Milliy statistika qo‘mitasi ma’lumotlariga ko‘ra, 2026 yil yanvar oyida O‘zbekistonning eksport hajmi 1,7 mlrd AQSh dollarini tashkil etdi. Bu ko‘rsatkich o‘tgan yilning mos davriga nisbatan 26,7 foizga oshgan.

Ma’lum qilinishicha, mazkur davrda O‘zbekiston mahsulotlarini eng ko‘p xarid qilgan davlatlar orasida Rossiya yetakchilik qilmoqda. Bu mamlakatga eksport hajmi 325,8 mln AQSh dollarini tashkil etgan.

Shuningdek, Xitoyga 178,1 mln dollar, Afg‘onistonga 136,7 mln dollar va Fransiyaga 103,6 mln dollarlik mahsulot eksport qilingan.

Top-10 davlatlar qatoriga, shuningdek, Turkiya (84,3 mln dollar), Qozog‘iston (81,6 mln dollar), Qirg‘iziston (46,5 mln dollar), Tojikiston (45,7 mln dollar), Birlashgan Arab Amirliklari (41,4 mln dollar) hamda AQSh (32,1 mln dollar) kirgan.

Source link

Milliy statistika qo‘mitasi ma’lumotlariga ko‘ra, 2026 yil fevral oyida mamlakatda inflatsiya darajasi 0,6 foizni tashkil etdi. Bu davrda ayrim meva va sabzavotlar narxida o‘sish kuzatilgan bo‘lsa, boshqalarida pasayish qayd etildi.

Statistikaga ko‘ra, fevral oyida eng katta narx o‘sishi pomidorda kuzatildi. Uning narxi oy davomida 12,1 foizga oshdi. Biroq o‘tgan yilning shu davriga nisbatan pomidor narxi 12,5 foizga arzon bo‘lib qolgan.

Shuningdek, qovoq narxi 11,7 foizga oshgan. Biroq 2025 yil fevral oyi bilan solishtirilganda, ushbu mahsulot narxi 57,1 foizga arzonligicha qolmoqda.

Kartoshka narxi oy davomida 5,0 foizga oshgan bo‘lib, o‘tgan yilning shu davriga nisbatan 2,0 foizga yuqori. Bulg‘or qalampiri narxi 4,2 foizga, olma 4,1 foizga, limon 3,6 foizga va banan 3,0 foizga qimmatlagan.

Shu bilan birga, sabzi va karam narxi ham 1,8 foizga oshgani qayd etildi. O‘tgan yilning mos davri bilan taqqoslaganda, sabzi narxi 8,8 foizga, karam narxi esa 10,6 foizga yuqori.

Ayni paytda ayrim mahsulotlar narxida pasayish ham kuzatildi. Xususan, bodring narxi fevral oyida 13,8 foizga arzonlashgan. Biroq o‘tgan yilning shu davriga nisbatan u 13,0 foizga past.

Mandarin narxi 5,6 foizga, apelsin 5,4 foizga va lavlagi 1,7 foizga arzonlagan. Piyoz narxi ham oy davomida 0,9 foizga kamaygan bo‘lib, o‘tgan yilning fevral oyiga nisbatan 3,0 foizga past ekani qayd etildi.

Mutaxassislar ta’kidlashicha, meva-sabzavot narxlaridagi bunday o‘zgarishlar mavsumiy omillar, ichki bozordagi talab va taklif hamda mahsulot yetishtirish hajmi bilan bog‘liq bo‘lishi mumkin.

Source link

14:43

O‘zbekiston sanoati: qaysi yo‘nalishlarda korxonalar ko‘proq?



Source link

2026 yil 1 mart holatiga, O‘zbekistonning rasmiy zaxira aktivlari qariyb 77,1 mlrd dollarni tashkil etdi. Bu – tarixiy rekord ko‘rsatkichdir. Jahon bozorida oltin narxlari yil boshidan beri qariyb 19 foizga oshdi.

2026 yil 1 mart holatiga, O‘zbekistonning oltin-valuta zaxiralari 77,1 mlrd dollarni tashkil qildi. Zaxiralar qiymati fevral oyida 2 mlrd dollarga ko‘paygan. Bu haqda Markaziy bank taqdim qilgan hisobotda keltirib o‘tilgan.

