Sport
«Liverpul» noxush seriyani to‘xtatdi, Vinisius Mbappeni het-triksiz qoldirdi. Kun o‘yinlari
Shanba oqshomida Yevropa futbolida ro‘y bergan asosiy voqealar, o‘yinlardagi gollar va turnir jadvallaridagi vaziyat.
Angliya: «Arsenal»da yana quruq g‘alaba
«Byornli» – «Arsenal» 0:2
Gollar: Yokeresh, 14 (0:1). Rays, 35 (0:2)
«Byornli»: Dubravka, Hartman, Tuanzebe, Loran (Mejbri, 76), Kallen (Edvards, 82), Uoker, Ugochukvu (Brun Larsen, 62), Entoni (Chauna, 62), Esteve, Florentinu, Flemming (Broyya, 76)
«Arsenal»: Rayya, Saliba, Gabriel Magalyayns, Kalafiori (Inkapiye, 72), Timber, Subimendi (Nergor, 77), Rays, Eze (Nvaneri, 72), Trossar (Lyuis-Skelli, 90+1), Saka, Yokeresh (Merino, 46)
Ogohlantirishlar: Kallen, 27. Flemming, 55 –
Gabriel Magalyayns, 90
«Arsenal» yana burchak zarbasidan gol urdi – bu mavsum boshidan buyon sakkizinchi shunday gol urdi, APLda bungacha hech bir jamoa dastlabki o‘n turda bunday natijaga erishmagandi. «Havo qiroli» Gabriel Magalyans bu safar o‘zi gol urmadi, ammo jarima maydoni ichida yakkakurashda ustun kelib, to‘pni darvoza chizig‘i oldida turgan Yokereshga yetkazib berdi. Ko‘p o‘tmay mehmonlar qarshi hujumda ikkinchi golni urishdi, Saka boshlab bergan hujumni Yokeresh davom ettirib, narigi qanotda ochilgan Trossarni diagonal uzatma bilan ta’minladi, belgiyalik hujumchi esa to‘pni jarima maydoniga yetib kelgan Raysga yetkazdi va u ham boshda darvoza to‘rini ishg‘ol etdi. Shundan keyin Arteta shogirdlari tejamkor rejimga o‘tishdi va hisobni saqlab qolishdi. «Kanonirlar» butun oktyabr davomida darvozasidan gol o‘tkazmagandi va kuzning oxirgi oyi ham navbatdagi «quruq» o‘yin bilan boshlandi. Bu barcha turnirlar doirasidagi qatorasiga yetti o‘yinda darvoza daxlsizligi saqlab qolinishi bo‘ldi (barcha o‘yinlarda g‘alaba qozonilgan, to‘plar nisbati 14:0). Qolaversa, Arteta shogirdlari APLda uchinchi marta raqibga o‘z darvozasi sohasi tomon birorta ham zarba yo‘llashga qo‘ymadi.
«Nottinghem Forest» – «Manchester Yunayted» 2:2
Gollar: Kazemiru, 34 (0:1). Gibbs-Uayt, 48 (1:1). Savona, 50 (2:1). Diallo, 81 (2:2)
«Nottinghem Forest»: Sels, Murilio, Milenkovich, Uilyams, Savona, Anderson, Duglas Luis (Yyeyts, 14), Gibbs-Uayt, Hadson-Odoi (Sangare, 90+2), Ndoy, Igor Jyezus (Avoniyi, 78)
«Manchester Yunayted»: Lammens, de Ligt, Shou, Yoro (Mazraviy, 77), Brunu Fernandesh, Kazemiru, Dalot (Dorgu, 68), Diallo, Kunya, Mbemo, Sheshko
Ogohlantirishlar: Ndoy, 62 – Mazraviy, 85
«Manchester Yunayted» APLda g‘alabali seriyasini davom ettira olmadi. Amorim shogirdlari bungacha «Sanderlend», «Liverpul» va «Brayton» ustidan g‘alaba qozongandi, ammo Shon Daych kelganidan keyin yana ishonchli o‘ynay boshlagan «Nottinghem Forest»ga qarshi o‘yinda buning uddasidan chiqilmadi.
Avvaliga barchasi yaxshi ketayotgandi va birinchi bo‘lim Kazemironing goli evaziga «MYu» g‘alabasi bilan yakunlandi. Ammo Shon Daych tanaffusda o‘z jamoasini o‘ziga keltira oldi. Natijada ikkinchi bo‘lim boshidagi bir necha daqiqa ichida mezbonlar 0:1 hisobini 2:1 ko‘rinishiga o‘zgartirishdi.
Bo‘yi u qadar baland bo‘lmagan Gibbs-Uayt (171 sm) «ikkinchi qavatdan» gol urishiga unga bu vaziyatda undan ham bo‘yi pastroq Diallo qarshilik ko‘rsatgani sabab bo‘ldi. Ko‘p o‘tmay «o‘rmonchilar» qanotdan uzatma orqali ikkinchi golni urishdi. Lekin «qizil iblislar» bu bilan parokanda bo‘lib ketmadi va raqib darvozasini qamal qilishga kirishdi. Avvaliga Brunu Fernandeshning zarbasi ustunga borgandi, o‘yin oxirlariga borib Diallo havodagi to‘pga to‘xtatmay zarba berdi hamda Selsga hech qanday imkon qoldirmadi. 90+4-daqiqada «MYu» g‘alabani ilib ketishi mumkin edi, ammo «Forest» himoyachisi Murillo to‘pni darvoza chizig‘i ustida to‘xtatib qoldi. Shu tariqa, «MYu»ning g‘alabali seriyasi to‘xtadi va jamoaning oxirgi vaqtlarda tanilib ketgan bir muxlisi yana sochini oldira olmaydigan bo‘ldi (u jamoasi qatorasiga besh o‘yinda g‘alaba qozonmaguncha, sartaroshga bormaslikka va’da bergan).
«Tottenhem» – «Chelsi» 0:1
Gol: Joao Pedro, 34 (0:1)
«Tottenhem»: Vikario, Danso (Romero, 60), van de Ven, Spens, Porro (Udodji, 73), Palinya, Bentankur (Risharlison, 60), Sarr, Bergvall (Simons, 7, Jonson, 73), Quddus, Kolo Muani (Odober, 73)
«Chelsi»: Sanches, Chaloba, Fofana (Adarabioyo, 89), Kukurelya, Jyeyms, Kaysedo, Gyusto (Lavia, 76), Fernandes, Garnacho (Gittens, 66), Pedru Netu (Estevan, 85), Joao Pedro
Ogohlantirishlar: Bentankur, 45. Danso, 47. Simons, 59. Quddus, 74 – Chaloba, 45. Fernandes, 68
Shanba kunining markaziy bahsi Tottenhem» uchun noxush boshlandi. 7-daqiqadayoq jarohat tufayli Bergvalni almashtirishga to‘g‘ri keldi, o‘tkazib yuborilgan gol esa xatolar zanjiri natijasi bo‘ldi. Ko‘klar ikki marta raqib jarima maydoni atrofida to‘pni olib qo‘yishdi, van de Venning xatosi esa o‘yin taqdirini hal qildi. Undan to‘pni olib qo‘ygan Kaysedo Joau Pedruni golli pas bilan ta’minladi. Uzoq davom etgan golsiz (7 o‘yin) seriyasini yakunlagan braziliyalik hujumchi shu kuni yana bir necha gol urishi mumkin edi, ammo uning birinchi bo‘limda yana ikki zarbasi darvozabon tomonidan qaytarildi, uchinchisi to‘singa bordi. Umuman, shu kuni Vikario o‘yinda so‘nggi daqiqaga qadar intriga saqlanib turishi uchun qo‘lidan kelgan barcha ishni qildi.
