Endi tadbirkor qurgan obektini elektr, gaz, suv, kanalizatsiya va boshqa tarmoqlarga ulash uchun alohida-alohida ariza berib yurmaydi: 1 iyuldan boshlab “bitta ariza – bir to‘lov – barcha ulanish nuqtalari” tamoyili joriy etiladi. 1 sentabrdan bir nechta davlat xizmatlari birlashtirilib, yagona xizmat – arxitektura va shaharsozlik talabini berish yo‘lga qo‘yiladi. Qurilish texnikalari importi bojdan ozod etilmoqda.

O‘zbekiston prezidenti 4 iyun kuni “Qurilish sohasida natijaga asoslangan boshqaruvni joriy etish hamda sohada davlat xizmatlarini soddalashtirish chora-tadbirlari to‘g‘risida” farmon imzoladi.

Farmonga ko‘ra, 2026 yil 1 iyuldan obektlarni muhandislik-kommunikatsiya tarmoqlariga ulash “bitta ariza – bir to‘lov – barcha ulanish nuqtalari” tamoyili asosida kompozit shaklda amalga oshiriladi.

2026 yil yakuniga qadar Toshkent shahri, 2027 yil yakuniga qadar qolgan hududlar bo‘yicha “Hududiy elektr tarmoqlari” AJ, “Hududgazta’minot” AJ, “O‘zsuvta’minot” AJ va boshqa muhandislik-kommunikatsiya tashkilotlarining tegishli tarmoqlardagi yuklamalar, mavjud zaxira va ulanish nuqtalari haqidagi ma’lumotlari geografik axborot tizimi (GIS) shaklida “Raqamli hukumat” tizimining idoralararo integratsiyalashuv platformasiga integratsiya qilinadi.

Bunda mazkur ma’lumotlar asosida obektlarni muhandislik-kommunikatsiya tarmoqlariga ulash uchun texnik shartlarni berish jarayonlari bosh reja raqamlashtirilgan aholi punktlarida to‘liq inson omilisiz amalga oshiriladi.

Yagona davlat xizmati

Hujjatda yozilishicha, Qurilish va uy-joy kommunal xo‘jaligi vazirligi tomonidan Toshkent shahrida bino-inshootlarning ixtisoslashishini o‘zgartirish, qayta qurish, rekonstruksiya qilish hamda o‘z hududida qo‘shimcha bino-inshootlar qurishni loyihalashtirishga ruxsatnoma berish va arxitektura-rejalashtirish topshirig‘ini ishlab chiqish bo‘yicha davlat xizmatlarini bitta bosqichda ko‘rsatish amaliyoti joriy qilingan va bu ijobiy natija bergan.

2026 yil 1 sentabrdan boshlab yuqorida sanab o‘tilgan davlat xizmatlari respublikaning barcha hududlarida birlashtirilib, yagona davlat xizmati – arxitektura va shaharsozlik talabini berish tizimi joriy etiladi. Bunda mazkur talablar bosh rejasi raqamlashtirilgan aholi punktlari bo‘yicha inson omilisiz (avtomatik ravishda) shakllantiriladi.

Hududiy kengashlarga hokimlar rais bo‘ldi

Hududiy arxitektura-shaharsozlik kengashlariga raislik qilish tegishliligiga ko‘ra Qoraqalpog‘iston Respublikasi Vazirlar Kengashi raisi, viloyatlar va Toshkent shahar hokimlari zimmasiga yuklandi.

Binoning konstruksiyasi, mustahkamligi va yong‘in xavfsizligiga ta’sir qilmaydigan, quvvati va maqsadi o‘zgarmagan holda shaharsozlik norma va qoidalariga zid bo‘lmagan loyihadagi rejaviy tuzilish (planirovka)da o‘zgarishlar mavjud bo‘lganda, ushbu bino loyihasini shaharsozlik ekspertizasidan o‘tkazish jarayonida loyiha hujjatlarini hududiy kengashlar bilan qayta kelishish amaliyoti bekor qilindi.

Qurilish sohasida davlat xizmatlarini ko‘rsatish jarayonida aniqlangan kamchiliklarni bartaraf etish uchun qo‘shimcha 5 ish kuni beriladi.

Ko‘proq hujjatlar raqamli shaklga o‘tadi

Qurilish va uy-joy kommunal xo‘jaligi sohasida nazorat qilish inspeksiyasi 2026 yil 1 sentabrdan boshlab:

qurilish sub’yektlari tomonidan yuritilishi majburiy bo‘lgan ijro hujjatlarini raqamlashtirishi hamda ularni qog‘oz shaklida talab etish tartibini bekor qilishi;

qurilishga ruxsat berish va foydalanishga qabul qilish bo‘yicha arizalarni sun’iy intellekt orqali tahlil qilish tizimini bosqichma-bosqich joriy etishi kerak.