O‘tgan oy davomida zaxiralarning valuta qismi 686 mln dollarga qisqargan bo‘lsa, oltin qismining qiymati 2,7 mlrd dollarga oshib, 67,6 mlrd dollargacha ko‘paygan. Zaxiralar tarkibida oltinning fizik hajmi ham 12,8 mln troya unsiyadan 13,1 mln troya unsiyaga yetgan.

Umuman olganda, 2026 yilning yanvar-fevral oylarida O‘zbekistonning zaxira aktivlari 10,7 mlrd dollarga ko‘paydi. Katta o‘sish xalqaro bozorda oltin narxlarining qimmatlashishi fonida yuz berdi. Yaqin Sharqda geosiyosiy vaziyatning nihoyatda keskinlashishi, jahon savdosidagi noaniqliklar, AQSh Federal rezerv tizimining mustaqilligi atrofidagi xavotirlar va Qo‘shma Shtatlarning fiskal barqarorligiga doir shubhalar kuchaygani sabab 2026 yilda qimmatbaho metall bahosi 5000 dollardan oshdi. Oltin joriy yilning ikki oyida qariyb 19 foizga qummatlashdi.

Source link

Erondagi urush tufayli neft narxlari qariyb 20 foizga sakrab, 2022 yildagi darajaga yetdi. Neft bozoridagi eng muhim omillardan biri – Ho‘rmuz bo‘g‘ozining to‘sib qo‘yilishi uzoq vaqt davom etishi mumkinligi haqidagi xavotirlardir.

Foto: Majid Asgaripour / WANA / Reuters / Scanpix / LETA

AQSh va Isroilning Eron bilan urushi hamda Ho‘rmuz bo‘g‘ozining amalda yopilishi fonida neft narxi 2022 yildan beri ilk bor 100 AQSh dollaridan oshib ketdi. Yevropada etalon hisoblangan Brent markali neft fyucherslari 9 mart, dushanba kuni savdo boshida vaqtincha qariyb 20 foizga qimmatlashib, bir barrel (159 litr) uchun 111,04 dollargacha ko‘tarildi, deb xabar bermoqda Reuters agentligi.

Amerikaning West Texas Intermediate (WTI) markali neft fyucherslari esa 16,8 foizga o‘sib, 106,17 dollarga yetdi. Bu narx savdo jarayonida bundan ham yuqori — 111,24 dollargacha chiqqan edi.

6 mart, juma kuni, may oyida yetkazib berish uchun mo‘ljallangan Brent nefti 2024 yil aprelidan beri birinchi marta 90 dollardan yuqori narxda savdo qilindi. Holbuki, 28 fevraldan beri davom etayotgan Eronga qarshi harbiy operatsiya boshlanishidan oldin, uning narxi bir barrel uchun taxminan 70 dollar atrofida edi.

Neft bozoridagi eng muhim omil bo‘lib, Ho‘rmuz bo‘g‘ozining uzoq vaqtga to‘silib qolishi mumkinligi haqidagi xavotirlar qolmoqda. Tinchlik davrida ushbu bo‘g‘oz orqali har kuni jahondagi neft hajmining taxminan 20 foizi tashiladi. U, shuningdek, masalan, Qatardan suyultirilgan tabiiy gazni tashishda ham katta ahamiyatga ega.

Jahon neft bozorida vaziyat taranglashgan sharoitda, AQSh moliya vaziri Skott Bessent 6 mart kuni Vashington tankerlarga allaqachon yuklangan Rossiya neftiga nisbatan sanksiyalarni yumshatish imkoniyatini ko‘rib chiqayotganini aytdi. Shu kuni AQSh Hindiston neftni qayta ishlash zavodlarini tankerlarga yuklab bo‘lingan Rossiya neftini sotib olishga qo‘yilgan taqiqdan 30 kunga ozod qildi, toki “neft jahon bozoriga yetkazib berilishda davom etsin”.

7 mart kuni Isroil ilk bor Eronning neft infratuzilmasiga havo zarbalari berdi — Tehron va uning atrofidagi beshta energetika obekti hujumga uchradi.

Bunga javoban Islom inqilobi muhofizlari korpusi (IIMK) Fors ko‘rfazi davlatlaridagi neft obektlariga hujum qilish bilan tahdid qildi. The Guardian gazetasi IIMK vakilining quyidagi so‘zlarini keltirgan: “Agar bir barrel neft narxi 200 dollardan oshishiga chiday olsangiz, o‘yinni davom ettiring”.

Source link