Jamiyat
Toshkent-London-Toshkent yo‘nalishidagi reys texnik nosozlik sabab kechikmoqda
“Uzbekistan Airways”ning Toshkent-London-Toshkent reysi yoqilg‘i to‘ldirish sababi bilan Frankfurt aeroportiga qo‘ngan. Kun.uz’ga murojaat qilgan yo‘lovchilarga ko‘ra, ular tranzit zonaga o‘tkazilib, 4 soat ushlab turilgan. “Dippasport va Shengen vizasi bo‘lganlarni olib, ertalabki London reysi bilan jo‘natishdi”, – deydi hali ham aeroportda qolgan yo‘lovchilardan biri. Hozirda reys bo‘yicha ma’lumot yangilangan, ammo murojaatchilar bu parvoz ham bekor qilinganini aytishmoqda.
Kun.uz’ga 21-22 noyabr kunlari “Uzbekistan Airways”ning Toshkent-London-Toshkent yo‘nalishidagi parvozlar oxiriga yetmay, kechikkani yuzasidan murojaat kelib tushdi.
21 noyabr kuni Toshkentdan Londonga uchayotgan yo‘lovchilardan birining yozishicha, ular Frankfurtda mahalliy vaqt bilan 17:00da qo‘nishga majbur bo‘lishgan. Aviakompaniya vakillari bunga yoqilg‘i quyish sabab bo‘lganini aytgan.
“Keyin esa bir soat ichida uchib ketamiz deyishdi. Yo‘lovchilarni tranzit zonasiga olib ketishdi va soat 21:00 gacha u yerda hech qanday e’lon bermasdan ushlab turishdi. Reysda ko‘plab bolalar va qariyalar bor edi.
Bizning noroziligimizdan so‘ng, Lufthansa reysiga o‘tkazishga harakat qilishlarini aytishdi. Lekin, albatta, hech kimni bortga olishmadi, xuddi ular bu holatga birinchi marta shunday duch kelgandek taassurot qoldirishdi.
Dippasport va Shengen vizasi bo‘lganlarni olib, mehmonxonaga joylashtirishdi, tunda ularga elektron chiptalar berib, ertalabki London reysi bilan Lufthansa orqali jo‘natishdi. Ko‘plab Shengen vizasi yo‘q yo‘lovchilar esa [keyinroq] 01:40 da mehmonxonaga joylashdi. Bizga hech qanday aniq ma’lumot berishmadi, vaqtni cho‘zishdi”, – deydi yo‘lovchi.
O‘zbekiston havo yo‘llari 2 tomonlama reys haqiqatan ham kechikkanini ma’lum qilgan. Qayd etilishicha, Frankfurt aeroportida amalga oshirilgan rejasiz qo‘nish sababli HY201/202 reyslarining keyingi uchish vaqti, texnik sabablarga ko‘ra, 22 noyabr sanasiga ko‘chirilgan.
Shunga asosan mahalliy vaqtlar bilan parvoz quyidagicha belgilangan:
Frankfurt shahridan uchib ketish – 15:00
Londonga yetib kelish – 15:25
Londondan uchib ketish – 17:00
Toshkentga yetib kelish – 04:55 (23 noyabr)
Yana bir yo‘lovchi esa yangilangan parvoz vaqti ham bekor qilinganini, aviakompaniya terminalda qolganlarga aloqaga chiqmayotganini aytmoqda.
“Biz Tashkent–Heathrow [Londondagi aeroport nomi] reysi orqali 21 noyabr kuni uchib kelishimiz kerak edi, lekin yoqilg‘i yetishmasligi deb aldab 1 kundan beri hech qanday xabarsiz terminalda ushlab turishibdi.
Qachon uchishimiz ham noma’lum, 1-2 kun ham bo‘lishi mumkin ekan. Odamlar Londondagi hamma olmipiada musobaqalarini, sayohatlarini bekor qilishdi. Shu reys bilan juda muammo bo‘lyapti. Hamma yozganlari yolg‘on. Kechasi soat 02:30 gacha aeroportda olib yurib oxiri zo‘rg‘a hotelga joylashtirishdm. Bugunam bergan vaqtini bekor qildi. Umuman vakillari aloqaga chiqmayapti”, – deydi u.
Kun.uz’ga Frankfurt aeroportida bo‘lib turgan yo‘lovchilar video ham yo‘llashgan. Unda aviakompaniyadagilar bilan muloqot davom etayotgani, reys bo‘yicha bir qarorga kelinmay, turli variantlar ko‘rib chiqilayotgani aytiladi.
Andijon viloyatidagi «Do‘stlik» chegara bojxona postida qo‘shni davlatga yo‘l olgan fuqaro do‘ppisi ichiga yashirilgan 35,6 ming AQSh dollari bilan ushlandi. Bojxona deklaratsiyasida ko‘rsatilmagan valuta protsessual tartibda olib qo‘yildi.
Foto: Bojxona qo‘mitasi
Holat Andijon viloyati bojxona boshqarmasining «Do‘stlik» chegara bojxona postida aniqlangan.
