Jamiyat
Baland binolar shamolni to‘sadimi: ventilyatsiya koridorlari qanday ishlaydi?
“Mahallani rivojlantirish va jamiyatni yuksaltirish” yili Davlat dasturi loyihasida Toshkentda shamol yo‘nalishlari va shaharning tabiiy ventilyatsiyasini urbanistik modellashtirish (Urban Digital Twins) tizimini joriy etish ko‘zda tutilgan. Shamol va ventilyatsiya modellashtiruvi Toshkentdagi qurilish siyosatiga qanday ta’sir ko‘rsatadi? Umuman olganda o‘zi so‘nggi yillarda zamonaviy shaharlar qanday reja asosida rivojlanmoqda, “vertikal” va “gorizontal” o‘sish qanday muvozanatlanadi, qaysi megapolislarning strategiyasi Toshkent sharoitiga yaqin? Shu kabi savollarga mutaxassislar fikr bildirdi.
23 yanvar kuni “Mahallani rivojlantirish va jamiyatni yuksaltirish” yili doirasidagiislohotlar dasturlari va “O‘zbekiston – 2030” strategiyasini amalga oshirish bo‘yicha Davlat dasturi yuzasidan prezident farmoni loyihasi jamoatchilik muhokamasiga qo‘yildi. Loyiha bandlaridan biri Toshkentda shamol yo‘nalishlari va shaharning tabiiy ventilyatsiyasini urbanistik modellashtirish (Urban Digital Twins) tizimini joriy etishga qaratilgan. Uning yordamida shamol “to‘xtab qoladigan” zonalar aniqlanishi, shamol tezligi va yo‘nalishini o‘zgartiruvchi omillar belgilanishi, tabiiy ventilyatsiya koridorlari topilib, ularga ta’sir qiluvchi faktorlar (jumladan, rejalashtirilgan binolar qavatini pasaytirish, ochiq maydonlar tashkil etish) bo‘yicha chora-tadbirlar ishlab chiqilishi; mahallalarda datchiklar orqali havo aylanishi monitoring qilinishi va jamoatchilik uchun ochiq onlayn xarita ishga tushirilishi ko‘zda tutilgan.
Ushbu yangi reja (shamol va ventilyatsiya modellashtiruvi) Toshkentdagi qurilish siyosati va bosh rejaga qanday ta’sir ko‘rsatadi? Umuman olganda o‘zi so‘nggi yillarda zamonaviy shaharlar qanday reja asosida rivojlanmoqda, ularda “vertikal” va “gorizontal” o‘sish qanday muvozanatlanadi, qaysi megapolislarning strategiyasi Toshkent sharoitiga yaqin?
Shu kabi savollarga Parallel Architecs arxitektura byurosi asoschisi, O‘zbekiston yosh arxitektorlari uyushmasi vakili Aziz Qosimov, shuningdek Buyuk Britaniyadagi Sunkari Ltd kompaniyasida loyiha menejeri va TTPZ Services Ltd kompaniyasida qurilish bo‘yicha menejer sifatida faoliyat yuritayotgan Doniyorbek Mo‘minovlar o‘z fikrlari bilan bo‘lishdi.
Binolarning balandligi, “Shamol guli” va aerodinamika
Ko‘pchilik baland binolarni shamolni to‘suvchi asosiy to‘siq deb biladi. Biroq Doniyorbek Mo‘minovning fikricha, masala binoning balandligida emas, balki uning aerodinamik joylashuvida.
“Loyiha bilan tanishib chiqdim, endi Toshkentdagi binolarning qurilishida shamol yo‘lini hisobga olinishi quvonarli. Ayrim insonlar “binolar qavatini pasaytirish” deganda yoppasiga barcha binolar buzilib, qavatlari kamaytirilishini tushunib qolishi mumkin. Bu fikr xato. Kerakli joyda past kerakli joyda baland binolar qurgan holda shamolni kuchaytirish mumkin. Bu ko‘plab zamonaviy shaharlarda o‘z isbotini topgan usul.
