Sport
Avstriya 10 ta gol urdi, Niderlandiya va Daniyada ham yirik g‘alabalar. Kun o‘yinlari
JCh-2026 saralashi doirasida Yevropada payshanba oqshomida o‘tkazilgan o‘yinlar va guruhlardagi vaziyat.
L guruhi
Strategik durang
Chexiya – Xorvatiya 0:0
Chexiya: Kovarj, Vitik, Kreychi, Zeleni, Tsoufal, Cherv, Souchek, Shuls (Lingr, 76), Kushey (Vidra, 62), Provod (Cherni, 76), Xori
Xorvatiya: Livakovich, Chaleta-Tsar, Shutalo, Gvardiol, Yakich, Modrich, Suchich, Kramarich, Perishich (Fruk, 78), M. Pashalich (Ivanovich, 62), Budimir (M. Pashalich, 62)
Ogohlantirishlar: Suchich, 73. Kramarich, 76
Kunning markaziy bahsida L guruhi peshqadamlari o‘rtasida kechdi – birinchi davrada xorvatlar o‘z maydonida 5:1 hisobida ustun kelgandi, ammo Pragada kechgan uchrashuv muxlislarning hafsalasini pir qildi. Bu Yevropa saralash bosqichida ikki tomon ham gol urmagan yagona o‘yin bo‘ldi. Hatto xG ko‘rsatkichlari bo‘yicha ham jamoalarning birortasi bitta ham golga yaqin kela olishmadi (0,49 ga qarshi 0,77).
Bu strategik durangdan keyin ikki jamoada ham 13 tadan ochko bor, lekin xorvatlarning to‘plar nisbati yaxshiroq, qolaversa, bolqonliklar hisobida bitta zaxira o‘yini ham mavjud.
Farer orollari – Chernogoriya 4:0
Gollar: Serensen, 16 (1:0). Roganovich, 36 – avtogol (2:0). Serensen, 55 (3:0). Frederiksberg, 72 – penalti (4:0)
Farer orollari: Lamhauge, Vatnhamar, A. Edmundsson, Fere, Hendriksson Olsen (Turi, 68), Andreasen, Agnarsson, Danielsen (Benyaminsen, 82), Frederiksberg (Knudsen, 76), Serensen (Yustinussen, 76), Olsen (Y. Edmundsson, 68)
Chernogoriya: Nikich, Savich, Shipchich, Vukchevich, Roganovich (Bayovich, 66), Shimun, Perovich (Jukanovich, 59), Bakich, Adjich (Tsamay, 66), Krstovich, Osmaich (Kostich, 82)
Ogohlantirishlar: Shimun, 53. Vukchevich, 66
Kunning eng kutilmagan hisobi ham shu guruhda qayd etildi. Eydun Klaksteyn boshqaruvidagi Farer orollari jamoasi Torsxavndagi o‘yinda Chernogoriyani yirik hisobda mag‘lub etib, guruh peshqadamlarini ta’qib qilishga kirishdi. O‘yindagi birinchi golni mezbonlar qarshi hujumda urishdi, Syorensen raqib jarima maydoni ichida Vukchevichni osonlik bilan aldab o‘tdi va epizodni o‘z foydasiga hal qildi. Keyin farerliklar standart vaziyatni ijro etganida to‘p uchun kurash olib borgan Roganovich o‘z darvozasini ishg‘ol etib qo‘ydi. Ikkinchi bo‘lim boshida Syorensen yaqin masofadan bosh bilan aniq zarba yo‘llab, hisobni yiriklashtirdi. Bo‘lim davomida Frederiksberg penaltini aniq ijro etdi va Farer orollari jamoasi o‘z tarixidagi eng yirik g‘alabali hisobni takrorladi. Bungacha ular Lixtenshteyn bilan o‘yinlarda ikki bor yirik hisobda zafar quchgandi (5:1 va 4:0).
12 oktyabr. Farer orollari – Chexiya, Xorvatiya – Gibraltar.
14 noyabr. Gibraltar – Chernogoriya, Xorvatiya – Farer orollari.
17 noyabr. Chexiya – Gibraltar, Chernogoriya – Xorvatiya.