Ma’lum qilinishicha, qo‘shni davlatga chiqib ketayotgan 51 yoshli fuqaro boshidagi do‘ppining ichiga 35,6 ming AQSh dollarini yashirgan holda mamlakat hududidan olib chiqishga uringan.
Bojxona nazorati davomida yo‘lovchining deklaratsiyasi tekshirilgan va og‘zaki so‘rov o‘tkazilgan. Natijada deklaratsiyada ko‘rsatilmagan hamda ma’lum qilinmagan naqd xorijiy valuta aniqlanib, belgilangan tartibda olib qo‘yilgan.
Bojxona qo‘mitasi eslatishicha, amaldagi qonunchilikka muvofiq, O‘zbekiston rezidentlari mamlakat hududidan 100 million so‘m ekvivalentigacha bo‘lgan miqdordagi naqd xorijiy valutani olib chiqish huquqiga ega.
Ayni paytda mazkur holat yuzasidan bojxona tekshiruvlari davom ettirilmoqda.
Qamchiq dovonida harakatlanayotgan yonilg‘i tashishga mo‘ljallangan maxsus yuk avtomobili haydovchisi boshqaruvni yo‘qotishi oqibatida yo‘lni ajratuvchi temir to‘siqqa urilib, harakatni davom ettira olmay qolgan. Hodisa oqibatida jabrlanganlar yo‘q.
Favqulodda vaziyatlar vazirligi ma’lum qilishicha, hodisa 30 iyun kuni soat 13:59 da A-373 avtomobil yo‘lining Qamchiq dovoni hududida sodir bo‘lgan.
Ma’lumotga ko‘ra, yonilg‘i tashishga mo‘ljallangan maxsus yuk avtomobili haydovchisi boshqaruvni yo‘qotgan va transport vositasi yo‘lni ajratuvchi temir to‘siqqa urilib, harakatdan to‘xtagan.
Xabar kelib tushgach, «Qamchiq» maxsus qutqaruv boshqarmasi qutqaruvchilari voqea joyiga tezkorlik bilan yetib borgan. Maxsus texnikalar yordamida avtomobil xavfsiz hududga olib chiqilgan.
Qayd etilishicha, yo‘l-transport hodisasi oqibatida tan jarohati olganlar yo‘q.
Samarqand va Qashqadaryo viloyatlarida gaz ta’minoti hamda kadastr tizimida sodir etilgan korrupsion jinoyatlar fosh etildi. Har ikki holat bo‘yicha jinoyat ishlari qo‘zg‘atilib, tergov harakatlari olib borilmoqda.
Davlat xavfsizlik xizmati hamda Iqtisodiy jinoyatlarga qarshi kurashish departamenti tomonidan o‘tkazilgan tezkor tadbirlar davomida Samarqand va Qashqadaryo viloyatlarida korrupsiya bilan bog‘liq ikki holatga chek qo‘yildi.
Ma’lum qilinishicha, Samarqand viloyatidagi «Urguttumangaz» gaz ta’minoti bo‘limining mansabdor xodimi hamda ushbu tashkilotning sobiq xodimi mahalliy MChJga qarashli ishlab chiqarish sexiga yangi tabiiy gaz taqsimlash uskunasini o‘rnatish uchun loyiha hujjatlarini rasmiylashtirish va texnik shart ruxsatnomasini olib berish evaziga 2 ming AQSh dollari talab qilgan. Ular so‘ralgan pul mablag‘ini olgan vaqtda ashyoviy dalillar bilan ushlangan.
Qashqadaryo viloyatida esa Kadastr agentligining tuman bo‘limi boshlig‘i mahalliy fuqaroga issiqxona qurish uchun ajratilgan 50 sotix sug‘oriladigan yer maydonini boshqa shaxs nomiga rasmiylashtirib berishni va’da qilib, buning uchun muqaddam 11 600 AQSh dollari olgani aniqlangan.
Tergovga qadar tekshiruvda mansabdor shaxs olgan mablag‘ining bir qismini — 49,7 mln so‘mni qaytarib bergan vaqtida uning noqonuniy harakatlari fosh etilgan. Keyinchalik qolgan 89,5 mln so‘m ham jabrlanuvchiga qaytarilgan.
Hozirda har ikki holat yuzasidan jinoyat ishlari qo‘zg‘atilib, tergov harakatlari davom etmoqda.
DXX fuqarolarga murojaat qilib, kundalik hayotda korrupsiya va boshqa qonunbuzilish holatlariga duch kelganda, idoraning 1520 qisqa raqamiga qo‘ng‘iroq qilib xabar berishni so‘radi. Qayd etilishicha, murojaat etuvchilarning shaxsi sir saqlanishi kafolatlanadi.
Bolaga Howo yuk mashinasi boshqaruvini ammasining o‘g‘li ishonib topshirgan. “Mashina boshqarishni o‘rgatmoqchi edim”, degan u. Mashina jarima maydoniga joylashtirilgan, huquqbuzarlarga esa ma’muriy bayonnoma rasmiylashtirilgan.
