Jamiyat
uzayadigan bemorlar navbati va yopiq qarorlar xavfi
Respublika onkologiya va radiologiya markazida bemorlar soni kun sayin ortib borayotgan bir paytda, Toshkent shahar va Toshkent viloyati onkologiya shifoxonalarining yopilishi vaziyatni yanada og‘irlashtirmoqda. Uzun navbatlar, joy yetishmasligi, ishdan bo‘shatishlar va yam-yashil hududning kelgusi taqdiri bo‘yicha jamoatchilikda jiddiy savollar paydo bo‘lmoqda.
{Yii::t(}
O’tkazib yuborish 6s
O’tkazib yuborish
Respublika onkologiya va radiologiya markazida saratonga chalingan yuzlab kasallar uzundan uzoq navbatda turishga majbur. Ular O‘zbekistonning barcha hududlaridan shifokor qabuliga kirish, diagnostika va muolajalar uchun kelishgan.
2025 yil 10 dekabr, soat 10:00 holatiga ko‘ra, navbatning oxiri 249-o‘rinda. Ya’ni bitta bemor shifokorga kirishi uchun undan oldin 248 kishi qabuldan o‘tishi kerak. Hozircha bu navbatda faqat viloyatlardan kelgan bemorlar turishibdi – hozircha.
Yaqin kunlarda esa Respublika onkologiya shifoxonasining Toshkent shahar va Toshkent viloyati filiallari yopilishi rejalashtirilgan. Bu esa minglab qo‘shimcha bemorlar aynan shu markaz navbatiga kelib qo‘shilishini anglatadi. Allaqachon joy yetishmayotgan, bemorlar tonggi soat 7 dan navbat olishga majbur bo‘layotgan sharoitda bu qaror qanday oqibatlarga olib kelishi noma’lum.
Bundan tashqari, filiallarda ishlayotgan barcha tibbiyot xodimlariga shartnomalar bekor qilinishi haqida ogohlantirish xatlari tarqatilgan. Poytaxt Sog‘liqni saqlash bosh boshqarmasining 2 dekabrdagi buyrug‘i bilan, shifoxonalarni bo‘shatish topshirig‘i berilgan.
Eng katta xavotirlardan yana biri – bo‘shagan shifoxona hududlari taqdiri.
Jamoatchilik va ekofaollar bu hududlar ham qurilish uchun berib yuborilishi mumkinligidan xavotirda. Ayniqsa, Toshkent shahar onkologiya shifoxonasi hududida joylashgan 1000 dan ortiq noyob daraxtlar masalasi ochiq qolmoqda.
“Yopiq qarorlar xavfi bor”
Ekofaol Alisher Nasimovga ko‘ra, hudud maxsus qo‘riqlanadigan hududga aylantirilishi kerak.
“Kecha shifoxonaga bordim: ko‘m-ko‘k daraxtzor. Bu yerda 1000 dan ziyod daraxtlar bor. Ular orasida Qizil kitobga kiritilgan daraxtlar ham bor, Vazirlar Mahkamasining qarori bilan qimmatbaho navlarga kiradigan daraxtlar ham bor. Shifoxona hududi – haqiqiy mikroiqlim, boshqa joylarga nisbatan u yerda havo boshqacha – archalar, chinorlar hammasi kislorod beradi, ayrimlari yoqimli hid chiqaradi.
2022 yil ma’lumotlari chiqib kelgandan keyin odam xavotirga tushib qoladi. Masalan, kimdir sotib olsa, 4 gektardan oshiq joyni qurilish qilish uchun sotib oladi. O‘z-o‘zidan daraxtlarni kesish kerak bo‘ladi. Ayrim biznesmenlar “bizga tabiat emas, pul kerak, jarimasini to‘laymiz”, deyapti. Bu daraxtlar shu holga kelguncha nechta avlod almashyapti. Shuning uchun biz xavotirdamiz bundan.
