Rossiya gaz giganti 2025 yilda 6,48 milliard kub metr tabiiy gazni O‘zbekistonga yetkazgani ta’kidlanmoqda.

Foto: Sergey Bobylev / TASS

«Gazprom» 2025 yilda O‘zbekistonga eksportni 15 foizga oshirdi, deyiladi Rossiya kompaniyasining yillik hisobotida. Raqamlar «Interfaks» tomonidan keltirildi.

Hujjatda qayd etilishicha, 2025 yilda Rossiya gazini Markaziy Osiyo yo‘nalishida: Qozog‘iston, O‘zbekiston va Qirg‘izistonga yetkazib berish ko‘paytirilgan.

Ta’kidlanishicha, «Gazprom» ushbu mintaqaga gaz eksportini yanada oshirishni maqsad qilgan. Dastlabki hisob-kitoblarga ko‘ra, 2025 yil oxiriga kelib Markaziy Osiyo mamlakatlarida tabiiy gaz iste’moli 110 milliard kub metrdan oshgan.

Qayd qilinishicha, 2025 yilda qozog‘istonlik hamkorlar bilan muzokaralar natijasida 2025 va 2026 yillarda qo‘shimcha gaz yetkazib berish bo‘yicha bir qator tijorat kelishuvlariga erishilgan.

O‘zbekistonga Qozog‘iston hududi orqali «Markaziy Osiyo – Markaz» magistral gaz quvuri orqali teskari rejimda gaz yetkazib berish hajmi oshgan. 2025 yilda bu 6,48 milliard kub metrga yetdi, bu 2024 yilga (5,64 milliard kub metr) nisbatan 14,9 foizga ko‘p; 2023 yilda (bu yo‘nalishda yetkazib berish boshlangan yil) 1,28 milliard kub metr eksport qilingan edi. 2025 yil IV choragida O‘zbekistonga gaz yetkazib berish maksimal texnik imkoniyat darajasida ta’minlandi, deyiladi hisobotda.

Source link

2022 yilning may oyida Farg‘ona neftni qayta ishlash zavodidagi 100 foiz davlat ulushi 100 mln dollarga «Sanoat energetika guruhi»ga sotilgandi. 2026 yilning iyun oyi holatiga FNQZ yana to‘liq davlat ixtiyoriga qaytarilgan. Xususiylashtirish bitimining qachon va nima sababdan bekor qilingani noma’lum.  

Farg‘ona neftni qayta ishlash zavodi yana to‘liq davlat ixtiyoriga qaytarildi. Korxona va tashkilotlarning yagona davlat reyestridagi ma’lumotlarga ko‘ra, 8-iyun holatiga zavodning 100 foizlik egasi sifatida Davlat aktivlarini boshqarish agentligi ko‘rsatilgan.

Farg‘ona neftni qayta ishlash zavodining qachon va nima sababdan yana to‘liq davlat mulkiga aylangani noma’lum. Kun.uz vaziyatga aniqlik kiritish maqsadida Davaktiv axborot xizmati bilan bog‘lana olmadi. 2026 yilning 1 may holatiga ko‘ra, FNQZning  58,5 foiz ulushi Davaktivga, 41,5 foiz ulushi esa Saneg’ga tegishli bo‘lgan. 

FNQZ xususiylashtirilishi

2022 yilning may oyida «Sanoat energetika guruhi» MChJ (Saneg) FNQZning 100 foiz ulushini ayrim majburiyatlar bilan 100 mln dollarga xususiylashtirib olgandi. Shundan keyin zavod 2023 yilda 469,6 mlrd so‘m, 2024 yilda esa 220 mlrd so‘m sof foyda ko‘rgan. Xususiylashtirish bitimi tuzilganidan keyin ham yillar davomida FNQZning 58,5 foiz nazorat paketi Davaktiv ixtiyorida qolayotgandi. Bu kelishilgan pul davlatga to‘liq to‘lanmagani bilan izohlanib kelindi. Bitim qachon yopilishi, to‘lov yana necha yilga cho‘zilishi haqidagi Kun.uz savollarini Davlat aktivlarini boshqarish agentligi javobsiz qoldirgandi. Bu vaqtda Saneg zavodning bir qismini 140 mln dollarga sotishga ham erishdi. Investorda qarzga olingan zavodni qayta sotish huquqi bo‘lgan yoki bo‘lmagani ma’lum emas.

2025 yilda sof foyda bilan ishlab kelgan Farg‘ona neftni qayta ishlash zavodining moliyaviy holati yomonlashib ketdi. Xususan, kompaniya o‘tgan yilni 538,1 mlrd so‘m miqdoridagi sof zarar bilan yakunlagan. Yillik tushum 2,3 trlndan 1,9 trln so‘mgacha kamayib ketgan. Moliyaviy natijalarning keskin yomonlashib ketishi valuta kurslari farqining ta’siri bilan bog‘langan. Zavodning uzoq muddatli qarzlari 3,2 trlndan 3,3 trln so‘mga ko‘paygan, qisqa muddatli qarzlar esa 1,2 trln so‘m darajasida saqlanib qolgan.

