Sport
Usik Dyubuani chuqur nokautga tushirdi
Yilning eng ko‘p kutilgan jangida Aleksandr Usik ikki yil oldin Daniel Dyubuaga qarshi jangidagi g‘alabasini shubhali deb hisoblaganlarning shubhalariga chek qo‘ydi.
Foto: Bradley Coller/Getty Images
19 iyul kuni «Uembli» stadionida keng ko‘lamli professional boks kechasi tashkil etildi. Turnirning asosiy voqeasi superog‘ir vazn toifasida Aleksandr Usik (24-0, 15 KO) va Daniel Dyubua (22-3, 21 KO) o‘rtasida mutlaq jahon chempioni unvoni uchun birlashtiruvchi jang bo‘lib o‘tdi.
Usik va Dyubua o‘rtasidagi revansh jangi yilning eng ko‘p kutilgan to‘qnashuvi bo‘ldi. Ular ilk bor 2023 yil avgustda ringga chiqishgan va Aleksandr to‘qqizinchi raundda nokaut bilan g‘alaba qozongandi. Ammo o‘sha jang keyin ham uzoq muhokama qilingan, Dyubua beshinchi raundda raqibining bel sohasiga zarba bergan epizod uchun hakam qaroriga shubha bildirilgan. Referi ukrainalik sportchiga tiklanish uchun vaqt bergandi, ammo ko‘plab ekspertlar bu korpus qismiga yo‘llangan zarba bo‘lgani va darhol nokdaun holatini qayd etib, sanashni boshlash kerak bo‘lganini aytishgandi.
Shundan keyin Dyubua va Usikning yo‘llari vaqtincha ayro kechishdi. Aleksandr nihoyat Tayson Fyuri bilan kamarlarni birlashtiruvchi jangga chiqib, g‘alaba qozondi, keyin britaniyalik bilan revansh o‘tkazib, yana g‘olib bo‘ldi. Daniel esa Jarrell Miller va Filip Xrgovichni yengib, jahon chempioni tituli uchun yana bir jang o‘tkazish imkoniyatiga ega bo‘ldi. Bunday imkoniyat unda Usik Tayson bilan ikkinchi jangni o‘tkazish uchun o‘z ixtiyori bilan IBF kamaridan voz kechishi tufayli paydo bo‘lgandi. Bo‘sh qolgan titul uchun jangda Dyubua o‘zining yorqin uslubida Entoni Joshuani mag‘lub etib, Britaniya boksining yangi superyulduziga aylandi.
Albatta, bunday vaziyatda Daniel va Aleksandr o‘rtasidagi revansh o‘ziga xos ma’no kasb etdi. Ularning tugallanmagan o‘z hikoyalari bor edi va har biri unga nuqta qo‘yishni xohlardi. O‘rtaga mutlaq jahon chempioni unvoni qo‘yilgandi, bu ikkalasiga ham qo‘shimcha motivatsiya qo‘shdi. Bokschilarga va’da qilingan haddan tashqari yuqori gonorarlar ham: ikki kishi uchun deyarli 200 million dollar belgilangandi, shundan 132 million dollar Usik uchun edi. Bu har tomonlama tom ma’noda katta va yulduzli jang bo‘lib, har bir bokschi g‘alaba qozonishga juda ishtiyoqmand edi.
Dyubua kutilganidek ilk daqiqalardan pressing uyushtirdi, Usik ko‘p harakatlandi va britaniyalikni jyeb zarbalari bilan qarshi oldi. Daniel raqibning korpus qismiga ishlab, yondan zarbalar seriyasini amalga oshirishga e’tibor qaratdi, Aleksandr ham buni javobsiz qoldirmadi — bokschilar jangning start qismida yuqori start namoyish etishdi.
Dyubua hududiy ustunlikka ega bo‘ldi, uning zarbalari zichroq edi, ammo Usik har safar oldinga tashlanayotgan britaniyalikni xatolarda mohirona tutib oldi va samarali harakat qildi. Shu bilan birga, Daniel o‘z liniyasini davom ettirib, ukrainalikni burchakka taqashga harakat qildi va vaqti-vaqti bilan bunga erishdi ham.
Ammo beshinchi raundda jang kutilmaganda yakunlanib qoldi. Raqiblar bor kuchni ishga solib, jon-jahdi bilan harakat qilishga kirishdi va zarbalar almashinuvi vaqtida Usik o‘ngdan kuchli zarba yo‘lladi — Dyubua polga quladi. Daniel jangni davom ettirdi, ammo negadir yana yaqin masofada turib, zarbalar almashinuvidan qochmadi, Aleksandr uni endi chap qo‘l yon zarbasi bilan qarshi oldi va kapasini ham uchirib yubordi: bu safargi zarba ancha jiddiyroq edi va Dyubua referi sanashni tugatguncha o‘rnidan ko‘tarila olmadi.
Aleksandr Usik IBF titulini o‘ziga qaytardi va yana superog‘ir vazn toifasida mutlaq jahon chempioniga aylandi.
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot4 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat3 days ago
Toshkentda xalqaro moda akademiyasi tashkil etiladi
-
Iqtisodiyot22 hours ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat18 hours ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat17 hours ago
O‘zbekiston do‘konlarida 73 turdagi mahsulot sifatsiz deb topildi