O‘tgan oyda asosiy oziq-ovqat mahsulotlaridan tuxum 2,1 foizga, suyakli mol go‘shti 1,8 foizga, shakar narxi 1,7 foizga, qo‘y go‘shti va suyaksiz mol go‘shti 1,2 foizga oshdi. «2026 yil mart oyida mol go‘shti narxlarining o‘zgarishi ham import, ham mahalliy mol go‘shtiga nisbatan qayd etildi. Bunda respublika bo‘yicha eng arzon mol go‘shti narxlari o‘rtacha bir kilogramm uchun 5 000 so‘m atrofida qimmatlashdi», deyiladi Statqo‘m hisobotida.

2026 yil mart oyida narxlar oshishi 0,6 foizni tashkil etib, yillik inflatsiya 7,1 foizga teng bo‘ldi, deya ma’lum qildi Milliy statistika qo‘mitasi.

2025 yilning martida oylik inflatsiya 0,9 foiz, yillik ko‘rsatkich 10,3 foiz bo‘lgandi. Shunga ko‘ra, o‘tgan yilning mos davriga nisbatan narx-navolar oshishi 3,2 foiz punktiga sekinlashdi.

Statqo‘m hisobotiga ko‘ra, o‘tgan oyda oziq-ovqat mahsulotlari 1,2 foizga oshgan bo‘lsa, nooziq-ovqat tovarlar 0,3 foizga qimmatlashdi. Xizmatlar inflatsiyasi esa 0,2 foizni tashkil etdi.

Oziq-ovqatlar

Mart oyida asosiy oziq-ovqat mahsulotlaridan tuxum — 2,1 foiz (2025 yil mart oyiga nisbatan +17 foiz), suyakli mol go‘shti — 1,8 foiz (+15,1 foiz), qo‘y go‘shti — 1,2 foiz (+18,2 foiz), suyaksiz mol go‘shti — 1,2 foiz (+15,5 foiz), tirik va sovitilgan baliq — 1,7 foiz (+5,3 foiz), shakar — 1,7 foiz (+0,8 foiz), sut — o‘rtacha 0,3 foiz (+5,2 foiz), un — o‘rtacha 0,6 foiz (+3,4 foiz) va o‘simlik yog‘i narxlari o‘rtacha 0,9 foizga (+13,3 %) qimmatlashdi.

«2026 yil mart oyida mol go‘shti narxlarining o‘zgarishi ham import, ham mahalliy mol go‘shtiga nisbatan qayd etildi. Bunda respublika bo‘yicha eng arzon mol go‘shti narxlari o‘rtacha bir kilogramm uchun 5 000 so‘m atrofida oshdi», deyiladi hisobotda.

Shu bilan birga, oy davomida guruch va guruch oqshog‘i 0,4 foiz (yillik nisbatda -12,3 foiz), parranda go‘shti 0,3−0,4 foizga (+5,9−7,1 foiz) arzonlashdi.

Meva-sabzavotlar ichida pomidor — 11,5 foiz (2025 yilning martiga nisbatan -6,5 foiz), bulg‘or qalampiri — 10 foiz (-10 foiz), kartoshka — 9,8 foiz (+16,3 foiz), qovoq — 9,4 foiz (-51,9 foiz), olma — 7,4 foiz (+19,9 foiz) va banan — 6 foizga (+7,4 foiz) qimmatlashdi. O‘z navbatida , bodring narxi — 20,7 foiz (-19,1 foiz), karam narxi — 4,7 foiz (+2,8 foiz), piyoz narxi — 4,6 foiz (-9,2 foiz) va sabzi narxi — 1 foizga (-6,9 foiz) pasaygan.

Transport

Mart oyi davomida benzin uchun o‘rtacha narxlar 0,9 foiz (2025 yil mart oyiga nisbatan +9,2 foiz)ga pasaydi. Bunda, benzinning AI-92 markasi — 0,9 foiz, AI-95 markasi — 1,3 foiz, AI-98 va AI-100 markalari esa — 0,5 foizga arzonlashdi. Propanning narxi oy davomida 3,2 foiz (2025 yil martiga nisbatan +9,6 foiz)ga arzonlashib, 1 litr uchun yuqori narx chegarasi 8 400 so‘mni tashkil etdi.

O‘tgan oyda metan narxi fevral oyi darajasida kuzatildi, biroq 2025 yil martiga nisbatan 30,3 foizga yuqori darajada saqlanib qoldi. Shaxsiy transport vositalariga texnik xizmat ko‘rsatish va ta’mirlash xizmatlari 0,9 foiz (yillik nisbat +7 foiz), avtoturargohlar xizmati 0,7 foiz ( +12,6 foiz)ga qimmatlashdi.

