Sport
Kannavaro hal bo‘ldi: bu yaxshimi yoki yomon?
O‘zbekiston milliy jamoasini Amerika mundialiga Italiya futboli afsonasi Fabio Kannavaro olib boradigan bo‘ldi. Hali rasman e’lon qilingani yo‘q, lekin Fabrisio Romano aytdimi, shunaqa bo‘ladi. Biz «Kapadze qolishi kerak», deb ko‘p aytdik, lekin O‘FA baribir xorijlik murabbiy olib keldi. Mayli, bo‘lar ish bo‘ldi, endi bu murabbiy biz uchun yaxshimi yoki yomon degan savolga javob izlasak.
{Yii::t(}
O’tkazib yuborish 6s
O’tkazib yuborish
Jahon chempionatiga jahon chempioni bilan
Avvalo Fabio Kannavaro kim ekani haqida ikki og‘iz. Chunki hozirgi yosh avlod bu afsonaviy futbolchi haqida ko‘p eshitmagan bo‘lsa kerak. Yoshlar, tasavvur qilishingiz uchun aytaman: hozir Yevropa futbolida Kannavaro darajasidagi himoyachi yo‘q hisob. Balki van Deyk, Diash, Salibaning eng yaxshi jihatlarini qo‘shsangiz, shunaqa himoyachi «paydo bo‘lar». Kannavaro o‘z davrining tengsiz himoyachisi edi.
Bo‘yi unchalik baland bo‘lmasa-da, markaziy himoyada chinakam qo‘poruvchi kabi harakatlanar, juda aqlli himoyachi edi. Fabio Italiya milliy jamoasida Alessandro Nesta bilan birga zamonasining eng zo‘r markaziy himoya juftliklaridan birini tashkil etgandi. 2006 yilgi jahon chempionati finalida Fabio Marko Materatssi bilan birga juftlik hosil qiladi.
O‘sha vaqtda Italiya milliy jamoasi yigitlari himoyalanishni san’at darajasiga olib chiqishgandi. Va mana shu himoya evaziga jahon chempioni bo‘lgan Italiyaning lideri va sardori Fabio Kannavaro edi. Oxir-oqibat Fabio 2006 yil mundialdagi super o‘yinlari evaziga «Oltin to‘p»ga munosib ko‘riladi. Undan keyin biror himoyachi futboldagi asosiy sovrinni yutgani yo‘q.
Kannavaro futbolchi sifatida avvalo 2006 yilgi jahon chempionatini yutgan. Uning 1999 yil «Parma» bilan UEFA kubogini yutgani megayulduzlik davrini boshlab bergandi. O‘sha tarkibdagi Buffon, Krespo, Veron, Tyuram kabi yigitlar ham keyinchalik jahon darajasidagi yulduzlarga aylanishadi. Kannavaro «Parma»dan «Inter»ga, keyin «Yuventus»ga, «Oltin to‘p»ni yutganidan keyin esa «Real» Madridga o‘tadi.
Aytgancha, «Parma» va «Inter»da bizning qadrdonimiz Ektor Kuper qo‘l ostida o‘ynaydi. Xullas, Fabioning futbolchilik faoliyati orzudagidek o‘tgan desak bo‘ladi: sensatsiyachi klub bilan UEFA kubogi, jahon chempionligi va «Real»da o‘ynash.
Murabbiylikda esa…
Biroq Fabio murabbiylik faoliyati bilan maqtana olmaydi. Hozircha uning hisobida «Guanjou» jamoasi bilan yutilgan Xitoy chempionligi bor xolos. U o‘zini Yevropada ham sinab ko‘rdi, lekin «Udineze» va «Dinamo Zagreb»da ishlari yurishmadi. Bilasizmi, bizni quvontirishi kerak bo‘lgan jihat ham mana shu aslida. Kannavaro har qancha katta kalibrli futbolchi bo‘lmasin, murabbiylikda ham qo‘lidan ish kelishini futbol ommasiga isbotlashni istayli.
Ha, Fabio murabbiy sifatida g‘alabaga chanqoq, u hech qachon jahon chempionati kabi jiddiy musobaqada ishlamagan. Ishoning, futbol tarixidagi eng zo‘r himoyachilardan bo‘lgan Kannavaro uchun O‘zbekiston milliy jamoasini boshqarish murabbiylik faoliyatidagi hozircha eng jiddiy ish. Biz bundan faqat xursand bo‘lishimiz kerak.