G guruhi
Depay yana gol urdi
Malta – Niderlandiya 0:4
Gollar: Gakpo, 12 – penalti (0:1). Gakpo, 49 – penalti (0:2). Reynders, 57 (0:3). Depay, 90+3 (0:4)
Malta: Bonello, Shou, Pepe, Kamenzuli, Korbalan, Giyome, Satariano (Overend, 73), Teuma (Rid, 84), Shuaref (Jons, 84), Mbong (Yankam, 73), Kardona (Tuma, 87)
Niderlandiya: Verbryuggen, Timber, van Deyk, van de Ven (Xartman, 84), Dyumfris, Reynders, de Yong (Depay, 67), Gravenberh, Gakpo (Simons, 84), Frimpong (Malen, 67), Vegxorst (Klyuyvert, 67)
Ogohlantirishlar: Kamenzuli, 37. Pepe, 47. Kardona, 55. Teuma, 83. Overend, 90 – van Deyk, 62. Depay, 74
Malta maydonidagi o‘yin Niderlandiya uchun kutilmagan holat bilan boshlandi. «To‘qsariqranglilar» jamoasi sardori van Deyk qo‘pol xatoga yo‘l qo‘yib, jarima maydoni ichida to‘pni raqibga topshirdi, ammo Mbong yakkama-yakka vaziyatdan foydalana olmadi. Keyin esa hakam mezbonlar darvozasi tomon uch marta penalti belgiladi, ulardan biri VAR orqali bekor qilindi, qolgan ikkitasida Gakpo ishonch bilan harakat qildi va terma jamoa safidagi gollari sonini 17 taga yetkazib, Rud Gullit va Mark Overmars bilan tenglashib oldi. U Reynders urgan uchinchi golda esa assistentlik qildi. Qo‘shimcha daqiqalarda esa Dumfris raqib jarima maydoni ichida ajoyib fint ishlatdi va Niderlandiya terma jamoasi tarixidagi eng yaxshi to‘purar Memfis Depayga navbatdagi golini urishda yordam berdi. Yirik g‘alabadan keyin Niderlandiya guruh peshqadamligini mustahkamladi.
Finlandiya – Litva 2:1
Gollar: Shirvis, 25 (0:1). Kelman, 48 (1:1). Marxiyev, 55 (2:1)
Finlandiya: Sinisalo, Ivanov, Lyaxteyenmyaki (Peltola, 83), Koski, Antman (Stol, 83), Alxo, Kayrinen, Valta (Keskinen, 83), Marxiyev (Lod, 61), Kelman (Terxo, 65), Poxyanpalo
Litva: Shvedkauskas, Tutishkinas, Girdvaynis, Armalas (Sirgedas, 77), Lasitskas, Shirvis, Vorobev, Gineytis, Doljnikov (Slivka, 60), Golubikas (Yankauskas, 60), Paulauskas (Petkevichyus, 77)
Ogohlantirishlar: Ivanov, 72. Keskinen, 90 – Doljnikov, 14
Niderlandlarning guruhdagi ta’qibchilaridan biri Finlandiya Litva bilan o‘yinda iroda ko‘rsatib, JCh yo‘llanmasi uchun kurashda qoladigan bo‘ldi. Ikkinchi bo‘lim boshida Kellmanning hisobni tenglashtiruvchi goli avvaliga ofsayd tufayli hisobga olinmagandi, ammo videotakrordan keyin to‘p unga raqibdan kelgani ma’lum bo‘ldi. Ko‘p o‘tmay Adam Marxiyev g‘alaba golini urdi. Finnlar safida sentabr oyida debyut qilgan ushbu yosh futbolchi uchinchi o‘yiniga kelib gollar hisobini ochdi, uning uncha kuchli bo‘lmagan, ammo aniq bo‘lgan zarbasidan keyin to‘p yuqori burchakka borib tushdi.
12 oktyabr. Litva – Polsha, Niderlandiya – Finlandiya.
14 noyabr. Finlandiya – Malta, Polsha – Niderlandiya.
17 noyabr. Malta – Polsha, Niderlandiya – Litva.