Qurilish obektlarida kameralar o‘rnatiladi

2026 yil 1 sentabrdan boshlab qurilishi yangidan boshlanadigan quyidagi obektlarda videokuzatuv kameralari majburiy o‘rnatiladi:

tadbirkorlik sub’yektlari tomonidan quriladigan ko‘p kvartirali uy-joylar, III va IV toifadagi ijtimoiy soha, mehmonxona, turizm, savdo va sanoat obektlarida;

budjet mablag‘lari hisobidan quriladigan qiymati 3 milliard so‘mdan yuqori bo‘lgan obektlarda (muhandislik-kommunikatsiya tarmoqlari bundan mustasno).

Lizingga olingan texnikalar uchun ball beriladi

Pudrat tashkilotlarining lizing asosida jalb etilgan maxsus texnika vositalari “Shaffof qurilish” milliy axborot tizimining reyting baholash jarayonlarida inobatga olinadi.

Qurilish vazirligi ikki oy muddatda bu tartibni yo‘lga qo‘yishi kerak. Bunda, lizing asosida olingan maxsus texnikalar haqidagi zarur ma’lumotlar tegishli tashkilotlarning axborot-dasturiy tizimlaridan integratsiya asosida olinadi.

Ayrim texnikalar importi bojdan ozod etildi

Pudrat va loyiha tashkilotlari 2029 yil 1 iyulga qadar O‘zbekiston Respublikasida ishlab chiqarilmaydigan, qurilish ishlarida foydalaniladigan maxsus texnika vositalarini hamda laboratoriya va instrumental ko‘rik asbob-uskunalarini olib kirishda bojxona bojidan ozod etildi.

Bojdan ozod etiladigan maxsus texnika vositalari ro‘yxatini Vazirlar Mahkamasi bir oy muddatda tasdiqlashi kerak.

Vazirlik huzurida yangi tashkilot

Qurilish va uy-joy kommunal xo‘jaligi vazirligi huzurida Shaharsozlik sohasida iqtisodiy islohotlar va narxlarni shakllantirish respublika markazi tashkil etildi.

Markazning asosiy vazifalari quyidagilardan iborat bo‘ladi:

“Qurilish resurslari milliy klassifikatori” elektron platformasini yuritish hamda uning samarali ishlashi bilan bog‘liq funksiyalarni bajarish;

shaharsozlik sohasida narxlarni shakllantirish tizimini takomillashtirish va raqamlashtirish;

qurilish resurslari bozorini monitoring va tahlil qilish;

vazirlik tizimidagi qurilish sohasida davlat xaridlarini tashkil etish konsalting markazlari faoliyatini metodologik ta’minlash hamda muvofiqlashtirish.

Source link

Prezident Shavkat Mirziyoyev raisligida kimyo sanoatini rivojlantirish masalalariga bag‘ishlangan videoselektor yig‘ilishi boshlandi. Unda so‘nggi yillarda tarmoqda erishilgan natijalar va mavjud muammolar muhokama qilindi.

Ta’kidlanishicha, mamlakat iqtisodiyotining jadal o‘sishi natijasida sanoat tarmoqlarida 3 ming turdagi yangi mahsulot ishlab chiqarish yo‘lga qo‘yilgan. Shu jarayonda kimyo sanoati ham muhim o‘rin tutmoqda.

So‘nggi 9–10 yil davomida tarmoqqa 8 milliard 300 million dollar investitsiya jalb qilindi va 87 ta yirik ishlab chiqarish quvvati ishga tushirildi. Natijada PVX, «yashil» vodorod, ko‘pikli polipropilen, BOPP plyonka kabi 60 dan ortiq yuqori qo‘shilgan qiymatli mahsulotlarni ishlab chiqarish o‘zlashtirildi.

Yig‘ilishda qayd etilishicha, amalga oshirilgan islohotlar hisobiga kimyo mahsulotlari eksporti uch karra oshgan. Shuningdek, sohada band bo‘lgan xodimlar soni 50 ming nafardan oshgan.

Yangi quvvatlar iqtisodiyotning boshqa tarmoqlari uchun muhim xomashyo bazasini shakllantirib, minglab yangi mahsulotlarni ishlab chiqarish imkonini bergan.

Biroq tarmoqda hal qilinishi lozim bo‘lgan masalalar ham saqlanib qolmoqda. So‘nggi to‘qqiz yilda respublika sanoati o‘rtacha 6,3 foizga o‘sgan bo‘lsa, kimyo sanoatida bu ko‘rsatkich 3 foizga ham yetmagan. Shu bilan birga, kimyo mahsulotlari importi yillik 4,5 milliard dollarga yetgan.

Yig‘ilishda mahalliy ishlab chiqarish ichki talabning hatto 60 foizini ham qoplamayotgani ta’kidlandi. Mavjud imkoniyatlardan to‘liq foydalanilmayotgani va bir ishchi hissasiga to‘g‘ri keladigan qo‘shilgan qiymat rivojlangan davlatlarga nisbatan 2–3 barobar kamligi ko‘rsatib o‘tildi.