Hisob ochilganidan keyin maydonda haqiqiy jang boshlandi: futbolchilar o‘zini ham, raqibni ham ayamay fol ishlata boshladi. Avvaliga Bentankur butsasining ostki qismi bilan Jyeymsning oyog‘iga zarba berdi va futbolchilar o‘rtasida janjal boshlandi. Yakunda hakam «Tottenhem» yarimhimoyachisiga faqat sariq kartochka ko‘rsatish bilan cheklandi, bunga e’tiroz bildirgani uchun Chaloba ham ogohlantiritldi.
60-daqiqada «Tottenhem» bosh murabbiyi o‘yinni o‘zgartirishga (bu vaqtga kelib mezbonlar zarbalar soni bo‘yicha 2:10 hisobida ortda, sariq kartochkalar soni bo‘yicha 3:1) harakat qilib, ikki futbolchini almashtirdi: sariq kartochka olib ulgurgan Danso va Bentankur o‘rniga Romero va Risharlison tushirildi.
O‘yinda golli vaziyatlardan ko‘ra qo‘polliklar ko‘proq bo‘ldi. 68-daqiqada Enso Fernandes ham butsasining ostki qismi bilan Palinyaning tizzasiga zarba berdi. Arbitr bu yerda ham sariq kartochka bilan kifoyalandi. VAR bu vaziyatga ham aralashmadi.
Ko‘p o‘tmay Fernandesning o‘zi jabrlanuvchiga aylandi, Spens unga qarshi o‘ta qo‘pol harakat qildi. Futbolchilar jamoadoshlari uchun o‘ch olishga kirishib ketgandi. «Tottenhem» hisobda ortda borayotganiga qaramay, hujumda vaziyatlarga ega bo‘lmadi. So‘nggi 40 daqiqalikda mezbonlarda birgina zarba bo‘ldi va u ham darvoza sohasiga to‘g‘ri bormadi. Birinchi bo‘limda Bergval o‘rniga tushirilgan Simons esa o‘yin tugamasdan zaxiraga olindi.
Qo‘shimcha daqiqalarda Gittens va Joao Pedro yakkama-yakka vaziyatlardan foydalana olmadi, lekin «Chelsi» minimal g‘alabani saqlab qoldi. Endi Londonning bu ikki klubi 17 tadan ochkoga ega bo‘lgan holda 3 va 4-o‘rinlarni bo‘lishib turibdi.
«Liverpul» – «Aston Villa» 2:0
Gollar: Saloh, 45+1 (1:0). Gravenberh, 58 (2:0)
«Liverpul»: Mamardashvili, van Deyk, Konate, Roberson, Bredli, Makallister, Gravenberh, Soboslai, Gakpo, Saloh, Ekitike (Virs, 77)
«Aston Villa»: Martines, Konsa, Pau Torres (Mings, 74), Din (Matsen, 75), Kesh, Onana, Kamara, Rodjyers, Makginn (Barkli, 59), Gessan (Malen, 59), Uotkins (Sancho, 74)
Ogohlantirishlar: van Deyk, 54. Soboslai, 87 – Kesh, 57. Onana, 73. Rodjyers, 80
«Liverpul» APLda to‘rt o‘yin davom etgan noxush seriyasiga barham berdi va nihoyat g‘alaba qozondi. «Aston Villa» esa, aksincha, to‘rt o‘yindan iborat g‘alabali seriyasini to‘xtatdi.
Qayd etish kerakki, Unai Emeri shu kuni o‘yin uchun noto‘g‘ri taktika tanladi va himoyadan qisqa paslar bilan chiqishga harakat qildi. Holbuki, bungacha APLning qator jamoalari mersisaydliklarga qarshi uzun paslar bilan o‘ynab, muvaffaqiyatga erishgan, Arne Slotning o‘zi ham bunday uslub jamoa uchun muammoli bo‘layotganini tan olgandi. Natijada, pressingda kuchli bo‘lgan mezbonlar raqib jarima maydoni atrofida to‘p olib qo‘yib, birin-ketin xavfli vaziyatlar yaratdi.
Avvaliga bunday sovg‘adan Soboslai foydalana olmadi, birinchi bo‘limga qo‘shib berilgan daqiqalarda esa Emiliano Martines to‘pni Salohning oyoqlariga tashlab berdi, misrlik hujumchi esa «Liverpul» safidagi 250-golni urdi. Shuningdek, u APLda bir jamoa safidagi golli harakatlar soni bo‘yicha Ueyn Runiga tegishli rekordni takrorladi. 188 gol va 88 uzatma – endi unda ham «MYu»ning sobiq yulduziniki kabi 276 ball.
Ikkinchi bo‘limda esa yana raqib futbolchisi qaytarib bergan to‘pni egallab olgan mersisaydliklar vaziyatdan foydalanishdi, Gravenberhning zarbasidan keyin to‘p Pau Torresga tekkan holda darvozabonni dog‘da qoldirib, to‘rga borib tushdi. Arne Slot uchun yoqimsiz xotiralar qoldirgan oktyabr tugashi bilan chempionatdagi mag‘lubiyatlar seriyasi ham ortda qoldi. Ammo jamoa chindan ham inqirozdan chiqib olgan olmaganini keyingi haftadagi o‘yinlar ko‘rsatadi. YeChLda «Real» va milliy birinchilikda «Manchester Siti»ga qarshi o‘yinlar – jamoa uchun chinakamiga sinov vazifasini o‘taydi.
Ispaniya: Grizmanning yubiley goli
«Vilyarreal» – «Rayo Valekano» 4:0
Gollar: Moreno, 22 (1:0). Moleyro, 56 (2:0). Komesanya, 58 (3:0). Peres, 65 (4:0)
«Vilyarreal»: Luis Junior, Foyt, Veyga, Pedrasa, Mourinio, Komesanya (Parexo, 74), Parti, Moleyro (Byukenen, 63), Pepe (Axomax, 77), Moreno (Peres, 64), Mikautadze (Oluvaseyi, 46)
«Rayo Valekano»: Batalya, Lejyen, Mendi, Chavarriya, Ratsyu, Dias (Baliu, 79), Siss, Palazon (Valentin, 66), Alvaro Garsiya (Kamelo, 66), De Frutos (Fran Peres, 66), Alemao (Trexo, 79)
Ogohlantirishlar: Moleyro, 28 – Ratsyu, 76
Qatorasiga to‘rt o‘yinda g‘alaba qozongan «Rayo Valekano» avvaliga «sariq submarinalar»ga ham jiddiy muammolar tug‘dirdi. Ammo «asalarilar» saflari raqibning kuchli pressingi tufayli sochilib ketdi va bo‘lim o‘rtalarida Jyerar Moreno hisobni ochdi. «Vilyarreal» sardori jarohatdan keyin formasini tiklashda davom etmoqda va qatorasiga ikkinchi turda o‘z nomini tabloga yozdirib qo‘ydi. Marselino Toral tanaffusda hujum chizig‘ini yangiladi va ikkinchi bo‘lim boshida o‘yin masalasi hal bo‘ldi. Avvaliga Moleyro to‘pni raqib jarima maydoniga qadar olib borib, darvoza burchagini aniq nishonga oldi va hisobdagi farqni oshirdi, keyin esa Santi Komesanya sobiq jamoadoshlari darvozasiga urgan golga assistentlik qildi. «Vilyarreal»ning o‘tgan mavsumdagi eng yaxshi to‘purari Ayose Peres yakuniy natijani o‘rnatdi, uzoq vaqt jarohatini davolash bilan mashg‘ul bo‘lgan hujumchi uchun bu mavsumdagi ilk gol bo‘ldi. Endi «sariq sumbarinalar» kamida «Barselona»ning yakshanba kuni o‘tkaziladigan o‘yiniga qadar turnir jadvalida ikkinchi o‘ringa chiqib oldi va ular tur yakunlariga ko‘ra kuchli uchlikni tark etmasligi aniq.