Shamol shaharsozlikda “tabiiy fon” emas, balki loyihaning texnik xavfsizlik va mikroiqlim parametri. Bino qurilishidan oldin loyihada “shamol guli” (wind rose) bo‘limi bo‘lishi shart. Bino qaysi tomondan keladigan oqimga ro‘baro‘ keladi, oqimni to‘sadimi yoki tezlashtiradimi, ko‘cha bo‘ylab “tunnel” effektini kuchaytiradimi, qayerda girdob paydo qiladi? bular oldindan hisoblanishi kerak. Shahar mikroiqlimini “bino balandligi” bilan cheklab bo‘lmaydi. Yashil hududlar va suv obektlari (ko‘l, mikro rezervuarlar) namlikni ushlab, issiq davrda hududni yumshatadi. Shuning uchun “shamol koridori” bilan birga shahar “mikroiqlim infratuzilmasi” ham qayta ko‘rilishi kerak. Bu masala park, ko‘kalamzorlashtirish va suv elementlarini rejalashtirishga bevosita borib taqaladi.” – deb tushuntirdi Doniyorbek Mo‘minov.
Mutaxassisning ogohlantirishicha, poytaxtning asosiy “o‘pkasi” hisoblangan Chirchiq va tog‘ tizmalari tomondan keladigan havo yo‘llari shaxsiy dala hovli va tartibsiz obektlar bilan yopib qo‘yilgan. Raqamli model esa aynan mana shu “yopiq klapanlarni” aniqlash imkonini beradi.
Yagona reglamensiz raqamli model xarita bo‘lib qoladi
Mutaxassis Aziz Qosimovning ta’kidlashicha, Toshkentda shamol yo‘nalishlari va shaharning tabiiy ventilyatsiyasini urbanistik modellashtirish orqali hisobga olgan holda rejalashtirishning eng maqbul yo‘llaridan biri binolarni yaxlit konsepsiya asosida kompleks tarzda loyihalash va qurishdir. Uning fikricha, bunday yondashuv shaharda havo aylanishini tabiiy tarzda ta’minlashga xizmat qiladi va zamonaviy, barqaror shaharsozlik yechimlari qatoriga kiradi.
Qosimov kompleks qurilish uchun minimal standartlar ijtimoiy infratuzilma, yashil hududlar, parking, transport yechimlari, xavfsizlik va servis talablari mavjud shaharsozlik normalarida belgilanganini qayd etadi. Biroq amalda ushbu me’yorlarni zamonaviy talablarga moslab yangilash va eng muhimi, ularni majburiy qiladigan yagona qurilish reglamentini ishlab chiqish zarur. Aks holda, raqamli modellar va xaritalar qaror qabul qilish vositasiga emas, shunchaki ma’lumot jamlanmasiga aylanib qolishi mumkin.
Shuningdek, shamol koridorlari, ochiq maydonlar va kvartal kompozitsiyasi bo‘yicha yangi talablar nuqtai nazaridan “Shahar bosh rejasi”ni qayta ko‘rib chiqish ham yana bir ijobiy qadam bo‘lar edi.
Toshkent qaysi yo‘ldan borishi kerak?
Dunyoda tez rivojlanayotgan megapolislar (Seul, Gonkong, Singapur, Istanbul, Dubay va hkz…) tajribasida qaysi rivojlanish modeli Toshkent sharoitiga eng mos? Aziz Qosimov shahar binolar yig‘indisi emas, ijtimoiy organizm. Uning qiyofasi va arxitekturasi undagi odamlarning qadriyatlari, urf-odatlari, yashash tarzi hamda geografiyasi bilan shakllanadi. Shu bois u “Seul, Dubay yoki Singapur modelini to‘liq ko‘chirish”dan ko‘ra, Toshkentga mos yechimlarni tanlab, o‘ziga xos gibrid yo‘l yaratish zarur deb hisoblaydi.
Shu bilan birga, Qosimov Toshkent sharoitiga yaqin bo‘lgan ikki analogni o‘rnak olish mumkin deb hisoblaydi:
1. Seul — aholi ko‘payishi fonida zichlikni samarali boshqarish va “smart” instrumentlar, ya’ni shaharni ma’lumotlar hamda boshqaruv tizimlari orqali monitoring va nazorat qilish tajribasi.
2. Istanbul — polisentrik (ko‘p markazli) rivojlanish modeli: shahar hayoti bitta markazga “qamalmay”, tumanlar kesimida muvozanatli tarzda tarqaladi.
