Jamiyat
Dunyodagi eng qimmat va eng xavfli taom
Fugu nomi bilan tanilgan, yapon oshxonasidagi eng qimmat va halokatli taom haqida eshitganmisiz? Arxeologik topilmalarga ko‘ra, Yaponiya orollari aholisi eramizdan ancha oldin fugu iste’mol qilgan, ya’ni qadimgi yaponlar bu baliqni tayyorlash sirini bilishgan.
Fugu baliqlari pufferfish oilasiga tegishli. Tropik, masalan, Tinch okeani, Qizil dengizda va Amazon daryosi kabi chuchuk suv havzalarida uchraydigan 100 ga yaqin turlari mavjud.
Fugu kaftning kattaligidek keladigan kichkina baliq, terisi turli uzunlikdagi tikanlar bilan qoplangan. U xavf yaqinlashganda o‘zini to‘pga aylantiradi va taxminan uch baravar kattalashadi.
foto:istockphoto.com/ru
Ushbu kichkina baliqning ichki a’zolari – jigar, tuxum, o‘t pufagi va terisida o‘ldiradigan tetrodotoksin miqdori mavjud. Jigar baliqning eng zaharli qismidir, shuning uchun u iste’mol qilinmaydi. Baliqning boshqa qismlarini faqat ehtiyotkorlik bilan, maxsus tayyorgarlikdan so‘ng iste’mol qilish mumkin. Zahar mushaklarni falaj qiladi va nafas olishni to‘xtatib qo‘yadi. Undagi zahar kaliy sianiddan taxminan 1200 marta xavflidir. Yegan odamni o‘limga olib keladigan doza atigi bir milligram tetrodotoksindir. Bitta baliqdagi zahar qirq kishini o‘ldirishi mumkin. Hozirgi vaqtda unga qarshi antidot yo‘q, zaharlangan odamni qutqarishning yagona yo‘li – zaharning ta’siri yo‘qolguncha nafas olish va qon aylanish tizimlarini sun’iy ravishda qo‘llab-quvvatlashdir.
Tadqiqotlar shuni ko‘rsatdiki, baliq neyrotoksin ishlab chiqarmaydi, balki oziq-ovqat orqali zaharni o‘z tanasida to‘playdi.
Hatto bolalar ham fuguni iste’mol qilish o‘limga olib kelishi mumkinligini bilishadi.
Ammo nima uchun bu baliq ko‘plab yapon restoranlarida mashhur delikates bo‘lib qolmoqda? Nima uchun odamlar o‘z hayotlarini xavf ostiga qo‘yishadi?
Fugu haqiqatan ham shunchalik mazalimi?
Yapon xalqining mashhur maqoli bor: «Fugu yegan kishi ahmoqdir, lekin yemagan ham ahmoqdir».
Ushbu o‘ta nozik ta’mning ishqibozlari fuguning mazasini boshqa hech narsa bilan taqqoslab bo‘lmaydi, deb da’vo qiladilar: u juda nozik, silliq va ta’riflab bo‘lmaydi.
Hatto ushbu baliqqa Tokiodagi parkda yodgorlik ham o‘rnatilgan.
foto: Pikabu.ru
Osaka yaqinida fugu sharafiga maxsus o‘yilgan qabr toshli mashhur ibodatxona bor. Undan yoritgichlar va shamdonlar tayyorlanadi va fugu shaklini tayyorlashga ixtisoslashgan ko‘plab ustaxonalar mavjud. Ammo odamning fugu bilan haqiqiy uchrashuvi restoranda sodir bo‘ladi. Bu yerda taom buyurtmachisi tom ma’noda o‘z taqdirini oshpazga ishonib topshiradi.
