Jamiyat
“Work and travel”ni va’da qilganlar ustidan sud boshlandi
“Work and travel” shaklida AQShga ishga jo‘natishni va’da qilgan “American Adventure” firmasi vakillari firibgarlikda ayblanmoqda. Shartnoma shartlari bajarilmagan, ko‘plab holatlarda pullar qaytarib berilmagan. Mijozlar Amerikadagi “ish beruvchi” tomonidan suhbatdan o‘tkazilgan bo‘lib, jabrlanuvchilardan biri bu suhbatlar spektakl bo‘lgan bo‘lishi mumkinligini aytdi.
{Yii::t(}
O’tkazib yuborish 6s
O’tkazib yuborish
Toshkentda xorijga ishga yuborish bilan bog‘liq firibgarlikda ayblanayotgan “American Adventure” turfirmasi vakillari ustidan sud boshlandi. Ish JIB Yunusobod tuman sudida sudya Umidbek Musayev raisligida ko‘rilmoqda.
Sudlanuvchilar – firma rahbari Azimjon Najmiddinov va firmada norasmiy ishlagani aytilayotgan Bekzod Mahmudov. Ammo sudda Mahmudov yo‘q – jabrlanuvchilardan biri uni chet elga qochib ketgan deb hisoblaydi.
“American Adventure” ishi oldinroq Kun.uz’da yoritilgan edi. O‘shanda bir nechta fuqaro firmaga qanday aldangani va pullari qaytarilmayotgani haqida so‘zlab bergandi.
4 sentabrdagi sud majlisida 10 ga yaqin jabrlanuvchi ko‘rsatma berdi.
Firmaning mijozlari oldidagi va’dalari – “work and travel”dasturi doirasida AQShga jo‘natish, ish bilan ta’minlash, elchixonaga suhbatga navbat olish, tibbiy sug‘urta qilish va boshqa qulayliklar bo‘lgan.
Odamlar firma xizmatlari uchun 3 400 dollargacha to‘lagan. Elchixona suhbat chog‘ida fuqaroga viza berishni rad etsa, “American Adventure” suhbatga kiritganlik uchun to‘langan pul mablag‘idan 500 dollargacha ushlab qolgan. Qolganlarini qaytarib berishi kerak bo‘lgan, lekin shartnoma shartlari bajarilmagan.
Jabrlanuvchilar shartnoma tuzish, pul oldi-berdisida asosan Afzal ismli shaxs bilan muloqotda bo‘lishganini aytishdi.
“2023 yilning yanvar oyida o‘rtog‘im “American Adventure”ning “work and travel”dasturini maslahat berdi. Keyin ofisini topdim, Afzal aka: “To‘lov summasi 3 400 dollar, birdaniga to‘lasangiz 500 dollar chegirma” dedi. 1 fevral kuni kelib, 2900 dollar to‘lovini qildim. Bu to‘lovga elchixonaga kirishgacha bo‘lgan barcha hujjatlarimizni qilib beramiz, deyishdi. Agar o‘sha aytilgan narsa qilinmasa, shartnoma bo‘yicha 2023 yil oxirigacha pul qaytarib berilishi kerak edi. Keyin 2023 yilning mart oyida ish bo‘yicha ariza topshirdim. May oyida ishdan taklif keldi. 2 haftadan keyin Afzal aka “otkaz” bo‘ldi, degan javob berdi.
Lekin men u suhbat soxtalashtirilgan deb o‘yladim. Chunki u yoqda 4-5 ta shtatga topshiriladi. Masalan, men Las Vegasga topshirganman, boshqalar Floridaga yoki boshqa shtatga topshirgan, lekin hamma shtatlar uchun o‘sha ish beruvchi suhbat qilgan. Shunaqa spektakl uyushtirilgan deb shubhaga bordim.
Keyin Afzal aka bilan gaplashganimda: “Bo‘ldi, sizga boshqa taklif beramiz”, deyishdi. Filippin yoki Xitoydan vizaga kirib, Amerikaga ketishingiz mumkin, 1000–1500 dollar atrofida ketadi, deyishdi. Men u taklifni rad qildim-da, bo‘ldi, pulimni qaytarib bering deb, shu yerda protsessni to‘xtatishni so‘radim”, deydi jabrlanuvchilardan biri.
Uning so‘zlariga ko‘ra, Afzal ismli shaxs 2023 yil oxirigacha pulni qaytarishini aytgan. Ammo 2024 yilning yanvariga kelib ofis yopilgan, u shaxs esa Telegram’dan g‘oyib bo‘lgan.
Boshqa bir jabrlanuvchi ham Afzalga 2 900 dollar to‘lagani va suhbatda qatnashganini aytdi.
