Sport
“Yoritgich nuridagi quyon”dan “Manchester Siti” himoyasi ustunigacha… BBC nashri Abduqodir Husanov haqida
BBC nashri Abduqodir Husanov haqida maqola e’lon qildi. Unda yosh himoyachining “Manchester Siti” safidagi faoliyati, debyutidagi qiyinchiliklar, tezligi va aqlli o‘yin uslubi haqida hikoya qilinadi.
Premer-ligada to‘p surgan ilk o‘zbekistonlik futbolchi
Abduqodir Husanov “Manchester Siti” safidagi debyutini dahshatli tushdek boshdan kechirdi, to‘rtinchi daqiqadayoq qator xatolarga yo‘l qo‘ydi.
2025 yil yanvar oyida “Chelsi”ga qarshi o‘yinda 33 million funt sterlingga xarid qilingan himoyachining jiddiy xatosi raqibning birinchi goliga sabab bo‘ldi. Ko‘p o‘tmay, u sariq kartochka ham oladi.
O‘sha noxush startdan keyin “Manchester Yunayted”ning sobiq himoyachisi Gari Nevill “yigit uchun yig‘lagim keldi”, deya fikr bildirdi. Keyinchalik “Siti”ning “Real Madrid”ga qarshi Chempionlar ligasidagi mag‘lubiyatidan so‘ng Angliya terma jamoasining sobiq darvozaboni Pol Robinson Husanovni “yoritgich nurida qotib qolgan quyonga o‘xshardi”, deb ta’rifladi.
Biroq joriy mavsumda “Siti” barcha to‘rt musobaqada chempionlik uchun kurashayotgan bir paytda markaziy himoyachi dastlabki muvaffaqiyatsizliklarni unutib, jamoa himoya chizig‘ining asosiy ustunlaridan biriga aylandi. Bosh murabbiy Pep Gvardiola uni “yuqori saviyadagi futbolchi” deb atadi.
21 yoshli himoyachi uch yil ichida Belarus ligasidan Angliya Premer-ligasigacha bo‘lgan hayratlanarli yo‘lni bosib o‘tdi.
U Angliya elita divizionida o‘ynagan ilk o‘zbekistonlik futbolchi bo‘ldi va yozda bo‘lib o‘tadigan Jahon chempionatida mamlakat sharafini himoya qiladi.
Husanov “juda aqlli” futbolchi
Bu mavsumda u “Siti” safida barcha musobaqalarda 22 marta maydonga tushdi. “Manchester Yunayted” (birinchi davrada) va “Nyukasl” mag‘lub etilgan bahslarda, shuningdek, o‘tgan yakshanba kuni “Enfild”da amaldagi chempion “Liverpul” ustidan qozonilgan irodaviy g‘alabada qatnashdi.
Gvardiola o‘yindan keyin uning Muhammad Saloh va Ugo Ekitike kabi nomdor hujumchilarga qarshi ajoyib o‘yin ko‘rsatganini ta’kidladi. Biroq ikkinchi bo‘limda Husanov “Siti” darvozaboni Janluiji Donnarumma bilan to‘qnashib ketganidan so‘ng almashtirildi.
Husanovning eng katta ustunligi uning tezligi. U joriy mavsumda soatiga 22 mil (taxminan 35 km/soat) tezlikka chiqqan — bu Premer-ligadagi himoyachilar orasida oltinchi ko‘rsatkich. “Vulverxempton” futbolchisi Jekson Chatchua 23,2 millik natija bilan yetakchilik qilmoqda.
Bu mavsumda Husanov 17 bor to‘pni olib qo‘yish va 18 bor to‘sib qolini amalga oshirdi. Har ikki ko‘rsatkich bo‘yicha u “Siti” futbolchilari orasida ikkinchi o‘rinda. U Ruben Diash, Yoshko Gvardiol va Jon Stounz safdan chiqqan pallada jamoa himoyasida muhim vazifani bajardi.
