Mahalliy
O‘qituvchisiz dunyo…
Tasavvur qiling, erta tong. Quyosh nur sochmoqda. Bolalar maktabga shoshiladi. Ammo sinf xonalarida ularni o‘qituvchilar emas, sun’iy intellekt bilan ta’minlangan interaktiv ekranlar kutib oladi. Har bir o‘quvchi oldida shaxsiy planshet, har bir savolga avtomatik javob va avtomatik baho…
Yana tasavvur qiling, 2157-yil. Maktab degan tushuncha yo‘q, sinfxona yo‘q, parta va qo‘ng‘iroq sadosi ham yo‘q. Bolalar uylarida yolg‘iz, ekran orqali robot-o‘qituvchidan bilim olishadi. Kitobni esa faqat muzeylarda ko‘rish mumkin.
Amerikalik yozuvchi Isaak Asimov «U paytlar qanchalar zavqli edi» (The Fun They Had) hikoyasini 1951- yilda yozgan. U paytlari hali insoniyat sun’iy intellektdan bexabar paytlar edi. Balki hikoyani o‘qiganimizda o‘sha paytlari robot o‘qituvchilar haqida tasavvurga ega bo‘lolmaganmiz. Ammo bugun ko‘rib turibmizki, yozuvchining bashorati to‘g‘ri chiqdi, 2157 yilni kutishga ham hojat qolmayotgandek go‘yo…
Hikoya shunday boshlanadi, 13 yoshli qizaloq Margi Jons bu haqda hatto kundaligida yozadi: «2157-yil 17 may. Bugun Tommi chordoqdan qog‘ozli kitob topib oldi!»
Ha, bu juda eski kitob edi. Margi esladi, bir paytlar unga bobosi barcha hikoyalar va romanlar qog‘ozga bosilganini aytib bergan edi.
Kitob sarg‘aygan, sahifalari titilib ketgan, so‘zlar ekranda harakat qilish o‘rniga bir joyda turar va bu juda kulgili edi.
Bolalar kitob haqida suhbatlashmoqda, uni o‘qib bo‘lgach tashlab yuborishgandir-a, deb o‘ylashadi ular.
– Va bizning kompyuterimizda millionlab kitoblar bor, u yana ko‘p kitoblarni ko‘radi. Men hech qachon ekranni uloqtirmayman, – dedi Tommi.
– Men ham, – dedi Margi.
Kitobni o‘qiyotgan Tommidan Margi so‘raydi:
– Kitob nima haqida?
– Maktab haqida…
– Maktab haqida-a? – dedi Margi ensasi qotib. – Yozadigan boshqa narsa yo‘qmikan? Men maktabni yomon ko‘raman.
Margi har doim maktabni yomon ko‘rgan, endi esa har qachongidan ham yomon ko‘rardi. Chunki u geografiyadan imtihonda o‘ta olmagan, ekran-o‘qituvchi esa ishlamay qolgandi.
Ularning uyiga o‘qituvchini tuzatish uchun inspektor keldi.
U kichkina, yuzi qizil, to‘lachadan kelgan odam. Qutisi turli asboblar bilan to‘la edi. U mashina o‘qituvchini qaytadan tuzatdi. Margi uni qayta tiklay olmaydi, deb umid qildi, lekin bir soat yoki undan ko‘proq vaqt o‘tgach, o‘qituvchi tayyor edi, bahaybat, qora va xunuk, katta to‘rtburchak ekran o‘qituvchi savollar berishni boshladi. Margining eng yomon ko‘rgan narsasi uy vazifalari va testlarni topshirishga majburligi edi. U ularni olti yoshida o‘rgatilgan maxsus kodlangan joyga yozishi kerak – mashina o‘qituvchi o‘sha zahotiyoq baholardi.
Ishni tugatgandan so‘ng, inspektor tabassum qildi va Margining boshini silab qo‘ydi. U: «O‘qituvchining ishlamay qolishi qizingizning aybi emas, Jons xonim. Aftidan geografiya fani biroz tezlashib ketgan. Ba’zida shunday bo‘ladi. Men uni oddiy o‘n yillik darajaga tushirdim. Va qizingizning umumiy ko‘rsatkichi juda qoniqarli.»
