Iqtisodiyot
Yangilangan statistikada gaz qazib olishda 3,3 mlrd kublik tafovut paydo bo‘ldi
2024 yilda O‘zbekistonda gaz qazib olish hajmi 44,6 mlrd kubdan 41,3 mlrd kubga kamaytirildi. O‘rtadagi farq – 3,3 mlrd kub metrni tashkil etib, bu qiymat jihatdan taxminan 650-700 mln dollarga teng bo‘lishi mumkin. Raqamlarning birdan o‘zgarib qolgani bo‘yicha mas’ul davlat tashkilotlarining hech biri izoh bergani yo‘q.
2024 yilda O‘zbekistonda gaz qazib chiqarish 4,5 foiz emas, balki 11,5 foizga kamaygani ma’lum bo‘lyapti. Xususan, 2025 yil yakuni bo‘yicha e’lon qilingan sanoat statistikasiga ko‘ra, 2024 yilda 41,3 mlrd kub, 2024 yil yakuni bo‘yicha e’lon qilingan hisobotda esa 2024 yilda 44,6 mlrd kub gaz qazib olingani ko‘rsatilgan. O‘rtadagi farq – 3,3 mlrd kub.
Yangilangan raqamlarga ko‘ra, 2021-2025 yillarda O‘zbekistonda gaz qazib olish quyidagicha o‘zgargan:
3,3 mlrd kub gaz qo‘shib yozilganmidi yoki bu xatolikmi?
Iqtisodchi Otabek Bakirov 3,3 mlrd kub gaz bir oylik qazib olish hajmiga teng bo‘lishiga urg‘u berib, mustaqil o‘rganishlar va surishtiruvlar o‘tkazish kerakligi haqida yozdi.
«E’lon qilingan ma’lumotlar to‘g‘ri bo‘lsa, 2024 yil ko‘rsatkichlariga kamida 3,3 mlrd kub gaz qo‘shib yozilgan yoki xatolik bo‘lib chiqadi (agar xatolikka yo‘ysak, yillik qazib olishga nisbatan 8 foiz yoki naq bir oylik qazib olinadigan gaz hajmi).
3,3 mlrd kub gaz mintaqamizdagi shakllangan narxlarda 650-700 mln dollarlik gaz degani. Buni qanaqadir xatolik bilan izohlash yo ko‘z yumish qiyin, ehtimolki, kalavaning uchini kimdir topsa, bu raqam gaz qazib olish, importi va eksporti o‘rtasidagi o‘rtamchi sxemalar uchun tenglamaning javobi bo‘ladi (o‘zlashtirilgan subsidiyalarning ham). Bir yil o‘tguncha hech kim bilmaganmi? Lekin buning uchun mustaqil o‘rganishlar va surishtiruvlar kerak, agarda kalavaning uchi rostdanam qiziq bo‘lsa. Yangi raqamlar asos qilib olinsa, 2024 yilda gaz qazib olish 5,4 mlrd kubga qulagan bo‘lib chiqadi», deydi iqtisodchi.
Kun.uz vaziyatga aniqlik kiritish maqsadida Milliy statistika qo‘mitasi bilan bog‘landi, ammo aniq javob ololmadi. Shu bilan birga, mazkur holat bo‘yicha na Energetika vazirligi, na Iqtisodiyot va moliya vazirligi, na «O‘zbekneftgaz» rasmiy munosabat bildirgani yo‘q.
Eslatib o‘tamiz, o‘tgan yilning dekabr oyi o‘rtalarida avvaliga O‘zbekiston prezidentining energetik xavfsizlik bo‘yicha vakili Alisher Sultonov, keyin esa «O‘zbekneftgaz» AJ rahbari Bahodir Siddiqov ishdan olingandi.
O‘zbekiston Prezidenti Shavkat Mirziyoyev «Wabtec» kompaniyasi direktorlar kengashi raisi va bosh ijrochi direktori Rafael Santanani qabul qildi. Bu haqda Prezident matbuot xizmati xabar berdi.
Uchrashuvda mamlakatda temir yo‘l infratuzilmasi va tranzit salohiyati rivojlanayotganini hisobga olib, lokomotivlar parkini yangilash va kengaytirish masalalari ko‘rib chiqildi.
AQSh moliya institutlari ishtirokida lokomotivlarni uzoq muddatli servis xizmati bilan birga yetkazib berish imkoniyatlari muhokama qilindi.
Shuningdek, O‘zbekistonda texnik xizmat ko‘rsatishni yo‘lga qo‘yish, butlovchi qismlar ishlab chiqarish va mutaxassislar tayyorlash masalalari ko‘rib chiqildi.
Tog‘-kon korxonalari karer texnikasiga xizmat ko‘rsatuvchi servis markazini tashkil etish hamda dizel-generator qurilmalari bo‘yicha hamkorlik qilishga ham e’tibor qaratildi.
«Wabtec» lokomotivlar, temir yo‘l texnikasi, raqamli va servis yechimlarini ishlab chiqarish bo‘yicha jahondagi yetakchi kompaniyalardan biri hisoblanadi. Kompaniya Markaziy Osiyo mamlakatlarida ham loyihalarni amalga oshirmoqda.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Milliy statistika qo‘mitasi ma’lumotlariga ko‘ra, 2026-yil yanvar–iyul oylarida O‘zbekistonga 46 davlatdan qariyb 28,5 ming tonna shokolad mahsulotlari olib kirilgan.
Import qilingan mahsulotlarning umumiy qiymati 123,7 mln AQSh dollarini tashkil etgan. Bu o‘tgan yilning mos davriga nisbatan 1,6 ming tonnaga yoki 6 foizga ko‘p.
Import hajmi bo‘yicha Rossiya keskin ustunlik qilgan. Yilning dastlabki yetti oyida Rossiyadan O‘zbekistonga 19,5 ming tonna shokolad mahsulotlari yetkazib berilgan.
Rossiyadan kelgan shokolad mahsulotlari umumiy importning qariyb 70 foizini tashkil etgan. Keyingi o‘rinda Ukraina bo‘lib, undan 2,2 ming tonna mahsulot import qilingan.
Qozog‘istondan 914 tonna, Belarusdan 805,2 tonna shokolad mahsulotlari olib kirilgan. Litvadan import 746,2 tonnani tashkil etgan.
Turkmaniston 715,2 tonna, Turkiya esa 569,5 tonna ko‘rsatkich bilan keyingi o‘rinlarda qayd etilgan. Qolgan davlatlar hisobiga 3 ming tonna mahsulot to‘g‘ri kelgan.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot4 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat4 days ago
Toshkentda xalqaro moda akademiyasi tashkil etiladi
-
Iqtisodiyot1 day ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat1 day ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat1 day ago
O‘zbekiston do‘konlarida 73 turdagi mahsulot sifatsiz deb topildi