Husanov Manchesterga kelganida ingliz tilini deyarli bilmasdi. Seshanba kuni til masalasi haqida so‘ralganda, Gvardiola shunday javob berdi: “U hali Uilyam Shekspirdek gapirmaydi, ammo kun sayin yaxshilanyapti. Nimani istashimizni tushunadi va har safar yaxshiroq o‘ynayapti. U juda aqlli.”
Tabiatan kamgap Husanov odatda o‘z so‘zini maydonda aytadi: ortiqcha bezaksiz, qat’iy va ishonchli uslubda.
Mavsum davomidagi o‘sishi shu darajada bo‘ldiki, u yanvar oyida “Siti”ning eng yaxshi futbolchisi sovriniga sazovor bo‘ldi.
Albatta, to‘p bilan muomala qilganda ayrim muxlislarda hali ham biroz xavotir uyg‘otadi, balki bunga debyutdagi o‘sha o‘yin xotirasi sababdir. U hali yosh va tajriba jihatidan pishib yetilishi kerak, ammo Gvardiola uning yorug‘ kelajagiga shubha qilmaydi.
“Odatda jismoniy kuchli futbolchi ko‘p o‘ylab o‘tirmaydi, deyishadi. Ammo u har ikkala sifatga ham ega. Shuning uchun to‘p bilan o‘ynashi ham yaxshilanib bormoqda. Bu meni uning yana o‘sishiga ishontiryapti.
Menimcha, u yanada rivojlanadi. Qayta takrorlayman ’Manchester Siti’ ko‘p yillar uchun ishonchli markaziy himoyachiga ega bo‘ldi”, deydi klub ustozi.
Zamonaviy futbol uchun bebaho tezlik
Futbol taktikasi bo‘yicha tahlilchilarning ta’kidlashicha, Husanovning eng ajralib turadigan jihati bu uning tezligi. Zamonaviy futbolda bu sifat beqiyos ahamiyatga ega.
“Siti” murabbiylar shtabida Pep Leynders kabi mutaxassislar yuqori bosim (pressing) va ofsayd tuzog‘iga asoslangan agressiv taktikani qo‘llamoqda. Bunday xavfli uslub Husanov kabi tezkor himoyachi bilan ancha ishonchli ko‘rinish oladi.
Bu imkonsiz ko‘ringan pozitsiyadan turib ham Husanov MYu yarim himoyachisi Brunu Fernandeshning Mbemoga uzatgan to‘pini qaytara olgandi.
U raqibni ofsaydga tushirish uchun oldinga chiqib ulguradi yoki uzun uzatmalarda orqaga yugurib, xavfni bartaraf etadi. U har 90 daqiqada o‘rtacha 17,85 marta sprint amalga oshiradi — bu ligadagi markaziy himoyachilar orasida eng yuqori ko‘rsatkich.
Eng yaxshi jamoalar orqa chiziqdan hujum qurishda texnik mahoratga suyanadi. Ammo bu himoya uchun qiyin tanlov yaratadi: qo‘shimcha himoyachini ortda qoldirish yoki pressingni kuchaytirish. Husanovning tezligi va o‘yinni o‘qish qobiliyati “Siti”ga kamroq futbolchi bilan ham samarali bosim o‘tkazish imkonini beradi.
“Bo‘rilar” “Siti”ning pressingini chetlab o‘tmoqchi bo‘ladi, ammo Xusanov markazdan qanotga chiqib, uzatmani to‘xtatadi.
Himoyachilarga qarshi raqiblar odatda yugurib o‘tishga urinadi. Biroq Husanovning zehni va vaziyatni to‘g‘ri baholash qobiliyati duelga kirish yoki orqaga chekinish kerakligini aniq belgilashga yordam beradi.
Uning agressiv uslubi bahslarga sabab bo‘lsa-da, aynan shu xususiyat uni yuqori himoya chizig‘ida samarali futbolchiga aylantiradi. Ayrim hollarda u raqibni to‘xtatish uchun oldinga chiqadi, boshqa paytda esa xavfli zonaga yugurayotgan ikkinchi hujumchini hisobga olib, orqaga chekinadi va jamoasiga zarur sug‘urtani ta’minlaydi.
