Jamiyat
Yo‘ldagi e’tiborsizlik ikki yosh hayotiga zomin bo‘ldi
Toshkent shahri, Yangihayot tumanida sodir bo‘lgan dahshatli yo‘l-transport hodisasi ikki nafar yosh inson hayotiga nuqta qo‘ydi. To‘y arafasida turgan, kelajak rejalari bilan yashab turgan unashtirilgan yoshlar bir lahzalik beparvolik qurboniga aylandi.
Sudda ko‘rib chiqilgan ushbu ish, nafaqat, huquqiy, balki og‘ir insoniy fojea sifatida ham barchani larzaga soldi.
Joriy yilning 9-yanvarida Jinoyat ishlari bo‘yicha Sergeli tuman sudi binosida 2025-yil 31-avgustiga o‘tar kechasi sodir bo‘lgan hodisa bo‘yicha Toshkent shahar, Yangi hayot tuman sudi ishi ko‘rib chiqildi. Ushbu muhokama sud zalida to‘planganlarda og‘ir tassurot qoldirdi. JIB Yangihayot tuman sudi sudyasi Sherzod Amirovning «Xabar.uz»ga ma’lum qilishicha, sodir bo‘lgan yo‘l-transport hodisasi ikki nafar yosh inson hayotiga zomin bo‘lgan. Sud hukmi esa bu fojeaning huquqiy nuqtasini yakunlagan.
Holatga ko‘ra, ikki yoshning umr yo‘li bir lahzada uzilgan. Ular hayot qurish arafasida, to‘y rejalari, orzular va umidlar bilan yashab turgan unashtirilgan yoshlar edi. Biroq, ularni manzilga qadar olib ketayotgan haydovchining mashina boshqarishdagi beparvoligi, tezligi va rul ortidagi bir soniyalik e’tiborsizligi ikki yoshning kelajagini ham, ikki oilaning baxtini ham yo‘q qildi.
Toshkent shahri, Yangihayot tumani, Qo‘rg‘ontepa ko‘chasida tungi soat 03:20 larda sodir bo‘lgan navbatdagi avtohalokat juda og‘ir fojea bo‘ldi. «Cobalt» rusumli avtomashinani boshqarib kelayotgan 27 yoshli fuqaro J.M. aholi punktlarida belgilangan tezlik me’yoridan ancha oshib, soatiga 80-90 kilometr tezlikda harakatlangan. U harakat davomida avtomashinasi saloni old o‘rindig‘i ostiga tushib ketgan telefoniga chalg‘igan va boshqaruvni yo‘qotgan. Avtomashina yo‘lning ajratuvchi bo‘lagida o‘rnatilgan temir-beton ustunga kuch bilan uriladi. Juda kuchli ushbu zarba ta’sirida old o‘rindiqda o‘tirgan fuqaro A. J. voqea joyidayoq, jon taslim qilgan.
Sud-tibbiy ekspertizasi uning tanasidagi jarohatlarni qayd etdi: bosh, ko‘krak va qorin sohalarida o‘tmas qattiq zarbadan kelib chiqqan og‘ir shikastlar, bosh miyaning ochiq jarohati, kalla gumbazi, asosi va yuz suyaklarining bo‘laklanib sinishi, miya pardalari ostiga va yon qorinchalariga qon quyilishi, miya to‘qimasining ezilishi. Shu bilan birga, A.J. ning o‘pka, yurak va jigari lat yegan. Jigari yorilgan, qorin bo‘shlig‘ida ichki qon ketish kuzatilgan. Peshona, iyak va o‘ng qo‘l sohalari ezilib-yirtilgan, butun tanasida ko‘plab shilinmalar va qontalashlar mavjud bo‘lgan. Ekspertlar bunday jarohatlar insonda tirik qolish imkoniyatini, deyarli, qoldirmasligini ta’kidladi.