C guruhi
Glazgoda revansh
Shotlandiya – Gretsiya 3:1
Gollar: Tsimikas, 62 (0:1). Kristi, 64 (1:1). Fergyuson, 80 (2:1). Dayks, 90+3 (3:1)
Shotlandiya: Gann, Henli, Suttar, Roberson (Makkenna, 90+2), Hiki (Ralston, 58), Fergyuson, Makginn, Maktominay, Kristi (Tirni, 83), Douk (Gilmor, 58), Adams (Dayks, 83)
Gretsiya: Tzolakis, Kuliyerakis, Mavropanos, Tsimikas, Vayannidis, Kurbelis (Muzakitis, 83), Zafeyris (Mantalos, 83), Bakasetas (Konstantelias, 72), Tzolis, Masuras (Karetsas, 72), Pavlidis (Ioannidis, 72)
Ogohlantirishlar: Kristi, 72. Fergyuson, 90 – Kurbelis, 34. Zafeyris, 44. Tsimikas, 79. Ioannidis, 83
Bahorda «Hempden Park»da greklar Shotlandiyaning Millatlar ligasi oliy divizioniga chiqish umidlarini chilparchin etgandi (3:0). Bu safar ham barchasi mezbonlar uchun yoqimsiz ssenariyda boshlanishi mumkin edi, ammo o‘yin startida ellinlar jamoasi to‘purari Pavlidis darvozabon hududida turib, to‘pni to‘g‘ri yo‘llay olmadi. Lekin ikkinchi bo‘lim boshida chap qanot himoyachisi Tsimikas jarima maydonida paydo bo‘ldi va aniq zarba bilan hisobni ochdi. Shundan keyingina britanlar katta kuch bilan oldinga o‘tishdi va standart vaziyatlar orqali o‘yinda burilish yasashdi. Avvaliga Kristi muvozanatni tikladi, keyin Fergyuson jarima maydonidagi tartibsizlikdan foydalanib qoldi. Hisob 2:1 holatida tajribali darvozabon Gann 17 yoshli vunderkind Karetsasning murakkab zarbasini qaytarib, jamoasi g‘alabasini saqlab qolishga katta hissa qo‘shdi. Qo‘shimcha daqiqalarda esa greklar darvozaboni Tsolakis qo‘pol xatoga yo‘l qo‘ydi, u maydon tashqarisiga chiqib ketayotgan to‘pni maydonda saqlab qolishga urindi, ammo uni raqib futbolchisi Dayksga tashlab berdi. Natijada ellinlar guruhdagi ikki raqobatchisiga ham yutqazgan holda 3 ochko bilan uchinchi o‘rinda, Shotlandiya esa Daniya bilan birinchi o‘rin uchun kurashadi.
Belarus – Daniya 0:6
Gollar: Froholdt, 14 (0:1). Hoylund, 19 (0:2). Hoylund, 45 (0:3). Dorgu, 45+6 (0:4). Dreyyer, 66 (0:5). Dreyyer, 78 (0:6)
Belarus: Lapouxov, Zabelin, Parxomenko, Kapilevich, Pechenin, Pigas (Lisakovich, 79), Kalinin (Yablonskiy, 58), Ebong (Kuchko, 79), Korzun, Barkovskiy (Malashevich, 72), Melnichenko (Demchenko, 46)
Daniya: Shmeyhel, Andersen (Hoysberg, 46), Vestergor, Kristensen, Yulmann (Norgar, 64), Heyberg, Dorgu, Isaksen (Dreyyer, 64), Froholdt (Eriksen, 46), Damsgor, Hoylund (Vinn, 77)
Ogohlantirishlar: Pigas, 15. Barkovskiy, 34 – Heyberg, 5
Daniya esa o‘zi qilishi kerak bo‘lgan ishni qildi. Aniqroq aytganda, guruh autsayderi hisoblangan belaruslar maydonidan uch ochko bilan qaytdi, bunda uch futbolchining hissasini e’tirof etish kerak. Birinchi navbatda — boshlang‘ich tarkibdan o‘rin olgan 19 yoshli yarimhimoyachi Froholdtni, «Kopenhagen» yozda uni «Portu»ga 20 million yevroga pullagandi. U shu kuni terma jamoadagi ilk golini urdi va ikkinchi golda Hoylundga uzatma berdi. Rasmus «MYu»dan ketganidan keyin yuqori sport formasini namoyish etishda davom etmoqda. U «Napoli»ga kelganidan keyin o‘tgan mavsumda urgan gollari (4) sonini takrorlab ulgurdi.