Husanov to‘pni qabul qilib olgan Ekitike bilan duelga chiqishdan aqlli ravishda voz kechdi, chunki u Gakponing yorib kirishini payqadi. Ortga yugurish orqali u Gakponing darvozabon bilan birga-bir chiqib ketishini to‘xtata oldi.
Qisqasi, “fara nuridagi quyon” deb ta’riflangan yigit qisqa fursatda Angliya futbolida o‘z so‘zini aytayotgan, O‘zbekiston futboli uchun esa yangi sahifa ochgan markaziy himoyachiga aylandi.
Futbolchilar va murabbiylar shtabi mundial davomida Atlanta shahrida istiqomat qiladi va mashg‘ulotlarni «Atlanta Yunayted» klubiga qarashli bazada olib boradi.
Atlanta (AQSh) shahri jahon chempionati davomida O‘zbekiston milliy jamosi qarorgohi bo‘ladi, deb xabar berdi O‘FA.
Futbolchilar va murabbiylar shtabi mundial davomida Atlanta shahrida istiqomat qiladi va mashg‘ulotlarni «Atlanta Yunayted» klubiga qarashli bazada olib boradi.
Guruhdagi raqiblar – Portugaliya Palm Bich Gardensga, Kolumbiya esa Kolambus shahriga joylashadi.
Turnir davomida FIFA tomonidan 61 ta lokatsiya tanlangan bo‘lib, ular musobaqa ishtirokchilarining istiqomat qilishi va mashg‘ulot o‘tkazishi uchun mo‘ljallangan.
Qarorgohlar milliy jamoalar o‘yinlari o‘tkaziladigan shahar va stadionlar geografiyasidan kelib chiqib belgilanadi. Guruh bosqichi davomida ishtirokchilar boshqa shaharlarga maxsus charter reyslari orqali yetib borib, o‘yin yakunlangach o‘z qarorgohiga qaytadi.
JCh-2026 o‘yinlari AQSh, Kanada va Meksika stadionlarida 11 iyun – 16 iyul kunlari bo‘lib o‘tadi.
O‘zbekiston milliy jamoasi guruh bosqichida 17 iyun kuni Kolumbiya bilan Mexiko (Meksika) shahrida, 23 iyun kuni Portugaliya bilan Xyuston (AQSh) shahrida, 27 iyun kuni saralashdan o‘tgan jamoa (Kongo DR/Yamayka/Yangi Kaledoniya) bilan Atlanta shahrida o‘ynaydi.
O‘yin davomida ikki futbolchisidan ayrilgan kataloniyaliklarga yana bitta gol yetmay qoldi. «Atletiko» uzoq kutilgan sovrinni qo‘lga kiritishi mumkin.
Foto: Alex Caparros/Getty Images
«Barselona» – «Atletiko» 3:0
Gollar: Bernal, 29 (1:0). Rafinya, 45+5 – penalti (2:0). Bernal, 72 (3:0)
«Barselona»: Garsiya, Kubarsi, Martin, Joau Kanselu, Kunde (Balde, 13, Arauxo, 71), Pedri, Bernal, Fermin Lopes (Olmo, 64), Rafinya, Yamal, Torres (Reshford, 64)
«Atletiko»: Musso, Gansko, Pubil, Rudjyeri, Liorente, Kardozo, Koke (Molina, 58), Lukman (Syorlot, 58), Simeone (Ximenes, 76), Grizmann, Alvares (Baena, 69)
Ogohlantirishlar: Olmo, 66. Joau Kanselu, 67. Yamal, 90 – Baena, 90
«Barselona» tarix yaratishga yaqin keldi: Ispaniya Kubogi yarimfinali javob uchrashuvida «Atletiko» 3:0 hisobida mag‘lub etildi, ammo kambek uchun yana bitta gol yetmay qoldi.
