradan ko‘p o‘tmay o‘sha yigit yana qo‘ng‘iroq qilib, Davron kechasi uyiga ketganligini bildiradi. Maftuna esa turmush o‘rtog‘i hali kelmaganini aytadi.
So‘ngra ayol ishga, u yerdan chiqib maktabga ota-onalar majlisiga boradi. Soat 17:30 larda uyga keladi. Keyin “102” raqamiga murojaat qilib, turmush o‘rtog‘i uyga qaytib kelmaganini aytadi.
Jinoyatning ochilishi
Maftuna va Soyib jinoyatni qancha yashirishga urinmasin, buning uddasidan chiqa olishmaydi. 2024 yil 5 dekabr kuni Maftunani tuman prokuraturasiga chaqirishadi va nima bo‘lganini so‘rashadi. U o‘zi oldindan to‘qib qo‘ygan cho‘pchagini aytib beradi.
So‘ngra ayolni tuman ichki ishlar bo‘limiga chaqirishadi. Maftuna u yerda ham qilt etmasdan yolg‘onini aytib turaveradi. Shunda unga Soyibning telefon raqamini ko‘rsatishib, kimligini so‘rashadi. Haydovchim, deydi ayol.
Soyib ham ichki ishlar bo‘limiga chaqiriladi. Oshiq taksist hammasi oshkor bo‘libdi, degan o‘yda bo‘lib o‘tgan voqealarini aytib beradi.
Aslida zinokorlar qilgan qotilliklari oshkor bo‘lmasligi uchun tish-tirnoqlari bilan harakat qilishgan. Hatto Soyib Maftunani Navoiy shahrida yashovchi Tuyg‘un Nazarovning oldiga olib borgan. U esa duo o‘qish orqali ish ochilmasligini tashkillashtirib berish uchun 1000 dollar so‘ragan.
Maftuna ertasiga 10 mln so‘m kredit olib, Tuyg‘un Nazarov aytgan bank kartasiga o‘tkazib bergan. Erkak esa bir hayvon terisini ayolga tutqazib, unga duo o‘qiganini, terini chap ko‘kragiga skotch yordamida ilib qo‘yishni, shunda IIB xodimlari chaqirsa ham undan shubha qilmasliklarini aytgan. Bundan tashqari, bir qulf berib, uni oqar suvga tashlashni, bu orqali qilgan ishlari folbinga borib, “fol” ochtirilsa ham chiqmasligini bildirgan.
“Tush ko‘rding, o‘g‘lim”
Hammasi aniq bo‘lgan, ammo Davronning murdasi topilmagandi. Qish kuni emasmi, havoning sovuqligi ham g‘avvoslarga qiyinchilik tug‘dirardi. Tinimsiz davom etgan qidirish ishlaridan so‘ng oradan 54 kun o‘tib murda topiladi.
Maftuna Husainova sudda aybiga to‘liq iqrorlik bildirgan, turmush o‘rtog‘ining o‘lishini ham, tirik qolishini ham istamaganini aytgan.
“Davronga Soyibni oylik taksist sifatida yollaganimni aytgandim. Soyib bilan 2024 yil 30 noyabr kunidan keyin har kuni jinoyat fosh bo‘lmasligi uchun suhbatlashib turdik. 1 dekabr kuni u bilan ko‘chada taksi yollab, kamera bor yoki yo‘qligini bilish maqsadida Davronni daryoga tashlab yuborgan joyga ham borib keldik.
Men birinchi navbatda sharmanda bo‘lishdan, keyin javobgarlikdan qo‘rqdim. Men Soyib Davronni hushsiz holatga keltirganda u o‘lgan ham bo‘lishi mumkin deb o‘ylagandim, ammo o‘lganiga to‘liq ishonchim komil bo‘lmagandi. Uning tirik qolishini ham xohlamagandim. Chunki tirik qolsa, bizlar sharmanda bo‘lardik. Qasd olish uchun bizni o‘ldirishi mumkin edi. Shu uchun uni yo‘q qilish fikri tug‘ilgandi.