Source link

Dollar 5-iyun sanasida qanchaga yetadi?



Source link

Milliy statistika qo‘mitasi ma’lumotlariga ko‘ra, 2026-yilning yanvar–aprel oylarida O‘zbekiston xorijiy davlatlarga 489,5 ming tonna meva-sabzavot mahsulotlari eksport qildi. Ularning umumiy qiymati 454,5 million AQSh dollarini tashkil etgan.

Bu ko‘rsatkich 2025-yilning shu davriga nisbatan 25,9 ming tonnaga yoki 5,6 foizga oshgan. Mazkur natija tashqi bozorlarda o‘zbek qishloq xo‘jaligi mahsulotlariga bo‘lgan talab saqlanib qolayotganini ko‘rsatadi.

Eksport qilingan mahsulotlar tarkibida sabzavotlar yetakchilik qildi. Ularning umumiy hajmi 239,8 ming tonnaga yetgan. Shuningdek, meva va rezavorlar ham tashqi savdoda muhim o‘rinni egallagan.

Qayd etilishicha, 86,6 ming tonna meva va rezavorlar xorijga yetkazib berilgan. Bu yo‘nalish eksport tushumlarining muhim qismini shakllantirgan.

Shu bilan birga, 26,2 ming tonna mosh va 9,2 ming tonna yeryong‘oq hamda turli yong‘oq mahsulotlari tashqi bozorlarga chiqarilgan.

Tarvuz va qovun eksporti 0,2 ming tonnani tashkil etgan. Qolgan 127,6 ming tonna mahsulot esa boshqa turdagi meva-sabzavot va qayta ishlangan qishloq xo‘jaligi mahsulotlari hissasiga to‘g‘ri kelgan.

Source link

Raqobat qo‘mitasi Birlashgan Arab Amirliklarida ro‘yxatdan o‘tgan «Tapuz Limited» kompaniyasining «OLX Classifieds» MChJ XKdagi 100 foiz ulushni sotib olishi bo‘yicha arizasini ko‘rib chiqdi.

Mazkur kompaniya «OLX» savdo belgisi ostida onlayn reklama xizmatlarini ko‘rsatuvchi raqamli platformani boshqaradi. Tahlillar jarayonida «Tapuz Limited»ning asosiy aksiyadori bo‘lgan «TBC Bank Group PLC» O‘zbekistondagi «TBC Bank» raqamli banki va «Payme» to‘lov xizmatiga bilvosita egalik qilishi inobatga olindi.

Qo‘mita ma’lumotlariga ko‘ra, «Payme» va «OLX Classifieds» raqamli platformalar sohasida ustun mavqega ega korxonalar ro‘yxatiga kiritilgan. Shu bois bitim raqobat muhitiga ta’siri nuqtai nazaridan alohida o‘rganildi.

Maxsus komissiya o‘tkazgan tahlillar yakunlariga ko‘ra, iqtisodiy konsentratsiya bitimiga oldindan rozilik berish haqida qaror qabul qilindi. Biroq bu qaror bir qator majburiy talablar bilan birga tasdiqlandi.

Jumladan, «TBC Bank Group PLC» nazoratidagi platformalar orqali «OLX» foydalanuvchilari uchun xizmat ko‘rsatish shartlariga bir tomonlama va asossiz ta’sir ko‘rsatishga yo‘l qo‘yilmasligi shart qilib belgilandi.

Shuningdek, «OLX» platformasida yig‘iladigan ma’lumotlardan raqobatni cheklash maqsadida foydalanish, raqobatchi kompaniyalar mijozlariga oid ma’lumotlarni oshkor qilish yoki ustun mavqeni suiiste’mol qilish taqiqlandi.

Qo‘mita qarorida to‘lov xizmatlari sohasida raqobatni saqlashga ham alohida e’tibor qaratilgan.

Unga ko‘ra, «OLX» platformasida xizmatlar uchun haq to‘lashda foydalanuvchilarni faqat «Payme» yoki «TBC Bank» ilovalaridan foydalanishga majburlash mumkin emas. Barcha raqobatchi to‘lov tizimlari uchun teng sharoit yaratilishi lozim.

Raqobat qo‘mitasi mazkur kelishuv amalga oshirilishi jarayonida «Raqobat to‘g‘risida»gi qonun va iqtisodiy konsentratsiya bitimlarini tartibga soluvchi normativ hujjatlar talablariga qat’iy rioya etilishi ta’minlanishini ta’kidladi.

Source link