Birinchi o‘yinda 4 gol ustunligini yuzaga keltirgan Simeone jamoasi 2013 yildan buyon ilk bor Ispaniya kubogi finaliga chiqdi. Ammo u shogirdlari ko‘rsatgan o‘yindan qoniqish hosil qilgani dargumon.
«Barsa» tanaffusgacha ikkita gol urdi. Ammo Kundedan ayrildi
«Barsa» kutilganidek ilk daqiqalardan oldinga tashlandi. 13-daqiqadayoq jarohat tufayli Jyulya Kunde safdan chiqdi.
Ammo jamoa o‘yin tempini tushirmadi va bosim qilishda davom etdi: Ferran Torres ikkita yaxshi vaziyatdan foydalana olmadi, 29-daqiqada esa Lamin Yamal o‘zini ko‘rsatdi – u ikki raqibdan osonlik bilan qochib ketib, to‘pni darvozabon hududiga oshirdi, u yerda Mark Bernal barchadan ildamroq harakat qildi va deyarli bo‘sh qolgan darvozani ishg‘ol etdi.
Shundan keyin «Barsa» tempni biroz tushirdi. «Atletiko» bir necha qiziqarli hujumlar uyushtirdi: masalan, jamoaning yangi forvardi Ademola Lukman hisobni tenglashtirishga yaqin keldi. Ammo Simeone shogirdlari o‘z vaziyatlaridan foydalana olmadi, kataloniyaliklar esa tanaffus arafasida oradagi farqni ikkitaga oshirdi – Rafinya penaltini aniq ijro etdi.
11 metrlik jarima zarbasini esa Pedri ishladi: madridliklar himoyachisi Mark Pubil uni jarima maydoni ichida yiqitdi.
O‘yindan oldingi matbuot anjumanida Hansi Flik finalga chiqish uchun har bir bo‘limda ikkitadan gol urish vazifasi turgani haqida gapirgandi. «Barsa» vazifaning birinchi qismini bajardi.
Ikkinchi bo‘lim: ikkinchi jarohat, uchinchi gol va qo‘rqib ketgan Simeone
Ikkinchi bo‘limda «Barselona» uchinchi golni urishga qiynaldi. Jamoa qariyb yarim soat mobaynida Simeone jamoasining quyi blokini yorib o‘tishga behuda urindi.
71-daqiqada esa «Barsa»da ikkinchi majburiy o‘zgarish ro‘y berdi – birinchi bo‘limda Kunya o‘rniga tushgan Alexandro Balde o‘rnini Ronald Arauxoga bo‘shatib berdi. Biroz o‘tib kataloniyaliklar hisobni 3:0 ko‘rinishiga keltirishdi – va bu hujumda urugvaylik himoyachi raqiblardan birini o‘ziga jalb qildi va Bernal dublni rasmiylashtirishiga yordam berdi.
Vaziyat VAR orqali ko‘rib chiqilib, futbolchi ofsaydda emasligi tasdiqlandi va gol inobatga olindi.
«Barsa» kambek amalga oshirishiga yana bir gol qolgandi. O‘yinning so‘nggi qismini Simeone maydon chetida xavotir bilan kuzatishiga to‘g‘ri keldi.
«Atletiko» butun o‘yin mobaynida jarima maydoni atrofida himoyalandi va yakunda to‘rtinchi golni o‘tkazib yubormaslikni uddaladi.
«Barselona» turnirni chiroyli tarzda tark etdi. «Atletiko» esa 2013 yildan buyon ilk bor Ispaniya kubogini qo‘lga kiritish uchun harakatni davom ettiradi. Simeone shogirdlariga finalda «Real Sosiyedad» va «Atletik» juftligi g‘olibi raqib bo‘ladi.
Infantino bayonoti Meksika xavfsizlik kuchlarining «Yangi avlod Xalisko» karteli rahbariga qarshi operatsiyasi tufayli yuzaga kelgan zo‘ravonliklar fonida yangradi.