Sud hujjatlarida qayt etilishicha, avtomashinaning orqa o‘rindig‘ida o‘tirgan qiz marhum A.J.ga unashtirilgan M.I. bo‘lgan. M.I. hayot uchun o‘ta xavfli ahvolda shifoxonaga yetkazilgan. U besh kun davomida jonlantirish bo‘limida hayot uchun kurashdi. Biroq, uning ham olgan jarohatlari o‘ta og‘ir edi: bosh miyaga qon quyilishi, o‘pka va yurak lat yeyishi, qovurg‘alarning sinishi, yelka va ikki oyoq son suyaklarining ochiq sinishi, tananing ko‘plab joylarining ezilib-yirtilishi. Posttravmatik shok va ichki a’zolarning shikastlanishi oqibatida, M.I. ham oradan 5 kun o‘tgach, vafot etgan. Shu tariqa turmush qurishni niyat qilgan ikki yosh bir fojeaning qurboni sifatida olamdan ko‘z yumdi.
Sud jarayonida marhumlarning yaqinlari bu fojea, nafaqat, farzandlaridan, balki, kelajakdagi qudalik, nevaralar, umidlardan ham mahrum qilganini og‘riq bilan so‘zlashgan. Shuningdek, jabrlanuvchilarning qonuniy vakillari, marhumlarning yaqinlari sudlanuvchi tomonidan hodisadan so‘ng na ma’naviy, na moddiy yordam ko‘rsatilmaganini ta’kidlab, qonun doirasida qat’iy chora ko‘rishni so‘rashgan. Sud J.M.ning bu xatti-harakatlariga ham huquqiy baho bergan.
J.M. sudda aybiga to‘liq iqror bo‘lib, qilgan ishidan pushaymon ekanini aytdi. Biroq, sud qayd etganidek, inson hayotiga yetgan zararni hech qanday pushaymonlik orqaga qaytara olmaydi. Sud uning harakatlarini O‘zbekiston Respublikasi Jinoyat kodeksining 266-moddasi 3-qismi «a» bandi bilan – transport harakati xavfsizligi qoidalarini buzib, ikki nafar inson o‘limiga sabab bo‘lish sifatida baholadi.
J.M. 8 yil muddatga ozodlikdan mahrum etildi. Shuningdek, 3 yilga transport vositasini boshqarish huquqidan mahrum bo‘ldi. Jazoni manzil-koloniyada o‘tashi belgilandi.
«Bu fojea sud hukmi bilan yakunlandi, ammo yo‘qotilgan ikki yosh hayotni hech qanday jazo ortiga qaytara olmaydi. Rul ortidagi har bir inson shuni anglashi kerakki, bir soniyalik e’tiborsizlik, ayniqsa telefonga chalg‘ish, butun boshli oilalar taqdiriga qora nuqta qo‘yishi mumkin. Yo‘l qoidalari — shunchaki talab emas, inson hayotini asrash vositasidir»,-dedi JIB Yangihayot tuman sudining sudyasi Sherzod Amirov.
«Toshkent-AERO» IBK Kontrabandaga qarshi kurashish shu’basi xodimlari tomonidan Davlat xavfsizlik xizmati va Ichki ishlar idoralari vakillari bilan hamkorlikda poytaxtimizda sifati kafolatlanmagan tibbiy buyumlarning noqonuniy realizatsiyasiga qarshi navbatdagi tezkor tadbir o‘tkazildi.
Tezkor tadbirda oldindan shubha ostiga olingan shaxsning Yangihayot tumanidagi xonadoni belgilangan tartibda va xolislar ishtirokida ko‘zdan kechirilganida, bu yerda 38 nomdagi 3613 turli tibbiy buyumlar noqonuniy ravishda saqlanayotgani fosh bo‘ldi.
Ushbu holatda olib qo‘yilgan tibbiy buyumlar murakkab jarrohlik amaliyotlarida qo‘llaniladigan stent, kateter va yana boshqa turdagi buyumlar inson hayoti uchun juda muhim va shu bilan bir qator yuqori xavf guruhiga kiruvchi buyumlar hisoblanadi.
Masalan, sifati kafolatlanmagan stentning qon tomiri ichida to‘g‘ri ishlamasligi xastalikni kuchaytirishi, bemor organizmiga mos kelmasligi, allergik reaksiyalar, tromb hosil bo‘lishi yoki hatto infarktga olib kelishi mumkin.
Qolaversa, maxsus sharoitlarda tashilishi va saqlanishi talab etiladigan tibbiy buyumlarning oddiy xonadonda saqlanishini hech narsa bilan oqlab bo‘lmaydi.