«Atletiko» – «Sevilya» 3:0
Gollar: Alvares, 64 – penalti (1:0). Almada, 77 (2:0). Grizmann, 90 (3:0)
«Atletiko»: Oblak, Ximenes, Rudjyeri, Gansko, Koke, Baena (Grizmann, 74), Liorente, Serlot (Almada, 68), Alvares (Molina, 86), Simeone (Raspadori, 86), N. Gonsales (Gallaxer, 69)
«Sevilya»: Vlaxodimos, Karmona, Aspilikueta (Nyanzu, 46), Suaso, Markan, Sanches (Adams, 72), Mendi (Gudel, 46), Sou, Romero (A. Gonsales, 79), Vargas, Peke Fernandes (Edjuke, 79)
Ogohlantirishlar: Romero, 54. Nyanzu, 63. Markan, 77
Turnir jadvalining to‘rtinchi o‘rnida kelayotgan «Atletiko» ham ishonchli o‘ynashda davom etmoqda va bu safar «Sevilya» ustidan yirik hisobda g‘alabaga erishdi. O‘yindagi hal qiluvchi vaziyat Nyanzu jarima maydoni ichida butsasining ostki qismi bilan Ximenesning oyog‘iga zarba berishi bo‘ldi. Natijada belgilangan penaltini Hulian Alvares aniq ijro etib, hisobni ochdi. Ikkinchi bo‘limda esa Juliano Simeone pressingda namunali ishladi va to‘pni olib qo‘yib, Almadeni qulay vaziyatga chiqardi. O‘yinning asosiy vaqti tugayotganida Grizmann hisobni yiriklashtirdi va «Metropolitano»ga yig‘ilganlar uning La ligadagi 200-golini nishonlashdi. Antuan turnir tarixida bunday nuqtaga yetgan o‘n birinchi futbolchiga aylandi (oltinchi xorijlik).
«Real» – «Valensiya» 4:0
Gollar: Mbappe, 19 – penalti (1:0). Mbappe, 31 (2:0). Bellinghem, 44 (3:0). Karreras, 82 (4:0)
Aniq ijro etilmagan penalti: Vinisius Junior, 43’
«Real»: Kurtua, Eder Militau, Hausen (Raul Asensio, 68), Karreras, Valverde, Tshuameni (Kamavinga, 46), Bellinghem, Arda Guler (Sebalyos, 46), Vinisius Junior (Endrik, 79), Mastantuono, Mbappe (Rodrigu, 79)
«Valensiya»: Agirresabala, Kopete, Tarrega, Xose Gayya, Korreya (Vaskes, 55), Pepelu (Gerra, 87), Santamariya, Diyego Lopes (Eray Jyemert, 55), Rioxa (Duro, 55), Gruneveld, Beltran (Andre Almeyda I, 46)
Ogohlantirishlar: Tshuameni, 36 – Gerra, 88
Shu kunlarda «Oltin butsa» mukofotini qabul qilib olgan Mbappe o‘yindan oldin uni stadionga yig‘ilgan muxlislarga namoyish etdi. Kilianga La liganing oktyabr oyidagi eng yaxshi futbolchisi uchun mukofot ham topshirildi. Va u noyabrni ham juda yaxshi boshlab, avvaliga penaltini aniq ijro etdi, keyin esa Arda Gulerning uzatgan to‘pga havodaligida zarba berib, hisobdagi farqni oshirdi. Fransuz hujumchisi birinchi bo‘limning o‘zida het-trikni rasmiylashtirishi mumkin edi, ammo Karreras yiqitilgani uchun belgilangan penaltini ijro etish huquqini Vinisius Juniorga topshirdi. Klasikoda gol urishni qattiq xohlagan va barvaqt almashtirilganidan norozi bo‘lgan braziliyalik hujumchi baribir maqsadiga erisha olmadi, mehmonlar darvozaboni uning zarbasini osonlik bilan bartaraf etdi. Lekin ushbu darvozabon bir daqiqa o‘tib Bellinghem jarima maydoni tashqarisidan yo‘llagan zarba qarshisida ojiz qoldi.
Shu tariqa, o‘yin taqdiri ilk 45 daqiqalikdayoq hal bo‘ldi, Mbappe esa afsonaviy vatandoshi Jyust Fontenga tegishli bo‘lgan rekordni takrorladi. So‘nggi 75 yillikda faqat ikki fransuz klub safida bir kalendar yilida 48 gol urishga erishgan. «Santyago Bernabeu»dagilar darhol bayram qilishga kirishdi, Alonso yana Vinisiusni zaxiraga oldi, ammo u bu safar buni to‘g‘ri qabul qildi va o‘z o‘rniga tushirilgan Rodrigoni qattiq quchib qo‘yib, murabbiyga ham qo‘l berdi. O‘yin oxirida esa himoyachi Karreras olis masofadan yo‘llagan ajoyib zarbasi bilan Madriddagi ilk golini urdi. Qaymoqranglilar hafta o‘rtasida «Enfild»da kechadigan o‘yinga La liga peshqadami sifatida yo‘l olishadi.
Falastin assotsiatsiyasining shikoyatidan so‘ng, Isroil futbol assotsiatsiyasi taxminan 164 ming yevro miqdorida jarima to‘lashi va yaqinda bo‘lib o‘tadigan o‘z maydonidagi o‘yinlarda banner ilib qo‘yishi kerak, deb qaror qildi FIFA.
Xalqaro futbol federatsiyasi (FIFA, FIFA) Falastin futbol assotsiatsiyasi (PFA) tomonidan bildirilgan ayblovlardan so‘ng Isroil futbol assotsiatsiyasiga (IFA) nisbatan 150 000 shveysariya franki (taxminan 164 300 yevro) miqdorida jarima qo‘lladi. Tegishli qaror futbol federatsiyasi tomonidan 19 mart, payshanba kuni o‘z saytida e’lon qilindi.
FIFA Intizom qo‘mitasi IFA “FIFAga a’zo assotsiatsiya sifatidagi majburiyatlarini bir necha bor buzgan”, deb topdi va unga FIFA intizom kodeksining 13-moddasi (“Haqoratli xatti-harakat va halol o‘yin tamoyillarini buzish”) hamda 15-moddasi (“Kamsitish va irqiy bayonotlar”)ni buzgani uchun sanksiyalar qo‘lladi.
Qarorga muvofiq, IFA jarimani to‘lashi, keyingi uchta o‘z maydonidagi o‘yinda futbol assotsiatsiyasi logotipi yonida “Futbol dunyoni birlashtiradi — Kamsitishga yo‘q” degan yozuvli “katta va yaxshi ko‘rinadigan banner”ni joylashtirishi, shuningdek jarimaning uchdan bir qismini “kamsitishga qarshi choralarni ta’minlash va takroriy hodisalarning oldini olish bo‘yicha kompleks rejani amalga oshirish”ga yo‘naltirishi kerak bo‘ladi. Xabarda aytilishicha, ushbu qaror FIFAning apellyatsiya qo‘mitasida shikoyat qilinishi mumkin.
