Sport
Fayzullayev ham Turkiya chempionatiga o‘tishi kutilmoqda
U Shomurodov bilan birga «Istanbul Bashakshehir» safida o‘ynashi mumkin.
Foto: Dmitriy Golubovich/Chempionat
Turkiyaning «Istanbul Bashakshehir» klubi TsSKA bilan o‘zbekistonlik yarimhimoyachi Abbosbek Fayzullayev transferi borasida kelishib oldi, deb xabar qilmoqda turkiyalik jurnalist Osman Altunterim o‘z sahifalarida.
Manbaning tasdiqlashicha, armiyachilar klubi o‘zbekistonlik 21 yoshli futbolchi uchun 7 million yevro ishlab oladi.
Fayzullayev TsSKA safida 2023 yildan buyon to‘p surib kelmoqda. 2024/25 yillar mavsumida u moskvaliklar safida barcha turnirlar doirasida 39 o‘yinda maydonga tushib, uch gol urdi va sakkiz golga uzatma berdi. U yakunlangan mavsumda jamoasi bilan Rossiya Kubogi va Rossiya Superkubogini qo‘lga kiritdi.
Fayzullayev ikki yil muqaddam Toshkentning «Paxtakor» jamoasidan TsSKA safiga 500 ming yevro evaziga transfer qilingandi. Uning Moskva klubi bilan shartnomasi 2026 yilgacha tuzilgandi. O‘tgan davr ichida u ushbu jamoa libosida jami 72 ta o‘yin o‘tkazib, 8 ta gol va 22 ta golli uzatma muallifiga aylandi.
TsSKA klubi va SSSR sobiq futbolchisi Vladimir Ponomaryov Abbos Fayzullayevning Turkiya chempionatida muvaffaqiyat qozonishiga shubha qilmoqda.
«Fayzullayev ketaversin. U Turkiya chempionatiga dosh berolmaydi, u juda kichik. U avval raqib jarima maydonchasigacha kirardi, raqiblarni driblingda aldab o‘tib, zarba bera olardi, endi esa shunchaki dam olmoqda.
Fayzullayev hozir «chaqqon supurgi», uning o‘yinida yangiliklar yo‘q. Yarimhimoyachi sifatida u nolga teng, boshi bilan o‘ynamaydi. U Yevropa uchun yetarli darajada yaxshi emas, Turkiyada esa faqat o‘rtamiyona jamoalarga mos.
Uni «arzon murabbo» deyish mumkin, ammo «chaqqon supurgi» ko‘proq mos keladi», — dedi Ponomaryov «Sovetskiy sport» nashriga.
Bundan oldinroq, O‘zbekiston milliy jamoasining boshqa bir futbolchisi, hujumchi Eldor Shomurodov ham «Istanbul Bashakshehir» klubiga kelib qo‘shilgandi. Turklar klubi uni «Roma»dan mavsum yakunida sotib olish huquqi bilan ijaraga olgan.
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