Qosimov nazarida, Toshkent uchun eng maqbul yo‘nalishlardan yana biri “15 daqiqalik shahar” konsepsiyasi. Bunda insonning kundalik ehtiyojlari (ish, bog‘cha, poliklinika, do‘kon va servislar) uyi atrofida piyoda masofada bo‘lishi kerak. Bu yondashuv nafaqat tirbandlikni kamaytiradi, balki havoni ifloslantiruvchi avtomobillar oqimini ham sezilarli darajada jilovlaydi.
Vertikal rivojlanishda tejaladigan narsa faqat pul emas: vaqt, logistika, energiya va havo
Shuningdek, har ikki mutaxassis ham Toshkent uchun “eniga yoyilish”dan ko‘ra vertikal rivojlanish va zichlikni to‘g‘ri boshqarish foydaliroq ekanini qayd etadi. Poytaxtning “eniga yoyilishi” (ekstensiv o‘sish) iqtisodiy jihatdan juda qimmatga tushmoqda, shahar chetiga 1 km kanalizatsiya va elektr tarmoqlarini tortishdan ko‘ra, markazda vertikal rivojlanish va mavjud tarmoqlarni modernizatsiya qilish davlat budjeti uchun samaraliroq.
Urbanistlar vertikal va ixcham tuzilmaning iqtisodiy mantig‘ini uy–maktab–ish–tibbiyot–dam olish manzillari uzoq bo‘lsa, odam tirbandlikda ko‘proq turadi, yoqilg‘i ko‘proq sarflanadi, havo ko‘proq ifloslanadi va kunning katta qismi yo‘lga ketadi. Kundalik ehtiyojlar piyoda masofada bo‘lsa:
— vaqt tejaladi;
— biznes uchun logistika xarajatlari kamayadi;
— shahar uchun infratuzilma bosimi pasayadi;
— energiya tejamkorlik va ekspluatatsiya xarajatlarini boshqarish osonlashadi;
— zichlik esa yashil maydonlarni saqlash va yaratish imkonini ham oshiradi.
Lekin bu yerdagi asosiy “shart” ixchamlik shamol koridorlarini yopib qo‘ymasligi kerak. Shu sababli digital twin tashabbusi, aslida, “zichlik”ni inkor etmaydi; u zichlikni to‘g‘ri joylash va to‘g‘ri shakllantirish masalasiga aylantiradi.
Hiyla
Source link
2026-yil yanvar–mart oylarida 1 million 631 ming nafardan ortiq O‘zbekiston fuqarolari turizm maqsadida xorijga safar qildi. Milliy statistika qo‘mitasiga ko‘ra, bu ko‘rsatkich 2025-yilning mos davriga nisbatan 111,6 ming nafarga oshgan.
Ma’lum bo‘lishicha, asosiy safarlar qo‘shni davlatlar hissasiga to‘g‘ri kelmoqda. Jumladan, 2026 yilning dastlabki uch oyida eng ko‘p safar qilingan davlat Qirg‘iziston bo‘lib, 660 579 nafar fuqaro ushbu mamlakatga borgan.
Keyingi o‘rinlarda Qozog‘iston (284 024 nafar) va Tojikiston (282 040 nafar) qayd etilgan. Shuningdek, Saudiya Arabistoni 136 060 nafar bilan yuqori o‘rinni egallagan. Rossiya, Turkiya, BAA, Xitoy, Tailand va Misr ham eng ko‘p tanlangan yo‘nalishlar qatoriga kirgan.
Ma’lumot o‘rnida, 2026-yilning yanvar-mart oylarida 164 ta mamlakatdan jami 2 872 502 nafar chet el fuqarolari turistik maqsadlarda O‘zbekistonga tashrif buyurgan.
“Toshkent yog‘-moy kombinati” nomi bilan mashxur zavod bo‘lgan. Unda bir vaqtlar minglab odamlar ishlagan, ro‘zg‘or tebratgan. 2022 yilda kombinat xususiylashtirilib, 2025 yilda tugatilgan. Bu vaqtda kombinatning o‘nlab ishchilaridan qariyb 10 mlrd so‘m qarzi bo‘lgan. Mol-mulklari sotilib, binolari buzilib ketgan kombinatning qarzini qoplashga yaragulik xech vaqosi yo‘q. Hujjatda 2 ta yuk mashinasi bor: ularning ham qayerda ekani “noma’lum”.