Kichkina xato taomni zaharga aylantiradi
Statistik ma’lumotlarga ko‘ra, Yaponiyada har yili o‘ntadan yigirmaga yaqin odam fugu bilan zaharlanishdan vafot etadi. Biroq, bu taomning ishqibozlari ta’kidlashlaricha, o‘limlarning aksariyati uyda – fuguni o‘zlari tayyorlashga urinish oqibatida sodir bo‘ladi. Ammo letsinziyasi bor oshpazlar ham xatoga yo‘l qo‘ygan holatlar mavjud. Fugudan eng mashhur o‘lim 1975-yilda sodir bo‘lgan. Afsonaviy aktyor Mitsugoro Bando Kioto restoranida fugu jigarini yegandan keyin falajlanib vafot etgan. Bu uning xavfli taomni tanovvul qilishga to‘rtinchi urinishi edi.
2004-yildan 2007-yilgacha fugudan zaharlanishdan 15 kishi vafot etgan, taxminan 115 kishi kasalxonaga yotqizilgan. 2009-yilda Yaponiyaning Suruoki shahridagi (Tokio shimolida) restoranning yetti nafar homiysi fugu taomidan zaharlangan edi.
Uzoq vaqt davomida Yaponiyada fuguni nafaqat iste’mol balki tutish ham taqiqlangan. Shunga o‘xshash taqiqlar hozirda ba’zi Janubi-Sharqiy Osiyo mamlakatlarida mavjud, ammo ular har doim ham samarali emas. Misol uchun, fugu Tailandda 2002 yildan beri taqiqlanganiga qaramay, uni mahalliy bozorlarda sotib olish mumkin.
2023-yilning aprel oyida malayziyalik er-xotin mahalliy bozorda fugu sotib olib, kechki ovqatga pishirishdi. 83 yoshli ayol vafot etdi, uning 84 yoshli eri esa komaga tushdi.
Ishqibozlar taqdirini oshpazga ishonadi
Ya’ni noto‘g‘ri tayyorlangan fuguni iste’mol qilish o‘limga olib kelishi mumkin. Shuning uchun 1958 yildan boshlab yapon oshpazlari maxsus tayyorgarlikdan o‘tishlari va ixtisoslashgan restoranlarda fugu tayyorlash uchun litsenziya olishlari talab qilingan, uni faqat ikki yil shogird tushish, yozma va amaliy imtihonlar orqali olish mumkin. Amaliy imtihon paytida oshpaz o‘zi tayyorlagan fugu taomini yeyishi kerak. Amaliy test quyidagicha: nomzodga fuguni kesib, sashimi (maxsus yapon taomi) sifatida tayyorlash uchun 20 daqiqa vaqt beriladi. Sashimi bilan bir qatorda, fugu ham sho‘rvalar va soslar tayyorlash uchun ishlatiladi.
Bunday delikateslarning narxi har bir porsiya uchun 100 dan 500 dollargacha bo‘lishi ajablanarli emas. Eng mashhur fugu taomlaridan biri bu fugusashi. Xom baliqning marvarid bo‘laklari dumaloq laganda gulbarglar kabi joylashtiriladi.
foto: Posteat
Oshpaz ko‘pincha qismlardan haqiqiy surat yaratadi: kapalaklar yoki uchayotgan qush kabi manzaralar. Baliq tilimlari sirka sousi, to‘g‘ralgan turp va qizil qalampir aralashmasiga botirib yeyiladi. Odatda, maxsus restoranlarga kelgan mijozlar faqat fuguga buyurtma berishadi. Taomlanish fugusashi bilan boshlanadi: undan keyin fugu-zosui – guruch va xom tuxum bilan bezatilgan baliq sho‘rva va ozgina qovurilgan bo‘laklari. Oshpaz fugu bo‘laklariga qat’iy belgilangan tartibda yondoshadi. Yeyish dum qismidan – eng mazali va eng kam zaharli qismdan boshlanadi. Oshpazning vazifasi mehmonlarni ehtiyotkorlik bilan kuzatib borish, ularning xavfsiz miqdordan ortiq iste’mol qilishiga yo‘l qo‘ymaslikdir. Buning uchun nafaqat taomni tayyorlashning nozik jihatlarini bilish, balki tibbiy bilimga ham ega bo‘lish kerak, chunki zahar ta’sirining intensivligi mijozning tuzilishiga, fe’l-atvoriga va hatto terining rangiga bog‘liq.
