Jamiyat
2,5 mlndan 1 mlrd so‘mgacha – 100 ga yaqin olimpiadachi o‘quvchilar pul mukofoti bilan taqdirlandi
O‘tgan o‘quv yili davomida xalqaro fan olimpiadalarida faol ishtirok etib, g‘olib bo‘lgan 83 nafar bola va ularning 107 nafar ustozi pul mukofotlari bilan taqdirlandi. Ular O‘zbekistonga jami 210 ta medalni hadya qilgan. Ma’lumotlarga ko‘ra, g‘oliblarni munosib taqdirlash uchun davlat budjetidan 12,4 mlrd so‘m pul ajratilgan.
{Yii::t(}
O’tkazib yuborish 6s
O’tkazib yuborish
2025 yilda o‘zbekistonlik o‘quvchilar 29 ta xalqaro olimpiadadan jami 210 ta medal: 40 ta oltin, 78 ta kumush, 92 ta bronza medal qo‘lga kiritdi. Ular qatorida dunyoning eng nufuzli fan olimpiadalari tarixida yangi natija qayd etilgani e’tiborga arzirli.
15 dekabr kuni Toshkentda 83 nafar g‘olib olimpiadachi va ularning 107 nafar ustozi pul mukofotlari bilan taqdirlandi. Mukofotlanganlar orasida 1 mlrd so‘mdan ko‘prog‘iga loyiq ko‘rilganlari ham bor.
Taqdirlash marosimida eng nufuzli xalqaro olimpiadalardagi medallar uchun:
oltin medalga – 1 mlrd 30 mln so‘m, o‘qituvchisiga – 185,4 mln so‘m;
kumush medalga – 618 mln so‘m, o‘qituvchisiga – 103 mln so‘m;
bronza medalga – 412 mln so‘m, o‘qituvchisiga – 61,8 mln so‘m
Xalqaro olimpiadalardagi medallar uchun:
oltin medalga – 61,8 mln so‘m, o‘qituvchisiga – 20,6 mln so‘m;
kumush medalga – 41,2 mln so‘m, o‘qituvchisiga – 14,42 mln so‘m;
bronza medalga – 20,6 mln so‘m, o‘qituvchisiga – 12,36 mln so‘m
Mintaqaviy xalqaro olimpiadalardagi medallar uchun:
oltin medalga – 4,944 mln so‘m, o‘qituvchisiga – 20,6 mln so‘m;
kumush medalga – 3,296 mln so‘m, o‘qituvchisiga – 14,42 mln so‘m;
bronza medalga – 2,472 mln so‘m, o‘qituvchisiga – 12,36 mln so‘m berildi.
Ma’lumot uchun, joriy yilda xalqaro fan olimpidalari g‘oliblari va ularning ustozlarini munosib taqdirlash uchun davlat budjetidan jami 12 mlrd 424 mln so‘mga yaqin mablag‘ ajratilgan.
Eslatib o‘tamiz, o‘quvchisi mintaqaviy xalqaro olimpiada hamda asosiy olimpiadaning respublika bosqichi g‘olibi bo‘lsa, o‘qituvchi maoshiga 100 foiz har oylik ustama berilishi kerak.
Fan olimpiadalaridagi natijalar haqida
Bu yil BAAdagi xalqaro kimyo olimpiadasida 2 ta oltin, Boliviyadagi xalqaro informatika olimpiadasida birinchi kumush, Avstraliyadagi xalqaro matematika olimpiadasida 4 ta kumush, 1 ta bronza, Parij shahridagi xalqaro fizika olimpiadasida esa 2 ta bronza medallari olingan.
Qolaversa, qizlar ilk marta Yevropa qizlar matematika olimpiadalarida qatnashib, 3 ta: shundan 1 tasi kumush, 2 tasi bronza, yana boshqa xalqaro olimpiadalardan ham 13 ta medal olingan.
Xususan:
Iordaniyada 62 ta davlat ishtirokida o‘tkazilgan Xalqaro ingliz tili olimpiadasida 7 ta kumush (3 ta kubok);
Tailandda 50 ta davlat ishtirokida o‘tkazilgan Xalqaro geografiya olimpiadasida 2 ta bronza;
Boku shahrida 42 ta davlat ishtirokida o‘tkazilgan Xalqaro iqtisod olimpiadasida 1 ta kumush, 1 ta bronza, shuningdek, 14 ta mintaqaviy olimpiadada umumiy hisobda 138 ta (27 ta oltin, 41 ta kumush, 70 ta bronza) medal qo‘lga kiritilgan.
