Jamiyat
“Opasida 8, ukasida esa 8,5 ball” – IELTS’dan yuqori ball olgan kitobxonlar oilasi
Ma’mura Qutliyeva farzandlariga haqiqiy namuna — u 1000 dan ortiq turli mavzudagi kitoblarni o‘qib tugatgan. Farzandlari uchun uyida kichik kutubxona tashkil qilgan. Opa-uka yosh bo‘lishiga qaramay 200 dan ortiq kitobni mutolaa qilib ulgurgan. Ular yaqinda IELTS imtihonini topshirib, birinchi urinishdayoq yuqori ballarni qo‘lga kiritdi. Bolalar ayni vaqtda 3 ta tilda erkin so‘zlasha oladi. Kun.uz muxbiri oilaning mehmoni bo‘lib, u yerdagi muhit, yosh kitobxonlarning maqsadlari haqida gaplashdi.
{Yii::t(}
O’tkazib yuborish 6s
O’tkazib yuborish
Bugungi kunda ko‘plab ota-onalar farzandlarini telefon va ijtimoiy tarmoqlardan ajratib, ilmga qiziqtirishni istaydi. Z (zed) avlod xarakteridan kelib chiqilsa, bilim olishni bolalarning o‘zi ichdan istamasa, ularni bu yo‘lga boshlash oson ish emas. Bunday sharoitda kimdir farzandini o‘qishga tergab majburlaydi, kimdir qo‘shimcha kurslarga yuboradi. Ammo Ma’mura Qutliyeva umuman boshqacha yo‘l tutdi – u o‘zi kitob o‘qidi, bilimni qadrladi va shu bilan farzandlariga namuna ko‘rsatdi.
Ayol har kuni tong va tunda mutolaa bilan vaqt o‘tkazib, bolalariga jonli misol bo‘ldi. Onaning kitobga mehri orqali bolalarda ham ilmga qiziqish uyg‘ondi. Bugunga kelib uning o‘smir yoshdagi farzandlari 200 dan ortiq asarni mustaqil mutolaa qilishga ulgurgan.
“Farzandlarimni kitobga qiziqtirish uchun ularni majburlashni istamadim. Chunki bolaga “o‘qi”, “bilim ol” deb qayta-qayta gapirishdan ko‘ra, amalda namuna ko‘rsatish kuchliroq ta’sir qiladi. Shu sabab har kuni mutolaa bilan o‘z ustimda ishlashni odat qildim. Ularga shaxsiy misol bo‘ldim. Meni ko‘rib, bolalarim ham o‘qishga qiziqa boshladi, vaqt o‘tib kitob o‘qish ularning eng sevimli mashg‘ulotiga aylandi. Uyimizda kitobxonlik muhiti shakllandi. Hozirda har birimiz o‘qigan asarimizni birga muhokama qilamiz, fikr almashamiz. Bu jarayon bilimimizni boyitadi, oilaviy mehr-muhabbatni ham mustahkamlaydi. Bolalarim kitobga shunday qattiq bog‘langanki, biror bayramda nima sovg‘a qilaylik deb so‘rasak, faqat kitob talab qilishadi”, – deydi Ma’muraxon Qutliyeva.
Avgust oyida uning 6- va 7-sinfda o‘qiydigan farzandlari IELTS imtihoni topshirib, birinchi urinishdayoq 8 va 8,5 ballni qo‘lga kiritdi. Bolalar imtihonga tayyorgarlik jarayoni haqida gapirar ekan, yaxshi natijaga erishishlarida oilasida bilim olish uchun hozirlangan qulay muhit va ota-ona quvvatlovi katta yordam berganini ta’kidladi.
“Ingliz tilini o‘rganishni 1-sinfdan boshlaganmiz. IELTS’ga ikki yildan buyon tayyorlanamiz. Boshida umuman qiziqmagandim, bu sertifikatning nima uchun kerakligi, kelajakda menga qanday imkoniyatlar berishi mumkinligini bilganimdan keyin o‘zim xohlab o‘rgandim. Ertalab soat 07:00-08:00 dan 23:00 gacha, ba’zan undan ham kech qolib ketardik qo‘shimcha kurslarda. Biroq ota-onam bizni doim tushunib, har tomonlama o‘qishga rag‘batlantirishdi. Uy ishlariga ham deyarli jalb qilishmasdi. Yuqori ball olish uchun ertalabdan kechgacha boshqa narsalarga chalg‘imay, faqat tayyorlandik”, – deydi oilaning katta farzandi Zabarjadbonu Safarova.