Litvalik murabbiy Kotrina Kulbite qo‘l ostidagi jamoa hal qiuvchi bahsda Filippinga yutqazdi.
Futbol bo‘yicha O‘zbekiston ayollar milliy jamoasi Avstraliyada bo‘lib o‘tayotgan Osiyo kubogidagi ishtirokini yakunladi.
Litvalik murabbiy Kotrina Kulbite qo‘l ostidagi jamoa kuchli sakkiztalikka kirdi.
Futbolchilar Bangladeshni 4:0 hisobida mag‘lub etdi. Ammo KXDR (0:3), Xitoy (0:3) va Janubiy Koreyaga (0:6) yutqazdi.
Jahon chempionati yo‘llanmasi uchun hal qiluvchi kurashda Filippin milliy jamoasiga 0:2 hisobida yutqazdi.
Endi O‘zbekiston ayollar milliy jamoasi qit’alararo saralash musobaqasida ishtirok etadi. Birinchi bosqich noyabr-dekabr oylarida markazlashgan formatda bo‘lib o‘tadi. Ikkinchi bosqich 2027 yil fevral oyiga belgilangan.
O‘zbekiston ayollar milliy jamoasi tarixda biror marta jahon chempionatida ishtirok etmagan.
Sport
«Real» «Bavariya»ga qarshi, «Barsa» yana «Atletiko» bilan o‘ynaydi. YeChLda chorakfinal juftliklari
Turnirda 8 jamoa qoldi.
Chorshanba oqshomida Chempionlar ligasi 2025/26 yillar mavsumi 1/8 finali doirasida yana to‘rt uchrashuv o‘tkazildi: «Arsenal», «Real», «PSJ» va «Sporting» ortidan «Barselona», «Atletiko», «Bavariya» va «Liverpul» jamoalari ham keyingi bosqichga yo‘llanma olishdi.
Chempionlar ligasi 1/8 final natijalari
«Real» – «Manchester Siti» – 5:1 (birinchi o‘yin – 3:0, javob o‘yini – 2:1).
«PSJ» – «Chelsi» – 8:2 (5:2, 3:0).
«Sporting» – «Budyo-Glimt» – 5:3 (0:3, 5:0).
«Arsenal» – «Bayyer» – 3:1 (1:1, 2:0).
«Atletiko» – «Tottenhem» – 7:5 (5:2, 2:3).
«Barselona» – «Nyukasl» – 8:3 (1:1, 7:2).
«Liverpul» – «Galatasaroy» – 4:1 (0:1, 4:0).
«Bavariya» – «Atalanta» – 10:2 (6:1, 4:1).
Pley-offning to‘liq setkasi oldindan ma’lum edi, bundan keyin boshqa qur’a tashlanmaydi. Chorakfinalga chiqqan jamoalar o‘zlarining navbatdagi raqiblarini allaqachon bilishadi.
1/4 final juftliklari
«Real» – «Bavariya»
«PSJ» – «Liverpul»
«Sporting» – «Arsenal»
«Barselona» – «Atletiko»
Birinchi bo‘lib ko‘rsatilgan jamoalar birinchi o‘yinni o‘z uyida o‘tkazadi.
1/4 final o‘yinlari taqvimi
Keyingi bosqich deyarli uch haftadan keyin, mart oyidagi FIFA kunlari ortidan boshlanadi. Chorakfinaldagi uy va safar uchrashuvlari orasi bir haftani tashkil etadi.
Mart oyi oxirida Yevropa yozgi vaqtga o‘tadi, shuning uchun Chempionlar ligasi yana Toshkent vaqti bilan soat 23:59 dan boshlanadi.
7–8 aprel. Birinchi o‘yinlar
«Real» – «Bavariya»
«PSJ» – «Liverpul»
«Sporting» – «Arsenal»
«Barselona» – «Atletiko»
14–15 aprel. Javob o‘yinlari
«Bavariya» – «Real»
«Liverpul» – «PSJ»
«Arsenal» – «Sporting»
«Atletiko» – «Barselona»
Birinchi va ikkinchi juftliklar g‘oliblari hamda uchinchi va to‘rtinchi juftliklar g‘oliblari yarimfinalda o‘zaro to‘qnashadi.
Yarimfinal bahslari 28-29 aprel va 5-6 may kunlariga belgilangan.
Final 30 may kuni Budapeshtda bo‘lib o‘tadi.
«Arsenal» va «Bavariya» – asosiy favoritlar
Har bir bosqichdan keyin Opta superkompyuteri Chempionlar ligasida kim g‘olib bo‘lishi bo‘yicha prognozlarini yangilab bormoqda. Turnir startidan oldin «Liverpul»ning imkoniyatlari eng yuqori baholangandi, o‘tgan mavsum Angliya chempioni bo‘lgan va yozgi transferlarda eng faol bo‘lgan jamoaga 20,6 foiz berilgandi, ammo vaqt o‘tib bu jamoaning imkoniyatlari uch baravar pasaytirildi – 7 foizgacha.
Turnir avvalida ikkinchi asosiy da’vogar «Arsenal» bo‘lib turgandi (15,3 foiz), ammo londonliklarning imkoniyatlari vaqt sayin o‘sib bordi va endi ikki baravar yuqori baholanmoqda.
Setkaning ikkinchi tomonidagi asosiy favorit – «Bavariya». Opta Angliya va Germaniya grandlari Budapeshtdagi finalga yetib kelishini bashorat qilmoqda. «Barselona» va «PSJ»da ham yarimfinalga chiqish imkoniyati yuqori baholangan.
Opta versiyasiga ko‘ra, jamoalarning Chempionlar ligasi g‘olibligi uchun imkoniyatlari:
«Arsenal»da startdan oldin 15,3 foiz, chorakfinal arafasida 30 foiz;
«Bavariya»da startdan oldin 4,5 foiz, chorakfinal arafasida 18 foiz;
«Barselona»da startdan oldin 8,8 foiz, chorakfinal arafasida 14,7 foiz;
«PSJ»da startdan oldin 12 foiz, chorakfinal arafasida 12,1 foiz;
«Real»da startdan oldin 5,8 foiz, chorakfinal arafasida 7 foiz;
«Liverpul»da startdan oldin 20,6 foiz, chorakfinal arafasida 30 foiz;
«Atletiko»da startdan oldin 0,8 foiz, chorakfinal arafasida 4,7 foiz;
«Sporting»da startdan oldin 0,8 foiz, chorakfinal arafasida 3,3 foiz.
1993 yil, aprel. Milliy basketbol assotsiatsiyasi muntazam ligasidagi navbatdagi o‘yini bo‘lib o‘tmoqda. Tanaffus paytida qiziqarli tanlov o‘tkazadi. Unga ko‘ra, xohlovchilar maydon chetidan to‘p irg‘itib, narigi tomondagi savatchaga tushirishi kerak edi. Bir yigit shu ishni uddalaydi. Biroq yutuqni to‘lashi lozim bo‘lgan sug‘urta kompaniyasi g‘irromlik qiladi va pullarini berishdan bosh tortadi. Oxir oqibat yigitga yutuqni “Chicago bulls” jamoasi to‘lab beradi.