Navoiyda Howo yuk mashinasi boshqaruvini 7 yoshli bolaga ishonib topshirgan shaxs aniqlandi. Bu haqda viloyat YHXB axborot xizmati xabar berdi.
Ijtimoiy tarmoqlarda yosh bola yuk mashinasini boshqarib borayotgani aks etgan videolavha tarqaldi. Qoidabuzarlik yuzasidan tezkorlik bilan surishtiruv harakatlari olib borilgan. Jarayonda voqea 2025 yil sentabr oyida bo‘lgani aniqlangan.
Ma’lum bo‘lishicha, bolaga boshqaruvchi uning ammasini o‘g‘li ishonib topshirgan. “Akam menga katta mashinasini berdi. Men uni boshqardim. Endi qaytib qilmayman”, degan bola.
Huquqbuzar qilgan ishidan afsusda ekanini aytib, jiyaniga mashina boshqarishni o‘rgatmoqchi bo‘lganini bildirgan.
Karmanalik ushbu shaxsning xatti-harakati va ota-onaning farzandini nazoratsiz qoldirgani yuzasidan MJtKning tegishli bandlari bilan ma’muriy bayonnomalar rasmiylashtirilgan. Yuk mashinasi esa jarima maydoniga joylashtirilgan.
Avvalroq Farg‘onada voyaga yetmagan shaxs Malibu’da uchta bolani urib ketgan edi. Ulardan biri vafot etgandi.
«Tashabbusli budjet jarayonlari doirasida mahallalardagi ijtimoiy-iqtisodiy masalalarni hal etishda xalq vakillari va jamoatchilik uchun qo‘shimcha imkoniyatlarni yaratish to‘g‘risida»gi prezident qarori qabul qilindi.
Sun’iy intellekt yaratgan surat
Qarorga ko‘ra, 2026 yil 1 avgustdan tashabbusli budjet jarayonida deputatlar tomonidan loyihalarni qo‘shimcha ravishda g‘olib deb e’lon qilish uchun imkoniyatlar yanada kengaytiriladi.
Bunda:
har bir deputat tomonidan «Ochiq budjet» axborot portalida (portal) bir mavsum uchun ajratilgan mablag‘lar doirasida bir yoki bir nechta loyihalar tanlanib, qo‘shimcha ravishda g‘olib deb e’lon qilinadi;
deputat vakolati muddatidan ilgari tugatilgan hollarda «Tashabbusli budjet» jarayonlarida parlament nazoratini amalga oshirish bo‘yicha komissiya qaroriga ko‘ra boshqa deputatlar tomonidan tashabbusli budjet jarayonlarining tegishli saylov okrugidagi qo‘shimcha g‘oliblari aniqlanadi.
2027 yil 1 yanvardan sheriklik loyihalarini qo‘shimcha ravishda Yagona interaktiv davlat xizmatlari portali, to‘lov tashkilotlari va tijorat banklarining mobil ilovalari orqali moliyalashtirish imkoniyatlari yaratiladi.
Mobil ilovalarda portal bilan integratsiya ta’minlangan holda barcha sheriklik loyihalarining ro‘yxati va tashabbusli budjet jarayonining onlayn statistikasi aks ettiriladi.
Qiymati BHM 2000 baravarigacha (taxminan 824 mln so‘m) bo‘lgan ichki yo‘llarni ta’mirlash bo‘yicha sheriklik loyihalarini tuman (shahar) obodonlashtirish boshqarmalari tomonidan amalga oshirish tartibi joriy etiladi.
Andijonda do‘ppisi ichiga 35 ming dollar yashirgan yo‘lovchi ushlandi
Delegatsiya Dohaga boradi, ammo AQSh bilan muzokaralar o’tkazilmaydi
Qamchiqda yonilg‘i tashuvchi maxsus avtomobil YTHga uchradi
-
Dunyodan2 days agoEron Hormuz boʻgʻozi orqali oʻtayotgan kemalarni ogohlantirdi
-
Dunyodan4 days agoQirgʻiziston va Oʻzbekiston chegarani delimitatsiya qilish doirasida hudud almashadilar
-
Sport5 days agoDo‘stlar sharafiga Lamin Yamal deb nomlangan bola – jahon futbol yulduzi haqida
-
Iqtisodiyot5 days ago
Ertaga dollar tushib, yevro biroz ko‘tariladi
-
Iqtisodiyot3 days ago“Xohlagan ekinni ekish mumkin” – Yangi tartib fermerga nima beradi?
-
Iqtisodiyot5 days ago
O‘zbekiston kivilarni asosan Erondan import qilmoqda
-
Jamiyat5 days agoVatanparvar jurnalistlarni o‘zimga do‘st va maslakdosh deb bilaman
-
Sport4 days agoJCh kundaligi. Kabo-Verdeda mo‘jiza, Urugvayda sharmandalik, Dembeleda het-trik, Eronda drama