Ekstremal oshxona ishqibozlarining ta’kidlashicha, ushbu baliqlarning ta’mi yapon ipak rasmlarini eslatadi – nozik, tushunarsiz va silliq. Nafis kulolchilik buyumlari yaratuvchisi Kitaoji Rozannin shunday deb yozgan edi: «Bu baliqning ta’mi beqiyos. Agar fuguni uch-to‘rt marta yesangiz, uning quliga aylanasiz. Kimki o‘limdan qo‘rqib, bu taomdan bosh tortsa, chuqur hamdardlikka loyiqdir.» Fugu o‘zining ajoyib ta’midan tashqari, giyohvandlik ta’siriga ham ega, deb ishoniladi. Ushbu baliqni tayyorlash asnosida mijozda yengil eyforiya tuyg‘usini uyg‘otish uchun yetarli miqdorda zahar qoldirishdir. Bu jarayonda avval oyoqlar, keyin qo‘llar, keyin jag‘lar harakatdan to‘xtaydi, faqat ko‘zlar bundan mustasno. Biroq, bir lahzadan keyin hamma narsa jonlanadi: nutq qaytadi, qo‘llar va oyoqlar harakatlana boshlaydi.
Xo‘sh, agar fugu zaharli dengiz mahsulotlari bilan boqilmasa xavfli bo‘lmaydimi? Aynan shunday, olimlar fuguning bu xususiyatini uzoq vaqtdan beri kashf qilishgan va hatto uni laboratoriyada sinab ko‘rishgan. Agar fugu maxsus suvlarda ko‘paytirilsa u zaharli mollyuskalarsiz, dengiz yulduzi va qisqichbaqasimonlarni iste’mol qilmasa zahardan xoli bo‘ladi.
Lekin negadir bu kashfiyot Yaponiyada o‘zini oqlamadi. Axir, uning toksini bo‘lmasa, oddiy baliqdan farqi qolmaydi va hech qanday eyforiya bermaydi.
Mana nima uchun zahari bo‘lmagan fugu hech kimni hayratda qoldirmaydi.
Prezident Shavkat Mirziyoyevga yoqilg‘i-energetika sohasidagi murojaatlar tahlili taqdim etildi. Davlat rahbari kuz-qish mavsumiga tayyorgarlik doirasida elektr va gaz ta’minotidagi tizimli muammolarni bartaraf etish, tarmoqlarni ta’mirlash hamda aholini uzluksiz energiya bilan ta’minlash bo‘yicha mas’ullarga topshiriq berdi.
Foto: Prezident matbuot xizmati
Prezident Shavkat Mirziyoyevga 17 iyul kuni yoqilg‘i-energetika sohasida fuqarolar murojaatlarini ko‘rib chiqish hamda ularda ko‘tarilgan muammolarni kuz-qish mavsumiga tayyorgarlik doirasida bartaraf etish yuzasidan axborot berildi.
Qayd qilinishicha, 2026 yilning birinchi yarmida yoqilg‘i-energetika sohasiga oid 40 mingga yaqin murojaat kelib tushgan. Ularning 50 foizi tabiiy va suyultirilgan gaz, 38,3 foizi elektr ta’minoti bilan bog‘liq.
Murojaatlarda asosan suyultirilgan gaz ballonini to‘ldirish, elektr ta’minotidagi uzilishlar, elektr tarmoqlarini qurish va ta’mirlash hamda tabiiy gaz bosimi bilan bog‘liq masalalar ko‘tarilgan.
Kuz-qish mavsumidan oldin takror murojaatlar kelib tushayotgan mahalla va obektlarni xatlovdan o‘tkazish, elektr va gaz tarmoqlarining texnik holatini o‘rganish, aniqlangan kamchiliklarni bartaraf etish bo‘yicha hududlar kesimida manzilli rejalar ishlab chiqish vazifasi qo‘yildi.
