Jamiyat
“Urushga borishni xohlamaganlarni otib tashlashdi” – “Vagner”ga yollangan yigit hikoyasi
Angren shahar bandlik bo‘limi tavsiyasi bilan ishlash maqsadida Rossiyaga borgan 21 yoshli yigit muammolar girdobiga tushib qolgan: u giyohvand modda savdosida ayblanib, qo‘lga olingan va uzoq muddatga qamalgan. “Tuhmat qilishdi, haq ekanimni u yerda hech kimga isbotlab berolmadim. Qamoqxonaga “Vagner” vakillari kelib, 200 nafarga yaqin mahkumni roziligisiz urushga olib ketdi. Ularning 100 nafari o‘zbekistonlik edi”, degan yigit.
“Vagner”ga yollanib, 6 oy Rossiya-Ukraina urushida qatnashgan yosh yigit jinoiy jazoga tortildi. U urushga borishga majbur bo‘lganini aytgan.
Kun.uz o‘rgangan sud hukmida keltirilishicha, 2000 yilda tug‘ilgan U.M. 2021 yil 28 iyul kuni ishlash maqsadida Rossiyaning Samara oblastiga borgan. Yigit u yerda giyohvand moddalar savdosida ayblanib, sud hukmi bilan 8,5 yil muddatga ozodlikdan mahrum qilingan.
U.M. Samara oblastidagi qamoqxonada jazo muddatini o‘tash davrida “Vagner” xususiy harbiy kompaniyasiga yollangan. Yigit 6 oy davomida Ukrainaga qarshi urushda qatnashgan. Unga buning uchun Rossiya fuqaroligi, pul va 3 ta medal berilgan. U.M. 2024 yil oktyabr oyi oxirida O‘zbekistonga qaytib kelgan.
Yigit sudda aybiga iqrorlik bildirgan hamda urushga borishga majbur bo‘lganini aytgan.
“2019 yilda maktabni tamomlaganimdan so‘ng 2021 yilga qadar Angren shahar hududida kirakashlik qildim. 2021 yil iyun oyida ish topish maqsadida mahalla idorasiga bordim. Mahalla raisi menga mehnat birjasiga borishimni aytdi. Angren shahar mehnat birjasiga bordim. U yerdagi xodim Rossiyaning Moskva oblastidagi “Delovaya liniya” nomli pochta xizmati omborxonasida yuk tashuvchilik bo‘yicha ish borligini aytdi. “Delovaya liniya”da oylik 75 ming rubl ekanini bildim va taklifga rozi bo‘ldim. Hujjatlarni yig‘ib bo‘lganimdan so‘ng Toshkent shahriga suhbatga bordim.
2021 yil 28 iyul kuni birja tomonidan 15-20 kishi ishlash maqsadida Rossiyaga uchib ketdik. Bizni aeroportda 2-3 kishi kutib oldi hamda Moskva oblastining Podolskiy posyolkasidagi yotoqxonaga olib borishdi. Patent chiqqanidan so‘ng omborxonalardan biriga yuk taxlovchi bo‘lib ishga kirdim. Oradan 3 kun o‘tib, Tohir ismli tarjimon bu yerda ish yo‘qligi, 5 kishini Samara oblastiga yuborishini aytdi va poyezdga chipta olib berdi.
Samara shahrining Kirov rayoniga bordik. Tojikistonlik Farid ismli shaxs registratsiya uchun 8 ming rubldan pul so‘radi. Pulimiz yo‘qligini aytdik. Farid pullaring bo‘lmasa tekinga bir hafta ishlab berasizlar, dedi. Biz rozi bo‘ldik.