Shuningdek, «O‘zkimyosanoat» aksiyadorlik jamiyati asosan o‘z tizimidagi yirik korxonalar bilan ishlayotgani, sohadagi 5 mingdan ortiq korxona bilan tizimli muloqot va hamkorlik yetarli darajada emasligi tanqid qilindi.

Davlat rahbari kimyo sanoatidagi mavjud muammolarni bevosita muhokama qilish maqsadida soha korxonalari vakillari bilan shaxsan uchrashishga qaror qilganini bildirdi.

Source link

Prezident Shavkat Mirziyoyev raisligida o‘tkazilgan kimyo sanoatini rivojlantirishga bag‘ishlangan videoselektor yig‘ilishida tarmoqdagi mavjud imkoniyatlar va yangi vazifalar muhokama qilindi.

Yig‘ilishda mamlakatda har yili 1,5 million tonna ammiakli selitra ishlab chiqarilib, buning uchun 1 milliard 70 million kub metr tabiiy gaz sarflanayotgani qayd etildi. Shu bilan birga, dunyoda qishloq xo‘jaligida karbamid va suvda eriydigan o‘g‘itlarga, tog‘-kon sanoatida esa g‘ovaksimon selitraga o‘tish tendensiyasi kuchayib borayotgani ta’kidlandi.

Davlat rahbariga ko‘ra, ammiakli selitra bilan tannarxi deyarli bir xil bo‘lgan g‘ovaksimon selitrada qo‘shilgan qiymat ikki barobar yuqori. Shu bois mutasaddilar va korxona rahbarlariga yuqori daromad keltiradigan shunday loyihalar sonini ko‘paytirish zarurligi ko‘rsatib o‘tildi.

Yig‘ilishda xomashyoni chuqur qayta ishlash orqali yuqori daromadli mahsulotlar ishlab chiqarish imkoniyatlariga alohida e’tibor qaratildi. Masalan, «Navoiyazot»da ishlab chiqarilayotgan bir tonna sian tuzining bozor qiymati 3 ming 700 dollar bo‘lsa, uni qayta ishlab yelim mahsuloti olinganda qiymati 8 ming dollargacha yetishi mumkin.

Shu munosabat bilan «Navoiyazot» huzuridagi kimyo klasterida umumiy qiymati 1 milliard dollar bo‘lgan 10 ta kam tonnajli kimyo loyihasini boshlash topshirildi.

Shuningdek, geologiya sohasida aniqlangan zaxiralardan samarali foydalanish orqali qo‘shilgan qiymatni bir necha barobar oshirish mumkinligi ta’kidlandi. Xususan, Qoraqalpog‘iston, Surxondaryo, Qashqadaryo va Navoiy viloyatlarida 550 million tonna natriy va kaliy, 20 million tonna bentonit zaxiralari mavjud.

Yig‘ilishda Jizzax viloyatida 1,5 million tonna va Qoraqalpog‘istonda 500 ming tonna serpentinit zaxiralari aniqlangani ham qayd etildi. Ushbu mineralni qayta ishlash orqali tonnasi 5 ming dollargacha baholanadigan magniy oksidi, yanada chuqur qayta ishlanganda esa nikel, xrom va kobalt olish mumkin. Bu mahsulotlar elektronika va yuqori texnologiyali sanoat uchun muhim xomashyo hisoblanadi.

Prezident mutasaddilarga fosforit, galit, mirabilit va serpentinit kabi kimyo sanoati uchun strategik ahamiyatga ega xomashyolar zaxirasini ikki barobar oshirish bo‘yicha uch yillik dastur ishlab chiqish va amaliy ishlarni boshlashni topshirdi. Shuningdek, serpentinitni qayta ishlashga qaratilgan kamida 200 million dollarlik investitsiya loyihalarini amalga oshirish vazifasi qo‘yildi.

Source link

21:44

May oyidagi inflatsiya: qaysi mahsulot qanchaga qimmatlashdi?



Source link

O‘zbekistonda jismoniy va yuridik shaxslar o‘z ehtiyoji uchun transport vositasi import qilganda, bir yilda faqat bir dona transport vositasiga muvofiqlik sertifikati berilishiga oid cheklov bekor qilindi.

Bu – 4 iyun kuni imzolangan 104-sonli prezident farmonida nazarda tutilgan.

Farmonga asosan, Muomalaga chiqarilayotgan g‘ildirakli transport vositalarining xavfsizligi to‘g‘risidagi umumiy texnik reglamentga o‘zgartish kiritildi.

Bu o‘zgartishga ko‘ra, jismoniy va yuridik shaxslar bir kalendar yilida o‘z ehtiyoji uchun O‘zbekistonga olib kirgan faqat bitta transport vositasiga muvofiqlik sertifikati berilishi haqidagi qoida chiqarib tashlandi.

Prezident farmoni 2026 yil 5 iyundan kuchga kirdi.

Source link