Yo‘lovchi tashish transporti xizmatlari orasida milliy valutaning yevro va Shveytsariya frankiga nisbatan mustahkamlangani tufayli narxlar va tariflar pasayishi kuzatilgan. Xususan, kuzatilgan yo‘nalishlar bo‘yicha aviaparvozlar narxi o‘rtacha 4,1 foizga, uzoq masofaga qatnovchi poyezdlar chiptalari esa 0,5 foizga arzonlashgani qayd etildi. Xalqaro avtobuslarda va shunga o‘xshash tashuvlarda yo‘lkira haqi 1,4 foizga, taksi xizmatlari 0,4 foizga, yuk tashish xizmatlari esa o‘rtacha 0,4 foizga oshgani qayd etildi. 

Shuningdek, hisobot davrida maishiy chiqindilarni olib ketish xizmatlari 0,9 foizga (yil davomida +28,7 foiz) qimmatlashdi. Turar joy ijarasi 0,2 foiz (+2,2 foiz), dori-darmonlar 0,7 foiz (+4,6 foiz), xususiy bolalar bog‘chalari uchun to‘lovlar 0,8 foizga (yil davomida +4,8 foiz) oshdi.

Hududlari kesimidagi inflatsiya

Mart oyi yakunlariga ko‘ra eng yuqori inflatsiya Farg‘ona viloyatida qayd etildi: 7,5 foiz. Xorazm viloyatida iste’mol narxlari o‘rtacha 7,4 foizga, Namangan, Buxoro viloyatlarida esa 7,3 foizga o‘sdi.

Eng past inflatsiya Jizzax viloyatida: 6,4 foiz. Toshkent viloyatida 6,8 foizlik, Toshkent shahrida 6,9 foizlik inflatsiya qayd etildi.

Source link

Raqobat qo‘mitasi qonunchilik talablarini buzgan bir qator korxonalarni birja savdolaridan chetlashtirdi. Xususan, davlat bug‘doyidan olingan unni sotuvga chiqarmagan yoki yetarlicha miqdorda taklif qilmagan 29 ta korxona jazolandi.

Ichki bozorda ishlab chiqarilishi lozim bo‘lgan un mahsulotini birjaga qo‘ymaslik holatlari kuzatildi, deya xabar berdi Raqobat qo‘mitasi axborot xizmati.

Monitoring natijalariga ko‘ra, davlat resursi bug‘doyidan ishlab chiqarilgan unni savdolarga chiqarmagan yoki yetarli hajmda joylashtirmagan 29 ta korxona birjadan chetlashtirildi.

Shuningdek, birinchi chorak yakunlari bo‘yicha davlat resursidan xarid qilingan mahsulotni birja orqali sotish tartibiga rioya etmagan 25 ta un ishlab chiqaruvchi korxonaga nisbatan ish qo‘zg‘atilib, tegishli ta’sir choralarini qo‘llash yuzasidan qaror va ko‘rsatmalar qabul qilindi.

«Raqobat qo‘mitasi ichki bozorda bug‘doy mahsulotlari narxlarini barqarorlashtirish uchun birja savdolarida davlat resursi bug‘doyni xarid qilgan hajmining tegishli normasi bo‘yicha un mahsulotini savdolariga chiqarish majburiy ekanligini, belgilangan tartiblar buzilgan taqdirda qat’iy chora ko‘rilishini ma’lum qiladi», deyiladi qo‘mita xabarida.

Source link

Shavkat Mirziyoyev 6 aprel kuni soliq ma’murchiligini takomillashtirish va soliq organlari faoliyatini isloh qilishga doir taqdimot bilan tanishdi.

Qayd etilishicha, tizimni izchil isloh qilish orqali 2030 yilga borib, soliq tushumlarini 491,5 trillion so‘mga yetkazish, iqtisodiyotda kuzatilmaydigan ulushni esa 28 foizdan 19,6 foizgacha qisqartirish maqsad qilingan.

Yig‘ilishda soliq tushumlarini oshirishdagi eng katta zaxira yashirin iqtisodiyotni qisqartirish ekani ta’kidlangan.

Prezident raqamli tahlil va sun’iy intellekt imkoniyatlaridan keng foydalanib, “aqlli” nazorat tizimini joriy etish orqali joriy yilda budjetga qo‘shimcha 30 trillion so‘m tushumni ta’minlash zarurligini ko‘rsatib o‘tdi. Bu savdo va xizmatlar, sanoat, qurilish, umumiy ovqatlanish hamda boshqa sohalarda P2P-operatsiyalar monitoringi, tovarlarni markirovkalash, raqamli nazoratni kuchaytirish, yuklarni hujjatsiz tashish faoliyatini avtomatik aniqlash va norasmiy bandlikni rasmiylashtirish kabi mexanizmlardan keng foydalanish hisobiga ta’minlanishi mumkin.

