Sport
Usmon Dembele «Oltin to‘p» sohibi bo‘ldi
Fransiya milliy jamoasi va «PSJ» klubi futbolchisi Usmon Dembele 2024-2025 mavsumining eng yaxshi futbolchisi sifatida France Football nashrining «Oltin to‘p» sovriniga ega bo‘ldi. «PSJ» eng yaxshi klub, Luis Enrike eng yaxshi murabbiy deb topildi.
Fransiya poytaxti Parijning «Shatle» teatrida France Football jurnali tomonidan «Oltin to‘p» sovrinini topshirish marosimi o‘tkazildi.
Usmon Dembele – «Oltin to‘p» sohibi
Foto: X/Ballon d’Or
Fransiya milliy jamoasi va «PSJ» klubi a’zosi Usmon Dembele mavsumning eng yaxshi futbolchisi sifatida «Oltin to‘p» sovriniga ega bo‘ldi. U ovoz berish jarayoni yakuniga ko‘ra, asosiy raqibi – «Barselona» a’zosi Lamin Yamalni ortda qoldirdi.
Foto: X/Ballon d’Or
Luis Enrike – eng yaxshi murabbiy
Foto: X/Ballon d’Or
«PSJ» ustozi Luis Enrike mavsumning eng yaxshi murabbiyi sifatida Yohan Kroyff nomidagi mukofotga sazovor bo‘ldi. Ispaniyalik mutaxassis ovoz berish jarayonida Hans-Diter Flik («Barselona»), Enso Mareska («Chelsi») va Arne Slotni («Liverpul») ortda qoldirdi. O‘tgan mavsumda «PSJ» Fransiya chempionati, Kubogi, Superkubogi, Chempionlar Ligasi va UYeFA Superkubogida g‘alaba qozondi, shuningdek, Klublar o‘rtasidagi jahon chempionatida ikkinchi bo‘ldi.
Lamin Yamal – eng yaxshi yosh futbolchi
Foto: X/Ballon d’Or
Ispaniya milliy jamoasi va «Barselona» klubi hujumchisi Lamin Yamal mavsumning eng yaxshi yosh futbolchisi deb topildi. U qatorasiga ikkinchi marta ushbu sovrinni qo‘lga kiritdi. 18 yoshli futbolchi «Oltin to‘p» marosimida Raymon Kopa nomidagi mukofotni qabul qildi. Ushbu sovringa 21 yoshgacha bo‘lgan futbolchilar da’vogarlik qiladi. Yamal ovoz berish jarayoni yakunlariga ko‘ra Pau Kubarsi («Barselona»), Ayyub Buaddi («Lill»), Dezire Due («PSJ»), Estevao («Chelsi» / «Palmeyras»), Din Xeysen («Real» / «Bornmut»), Maylz Lyuis-Skelli («Arsenal»), Rodrigo Mora («Portu»), Joau Nevesh («PSJ») va Kenan Yildizni («Yuventus») ortda qoldirdi.
Janluiji Donnarumma – eng yaxshi darvozabon
Foto: X/Ballon d’Or
«Manchester Siti»ning amaldagi va «PSJ» klubining sobiq posboni Lev Yashin nomidagi mukofotni oldi. Bu italiyalik futbolchining ikkinchi shunday sovrini, avvalgisi 2021 mavsumda qo‘lga kiritilgan.
«PSJ» – eng yaxshi klub
Foto: X/Ballon d’Or
Fransiyaning «PSJ» klubi mavsumning eng yaxshi jamoasi deb topildi. Parijliklar ovoz berish jarayonida «Barselona», «Botafogo», «Chelsi» va «Liverpul»ni ortda qoldirdi. O‘tgan mavsumda «PSJ» Fransiya chempionati, Kubogi, Superkubogi, Chempionlar Ligasi va UYeFA Superkubogida g‘alaba qozondi, shuningdek, Klublar o‘rtasidagi jahon chempionatida ikkinchi bo‘ldi.
Viktor Gyokeresh – eng yaxshi to‘purar
Londonning «Arsenal» klubi va Shvetsiya milliy jamoasi hujumchisi Viktor Gyokeresh mavsumning eng yaxshi to‘purari sifatida Gerd Myuller nomidagi mukofotni qo‘lga kiritdi. U o‘tgan mavsumda Shvetsiya milliy jamoasi va Portugaliyaning «Sporting» klubi tarkibida 63 ta gol urdi.
Eslatib o‘tamiz, barcha mukofotlar mavsum yakuniga ko‘ra (2024 yil 1 avgustdan 2025 yil 31 iyulgacha) topshiriladi, yil yakuniga ko‘ra emas.
Sport
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
Niderlandiyaning Amsterdam shahrida akademik eshkak eshish bo‘yicha jahon chempionati bo‘lib o‘tmoqda. Unda O‘zbekiston terma jamoasi musobaqadagi tarixiy medalga sazovor bo‘ldi.
Yengil vaznli sportchilar o‘rtasidagi juftlik dasturida (LM2x) Shahzod Nurmatov va Sobir Safaraliyev dueti oltin medal sohibi bo‘ldi. Bu o‘zbekistonlik akademik eshkak eshuvchilarning kattalar o‘rtasidagi jahon chempionatida qo‘lga kiritgan birinchi oltin medalidir.
Musobaqada kumush medal Germaniya, bronza medali esa AQSh sportchilariga nasib etdi.
UEFA Chempionlar ligasi 2026/2027-yilgi mavsumi umumiy bosqichi to‘liq taqvimni e’lon qildi.