Tarixiy zavodning tugatilishi
Bir vaqtlar Yashnobod tumanida “Toshkent yog‘-moy kombinati” nomi bilan mashxur zavod bo‘lgan. Davlat aktivlarini boshqarish agentligining Toshkent shahar hududiy boshqarmasi 2022 yil noyabrida “Toshkent yog‘-moy kombinati” aksiyadorlik jamiyatidagi 56 foiz davlat ulushini “Toyloq Toza Hudud” mas’uliyati cheklangan jamiyatiga sotgan.
Keyinroq, 2024 yil iyunida kombinatning aksiyadorlari uni ixtiyoriy tugatishga qaror qiladi va I.Irnazarov tugatish boshqaruvchisi etib tayinlanadi.
Tugatuvchining 2025 yil 21 yanvardagi onlayn arizasiga asosan jamiyat ixtiyoriy tugatish jarayoniga o‘tkazilgan va 2025 yil 21 may kuni Yashnobod tuman davlat xizmatlari markazi “Toshkent yog‘-moy kombinati” AJni davlat reyestridan chiqargan.
Haqdorlar bor edi…
Ammo bu paytda kombinatning o‘nlab ishchilari mehnat qonunchiligining qo‘pol buzilishlaridan jabr ko‘rayotgan, milliardlab haqlarini undira olishmayotgan edi.
Jumladan, Fuqarolik ishlari bo‘yicha Mirobod tumanlararo sudi “Toshkent yog‘-moy kombinati”dan uning turli sexlarida faoliyat yuritgan ellik nafardan ortiq ishchilariga ish beruvchining aybi bilan bekor turib qolgan vaqt uchun ish haqi va boshqa to‘lovlarni undirib berishni nazarda tutuvchi qarorlar chiqargan.
“O‘lgan o‘lolmagan” kombinat
Pulni undirishning yagona yo‘li kombinatni tiklash edi. Ishchilar bor harakatni shunga qaratishdi va sud orqali buning uddasidan chiqishdi.
Toshkent tumanlararo ma’muriy sudining 2025 yil 4 sentabrdagi hal qiluv qarori bilan “Toshkent yog‘-moy kombinati” AJni davlat reyestridan chiqarish va tugatish haqidagi vakolatli organ yozuvlari haqiqiy emas deb topildi.
«Juda katta hudud edi. Hozir mana shu katta hududni buzib tashlab, ko‘zimiz oldida bizni ishsiz qoldirib uy qurishyapti. Odamlarning ko‘z yoshi ustiga uy qurishyapti, ishsizligi ustiga uy qurishyapti. Biz aksionerlar bilan hisob-kitob qilishmadi. Noqonuniy bizni ishdan bo‘shatgani uchun oliy sud quyi instansiyalar ishga tiklab qo‘ydi, pullarimizni undirib berdi, lekin shularni ijro qilishdan bosh tortishyapti. Bizning huquqlarimizni poymol qilishyapti.
Biz aksiyadormiz ham, aksiyalarimiz ulushlarini bermasdan turib, biz bilan hisob-kitob qilmasdan turib, tugatib tashladi. Biz keyin ma’muriy sudga berdik. Sudyalar bizning tomonimizga hal qilib berishdi. Lekin huquqlarimizni poymol qilgan holda mablag‘larimizni, ish haqlarimizni to‘lab bermayapti. Rahbar o‘zini olib qochib yuribdi. Korxona rahbari, tugatuvchi Ernazarov Nodir. U bizga hozirda MIBda turgan sakkiz milliarddan oshiq pullarimizni to‘lab bermayapti», deydi murojaatchilardan biri Sanobar Qahhorova.
Ma’lumotlarga ko‘ra, ayni paytda sobiq korxona hududida yangi Bashkent turar joy majmuasi qurilyapti. Hududning sotilishida monetar aksiyadorlarning roziligi olinmagan.
“Kuchuklar bilan mazamizni qochirishdi”
«Qonuniy bizga chiqarib bergan oliy sudga, iqtisod sudiga, hammasiga rahmat. Lekin bizga nimagadir MIB yordam bermayapti. O‘sha pullarni qonuniy olishimizga yordam berishlarini so‘raymiz. Aksiyalarimiz ham 30 yil davomida bir marta olganman.
Ishdan bizlarni bo‘shatib yubordi. Bo‘shatganda ham bizlar hisob-kitob qilib, oxirida berishi kerak bo‘lgan hisob-kitoblarining hech qaysisini bergan yo‘q, bosh tortishdi hammasidan, chiqarib yuborishdi. Darvozadan kiramiz desak, bizlarni haydab kuchuklar bilan mazalarimizni qochirib qo‘yishdi», deb ta’kidlaydi Karima Murodova.
Undiruv MIBda
Xozir undiruv majburiy ijro buyurosi yurituvida – undiriladigan miqdor sal kam 10 mlrd so‘m atrofida.
Majburiy ijro byurosi markaziy mahkamasining Kun.uz’ga ma’lum qilishicha, Fuqarolik ishlari bo‘yicha Mirobod tumanlararo sudining tegishli qarorlariga asosan qarzdor “TOSHKENT YOG’-MOY KOMBINATI” AJdan 51 nafar fuqaro foydasiga jami 9 mlrd 896 mln so‘m qarz, davlat foydasiga 32 ta ijro xujjati bo‘yicha 382 mln 463 ming so‘m davlat boji, 12 nafar fuqarolarni ishga tiklash hamda 12 nafar fuqaro bo‘yicha ish haqilarni soliqda aks ettirish majburiyatini yuklash bilan bog‘liq ijro hujjatlari mavjud.
Kombinatda qo‘lga ilingulik xech vaqo yo‘q
Ma’lum bo‘lishicha kombinat nomida 2 ta:
– 1991 yilda ishlab chiqarilgan GBK 8350 rusumli
– 1993 yilda ishlab chiqarilgan “KAMAZ 53212” rusumli yuk va tirkama transport vositalari borligi aniqlangan.
MIB tomonidan tegishli tartibda taqiq qo‘yilib, qidiruv e’lon qilingan.
Kombinat yo‘q, o‘rnida «novostroyka»lar
Qiziq tomoni, Kombinat joylashgan Yashnobod tuman, Jarqo‘rg‘on ko‘chasi 47-uy manzilida Kombinatga tegishli bino va inshoatlar butkul buzib tashlangan, uning o‘rnida ko‘p qavatli turar joy binolari qurilmoqda. Shu sababli 7 nafar fuqarolarning “TOSHKENT YOG’-MOY KOMBINATI” AJga ishga tiklash to‘g‘risidagi ijro xujjatlari ijrosini ta’minlash imkoniyati bo‘lmagan.
Xullas, guvohi bo‘lganingizdek bir vaqtlar O‘zbekistonning qudratli korxonalaridan biri bo‘lgan kombinat bugun yo‘q – uning o‘nlab ishchilari esa haqini ololmay sarson, sargardon.
«Mening yoshim 29 da, sakkiz yoshli qizim bor. Boshqa farzandim yo‘q. Mana, bir necha yilki, turmush o‘rtog‘im bilan davolanmagan joyimiz qolmadi. Oilamiz to‘kis, erim juda yaxshi pul topadi. Ammo odamlarning menga nisbatan «tug‘mas» degan gaplari jonimga tegdi. Ba’zi qarindoshlar hatto, «ajrashinglar», deyishyapti. Qizimga maktabida bittasi «sening aka-ukang yo‘q, yolg‘izsan», debdi. Uyga kelib: «Oyijon, nega mening ukam, singlim yo‘q?» deya xafa bo‘ldi. Turmush o‘rtog‘im farzand asrab olishni taklif qilyapti. Lekin uni atrofdagilar keyinchalik asrandi deyishidan qo‘rqaman. Tavakkal qilaveraymi, nima deysiz?»
Yu.U.
Savol bergan bu ayolda ichki aybdorlik hissi kuchli. U «turmush o‘rtog‘imga farzand tug‘ib bera olmayapman», deb faqat o‘zini ayblayapti. Inson nimadan qo‘rqsa, ya’ni «falon ish bo‘lsa-ya, odamlar gapirsa-ya» deb qanchalik ko‘p gapiraversa, xuddi shu tashvishlar boshiga tushadi.
Aybdorlik hissi ko‘paygan sari farzandli bo‘lish imkoniyati ham kamayib boradi. Gap shundaki, bunday odam ichki noroziligi bilan birga Xudoga shukr qilmasdan, aksincha, «Qachon farzand berasan, berasanmi o‘zi?» deya uni koyigan bo‘lyapti.