12 oktyabr. Shotlandiya – Belarus, Daniya – Gretsiya.
15 noyabr. Gretsiya – Shotlandiya, Daniya – Belarus.
18 noyabr. Belarus – Gretsiya, Shotlandiya – Daniya.
H guruhi
Avstriya o‘nta gol urdi
Avstriya – San-Marino 10:0
Gollar: Shmid, 7 (1:0). Arnautovich, 8 (2:0). Gregorich, 24 (3:0). Posh, 30 (4:0). Posh, 42 (5:0). Laymer, 45 (6:0). Arnautovich, 47 (7:0). Vurmbrand, 76 (8:0). Arnautovich, 83 (9:0). Arnautovich, 84 (10:0)
Avstriya: Pens, Danso, Alaba (Fridl, 63), Prass, Posh (Grillich, 71), Zayvald (Shepf, 76), Laymer, Gregorich (Floruch, 63), Zabitser (Vurmbrand, 71), Shmid, Arnautovich
San-Marino: Kolombo, Chevoli, Valentini, Tozi, Matteoni (Sammaritani, 81), L. Kapikkioni, Latssari (Valli Kazadei, 46), Dzannoni (Mularoni, 67), Berardi (Vitayoli, 67), Kontadini (G. Kapikkioni, 73), Nanni
Ogohlantirishlar: Alaba, 86 – Berardi, 36. Valentini, 45. Matteoni, 65
Bu o‘yin haqidagi asosiy fakt – Avstriya terma jamoasi San-Marino darvozasiga 10 ta gol yo‘llagan holda, o‘z tarixidagi eng yirik g‘alabasiga erishdi. Mezbonlar g‘alabasini o‘yindan oldin ham taxmin qilish qiyin emasdi, shu bilan birga, ular uchun to‘plar nisbatini yaxshilab olish muhim edi. Natijada Arnautovich pokerni rasmiylashtirib, Avstriya tarixidagi eng yaxshi to‘purarga aylandi. Endi Markoning hisobidagi gollar soni 45 taga yetdi. U Toni Polsterni (44 gol) ortda qoldirdi.
Kipr – Bosniya va Gersegovina 2:2
Gollar: Katich, 10 (0:1). Mixail, 36 – avtogol (0:2). Laifis, 45+1 (1:2). Pittas, 90+7 – penalti (2:2)
Kipr: Mixail, S. Andreu, Laifis, Korrea (Pileas, 65), Shikkis, Artimatas (Kiriaku, 80), Kastanos, Xaralambus (Kakullis, 72), Tsionis (I. Andreu, 80), Loizu (Kutsakos, 80), Pittas
Bosniya va Gersegovina: Vasil, Muxaremovich, Katich, Muyakich (Burnich, 46), Dedich, Taxirovich (Beshirevich, 90), Shunich, Gigovich (Bashich, 65), Alaybegovich (Bayraktarevich, 65), Memich (Omerovich, 83), Djyeko
Ogohlantirishlar: Korrea, 9. Shikkis, 52 – Muyakich, 29. Alaybegovich, 45. Shunich, 63. Taxirovich, 81
12 oktyabr. San-Marino – Kipr, Ruminiya – Avstriya.
15 noyabr. Kipr – Avstriya, Bosniya – Ruminiya.
18 noyabr. Avstriya – Bosniya, Ruminiya – San-Marino.
Budapeshtdagi «Pushkash Arena» stadionida Parijning «Pari Sen-Jyermen» va Londonning «Arsenal» klublari o‘rtasida 2025/26 yilgi UYeFA Chempionlar ligasi finali bo‘lib o‘tdi.
Uchrashuvning 6-daqiqasida «Arsenal» futbolchisi Kay Xavers hisobni ochdi. 63-daqiqada Moskera jarima maydonida Kvaratsxeliyani yiqitdi va «Arsenal» darvozasi tomon penalti belgilandi. Dembele penaltini aniq bajarib, hisobni tenglashtirdi.
O‘yinnig asosiy vaqti va qo‘shimcha taymlarda darvozalar ishg‘ol etilmagach, penaltilar seriyasi belgilandi. Penaltilar seriyasida PSJ 5:4 hisobida g‘alaba qozondi.