Bu bosqichda har bir jamoa 8 ta o‘yin o‘tkazadi: 4 tasi o‘z maydonida, 4 tasi safarda.
Joriy mavsumdan e’tiboran bir jamoa bir raqib bilan ketma-ket uch mavsum davomida o‘z maydonida o‘ynashiga yo‘l qo‘yilmaydi.
Umumiy bosqichning 1-turi uch kun — seshanba, chorshanba va payshanba (8-9-10-sentyabr) kunlariga taqsimlanadi. Qolgan turlar ikki kun davomida o‘tkaziladi. So‘nggi turda esa barcha uchrashuvlar bir vaqtda boshlanadi.
1-turni Abduqodir Husanov va «Manchester Siti» safarda «Portu»ga qarshi o‘tkazadi. Boshlanishi: bizning vaqt bilan 9 sentyabrga o‘tar kechasi soat 00:01 da.
Umarali Rahmonaliyev va «Sabah» esa Chempionlar ligasi umumiy bosqichidagi debyutida «Manchester Yunayted» maydonida sinovdan o‘tadi. Boshlanishi: bizning vaqt bilan 11-sentyabrga o‘tar kechasi soat 00:00 da.
Manba: UEFA
Xalqaro shaxmat federatsiyasi (FIDE) Prezident kengashi rossiyalik shaxmatchilarni Butunjahon shaxmat Olimpiadasida ishtirok etishiga ruxsat bermadi. Bu haqda Rossiya shaxmat federatsiyasi ijrochi direktori Aleksandr Tkachyov TASS agentligiga ma’lum qildi.
«Jahon shaxmat Olimpiadasida terma jamoalarimiz qatnashmaydi. Kengash ushbu qarorni FIDE prezidenti vazifasini bajaruvchi janob Vishvanatan Anandning tashabbusi bilan qabul qildi», — dedi Tkachyov.
Butunjahon shaxmat Olimpiadasi 16–27 sentyabr kunlari Samarqand shahrida bo‘lib o‘tadi.
2025 yilning dekabrida Xalqaro shaxmat federatsiyasi Bosh assambleyasi rossiyalik sportchilarga nisbatan cheklovlarni to‘liq va qisman bekor qilish uchun ovoz bergan edi. Rossiyalik shaxmatchilarning qaytishiga 61 delegat ovoz bergan, 51 delegat qarshi chiqqan.
Biroq 2026 yil yanvarda Buyuk Britaniya, Germaniya, Norvegiya, Estoniya va Ukraina shaxmat federatsiyalari FIDEning rossiyalik shaxmatchilarga nisbatan sanksiyalarni to‘liq bekor qilish haqidagi qaroriga e’tiroz bildirish niyatida ekani xabar qilindi. Shundan so‘ng, 2026 yil iyun oyida sanksiyalar qayta joriy etildi.
Avvalroq mazkur Olimpiadani Magnus Karlsen va yana bir qator shaxmat yulduzlari ham o‘tkazib yuborishi ma’lum bo‘lgandi.
Krishtianu Ronaldu joriy mavsum nihoyasida professional futboldagi faoliyatiga yakun yasashi mumkin. Bu haqda u Vogue jurnaliga intervyusida ma’lum qildi.
«Ehtimol, bu futboldagi so‘nggi yilim bo‘lishi mumkin, o‘zimdan ulkan meros qoldirishni istayman», — dedi Ronaldu.
Besh karra «Oltin to‘p» egasi ta’kidlashicha, bo‘sh vaqtini hordiq va sayohatlarga ajratmoqchi.
Krishtianu Ronaldu professional futbolga kirib kelganiga 25 yil bo‘ldi. Birinchi katta o‘yinini 2002-yil 14-avgustda Lissabonning «Sporting» klubi safida Milanning «Inter»iga qarshi o‘tkazgan.
Londonning «Arsenal» klubi o‘z tarixida 18-marta Angliya superkubogini qo‘lga kiritdi. Jamoa Kardiffda «Manchester Siti»ni 3:0 hisobida mag‘lub etdi.
O‘yinning 23-soniyasida Rikkardo Kalafiori hisobni ochdi. One Football nashrining ma’lumotlariga ko‘ra, bu 1968 yildan beri superkubok o‘yinining birinchi daqiqasida urilgan birinchi va kubok tarixidagi eng tezkor gol bo‘ldi.
London jamoasi safida yana Kay Xaverts (28) va Martin Edegor (48) gol urishdi.
O‘tgan mavsumda «Arsenal» Premer ligada g‘olib bo‘lgan bo‘lsa, manchesterliklar Angliya kubogini qo‘lga kiritdi.
«Shaharliklar» safida Abduqodir Husanov to‘liq harakat qildi.
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
EChL 2026/2027. Umumiy guruh bosqichi taqvimi e’lon qilindi
-
Iqtisodiyot5 days ago
Oziq-ovqat ishlab chiqarishda qaysi hududlar yetakchi?
-
Iqtisodiyot5 days agoPrezident ishtirokida umumiy qiymati 50 trln so‘mlik loyihalar ishga tushirildi
-
Siyosat2 days ago
Prezidentning Mustaqillik bayrami tabrigidan o‘rin olgan asosiy fikrlari
-
Jamiyat12 hours ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Sport23 hours ago
EChL 2026/2027. Umumiy guruh bosqichi taqvimi e’lon qilindi
-
Sport13 hours ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi