Jamiyat
“O‘rnatilganidan beri ishlaganini ko‘rmadik” – metrolarda elektron ko‘taruvchi qurilmalar nega ishlamayapti?
Yaqinda Toshkentning ayrim metro bekatlari va yerosti yo‘laklarida Osten brendining maxsus ko‘tarish qurilmalari o‘rnatilgandi. Zinadan tushishga qiynaluvchi yo‘lovchilarga yordam berishi kerak bo‘lgan bu uskunalar noma’lum sabablarga ko‘ra ishlamayotgani aytilmoqda. Kun.uz vaziyatni o‘rganib ko‘rishga urindi.
{Yii::t(}
O’tkazib yuborish 6s
O’tkazib yuborish
Poytaxtda ayrim metro bekatlarining kiraverishi yoki yerosti yo‘laklarda “Osten” yozuvi tushirilgan ko‘tarish uskunalariga ko‘pchilikning ko‘zi tushgan bo‘lsa kerak. Asosiy vazifasi keksa, yosh bolali yoki nogironligi bor – umuman zinadan pastga tushishga qiynaluvchi yoki imkoniyati yo‘q yo‘lovchilarga yordam berish kerak bo‘lgan bu qurilmalar o‘rnatilganiga ham taxminan 2 oy bo‘lib qoldi.
Kun.uz’ga murojaat qilgan yo‘lovchilardan biri joylarda uskunalar ishlamayotganidan shikoyat qildi. Tahririyat 4 ta: Xalqlar do‘stligi, Beruniy, Hamid Olimjon hamda Buyuk Ipak yo‘li metro bekatlarida bo‘lib, qurilmalardan qanchalik foydalanilyotgani va bu borada odamlarning boxabarligini o‘rganishga urindi.
Aksariyat yurtdoshlarimiz metrodan harakatlanish davomida tez-tez qurilmani ko‘rib turishlari, ammo undan hech kim foydalanmasligini bildirishdi. Quyida so‘rovnomadan ayrim iqtiboslar keltiriladi.
“Doim metrodan foydalanaman, lekin biror marta ishlatilganini ko‘rmadim. Menimcha, bu yo qo‘shilgan, yo qo‘shilmagan hali. Qo‘yilgan-u, ishga tushirilmagan bo‘lsa kerak. Yoki foydalanish uchun qiyinroq bo‘lishi mumkin, ya’ni demoqchi bo‘lganim: kimnidir chaqirib, buni aytib, qo‘shtirguncha undan ko‘ra kimdir ko‘tarib tushirib qo‘yadi. Foydalanishga qulay qilib qo‘yish kerak”.
“Ko‘p metro bekatlaridan yurganman, boshqa metro bekatlarda [ham]. Lekin unaqa yurishganini ko‘rmadim. Bilishmasa kerak-da, tushunishmasa kerak qanaqa ishlatishni”.
“Bu ko‘pincha ishlamaydi. Men ko‘rganman bir-ikki marta [odamlarni pastga ko‘tarib] olib tushishgan, lekin unchalik ishlamaydi ko‘pincha. Bu tokda ishlaydi, tok bu yerda yo‘q. Nimadir bilan buni zaryadka qilish kerak”.
“Chunki hali aholi bilmaydi. Lekin o‘rgatib, shuni tushuntirib o‘tish ham kerak-da. Agar ishlamasa, kerak emas. Lekin ham mana bu nogironlarga qulaylik yaratilayotgani bu juda ham yaxshi. Kerakli narsa. Odamlarga mana shu narsa nima ekanini o‘rgatish kerak-da, nimaga foydalanish kerakligini. Chunki hamma shunday o‘tib ketyapti-da”.
“Nogironlarning tushishini qarang, vaqti kelsa, oyog‘i og‘riyotgan odamlarning tushishi qiyin bo‘ladi. Aravada kim ularni olib tushib qo‘yadi? Yo bo‘lmasa “kolyaska”li bolalilarni ko‘rasiz. Kimdir ko‘tarib olib chiqib qo‘yishi kerak. Ularni ham olib tushishga, masalan, shunga (qurilmaga) “kolyaska”ni qo‘ysa ham, birpasda tushib oladi-da”.
“Endi menga o‘xshab tushunmagani uchun ishlata olmaydi-da. Birorta odam tushganini ko‘rsak, jon deb mazza qilib turamiz, o‘zi olib tushib qo‘ysa, qanday rohat. Masalan, men tushishga oson tushaman, chiqishga qiynalaman, oyog‘im og‘riydi. Shu oyog‘i og‘riganga, yosh bolali borlarga judayam kerak narsa.
Ishlamasa, turaveradi shunday. Davlatimizga, budjetiga zarar. Shuning uchun million-million pul ketdi. Uning o‘rniga boshqa kerakliroq narsa ishlatgan bo‘lardik”.
“Ishlasa, albatta kerak narsa. Chunki odamlar har xil bo‘ladi, yordam beradigan bo‘ladi, bermaydigani bo‘ladi”.
Yo‘lovchilar bilan gaplashish davomida bu qurilmalarni o‘zimiz ham ishlatib ko‘rishga urindik. Ammo buning imkoni bo‘lmadi. Xalqlar do‘stligi bekatidagisining simlari uzilgan holatda turganiga ham guvoh bo‘ldik. Ogohlantirish qog‘oziga ko‘ra, ayni bekatning ko‘tarish uskunasi montaj va sozlash jarayonida.
Aytish kerak, dastlabki o‘rganishimizda Buyuk Ipak yo‘li metro bekatida qurilma ishlamayotgandi. O‘shanda nogironligi bo‘lgan yo‘lovchilardan biri uskunadan foydalanolmay, pastga tushirib qo‘yishlarini ancha kutib qolgandi. Keyingi chiqishimizda ayni bekatdagi uskuna ishlay boshlaganini ko‘rdik.
16 ta metro bekatda 45 dona ko‘tarish uskunasi o‘rnatilgan – Toshkent metropoliteni
O‘zi nechta bekatda bunday qurilmalar bor? Nima sabab undan foydalanib bo‘lmayapti? Qachonda to‘liq ishlay boshlaydi? Qurilmalar o‘rnatilishida buyurtmachi kim? Kun.uz ayni savollarga javob olish uchun Toshkent metropoliteni DUK bilan bog‘landi.
Korxona bergan ma’lumotlarga ko‘ra, 16 ta yerosti bekatida jami 45 dona shunday elektron ko‘targichlarni o‘rnatish reja qilingan. Hozirgi kunda ularning soni 32 dona ekani, shuning 15 tasidan yo‘lovchilar foydalanayotgani, 17 tasida esa montaj ishlari olib borilyotgani aytildi. Ammo bu qaysi bekatlar kesimida ekani ochiqlanmadi.
Qayd etilishicha, ko‘targichlar Toshkent shahar hokimligi buyurtmasi bilan hokimlik budjet mablag‘lari hisobiga “Texnopark” MChJ tomonidan o‘rnatilmoqda. 2026 yilda yana 30 ta elektron ko‘targich qo‘yilishi kutilyapti.
Tahririyat qurilma uchun qancha mablag‘ ajratilgani, buning uchun tender bo‘lganmi yoki yo‘q va ular qachon to‘liq ishga tushirilishiga oid savollarga javob olish uchun Toshkent shahar hokimiyatiga so‘rov yubordi. So‘rovga hozircha javob berilmadi. Shu tariqa nafaqat imkoniyati cheklanganlar, balki umuman piyodalarni yoqtirmaydigan Toshkentda pastga tushiruvchi maxsus qurilmalar bilan vaziyat shunday.
Prezident o‘z nutqida 7 milliy dastur haqida e’lon qildi.
Birinchi milliy dastur bilim va malakani kelgusi taraqqiyotning asosiy kapitaliga aylantirishdan iborat bo‘ladi.
Bolalarning 6 yoshli tayyorlov guruhlariga qamrov qisqa muddatda 100 foizga olib chiqiladi. Xususiy bog‘cha tashkil qilish bo‘yicha mavjud imtiyozlar saqlab qolinadi.
Barcha maktablar xalqaro baholash dasturlari bilan to‘liq qamrab olinadi.