E-qaror’ga kirsangiz juda ko‘p yopiq qarorlar bor. Biz ham bilolmaymiz, murojaatlardan keyin o‘rganib ko‘rsak hammasi shu qarorlardan kelib chiqayotgan bo‘ladi. Bu joyga maxsus qo‘riqlanadigan joy maqomini berish kerak”, – deydi u.
Respublika shifoxonasi ko‘chirilayotgan bemorlarni qanday qabul qiladi?
Kun.uz ikkita filial bemorlari ko‘chirilayotgan Respublika onkologiya va radiologiya markazida bo‘lib, vaziyatni o‘rgandi. Uzundan uzoq navbatlarda turgan bemorlar shifokor qabuliga kirish uchun soat 7 bo‘lmay kelish kerakligini, orderlari bo‘lsa-da joy yo‘qligi sabab qaytib ketishga majbur bo‘layotganini aytdi.
Hali poytaxtdagi ikkita shifoxona bemorlari borib qo‘shilmasdan turib, joylar yetishmayotgan pallada bundan keyingi vaziyatni tasavvur qilish qiyin emas.
Tibbiyot fanlari doktori, onkolog Shermuhammad Umirov ikkala shifoxona hududini saqlab qolish va binolarni bemorlarga palliativ tibbiy yordam ko‘rsatish markaziga aylantirish taklifini berdi.
“Olim sifatida shuni aytmoqchimanki, xalqimiz uchun faqat “siti”lar, domlar emas shifoxonalar ham kerak. So‘rab qolardikki, shu shifoxona o‘rnida respublika bo‘yicha palliativ tibbiy yordam markazi bo‘lishini. Chunki nafaqat onkologik kasalliklar, insult, qandli diabet, surunkali buyrak yetishmovchiligi xastaliklarida, turli somatik kasallarda palliativ yordam ko‘rsatish markazi bo‘lsa maqsadga muvofiq bo‘lardi”, – deydi shifokor.
Tahririyat vaziyatga mas’ullardan biri bo‘lgan Ekologiya va iqlim o‘zgarishi milliy qo‘mitasi bilan bog‘langanda, hududdagi daraxtlar ro‘yxatga olinayotganini ma’lum qilishdi.
“Toshkent shahar Ekologiya va iqlim o‘zgarishi bosh boshqarmasining Shayxontohur tumani inspektorlari tomonidan Forobiy ko‘chasida joylashgan Respublika ixtisoslashtirilgan onkologiya va radiologiya ilmiy-amaliy tibbiyot markazi hududidagi daraxtlar xatlovdan o‘tkazilgan.
Toshkent shahar va Toshkent viloyat onkologiya shifoxonasi hududidagi daraxtlar Olmazor hamda Chilonzor tumani inspektorlari tomonidan xatlovdan o‘tkazish ishlari olib borilmoqda”, deyiladi Ekologiya qo‘mitasining Kun.uz’ga bergan ma’lumotida.
Eslatib o‘tamiz, shu yilning iyun oyida O‘zbekiston prezidenti yashil hududlarning qurilishlar uchun tadbirkorlarga sotib yuborilayotganini qattiq tanqid ostiga olgan hamda boshqa maqsadlarda berib yuborilgan yashil hudud, sport maydonchasi, bolalar o‘yingohlarini aniqlash va joyiga qaytarish vazifasi qo‘yilgan edi.
Bolaga Howo yuk mashinasi boshqaruvini ammasining o‘g‘li ishonib topshirgan. “Mashina boshqarishni o‘rgatmoqchi edim”, degan u. Mashina jarima maydoniga joylashtirilgan, huquqbuzarlarga esa ma’muriy bayonnoma rasmiylashtirilgan.
Navoiyda Howo yuk mashinasi boshqaruvini 7 yoshli bolaga ishonib topshirgan shaxs aniqlandi. Bu haqda viloyat YHXB axborot xizmati xabar berdi.