Ayniqsa, elektr ta’minotida uzilishlar ko‘p kuzatilayotgan hududlarda tarmoq va transformatorlarni ta’mirlash, avariya brigadalarining shayligini oshirish, tabiiy gaz bosimi bilan bog‘liq muammolar mavjud joylarda ta’minot barqarorligini ta’minlash muhimligi qayd etildi.
Shuningdek, suyultirilgan gaz ballonlarini to‘ldirish va aholiga yetkazib berish grafiklariga qat’iy rioya qilish, ehtiyoj yuqori bo‘lgan hududlarda qo‘shimcha zaxira va imkoniyatlarni safarbar etish zarurligi ko‘rsatib o‘tildi.
Davlat rahbari mutasaddilarga murojaatlarda ko‘tarilgan tizimli muammolarni kuz-qish mavsumi boshlanguniga qadar hal etish bo‘yicha topshiriq berdi.
Yagona interaktiv davlat xizmatlari portali saytini (my.gov.uz) soxtalashtirib, fuqarolarning pulini o‘zlashtirgan jinoiy guruh a’zolari qo‘lga olindi.
Ichki ishlar vazirligi Kiberjinoyatlarga qarshi kurashish departamenti xabariga ko‘ra, ular soxta sayt yaratib, Instagram orqali «kompensatsiya rasmiylashtirish markazi» nomi ostida yolg‘on reklama tarqatgan.
Tergov ma’lumotlariga ko‘ra, jinoiy guruhni 1993 yilda Xorazm viloyatida tug‘ilgan shaxs tashkil etgan. U soxta sayt orqali fuqarolarning karta ma’lumotlarini qo‘lga kiritib, pullarni yechib olgan. Guruh 26 nafar fuqaro nomiga rasmiylashtirilgan 293 ta bank kartasidan foydalangan. O‘g‘irlangan mablag‘lar dastlab ushbu kartalarga o‘tkazilgan, keyin esa Telegram messenjeridagi maxsus kriptobotlar orqali kriptoaktivlarga aylantirilgan.
Tergov davomida mazkur jinoiy guruh respublika bo‘ylab 456 nafar fuqarodan 1 milliard so‘mdan ortiq mablag‘ni o‘zlashtirgani aniqlangan.
Holat yuzasidan Jinoyat kodeksining 168-moddasi (firibgarlik) hamda 278-6-moddasi bilan jinoyat ishi qo‘zg‘atilgan va tergov harakatlari davom etmoqda.
Energotizim barqarorligini ta’minlash va yirik avariyalarning oldini olish maqsadida Qashqadaryo, Jizzax, Xorazm va Toshkent viloyatining ayrim hududlarida 2 soatlik majburiy elektr cheklovlari joriy etildi.
16 iyul kuni O‘zbekiston yagona energetika tizimida sutkalik elektr energiyasi iste’moli 291 million kVt·soatni tashkil etib, o‘tgan yozgi mavsumdagi eng yuqori ko‘rsatkichdan 18,4 million kVt·soatga (6,7 foizga) oshdi. Shu kuni elektr energiyasi ishlab chiqarish hajmi ham 295,4 million kVt·soatga yetib, yangi rekord o‘rnatildi. Bu haqda Energetika vazirligi xabar berdi.
Qayd qilinishicha, anomal issiq ta’sirida elektr uzatish tarmoqlari va uskunalari me’yordan ortiq qizib, kunduzi elektr energiyasi iste’molining keskin oshishi tarmoqlardagi yuklamani yanada kuchaytirmoqda.
Shu sababli, energotizim barqarorligini ta’minlash va yirik avariyalarning oldini olish maqsadida Qashqadaryo, Jizzax, Xorazm va Toshkent viloyatining ayrim hududlarida 2 soatlik majburiy elektr cheklovlari joriy etildi.
Prezident Shavkat Mirziyoyev madaniyat va san’atni rivojlantirish hamda milliy merosni xalqaro miqyosda targ‘ib qilishga qaratilgan loyihalar taqdimoti bilan tanishdi. Unga ko‘ra, O‘zbekistonning noyob arxeologik va amaliy san’at namunalari jahonning yetakchi muzeylarida namoyish etiladi, «Tamerlano» operasi 2027 yilda Nyu-Yorkdagi Karnegi-xoll sahnasida qo‘yiladi, shuningdek, mamlakatda yirik xalqaro madaniy tadbirlarni tashkil etishning yangi tizimi joriy etiladi.