Xalqaro futbol federatsiyasi (FIFA) prezidenti Janni Infantino so‘nggi paytlarda mamlakatdagi xavfsizlik bilan bog‘liq muammolarga qaramay, Meksikaning 2026 yilgi Jahon chempionati o‘yinlarini muvaffaqiyatli o‘tkazish salohiyatiga to‘liq ishonishini aytdi.
Infantinoning ta’kidlashicha, Meksika prezidenti Klaudiya Sheynbaum bilan telefon orqali muloqotdan so‘ng, mezbon mamlakatga «to‘liq ishonch» bildirgan va rejalashtirilgan barcha o‘yinlar jadvalga muvofiq o‘tishini ta’kidlagan. Meksika AQSh va Kanada bilan birgalikda final turnirining 13 ta o‘yiniga mezbonlik qiladi.
FIFA rahbarining bayonoti Meksika xavfsizlik kuchlarining «Yangi avlod Xalisko» karteli rahbariga qarshi operatsiyasi tufayli yuzaga kelgan zo‘ravonlik fonida yangradi, bu esa bir qator mintaqalarda, jumladan, bo‘lajak chempionat stadionlari joylashgan shtatlarda to‘qnashuvlarga olib keldi.
Infantino vaziyat nazorat ostida ekanini ta’kidlab, Meksikadagi o‘yinlarni tashkil etish «muammosiz» o‘tishiga va tarixdagi eng keng ko‘lamli va inklyuziv jahon chempionatining bir qismi bo‘lishiga ishonch bildirdi.
Meksika rasmiylari, shuningdek, muxlislar, jamoalar va turnir mehmonlari xavfsizligini ta’minlash uchun barcha zarur choralarni ko‘rayotganiga ishontirdi.
Eslatib o‘tamiz, O‘zbekiston milliy jamoasi tarixda birinchi marta jahon chempionatida ishtirok etishga tayyorlanmoqda va o‘yinlardan birini 17 iyun kuni Meksika poytaxti Mexiko shahridagi «Atsteka» stadionida Kolumbiyaga qarshi o‘tkazishi kerak.
JCh-2026 o‘yinlari AQSh, Kanada va Meksika stadionlarida 11 iyun – 16 iyul kunlari bo‘lib o‘tadi.
Alonsoni bo‘shatish va o‘rniga Arbeloani olib kelish xato tanlov bo‘lib chiqdi. Madridliklar «Osasuna» ortidan «Xetafe»ga ham mag‘lub bo‘ldi. «Barselona» bilan oradagi farq oshmoqda.
«Real» – «Xetafe» 0:1
Gol: Satriano, 39 (0:1)
«Real»: Kurtua, Alaba (Karvahal, 55), Ryudiger, Karreras, Aleksandr-Arnold (Hausen, 55), Tshuameni (Dias, 87), Pitarch (Rodrigu, 55), Arda Guler (Mastantuono, 69), Vinisius Junior, Valverde, Garsiya
«Xetafe»: Soriya, Boseli, Duarte, Romero, Riko, Iglesias, Milya, Arambarri, Satriano (Abkar, 90+1), Kiko Femeniya (Liso, 58), Vaskes (Martin, 69)
Ogohlantirishlar: Hausen, 68. Tshuameni, 71. Vinisius Junior, 90. Karreras, 90 – Kiko Femeniya, 8. Arambarri, 35. Riko, 64. Liso, 79. Satriano, 84
Chetlatish: Mastantuono, 90. Liso, 90 (ikkinchi sariq)
Ispaniya Superkubogi uchun bahsda yutqazgan va Ispaniya kubogini erta tark etgan «Real» Ispaniya chempionatidagi vaziyatini ham og‘irlashtirdi – jamoa la liganing bu mavsumida ilk bor qatorasiga ikki o‘yinda yutqazdi. O‘tgan turda «Osasuna» maydonidan mag‘lub bo‘lgan Alvaro Arbeloa shogirdlari uyda «Xetafe»dan ham ochko ololmadi.
