Jamiyat
Toshkentda ijaradagi uyda narkolaboratoriya tashkil qilgan talaba qo‘lga olindi
22 yoshli talaba yigit va 18 yoshli qiz Mirzo Ulug‘bek tumanida ijarada yashaydigan xonadonda narkolaboratoriya tashkil etishgan. Tezkor qidiruv tadbirlarida ushbu sintetik giyohvand vositalarini “zakladka” usulida tarqatib kelgan 15 nafar shaxs ushlangan. Ular orasida talabalar ham bor.
Toshkent shahrida ijara uyda narkolaboratoriya tashkil etilgani aniqlandi. Bu haqda Ichki ishlar vazirligi xabar berdi.
Ma’lum qilinishicha, Ichki ishlar vazirligi va Davlat xavfsizlik xizmati xodimlari tomonidan Toshkent shahrining Mirzo Ulug‘bek tumanida tezkor tadbir o‘tkazilgan. Unda 18 yoshli qiz va 2003 yilda tug‘ilgan talaba yigit ijarada yashaydigan xonadonda narkolaboratoriya tashkil etgani aniqlangan.
Ular 2025 yil sentabr oyidan buyon Telegram`dagi narkodo‘konda kuratorlar topshiriqlariga asosan prekursorlarni tashkil qilish va sintetik giyohvandlik vositalarini tayyorlash bilan shug‘ullanib kelgan. Mazkur manzildan 1 kg mefedron sintetik giyohvandlik vositalari hamda narkolaboratoriyada foydalanish uchun zarur bo‘lgan asbob va uskunalar daliliy ashyolar tariqasida hujjatlashtirib olingan.
Tezkor tadbirda qo‘lga olingan kimyogar talaba yigitning mobil telefoniga kelgan geolokatsiya bo‘yicha yo‘nalish tashkil qilinib, Yangihayot tumanidagi dala maydonida “zakladka” usulida ko‘mib ketilgan 1 kg sintetik giyohvandlik vositalari topilgan.
Toshkent shahri hududida davom ettirilgan tezkor qidiruv tadbirlarida ushbu giyohvand vositalarini geolokatsiyalarga “zakladka” usulida tarqatib kelgan 9 kishi ushlangan. Ulardan 3 nafari talaba. Shuningdek, xuddi shunday zakladchik lavozimida ishlab kelgan yana 6 nafar shaxs qo‘lga olingan. Ular orasida bu ish bilan oilaviy shug‘ullanib kelgan fuqarolar ham borligi bildirilgan.
Tezkor tadbir davomida jami 10 ming dozaga teng bo‘lgan 2 kg sintetik giyohvand vositasi tarqalishining oldi olingan.
Holat yuzasidan Jinoyat kodeksining 273-moddasi 3-qismi «b» bandi (uyushgan guruh tomonidan giyohvandlik vositalari, ularning analoglari yoki psixotrop moddalarni o‘tkazish maqsadini ko‘zlab qonunga xilof ravishda tayyorlash, olish, saqlash va boshqa harakatlar qilish, shuningdek ularni qonunga xilof ravishda o‘tkazish) bilan jinoyat ishi qo‘zg‘atilgan.
Bugun AQShning migratsiya qonunchiligini buzgani uchun deportatsiya qilingan 26 nafar O‘zbekiston fuqarosi bo‘lgan charter reys Toshkent xalqaro aeroportiga kelib qo‘ndi. Bu haqda «Dunyo» agentligi xabar berdi.
Vatandoshlarning qaytarilishi O‘zbekiston va AQShning tegishli idoralari muvofiqlashtirilgan sa’y-harakatlari natijasida amalga oshirildi.
Ikki tomonlama hamkorlik doirasida fuqarolarning shaxsini aniqlash, tegishli hujjatlarni rasmiylashtirish va ularning xavfsiz olib kelinishini ta’minlash kabi barcha zarur tashkiliy va huquqiy tartib-taomillar tezkorlik bilan kelishib olindi.
O‘zbekiston migratsiya sohasida xorijiy sheriklar bilan hamkorlikni doimiy ravishda rivojlantirib, migratsiya qonunchiligi buzilishining oldini olishga, shuningdek, chet eldagi o‘z fuqarolarining huquq va qonuniy manfaatlarini himoya qilishni ta’minlashga alohida e’tibor qaratmoqda, deyiladi xabarda.
Avvalroq Avstriya noqonuniy migrantlarni O‘zbekiston orqali deportatsiya qilmoqchi ekani xabar berilgandi.
Prezident Shavkat Mirziyoyev Buyuk Britaniya fuqarolari – marhum Jon va Fillis Emili Le Bretonlarni O‘zbekiston Respublikasining «Do‘stlik» ordeni bilan mukofotlash to‘g‘risidagi farmonni imzoladi.
Ular Ikkinchi jahon urushi davrida, g‘oyat tahlikali vaziyatda, o‘z hayotlarini jiddiy xavf-xatarga qo‘yib bo‘lsa-da, Jersi orolidagi fashistlar konslageridan qochib chiqishga muvaffaq bo‘lgan o‘zbekistonlik askar Boqijon Akramovga o‘z uylaridan joy berib, uning jonini asrab qolgan hamda ulkan jasorat va insonparvarlik fazilatlarini namoyon etgan.