Margi hafsalasi pir bo‘ldi. U o‘qituvchini butunlay olib ketishlariga umid qilgan edi. Bir paytlar tarix fani shunaqa noto‘g‘ri ishlay boshlagach,Tommining ekran-o‘qituvchisi bir marta tuzatilish uchun deyarli bir oyga olib ketilgan edi.
Shuning uchun u Tommiga dedi:
– Maktabning nimasi qiziq, nega maktab haqida yozishgan?
Tommi unga qaradi va:
– Chunki bu maktab bizning maktabga o‘xshamaydi, eski, yuzlab yillar oldingi maktablar, – dedi.
Margi Tommidan katta edi va bu narsalarni bilmasligidan hijolat bo‘ldi.
«O‘sha paytdagi maktablar qanday bo‘lgan-a?» U bir zum Tommining yelkasi osha harflarga ko‘z yugurtirdi, so‘ng dedi:
– Ularning o‘qituvchisi bor edi!
– Albatta, lekin bu bizning o‘qituvchidek ekranning ichidagi raqamlardan iborat o‘qituvchi emas, inson edi.
– Insonmi? Qanday qilib odam o‘qituvchi bo‘ladi, odam bolasi o‘qituvchilik qila olmaydi.
– Albatta, bo‘lishi mumkin… Masalan otam ham o‘qituvchidek ko‘p narsa biladi.
– Bu bo‘lishi mumkin emas. Inson bizning temir o‘qituvchidek ko‘p narsani bila olmaydi.
– Ishonchim komilki, inson o‘qituvchi ham shuncha ko‘p bilimga ega bo‘lgan.
– Uyimizda notanish odam yashashini xohlamayman, – dedi Margi.
Tommi kulib yubordi:
– Eh, Margi! O‘qituvchilar bolalar bilan yashamagan. Ularning maxsus binosi bo‘lgan va barcha bolalar u yerga borishgan.
– Va hamma bolalar bir xil narsalarni o‘rganishganmi?
– Albatta, axir ularning yoshi teng bo‘lgan.
– Onam aytadiki, o‘qituvchi har bir o‘g‘il yoki qizning ongiga mos bo‘lishi kerak va har bir bola alohida o‘qitilishi kerak.
– Demak, ular o‘sha paytda bunday qilmaganlar. Va agar bu kitob yoqmasa, uni o‘qishing shart emas.
– Men kitob yoqmayapti demadim, – dedi Margi tezda.
U bu g‘alati maktablar haqida o‘qishni xohlayotgandi.
Shu payt Margining onasi: «Margi! Dars boshlandi»,– dedi…
Margi atrofga qaradi…Uning maktabdagi xonasi uyda, yotoqxonasining yonida edi. Xonasiga katta ekran qo‘yilgan, Margi ana shu ekran orqali o‘qiydi, o‘rganadi va o‘sha ekranga imtihon topshiradi.
Ekran yondi va quyidagi so‘zlar paydo bo‘ldi: «Bugun biz arifmetikada to‘g‘ri kasrlarni qo‘shishni o‘rganamiz. Kechagi tayyorlagan uy vazifasini qoldiring…»
Margi xo‘rsinib itoat qildi. U o‘tmishdagi odamlarning bolaligida bo‘lgan eski maktablar haqida o‘yladi va tasavvur qildi: Mahallaning hamma bolalari maktab hovlisida qichqirib kulishar, darsda birga o‘tirishar, birga uyga ketishardi. Ularning barchasi bir xil narsalarni o‘rganishadi, uy vazifalarini bajarishda bir-birlariga yordam berishadi va bu haqda gaplashishadi. O‘qituvchilar esa inson edi. Ular o‘quvchilar bilan jonli muloqot qilar, yuzma-yuz o‘tirib gaplashar, yaxshi javob bersa bolalarning boshini silab qo‘yar, imtihonlarni diqqat bilan tekshirayotganda har bir o‘quvchiga tabassum qilar yoki mahzun bo‘lib qolardi…
Margi ekranga qaradi, unda shunday yozuvlar paydo bo‘ldi: «Biz 1/2 va 1/4 kasrlarni qo‘shganda…»
Margining esa xayoli umuman o‘tmishga ko‘chgan, o‘sha paytda bolalar maktabni qanchalik yaxshi ko‘rishlari va iliq xotiralar bilan xotirlashlari haqida o‘ylardi. U ular qanchalik zavqlangani haqida o‘ylarkan xo‘rsindi: «Eh u paytlar qanchalar qiziqarli bo‘lgan»…
Isaak Asimovning bu qisqa hikoyasi bizga o‘qituvchining o‘rni hayotimizda qanchalar katta ekanligini uqtirayotgandek, texnologiya qanchalik rivojlanmasin, o‘qituvchining o‘rnini hech narsa bosolmaydi. Kitob qog‘ozga tushgan so‘zlar, maktab bolalarni bir joyga yig‘adigan dargoh, o‘qituvchi esa qalbga nur soladigan inson.