“Telegram orqali suhbat bo‘lgan. Unda qanaqa ish topish, qayerda ishlash mumkinligi aytilgan. Afzalning aytishicha, bizlar suhbatlashgan odam ish beruvchi bo‘lgan. Afzal bizga PDF, excel va word fayllarida ish ro‘yxati, qaysi shtat va shaharlarda ish borligini ko‘rsatib o‘tdi. Keyin o‘rtog‘im bilan ularni tanlab yubordik. Shunda mart oyi (2 fevralda shartnoma tuzilgan – tahr.) oxirida ofisga bordik. Afzal: “Biz elchixonaga ro‘yxatdan joy ololmaymiz, joy to‘lib ketgan, faqat dushanba va chorshanba kunlari ro‘yxatga olish ochilgan, sistema qiyinlashgan, shuning uchun ikkita tanlov bor: boshqa davlatga borish yoki hozir hamma harakatlarni to‘xtatib, pulni qaytarib olish”, dedi. O‘shanda o‘rtog‘im Singapurga borib kelaman degandi. Men esa pulimni qaytaringlar dedim. Keyin o‘rtog‘im Singapurga borib keldi, lekin ololmadi”, – deydi jabrlanuvchi.
“Men universitetning 3-kursida o‘qirdim va kursdoshim menga “American Adventure”ga murojaat qilishimni tavsiya qildi, chunki ular ish tajribasi almashish uchun Amerikaga yuborisharkan. 32 mln 712 ming so‘m xizmat haqi to‘ladim.
Ular bu uchun Amerikada ish topishi, elchixonadan navbat olishi kerak edi. Bizga qaysidir shtatlarning ro‘yxatini berishdi, mos keladiganlarini tanlashimiz mumkin edi. Bir guruh odamlarni to‘plashdi va Amerikadan turib bir firmaning mas’uli biz bilan suhbat o‘tkazdi. Lekin u yerdan bizni ishga qabul qilishlari haqida hech qanday taklif yoki hujjat yuborilmadi. Faqat Amerikada ishni qanday topish kerakligi tushuntirildi. Elchixonaga navbat ham olib berisholmadi. Chunki ular navbat ololmaymiz deyishardi.
Singlim uchun ham 32 mln so‘m to‘lagandim. Afzal bilan gaplashib hech nimaga erisha olmadik, na pulga, na ishga. Keyin biz Mahmudov Bekzodga hech qanday ish bajarilmayotgani, pullarni qaytarishni aytib murojaat qildik. Shundan keyin to‘lagan pulimning 12 millionini qaytardi xolos”, – deydi jabrlanuvchi o‘z ko‘rsatmasida.
Jabrlanuvchilarga ko‘ra, firma mas’uli pullar Sloveniyaga yuborilganini, uni qaytarish qiyinligini aytgan. Shundan keyin mijozlarga pul mablag‘i dekabrda qaytarib berilishi va’da qilingan. Biroq hech narsa o‘zgarmagan.
Jabrlanuvchilarning ayrimlari pullarni dollarda, naqd shaklda to‘lagani, firmaning Afzal ismli vakili ularga imzoli chek berganini aytdi.
Sudlanuvchi firma rahbari Azimjon Najmiddinov jabrlanuvchilarning ko‘rsatmalarini tinglarkan, hech narsa demadi. Navbatdagi sud majlisi 10 sentabrga belgilandi.
Toshkent viloyatida favqulodda vaziyatlar tizimida faoliyat yurituvchi mansabdor shaxs tadbirkordan katta miqdorda pul talab qilgani aniqlandi. U tuman hududidan oqib o‘tuvchi uchta soy qirg‘oqlarini mustahkamlash va beton plitali yo‘l o‘tkazgichlari qurishga oid umumiy qiymati 5,04 mlrd so‘mlik shartnomalarni olib berganini ro‘kach qilgan.
Mazkur shartnomalarni go‘yoki vazirlikdagi hamkasblari orqali mahalliy mas’uliyati cheklangan jamiyatga rasmiylashtirib berganini aytgan mansabdor, korxona rahbaridan 63 ming AQSh dollari miqdorida «ulush» talab qilgan.
2026-yilning mart-aprel oylarida u ushbu mablag‘ning 24 ming dollarini olgani ham ma’lum bo‘ldi. Keyinchalik esa tadbirkordan qolgan 39 ming dollarni ham berishni talab qilishda davom etgan.
Davlat xavfsizlik xizmati xodimlari tomonidan Bosh prokuratura huzuridagi Departamentning Toshkent viloyati boshqarmasi hamda Favqulodda vaziyatlar vazirligining Shaxsiy xavfsizlik boshqarmasi bilan hamkorlikda tezkor tadbir o‘tkazildi.