Agar ayol farzandsizlikdan tamoman tushkunlikka tushgan bo‘lsa, bu holat ham onalikka erishish yo‘lida to‘siq sifatida xizmat qiladi. Aslida esa mazkur vaziyatga duch kelgan ayol ichki aybdorlik hissidan voz kechib, ko‘nglidagi e’tiqodi-yu ixlosi bilan harakat qilsa, atrofdagilarning gap-so‘zini yengib, boshi berk ko‘chadan g‘alaba bilan chiqishi mumkin.
Insonni har qanday murakkab vaziyatdan olib chiqadigan tuyg‘u, bu – ishonch. Shifokorlar tomonidan «tuzalmaydi» deb tashxis qo‘yilib, aynan hayotga bo‘lgan ishonchi tufayli sog‘ayib ketgan bemorlar buning yaqqol misolidir.
Savol bergan ayolga ham faqat ana shu ishonch yordam beradi. «Kim nima desa, desin. Mening fikrim ularnikidan ustun. Men qanday bo‘lmasin, farzandli bo‘laman. Istasam, farzand boqib olaman. Bu mening ishim, mening hayotim», – desin-u, o‘zining umr yo‘liga, xohishiga e’tiqodi kuchli bo‘lsin.
Qolaversa, birinchi farzandni dunyoga keltirgan ayolning yana bir bor ona bo‘lish imkoniyati shu muammodan aziyat chekayotgan ayollarga nisbatan ko‘proq. Savol egasini turmush o‘rtog‘i bilan birga nafaqat jismonan, balki ruhan tekshirib, psixologik tavsiyalarni ham berish kerak.
Baxtiniso Azimboyeva, shifokor-ruhshunos
Самарқанд вилоятида энергия ресурсларидан ноқонуний фойдаланиш ҳолатлари фош этилди.
Бош прокуратура ҳузуридаги Департаментнинг Жомбой тумани бўлими томонидан терговга қадар текширув ўтказилган. Унда фуқаро Ф.К.«Деҳқонобод» МФЙ ҳудудидаги дала ҳовлисида умумий фойдаланишдаги электр тармоғига тижорат мақсадида тўғридан-тўғри уланиб, 324,4 млн сўмлик электр энергиясидан ноқонуний фойдаланганлиги аниқланган.
Департаментнинг Каттақўрғон тумани бўлими томонидан ўтказилган терговга қадар текширувда «K.G.» МЧЖ раҳбари Г.М. “Навбаҳор” МФЙ ҳудудидаги ишлаб чиқариш цехида умумий фойдаланишдаги электр тармоғига тижорат мақсадида тўғридан-тўғри уланиб, 112,2 млн сўмлик электр энергиясидан ноқонуний фойдаланганлиги аниқланган.
Шунингдек, Департаментнинг Самарқанд шаҳар бўлими томонидан ўтказилган терговга қадар текширувда «Sh.S.» МЧЖ раҳбари Д.Ш. Самарқанд шаҳрида фойдаланишга топширилган кўп қаватли уйни умумий фойдаланишдаги табиий газ тармоғига ўзбошимчалик билан улаб, 241 млн сўмлик табиий газдан ноқонуний фойдаланганлиги аниқланган.
Мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда
Hiyla
Qashqadaryoliklar — “Media haftalik“ka marhabo!
Oliy taʼlim vazirligi til sertifikati talabini butunlay bekor qilishni rad etadi
-
Siyosat3 days ago
«Muruvvat» internat uylari «G‘amxo‘rlik» markazlariga aylantiriladi
-
Dunyodan2 days ago
Eron nega Hurmuzni yana qamal qildi?
-
Iqtisodiyot4 days ago21 mlrd so‘mdan ortiq davlat xaridlarida qonunbuzilishlar aniqlandi
-
Sport5 days ago«Real» turnirni tark etdi, «Arsenal» yarimfinalda. Kun o‘yinlari
-
Jamiyat4 days ago
Reklama qonunchiligini buzgan qurilish kompaniyalari jarimaga tortildi
-
Sport5 days ago
Shavkat Mirziyoyev Sindorovni telefon orqali tabrikladi
-
Siyosat2 days agoO‘zbekistonda bolalar va nogironligi bo‘lgan shaxslarni ijtimoiy qo‘llab-quvvatlash va himoya qilishni kuchaytirmoqda
-
Jamiyat3 days ago«World Content Market»da ilk bor O‘zbekiston milliy paviloni tashkil etildi