Soyib hovlida Davron bilan janjallashayotgan vaqtda men yugurib uyga kirdim va to‘shalgan ko‘rpa-to‘shakni yig‘ib, so‘ngra qaytib hovliga chiqdim. Uyga kirgan vaqtimda o‘g‘lim uyg‘oq turganini ko‘rdim. Undan nimaga uxlamayotganini so‘radim. O‘g‘lim “dadamning ovozini eshitdim” dedi. O‘g‘limga tush ko‘rganini aytib, yotib uxlashini buyurdim va xonadan chiqib ketdim.
Ertalab maktabga olib borayotganimda ham o‘g‘lim kechqurun dadasining ovozini eshitganini aytdi. Shunda o‘g‘limga bu haqda hech kimga aytmasligini, agar biror kishiga aytadigan bo‘lsa, meni qamab qo‘yishlari mumkinligini tayinladim”, degan ayol o‘z ko‘rsatmasida.
Jazo
Maftuna va Soyibning jinoyati o‘zlarining iqrorligidan tashqari rad qilib bo‘lmas ko‘plab dalillar, o‘nlab ekspertiza xulosalari asosida isbotini topgan.
Jinoyat ishlari bo‘yicha Qiziltepa tuman sudining 2025 yil 6 maydagi hukmi bilan oshiq-ma’shuqlar qotillik jinoyatini sodir qilishda aybli deb topilgan. Maftuna Husainovaga 13 yil 1 oy, Soyib Primovga 18 yil 6 oy muddatga ozodlikdan mahrum qilish jazosi tayinlangan. Jazoni umumiy tartibli koloniyalarda o‘tash belgilangan.
Shuningdek, hukm bilan Tuyg‘un Nazarovga ham jazo qo‘llangan. U firibgarlik hamda jinoyat haqida xabar bermaslik yoki uni yashirish jinoyatini sodir qilgan deb topilib, 2 yil 6 oyga ozodlikdan mahrum qilingan.
Ruslan Saburov,
Kun.uz
Sud materiallari asosida tayyorlandi.
Muntazam ravishda yong‘oq iste’mol qilish, ayniqsa, jismoniy faolligi past va sog‘lom ovqatlanishga rioya qilmaydigan odamlarda kognitiv ko‘rsatkichlarning yaxshilanishi bilan bog‘liq bo‘lishi mumkin. Bu xulosaga Food & Function (F&F) jurnalida chop etilgan tadqiqot mualliflari keldi.
Olimlar Fragnham Heart Study tadqiqotida o‘rtacha yoshi 61 bo‘lgan 1771 ishtirokchining ma’lumotlarini tahlil qilishdi. Ular odatiy yong‘oq iste’moli, xotira va fikrlash testlari ballari, miya hajmi, neyrotrofik omillar darajasi va keyingi 10 yil ichida insult va demensiya holatlarini baholadilar.
Insultni boshdan kechirmagan odamlar orasida yong‘oqni ko‘proq iste’mol qilish umumiy kognitiv ko‘rsatkichlarning yaxshilanishi bilan bog‘liq edi. Bu bog‘liqlik harakatsiz yoki yomonroq ovqatlanishga ega bo‘lgan ishtirokchilar orasida eng muhim edi. Jismoniy faol odamlar orasida yong‘oq iste’mol qilish umumiy miya hajmining kattalashishi bilan ham bog‘liq edi.
Biroq, 10 yillik kuzatuv davrida yong‘oqlar insult yoki demensiya holatlarining kamayishi bilan bog‘liq emas edi.
Avvalroq olimlar bodomni har kuni iste’mol qilish uyqu sifatini yaxshilashga yordam berishini aniqlagan.
«Andijon suv ta’minoti» AJ Jalaquduq tumani filiali boshlig‘i ushlandi.
Bosh prokuratura huzuridagi Departamentning Andijon viloyati boshqarmasi va boshqa huquqni muhofaza qiluvchi organ xodimlari hamkorligida tezkor tadbirda o‘tkazilgan.