Yurtimizdagi texnikumlarda xalqaro ta’lim standartlarini joriy etiladi. Ularda yoshlarimizni yuqori daromadli kasblarga o‘qitishni yo‘lga qo‘yib, qamrovni 1 millionga yetkaziladi. Bir so‘z bilan aytganda, Yangi O‘zbekistonda kasb egallamagan birorta yigit-qiz qolmaydi.
Ikkinchi milliy dastur xalqimizning sog‘lom bo‘lishi va uzoq umr ko‘rishini ta’minlashga xizmat qiladi.
Shu maqsadda aholi salomatligi bilan bog‘liq davlat xarajatlarini kelgusi besh yilda yalpi ichki mahsulotga nisbatan 5 foizga yetkaziladi.
Tibbiyotda profilaktikani kuchaytirish orqali salomatlikni asrash modeliga o‘tiladi. Davlat tibbiy sug‘urtasi mamlakatning barcha xonadonlariga kirib boradi
Ixtisoslashgan tibbiyotda raqobat muhitini kuchaytirish maqsadida dunyoning eng nufuzli kamida 5 ta klinikasi olib kelinadi.
Uchinchi milliy dastur – iqtisodiyotimizni yuqori texnologiya va mehnat unumdorligi modeliga o‘tkazish.
Buning uchun kelgusi o‘n yilda 450 milliard dollar xorijiy investitsiya jalb qilinadi. Iqtisodiyotda yuqori o‘sish sur’atini saqlagan holda, 2030 yilgacha yalpi ichki mahsulot hajmi 300 milliard dollarga yetkaziladi, sanoatda 2 millionta yuqori daromadli ish o‘rni yaratiladi.
Yoshlarimizning salohiyatini to‘liq ro‘yobga chiqarishda startap, venchur va sun’iy intellektni rivojlantirish ustuvor yo‘nalishga aylanadi.
Shuningdek, kichik biznes – o‘rta biznesga, o‘rta korxonalar esa yirik kompaniya va korporatsiyalarga aylanishi uchun yaxlit ekotizimni yo‘lga qo‘yamiz. Bularning hisobiga kelgusi o‘n yilda jon boshiga yalpi ichki mahsulot hajmi 10 ming dollarlik marradan oshadi.
Global iqlim o‘zgarishi sharoitida suv va ekologiya masalalari yanada dolzarb bo‘lib bormoqda.
Shu bois, to‘rtinchi milliy dastur suv va tabiatga munosabatni tubdan o‘zgartirishga qaratiladi.
Kelgusi besh yilda ekin maydonlarida suv tejaydigan texnologiyalar qamrovini 100 foizga olib chiqiladi. Bu – umummilliy marraga aylanadi.
Adolat qaror topgan joyda iqtisodiy o‘sish ham, ijtimoiy ishonch ham yuksaladi.
Bu borada beshinchi milliy dastur – sud mustaqilligini kuchaytirish va qonun ustuvorligini ta’minlashni umumiy qadriyatga aylantirishdan iborat.
“Buning uchun huquqiy tarbiyani maktabdan boshlab aniq tizim asosida yo‘lga qo‘yamiz. Fuqarolar va tadbirkorlarning qonuniy kafolatlarini kuchaytirish bo‘yicha islohotlarimizni qat’iy davom ettiramiz. Kiberjinoyatchilik, giyohvandlik va odam savdosining oldini olish bo‘yicha choralarni yanada kuchaytiramiz.
“Yashirin iqtisodiyot”, uyushgan jinoyatchilik, ayollar va bolalar huquqini kamsitishga qarshi kurashni yangi bosqichga ko‘taramiz.
Odamlarimizning kayfiyati, oilalarning farovonligi, yoshlarning orzu-istagi, tadbirkorlarning tashabbuskorligi, eng avvalo, mahallada namoyon bo‘ladi.
Shuning uchun oltinchi milliy dastur mahallani jamiyat taraqqiyotining asosiy buyurtmachisiga aylantirishga yo‘naltiriladi.
Endi davlat dasturlarini ishlab chiqish bo‘yicha yondashuv butkul o‘zgaradi. Tuman budjeti, investitsiya dasturi hamda infratuzilma loyihalari mahalla buyurtmasi asosida ishlab chiqiladi. Bunda fuqarolarning talab va ehtiyoji, mahallaning farovonligi – eng asosiy mezon sifatida belgilanadi”, dedi Prezident.