Yozuvchi o‘z asarlarida ilm va texnologiyaning qudratini ko‘rsatgan, ammo bir narsani ham unutmagan: inson ruhi – har qanday mashinadan ustun.
Bilim berish texnika uchun muammo emas, ammo qalbni o‘rganish – faqat insonning qo‘lidan keladi. Chunki o‘qituvchi faqat alifboni emas, balki hayotni o‘rgatadi.
O‘qituvchi avloddan avlodga ilm va tajribani uzatadigan ko‘prik. Agar bu ko‘prik buzilsa, kelajakka hech kim yetib bormagan bo‘lardi. Shuning uchun ham o‘qituvchisiz dunyo – kelajaksiz dunyo.
Yozuvchi hikoyasi orqali bizni ogohlantiradi: texnologiya inson o‘rniga ishlashi mumkin, lekin ustozning o‘rniga emas. Chunki ustozning haqiqiy qudrati bola qalbida iz qoldirishda.
Agar o‘qituvchisiz dunyo haqiqatan ham mavjud bo‘lsa, u dunyo bilimga to‘la, ammo ma’nosi bo‘sh bo‘lardi. Chunki formula, qoida, misollarni o‘rgatish oson. Lekin bolaga odamiylikni, mehrni, olijanoblikni his qilishni o‘rgatish – buni hech qanday sun’iy intellekt, hech qanday texnika bajara olmaydi.
Odam hayotidagi har bir yorqin yo‘l ortida o‘qituvchining soyasi bor. Biz o‘qituvchidan eshitgan birgina sehrli so‘z butun umrimizning burilish nuqtasiga aylanishi mumkin. Ularning mehnati ko‘pincha ko‘zga ko‘rinmaydi, lekin dunyodagi har qanday ixtiro, har qanday kashfiyot, har qanday asar ular ko‘rsatgan yo‘ldan boshlanadi.
Savol tug‘iladi: agar bir kungina biz «o‘qituvchisiz dunyo»da qolsak, texnologiya rivojlangan, robotlar hamma narsani o‘rgatgan dunyoda… ammo insonning yuragini kim olovlantiradi?
Siz o‘qituvchisiz dunyoni tasavvur qila olasizmi? Axir, o‘qituvchisiz dunyo – nursiz, kelajaksiz dunyo emasmi?
Barno Sultonova
Davlat va fuqaro o‘rtasidagi mustahkam ishonch ko‘prigini bunyod etish, jamiyat farovonligini ta’minlash hamda barqaror rivojlanish ustuvor maqsadlardan biridir. Ayni shu ezgu maqsad yo‘lida tunu kun xizmat qilayotgan soha vakillarini e’tirof etish maqsadida har yili 23-iyun sanasi xalqaro miqyosda Davlat xizmati kuni sifatida keng nishonlanadi.
Ushbu muhim sana 2002-yilda Birlashgan Millatlar Tashkiloti Bosh Assambleyasining maxsus rezolyusiyasi bilan ta’sis etilgan. Bundan ko‘zlangan asosiy muddao — davlat boshqaruvi tizimining insoniyat hayoti va jamiyat taraqqiyotidagi o‘rni hamda ahamiyatini yuqori baholash, soha xodimlarining fidokorona mehnatini rag‘batlantirishdan iborat.