Unda «Andijon suv ta’minoti» AJ Jalaquduq tumani filiali boshlig‘i K.T. fuqaro B.A.ning «Tuyalas» MFY hududidagi xonadoniga kanalizatsiya tarmog‘i o‘rnatish uchun texnik shart qildirib berishini aytib, K.T.ning topshirig‘iga ko‘ra 8 500 AQSh dollarini fuqaro M.Sh. olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Jamiyat
Toshkentda fuqaro o‘ziga tegishli uydan chiqarib yuborildi. Prokuratura vaziyatga izoh berdi
Poytaxtda bir necha fuqarolar o‘ziga tegishli uydan chiqarib yuborilgani haqida xabar berildi. Toshkent shahar prokuraturasi mazkur masala yuzasidan izoh berdi.
Ijtimoiy tarmoqlarda fuqaro R.Payanov va boshqalar o‘zlariga tegishli bo‘lgan uydan majburiy ravishda chiqarib yuborilganliklari haqida murojaat yo‘llashgan.
Ushbu holat Toshkent shahar prokuraturasi va Toshkent shahar hokimligi tomonidan joyiga chiqqan holda murojaat mualliflari va MEGA LOGISTICS SERVICE MChJ vakillari ishtirokida o‘rganildi hamda tegishli shaxslardan arizalar qabul qilib olindi.
Mazkur murojaat Toshkent shahar prokuraturasi tomonidan nazoratga olindi, natijasi bo‘yicha qonuniy qaror qabul qilinishi ta’minlanadi, deyiladi xabarda.
Prezidentning «Muayyan yashash joyiga ega bo‘lmagan shaxslarga ijtimoiy xizmatlar ko‘rsatish tizimini takomillashtirish to‘g‘risida»gi qarori qabul qilindi.
Hujjatga muvofiq, ichki ishlar organlarining Muayyan yashash joyiga ega bo‘lmagan shaxslarni reabilitatsiya qilish markazlari Vaqtinchalik boshpana va ijtimoiy tiklanish markazlari deb qayta nomlanadi.
2026-yil 1-sentyabrdan boshlab boshpanasiz shaxslarni ijtimoiy markazlarga sud qarori asosida joylashtirish amaliyoti bekor qilinadi. Endi ular mazkur markazlarga faqat o‘z roziligi bilan qabul qilinadi.
Ijtimoiy markazlarga joylashtirilgan shaxslar vaqtinchalik boshpana, oziq-ovqat va shaxsiy gigiyena vositalari bilan ta’minlanadi. Shuningdek, ular individual rejalar asosida ijtimoiy xizmat va yordamlardan foydalanadi.
2026-yil 1-oktyabrdan boshlab ijtimoiy markazlarda bo‘lgan boshpanasiz shaxslar qonunchilikda belgilangan tartibda ishsiz deb e’tirof etiladi.
Ularga tuman va shahar kambag‘allikni qisqartirish va bandlikka ko‘maklashish bo‘limlari orqali kasb-hunarga o‘qitish uchun vaucherlar ajratiladi.
Shuningdek, markazda bo‘lgan davrda ular muassasa manzili bo‘yicha vaqtincha ro‘yxatga qo‘yiladi. Shaxsni tasdiqlovchi hujjatlarni rasmiylashtirish hamda vaqtincha ro‘yxatdan o‘tkazish bilan bog‘liq davlat boji «Saxovat va ko‘mak» jamg‘armasi mablag‘lari hisobidan qoplab beriladi.
Prezident Shavkat Mirziyoyev Kadastr agentligi faoliyatini yangicha yondashuvlar asosida tashkil etish, aholi va tadbirkorlarga ko‘rsatilayotgan xizmatlarni soddalashtirish bo‘yicha takliflar taqdimoti bilan tanishdi.