Yettinchi milliy dastur – O‘zbekistonning tinchlik va do‘stlik diyori, bag‘rikeng o‘lka sifatidagi nufuzini har tomonlama yuksaltirishdan iborat.
Bizning ochiq, pragmatik va tinchlikparvar siyosatimiz uzoq muddatli taraqqiyotimizni ta’minlashga qaratilgan.
Bu yilgi Mustaqillik bayrami ijtimoiy tarmoqlarda chin ma’noda portladi. Prezident Shavkat Mirziyoyevning nutqi, bayram ssenariysi va sahnadagi chiqishlarga foydalanuvchilardan juda katta, samimiy va kuchli reaksiya bo‘ldi.
Izohlarni o‘qib, bir narsa yaqqol ko‘rinadi: odamlar bayramni shunchaki tomosha qilmagan — his qilgan.
“Juda zo‘r!”, “Boshqacha bo‘ldi!”, “Ta’sirli!”, “Gap yo‘q!”, “Sahnadagi energiya va jonli ijro odamni lol qoldirdi, haqiqiy bayram kayfiyati!”, “Harbiylarning safdagi kelishgan va qat’iy qadamlari qalbimizni g‘ururga to‘ldiradi”, “Juda go‘zal bayram, betakror bayram”… — ijtimoiy tarmoqlardagi minglab fikrlarda bir xil kayfiyat.
Ayniqsa, Prezident nutqidagi fikrlar alohida muhokama qilindi. Vatan tarixi, bugungi islohotlar va kelajakka ishonch uyg‘unlashgan nutq ko‘pchilikda kuchli taassurot qoldirdi.
Bu yilgi Mustaqillik bayrami sahnada o‘zgacha bo‘ldi — ijtimoiy tarmoqlardagi reaksiya esa bundan ham kuchli!
Bu shunchaki izohlar emas. Bu — xalqning bayramga bo‘lgan kayfiyati.
BYD Central Asia mahalliy ishlab chiqarilayotgan BYD CHAZOR UzPride modelining rasmiy sotuvi boshlanganini e’lon qiladi. Mahalliylashtirish darajasi yuqori bo‘lgani tufayli 55 KM Luxe jamlanmasi 255 900 000 so‘m narxda taklif etilmoqda.
Modelning nomi uning mazmun-mohiyatini aks ettiradi: brend mahalliy bozorda izchil rivojlanib, texnik mutaxassislarni tayyorlash va mamlakat avtomobilsozlik sanoatini zamonaviylashtirishga ko‘maklashmoqda. Shu bilan birga, zamonaviy texnologiyalarni aholining tobora keng qatlamlari uchun qulay va hamyonbop qilmoqda. Shu sababli yangi talqin O‘zbekiston va uning xalqiga chuqur hurmat ramzi sifatida UzPride nomini oldi.
O‘zbekiston Respublikasi mustaqilligining 35 yilligi munosabati bilan xaridorlar uchun maxsus moliyalashtirish dasturi tayyorlandi:
– boshlang‘ich to‘lov – 35%;
– bo‘lib to‘lash muddati – 35 oy;
– foiz stavkasi – 0%;
– moliyalashtirishni rasmiylashtirish – faqat OFB hamkor banki orqali.
Mustaqillikning 35 yilligiga bag‘ishlangan moliyalashtirish dasturi shartlari 2026 yil 29 avgustdan 1 sentyabrgacha amal qiladi.
Dastur shartlari qutlug‘ sana bilan ramziy tarzda uyg‘unlashtirilgan bo‘lib, yangi supergibrid sedanni O‘zbekiston bo‘ylab xaridorlar uchun yanada qulayroq shartlarda sotib olish imkonini beradi.
BYD CHAZOR UzPride haqida
BYD CHAZOR UzPride DM-i supergibrid tizimi bilan jihozlangan. Unda elektr yuritmaning afzalliklari 1,5 litr hajmli yuqori samarali benzin dvigatelining imkoniyatlari bilan uyg‘unlashtirilgan.