2021 yil 11 sentabr kuni buyurtmani olib ketayotganimda politsiya xodimlari to‘xtatishdi. 4-5 xodim o‘zlarini tanishtirmasdan telefon va boshqa narsalarimni olib qo‘yishdi. So‘ngra qo‘limga kishan solgan holda uncha uzoq bo‘lmagan binoga olib borishdi. Narsalarimni tintishganida dostavka qutisidan yashil rangli sellofan paketni topishdi va uning ichidagi geroin ekanini aytishdi”, degan yigit suddagi ko‘rsatmasida.
Shundan so‘ng U.M.ni 2 oy davomida tergov hibsxonasida saqlab turishgan. So‘ngra sud hukmi bilan 8 yil 6 oy muddatga ozodlikdan mahrum qilish jazosi tayinlangan.
“2022 yil oktyabr oyida jazoni ijro etish muassasasiga “Vagner” vakillari kelib, mahkumlarni yig‘ishdi. Ular rus millatiga mansub mahkumlarni alohida, boshqalarni alohida qilib saflashdi. Rus millatiga mansub mahkumlardan ularning roziligi bilan Rossiya-Ukraina urushiga borishni xohlovchilarni ajratib olishdi. Boshqa mahkumlarga ham Rossiya-Ukraina urushiga borishlarini aytishdi. Shunda 10-15 nafar mahkum urushga bormasligini ma’lum qildi. “Vagner” vakili urushga borishni xohlamagan 3 kishini oldiga chaqirib, barchasini otib tashladi.
Shundan so‘ng jazo muddatini o‘tayotgan o‘rta osiyolik mahkumlardan 200 nafarga yaqin kishini roziligisiz olib ketishdi. Ular orasida men ham bor edim. Shundan taxminan 100 nafari o‘zbekistonlik bo‘lgan.
Bizni Donetsk oblastidagi o‘quv lageriga olib borib, 1 hafta davomida harbiy mashqlarni, qurol ishlatish tartiblarini o‘rgatishdi. Dastlab bizni Baxmut shahrini egallash uchun yubormoqchi bo‘lishdi. Biroq u yerga oldin yollangan shaxslarni yuborishdi. Biz esa Soledarda okop qazidik. Bundan tashqari, jangda o‘lganlarni agar jyetoni bo‘lsa, jang maydonidan olib chiqib, qabristonga ko‘mardik. Jyeton bo‘lmagan murdalar o‘sha yerning o‘zida qolib ketardi. Jang vaqtida ortga chekinganlarni “Vagner” vakillari namoyishkorona otib tashlashardi”, degan yigit.
U.M. Ukrainaning minomyot zarbasi oqibatida chap oyog‘ining boldir qismidan jarohat olgan. Davolanishdan so‘ng unga Rossiya fuqaroligini olishi uchun ma’lumotnoma berishgan. U 2024 yil oktyabr oyi oxirida O‘zbekistonga qaytib kelgan.
U.M. sud hukmi bilan Jinoyat kodeksining 154-moddasi (yollanish) 1-bandida nazarda tutilgan jinoyatni sodir qilishda aybli deb topilgan. Unga 5 yil muddatga ozodlikni cheklash jazosi tayinlangan.
Oldinroq Rossiya armiyasiga yollangan 21 yoshli yigitning ozodligi 4 yilga cheklangani xabar qilingandi.
Samarqand viloyatining Payariq tumanida, qayta bunyod etilgan Imom Buxoriy majmuasidagi 10 ming kishilik yangi masjidda ilk hayit namozi o‘qildi.
Hayit namozida muftiy Shayx Nuriddin Xoliqnazar boshchiligida O‘zbekistonning turli hududlaridan kelgan ulamolar, bosh imom-xatiblar, nuroniylar va bir necha ming kishilik jamoat ishtirok etdi.
Ma’lumot uchun: besh yil davomida qayta qurilgan masjid-majmua kecha, 19-mart kuni hayit arafasida keng jamoatchilik uchun ochilgan edi.