So‘nggi ikki yilda 1 million 200 mingdan ortiq ko‘chmas mulk obyekti xatlovdan o‘tkazildi. Natijada qo‘shimcha 16,5 ming gektar yer va 49 million kvadrat metr qurilish maydoni aniqlandi.
Aniqlangan obyektlarning 270 mingtasi kadastr bazasiga kiritilib, budjet uchun yiliga 315 milliard so‘mlik qo‘shimcha soliq bazasi yaratildi. Kadastr xizmatlarining 90 foizi onlayn shaklda ko‘rsatilmoqda.
Shu bilan birga, sohada aholi va tadbirkorlarni o‘ylantirayotgan muammolar saqlanib qolayotgani qayd etildi.
Joriy yilning birinchi yarmida kadastr xizmatlaridan foydalanish bo‘yicha 1 milliondan ortiq ariza kelib tushgan bo‘lsa, ularning 330 mingtasi yoki 30 foizi rad etilgan. Ya’ni amalda har uchta arizadan bittasi qanoatlantirilmagan.
Bunday holatlar fuqarolarning ortiqcha vaqt va mablag‘ sarflashiga, masalasini hal qilish uchun yana boshqa idora yoki shaxslarga murojaat etishiga sabab bo‘lib, korrupsiyaviy xavflarni ham kuchaytirmoqda.
Xizmatlarni raqamlashtirish jarayonida barcha qarorlarni markazlashgan tartibda qabul qilish amaliyoti shakllangani ham aholi uchun ortiqcha to‘siqlarni yuzaga keltirgan.
Xususan, noturar obyekt toifasini o‘zgartirish uchun viloyat yoki respublika darajasidagi tashkilot roziligi talab qilinmoqda. Bitta masalani hal qilish uchun fuqarolardan bir necha marta ariza topshirish va har bir ariza uchun alohida to‘lov qilish so‘ralmoqda.
Masalan, bitta hovlini aka-uka o‘rtasida bo‘lish uchun to‘rtta, bitta merosni uch qismga ajratish uchun esa oltita ariza talab qilinadi. Bitta ariza tuman, viloyat va respublika darajasida 30-50 ta bosqichda ko‘rib chiqilib, jarayon o‘rtacha 15-20 kunga cho‘zilmoqda.
Yer nazorati sohasida jinoiy va ma’muriy javobgarlik choralari kuchaytirilgani ijobiy natija berayotgani qayd etildi. Biroq jarimalarni oshirish bilan cheklanmasdan, huquqbuzarlik oqibatlarini bartaraf etish va fuqarolarni qonuniy faoliyatga qaytarishga qaratilgan mexanizmlarni joriy qilish zarurligi ta’kidlandi.
Taqdimotda agentlikning boshqaruv tuzilmasi ham tanqidiy tahlil qilindi.
Hozirda tuman va viloyat darajasida Kadastr agentligi hamda Kadastr palatasining alohida hududiy bo‘linmalari mavjud bo‘lib, tizim amalda ikkita rahbar tomonidan boshqarilmoqda.
Tizimdagi xodimlarning 56 foizini rahbar va nazoratchilar, 44 foizini esa bevosita ijrochilar tashkil etadi. Ishga qabul qilish jarayonlarining murakkabligi sababli 700 dan ortiq ish o‘rni vakant qolmoqda. Xodimlarning 40 foizi o‘z mutaxassisligi bo‘yicha ishlamayapti.
Qolaversa, viloyat darajasidagi rahbarlarga tuman bo‘linmalari rahbarlariga nisbatan intizomiy chora ko‘rish vakolati berilmagan. Natijada ijrochi xodimlarning ish yuklamasi ortib, mehnatiga haq to‘lash darajasi pastligicha qolmoqda.
Shu bois, kadastr xizmatlarini bosqichma-bosqich quyi bo‘g‘inga tushirish va hududiy bo‘linmalarning vakolatlarini kengaytirish taklif qilindi.