Bugun AQSh sportini basketbol o‘yinisiz tasavvur qilib bo‘lmaydi. Bu sport turi muxlislar tashrifi bo‘yicha Amerika futboli va beysboldan so‘ng uchinchi o‘rinda turadi.
Basketbol AQShda eng ko‘p o‘ynaladigan o‘yin hisoblanadi va bilan mamlakatda 26 milliondan ortiq odam shug‘ullanadi.
Shuningdek, AQSh va Kanada jamoalari ishtirok etadian Milliy basketbol assotsiatsiyasi ligasi dunyo miqyosida eng ko‘p tomosha qilinadigan turnir hisoblanadi.
Jamoaviy o‘ynaladigan boshqa sport turlarida bo‘lgani kabi AQShda bo‘lib o‘tadigan basketbol o‘yinlari juda qiziqarli va keskin kurashlar ostida kechadi.
Shu bilan birga tanaffus paytlarida zaldagi muxlislar uchun turli tanlovlar o‘tkaziladi va o‘yinlar qiziqarli shouga aylanadi.
1993 yilda ana shunday tanlovlarning biri mojaro bilan yakun topadi. “Chicago bulls” jamoasiga homiylik qiluvchi kompaniya mukofot uchun va’da qilingan 1 mln dollarni g‘olib yigit Don Kelhunga to‘lab berishdan bosh tortadi.
Foto: spors.qq.com
Million dollarlik aniq zarba
1993 yil 14 aprel. Chikago shahridagi arenada MBA muntazam ligasida ishtirok etuvchi “Chicago bulls” va “Miami Heat” jamoalari bellashmoqda.
O‘sha paytda AQShlik jahonga mashhur basketbolchi Maykl Jordan “Chicago bulls” jamoasi sharafini himoya qilar va u ham maydonda edi.
O‘yinga tanaffus berilgan paytda “Chicago bulls” jamoasi, “Koka-kola” kompaniyasi Lettuce Entertain You restoranlar tarmog‘idan iborat tashkilotchilar yutuqli tanlov o‘tkazadi.
Tanlovga ko‘ra, avval muxlislar orasidan tasodifiy yo‘l bilan bir necha kishi tanlab olinadi. So‘ng ular navbati bilan basketbol maydonining bir chetidan, ikkinchi chetidagi savatchaga to‘pni uloqtirishi kerak edi.
Qoida aniq: 23 metr uzoqlikdan savatchaga to‘pni aniq tushirgan qatnashchi g‘olib bo‘ladi va u 1 mln dollarga ega chiqadi. Agar bu ishni bir necha kishi bajarsa mukofot puli ular orasida teng taqsimlanadi.
Yutuqni “Chicago bulls” jamoasiga homiylik qilayotgan “American Hole ‘N One” sug‘urta kompanisi to‘lab berishi lozim edi.
Tanlov boshlangach bir necha kishi to‘pni uloqtiradi, biroq savatchaga tushira olmaydi. Aslida bu ish juda qiyin bo‘lib, shu sababli ham tashkilotchilar tanlovga yutuq sifatida katta mablag‘ qo‘ygandi.
Navbat kanselariya do‘koni sotuvchisi bo‘lib ishlovchi Don Kelhunga keladi. Yigit uloqtirgan to‘p to‘g‘ri borib savatchaga tushadi. Shunda arenada o‘tirgan muxlislar yigitni olqishlay boshlaydi.
Foto: Videodan kadr
O‘sha paytda tanaffus olgan basketbolchilar tanlovni kuzatishayotgandi. Ular ham navbati bilan yigitni quchoqlab, tabriklashadi. Jumladan, maydonda bo‘lgan Maykl Jordan ham.
Don Kelhunning qo‘liga 1 dollarlik yutuqqa ega chiqqani haqidagi banner-sertifikat topshiriladi. Yigit o‘sha kuni xursand holda sevimli jamoasining arenasidan chiqib ketadi. Ertasi kuni esa muammo boshlanadi…
G‘irromlik
Don Kelhun ancha-muncha basketbolchilar ham amalga oshirolmaydigan ishni uddalab, mukofot puliga ega chiqqandi. Biroq 23 metrdan to‘pni savatchaga hech kim tushira olmasligiga ishonib pul tikkan sug‘urta kompaniyasi yutuqni to‘lashga kelganda g‘irromlik qilardi.
Kompaniya Don Kelhunga mukofot puli berilmasligini e’lon qilib, buning ikkita sababini keltiradi. Birinchi sababga ko‘ra Don Kelhun to‘pni uloqtirayotganda chiziqni bosgan.
Ikkinchisi, u avvalroq bir muddat kollejdagi jamoa safida basketbol o‘ynagan. Kompaniya tanlov oddiy muxlislar o‘rtasida o‘tkazilganini va unda Donning ishtiroki xato bo‘lganini aytadi.
Ya’ni, sug‘urta kopaniyasi tanlov ishtirokchilari so‘ngi 5 yilda basketbol bilan muntazam shug‘ullanmagan bo‘lishi kerak edi, deb turib oladi.
Foto: Videodan kadr
Shundan so‘ng sug‘urta kopaniyasining vajlari bo‘yicha tekshiruv o‘tkaziladi. Eng avval Don Kelhun to‘pni uloqtirayotgan paytda chiziqni bosganmi yoki yo‘q, shu tekshiriladi.
Jarayon tasvirga tushirilgandi. Video sinchiklab ko‘rilganda Donning chiziqni bosmagani ma’lum bo‘ladi. Ikkinchi sabab bo‘yicha ham komissiya yigitni haq deb topadi.
Chunki shartga ko‘ra, tanlovda professional sportchi, hatto faoliyatini tugatgan bo‘lsa ham qatnashishi mumkin emasdi. Don Kelhun esa hech qachon basketbol bilan professional tarzda shug‘ullanmagan, shunchaki kollejdagi havaskor jamoada o‘ynagandi.
Sug‘urta kopaniyasining ikkita vaji ham o‘rinli emas, deb topiladi. Biroq ular baribir 1 mln dollarni to‘lashni xohlamaydi.
O‘sha paytda Don Kelhun bilan sodir bo‘lgan hodisa va sug‘urta kompaniyasining g‘irromliq qilayotgani AQSh OAV lari e’tiboriga tushadi va ular birin ketin hodisa haqida yoza boshlaydi. Ammo bu ham sug‘urta kopaniyasining fikrini o‘zgartira olmaydi.
Hodisaga “Chicago bulls” jamoasining aralashuvi
Don Kelhunga qilingan g‘irromlik ommaga oshkor bo‘lgach muxlislar “Chicago bulls” jamoasini ham ayblay boshlaydi. Chunki tanlov jamoaning uy arenasida, uning o‘yini paytida tashkillashtirilgandi.
Qolaversa gazetalar va turli telekanallar har kuni Don Kelhunga qilingan g‘irromlik haqida maqola hamda ko‘rsatuvlar berib, muxlislarni yanada junbushga keltiradi.
Foto: alamy.com
Bu orada bir yilcha vaqt o‘tib ketadi va Don Kelhun sug‘urta kompaniyasidan o‘z yutug‘ini ololmaydi. Kunlarning birida “Chicago bulls” jamoasi rahbariyati 1 mln dollarlik yutuq bo‘yicha matbuot anjuani o‘tkazishi haqida e’lon beradi.