Parijliklar «Real»dan keyin chempionlik unvonini himoya qilgan ikkinchi jamoaga aylanishdi. «Real» bu natijaga 2016/17 va 2017/18 yilgi mavsumlarda erishgandi.
Jamoalar o‘tgan mavsum yarim finalida o‘zaro to‘qnashgandi. O‘shanda Luis Enrike boshchiligidagi jamoa har ikki o‘yinda g‘alaba qozonib, ikki uchrashuv natijasiga ko‘ra 3:1 hisobida ustun kelgan. Keyin esa finalda “Inter”ni 5:0 hisobida mag‘lub etib, klub tarixida ilk bor Chempionlar kubogini qo‘lga kiritgandi.
Jamoalar bugunga qadar jami besh marta to‘qnash kelgan. O‘tgan mavsum yarim finaliga qadar parijliklar biror marta ham g‘alaba qozonmagan edi. O‘tgan mavsum umumiy bosqichda «Arsenal» g‘alaba qozongan, 2016/17 yilgi musobaqada esa raqiblar ikki marta durang o‘ynagan.
Budapeshtgacha bo‘lgan yo‘lda jamoalar turlicha uslubda harakat qildi. «Arsenal» himoyadagi ishonchli o‘yini bilan ajralib turdi. «To‘pchilar» to‘qqizta uchrashuvda o‘z darvozasini daxlsiz saqladi va umumiy bosqichda atigi to‘rtta gol o‘tkazib yubordi.
«PSJ»ning asosiy quroli esa hujumdagi samaradorlik bo‘ldi. Parijliklar ushbu musobaqada 1999/2000 yilgi Chempionlar ligasida 45 ta gol urgan «Barselona» rekordini takrorladi.
«Arsenal»ning yuksalishi bosqichma-bosqich kechdi: 2023/24 mavsumda chorak final, keyingi mavsumda yarim final va endi esa 2005/06 yildan beri ilk marta final.
E’tiborlisi, har ikki jamoa bu yilgi mavsumda o‘z mamlakatlari birinchiligida chempionlikni qo‘lga kiritishdi.
Toshkentda o‘tkazilayotgan dzyudo bo‘yicha Osiyo kubogida o‘smirlar o‘rtasidagi bahslar yakunlandi.
Unda O‘zbekiston terma jamoasi a’zolari 13 ta oltin, 9 ta kumush va 17 ta bronza medal bilan umumjamoa hisobida birinchi o‘rinni egallashdi.
Bugundan yoshlar toifasidagi bahslar boshlanadi.
Ispaniyaning «Real» futbol klubi ketma-ket beshinchi marta Forbes jurnali tomonidan dunyoning eng qimmat klubi deb topildi.
Foto: Gustavo Valiente/Xinhua/Getty Images
Madrid klubining qiymati 9,5 milliard dollarga baholanmoqda, bu o‘tgan yilga nisbatan (6,75 milliard dollar) 41 foizga ko‘pdir.
Kuchli uchlikka «Barselona» ($7,5 mlrd) va «Manchester Yunayted» ($7,2 mlrd) ham kirdi. Eng qimmat klublar o‘ntaligida quyidagilar bor: «Liverpul» ($6,2 mlrd), «Pari Sen-Jyermen» ($5,8 mlrd), «Bavariya» ($5,7 mlrd), «Manchester Siti» ($5,5 mlrd), «Arsenal» ($5,4 mlrd), «Chelsi» ($4,2 mlrd) va «Tottenhem» ($3 mlrd).
Forbes reytingiga jami 30 ta klub kiritilgan bo‘lib, ularning umumiy qiymati 87 milliard dollarga yetgan. Bitta klubning o‘rtacha qiymati 2,9 milliard dollarni tashkil etdi, bu 2025 yilga (2,4 milliard dollar) nisbatan 21 foizga ko‘pdir.
Ro‘yxatdagi eng ko‘p vakil Angliya Premer-Ligasidan (APL) – 11 ta klub, undan keyin Shimoliy Amerikaning MLS ligasidan 7 ta klub va Italiya A Seriyasidan 4 ta klub.