Prezident Shavkat Mirziyoyev 17 iyul kuni madaniyat va san’atni rivojlantirish, milliy merosimizni asrab-avaylash hamda xalqaro miqyosda keng targ‘ib qilishga qaratilgan loyiha va tadbirlar taqdimoti bilan tanishdi.
Dastlab nufuzli xorijiy muzey va ko‘rgazma maydonlarida O‘zbekistonning arxeologik va ilmiy merosi, shuningdek, amaliy san’at asarlarini namoyish etish bo‘yicha rejalar ko‘rib chiqildi.
Jumladan, 2026 yil sentabr oyida Dohadagi Islom san’ati muzeyida “Uzbekistan: Heritage in Motion” ko‘rgazmasini, noyabr oyida esa Milandagi Prada fondida O‘zbekistonning noyob eksponatlari ishtirokida “Global Antiquity” xalqaro arxeologiya ko‘rgazmasini tashkil etish rejalashtirilgan. 2027 yilda Venetsiyadagi Palatsso Grimani va Yaponiyaning Nara milliy muzeyida O‘zbekistonning bronza davridan ilk o‘rta asrlargacha bo‘lgan tarixini aks ettiruvchi 200 dan ziyod arxeologik topilmalar namoyish etiladi. Milandagi Palatsso Realeda oltin kashtachilik, so‘zana, ikat, zargarlik buyumlari va amaliy san’at asarlaridan iborat 150 dan ortiq eksponat taqdim etiladi.
Florensiyada Abu Ali ibn Sinoning hayoti va ilmiy merosiga bag‘ishlangan ko‘rgazma o‘tkazish, shuningdek, Yaponiya, Buyuk Britaniya, Xitoy, Saudiya Arabistoni va boshqa davlatlardagi yetakchi madaniy muassasalar bilan qo‘shma loyihalarni amalga oshirish rejalari bayon qilindi.
Madaniy meros obektlarini restavratsiya qilish masalalariga alohida e’tibor qaratildi. Knyaz Nikolay Romanov saroyida O‘zbekiston davlat san’at muzeyi filialini tashkil etish ko‘zda tutilgan. Bunda majmuaning tarixiy qiyofasi saqlab qolinib, 300 ga yaqin eksponatdan iborat doimiy ekspozitsiya shakllantiriladi.
Muxtor Ashrafiy uy-muzeyida binoning fasadi va tarixiy intererlari restavratsiya qilinib, ekspozitsiya yangilanmoqda. Muzey zamonaviy muhandislik tizimlari, xavfsizlik va iqlim nazorati vositalari, multimedia uskunalari, shuningdek, ovoz yozish studiyasi bilan jihozlanadi.
Taqdimotda “Tamerlano” operasini jahonning nufuzli sahnalarida namoyish etish natijalari va kelgusi rejalar ko‘rib chiqildi.
Joriy yilda ushbu asar Dubay operasi, Venadagi “Muzikferayn”, Sankt-Peterburgdagi Mariinskiy teatri hamda Versal saroyi Qirollik operasi sahnalarida namoyish etildi. Stefano Poda sahnalashtirgan operada Georg Fridrix Gendel musiqasi Kirill Rixter talqinida, o‘zbek milliy cholg‘u asboblaridan foydalanilgan holda ijro etildi. Loyihada O‘zbekiston Milliy simfonik orkestri, xor, xalq cholg‘ulari orkestri va taniqli solistlar ishtirok etdi.
2027 yil mart oyida “Tamerlano” operasini Nyu-Yorkdagi mashhur “Karnegi-xoll” konsert zali sahnasida namoyish etish rejalashtirilgan. Bu o‘zbek opera san’ati va milliy ijrochilik maktabining yuksak salohiyatini xorijiy auditoriyaga keng namoyish etish imkonini beradi.