Jamoa to‘purari Kilian Mbappening tizzasidagi jarohat jiddiy bo‘lib chiqdi va u yana kamida bir oy jamoaga yordam bera olmaydi. Arbeloa uning o‘rniga hujum markazida Gonsalo Garsiyani o‘ynatmoqda. Shuningdek, Bellinghem va Kamavinganing jarohati klubning boshqa bir tarbiyalanuvchisi – 18 yoshli Tiyago Pitarchga asosiy tarkib uchun yo‘l ochdi.
«Real» ilk daqiqalardan to‘pga egalik qildi va pozitsion hujumlar uyushtirdi, «Xetafe» chuqur himoyalandi: mehmonlar o‘z uslubidan chekinmasdan, yakkakurashlarga e’tibor qaratdi, ko‘p fol ishlatdi va to‘pni shunchaki uzoqlashtirish bilan shug‘ullandi. Maydonda har bir to‘p uchun kurash kechdi. 26-daqiqada esa Antonio Ryudiger va Diyego Riko o‘rtasidagi epizod mezbonlar son jihatdan ozchilik bilan yakunlanishi mumkin edi: «Real» himoyachisi yerda yotgan raqibi ustiga o‘zini tashladi va ochiqchasiga tizzasi bilan uning jag‘ qismiga zarba berdi. Hakam vaziyatni e’tiborsiz qoldirdi.
39-daqiqada esa mehmonlar kutilmaganda hisobni ochishdi. Shu qishda «Lion»dan ijaraga olingan forvard Martin Satriano jarima maydoni atrofida to‘pga ega chiqdi va uni to‘xtatmasdan yaqin to‘qqizlikka yo‘lladi. Kurtua joyidan qimirlashga ulgurmadi.
Ikkinchi bo‘lim boshida Arbeloa uchtalik almashtirish amalga oshirdi: Pitarch, Alaba va Trent o‘rniga Rodrigo, Hausen va Karvahal tushirildi. Madridliklar ko‘plab golli vaziyatlar yaratishdi, ammo mehmonlar himoyachilari va darvozabon ishonchli harakat qildi. «Xetafe» to‘liq himoyalandi va minimal ustunlikni o‘yin oxirigacha saqlab qoldi.
O‘yinning so‘nggi qismida Arbeloa maydon chetida turib, o‘z futbolchilari asabini jilovlay olmasdan, energiya va vaqtini behuda sarflashini shunchaki kuzatib turdi. Bu daqiqalarda «Xetafe» maydonning raqib darvozasi joylashgan qismidan umuman ketmadi, chunki «Real» futbolchilari jarima maydoni atrofida ketma-ket fol ishlatishdi, mehmonlar esa bundan foydalanib, vaqt cho‘zishdi.
Murabbiy futbolchilariga provokatsiyaga berilmaslik haqida kerakli ko‘rsatmalarni bermadi va bu yakunda Mastantuono qizil olishi bilan yakunlandi. O‘yindan keyingi matbuot anjumanida esa murabbiy yana bir bor barcha aybni o‘z zimmasiga olish bilan cheklandi va amalda yanvarda Habi Alonso iste’foga chiqarilib, uning o‘rniga o‘zi tayinlangani xato qaror bo‘lganini tan oldi.
Bu mag‘lubiyat «Real»ning chempionlik poygasidagi imkoniyatlariga jiddiy zarba bo‘ldi. Madridliklar ikki tur oldin «Barselona»ni quvib o‘tib, birinchi o‘ringa chiqib olgandi, endi esa peshqadamdan to‘rt ochkoga ortda qolmoqda. La Liga oxirigacha yana 12 tur bor.
Chempionlar ligasida ham vaziyat yaxshi emas: jamoa guruh bosqichidan to‘g‘ridan to‘g‘ri pley-offga o‘ta olmadi va qo‘shimcha ikki o‘yin o‘tkazishiga to‘g‘ri keldi. Natijada pley-offda qiyinroq raqibga qarshi o‘ynashga to‘g‘ri keladi: qur’a yana bir bor «Manchester Siti»ni raqib qilgan.