Zamonaviy davlat boshqaruvi tizimi nafaqat ma’muriy vazifalarni bajarish, balki aholiga sifatli, tezkor va shaffof xizmat ko‘rsatish san’atidir. Bugungi kunda davlat xizmati sohasi tubdan transformatsiyalanmoqda. Uning negizida quyidagi muhim tamoyillar mujassam:
Davlat organlari faoliyatining xalq ko‘z o‘ngida bo‘lishi, qarorlar qabul qilinishida jamoatchilik nazoratining kuchayishi;
Zamonaviy texnologiyalarni joriy etish orqali byurokratik to‘siqlarni bartaraf etish va aholi vaqtini tejash;
Korrupsiyaga qarshi murosasiz kurashish, davlat xizmatchisining axloqiy qiyofasini yuksaltirish.
Davlat xizmatchilari kuni faqatgina kasb bayrami emas, balki amalga oshirilgan islohotlar sarhisobi, tizimdagi yutuq va kamchiliklarni tahlil qilish hamda istiqboldagi rejalarni belgilab olish uchun qulay imkoniyatdir.
Davlat boshqaruvi tizimining barqarorligi va uzviyligini ta’minlash bevosita kadrlar salohiyatiga bog‘liq. Shu bois ushbu ayyom yosh avlod vakillarida davlat xizmatiga bo‘lgan qiziqishni uyg‘otishda muhim o‘rin tutadi. Sohaga bilimli, innovatsion fikrlaydigan, vatanparvar va halol yosh kadrlarni jalb etish kelajakdagi muvaffaqiyatlar kafolatidir.
Bugungi shiddatli davr davlat xizmatchisidan nafaqat yuqori bilim, balki yuksak insoniy fazilatlarni, fuqarolarning dardu tashvishlariga sherik bo‘lish hissini talab etmoqda. Sababi, davlat xizmati bu shunchaki kasb yoki lavozim emas, bu xalqqa va Vatanga sadoqat bilan xizmat qilish demakdir.
Jazirama issiqda bir dona muzqaymoq yeyish haqiqiy huzur. Ammo ushbu shirinlikni har kuni muntazam iste’mol qilsak, sog‘lig‘imizda qanday o‘zgarishlar yuz beradi? Bu shunchaki shirinxo‘rlikmi yoki organizm uchun yashirin foydalar xazinasi? Keling, ushbu savollarga tibbiy tadqiqotlar va fan nuqtai nazaridan javob izlaymiz.
Muzqaymoq asosan sut va qaymoqdan tayyorlangani bois, u tabiiy kalsiy manbai hisoblanadi. Har kuni muzqaymoq yeyish organizmni kalsiyga to‘yintiradi, bu esa suyaklar va tishlar salomatligi uchun juda muhim.
Garvard sog‘liqni saqlash maktabi (Harvard T.H. Chan School of Public Health) tadqiqotlariga ko‘ra, sut mahsulotlaridan olinadigan kalsiy suyak yemirilishi xavfini kamaytiradi. Shuningdek, u sut oqsili hisobiga oqsilga bo‘lgan kundalik ehtiyojni qisman qondiradi, bu esa mushaklar tiklanishi uchun nihoyatda zarur.
Ko‘pchilik sovuq mahsulotlar tomoqni og‘ritadi deb o‘ylaydi, vaholanki, me’yorida yeyilgan sovuq shirinlik tomoqdagi mahalliy immunitetni oshiradi va tomirlarni chiniqtiradi.
Og‘iz bo‘shlig‘i va qizilo‘ngachda sezilgan sovuqlik asab tolalari orqali yurakka reflektor tarzda ijobiy ta’sir ko‘rsatadi, yurak urishini mo‘’tadillashtirishga yordam beradi.