Respublika darajasida ishlayotgan xodimlarning kamida 30 foizini tumanlarga o‘tkazish, respublika, viloyat va tuman darajasidagi Kadastr palatasi va xizmat ko‘rsatish tuzilmalarini birlashtirish nazarda tutilmoqda. Bu orqali hududiy bo‘linmalarning mustaqilligi va mas’uliyati oshiriladi, xizmatlar fuqarolarga yaqinlashtiriladi.
Tuzilmaviy o‘zgarishlar jarayonida aholi sarson bo‘lmasligi uchun bir hafta muddatda «Kadastr maslahat burchagi» va «Tezkor kadastr» xizmatlarini yo‘lga qo‘yish vazifasi belgilandi.
Agentlik faoliyatini «bitta ariza – bitta to‘lov» tamoyili asosida tashkil etish bo‘yicha takliflar ham ko‘rib chiqildi.
Yangi tartibga ko‘ra, ko‘chmas mulkka huquq paydo bo‘lganida ariza avtomatik ravishda shakllantirilib, proaktiv xizmat ko‘rsatiladi. Bu orqali bir yilda 1 million 200 ming nafar arizachining vaqti va mablag‘i tejaladi. Kadastrga oid barcha xizmatlarni bitta ariza asosida ko‘rsatish yo‘lga qo‘yilib, yiliga 200 mingta ortiqcha ariza qisqartiriladi.
Ko‘chmas mulkka bo‘lgan huquqni ro‘yxatdan o‘tkazish jarayoni to‘liq onlayn shaklga o‘tkaziladi. Natijada yiliga 500 mingta arizani amaldagi 10-15 kun o‘rniga bir necha soniyada ro‘yxatdan o‘tkazish imkoniyati yaratiladi.
Ma’muriy javobgarlikni maqbullashtirish bo‘yicha takliflar ham ma’qullandi.
Jumladan, 2018 yilga qadar noqonuniy qurilgan uy-joylar uchun jarima qo‘llamaslik, noqonuniy qurilish ixtiyoriy ravishda bartaraf etilganda javobgarlikni yengillashtirish taklif qilindi. Shuningdek, ko‘chmas mulk huquqini ro‘yxatdan o‘tkazish uchun belgilangan muddatda ariza berilmagan holatda birinchi marta jarima o‘rniga ogohlantirish berish nazarda tutilmoqda.
Mutasaddilarga xizmatlarni soddalashtirish, ortiqcha bosqich va to‘lovlarni qisqartirish, qaror qabul qilish vakolatlarini quyi bo‘g‘inga tushirish hamda soha xodimlarining mehnat sharoitlarini yaxshilash yuzasidan tegishli topshiriqlar berildi.
Xotira va miya holatini yaxshilovchi meva nomi aytildi
Markaziy bank dollar bo‘yicha yangi ma’lumot berdi
Nogironligi bo‘lgan abituriyentlarga imtihonda qo‘shimcha vaqt beriladi
-
Siyosat4 days agoShavkat Mirziyoyev ilgari surgan rezolyusiya BMTda ko‘pchilik ovoz bilan qabul qilindi
-
Mahalliy5 days ago
Uzrli sabab tufayli milliy sertifikat imtihonida qatnasholmaganlarga to‘lov qaytariladi
-
Mahalliy4 days ago
Toshkentning 10 ta tuman hokimiga nisbatan xizmat tekshiruvi o‘tkaziladi
-
Iqtisodiyot4 days ago
O‘zbekistonning Markaziy Osiyo va Ozarbayjon bilan savdosi keskin o‘sdi
-
Jamiyat3 days ago
Endi boshpanasizlar Ijtimoiy markazlarga sud qarorisiz joylashtiriladi
-
Sport3 days ago
Husanovning yillik maoshi taxminan 7,5 million yevroga yetadi
-
Iqtisodiyot4 days ago
O‘zbekistonning yalpi ichki mahsuloti 1 kvadrillion so‘mdan oshdi
-
Iqtisodiyot3 days ago
Dollar kursi 11 900 so‘mdan tushib ketdi