Nimalar o‘zgaradi?
Endi bizning himoyachilarda kimsan Kannavarodan o‘rganish imkoni bor. Fabio natijaga erishish uchun ham himoyachilarimizni yangi darajaga olib chiqishni istaydi. Tarkibda ham o‘zgarishlar bo‘lsa kerak. Kannavaro katta ehtimol chempionatning qolgan qismini kuzatib, Kapadze e’tibor qilmagan ba’zi futbolchilarni sinab ko‘rishi mumkin. Aytgancha, Temur Kapadze Kannavaroga yordamchi bo‘lib qoladi deyishmoqda, bu esa tarkib asosi o‘zgarmaydi degani. Biroq Kannavaro o‘ziga yoqqan yangi nomlarni chaqirib ko‘rsa kerak.
G‘alati iste’folar
Uzoq jimlikdan keyin nihoyat Temur Kapadze bosh murabbiylikdan ketishi ma’lum bo‘ldi. Hali bu haqda e’lon ham qilishmadi. Shu o‘rinda O‘zbekiston milliy jamoasida g‘alati iste’folar yuz berishini aytmasak bo‘lmaydi. Osiyo chempionati yarim finaliga olib chiqqan, tariximizdagi eng yorqin jamoani tuzgan Abramov Eronga qarshi saralashning birinchi o‘yinida yutqazishi bilan ishdan olingandi, Ektor Kuper Falastinga qarshi ko‘p narsani hal qilmaydigan, keyinchalik turli shubha-gumonlarga sabab bo‘lgan o‘yinda yutqazganidan keyin bo‘shatilgandi, Kapadze esa O‘zbekistonni jahon chempionatiga olib chiqib ketmoqda. Chindan g‘alati iste’folar, bunaqasi «Chelsi»da ham bo‘lmaydi.
Gapimiz boshida aytganimizdek, bo‘lar ish bo‘ldi. Kapadzega adotalsizlik qilindi, lekin endi oldingi qarash kerak. Kannavaro futbol olamiga murabbiy sifatida ham zo‘r ekanini isbotlashni istamoqda. Buni O‘zbekiston bilan uddalashiga umid qilamiz. Futbolimiz darajasi bunga bemalol imkon beradi.
O‘tkir Jalolxonov tayyorladi
Tasvirchi va montaj ustasi – Faxriddin Hotamov
U rossiyalik Vitaliy Kuduxovni hakamlarning yakdil qarori bilan mag‘lub etdi.
O‘zbekistonlik bokschi Bahodir Jalolov professional boksdagi navbatdagi g‘alabasini qo‘lga kiritdi.
Sankt-Peterburg shahrida bo‘lib o‘tgan IBA.PRO10 boks oqshomida o‘zbekistonlik jangchi Rossiya vakili Vitaliy Kuduxov (7−4, 3KO) bilan to‘qnash keldi va jangda hakamlarning yakdil qarori bilan g‘alaba qozondi. Sakkiz raunddan so‘ng, uchala hakam bir ovozdan g‘abalani Bahodir Jalolovga taqdim etdi.
O‘zbekistonlik bokschi professional maqomda og‘ir vazn toifasida 16 ta jangning barchasida g‘alaba qozongan (14 tasi nokaut bilan). 36 yoshli Vitaliy Kuduxov uchun bu uning ketma-ket uchinchi mag‘lubiyati bo‘ldi.
Bahodir Jalolov Olimpiya o‘yinlarining ikki karra g‘olibi sanaladi.
Noyabr oyidagi o‘rtoqlik turnirida O‘zbekiston, Eron, Kabo-Verde va Misr terma jamoalari ishtirok etishi ta’kidlanmoqda.
Misr futbol assotsiatsiyasi 2025 yil dekabr oyida Marokashda bo‘lib o‘tadigan Afrika Millatlar Kubogiga tayyorgarlik doirasida Misr terma jamoasining xalqaro o‘rtoqlik turnirida ishtirok etishi bo‘yicha kelishuvga erishishga yaqin turibdi. Bu haqda Misrning Shorouk News nashri xabar berdi.
Qayd qilinishicha, o‘rtoqlik turnirida O‘zbekiston, Eron, Kabo-Verde va Misr terma jamoalari ishtirok etadi. Misr terma jamoasi O‘zbekiston bilan o‘ynaydi, g‘alaba qozongan taqdirda esa Eron – Kabo-Verde o‘yini g‘olibi bilan to‘qnash keladi.