Energetiklar tomonidan nosozlikni bartaraf etish va barcha iste’molchilarning elektr ta’minotini bosqichma-bosqich qayta tiklash ishlari davom ettirilmoqda.
Foto: Energetika vazirligi
Bugun, 28 iyun soat 20:45 da Toshkent shahridagi «Yuksak» podstansiyasida nosozlik yuz berishi oqibatida poytaxtning Mirobod, Chilonzor va Yakkasaroy hamda Toshkent viloyatining Zangiota tumanlarining ayrim hududlarida elektr ta’minotida vaqtincha uzilish kelib chiqqani xabar qilingandi.
FVV xabariga ko‘ra, “svet” o‘chishi oqibatida Chilonzor tumanida joylashgan Dream Park istirohat bog‘idagi «Charxpalak» attraksionida qolib ketgan fuqarolar xavfsiz joyga tushirib olingan.
Xabar qilinishicha, ayni paytda Energetika vazirligi hamda “O‘zbekiston milliy elektr tarmoqlari” AJ rahbariyati podstansiyada bo‘lib, ular tomonidan nosozlikni tiklash ishlari nazoratga olingan.
Energetiklar tomonidan nosozlikni bartaraf etish va barcha iste’molchilarning elektr ta’minotini bosqichma-bosqich qayta tiklash ishlari davom ettirilmoqda.
Aviareyslarda kechikish va Yaqin Sharq mintaqasidagi keskin vaziyat sababli oila mamlakatni tark eta olmagan. Shuningdek, vizasiz yurish muddati tugagani uchun ular jarimaga tortilgan.
BAAda og‘ir vaziyatga tushib qolgan oila O‘zbekistonning Dubaydagi Bosh konsulxonasi ko‘magida vatanga qaytarildi.
Qayd etilishicha, P.G. va uning farzandi A.Z. 2025 yilda mavsumiy ishlash maqsadida BAAning Dubay shahriga borgan.
Biroq moliyaviy qiyinchiliklar sababli 2026 yil yanvarida O‘zbekistonga qaytish uchun aviachiptalar xarid qilgan. Aviareyslarda kechikish va Yaqin Sharq mintaqasidagi keskin vaziyat tufayli ular mamlakatni tark eta olmagan.
Shuningdek, vizasiz yurish muddati tugagani uchun oila vakillari jarimaga tortilgan.
O‘zbekistonning BAAdagi Bosh konsulxonasi tomonidan Dubay immigratsiya xizmati bilan olib borilgan muzokaralar natijasida ularning mamlakatni jarimasiz tark etishiga ruxsat olindi.
Ushbu oila a’zolari uchun 26 iyun kuni “Dubay–Toshkent” yo‘nalishi bo‘yicha aviachiptalar xarid qilindi hamda ularning O‘zbekistonga qaytishi ta’minlandi.
Qayd etilishicha, hodisa oqibatida tan jarohati olganlar yo‘q.
Bugun, 28 iyun kuni Toshkent davlat agrar universitetida yong‘in sodir bo‘ldi.
Xabar qilinishicha, soat 15:17 da «112» tizimidan Toshkent viloyati FVBBga Toshkent davlat agrar universiteti sport kompleksi binosining tom qismi yonayotganligi to‘g‘risida xabar kelib tushgan.
Xabarga asosan, qutqaruv bo‘linmalari voqea joyiga yetib borgan. Yong‘in soat 15:59 da qurshab olingan hamda soat 16:15 da to‘liq bartaraf etilgan.
Qayd etilishicha, hodisa oqibatida tan jarohati olganlar yo‘q.
Yong‘in sababi va zarari aniqlanmoqda.
Dor yo‘lining po‘lat arqonlari belgilangan texnik me’yorlar asosida yetarli darajada tarang tortilmagani hamda qiyalik burchagi talab darajasida ta’minlanmagani oqibatida fuqaro harakat yo‘nalishining o‘rtasida to‘xtab qolgan.
27 iyun kuni Surxondaryo viloyati Boysun tumani Omonxona mahallasi hududida joylashgan qarashli dor yo‘li (ziplayn) attraksionida noxush hodisa qayd etildi.
Dastlabki ma’lumotlarga ko‘ra, mazkur dor yo‘li attraksioni texnik jihatdan to‘liq ishga tushirilmagan, davlat ro‘yxatidan o‘tkazilmagan hamda undan foydalanish uchun tegishli ruxsatnoma olinmagan bo‘lishiga qaramasdan, fuqaro undan foydalanishga harakat qilgan.
Dor yo‘lining po‘lat arqonlari belgilangan texnik me’yorlar asosida yetarli darajada tarang tortilmagani hamda qiyalik burchagi talab darajasida ta’minlanmagani oqibatida fuqaro harakat yo‘nalishining o‘rta qismida to‘xtab qolgan.
Tashkilot xodimlari tomonidan fuqaro xavfsiz tarzda attraksiondan tushirib olingan.
Hodisa oqibatida fuqaro tan jarohati olmagan.
Hozirda mazkur holat yuzasidan Sanoat, radiatsiya va yadro xavfsizligi qo‘mitasi tomonidan o‘rganish ishlari olib borilmoqda.
Muzrabot tumani hokimiga jazo berildi. Bu haqda Korrupsiyaga qarshi kurashish agentligi xabar berdi.
Ijtimoiy tarmoqlarda Muzrabot tumani hokimi Abdulla Mamatqulovning fermerlarni haqorat qilgani aks etgan audiosi tarqalib, keng muhokamalarga sabab bo‘lgan edi.
Korrupsiyaga qarshi kurashish agentligi ushbu holat yuzasidan Surxondaryo viloyati hokimligiga xizmat tekshiruvi o‘tkazish bo‘yicha taqdimnoma kiritdi.
O‘rganishlar davomida mazkur holatda davlat xizmatchisining odob-axloq qoidalari talablariga zid xatti-harakatlarga yo‘l qo‘yilgani aniqlandi.
Qonunchilikka muvofiq, davlat fuqarolik xizmatchilari xizmat vazifalarini vijdonan bajarishi, davlat organlari va tashkilotlarining obro‘-e’tiboriga putur yetkazishi mumkin bo‘lgan xatti-harakatlardan tiyilishi, shuningdek, fuqarolar bilan munosabatlarda xushmuomalalik, hurmat va professionallik tamoyillariga qat’iy rioya qilishi shart, deyiladi agentlik xabarida.
Davlat xizmatchisining odob-axloq qoidalarini buzgani uchun Muzrabot tumani hokimi Abdulla Mamatqulovga nisbatan «hayfsan» intizomiy jazosi qo‘llanildi.
Agentlik davlat xizmatida axloqiy standartlar buzilishiga qarshi choralarni davom ettirishini ma’lum qildi.
Chilonzor va Yakkasaroy tumanlarining bir qismida elektr ta’minoti qayta tiklandi
Shomurodov jahon chempionatidagi deyarli imkonsiz gol muallifi bo‘ldi
Janubiy Koreyaning sobiq birinchi xonimi 7 yillik qamoq jazosiga hukm qilindi
-
Sport3 days agoYaponiya futbolining buyuk sabog‘i: mag‘lubiyatdan to‘g‘ri xulosa chiqarish
-
Dunyodan2 days agoQirgʻiziston va Oʻzbekiston chegarani delimitatsiya qilish doirasida hudud almashadilar
-
Jamiyat3 days ago«Andijon polkasi» tadbiriga ketayotgan o‘quvchilar YTHga uchradi
-
Iqtisodiyot4 days ago
Dollar bir necha kunlik ko‘tarilishdan so‘ng pastladi
-
Sport5 days agoEldor Shomurodov muxlislardan uzr so‘radi
-
Jamiyat2 days agoVatanparvar jurnalistlarni o‘zimga do‘st va maslakdosh deb bilaman
-
Dunyodan4 days ago
BAAda 15 yoshgacha bo’lgan bolalar uchun ijtimoiy tarmoqlar taqiqlangan
-
Iqtisodiyot4 days ago
O‘zbekiston banklari aktivlari 962,8 trln so‘mga yetdi