Ijtimoiy tarmoqlarda yosh bola yuk mashinasini boshqarib borayotgani aks etgan videolavha tarqaldi. Qoidabuzarlik yuzasidan tezkorlik bilan surishtiruv harakatlari olib borilgan. Jarayonda voqea 2025 yil sentabr oyida bo‘lgani aniqlangan.
Ma’lum bo‘lishicha, bolaga boshqaruvchi uning ammasini o‘g‘li ishonib topshirgan. “Akam menga katta mashinasini berdi. Men uni boshqardim. Endi qaytib qilmayman”, degan bola.
Huquqbuzar qilgan ishidan afsusda ekanini aytib, jiyaniga mashina boshqarishni o‘rgatmoqchi bo‘lganini bildirgan.
Karmanalik ushbu shaxsning xatti-harakati va ota-onaning farzandini nazoratsiz qoldirgani yuzasidan MJtKning tegishli bandlari bilan ma’muriy bayonnomalar rasmiylashtirilgan. Yuk mashinasi esa jarima maydoniga joylashtirilgan.
Avvalroq Farg‘onada voyaga yetmagan shaxs Malibu’da uchta bolani urib ketgan edi. Ulardan biri vafot etgandi.
«Tashabbusli budjet jarayonlari doirasida mahallalardagi ijtimoiy-iqtisodiy masalalarni hal etishda xalq vakillari va jamoatchilik uchun qo‘shimcha imkoniyatlarni yaratish to‘g‘risida»gi prezident qarori qabul qilindi.
Sun’iy intellekt yaratgan surat
Qarorga ko‘ra, 2026 yil 1 avgustdan tashabbusli budjet jarayonida deputatlar tomonidan loyihalarni qo‘shimcha ravishda g‘olib deb e’lon qilish uchun imkoniyatlar yanada kengaytiriladi.
Bunda:
har bir deputat tomonidan «Ochiq budjet» axborot portalida (portal) bir mavsum uchun ajratilgan mablag‘lar doirasida bir yoki bir nechta loyihalar tanlanib, qo‘shimcha ravishda g‘olib deb e’lon qilinadi;
deputat vakolati muddatidan ilgari tugatilgan hollarda «Tashabbusli budjet» jarayonlarida parlament nazoratini amalga oshirish bo‘yicha komissiya qaroriga ko‘ra boshqa deputatlar tomonidan tashabbusli budjet jarayonlarining tegishli saylov okrugidagi qo‘shimcha g‘oliblari aniqlanadi.
2027 yil 1 yanvardan sheriklik loyihalarini qo‘shimcha ravishda Yagona interaktiv davlat xizmatlari portali, to‘lov tashkilotlari va tijorat banklarining mobil ilovalari orqali moliyalashtirish imkoniyatlari yaratiladi.
Mobil ilovalarda portal bilan integratsiya ta’minlangan holda barcha sheriklik loyihalarining ro‘yxati va tashabbusli budjet jarayonining onlayn statistikasi aks ettiriladi.
Qiymati BHM 2000 baravarigacha (taxminan 824 mln so‘m) bo‘lgan ichki yo‘llarni ta’mirlash bo‘yicha sheriklik loyihalarini tuman (shahar) obodonlashtirish boshqarmalari tomonidan amalga oshirish tartibi joriy etiladi.
Ijtimoiy tarmoqlarda tarqalgan videoda Kia rusumli avtomobil chorrahada katta tezlikda harakatlangani va qayrilib olayotgan Lacetti’ni urib o‘tganini ko‘rish mumkin. Jabrlanuvchilar haqida hozircha ma’lumot berilmadi.
Toshkent shahri Yunusobod tumanida Lacetti va Kia K5 rusumli avtomobillar ishtirokida ayanchli avariya ro‘y berdi.