132 kVt quvvatga ega elektr dvigatelining eng yuqori burovchi kuchi 316 N·m ni tashkil etadi. Avtomobil 0 dan 100 km/soat tezlikka 7,9 soniyada chiqadi. NEDC o‘lchov tartibi bo‘yicha faqat elektr quvvatida yurish masofasi 55 kilometrgacha yetadi. Akkumulyator quvvati past bo‘lganda yoqilg‘i sarfining eng kam ko‘rsatkichi 100 kilometrga 3,8 litrni tashkil etadi.
55 KM Luxe jamlanmasiga aylantiriladigan 12,8 dyuymli multimedia ekrani, 8,8 dyuymli displeyga ega raqamli ko‘rsatkichlar paneli, o‘zbek tilidagi aqlli ovozli boshqaruv tizimi, 4G va Bluetooth ulanishi, shuningdek, OTA orqali masofadan yangilash imkoniyati kiradi.
Haydovchiga yanada ko‘proq qulaylik yaratish maqsadida avtomobil kalitsiz kirish tizimi, NFC-karta, masofadan ishga tushirish, o‘rindiqni elektr yordamida sozlash, elektr yuritmali tom tuynugi hamda orqa o‘rindiq yo‘lovchilari uchun havo yo‘naltirgichlarga ega iqlim tizimi bilan jihozlangan.
360° atrofni ko‘rsatuvchi panoramali HD-kamera hamda old va orqa to‘xtash datchiklari avtomobilni boshqarish va tor joylarda harakatlanishni osonlashtiradi.
Xavfsizlik tizimlari qatoriga tezlikni bir maromda saqlash tizimi, yo‘nalish barqarorligini nazorat qilish, g‘ildiraklarning sirpanishiga qarshi tizim, shinalardagi bosimni kuzatish, qiyalikda harakatni boshlashga ko‘maklashish, avtomobilni avtomatik ushlab turish, old va yon xavfsizlik yostiqchalari, shuningdek, parda turidagi xavfsizlik yostiqchalari kiradi.
BYD CHAZOR UzPride modelining mahalliy ishlab chiqarilishi yangi energiya manbalarida harakatlanuvchi zamonaviy avtomobillar tanlovini kengaytiradi hamda mamlakat avtomobilsozlik sanoatining rivojlanishiga hissa qo‘shadi.
BYD Central Asia kompaniyasining mustaqillikning 35 yilligiga bag‘ishlangan dasturi – O‘zbekiston Respublikasi mustaqilligining 35 yilligini mamlakatimizda ishlab chiqarilgan yangi avtomobil boshqaruvida kutib olish uchun ajoyib imkoniyatdir.
*Mustaqillikning 35 yilligiga bag‘ishlangan moliyalashtirish dasturi 2026 yil 29 avgustdan 1 sentyabrgacha, 1 sentyabr kuni ham, amal qiladi. Dastur doirasidagi moliyalashtirish faqat OFB hamkor banki orqali rasmiylashtiriladi. Dastur bo‘yicha taklif etiladigan avtomobillar soni cheklangan. Texnik ko‘rsatkichlar ma’lumot berish maqsadida keltirilgan bo‘lib, yo‘l va ob-havo sharoiti, avtomobilning yuklanish darajasi hamda haydash uslubiga qarab farq qilishi mumkin. Avtomobilni sotib olish shartlari va jamlanmasi haqidagi batafsil ma’lumotni BYD kompaniyasining rasmiy dilerlaridan olishingiz mumkin.
BYD kompaniyasining O‘zbekistondagi aloqa ma’lumotlari
Rasmiy ishonch telefoni: 1811
Rasmiy veb-sayt: bydauto.uz
Instagram: @bydauto.uz
Telegram: t.me/bydautouz
Jamiyat
Yangi o‘quv yilida 806 mingdan ziyod 6 yoshli bola maktabga tayyorlov guruhlariga qamrab olinadi
E-qaror tizimida Maktabgacha va maktab ta’limi vazirligining maktabgacha ta’lim tashkilotlarini 2026/2027 o‘quv yiliga tayyorlash va bolalarni qabul qilish jarayonini samarali tashkil etishga oid buyrug‘i e’lon qilindi. Hujjatning ilovalari Maktabgacha va maktab ta’limi vazirining 2026-yil 18-avgustdagi 299-son buyrug‘i bilan tasdiqlangan.