O‘tgan mavsumda «Real» so‘nggi besh yil ichida birinchi marta sovrinsiz qoldi. Madridliklar Ispaniya chempionatida «Barselona»dan keyin ikkinchi o‘rinni egalladi, shuningdek, 1/8 final bosqichida «Albasete»ga 2:3 hisobida mag‘lub bo‘lib, Ispaniya Kubogidagi kurashni yakunladi. «Real» mamlakat Superkubogida «Barselona»ga yutqazdi (2:3).
Shuningdek, klub ketma-ket ikkinchi yil Chempionlar Ligasi yarimfinaliga chiqolmadi. Jamoa 1/4 final bosqichida Myunxenning «Bavariya» klubiga yutqazdi.
2027 yilgi U-20 Osiyo Kubogi saralash bosqichiga qur’a tashlandi.
Qur’a natijalariga ko‘ra, O‘zbekiston U-20 terma jamoasi «B» guruhidan joy oldi. Jamoliddin Rahmatullayev boshchiligidagi yosh futbolchilar saralash bahslarida Suriya, Hindiston va Bangladesh terma jamoalariga qarshi maydonga tushadi.
Eslatib o‘tamiz, O‘zbekiston U-20 terma jamoasi ishtirokidagi saralash uchrashuvlari 2026 yilning 25 avgustidan 6 sentyabriga qadar Toshkent shahrida bo‘lib o‘tadi.
Foto: Jonathan Ernst/Reuters
FIFAning yangi biznes modeli muxlislarni ranjityapti. Inflatsiyani hisobga olgan taqdirda ham, AQSh, Kanada va Meksikada o‘tadigan bu galgi jahon chempionati chiptalari narxi 2022 yil Qatardagi turnirdan ikki baravar, 1994 yil AQShdagi musobaqaga nisbatan esa qariyb to‘rt baravar qimmatroq. The Economist’ning yozishicha, o‘zgargan narx siyosati katta tavakkalga asoslangan. Chiptalar hali to‘liq sotilib bo‘lingani yo‘q va mezbon shaharlardagi mehmonxonalar to‘lmagan. Yuqori narxlar savdo pasayishi oqibatida yuzaga kelgan zararni qoplasa ham, FIFAning ko‘proq daromad keltiradigan boshqa manbalariga salbiy ta’sir qilishi mumkin.
Xalqaro futbol federatsiyasi prezidenti Janni Infantino FIFAni “dunyoga baxt ulashuvchi tashkilot” deya ta’riflaydi. Ammo, bu yil Shimoliy Amerikada o‘tadigan Jahon chempionatida bu “baxt” qimmatga tushishi mumkin, deb yozadi The Economist.
Mundial guruh bosqichi o‘yinlari uchun eng arzon chiptalar narxi o‘rtacha 200 dollarni, final uchrashuvi chiptalari esa kamida 2030 dollarni tashkil etadi. Bu esa 2026 yildagi chempionatni tarixdagi eng qimmat madaniy tadbirga aylantirishi mumkin.
Odatda jahon chempionati o‘yinlari uchun chiptalar bozor ko‘tara oladigan narxdan ancha arzon sotib kelingan. Turnir tarixi davomida talab har doim taklifdan yuqori bo‘lib keladi. Shunday bo‘lsa-da, ko‘proq pul ishlash o‘rniga, FIFA narxlarni oddiy muxlislar sotib oladigan darajada ushlab kelgan va chiptalarni lotereya ko‘rinishida tarqatgan. Tashkilot moliyaviy barqarorligi uchun chipta tushumidan ko‘ra, translatsiya va homiylik huquqlari ancha muhimroq ahamiyat kasb etadi.
Bu yil esa vaziyat boshqacha. Ilk bor FIFA chiptalar savdosini mahalliy tashkilotchilarga topshirish o‘rniga, bevosita o‘z nazoratiga oldi. Tashkilot “dinamik narxlash” tizimini joriy qildi, ya’ni talab oshgani sari chiptalar narxi ham ko‘tariladi. Shuningdek, rasmiy qayta sotuv platformasi ishga tushirildi va u yerda xaridor ham, sotuvchi ham amalga oshirilgan savdo uchun 15 foizlik komissiya to‘laydi.
Inflatsiyani hisobga olgan taqdirda ham, AQSh, Kanada va Meksikada o‘tayotgan bu galgi Jahon chempionati chiptalari narxi 2022 yil Qatardagi turnirdan ikki baravar, 1994 yilgi AQSh turniriga nisbatan esa qariyb to‘rt baravar qimmatroq.