Matbuot anjumanida jamoa rahbariyati sug‘urta kompaniyasidan farqli ravishda Don Kelhun 1 mln dollarni haqqoniy yutganini tan oladi. So‘ng sug‘urta kompaniyasi to‘lashdan bosh tortgan pullarni jamoa to‘lab berishini ma’lum qiladi.
Faqat jamoa rahbariyati Donga pullarni birdaniga emas, har yili 50 ming dollardan 20 yil davomida to‘lab borilishini aytadi. Yigitning bunga ko‘nishdan o‘zga chorasi qolmaydi.
O‘shandan keyin Don Kelhun 2013 yilgacha 20 yil davomida har yili “Chicago bulls” jamoasidan 38 ming dollardan olib turadi. Qolgan 12 ming dollar daromad solig‘i uchun ushlab qolinadi. Shu tariqa yigit o‘zi yutgan mukofot pullarini to‘liq oladi.
Garchi bir urinishda million dollarni yutgan bo‘lsa-da Don Kelhun millionerga aylana olmaydi – u kanselariya mahsulotlari sotiladigan magazindagi ishini davom ettiradi.
Mashmashaga Maykl Jordanning aralashuvi
Don Kelhun to‘pni savatchaga tushirgan kuni afsonaviy basketbolchi Maykl Jordan ham maydonda edi. Boshqalar kabi u ham g‘olibni tabriklaydi.
Foto: Videodan kadr
O‘yin so‘ngida “Chicago bulls” jamoasining barcha o‘yinchilari Don Kelhun savatchaga tushirgan to‘pga dastxat qo‘yib berishlari lozim edi. O‘shanda faqat bir kishi – Maykl Jordan bu ishni qilmaydi. Jamoadoshlari dastxat qo‘yayotganda u indamay kiyinish xonasiga kirib ketadi.
Mayklning dastxat qo‘ymagani sababi bor edi. 1992 yilda u Upper Deck kompaniyasi bilan shartnoma imzolagandi.
Ushbu kelishuvga ko‘ra, Upper Deck Jordanning dastxati tushirilgan turli mahsulotlarni ishlab chiqaruvchi yagona kompaniya hisoblanardi.
Sportchi va kompaniya o‘rtasida tuzilgan shartnomada Jordanning futbolka, to‘plar va boshqa narsalarga dastxat qo‘yishi cheklangandi. Jordan faqat xayriya tadbirida yoki kasal bolalar uchun dastxat qo‘yishi mumkin edi.
Don Kelhun nima qilib bo‘lsa ham Jordanning dastxatini olishni maqsad qiladi va “Chicago bulls” jamoasining o‘yinlariga muntazam tusha boshlaydi. Biroq mashhur o‘yinchining dastxatini ololmaydi.
Oradan bir yilcha vaqt o‘tadi. Sug‘urta kompaniyasi hamon mukofot pulini to‘lab berishni kechiktirib kelar, Don esa da’vogar sifatida yurgandi. Bir kuni yigit Maykl Jordan o‘g‘lining o‘yinlarini ko‘rish uchun u o‘qiydigan maktabga borib turishini eshitadi va o‘sha yoqqa otlanadi.
Foto: memedeportes.com
Biroq tan soqchilar uni Mayklning oldiga qo‘ymaydi. Ular sportchi baribir dastxat bermasligini ta’kidlaydi. Don u yerdan chiqib ketayotganida tan soqchilardan biri uni quvib yetadi va Maykl chaqirayotganini aytadi.
Yigit Jordan bilan uchrashganda sportchi Donni taniydi va “Pulingizni oldingizmi?” deb so‘raydi. Yigit olmaganini bildiradi.
Shundan so‘ng Jordan “Chicago bulls” rahbariyatiga bosim o‘tkazadi va yigitga yutuqni to‘lab berishni talab qiladi. Avvaliga jamoa rahbariyati ko‘nmaydi.
Biroq bir muddat o‘tgach klub rahbariyati o‘zining eng yaxshi o‘yinchisi qo‘ygan talabga ko‘nishga majbur bo‘ladi.
Angliyaning olti jamoasidan to‘rttasi turnirni tark etdi. Chorakfinalning barcha juftliklari aniq bo‘ldi.
«Kamp Nou»da rekordlar va antirekord
«Barselona» – «Nyukasl» 7:2
Gollar: Rafinya, 6 (1:0). Elanga, 15 (1:1). Bernal, 18 (2:1). Elanga, 28 (2:2). Yamal, 45+7 – penalti (3:2). Fermin Lopes, 51 (4:2). Levandovski, 56 (5:2). Levandovski, 61 (6:2). Rafinya, 72 (7:2)
«Barselona»: X. Garsiya (Shchensni, 82), Kubarsi, Martin, Joau Kanselu (Espart, 66), E. Garsiya (Arauxo, 21), Pedri, Bernal, Fermin Lopes (Olmo, 66), Rafinya, Yamal, Levandovski (Torres, 66)
«Nyukasl Yunayted»: Ramsdeyl, Tiau, Byorn, Holl, Trippiyer (Livramento, 46), Joelinton (Botman, 64), Tonali (Uillok, 55), Remsi, Barns, Elanga (Myorfi, 64), Gordon (Osula, 81)
Ogohlantirishlar: Kubarsi, 44 – Joelinton, 17. Trippiyer, 45. Uillok, 60
Birinchi o‘yin: 1:1
«Kamp Nou»dagi o‘yin turli-tuman rekordlar jamlanmasiga aylandi. Birinchidan, Angliyaning hech bir klubi bungacha Chempionlar ligasi pley-offidagi bir o‘yinda 7 gol o‘tkazib yubormagandi. «Nyukasl» esa shunday imkonsiz ko‘ringan ishni uddaladi. O‘z maydonida to‘liq ustunlik qilgan va so‘nggi daqiqalarda penalti tufayli g‘alabani qo‘ldan chiqargan APL vakili javob o‘yinining birinchi bo‘limida ham munosib qarshilik ko‘rsatdi. Mehmonlar uchta gol o‘tkazib yuborgan bo‘lsa-da, o‘zi ham raqib mudofaasidagi qo‘pol xatolardan foydalanib, ikkita gol urdi.
Ammo Kiran Trippiyer birinchi bo‘limga qo‘shib berilgan daqiqalarda penaltiga sababchi bo‘ldi va Lamin Yamal uchinchi bor jamoasini hisobda oldinga olib chiqdi. Tanaffusdan keyin esa «Nyukasl»ni tanib bo‘lmay qoldi. Eddi Hau jamoasi shunchaki sochilib ketdi va 10 daqiqa ichida uchta gol qo‘yib yubordi. Bunday himoya chizig‘i bilan ko‘p narsadan umid qilib bo‘lmasdi. Ayniqsa Jyeykob Remsining xatosi yilning eng kulgili holatlari kolleksiyasidan o‘rin olishi tayin. Uning qo‘pol xatosi yettinchi gol o‘tkazilishiga olib keldi.
Rafinya bu o‘yinda «gol+pas» tizimida 4 (2+2) ochko ishladi, Robert Levandovski dublni rasmiylashtirdi. Polyak hujumchisi birdaniga bir necha rekordni urdi. U Chempionlar ligasida urgan gollari sonini 41 taga yetkazib, bu borada Lionel Messining rekordini yangiladi. Bundan tashqari, Robert endi Chempionlar ligasida dubl qayd etgan eng katta yoshli futbolchi hisoblanadi – u hozir 37 yoshda. «Barsa» uchun yagona minus – darvozabon Joan Garsiya jarohat olishi bo‘ldi. Chorakfinalda jamoa usiz qiynalishi mumkin.