Bozorlar va savdo majmualarida nazorat to‘liq yo‘lga qo‘yilmagani, raqamlashtirish ishlari yetarli emasligi oqibatida ushbu yo‘nalishdagi imkoniyatlar to‘liq ishga solinmayotgani qayd etildi. Bugungi kunda bu yerlarda 72 mingdan ortiq chakana savdo sub’yekti faoliyat yuritmoqda. Biroq ularning 38 mingdan ortig‘i tovar aylanmasini oyiga 1 million so‘mdan kam ko‘rsatgan, 40 mingdan ziyodi esa kuniga atigi 2-3 ta chek bermoqda. Shuningdek, bozorlardagi 12 mingta savdo nuqtasi bo‘yicha ijara shartnomalari hisobga qo‘yilmagan. Natijada 37 ming tadbirkor oyiga 500 ming so‘mdan kam soliq to‘lagan.

Shu bois, bozorlar va savdo majmualarini to‘liq raqamlashtirish hisobiga qo‘shimcha tushum manbalarini ishga solish, nazorat, soliq xizmati va raqamli kuzatuvni o‘zaro integratsiya qilish zarurligi ko‘rsatib o‘tildi.

Yig‘ilishda strategik bo‘lmagan yirik soliq to‘lovchilarga hududlarda xizmat ko‘rsatish masalasi haqida ham so‘z bordi.

Xususan, 209 mingta QQS to‘lovchi soliq organlaridan uzoqda joylashgani sababli xizmat ko‘rsatish va nazorat samaradorligi pasaygani qayd etildi. Shu munosabat bilan 500 ta strategik bo‘lmagan korxona nazoratini viloyat darajasiga, 103 mingdan ziyod qishloq xo‘jaligi, savdo va umumiy ovqatlanish korxonalarini tuman darajasiga o‘tkazish taklif qilindi. Mazkur yondashuv soliq to‘lovchilarga joyida xizmat ko‘rsatish sifatini oshirish, muammolarni tezkor hal qilish va nazorat samaradorligini kuchaytirishga xizmat qiladi.

Tadbirkorlar uchun soliq ma’murchiligini soddalashtirish masalalariga ham alohida e’tibor qaratildi. O‘tkazilgan so‘rov natijalariga ko‘ra, tadbirkorlarning aksariyati tekshiruvlar, hisobot topshirish va soliq to‘lash jarayonlarining murakkabligidan norozi ekani aytildi. Shu munosabat bilan “avtokameral” nazoratni jazolash vositasidan xatoni barvaqt aniqlab, tuzatishga xizmat qiladigan profilaktika tizimiga aylantirish, korxonalarni xavf darajasiga qarab, “yashil”, “sariq” va “qizil” toifalarga ajratib ishlash zarurligi ta’kidlandi.

Shuningdek, 6 turdagi hisobotni inson aralashuvisiz avtomat shakllantirish va yagona soliq hisobvarag‘iga o‘tish ishlarining borishi haqida axborot berildi. Bugungi kunda 198 ming holatda hisobot muddati buzilgani, 14,7 ming soliq to‘lovchi hisobot bermagani uchun 396,6 milliard so‘m jarima qo‘llanilgani, soliqlarni to‘lashda hisobvaraqlar soni ortib ketgani bois, 20 mingta xatolikka yo‘l qo‘yilgani aytildi.

Yangi tizim joriy etilsa, asossiz soliq qarzi, ortiqcha to‘lov va penya qo‘llash amaliyoti qisqartirilib, tadbirkorlar 8,4 trillion so‘m mablag‘ni tejashi mumkinligi qayd etildi. Yangi yondashuv natijasida tekshiruvlar soni kamayishi, hisobotlardagi xatolar keskin qisqarishi, murojaatlarni ko‘rib chiqish tezlashishi hamda koll-markazlar faoliyati sezilarli yaxshilanishi kutilmoqda.

Taqdimotda soliq organlari faoliyatidagi eng asosiy masala kadrlar salohiyati ekani ham ko‘rsatib o‘tildi.

So‘nggi yillarda bu yo‘nalishdagi ishlar yetarli darajada tashkil etilmagani sababli kadrlar qo‘nimsizligi oshgan. Xodimlarning malakasini oshirish darajasi pastligi, moddiy rag‘batlantirish tizimi zamon talablariga javob bermasligi, ijtimoiy qo‘llab-quvvatlash mexanizmlari yetarli emasligi qayd etildi. Xususan, 2022 yilda 3 mingdan ortiq xodim malaka oshirgan bo‘lsa, o‘tgan yili bor-yo‘g‘i 700 nafari qayta o‘qitilgan.