U til sertifikatini olish uchun ukasi bilan bir xil tayyorgarlik ko‘rgan. Imtihondan avvalgi testlar (mock exam)da Zabarjadbonuda ballar yuqori chiqqan. Biroq imtihondan keyin natijalar mutlaqo boshqacha bo‘ldi: uka opasini 0,5 ballga ortda qoldirdi. Oilaning ikkinchi farzandi Ibodullo Safarov buning o‘ziga bo‘lgan ishonch natijasi ekanini aytadi.
“Listening va reading qismini kitob o‘qib, kino ko‘rib mustahkamladik, bu ikki yo‘nalish bo‘yicha ballarimiz imtihondan avvalgi testlarda ham 9 chiqayotgan edi. Writing qismi bilan ko‘p shug‘ullana olmadim. Speaking’dan 7-7,5 ball kutayotgandim, biroq taxminlarimdan yuqoriroq chiqdi. Hamma savollarga aniqlik va kuchli ishonch bilan javob berganim opamdan balandroq ball olishimga turtki bo‘ldi. Aslida opamda imtihondan avvalgi testlarda mendan yuqoriroq natijalar qayd etilayotgan edi”, – deydi u.
Intervyuni to‘liq holda Kun.uzʼning YouTube’dagi sahifasida tomosha qilishingiz mumkin.
Jurnalist: Diyoraxon Nabijonova,
operatorlar: Ziyaddin Mamatjonov, Abdulloh Hasanov,
montaj ustasi: Shohruzbek Abduraimov.
Energetiklar tomonidan nosozlikni bartaraf etish va barcha iste’molchilarning elektr ta’minotini bosqichma-bosqich qayta tiklash ishlari davom ettirilmoqda.
Foto: Energetika vazirligi
Bugun, 28 iyun soat 20:45 da Toshkent shahridagi «Yuksak» podstansiyasida nosozlik yuz berishi oqibatida poytaxtning Mirobod, Chilonzor va Yakkasaroy hamda Toshkent viloyatining Zangiota tumanlarining ayrim hududlarida elektr ta’minotida vaqtincha uzilish kelib chiqqani xabar qilingandi.
FVV xabariga ko‘ra, “svet” o‘chishi oqibatida Chilonzor tumanida joylashgan Dream Park istirohat bog‘idagi «Charxpalak» attraksionida qolib ketgan fuqarolar xavfsiz joyga tushirib olingan.
Xabar qilinishicha, ayni paytda Energetika vazirligi hamda “O‘zbekiston milliy elektr tarmoqlari” AJ rahbariyati podstansiyada bo‘lib, ular tomonidan nosozlikni tiklash ishlari nazoratga olingan.
Energetiklar tomonidan nosozlikni bartaraf etish va barcha iste’molchilarning elektr ta’minotini bosqichma-bosqich qayta tiklash ishlari davom ettirilmoqda.
Aviareyslarda kechikish va Yaqin Sharq mintaqasidagi keskin vaziyat sababli oila mamlakatni tark eta olmagan. Shuningdek, vizasiz yurish muddati tugagani uchun ular jarimaga tortilgan.
BAAda og‘ir vaziyatga tushib qolgan oila O‘zbekistonning Dubaydagi Bosh konsulxonasi ko‘magida vatanga qaytarildi.
Qayd etilishicha, P.G. va uning farzandi A.Z. 2025 yilda mavsumiy ishlash maqsadida BAAning Dubay shahriga borgan.
Biroq moliyaviy qiyinchiliklar sababli 2026 yil yanvarida O‘zbekistonga qaytish uchun aviachiptalar xarid qilgan. Aviareyslarda kechikish va Yaqin Sharq mintaqasidagi keskin vaziyat tufayli ular mamlakatni tark eta olmagan.
Shuningdek, vizasiz yurish muddati tugagani uchun oila vakillari jarimaga tortilgan.
O‘zbekistonning BAAdagi Bosh konsulxonasi tomonidan Dubay immigratsiya xizmati bilan olib borilgan muzokaralar natijasida ularning mamlakatni jarimasiz tark etishiga ruxsat olindi.
Ushbu oila a’zolari uchun 26 iyun kuni “Dubay–Toshkent” yo‘nalishi bo‘yicha aviachiptalar xarid qilindi hamda ularning O‘zbekistonga qaytishi ta’minlandi.
Qayd etilishicha, hodisa oqibatida tan jarohati olganlar yo‘q.
Bugun, 28 iyun kuni Toshkent davlat agrar universitetida yong‘in sodir bo‘ldi.
Xabar qilinishicha, soat 15:17 da «112» tizimidan Toshkent viloyati FVBBga Toshkent davlat agrar universiteti sport kompleksi binosining tom qismi yonayotganligi to‘g‘risida xabar kelib tushgan.
Xabarga asosan, qutqaruv bo‘linmalari voqea joyiga yetib borgan. Yong‘in soat 15:59 da qurshab olingan hamda soat 16:15 da to‘liq bartaraf etilgan.