Xabarda turnirning qayerda o‘tkazilishi va sanasi haqida ma’lumot berilmagan. Shuningdek, O‘zbekiston futbol assotsiatsiyasi ham bu haqda hali xabar bermadi.
O‘zbekiston milliy jamoasi 2026 yilgi jahon chempionati yo‘llanmasini allaqachon qo‘lga kiritgan. Misr milliy jamoasi bunga juda yaqin turibdi, «fir’avnlar» saralash musobaqasining qolgan 2 o‘yinida 1 ochko jamg‘arishi kifoya.
O‘zbekiston va Misr milliy jamoalari tarixda o‘zaro to‘qnash kelmagan.
Milliy jamoaning yangi bosh murabbiyi Kuvaytga qarshi o‘rtoqlik o‘yini oldidan o‘tkazilgan matbuot anjumanida Temur Kapadze bilan birga ishlayotgani, ularning falsafasi o‘xshash ekani haqida gapirdi.
O‘zbekiston milliy jamoasi bosh murabbiyi Fabio Kannavaro Kuvaytga qarshi o‘tadigan o‘rtoqlik o‘yinidan oldin matbuot anjumanida ishtirok etib, savollarga javob qaytardi. Xususan, to‘liq himoyaviy o‘yin ko‘rsatmasligini ta’kidladi.
«Har bir uchrashuv men uchun futbolchilik davrimda ham, hozir ham qiyin. Hech qachon tayyor bo‘lmagan holda maydonga tusha olmaysiz. Shu sabab doimo futbolchilarga maksimal tayyorgarlik ko‘rish kerakligini ta’kidlayman. Hattoki o‘rtoqlik uchrashuvlarida ham.
Hozirda ikkita uchrashuv uchun, shu yig‘inga chaqirilgan futbolchilardan foydalanamiz, men hujumkor futbol tarafdoriman, biroq bu 90 daqiqa davomida hujum qilamiz degani emas.
Bu futbolchilar men tomonimdan chaqirilmagan bo‘lsa-da, hozirda eng yaxshi holatdagi o‘yinchilar shu yerda.
Biz murabbiylar shtabi bilan birgalikda o‘yin haqida muhokama qilamiz, bugun futbolchilar bilan ham gaplashamiz. Kim tayyor bo‘lsa, albatta, maydonga tushadi», – deya Kannavaroning so‘zlarini keltiradi O‘FA matbuot xizmati.
Italiyalik mutaxassis milliy jamoaning sobiq bosh murabbiyi, endilikda o‘ziga yordamchilik qilayotgan Timur Kapadze bilan hamkorlik to‘g‘risida ham gapirdi.
«Barcha uchrashuvlarni ko‘rib chiqdim va Turg‘unboyev hamda Eshmurodovni tarkibga chaqirish kerakligini aytib o‘tdim. Milliy jamoa har bir futbolchilar orzusi. Afsuski, tarkibda ikki nafar futbolchimiz ham jarohat oldi.
Albatta, Temur Kapadze biz bilan, har kuni ertalab to‘qqizdan kechqurun o‘ngacha birgalikda ish olib boryapmiz, o‘yin falsafalarimiz o‘xshash. U o‘zbek futbolida ulkan tajribaga ega. Menda mahalliy mutaxassis bilan ishlash borasida hech qanday muammo yo‘q. Balki shtabga yana boshqa mahalliy mutaxassislarni ham jalb etishimiz mumkin.
Taktik uslublar bu shunchaki raqamlar xolos. Uch markaziy himoyachi bilan o‘ynash himoyaviy ko‘rinsa-da, aslida hujum boshlashda tezkorlikka erishishga imkon beradi. Men uchun muhimi – maydondagi 11 futbolchi bir-birini qanchalik tushuna olishi. Faoliyatim davomida buyuk murabbiylar bilan ishladim, ulardan ko‘p narsa o‘rgandim», – degan Kannavaro.
Mashg‘ulotlar chog‘ida jarohat olgan futbolchilar haqida keyinroq ma’lumot berilishi kutilmoqda.
O‘zbekiston milliy jamoasi oktyabr oyidagi yig‘in davomida ikkita o‘rtoqlik uchrashuvida maydonga tushadi: 9 oktyabr kuni Toshkentda Kuvaytga qarshi, 13 oktyabr kuni Malayziyada Urugvayga qarshi.
Shuningdek, jamoa noyabr oyida Dubayda xalqaro turnirda ishtirok etishi mumkin.