Salohning benefisi
«Liverpul» – «Galatasaroy»
Gollar: Soboslai, 25 (1:0). Ekitike, 51 (2:0). Gravenberh, 53 (3:0). Saloh, 62 (4:0)
Aniq ijro etilmagan penalti: Saloh, 45+4’
«Liverpul»: Alisson, van Deyk, Konate, Kerkez, Frimpong (Jons, 67), Gravenberh (Nioni, 89), Virs (Kiyeza, 89), Soboslai, Makallister, Saloh (Gakpo, 74), Ekitike (Ngumoha, 89)
«Galatasaroy»: Ugurjan Chaqir, Abdulkarim Bardakchi (Eren Elmali, 73), Singo, Yakobs, Boe (Sane, 46), Torreyra (Yunus Oqgun, 60), Lemina, Sara, Barish Yilmaz, Sholloi, Osimhen (Lang, 46, Ikardi, 80)
Birinchi o‘yin: 0:1
Chorshanba kungi o‘yinlarda chinakamiga intriga saqlanib qolgan yagona o‘yin «Enfild»da edi, bu yerda mezbonlar minimal farqni yo‘qqa chiqarishi talab etilardi. Mezbonlar birinchi bo‘lim o‘rtalaridayoq bu vazifani uddalashdi. Mak Allister burchak zarbasini ijro etishda raqiblarni dog‘da qoldirib, to‘pni yerlatib jarima maydoni chizig‘i hududiga yetkazib berdi, u yerda ortdan kelgan Soboslaini esa hech kim kutib olmadi.
«Liverpul»ning bu mavsumdagi eng yaxshi futbolchisi bo‘lib turgan vengriyalik yarimhimoyachi jamoasi tanaffusga ikki gol farqi bilan chiqib ketishi uchun barcha ishni qildi. Ammo u ishlagan penaltini Saloh aniq ijro eta olmadi.
Misrlik hujumchi o‘z vaziyatlaridan foydalana olmagan bo‘lsa-da, ikkinchi bo‘lim boshida ikki daqiqa ichida urilgan ikki golda ham ishtirok etdi. Avvaliga tezkor qarshi hujumda u Ekitikega ideal uzatma berdi, biroz o‘tib uning zarbasidan keyin darvozabondan qaytgan to‘pni Gravenberh darvozaga kiritib yubordi va «Galatasaroy» amalda chorakfinalga chiqishdan umid uzdi. Salohning o‘zi ham yakunda o‘z nomini tabloga yozdirib qo‘ydi – Virs tovonida uzatgan pasdan keyin o‘zining eng yaxshi yillarida bo‘lgani kabi aylanma zarba yo‘lladi.
Biroz o‘tib «Enfild»da yig‘ilganlar zaxiraga olinayotgan o‘z kumirini olqishlar ostida kuzatib qo‘ydi. Bu oqshomdagi gol uning uchun YeChLdagi 50-goli edi. U shundan 47 tasini «Liverpul» safida urgan («Bazel»da 2 va «Chelsi»da 1). Saloh – bunday ko‘rsatkichga erishgan ilk afrikalik futbolchi bo‘ldi. Oldinda esa Arne Slot jamoasini chorakfinalda «PSJ»ga qarshi o‘yinlar kutmoqda. Mersisaydliklar uchun bu o‘tgan mavsumdagi mag‘lubiyat uchun revansh olish imkoniyatidir.
Inglizlarning yana bir jamoasini ispanlar chiqarib yubordi
«Tottenhem» – «Atletiko» 3:2
Gollar: Kolo Muani, 30 (1:0). Alvares, 47 (1:1). Simons, 52 (2:1). Gansko, 75 (2:2). Simons, 90+1 – penalti (3:2)
«Tottenhem Hotspur»: Vikario, Romero (Danso, 81), van de Ven, Spens, Dregushin (Udoji, 66), Grey (Gallaher, 81), Sarr, Simons, Tel (Olusesi, 81), Porro (Bergvall, 74), Kolo Muani
«Atletiko»: Musso, Gansko, Le Norman, Rudjyeri, Molina (Koke, 64), Kardozo, Liorente, Lukman (Syorlot, 64), Simeone (Ximenes, 87), Grizmann (Baena, 84), Alvares (Gonsales, 84)
Ogohlantirishlar: Porro, 57. Vikario, 58. Romero, 70. Udoji, 72 – Rudjyeri, 28. Lukman, 56. Syorlot, 90
Birinchi o‘yin: 2:5
Yaqinda «Atletiko» Ispaniya kubogi yarimfinalida «Barselona»ga qarshi birinchi uchrashuvda yirik g‘alabaga (4:0) erishgach, «Kamp Nou»dagi javob o‘yinida bu ustunlikni saqlab qolish uchun to‘liq himoyaviy o‘yin uslubini tanlagandi. Londonda esa barchasi butunlay boshqacha kechdi va dastlabki 45 daqiqalikda mehmonlar sakkizta zarba berishdi, Lukman esa darvozani ishg‘ol etishga ham muvaffaq bo‘ldi. Ammo – ofsayddan. Yana bir necha xavfli hujumlar uyushtirildi, ammo yakunda Diyego Simeone jamoasi yo‘q joydan «Tottenhem»ga o‘yinga qaytish imkonini berdi. Autdan to‘p tashlanishi, Telning jarima maydoni markaziga uzatmasi, u yerda esa yolg‘iz qoldirilgan Kolo Muani.
Mezbonlar ikkinchi golni ham urishganida ispanlar og‘ir vaziyatga tushib qolgan bo‘lardi, faqat darvozabon Musso jamoa joniga ora kirdi. Argentinalik posbon Telning burchakka yo‘naltirilgan zarbasini oyoqlari bilan to‘sib qoldi. Birinchi bo‘limdan keyin baribir intriga saqlanib qoldi va buning uchun mezbonlar Vikarioga minnatdorchilik bildirishi kerak bo‘ladi. Juliano Simeone uzoq masofadan zarba yo‘llaganida to‘p Romeroga tekkan holda o‘z trayektoriyasini o‘zgartirdi, ammo allaqachon to‘p yo‘liga yotgan italiyalik darvozabon o‘rnidan turib, xavfni bartaraf etishga ulgurdi.
Ammo ikkinchi bo‘lim boshida «Atletiko» baribir intrigani o‘ldirdi. Avvaliga Xulian Alvares Simons gol urishiga to‘sqinlik qildi (mezbonlar uning harakatini fol deb e’tiroz bildirishdi) va qarshi hujumni o‘zi gol bilan yakunlandi. U jarima maydonida Lukmandan pas qabul qilib oldi va to‘pni yuqori burchakka aniq yo‘lladi.
Hakamdan va raqiblardan ranjigan Simons bir necha daqiqa o‘tib baribir o‘z maqsadiga erishdi va jamoasini yana oldinga olib chiqdi. Bir necha daqiqa o‘tib Musso yana madridliklarni qutqarib qoldi – u Porroning shvedka uslubida olis burchakka yo‘llagan zarbasiga qo‘llarining uchi bilan yetib bordi. «Matraschilar» muxlislari Alvaresning burchakdan oshirgan to‘pi Hansko tomonidan darvozaga kiritilganidan keyingina yengil tin olishdi. O‘yin oxirida Simons o‘zi ishlagan penaltini aniq ijro etishi esa umumiy natijani o‘zgartirmadi.