Unda mansabdor talab qilingan pulning navbatdagi qismi — 25 ming AQSh dollarini olayotgan vaqtida qo‘lga olindi. Holat uning «Tracker» rusumli xizmat avtomashinasida sodir bo‘lgani qayd etildi.
Tezkor tadbir davomida u ashyoviy dalillar bilan ushlangani rasman tasdiqlandi. Bu holatda pul mablag‘larining aynan talab qilingani va olingani hujjatlashtirildi.
Hozirda mansabdor shaxsga nisbatan jinoyat ishi qo‘zg‘atilgan. Tergov organlari tomonidan barcha holatlar yuzasidan surishtiruv ishlari olib borilmoqda.
Unga nisbatan «qamoq» ehtiyot chorasi qo‘llanilgani ma’lum qilindi.
Ijtimoiy tarmoqlarda tarqalgan video ortidan Samarqandda ikki nafar qizga nisbatan zo‘ravonlik holati fosh etildi. Voqea Bolalar ombudsmani nazoratiga olindi.
Samarqand viloyatining Toyloq tumanida voyaga yetmagan ikki nafar qizga nisbatan jismoniy va ruhiy zo‘ravonlik holati aniqlandi. Bu haqda Bolalar ombudsmani ma’lum qildi.
Ma’lum bo‘lishicha, joriy yilning 21-aprel kuni fuqaro M.S. o‘zining vaqtincha vasiyligida bo‘lgan 2019-yilda tug‘ilgan B.D. va 2017-yilda tug‘ilgan B.M.ga nisbatan turli shaklda tazyiq o‘tkazgan. U bolalarning xorijda bo‘lgan onasi D.M.dan pul undirish maqsadida zo‘ravonlik qilgani va bu holatni videoga olgani qayd etilgan.
Holat ijtimoiy tarmoqlarda tarqalgach, bolalar ombudsmani tomonidan nazoratga olindi. Samarqand viloyatidagi mintaqaviy vakil joyiga chiqib, vaziyatni o‘rgandi va bolalarni himoya qilish bo‘yicha zarur choralarni ko‘rdi.
Hozirda mazkur holat yuzasidan tuman ichki ishlar bo‘limi tomonidan tergovga qadar tekshiruv ishlari olib borilmoqda.
Tuman vasiylik organi — «Inson» markazi mas’ullari tomonidan M.S. vasiylik vazifasidan chetlatildi. Bu qaror bolalar manfaatlarini himoya qilish maqsadida qabul qilingan.
Shuningdek, bolalarga yetkazilgan tan jarohatlari darajasini aniqlash uchun sud-tibbiy ekspertiza tayinlangan. Bu jarayonda barcha holatlarga huquqiy baho berilishi kutilmoqda.
Zo‘ravonlikdan jabrlangan qizlarning ruhiy holatini barqarorlashtirish maqsadida psixolog jalb qilingan. Hozirda ular tumandagi oilaviy bolalar uyiga joylashtirildi. Shu bilan birga, yashash hududiga yaqin maktab va maktabgacha ta’lim muassasalariga rasmiylashtirilib, ta’lim olish huquqlari tiklandi.
Ayni paytda xorijda bo‘lgan onaning o‘z ota-onalik majburiyatlarini qay darajada bajarayotgani ham o‘rganilmoqda. Bolalar ombudsmani mazkur ish bo‘yicha kuzatuvni davom ettirmoqda.
O‘zbekistonda aholini uy-joy bilan ta’minlashni rag‘batlantirish maqsadida ipoteka bozorida yangi mexanizm — «maqsadli ipoteka omonati» amaliyotini joriy etish rejalashtirilmoqda.
Ushbu tashabbus Prezidentning 2026-yil 24-fevraldagi PF–29-son farmoni ijrosi doirasida ishlab chiqilgan bo‘lib, 2026-yil 1-iyuldan boshlab tajriba-sinov tarzida amalga oshirilishi ko‘zda tutilgan.
Yangi tizimning asosiy g‘oyasi — aholining vaqtincha bo‘sh mablag‘larini uy-joy xaridiga yo‘naltirish. Fuqarolar ipoteka krediti olishdan oldin maxsus omonat hisobvarag‘ida mablag‘ jamg‘aradi. Bu mablag‘lar keyinchalik dastlabki badalni shakllantirishda ishlatiladi.
Bunda:
– tijorat banklarida maxsus omonat hisoblari ochiladi;
– omonatlarga bozor stavkalarida foiz hisoblanadi;
– davlat tomonidan subsidiyalar ajratiladi;
– jamg‘arilgan mablag‘lar ipoteka krediti uchun maqsadli yo‘naltiriladi.