Yirik konsertlar, festivallar, tanlov va ko‘rgazmalarni tashkil etishning yagona tizimini shakllantirish masalasi ham ko‘rib chiqildi. Madaniyat vazirligi huzuridagi “Xalqaro festivallar direksiyasi” davlat muassasasi negizida Madaniyat va san’atni rivojlantirish jamg‘armasi huzurida Madaniy loyihalar milliy operatorini tashkil etish taklif qilindi.
Milliy operator yirik xalqaro tadbirlarni tashkil etish va ularni xorijda targ‘ib qilish, taniqli ijrochilar ishtirokidagi konsertlarga buyurtmachi sifatida ish olib borish, shuningdek, “Sharq taronalari” xalqaro musiqa festivalini tayyorlash uchun mas’ul bo‘ladi.
Joriy yil 8 iyun kuni Samarqanddagi Registon maydonida mashhur xonanda Jon Lejyendning konserti o‘tkazildi. Avgust oyida Pekindagi Buyuk Xitoy devorida, sentabr oyida esa Registon maydonida taniqli pianinochi Lang Langning konsertini o‘tkazish rejalashtirilgan. Oktabr oyida Toshkentdagi “O‘zbekiston” xalqaro anjumanlar saroyida bastakor Maks Rixterning konserti bo‘lib o‘tadi.
Joriy yilda Venetsiya va Milan shaharlarida o‘tkazilayotgan yirik xalqaro madaniy tadbirlarda O‘zbekistonning ishtiroki natijalari ham taqdim etildi.
Venetsiyadagi 61-xalqaro san’at biyennalesida O‘zbekiston “The Aural Sea” loyihasi bilan milliy pavilonda ishtirok etmoqda. Loyiha Orol dengizi va Qoraqalpog‘iston mavzusini xotira, afsona va hikoyalar orqali ochib beradi. Pavilonga hozirga qadar 60 mingdan ziyod kishi tashrif buyurgan. Loyihaga bag‘ishlangan materiallarning umumiy media qamrovi 145 milliondan oshgan.
Biyennale doirasida Palatsso Kavalli-Frankettida o‘zbekistonlik rassom Vyacheslav Axunovning “Instrumens of the Mind” shaxsiy ko‘rgazmasi ham tashkil etildi. Unda rassomning 1970 yillardan bugungi kunga qadar yaratilgan 200 dan ortiq asari namoyish etilmoqda. Ko‘rgazmaga 30 dan ziyod mamlakatdan 12 mingdan ortiq kishi tashrif buyurgan.
“Milan Design Week 2026” doirasida tashkil etilgan “O‘rik gullaganda” milliy pavilonida 12 nafar xalqaro dizayner hamda O‘zbekiston va Qoraqalpog‘istondan 12 nafar hunarmandning hamkorlikdagi ishlari namoyish qilindi. O‘zbekiston paviloni “Fuorisalone Award 2026” mukofoti hakamlar hay’atining maxsus e’tirofiga sazovor bo‘ldi. Uni 18 mingdan ziyod kishi ko‘rdi, loyihaning xalqaro axborot qamrovi 171 millionga yetdi.
Shuningdek, Madaniyat va san’atni rivojlantirish jamg‘armasining 2026-2027 yillarga mo‘ljallangan tadbir va loyihalari muhokama qilindi.
11-13 sentabr kunlari Nukus shahrida Orol madaniyati sammiti o‘tkaziladi. Madaniyat, ilm-fan, me’morlik, dizayn va ekologiya sohalari vakillari Orolbo‘yini barqaror rivojlantirish masalalarini muhokama qiladi. 2027 yil yanvar oyida “Aral School” xalqaro dasturining Orol dengizi havzasi iqlimi va landshaftiga bag‘ishlangan yangi mavsumi boshlanadi.