Madriddagi birinchi o‘yinda londonliklar bosh murabbiyi Igor Tyudor darvozabon bo‘yicha muvaffaqiyatsiz tajriba o‘tkazmaganida «Tottenhem» «Atletiko» bilan tengma-teng kurashishi mumkin edi, ammo murabbiyning o‘sha qarori birinchi o‘yinda «shporlar»ning imkoniyatlarini keskin pasaytirib yuborgandi. Natijada ikki o‘yinda xuddi «Chelsi» kabi sakkiz gol o‘tkazib yuborgan «Tottenhem» turnirni tark etdi, «Atletiko» esa «Barselona» bilan o‘yinlarga tayyorgarlikni boshlaydi.
«Atalanta» tarixga kirdi
«Bavariya» – «Atalanta» 4:1
Gollar: Keyn, 25 – penalti (1:0). Keyn, 54 (2:0). Karl, 56 (3:0). Dias, 70 (4:0). Samarjich, 85 (4:1)
«Bavariya»: Urbig, Kim Min Je, Ta, Bishof (Pavich, 72), Stanishich (Gnabri, 72), Goretska, Pavlovich (Ofli, 55), Rafael Gerreyru (Ito, 83), Dias, Karl, Keyn (Jyekson, 72)
«Atalanta»: Sportello, Hin, Skalvini (Axanor, 83), Kossunu, Pashalich, Ederson (Samarjich, 57), Bernaskoni, Bellanova, Sulemana (Raspadori, 71), De Ketelare (de Ron, 57), Skamakka (Krstovich, 71)
Birinchi o‘yin: 6:1
Bergamodagi tennischa hisobdan (6:1) keyin ham «Bavariya» muxlislarida darvozabon pozitsiyasi tufayli xavotir saqlanib qolgandi. Zayavkadagi to‘rt darvozabon – Noyyer, Ulrayh, Klanats va Urbig – barchasi jarohat tufayli safdan chiqqandi. Faqat ularning to‘rtinchisi so‘nggi kunlarda safga qaytdi va Vensan Kompani darvozaga o‘smirlardan birini qo‘yishiga to‘g‘ri kelmadi.
Umuman olganda, xavotirlar o‘rinsiz edi. Baribir darvozabonga amalda ish topilmadi. Bergamoliklar ham bu o‘yinda darvozabonni almashtirgandi va bu mavsumda deyarli o‘ynamagan 33 yoshli Sportello Keyn ijrosidagi penaltini qaytardi. Ammo u darvoza chizig‘idan ertaroq oldinga chiqib ketgani ma’lum bo‘ldi, Harri esa takroriy zarbada adashmadi.
Ikkinchi bo‘limda esa myunxenliklarni to‘xtatib bo‘lmadi. Avvaliga Keyn o‘yindan ham gol urdi, keyin esa Dias va Karl tandemi bittadan gol urdi (ular bir-biriga golli uzatma berishdi). Bergamoliklar esa bu o‘yinda ham bitta javob goli urishga erishdi, ammo Italiyaning yevrokuboklar pley-off bosqichida ikki o‘yinda 10 gol o‘tkazgan ilk jamoasi sifatida tarixga kirdi. «Bavariya»ni esa navbatdagi bosqichda «Real»ga qarshi janglar kutmoqda.
YeChLda 8 jamoa qoldi
Chempionlar ligasi 1/8 final natijalari
«Real» – «Manchester Siti» – 5:1 (birinchi o‘yin – 3:0, javob o‘yini – 2:1).
«PSJ» – «Chelsi» – 8:2 (5:2, 3:0).
«Sporting» – «Budyo-Glimt» – 5:3 (0:3, 5:0).
«Arsenal» – «Bayyer» – 3:1 (1:1, 2:0).
«Atletiko» – «Tottenhem» – 7:5 (5:2, 2:3).
«Barselona» – «Nyukasl» – 8:3 (1:1, 7:2).
«Liverpul» – «Galatasaroy» – 4:1 (0:1, 4:0).
«Bavariya» – «Atalanta» – 10:2 (6:1, 4:1).
Pley-offning to‘liq setkasi oldindan ma’lum edi, bundan keyin boshqa qur’a tashlanmaydi. Chorakfinalga chiqqan jamoalar o‘zlarining navbatdagi raqiblarini allaqachon bilishadi.
1/4 final juftliklari
«Real» – «Bavariya»
«PSJ» – «Liverpul»
«Sporting» – «Arsenal»
«Barselona» – «Atletiko»
Birinchi bo‘lib ko‘rsatilgan jamoalar birinchi o‘yinni o‘z uyida o‘tkazadi.
1/4 final o‘yinlari taqvimi
Keyingi bosqich deyarli uch haftadan keyin, mart oyidagi FIFA kunlari ortidan boshlanadi. Chorakfinaldagi uy va safar uchrashuvlari orasi bir haftani tashkil etadi.
Mart oyi oxirida Yevropa yozgi vaqtga o‘tadi, shuning uchun Chempionlar ligasi yana Toshkent vaqti bilan soat 23:59 dan boshlanadi.
7–8 aprel. Birinchi o‘yinlar
«Real» – «Bavariya»
«PSJ» – «Liverpul»
«Sporting» – «Arsenal»
«Barselona» – «Atletiko»
14–15 aprel. Javob o‘yinlari
«Bavariya» – «Real»
«Liverpul» – «PSJ»
«Arsenal» – «Sporting»
«Atletiko» – «Barselona»
Birinchi va ikkinchi juftliklar g‘oliblari hamda uchinchi va to‘rtinchi juftliklar g‘oliblari yarimfinalda o‘zaro to‘qnashadi.
Yarimfinal bahslari 28-29 aprel va 5-6 may kunlariga belgilangan.
Final 30 may kuni Budapeshtda bo‘lib o‘tadi.
Toshkentda 33,5 mlrd so‘mlik kontrabanda mahsulotlari aniqlandi
FIFA Isroil futbol assotsiatsiyasini jarimaga tortdi
O‘zbekistonda yanvar oyida qog‘oz sanoatida sezilarli o‘sish kuzatildi
-
Turk dunyosi4 days agoTurkiyaning Baykal K2 bir tomonlama hujumga uchragan uchuvchisiz samolyotining toʻda harakatini sinovdan oʻtkazdi
-
Jamiyat1 day ago
Tadbirkor boshpanasiz bo‘lgan 5 ta oilani uy-joy bilan ta’minladi
-
Jamiyat3 days ago
Ichki ishlar xodimlarining qo‘pol muomalasi va tergov sifatidan norozilik ko‘paygan – Prezident
-
Dunyodan1 day ago
Eron Hormuz boʻgʻozi orqali cheklangan oʻtishga ruxsat beradi
-
Iqtisodiyot1 day agopayme Tez QR orqali to‘lovni 3% keshbek bilan ishga tushirmoqda
-
Iqtisodiyot3 days agoMetandan go‘shtgacha. Narxi keskin oshgan mahsulot va xizmatlar
-
Iqtisodiyot4 days ago«Yomg‘ir va qorda ham foydalanishga tayyor bo‘ladi» – Toshkent-Andijon pulli yo‘li haqida nimalar ma’lum?
-
Siyosat19 hours agoSoʻnggi savdo maʼlumotlariga koʻra, Oʻzbekiston temir yoʻllari importi eksportdan 2,5 barobar koʻp