Shu munosabat bilan kadrlar malakasini oshirish, uzluksiz ta’limni yo‘lga qo‘yish, xodimlarni moddiy va ijtimoiy rag‘batlantirish bo‘yicha yangi takliflar taqdim etildi. Kadrlar salohiyatini mustahkamlash maqsadida Soliq qo‘mitasi huzuridagi Soliq akademiyasining moddiy-texnik bazasini mustahkamlash choralari belgilab olindi.

Davlat rahbari soliq ma’murchiligida raqamli texnologiyalar, tahlil va sun’iy intellekt asosida mutlaqo yangi ish uslubini joriy etish, tadbirkorlar uchun qulay va adolatli soliq muhitini yaratish hamda sohada malakali kadrlar korpusini shakllantirish yuzasidan mutasaddilarga topshiriqlar berdi.

Soliq tizimi faoliyatini “tekshiruvdan – servisga” tamoyili asosida transformatsiya qilish, xizmat ko‘rsatish sifatini yanada oshirish va nazoratning zamonaviy, samarali mexanizmlarini yo‘lga qo‘yish ustuvor vazifa sifatida belgilandi.

Source link

Yaqin Sharqdagi vaziyat yanada keskinlashib, global xavfsizlik va iqtisodiyotga jiddiy tahdid solmoqda. Asosiy mojaro markazi – dunyo neftining taxminan 20 foizi o‘tadigan strategik hudud bo‘lgan Ho‘rmuz bo‘g‘ozidir.

AQSh prezidenti Eronga qat’iy talab qo‘yib, bo‘g‘ozni ochish uchun muddat belgiladi. Agar bu talab bajarilmasa, Eronning muhim infratuzilmalariga zarba berish ehtimoli aytilgan.

Eron esa bu tahdidlarga javoban har qanday hujumga “mos ravishda javob qaytarishini” bildirmoqda. Shu bilan birga, Tehron bo‘g‘ozni to‘liq ochishdan bosh tortib, uni siyosiy bosim vositasi sifatida ishlatmoqda.

Ayni paytda, mintaqadagi harbiy harakatlar va zarbalar davom etmoqda. Eron tomonidan qo‘shni davlatlardagi energetika obektlariga zarbalar berilgani haqida xabarlar bor, bu esa mintaqadagi vaziyatni yanada og‘irlashtirmoqda.

Bundan tashqari, xalqaro ekspertlar ta’kidlashicha, Ho‘rmuz bo‘g‘ozining yopilishi global neft ta’minotida katta uzilishlarga sabab bo‘lib, neft narxining keskin oshishiga va jahon iqtisodiyotiga bosim kuchayishiga olib kelmoqda.

Hozircha ayrim kemalarga cheklangan tarzda o‘tishga ruxsat berilmoqda, ammo nazorat to‘liq Eron qo‘lida qolmoqda.

Mutaxassislar fikricha, agar vaziyat diplomatik yo‘l bilan hal etilmasa, bu inqiroz keng ko‘lamli harbiy to‘qnashuvga aylanishi va global energetika inqirozini kuchaytirishi mumkin.

Source link

Milliy statistika qo‘mitasiga ko‘ra, 2026-yil yanvar–fevral oylarida O‘zbekistonga 28 ta davlatdan 115 ming 300 juft poyabzal import qilingan. Ularning umumiy qiymati 1,7 mln AQSh dollarini tashkil etgan.

Qayd etilishicha, mazkur ko‘rsatkich o‘tgan yilning shu davriga nisbatan sezilarli darajada kamaygan. Xususan, import hajmi 19 ming 500 juftga yoki 14,5 foizga qisqargani qayd etilgan.

Hisobot davrida O‘zbekistonga eng ko‘p poyabzal Xitoydan olib kirilgan. Uning ulushi 94 ming 600 juftni tashkil etgan bo‘lib, umumiy importda mutlaq ustunlik saqlangan.

Shuningdek, Vetnamdan 5 ming 200 juft, Turkiyadan 3 ming 400 juft poyabzal import qilingan. Bu davlatlar ham asosiy ta’minotchilar qatorida qayd etilmoqda.

Hindistondan 2 ming 500 juft, Indoneziyadan 2 ming juft poyabzal olib kirilgan. Qolgan 7 ming 600 juft esa boshqa davlatlar hissasiga to‘g‘ri kelgan.

Source link