Final o‘yini uchun ayrim chiptalar qayta sotuv bozorida hatto 2 million dollargacha qimmatlashgan. Besh karra jahon chempioni — Braziliya terma jamoasi muxlislari o‘z futbolchilarining guruh bosqichidagi uchta o‘yinini tomosha qilish uchun qayta sotuv bozorida taxminan 3 800 dollar sarflashiga to‘g‘ri keladi — bu barcha mamlakatlar ichida eng yuqori ko‘rsatkich. Hatto Jahon chempionatida ilk bor qatnashayotgan Kabo-Verde muxlislari ham qariyb 1000 dollar to‘lashi kerak. Taqqoslash uchun, bu yilgi Yevropa Chempionlar ligasi finalining kattalar uchun eng arzon chiptasi 200 dollardan taklif etildi.
The Economist’ning qayt etishicha, FIFAning yangi narx siyosati katta tavakkalga o‘xshab ko‘rinyapti. Birinchidan, chiptalar hali to‘liq sotib bo‘lingani yo‘q va mezbon shaharlardagi mehmonxonalar to‘lmagan. Ayrim o‘yinlar uchun qayta sotuvdagi narxlar keyinchalik pasayishi mumkin. Ammo chiptalar arzonlashguncha, ko‘plab muxlislar safarga borish umididan voz kechish ehtimoli bor. Energetika inqirozi sabab aviachiptalar narxi keskin oshib boryapti.
Yuqori narxlar savdo pasayishi oqibatida yuzaga kelgan zararni qoplasa ham, bu FIFAning yanada daromadliroq manbalariga salbiy ta’sir qilishi mumkin. To‘la stadionlar teleekranda o‘yinlarni jozibador qiladigan shovqin va ajoyib atmosferani yaratadi. Xalqaro futbol federatsiyasi o‘tgan yil klublar o‘rtasidagi jahon chempionati vaqtida ham noqulay holatga tushgandi: tomoshabin kam kelgan o‘yinlarda muxlislar televizion kameralar tomon ko‘chirilgani haqida xabarlar tarqalgandi. Tadqiqotlar shuni ko‘rsatadiki, boyroq muxlislar sokinroq bo‘lishadi va stadionda hissiyotlarini kamroq namoyon qiladi. Masalan, 2022 yilgi amerikancha futbol ligasi muhiti “korporativ kechki ovqat”ga o‘xshatilgandi.
To‘g‘ri, boylar tobora ko‘proq pullarini qimmatbaho buyumlarga emas, balki “hayotda bir marta bo‘ladigan” jarayonlar uchun sarflashni afzal ko‘ra boshlashgan. Bu FIFA uchun yaxshi yangilikdek tuyuladi. Muammo shundaki, aynan shu boy muxlislarning o‘zi ular izlayotgan o‘sha noyob jarayonning jozibasini kamaytirib yuborishi mumkin.
oziq-ovqat narxlari nega oshib boryapti?
MIT PhD dasturiga 100 foizlik grant yutgan Munisa Jumanova hikoyasi
Turkiya g‘arbida avtobus halokatida sakkiz kishi, jumladan, go‘dak ham halok bo‘ldi
-
Iqtisodiyot4 days ago1 dollar ≠ 1 so‘m ≠ 1 rubl. Valutalar qiymati nega har xil?
-
Sport4 days agoForbes dunyoning eng serdaromad sportchilari reytingini e’lon qildi
-
Iqtisodiyot3 days agoBirjada bug‘doy va sement narxi pasaydi
-
Jamiyat4 days agoBuxoroda YTH sodir qilgan haydovchi 10 sutkaga qamaldi
-
Sport5 days agoKamilla Rahimova «Rolan Garros» turnirini g‘alaba bilan boshladi
-
Iqtisodiyot3 days ago1,5 mlrd dollarlik oltin sotuvi va keskin oshayotgan go‘sht importi
-
Dunyodan4 days agoAQSh Eronning raketa inshootlariga hujum qildi
-
Iqtisodiyot4 days ago
O‘zbekistonda oilaviy korxonalar soni 36 mingtadan oshdi