Yangi mexanizm ikki tomonlama samara beradi. Birinchidan, fuqarolar uchun uy-joy sotib olish imkoniyati kengayadi – chunki ular oldindan mablag‘ jamg‘arib, kredit yukini kamaytiradi. Ikkinchidan, banklar uchun uzoq muddatli moliyaviy resurslar bazasi shakllanadi.
Dastlabki badalning bir qismi davlat subsidiyasi hisobidan qoplab berilishi, ipoteka foizlarining ma’lum qismiga ham kompensatsiya berilishi (5 yilgacha) hamda fuqaro uy olmasa, omonat mablag‘lari foizlari bilan qaytarilishi kabi shartlar qo‘shimcha imkoniyatlar sifatida taqdim qilinmoqda.
«Maqsadli ipoteka omonati» tizimi ipoteka bozorida yangi bosqichni boshlab berishi mumkin. U nafaqat aholining uy-joyga bo‘lgan ehtiyojini qondirishga xizmat qiladi, balki ichki moliyaviy resurslarni iqtisodiyotga jalb qilish orqali umumiy iqtisodiy barqarorlikni ham mustahkamlaydi.
U Samarqand tumanida istiqomat qiluvchi fuqaroning turmush o‘rtog‘iga issiqxona tashkil qilish uchun ajratib berilgan 2 gektar yer maydonini sotishni rejalashtirgan.
Samarqand shahrida yer uchastkasini noqonuniy sotishga uringan shaxs qo‘lga olindi.
Davlat xavfsizlik xizmati xabariga ko‘ra, u Samarqand tumanida istiqomat qiluvchi fuqaro bilan til biriktirib, uning turmush o‘rtog‘iga issiqxona tashkil qilish uchun ajratib berilgan 2 gektar yer maydonini sotishni rejalashtirgan.
Shaxs xaridorga ushbu yerni 490 ming AQSh dollariga sotishini, shuningdek mansabdor tanishlari orqali hujjatlarni rasmiylashtirib berishini aytib, oldindan 50 ming dollar talab qilgan.
U Davlat xavfsizlik xizmati, Iqtisodiy jinoyatlarga qarshi kurashish departamenti va ichki ishlar organlari hamkorligida o‘tkazilgan tezkor tadbirda 50 ming AQSh dollarini olgan vaqtida ashyoviy dalillar bilan ushlandi.
Hozirda mazkur fuqarolarga nisbatan jinoyat ishi qo‘zg‘atilgan bo‘lib, tergov harakatlari olib borilmoqda.
Jamiyat
Andijonda ikki kishini katta pul evaziga haj ziyoratiga yuborishni va’da qilgan shaxs ushlandi
U kelishilgan 18 ming dollar puldan 9 ming dollarini olgan vaqtida ushlangan.
Foto: Bosh prokuratura huzuridagi Departament
Bosh prokuratura huzuridagi Departamentning Asaka tumani bo‘limi va boshqa huquqni muhofaza qiluvchi organ xodimlari hamkorligida tezkor tadbir o‘tkazildi.
Qayd etilishicha, fuqaro M.Ch. 18 000 AQSh dollari evaziga fuqarolar A.I. va B.X.ni haj ziyorati uchun Saudiya Arabistoniga yuborishni va’da qilgan.
U kelishilgan puldan 9 000 AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq O‘zbekiston musulmonlari idorasi hajga borishda firibgarlarga aldanib qolmaslikka chaqirgandi.
Prezident Tramp delegatsiya parvozini bekor qildi
Neft, geosiyosat va AQSh yordamiga qaramlik
O‘zbekistonda kiyim ishlab chiqarish bo‘yicha qaysi hudud yetakchi?
-
Siyosat5 days agoPrezident Shavkat Mirziyoyev JSST bosh direktorini qabul qildi
-
Siyosat4 days agoPrezident Mirziyoyev mintaqaviy sammitda yashil savdo yoʻlaklari va yagona iqlim investitsiya strategiyasini taklif qildi
-
Jamiyat4 days ago
Giyohvand moddalar aylanmasini nazorat qilishning milliy tizimi takomillashtiriladi
-
Jamiyat4 days agoShavkat Mirziyoyev Ostonaga yetib bordi
-
Iqtisodiyot3 days ago
Markaziy bank: 24-aprelda dollar pasayadi
-
Dunyodan3 days ago
Buyuk Britaniyada “chekmaydigan avlod” dunyoga keldi
-
Iqtisodiyot3 days agoQirg‘iziston ilk marta Yevropa Ittifoqining sanksiyalarni chetlab o‘tishga qarshi kurashish mexanizmiga tushdi
-
Siyosat3 days ago
Shavkat Mirziyoyev Mirzo Ulug‘bek tumani hokimligiga tashrif buyurdi