Dastlabki hisob-kitoblarga ko‘ra mazkur holatda olib qo‘yilgan tibbiy buyumlarning jami qiymati 1 mlrd 100 mln so‘mdan oshmoqda.
Holat yuzasidan bojxona tekshiruvlari davom ettirilmoqda.
Eslatib o‘tamiz, bojxona organlari tomonidan joriy yilning o‘tgan davrida aniqlangan 484 ta holatda qiymati 18 mlrd. so‘mlik dori vositalari va tibbiy buyumlarning bojxona chegaralari orqali noqonuniy ravishda olib o‘tilishi va ichki hududdagi yashirin aylanmasigan chek qo‘yilgan.
2026-yilning yanvar oyida O‘zbekistonga 14 ta xorijiy davlatdan qiymati 3,8 mln AQSh dollariga teng bo‘lgan 2 570 tonna choy import qilingan.
Milliy statistika qo‘mitasi ma’lumotlariga ko‘ra, ushbu mahsulotning mamlakatga import hajmi 2025-yilning mos davriga nisbatan 421 tonnaga kamaygan.
2026-yilning ilk oyida O‘zbekistonga eng ko‘p choy yetkazib bergan davlatlar:
Xitoy – 2 122 tonna;
Qozog‘iston – 123 tonna;
Eron – 113,4 tonna;
Keniya – 97,6 tonna;
Indoneziya – 41,8 tonna;
Boshqa davlatlar – 72,3 tonna.
Shvetsiya poytaxti Stokgolm shahri markazidagi «Zayd ibn Sulton al-Nahayyon» masjid-majmuasida O‘zbekiston delegatsiyasi va Shvetsiya diniy peshvolari o‘rtasida samimiy muloqot bo‘lib o‘tdi.
Uchrashuvda O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Yangi O‘zbekistondagi diniy islohotlar haqida so‘zlab berdi. Ayniqsa, yurtimiz masjidlarida mo‘min-musulmonlar uchun qilingan sharoitlar, turli hududlarda Qur’on kurslari faoliyat ko‘rsatayotgani, mintaqada yagona bo‘lgan Fatvo markazi xizmat ko‘rsatishi, imomlar va qorilarning xorij safarlari shvetsiyalik soha vakillarida katta qiziqish uyg‘otdi.
Muftiy hazratlari o‘z so‘zi davomida Ramazon hayiti arafasida Davlatimiz rahbari tomonidan Islom sivilizatsiyasi markazi va Imom Buxoriy masjid-majmuasi xalqimizga tuhfa etilganini aytish barobarida mezbon davlat vakillarini mazkur muhtasham majmualar bilan yaqindan tanishish uchun O‘zbekistonga taklif etdilar.
Muloqot davomida masjid bosh imomi Mahmud Xalfiy O‘zbekistonning tarixi buyukligi, bu diyordan yetishib chiqqan mutafakkirlar dunyo rivojiga ulkan hissa qo‘shgani, xususan, Imom Buxoriy, Imom Termiziy, Imom Moturidiy kabi ulamolar diniy ilmlar rivojiga hissa qo‘shgan bo‘lsa, Beruniy, Ibn Sino, Mirzo Ulug‘bek singari olimlar dunyo ilm-fani rivojiga katta ta’sir ko‘rsatgani, bugun ham bu diyor taraqqiy etayotganini e’tirof etdi.
Shvetsiya Tashqi ishlar vazirligi maxsus vakili Kristian Kamil o‘z so‘zida O‘zbekiston va Shvetsiya davlatlarining o‘xshash jihatlari ko‘pligini ta’kidlab, ikki davlat delegatsiyalarining o‘zaro muloqoti davomida katta natijalarga erishilayotganini ta’kidladi.
Muloqot samimiy va ko‘tarinki ruhda o‘tdi.
Ular O‘zbekistonda yirik miqdorda firibgarlik jinoyatini sodir etgani uchun xalqaro qidiruvda bo‘lgan.
Foto: Istanbuldagi bosh konsulxona
Turkiyada ikki nafar O‘zbekiston fuqarosi qo‘lga olindi. Bu haqda O‘zbekistonning Turkiyadagi Bosh konsulligi xabar qildi.