Muzqaymoq yeyish insonga quvonch bag‘ishlashi ilmiy isbotlangan. Uning tarkibidagi L-triptofan aminokislotasi kayfiyatni ko‘taradi va antidepressant ta’sirga ega.
London Asab kasalliklari instituti olimlari tomonidan o‘tkazilgan neyrovizualizatsiya tadqiqotlari shuni ko‘rsatdiki, muzqaymoqning atigi bir qoshig‘i bosh miyadagi qoniqish va baxt uchun mas’ul bo‘lgan “orbitofrontal korteks” qismini bir lahzada faollashtiradi. tayyorlangan mahsulot organizmning V guruh vitaminlariga bo‘lgan talabini qondiradi. Agar siz sifatli, tabiiy yogurtli yoki tirik laktobakteriyalar bilan boyitilgan muzqaymoq iste’mol qilsangiz, u ichak mikroflorasini tiklashga ham xizmat qiladi.
Xorijiy reproduktologlarning (jumladan, Garvardda o‘tkazilgan “The Nurses Health Study” yirik tadqiqoti) aniqlashicha, muzqaymoqni me’yorida iste’mol qilish ayollarda ovulyasiya jarayonini yaxshilaydi va bepushtlikning oldini olishga yordam beradi. Tarkibidagi fosfor va kalsiy foizlari erkaklarga qo‘shimcha quvvat beradi va mushaklar tonusini ushlab turadi.
Har kuni muzqaymoq yeyishning ijobiy tomonlari ko‘p bo‘lsa-da, tanganing ikkinsi tomoni ham bor. Agar mahsulot sifatsiz bo‘lsa, yuqoridagi foydalarning barchasi chippakka chiqadi.
Sun’iy bo‘yoqlar, ta’m beruvchilar va konservantlar (ayniqsa arzon palma yog‘i) qo‘shilgan muzqaymoqlarni yemaganingiz ma’qul! Ular qonda xolesterinni oshiradi va ichak faoliyatini buzadi.
Agar sizda laktozaga sezuvchanlik bo‘lsa yoki haddan tashqari shakarli mahsulot yesangiz, bu yuzdagi husnbuzarlarni ketkazmaydi, aksincha, ularni ko‘paytirib yuborishi mumkin. Shu bois, terisida muammosi bor insonlarga shakarsiz va tabiiy sorbetlar tavsiya etiladi.
Har kuni yuqori kaloriyali, shokolad va siropli muzqaymoq yeyish vazn ortishi va qonda shakar miqdorining keskin tebranishiga (insulin rezistentligiga) olib kelishi mumkin.
Agar siz har kuni muzqaymoq yeyishni odat qilmoqchi bo‘lsangiz, uning tarkibiga e’tibor bering. Eng maqbul tanlov tarkibida shakar miqdori kam bo‘lgan, sof qaymoq va sutdan tayyorlangan yoki mevali sorbetlardir. Kuniga 100-150 gramm tabiiy muzqaymoq sog‘lig‘ingizga faqatgina foyda va yuqori kayfiyat bag‘ishlaydi!
Zamonaviy axborot makoni shunday shiddat bilan o‘zgarmoqdaki, bugun oddiy xabarchi bo‘lish kifoya qilmaydi. Bugungi o‘quvchi tezkorlik bilan birga yuksak sifat, xolislik va eng muhimi haqiqatni talab qilmoqda. Ayni shu talablarga javob bera oladigan zamonaviy kadrlarni shakllantirish maqsadida OAV uchun Kontent tayyorlash markazi tomonidan Toshkent shahri va Toshkent viloyatida yirik media loyiha doirasida trening va seminarlar bo‘lib o‘tmoqda.
Ushbu haftalik mamlakatimiz media makonida faoliyat yuritayotgan jurnalistlar, blogerlar, matbuot kotiblari hamda raqamli kontent ijodkorlarini bir maydonga jamladi.
Muhokamalar shu qadar qizg‘in tus oldiki, ishtirokchilar an’anaviy qarashlardan voz kechib, raqamli dunyoning yangi qoidalarini tahlil qildilar.