Poytaxt YHXB matbuot xizmati ma’lum qilishicha, hodisa 30 iyun kuni soat 05:10 larda Amir Temur–Bog‘ishamol ko‘chalari chorrahasida sodir bo‘lgan. Lacetti Amir Temur ko‘chasi bo‘ylab harakatlanib ketayotgan vaqtida, o‘zidan o‘ng tomondan harakatlanib kelgan Kia K5 rusumli avtomobil bilan to‘qnashgan.
Ijtimoiy tarmoqlarda tarqalgan videoda Kia katta tezlikda harakatlanib, Lacetti’ning orqa qismini urib o‘tganini ko‘rish mumkin.
Xabarda avtomobilda bo‘lganlarning ahvoli haqida ma’lumot berilmagan.
Hozirda mazkur holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.
Voyaga yetmagan Doniyor Turg‘unov odam o‘limiga sabab bo‘lgan qasddan badanga og‘ir shikast yetkazish jinoyatida ayblanmoqda. Jinoyat ishi Mirobod tuman sudida yopiq tarzda ko‘rib chiqilmoqda. 26 iyun kuni dastlabki sud majlisi o‘tkazilgan.
Joriy yil 25 fevral kuni Toshkent shahrida BMW mashinasida YPX inspektorini urib ketgan voyaga yetmagan Doniyor Turg‘unovga nisbatan olib borilgan dastlabki tergov harakatlari yakunlanib, ish sudga oshirilgani ma’lum bo‘ldi. Bu haqda Kun.uz manbalari ma’lum qildi.
Manbaga ko‘ra, jinoyat ishi Mirobod tuman sudida yopiq tarzda ko‘rib chiqilmoqda (JPK talabiga ko‘ra, voyaga yetmaganlar ishtirokidagi ishlar yopiq ko‘riladi). 26 iyun kuni dastlabki sud majlisi o‘tkazilgan.
Jinoyat ishi yopiq tarzda o‘tkazilayotgani uchun sud majlislari jadvalida keltirilmagan.
Toshkent shahar sudlari matbuot xizmati Kun.uz so‘roviga javoban ish jinoyat ishlari bo‘yicha Mirobod tuman sudida ko‘rilayotgani, ish sudga Jinoyat kodeksining 104-moddasi uchinchi qismi «d» bandi (odam o‘limiga sabab bo‘lgan qasddan badanga og‘ir shikast yetkazish) bilan taqdim etilgani, sudlanuvchiga nisbatan qamoq ehtiyot chorasi saqlanib qolgani haqida ma’lum qildi.
Eslatib o‘tamiz, 2026 yil 25 fevral kuni Toshkent shahrining Mirobod tumanida voyaga yetmagan Doniyor Turg‘unov BMW mashinasida yo‘l-patrul xizmati inspektori Hosilbek Eshnazarovni urib yuborgandi.
Inspektor og‘ir jarohatlar oqibatida vafot etgan.
Shundan so‘ng Doniyor Turg‘unov qamoqqa olingan va unga Jinoyat kodeksining 267-moddasi (avtotransport vositasini olib qochish) va 104-moddasi uchinchi qismi «d» bandi (odam o‘limiga sabab bo‘lgan qasddan badanga og‘ir shikast yetkazish) bilan ayb e’lon qilingandi.
Marhum kichik serjant Hosilbek Eshnazarov prezident farmoniga ko‘ra, «Jasorat» medali bilan mukofotlandi va uning oilasiga Toshkent shahridan 3 xonali kvartira berildi.
Malayziyaga sayohatga borgan 3 nafar o‘zbekistonlik o‘lim jazosiga hukm qilingani haqida material e’lon qilingandi. O‘zbekiston tashqi ishlar vazirining matbuot kotibi Omonulla Fayziyev ushbu fuqarolarning keyingi taqdiri haqida Kun.uz’ga ma’lumot berdi.
Omonulla Fayziyevning aytishicha, 2010 yil sentabr oyida O‘zbekiston fuqarolari N.S., N.D. va J.J. Kuala-Lumpur xalqaro aeroportida 12 kilogrammdan ortiq giyohvandlik vositalarini olib o‘tishga urinishda gumonlanib, Malayziya huquqni muhofaza qiluvchi organlari tomonidan qo‘lga olingan.
Keyinchalik Malayziya sudi ularga nisbatan o‘lim jazosi tayinlagan.
Fuqarolarimizning huquq va qonuniy manfaatlarini himoya qilish maqsadida O‘zbekistonning Malayziyadagi elchixonasi tomonidan 2013, 2014, 2016 va 2020 yillarda Malayziya Tashqi ishlar vazirligi, Bosh prokuraturasi, Oliy sudi hamda mamlakat Qiroli nomiga ularni afv etish to‘g‘risida bir necha bor rasmiy murojaatlar kiritilgan.
2018 yilda Malayziyada o‘lim jazosini ijro etishga moratoriy joriy etildi. Keyinchalik, 2024 yil 18 mart kuni kuchga kirgan “O‘lim va umrbod ozodlikdan mahrum qilish jazolarini olgan shaxslarning ishlarini qayta ko‘rib chiqish to‘g‘risida”gi qonun asosida Malayziya Oliy sudi mazkur uch nafar O‘zbekiston fuqarosiga nisbatan chiqarilgan avvalgi o‘lim jazosini 30 yil muddatga ozodlikdan mahrum qilish jazosi bilan almashtirdi.
Malayziya qonunchiligiga muvofiq, jazoni ijro etish tartibi va yaxshi xulq-atvor uchun nazarda tutilgan imtiyozlar inobatga olinganda, ushbu fuqarolarning jazo muddati 2030 yilda yakunlanishi kutilmoqda.
Hozirgi vaqtda ular Malayziyaning Selangor shtatidagi Kajang qamoqxonasida jazo muddatini o‘tamoqda. O‘zbekistonning Malayziyadagi elchixonasi tomonidan ular bilan muntazam konsullik uchrashuvlari o‘tkazilib, zarur konsullik-huquqiy ko‘mak ko‘rsatib kelinmoqda.
Tashqi ishlar vazirligi xorijda bo‘lib turgan O‘zbekiston fuqarolarining huquq va qonuniy manfaatlarini himoya qilish bo‘yicha tegishli choralarni bundan buyon ham davom ettiradi, dedi Omonulla Fayziyev.
Eslatib o‘tamiz, uch o‘zbekistonlikning Malayziyaga sayohatga borishi va giyohvand moddalar aniqlanib o‘limga hukm qilinishi haqidagi hikoyani iste’fodagi DXX xodimi O‘ktam Suvonov Xavfsizlik YouTube kanaliga bergan intervyusida aytib bergandi.
1-iyuldan valyutalarning yangi kursi belgilandi
Eldor Shomurodovning goli JCh–2026 guruh bosqichidagi eng chiroyli deb topildi
Al Kaponedan Gulnora Karimovagacha: “Kir pullar” qanday yuviladi?
-
Dunyodan2 days agoEron Hormuz boʻgʻozi orqali oʻtayotgan kemalarni ogohlantirdi
-
Siyosat5 days agoPrezident Shavkat Mirziyoyev AQSh Savdo vakili Jeymison Grini qabul qildi
-
Dunyodan4 days agoQirgʻiziston va Oʻzbekiston chegarani delimitatsiya qilish doirasida hudud almashadilar
-
Sport5 days agoDo‘stlar sharafiga Lamin Yamal deb nomlangan bola – jahon futbol yulduzi haqida
-
Sport5 days agoYaponiya futbolining buyuk sabog‘i: mag‘lubiyatdan to‘g‘ri xulosa chiqarish
-
Iqtisodiyot5 days ago
Ertaga dollar tushib, yevro biroz ko‘tariladi
-
Jamiyat4 days agoVatanparvar jurnalistlarni o‘zimga do‘st va maslakdosh deb bilaman
-
Iqtisodiyot2 days ago“Xohlagan ekinni ekish mumkin” – Yangi tartib fermerga nima beradi?