«Duolar ijobat bo‘ladigan saodatli lahzalarda muftiy hazratlari boshchiligidagi jamoat Haq taolodan butun olamga tinchlik-omonlik, yurtimizga qut-baraka va xalqimiz farovonligini so‘rab duo-yu iltijo qildilar», — deyiladi O‘zbekiston musulmonlari idorasi xabarida.
16:36
Bir guruh hatayliklar Navro‘zni O‘zbekistonda nishonlamoqda
Source link
Shu yilning 20–24 mart kunlari Hatay viloyatidan Turkiya fuqarolari delegatsiyasining O‘zbekistonga tashrifi bo‘lib o‘tadi.
«Dunyo» AAning eslatishicha, ushbu tashrif O‘zbekiston Prezidentining Navro‘z bayrami munosabati bilan ilgari surilgan va 2026-yil 29-yanvar kuni bo‘lib o‘tgan Oliy darajadagi strategik hamkorlik kengashining to‘rtinchi yig‘ilishi doirasida bildirilgan tashabbusiga muvofiq tashkil etilmoqda.
Ta’kidlanishicha, tashabbus Turkiyadagi mahalliy OAVlarda keng yoritilgan. Jumladan, «Haberler», «Ensondakika», «İlkhaber Gazetesi», «Sondakika» kabi yetakchi elektron nashrlar, shuningdek, «Ülke TV» va «Bengü Türk» telekanallari bo‘lajak tashrifni faol yoritmoqda.
Xususan, Hatay viloyati gubernatori Mustafo Masatli va viloyat aholisining tashakkurnomasi e’lon qilinib, unda O‘zbekiston tomoniga taklif uchun minnatdorlik bildirilgan.
Ma’lum qilinishicha, delegatsiya tarkibidan Turkiya ommaviy axborot vositalari vakillari ham o‘rin olgan bo‘lib, ular tashrifning borishi va O‘zbekistonda Navro‘z bayrami doirasida o‘tkazilayotgan tadbirlar haqida Turkiya jamoatchiligini muntazam ravishda xabardor qilib boradi.
Toshkent viloyatining Qibray tumanidagi «Do‘rmon» qo‘rg‘onida Abdulla Oripov uy-muzeyining ochilishiga bag‘ishlangan tantanali marosim bo‘lib o‘tdi.
Tantanali marosimda O‘zbekiston Respublikasi Prezidenti maslahatchisi Ruslanbek Davletov hamda O‘zbekiston Respublikasi Bosh vaziri o‘rinbosari – Oila va xotin-qizlar qo‘mitasi raisi Zulayho Mahkamova ishtirok etdi.
Abdulla Oripov – o‘zbek xalqining ardoqli farzandi, atoqli shoiri, ozod O‘zbekiston madhiyasi matnining muallifi. Sobiq ittifoqning bir yoqlama mafkurasi qilichi ziyolilarimizning qutlug‘ qoni bilan bo‘yalgan va bu qon hali qurib ulgurmagan, ijodkorlarimiz boshi uzra qatag‘on siyosati ko‘lankasi solib turgan tahlikali davrda «O‘zbekiston – Vatanim manim!» deya o‘z yurtini baralla tarannum etish uchun hamma ham o‘zida jur’at topmagan. Mana shunday jasur qalam ahli eslanganida, shubhasiz, Abdulla Oripov nomi birinchilar qatorida zikr qilinadi. Qolaversa, millionlab qalblarni o‘zining lirik nazmiy asarlari orqali ezgulik va mehr-oqibat, pokiza ishq va vatanparvarlik tuyg‘usi bilan to‘ldirgan ham Abdulla Oripov edi.