Alisher Navoiy nomidagi O‘zbekiston davlat akademik katta teatri repertuarini yangilash doirasida Jakomo Puchchinining “Turandot” operasi va Pyotr Chaykovskiyning “Shelkunchik” baletini yangicha talqinda sahnalashtirish rejalari ko‘rib chiqildi. Loyihalarni amalga oshirishga yetakchi mahalliy va xorijiy rejissyorlar, dirijyorlar, xoreograflar va sahnalashtirish bo‘yicha mutaxassislarni jalb etish rejalashtirilgan.
2027 yilgi Buxoro biyennalesi doirasida madaniy meros obektlarini restavratsiya qilish, tarixiy hududlar va jamoat makonlarini obodonlashtirish, shuningdek, ko‘rgazma maydonlarini tayyorlash rejalashtirilgan. Biyennalega 50 dan ziyod xorijiy rassom va dizayner hamda mamlakatimiz kreativ industriyalarining 300 dan ortiq vakili jalb etiladi.
Bundan tashqari, “Milan Design Week” va “Art Basel” tadbirlarida ishtirok etish, “Art for Tomorrow” xalqaro anjumanini o‘tkazish, Qatar muzeylari bilan hunarmandchilik va dizayn sohasida hamkorlikni rivojlantirish, shuningdek, Buxoroda badiiy rezidensiya va xalqaro zargarlik maktabini tashkil etish bo‘yicha takliflar ko‘rib chiqildi.
Davlat rahbari loyihalarni puxta tayyorlash, restavratsiya ishlari sifatini qat’iy nazorat qilish, milliy mazmunni zamonaviy yondashuvlar bilan uyg‘unlashtirish hamda xalqaro madaniy hamkorlikning amaliy natijadorligini oshirish bo‘yicha ko‘rsatmalar berdi.
Samarqand viloyatining Urgut tumanida Isroilga ishga jo‘natishni va’da qilib, buning evaziga 16 ming AQSh dollari talab qilgan shaxs tezkor tadbir davomida qo‘lga olindi. U kelishilgan pulning bir qismini olgan vaqtida ashyoviy dalillar bilan ushlangan.
Foto: Prokuratura departamenti
Bosh prokuratura huzuridagi departamentning Urgut tumani bo‘limi hamda boshqa huquqni muhofaza qiluvchi organlar xodimlari hamkorligida o‘tkazilgan tezkor tadbirda xorijga ishga yuborish bilan bog‘liq firibgarlik holatiga chek qo‘yildi.
Ma’lum qilinishicha, fuqaro R.B. fuqaro R.M.ni Isroilga ishlash uchun yuborishini aytib, bu xizmat evaziga 16 ming AQSh dollari talab qilgan.
Tezkor tadbir davomida gumonlanuvchi kelishilgan mablag‘ning 2 ming AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 25 va 168-moddalari bilan jinoyat ishi qo‘zg‘atilgan. Hozirda ushbu ish bo‘yicha tergov harakatlari olib borilmoqda.
Oliy ta’lim muassasalari uchun kvotalar tasdiqlandi
Prezident kuz-qish oldidan energetika muammolarini hal etishni topshirdi
O‘zbekistonda chetdan xomashyo olib keladigan yangi kompaniya tuzilib, unga 200 mln dollar ajratiladi
-
Siyosat4 days ago
Prezident Shavkat Mirziyoyev Qatar amiriga ta’ziya bildirdi
-
Jamiyat5 days agoToshkent metrosiga yana 3 ta zamonaviy poyezd qo‘shildi
-
Iqtisodiyot4 days agotadbirkor va davlat organlari o‘rtasida huquqiy bahs yuzaga keldi
-
Mahalliy4 days ago
O‘zbekistondagi 10 mingdan ortiq maktab «Canva»dan bepul foydalanadi
-
Dunyodan3 days agoMahmud Ahmadinejod atrofidagi sirli o’yin: “Mossad bilan hamkorlik”
-
Dunyodan4 days ago
Anqarada NATO sammiti boshlandi
-
Iqtisodiyot2 days agoMarkaziy bank huzurida Islomiy moliya kengashi tashkil etildi
-
Siyosat4 days ago
Shavkat Mirziyoyev elektropoyezdda Bekobodga bordi