Dunyo xalqlari o‘rtasida tinchlik, do‘stlik va birodarlik g‘oyalarini targ‘ib etishda alohida o‘rnak ko‘rsatganlari uchun Buyuk Britaniya fuqarolari – marhum Jon va Fillis Emili Le Bretonlar O‘zbekiston Respublikasining «Do‘stlik» ordeni bilan mukofotlandi.
O‘zbekiston bo‘yicha may oyining birinchi kunlarida bahoriy ob-havo sharoiti bilan kutilmoqda.
Respublika hududining katta qismida yomg‘ir yog‘adi, momaqaldiroq kuzatiladi. Qoraqalpog‘iston Respublikasi, Xorazm viloyatida va Navoiy viloyati shimolida yog‘ingarchilik kutilmaydi. Buxoro viloyatida va Navoiy viloyati janubida asosiy yomg‘irlar bugun yog‘adi, 2-3 may kunlari esa faqat ayrim joylarda qisqa muddatli yomg‘ir yog‘ishi mumkin.
1-mayda respublika bo‘yicha ba’zi joylarda shamol tezligi 13-18 m/s gacha kuchayishi, ayrim joylarda chang-to‘zonlar bilan kuzatilishi mumkin.
Bugun kunduzi havo harorati asosan 27-30 daraja, dam olish kunlari esa 22-25 daraja bo‘ladi. Shimoli-g‘arbiy hududlarda bugun eng salqin kun 20-23 daraja atrofida bo‘lishi kutilmoqda, yakshanba kuniga borib esa havo harorati 27-30 darajagacha ko‘tariladi.
Respublikaning tog‘ oldi va tog‘li hududlarida 1-3-may kunlari vaqti-vaqti bilan yomg‘ir yog‘adi, ba’zi joylarda momaqaldiroq bilan kuzatiladi.
Sel-suv toshqin hodisalari yuzaga kelishi mumkin.
Toshkentda: bugun kunning ikkinchi yarmida qisqa muddatli yomg‘ir yog‘adi, momaqaldiroq bo‘lishi mumkin. Harorat 28-30 daraja bo‘ladi.
Shanba va yakshanba kunlari vaqti-vaqti bilan yomg‘ir yog‘adi, momaqaldiroq bo‘lishi mumkin. Harorat kechalari 13-15 daraja, kunduz kunlari 22-24 daraja bo‘ladi.
1-2-may kunlari shamol tezligi 10-12 m/s gacha kuchayishi, bugun kunduzi shaharning ayrim joylarda chang-to‘zonlar bilan kuzatilishi mumkin.
Namangan viloyatining Chust tumanida o‘tkazilgan tezkor tadbirda qalbaki valyuta savdosi bilan shug‘ullangan guruh qo‘lga tushdi.
Yangi Namangan tumanida yashovchi shaxs (1984-y.t.) va Chust tumanida istiqomat qiluvchi, muqaddam sudlangan fuqaro (1980-y.t.) o‘zaro til biriktirib, xorijdan olib kelingan qalbaki 10 ming AQSh dollarini shartli xaridorga haqiqiy 7,5 ming AQSh dollariga sotgan vaqtlarida ashyoviy dalillar bilan ushlandi.
Hozirda ularga nisbatan jinoyat ishi qo‘zg‘atilib, tergov harakatlari olib borilmoqda.
Surxondaryo viloyati Boysun tumanida yana neft aralash suyuqlik oqayotgani kuzatilmoqda.
Ayni damda holat Surxondaryo viloyati Ekologiya bosh boshqarmasi Ekopolitsiya xodimlaridan iborat ishchi guruh tomonidan va boshqa tegishli tashkilotlar bilan birga voqea joyiga chiqqan holda o‘rganilmoqda. Dastlabki o‘rganish natijalariga ko‘ra, bugun tonggi 06:30da kuchli sel kelishi natijasida handaqni buzib ketgan va natijada neft aralash suyuqlik oqib chiqqan.
Hozirda o‘rganish davom etmoqda va natijalariga ko‘ra qo‘shimcha ma’lumot beriladi.
Yaponiya O‘zbekistondan neft, gaz va strategik foydali qazilmalarni import qilishga qiziqish bildirmoqda
11:38 «Siti» poygada qoqildi
AQShdan deportatsiya qilingan 26 o‘zbekistonlik Toshkentga keltirildi
-
Siyosat5 days agoPrezident Mirziyoyev energiya tejash vositasi sifatida kommunal xizmatlarni oʻchirishni taqiqlovchi farmonni imzoladi
-
Siyosat4 days agoOʻzbekistonda yil oxiriga qadar 13 ta GES qurish rejalashtirilmoqda, tarmoqni kengaytirish koʻzda tutilmoqda
-
Turk dunyosi5 days agoKurd jangari rasmiysining aytishicha, Turkiya islohotlarning yoʻqligi tufayli tinchlik muzokaralarini toʻxtatib qoʻymoqda
-
Jamiyat4 days ago
Sud jarayonlarini OAVda yoritishni takomillashtirish bo‘yicha dastur boshlandi
-
Jamiyat3 days agoJinoiy guruh yetakchisidan 2,7 ming dollar olgan profilaktika inspektori ushlandi
-
Jamiyat4 days ago
Jurnalistika uchun dolzarb bo‘lgan kitob taqdimoti bo‘lib o‘tdi
-
Iqtisodiyot4 days ago
Birja savdolarida 1,2 mlrd so‘mlik asossiz daromad olingani aniqlandi
-
Jamiyat3 days agoDiyetolog qarishning asosiy «dushmani»ni ma’lum qildi