Xabarga ko‘ra, 40 yoshli T.R. va 38 yoshli F.A. O‘zbekistonda yirik miqdorda firibgarlik jinoyatini sodir etgani uchun xalqaro qidiruvda bo‘lgan.
Ular Ichki ishlar vazirligi xodimlari tomonidan qabul qilinib, sud oldida javobgarlikka tortilishi uchun O‘zbekistonga qaytarilgan.
Ta’kidlanishicha, so‘nggi yillarda O‘zbekiston va Turkiya huquqni muhofaza qiluvchi organlari o‘rtasidagi amaliy hamkorlik izchil rivojlanib bormoqda. Ushbu yo‘nalishda jinoyatchilikka qarshi kurashish, xalqaro qidiruvda bo‘lgan shaxslarni aniqlash va ularni javobgarlikka tortish borasida samarali natijalarga erishilmoqda.
“Hozirgi kunda ham mamlakatimiz hududida turli jinoyatlar sodir etib, Turkiya hududida yashirinib yurgan boshqa shaxslarni aniqlash va qo‘lga olish bo‘yicha tegishli tezkor-qidiruv hamda huquqiy choralar davom ettirilmoqda”, deyiladi konsullik xabarida.
Ko‘chirib o‘tqazilgan daraxtlarning 107 tupi qurib qolgan va tabiatga 881 million 268 ming so‘m miqdorida zarar yetkazilgan.
Ekologiya va iqlim o‘zgarishi milliy qo‘mitasi Davlat ekologik nazorat inspeksiyasiga kelib tushgan murojaat asosida Toshkent shahri Shayxontohur tumanidagi Abu Ali ibn Sino ko‘chasi hududida o‘rganish ishlari olib borildi.
O‘rganish ishlari davomida yopiq kollektor hududida 108 tup daraxt noqonuniy ko‘chirib o‘tqazilganligi va ularning 107 tupi qurib qolganligi aniqlandi.
Ta’kidlanishicha, bu daraxtlar yuzasidan Toshkent shahar ekologiya bosh boshqarmasiga murojaat qilingan va boshqarma tomonidan rad javobi berilgan. Ammo daraxtlar noqonuniy tarzda ko‘chirib o‘tqazilgan.
Huquqbuzarlik natijasida tabiatga 881 million 268 ming so‘m miqdorida zarar yetkazilganligi hisoblandi.
Holat yuzasidan to‘plangan hujjatlar huquqni muhofaza qiluvchi organlarga taqdim etish uchun tayyorlanmoqda.
Toshkentda 1,1 mlrd so‘mlik tibbiy buyumlarning noqonuniy saqlanganlik holati fosh etildi
Prezident Tramp Hormuz boʻgʻozini ochish haqidagi soʻrovni yana keyinga qoldirdi
O‘zbekistonliklar yanvar oyida «import choy» 3,8 mln dollar sarflagan
-
Dunyodan4 days ago
Prezident Tramp Eronga Hormuz boʻgʻozini ochish uchun 48 soat vaqt berdi
-
Jamiyat3 days ago
O‘zbekistonliklar qaysi mamlakatlarga eng ko‘p safar qilmoqda (top-10)
-
Turk dunyosi5 days agoBuyuk Britaniya Tashqi ishlar vazirligi Gretsiya, Turkiya, Kipr va Dubayga sayohatlar haqidagi soʻnggi maʼlumotlarni eʼlon qildi
-
Jamiyat5 days agoO‘zbekistonda taksichilarni aldashning yangi firibgarlik usuli fosh etildi
-
Dunyodan4 days ago
Eron tarixidagi eng katta banknotalar muomalaga chiqariladi
-
Dunyodan2 days ago
Maskat va Toshkent oʻrtasida toʻgʻridan-toʻgʻri reyslar yoʻlga qoʻyiladi.
-
Iqtisodiyot5 days agoO‘zbekiston eksporti 35 yilda qariyb 19 barobarga oshdi
-
Iqtisodiyot3 days agoO‘zbekistonda kichik AES qurilishi Rossiya kompaniyalarini 24,7 mlrd dollargacha buyurtmalar bilan ta’minlaydi – Lixachyov