Hujjatga ko‘ra, 2026/2027 o‘quv yilida respublika bo‘yicha 811 ming 586 nafar 6 yoshli bola hisobga olingan. Ularning 806 ming 290 nafarini maktabga tayyorlov guruhlariga qamrab olish rejalashtirilgan. Natijada qamrov darajasi 99,3 foizga yetkazilishi ko‘zda tutilmoqda.
Maktabga tayyorlov guruhlari bilan qamrab olinmagan 6 yoshli bolalar uchun 485 ta bir yillik bepul majburiy tayyorlov guruhi tashkil etiladi. Ularda jami 13 ming 104 nafar bolani qamrab olish rejalashtirilgan.
Shundan:
— umumiy o‘rta ta’lim maktablarida 413 ta guruh tashkil etilib, 11 ming 163 nafar bola;
— davlat maktabgacha ta’lim tashkilotlarida 65 ta guruh ochilib, 1 ming 766 nafar bola;
— boshqa mos binolarda 7 ta guruh tashkil qilinib, 175 nafar bola qamrab olinadi.
Chora-tadbirlar rejasiga muvofiq, avval hududlardagi 6 yoshli bolalar xatlovdan o‘tkaziladi. Xatlov natijasida tayyorlov bilan qamrab olinmagan bolalar mavjud bo‘sh guruh va o‘rinlarga joylashtiriladi.
Shundan keyin ham qamrovdan tashqarida qolgan bolalar uchun umumta’lim maktablari, davlat maktabgacha ta’lim tashkilotlari, «Kelajak markazlari» va boshqa obyektlarning bo‘sh xonalarida yangi tayyorlov guruhlari tashkil etiladi. Ularni sentyabr–oktyabr oylarida ishga tushirish belgilangan.
Prezident farmonida tadbirkorlik subyektlarining huquqiy himoyasini kuchaytirishga qaratilgan «tadbirkorlik subyektining haqlilik prezumpsiyasi» belgilandi.
Unga ko‘ra, davlat organi tomonidan aksi isbotlanmaguncha tadbirkorlik subyekti va uning mansabdor shaxsi qonunchilikka muvofiq harakat qilgan hamda o‘z majburiyatlarini lozim darajada bajargan deb hisoblanadi.
Sudda tadbirkorga nisbatan huquqiy ta’sir chorasi qo‘llash uchun uning asosli, qonuniy va mutanosib ekanini, shuningdek, huquqbuzarlik faktini isbotlash majburiyati davlat organiga yuklanadi.
Qonunchilikdagi bartaraf etib bo‘lmaydigan ziddiyatlar, noaniqlik va tushunmovchiliklar, shuningdek, dalillar yetarli emasligi tufayli yuzaga keladigan shubhalar tadbirkorlik subyekti foydasiga talqin qilinadi.
Dushanba kuni ham dollar kursi pastlaydi
O‘zbekiston mahsulotlari AQShning eng yirik savdo tarmog‘i orqali Amerika bozoriga chiqishi mumkin
Prezident 7 milliy dastur haqida e’lon qildi
-
Siyosat4 days ago
Шавкат Мирзиёев Бишкекда кутиб олинди
-
Mahalliy3 days ago
«Enamdan qolgan dalalar» (Esse)
-
Jamiyat4 days ago
BYD CHAZOR UzPride – O‘zbekiston mustaqilligining 35 yilligiga bag‘ishlangan maxsus taklif
-
Jamiyat4 days ago
Bu yilgi Mustaqillik bayrami ijtimoiy tarmoqlarda chin ma’noda portladi!
-
Sport5 days ago
«Beradigan boshqa narsam qolmadi» — Messi Argentina terma jamoasidagi faoliyatini yakunladi
-
Jamiyat3 days ago
Prezident 7 milliy dastur haqida e’lon qildi
-
Iqtisodiyot3 days agoPrezidentning bojxona xizmatiga oid farmoni qabul qilindi
-
Iqtisodiyot3 days ago
O‘zbekiston mahsulotlari AQShning eng yirik savdo tarmog‘i orqali Amerika bozoriga chiqishi mumkin