Sport
Ichki ishlar vaziri Aziz Toshpo‘latov O‘zbekiston aralash jang san’atlari assotsiatsiyasi raisi etib saylandi
Shuningdek, assotsiatsiya raisining o‘rinbosarlari, bosh kotib va ijrochi direktorlari ham saylanib, rahbariyat tarkibi to‘liq shakllantirildi.
O‘zbekiston aralash jang san’atlari assotsiatsiyasining navbatdan tashqari hisobot saylov-konferensiyasi bo‘lib o‘tdi. Unda Ichki ishlar vazirligi, Sport vazirligi, MOQ rahbariyati va soha mutasaddilari ishtirok etishdi.
Konferensiya davomida assotsiatsiya rahbariyati qayta shakllantirilib, yaqin davr uchun ustuvor rejalar muhokama qilindi. Ichki ishlar vaziri, general-leytenant Aziz Toshpo‘latovning mamlakat voleybol federatsiyasi rahbari sifatidagi muvaffaqiyatli faoliyati inobatga olinib, uning nomzodi O‘zbekiston aralash jang san’atlari assotsiatsiyasi raisi lavozimiga ilgari surildi. Nomzodlar ushbu taklifni bir ovozdan ma’qulladi va u O‘zbekiston aralash jang san’atlari assotsiatsiyasi raisi etib saylandi.
Shuningdek, assotsiatsiya raisining o‘rinbosarlari, bosh kotib va ijrochi direktorlari ham saylanib, rahbariyat tarkibi to‘liq shakllantirildi.
Ko‘plar bu tayinlovni iliq qarshilagan, shu bilan bilan birga, ishonchsizlik bildirganlar ham yo‘q emas.
Foto: Olimpiya qo‘mitasi
Italiya safida 2006 yilgi mundial chempioni bo‘lgan Fabio Kannavaro oradan 20 yil o‘tib murabbiy sifatida jahon chempionatida ishtirok etadi. Italiyalik mutaxassisning O‘zbekiston milliy jamoasiga bosh murabbiy etib tayinlanishi chet el matbuotida qanday kutib olindi? Kun.uz bu boradagi munosabatlarni bir sahifaga jamladi.
O‘z vaqtida Italiya milliy jamoasida Kannavaro bilan yelkama-yelka to‘p tepgan, hozirda esa ushbu jamoani boshqarayotgan Jyennaro Gattuzo ushbu tayinlov haqida o‘z uslubida hazil qildi.
«Men Kannavaroga qo‘ng‘iroq qildim: Bu nimasi endi? Atir sepding, sochingni gellading va jahon chempionatiga ketyapsan. Men esa bu yerda yo‘llanma uchun kurashib yotibman», – degan sobiq futbolchi.
FIFA prezidenti Janni Infantino ushbu tayinlovga birinchilardan bo‘lib reaksiya bildirdi. Futbol amaldori Kannavaroni mundial ishtirok etishi bilan qutladi. Shu bilan birga, Infantino Kannavaroning Italiya sardori sifatida 20 yil avval mazkur musobaqa bosh sovrinini ko‘targani, endi O‘zbekiston milliy jamoasi bosh murabbiyi sifatida mundialda ishtirok etishini alohida qayd etdi.
Yaqin o‘tmishning eng taniqli murabbiylaridan biri, italiyalik taniqli mutaxassis Fabio Kapello esa «Kannavaroning tayinlanishi – juda yaxshi tanlov» bo‘lganini bildirdi.
«U juda katta tajribaga ega va aniq O‘zbekiston milliy jamoasiga yordami tegadi», – deydi Italiya milliy jamoasi sobiq bosh murabbiyi.
Ispaniyaning mashhur AS nashri jurnalisti Alexandro Sato ushbu tayinlov haqida yozarkan, «Kannavaro murabbiy sifatida ilk jiddiy chaqiriqqa duch kelgani»ni ta’kidlagan. U italiyalik mutaxassisning oldida rivojlanish bosqichidagi jamoadan raqobatbardosh loyiha yaratishdek qiziqarli, ayni paytda juda murakkab vazifa turganini qayd etdi.
Amerikaning FoxSpors nashri Kannavaro tayinlovi haqida e’lon qilgan maqolada «bu o‘zbek futboli tarixida yangi sahifa ochilishi» ekani keltirilgan.
Shu bilan birga, ispaniyalik futbol sharhlovchisi, jurnalist Xose David Lopes Kannavaroning tayinlanishi «katta xato» bo‘lgani haqida yozdi.
Taniqli futbol karikaturachisi Omar Mo‘maniy hali Kannavaro tayinlanmasidan turib, ushbu voqeaga ham o‘z uslubida munosabat bildirib ulgurgandi. U Kannavaroning O‘zbekiston bosh murabbiyi bo‘lishidan hammadan ham ko‘proq Abduqodir Husanovning xursand bo‘lishini yozgandi. Bu bilan u Kannavaro ham Husanov kabi markaziy himoya chizig‘ida to‘p tepganiga ishora qilgan.
Ta’kidlash joiz, tarmoqlarning inglizzabon segmentida «Manchester Siti» muxlislari Kannavaroning O‘zbekiston milliy jamoasiga bosh murabbiy bo‘lganidan xursand ekanini yashirib o‘tirmayapti. «Shaharliklar» muxlislari Abduqodir Husanovning Kannavarodan ko‘p narsa o‘rganishiga ishonch bildirmoqda.
Eslatib o‘tamiz, O‘zbekiston futbol assotsiatsiyasi milliy jamoaning yangi bosh murabbiyi bilan 2+3 sxemasida, ya’ni keyinroq 3 yilga uzaytirish imkoniyati bilan 2 yillik shartnoma tuzilgan. Unga murabbiylar shtabida vatandoshlari – Aujyenio Albarayella, Troize Fransesko va Antonio Klimenti yordam beradi.
Ma’lumot uchun, Kannavaro futbolchi sifatida Italiyaning qator klublarida, xususan, «Napoli», «Inter» va «Yuventus»da to‘p surgan, 2006–2009 yillarda Madridning «Real» klubi a’zosi bo‘lgan. U 2006 yilgi jahon chempionatida Italiya milliy jamoasi bilan g‘olib chiqqan, o‘sha mavsum yakunida «Oltin to‘p» mukofotini qo‘lga kiritgan. U hozirgacha ushbu mukofotga ega chiqqan yagona himoyachi bo‘lib qolmoqda.
Ammo uning murabbiylik faoliyati u qadar yorqin kechmagan. Uning dastlabki ish joyi Xitoyning «Guanchjou Evergrand» klubi bo‘lgan (2014-2015), keyinroq Saudiya Arabistonining «An-Nasr» (2015-2016), Xitoyning «Tyanszin» (2016-2017), «Guanjchou» (2017-2021) klublarida ishlagan, 2019 yilda bir muddat Xitoy milliy jamoasini boshqargan, so‘ngra Italiyaning «Benevento» (2022-2023) hamda «Udinize» (2024) klublarida faoliyat yuritgan. So‘nggi ish joyi Xorvatiyaning «Dinamo» Zagreb klubi bo‘lib turgandi. U 2024 yil dekabrida ushbu jamoa bosh murabbiyi etib tayinlangan, ammo 2025 yil aprelida qoniqarsiz natijalar tufayli iste’foga chiqarilgan edi.
Bahodir Jalolov professional boksdagi navbatdagi g‘alabasini qo‘lga kiritdi
Alimentdan qochgan erkak o‘z xotinini «Damas»da urib ketdi
O‘zbekiston milliy jamoasi xalqaro turnirda Misr bilan o‘ynaydi – OAV
-
Jamiyat4 days agoO‘zbekiston va OTB hamkorligining 30 yilligi munosabati bilan ekologik aksiya o‘tkazildi
-
Jamiyat4 days agoTadbirkorning salkam 1 mlrd so‘mini qo‘lga kiritgan shaxs aniqlandi
-
Mahalliy5 days ago«TalabaExpo–2025» Surxondaryoda — ko‘rgazma qanday o‘tdi!
-
Dunyodan5 days agoBir zumda “Diddi” shawn o’z taqdirini sudda bilib oldi
-
Turk dunyosi4 days agoG’azo bilan bog’langan flot: Isroil 137 faollarni tinchlik bilan deportatsiya qilganini tasdiqlaydi – Dunyo
-
Iqtisodiyot3 days agoShavkat Mirziyoyev Emomali Rahmonni tabrikladi
-
Sport2 days ago«Barselona» va «Milan»ga chempionat o‘yinlarini xorijda o‘tkazishga ruxsat berildi
-
Iqtisodiyot4 days agoXorazmda aviayoqilg‘i ishlab chiqaruvchi zavod quriladi. Loyiha qiymati 5,9 mlrd dollar