Qayd etilishicha, hodisa oqibatida tan jarohati olganlar yo‘q.
Yong‘in sababi va zarari aniqlanmoqda.
Dor yo‘lining po‘lat arqonlari belgilangan texnik me’yorlar asosida yetarli darajada tarang tortilmagani hamda qiyalik burchagi talab darajasida ta’minlanmagani oqibatida fuqaro harakat yo‘nalishining o‘rtasida to‘xtab qolgan.
27 iyun kuni Surxondaryo viloyati Boysun tumani Omonxona mahallasi hududida joylashgan qarashli dor yo‘li (ziplayn) attraksionida noxush hodisa qayd etildi.
Dastlabki ma’lumotlarga ko‘ra, mazkur dor yo‘li attraksioni texnik jihatdan to‘liq ishga tushirilmagan, davlat ro‘yxatidan o‘tkazilmagan hamda undan foydalanish uchun tegishli ruxsatnoma olinmagan bo‘lishiga qaramasdan, fuqaro undan foydalanishga harakat qilgan.
Dor yo‘lining po‘lat arqonlari belgilangan texnik me’yorlar asosida yetarli darajada tarang tortilmagani hamda qiyalik burchagi talab darajasida ta’minlanmagani oqibatida fuqaro harakat yo‘nalishining o‘rta qismida to‘xtab qolgan.
Tashkilot xodimlari tomonidan fuqaro xavfsiz tarzda attraksiondan tushirib olingan.
Hodisa oqibatida fuqaro tan jarohati olmagan.
Hozirda mazkur holat yuzasidan Sanoat, radiatsiya va yadro xavfsizligi qo‘mitasi tomonidan o‘rganish ishlari olib borilmoqda.
Muzrabot tumani hokimiga jazo berildi. Bu haqda Korrupsiyaga qarshi kurashish agentligi xabar berdi.
Ijtimoiy tarmoqlarda Muzrabot tumani hokimi Abdulla Mamatqulovning fermerlarni haqorat qilgani aks etgan audiosi tarqalib, keng muhokamalarga sabab bo‘lgan edi.
Korrupsiyaga qarshi kurashish agentligi ushbu holat yuzasidan Surxondaryo viloyati hokimligiga xizmat tekshiruvi o‘tkazish bo‘yicha taqdimnoma kiritdi.
O‘rganishlar davomida mazkur holatda davlat xizmatchisining odob-axloq qoidalari talablariga zid xatti-harakatlarga yo‘l qo‘yilgani aniqlandi.
Qonunchilikka muvofiq, davlat fuqarolik xizmatchilari xizmat vazifalarini vijdonan bajarishi, davlat organlari va tashkilotlarining obro‘-e’tiboriga putur yetkazishi mumkin bo‘lgan xatti-harakatlardan tiyilishi, shuningdek, fuqarolar bilan munosabatlarda xushmuomalalik, hurmat va professionallik tamoyillariga qat’iy rioya qilishi shart, deyiladi agentlik xabarida.
Davlat xizmatchisining odob-axloq qoidalarini buzgani uchun Muzrabot tumani hokimi Abdulla Mamatqulovga nisbatan «hayfsan» intizomiy jazosi qo‘llanildi.
Agentlik davlat xizmatida axloqiy standartlar buzilishiga qarshi choralarni davom ettirishini ma’lum qildi.
Chilonzor va Yakkasaroy tumanlarining bir qismida elektr ta’minoti qayta tiklandi
Shomurodov jahon chempionatidagi deyarli imkonsiz gol muallifi bo‘ldi
Janubiy Koreyaning sobiq birinchi xonimi 7 yillik qamoq jazosiga hukm qilindi
-
Sport3 days agoYaponiya futbolining buyuk sabog‘i: mag‘lubiyatdan to‘g‘ri xulosa chiqarish
-
Dunyodan2 days agoQirgʻiziston va Oʻzbekiston chegarani delimitatsiya qilish doirasida hudud almashadilar
-
Jamiyat3 days ago«Andijon polkasi» tadbiriga ketayotgan o‘quvchilar YTHga uchradi
-
Iqtisodiyot4 days ago
Dollar bir necha kunlik ko‘tarilishdan so‘ng pastladi
-
Sport5 days agoEldor Shomurodov muxlislardan uzr so‘radi
-
Jamiyat2 days agoVatanparvar jurnalistlarni o‘zimga do‘st va maslakdosh deb bilaman
-
Dunyodan4 days ago
BAAda 15 yoshgacha bo’lgan bolalar uchun ijtimoiy tarmoqlar taqiqlangan
-
Iqtisodiyot4 days ago
O‘zbekiston banklari aktivlari 962,8 trln so‘mga yetdi