Sun’iy intellekt matn yozishi, rasm chizishi yoki video montaj qilishi mumkin, ammo u hech qachon voqea joyidagi jonli his-tuyg‘uni va jurnalistning intuitsiyasini almashtira olmaydi.
Ommaviy axborot vositalari va ijtimoiy tarmoqlarda yolg‘on (feyk) ma’lumotlar ko‘paygan bir davrda, faktcheking — axborot xavfsizligining eng oliy mezoniga aylandi.
Loyihaning bosh mezoni — quruq ma’ruzalardan qochib, bor e’tiborni amaliy ko‘nikmalarga qaratishdir. Ishtirokchilar zamonaviy media trendlar, strategik kommunikatsiyalar va auditoriyani jalb qilishning zamonaviy usullari bo‘yicha treninglarda bevosita qatnashmoqdalar.
Bugungi matbuot kotibi yoki bloger nafaqat matn yozishni, balki axborot inqirozlari davrida strategik to‘g‘ri qaror qabul qilishni, kontentni viral darajada trendga chiqarishni ham bilishi shart. Ushbu haftalik soha vakillarining professional rivojlanishi uchun mustahkam poydevor bo‘lib xizmat qiladi.
Ayni kunlarda poytaxtimizda bo‘lib o‘tayotgan ushbu media haftalik yangi g‘oyalar, eksklyuziv loyihalar va kuchli hamkorliklar uchun katta start berdi. Ishtirokchilar axborot xavfsizligini ta’minlagan holda, sifatli va ishonchli kontent yaratishning eng sirli jihatlarini o‘zlashtirishda davom etmoqdalar.
Mamlakatimizda korrupsiyaga qarshi kurash tizimida keskin va muhim burilish yasaldi. 22-iyun kuni Prezident tomonidan imzolangan yangi Qonun bilan davlat idoralari va tashkilotlaridagi komplayens (ichki nazorat) xizmatlarining vakolatlari va xavfsizlik kafolatlari sezilarli darajada kuchaytirildi. Oddiyroq aytganda, endi tashkilot ichidagi korrupsiyani tiyadigan nazoratchilar mutlaqo mustaqil va himoyalangan tizimga aylanmoqda.
Agar tashkilotning birinchi rahbari korrupsiyaga qo‘shilgan bo‘lsa, noqonuniy ishlar bilan shug‘ullanayotgan bo‘lsa yoki biror jinoiy guruhga rahnamolik qilayotgani aniqlansa, komplayens bo‘yicha o‘rinbosar buni yuqori turuvchi idorasi bilan kelishgan holda, hujjatlarni to‘g‘ridan-to‘g‘ri huquqni muhofaza qiluvchi organlarga topshirish vakolatiga ega bo‘ldi. Bu rahbarlarning o‘z komplayens xodimlariga bosim o‘tkazish imkoniyatini butunlay yo‘qqa chiqaradi.
Endilikda komplayens xizmati xodimlari o‘z tashkilotlaridagi istalgan obyektga, xonaga hech qanday to‘sqinliksiz kirish, barcha zarur hujjatlar va ichki axborot bilan tanishish huquqiga ega. Shuningdek, ular aniqlangan qonunbuzarliklar bo‘yicha majburiy ijro etilishi kerak bo‘lgan rasmiy taqdimnomalar kirita oladi.
Korrupsiyani fosh qiluvchi xodimlarni soxta ayblovlar yoki rahbarlarning o‘ch olishidan himoya qilish uchun ularga alohida maqom berildi. Yangi tartibga ko‘ra, komplayens tizimi xodimlariga nisbatan jinoyat ishi qo‘zg‘atish huquqi faqat va faqat Bosh prokurorga berildi. Bu ularning qo‘rqmasdan, xolis va adolatli ishlashi uchun juda katta huquqiy kafolatdir.