Do‘rmon ijod uyiga tutash hovlida Abdulla Oripov 1996-2016 yillarda yashab, ijod qilgan. Joriy yil qahramon shoirimiz tavalludiga 85 yil to‘ldi…
— Bu uy-muzeyini tashkil etishda davlatimiz rahbarining tashabbusiga minnatdorlik bildirgan holda katta bunyodkorlik va o‘zgarishlarga beminnat ko‘mak bergan atoqli shoirimiz oilasi, jumladan, Hanifa aya Mustafoyevaga minnatdorlik bildiramiz, — dedi Toshkent viloyati hokimi, senator Zoyir Mirzayev tantanali tadbirda. — Chunki o‘z e’tibor berilmaganida, bugun bu yangi uy-muzeyining, pirovardida, kelajak avlodning madaniy mulkiga aylangan noyob eksponatlar, tarixiy qo‘lyozma va suratlar ko‘z qorachig‘idek asrab-avaylanmaganida, ularning yo‘q bo‘lib ketish ehtimoli ham yo‘q emasdi.
Tadbirda davlat va jamoat arboblari, shoir va yozuvchilar, xususan, Abdulla Oripovning shogirdlari so‘zga chiqdi, xalqimizning yangi madaniyat dargohi bilan samimiy tabrikladi.
Toshkent viloyatida ochilgan ushbu maskan Abdulla Oripovning betakror ijodiy merosini keng targ‘ib etish, ayniqsa, yoshlar qalbida Vatanga sadoqat, milliy g‘ururni mustahkamlash, avlodlarni yuksak insoniy fazilatlar ruhida tarbiyalashga xizmat qiladi.
Butun musulmon ummati uchun muqaddas bo‘lgan, ruhiy poklik, mustahkam imon, mehr-oqibat, rahm-shafqat, birodarlik va birdamlik kabi yuksak qadriyatlarni o‘zida mujassam etgan Ramazon oyi hamda muborak Iyd al-Fitr bayrami munosabati bilan O‘zbekiston Respublikasi Prezidenti Shavkat Mirziyoyev nomiga xorijiy davlatlar va hukumatlar, yirik xalqaro va mintaqaviy tashkilotlar rahbarlari, taniqli din va jamoat arboblaridan samimiy qutlovlar kelmoqda.
Tabriknomalarda ko‘p millatli O‘zbekiston xalqiga tinchlik, totuvlik, farovonlik va ravnaq tilaklari izhor etilib, mamlakatimiz bilan do‘stona munosabatlar va o‘zaro manfaatli sheriklikni yanada mustahkamlash va kengaytirishga intilish qat’iy ekani bildirilgan.
Xususan, quyidagilar o‘z tabriklarini yo‘llagan:
Saudiya Arabistoni Podshohi Salmon bin Abdulaziz Ol Saud;
Saudiya Arabistoni Valiahdi, Vazirlar Mahkamasi Raisi Muhammad bin Salmon bin Abdulaziz Ol Saud;
Turkiya Respublikasi Prezidenti Rejep Tayyip Erdog‘an;
Qozog‘iston Respublikasi Prezidenti Qasim-Jomart Toqayev;
Qirg‘iz Respublikasi Prezidenti Sadir Japarov;
Tojikiston Respublikasi Prezidenti Emomali Rahmon;
Turkmaniston Prezidenti Serdar Berdimuhamedov;
Ozarbayjon Respublikasi Prezidenti Ilhom Aliyev;
Qozog‘iston Respublikasining birinchi Prezidenti Nursulton Nazarboyev;
Birlashgan Arab Amirliklari Prezidenti Shayx Muhammad bin Zoid Ol Nahayon;
Birlashgan Arab Amirliklari Vitse-prezidenti, Bosh vaziri, Dubay amirligi hokimi Shayx Muhammad bin Roshid Ol Maktum;
Birlashgan Arab Amirliklari Vitse-prezidenti Shayx Mansur bin Zoid Ol Nahayon;
