Sport
Kanada JCh tarixidagi ilk ochkosini qo‘lga kiritdi
Turnirdagi ilk durang qayd etildi.
Meksika ortidan jahon chempionatining yana bir mezboni turnirdagi ilk o‘yinini o‘tkazdi. Ammo Kanadaning o‘yini u qadar muvaffaqiyatli chiqmadi – Torontoda Bosniya va Hersegovinaga qarshi o‘yin durang hisob bilan yakunlandi. Mezbonlar ikkinchi bo‘limda amallab mag‘lubiyatdan qutulib qolishdi.
Kanada – Bosniya va Hersegovina 1:1
Gollar: Lukich, 21 (0:1). Larin, 78 (1:1)
Kanada: Krepo, De Fujyerol, Kornelius, Lareya, Jonston, Eushtakiu (Osorio, 90+1), Kone, Millar (Ahmad, 61), Byukenen (Shaffelberg, 61), J. Devid (P. Devid, 61), Oluvaseyi (Larin, 76)
Bosniya va Hersegovina: Vasil, Muharemovich, Katich, Kolashinats (Burnich, 83), Dedich, Tahirovich, Bashich (Gigovich, 61), Memich (Shunich, 74), Bayraktarevich (Alaybegovich, 74), Demirovich, Lukich (Bajdar, 61)
Ogohlantirishlar: Jonston, 12. De Fujyerol, 53 – Demirovich, 44. Lukich, 45. Katich, 90
Bosniya va Hersegovina tarkibida kutilmaganda jamoa yetakchisi va ramzi – 40 yoshli Jyeko zaxira o‘rindig‘ida qoldirildi. Shu tariqa, ikki jamoa ham o‘zining asosiy yulduzlarisiz o‘ynaydigan bo‘ldi. Kanadaliklar safida «Bavariya» himoyachisi Devis ham yo‘q edi, u jarohatidan hali butunlay forig‘ bo‘lmagan.
O‘yin boshlangani haqidagi hushtak chalinishi bilan Kanada oldinga tashlandi, ammo ilk golli vaziyat Bosniya va Hersegovinada yuzaga keldi. Sergey Barbarez shogirdlari standart vaziyat orqali yo‘llangan ilk zarbasini golga aylantirishi mumkin edi. Krepo qo‘riqlayotgan darvoza qarshisida Memich to‘pga barchadan oldin ulgurdi, ammo uning zarbasi darvoza to‘sini yuqorisidan o‘tib ketdi. Umuman olganda, o‘yinning dastlabki qismi bosniyaliklar ustunligida o‘tdi. Jamoa 4-4-2 sxemasida harakatlangan bo‘lsa-da, to‘pni tezkorlik bilan oldingi chiziqqa yetkazib berdi va yevropaliklar yakkakurashlarda ham yaxshiroq harakatlanishdi. Kanadaliklar esa o‘yindagi ilk zarbasini faqat 17-daqiqaga kelib yo‘lladi, ammo Devid 12 metr masofadan turib tepgan to‘p darvozabon Vasilning qo‘liga borib tushdi.
Bosniyaliklar standart vaziyatlardan xavf tug‘dirishda davom etdi va birinchi bo‘lim o‘rtalarida navbatdagi burchak zarbasi hisob ochilishiga olib keldi. To‘p avvaliga yaqin ustun oldiga yetkazildi, u yerda turgan Kolashinats to‘pni markazga oshirdi, Lukich esa to‘p uchun kurashda himoyachidan ildamroq harakatlandi va terma jamoadagi ilk golini nishonladi.
Hisobda oldinga chiqib olgach Bosniya va Hersegovina jamoasi chuqur himoyaga yotdi. Kanada bu devorni buzib o‘tishga qiynaldi. Mezbonlar birinchi bo‘lim davomida darvoza sohasiga to‘g‘ri borgan atigi bitta zarba yo‘lladi, xG bo‘yicha ko‘rsatkich 0,64 ko‘rinishini oldi. Jamoa o‘n marta burchak to‘pi ishladi, ammo bosniyaliklar ikkinchi qavatda barcha to‘plarni yutib olishdi.
Marsh shogirdlari tanaffusdan butunlay boshqacha bo‘lib qaytishdi. Jamoaning kombinatsiyalari nihoyat o‘xshay boshladi va hisob tenglashishi vaqt masalasi bo‘lib qoldi. Kanadaliklar ko‘pchilik bo‘lib raqib jarima maydoniga kirib borishdi va Larya darvozabonga hech qanday imkon qoldirmay zarba berdi, ammo Kolashinats darvoza to‘riga kirib ketayotgan to‘pni qaytarib qolib, mundialning eng yorqi seyvini amalga oshirdi.
Bunga javoban o‘tkazilgan qarshi hujumda Demirovich yakkama-yakka vaziyatga chiqib bordi, ammo vaziyatni ko‘kka sovurdi. Forvard to‘pni o‘zidan biroz uzoqlashtirib yubordi va oldinga chiqib kelgan Krepo xavfni bartaraf etishga ulgurdi.
O‘yinning bir soati ortda qolayotganida Marsh hujum chizig‘ini to‘liq almashtirib, «Yuventus» hujumchisi Devid, «Vilyarreal» vingeri Byukenen va «Hall Siti» vingeri Millarni zaxiraga oldi. Biroz o‘tib u jamoaning yana bir forvardi, «Vilyarreal» hujumchisi Oluvaseyini ham almashtirib tashladi.
Marsh uning o‘rniga maydonga tajribali hujumchisi Larinni tashladi – «Sauthempton» a’zosi darhol gol urdi. Bu hujumni qanotdan markazga ko‘chib harakatlangan Kone boshlab berdi, Promisning nozik uzatmasi esa ushbu hujumning bezagiga aylandi. Larin bosniyaliklarning tajribali himoyachisi Muxaremovichni dog‘da qoldirdi, qolaversa unga rikoshet yordam berdi.
O‘yin oxirida kanadaliklar o‘z muxlislari qarshisida g‘alabani ilib ketishga harakat qilishdi, ammo bosniyaliklar barcha hujumlarni qaytarishdi va strategik durangni saqlab qolishdi. O‘yinning yakuniy statistikasi Kanadaning kichik ustunligini ko‘rsatdi: zarbalar – 13:8 (darvoza sohasiga to‘g‘ri borgan zarbalar – 4:3), xG – 1,24 ga qarshi 0,94.
Bu kanadaliklarning mundialda qo‘lga kiritgan ilk ochkosi bo‘ldi. Kanada bunga qadar 1986 va 2022 yilgi mundiallarda qatnashgan, ammo guruh bosqichidagi barcha 6 o‘yinida yutqazgandi.
Endi 2-turda Bosniya va Hersegovina Shveytsariya bilan (18 iyun), Kanada – Qatar bilan (19 iyunga o‘tar kechasi) o‘ynaydi.
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot4 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat3 days ago
Toshkentda xalqaro moda akademiyasi tashkil etiladi
-
Iqtisodiyot14 hours ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat10 hours ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat9 hours ago
O‘zbekiston do‘konlarida 73 turdagi mahsulot sifatsiz deb topildi