Mazkur islohot davlat idoralarida korrupsiyaga qarshi ichki nazoratning haqiqiy mustaqilligini ta’minlash yo‘lidagi eng jiddiy qadamlardan biridir. Ilgari tizim xodimlari o‘z rahbarining imzosi yoki qaroriga bog‘liq bo‘lgan bo‘lsa, endilikda ular to‘g‘ridan-to‘g‘ri qonun va yuqori turuvchi organlar himoyasida bo‘ladi
Prezident Shavkat Mirziyoyev Namangan viloyatiga tashrifi doirasida Namangan davlat texnika universitetida tashkil etilgan sun’iy intellekt laboratoriyasi faoliyati bilan tanishdi. Laboratoriya talabalarning amaliy ko‘nikmalarini rivojlantirish, ilmiy tadqiqotlarni kuchaytirish va zamonaviy texnologiyalarni ta’lim jarayoniga joriy etish maqsadida tashkil etilgan.
Majmuada talabalar va yosh tadqiqotchilar uchun zarur infratuzilma yaratilgan. Uning tarkibida tahlil markazi, robototexnika va bionika laboratoriyalari, startap-akselerator, to‘qqizta «aqlli» xona hamda sun’iy intellekt bo‘yicha ikki maxsus tayyorgarlik xonasi faoliyat yuritmoqda.
Bu yerda sun’iy intellekt, robototexnika, «aqlli» transport tizimlari, ekologiya va agrotexnologiyalar yo‘nalishlarida innovatsion loyihalar ishlab chiqilmoqda. Loyihalarning bir qismi amaliyotga joriy etish bosqichiga ham o‘tgan.
Taqdimot davomida davlat rahbari laboratoriya faoliyati yoshlarni zamonaviy bilimlar bilan ta’minlashda muhim ahamiyat kasb etishini ta’kidladi. Shuningdek, bunday tajribani boshqa hududlarda ham kengaytirish zarurligi qayd etildi.
Prezident ilmiy ishlanmalarni iqtisodiyotning turli tarmoqlariga tatbiq etish, yoshlarning intellektual salohiyatidan samarali foydalanish va ularni innovatsion faoliyatga keng jalb qilish bo‘yicha tavsiyalar berdi.
Uchrashuv doirasida professor-o‘qituvchilar va mutaxassislar tomonidan amalga oshirilayotgan ishlar, ilmiy tadqiqotlar hamda istiqbolli texnologiyalar haqida ma’lumot berildi.
Prezidentga viloyat, shahar va tuman hokimliklarida faoliyat yuritayotgan sun’iy intellekt bo‘yicha maslahatchilar ishtirokida ishlab chiqilgan startap loyihalar ham taqdim etildi. Ularda raqamli boshqaruv, xizmatlar ko‘rsatish va iqtisodiyot tarmoqlarida samaradorlikni oshirishga qaratilgan yechimlar aks etgan.
Davlat rahbari yoshlar bilan muloqot qildi, ularning taklif va tashabbuslarini tingladi.
«Andijon polkasi» tadbiriga ketayotgan o‘quvchilar YTHga uchradi
Qirg‘izistonda navbatdagi prezidentlik saylovlari qachon o‘tkazilishi ma’lum qilindi.
AQSh Senati prezident Trampning Eron bo’yicha vakolatlarini cheklashni qo’llab-quvvatlaydi
-
Dunyodan5 days agoEron Hormuz boʻgʻozi yopilganini eʼlon qildi
-
Jamiyat4 days ago
Bugun ayrim hududlarda havo harorati 44 darajaga yetishi mumkin
-
Siyosat3 days ago
«Endigi vazifa erishilgan kelishuvlarni real loyihalarga aylantirish»
-
Jamiyat4 days ago
Uy qurmoqchimisiz? Hujjatlarni rasmiylashtirish tartibi bilan tanishing
-
Iqtisodiyot3 days agoO‘zbekiston qaysi mamlakatlarga ko‘proq mahsulot sotmoqda?
-
Siyosat3 days agoPrezident Mirziyoyev Ozarbayjon elchisini oʻz nihoyasiga yetgan “Mehnat Shufrati” ordeni bilan taqdirladi
-
Sport5 days agoNodirbek Abdusattorov jahon shaxmat reytingida eng yuqori uchtalikka kirdi
-
Dunyodan4 days agoAQSh va Eron o’rtasidagi urushning iqtisodiy oqibatlari hisoblanmoqda