Misr Arab Respublikasi Prezidenti Abdulfattoh as-Sisi;
Eron Islom Respublikasi Prezidenti Mas’ud Pezeshkiyon;
Pokiston Islom Respublikasi Prezidenti Asif Ali Zardoriy;
Pokiston Islom Respublikasi Bosh vaziri Shahboz Sharif;
Kuvayt Davlati Amiri Shayx Mish’al al-Ahmad al-Jobir as-Saboh;
Kuvayt Davlati Valiahdi Shayx Saboh al-Holid al-Hamad as-Saboh;
Iordaniya Hoshimiylar Podshohligi Podshohi Abdulla II;
Hindiston Respublikasi Bosh vaziri Narendra Modi;
O‘mon Sultoni Haysam bin Toriq Ol Said;
Bahrayn Podshohi Shayx Hamad bin Iso al-Xalifa;
Jazoir Xalq Demokratik Respublikasi Prezidenti Abdulmajid Tabbun;
Falastin Davlati Prezidenti Mahmud Abbos;
Liviya Davlati Prezident kengashi rahbari Muhammad Yunus al-Manfi;
Afg‘oniston Bosh vaziri Mulla Muhammad Hasan Oxund;
Komor orollari Ittifoqi Prezidenti G‘azaliy Usmoniy;
Isroil Davlati Prezidenti Itsxak Gersog;
Birlashgan Millatlar Tashkilotining Ta’lim, fan va madaniyat masalalari bo‘yicha tashkiloti (UNESCO) bosh direktori Holid al-Ananiy;
Shanxay hamkorlik tashkiloti bosh kotibi Nurlan Yermekbayev;
Shanxay hamkorlik tashkiloti Mintaqaviy aksilterror tuzilmasi Ijroiya qo‘mitasi direktori Ularbek Sharsheyev;
Turkiy davlatlar tashkiloti bosh kotibi Kubanichbek Omuraliyev;
Turkiy davlatlar tashkiloti Oqsoqollar kengashi raisi Binali Yildirim;
Islom hamkorlik tashkiloti bosh kotibi Husayn Ibrohim Toha;
Ta’lim, fan va madaniyat masalalari bo‘yicha islom tashkiloti (ICESCO) bosh direktori Salim al-Malik;
Iqtisodiy hamkorlik tashkiloti bosh kotibiAsad Xon;
Ko‘rfaz arab davlatlari hamkorlik kengashi bosh kotibi Jasim Muhammad al-Budayviy;
Kavkaz musulmonlari idorasi raisi Shayxulislom Ollohshukur Poshozoda,
Al-Azhar majmuasi rahbari Ahmad at-Toyib.
Tabriklar kelishda davom etmoqda.
Imom Buxoriy masjid-majmuasida ilk hayit namozi o‘qildi (foto)
Global moliyaviy inqiroz 2008: sabablar va oqibatlar
Osiyo Kubogi-2031 ko‘chirildi – O‘zbekiston uni o‘tkazishga da’vogar edi
-
Dunyodan3 days ago
Eron Hormuz boʻgʻozi orqali cheklangan oʻtishga ruxsat beradi
-
Jamiyat3 days ago
Tadbirkor boshpanasiz bo‘lgan 5 ta oilani uy-joy bilan ta’minladi
-
Siyosat2 days agoSoʻnggi savdo maʼlumotlariga koʻra, Oʻzbekiston temir yoʻllari importi eksportdan 2,5 barobar koʻp
-
Iqtisodiyot3 days agopayme Tez QR orqali to‘lovni 3% keshbek bilan ishga tushirmoqda
-
Iqtisodiyot5 days ago«Yomg‘ir va qorda ham foydalanishga tayyor bo‘ladi» – Toshkent-Andijon pulli yo‘li haqida nimalar ma’lum?
-
Jamiyat5 days ago
Ichki ishlar xodimlarining qo‘pol muomalasi va tergov sifatidan norozilik ko‘paygan – Prezident
-
Iqtisodiyot4 days ago“Markaziy Osiyo umumiy investitsiya makonini yaratishi zarur” – Alisher Umirdinov
-
Iqtisodiyot4 days agoMetandan go‘shtgacha. Narxi keskin oshgan mahsulot va xizmatlar