Statistika
● «Real» La Ligada qatorasiga ikkinchi bor yutqazdi. Jamoa o‘tgan turda «Osasuna»dan mag‘lub bo‘lgandi.
● «Real» yil boshidan buyon ilk bor maydonni golsiz tark etdi. Natijada madridliklarning 18 o‘yindan iborat golli o‘yinlar seriyasi yakunlandi. Jamoa so‘nggi bor o‘tgan yil 7 dekabrida «Selta»ga qarshi o‘yinda gol urolmagandi (0:2).
● «Bernabeu»da 7 o‘yindan iborat g‘alabali seriya yakunlandi. «Real» dekabrda «Selta» va «Manchester Siti»ga qarshi mag‘lubiyatlardan keyin o‘z maydonidagi shuncha o‘yinda qatorasiga g‘alaba qozongandi.
● «Real» «Xetafe»ga qarshi so‘nggi 9 o‘yinda ilk bor ochko yo‘qotdi. Ushbu jamoaga qarshi g‘alabali seriya 2022 yildan buyon davom etayotgandi.
● «Xetafe» bosh murabbiyi Pepe Bordalas o‘z faoliyatida ilk bor «Real»ni mag‘lub etdi. U bunga 17-o‘yinda erishdi, bungacha u jamoasi boshqaruvida 14 o‘yinda yutqazib, 2 bor durang qayd etgandi.
Ispaniya va Argentina futbol federatsiyalari Yaqin Sharqdagi keskin vaziyat tufayli Finalissimani Qatardan boshqa davlatga ko‘chirish masalasini ko‘rib chiqmoqda.
Har ikki tomon ayni damda muqobil imkoniyatlarni baholamoqda va yaqin kunlarda rasmiy bayonot berishi kutilmoqda.
Ma’lumot uchun: Finalissima (Janubiy Amerika va Yevropa chempioni o‘rtasidagi o‘yin) 2026-yil 27-mart kuni Qatarning «Lusayl» stadionida o‘tkazilishi kerak edi. Ammo mintaqadagi xavfsizlik muammolari sabab uning o‘tkazilishi so‘roq ostida turibdi.
Qatar futbol assotsiatsiyasi mintaqadagi qurolli to‘qnashuvlar fonida barcha turnirlarni noma’lum muddatga to‘xtatgan. UEFA va KONMEBOL vaziyatni kuzatmoqda, ammo hozircha o‘yin rasman bekor qilinmagan.
AQSh “Rosneft”ning Germaniyadagi shu’ba kompaniyasini sanksiyalardan chiqaradi
Iroq neft qazib olishni deyarli to‘xtatdi
Endi ilovalar orqali bank kartalariga pul o‘tkazilganda o‘tkazma maqsadini ko‘rsatish kerak bo‘ladi
-
Jamiyat5 days ago10:10 “Hovlimizda doim bahor” – angrenlik qulupnaychi
-
Jamiyat5 days ago
55 metrli shokoladli poyezd Ginnesning rekordlar kitobiga kiritildi
-
Iqtisodiyot3 days agoYanvarda tashqi savdo aylanmasi 1,3 mlrd dollarga oshdi
-
Jamiyat5 days ago1200 dollarga “prava” olib berishni va’da qilgan shaxs ushlandi
-
Siyosat3 days agoEnergetika vazirligi 1 martdan tabiiy gaz narxi oshishi haqidagi mish-mishlarni rad etadi
-
Iqtisodiyot3 days agoTaxiatosh IES davlat ixtiyoriga qaytariladi
-
Jamiyat3 days agoTurkiyada yana bir o‘zbekistonlik ayol o‘ldirilgani taxmin qilinmoqda
-
Iqtisodiyot2 days ago
O‘zbekiston–Yaponiya: startaplar yo‘nalishida hamkorlik imkoniyati mavjud