Sport
To‘daboshisi noaniq «oq bo‘rilar». Mundialga kim bilan boramiz?
O‘zbekiston milliy jamoasi bosh murabbiyi masalasi hamon mujmal. O‘FA hamon xorijlik (!) murabbiy izlab charchamayapti, Temur Kapadze Angliya klublarida mehmon bo‘ldi.
{Yii::t(}
O’tkazib yuborish 6s
O’tkazib yuborish
Qolaymi ayting, ketaymi men?
Esingizda bo‘lsa, avvalroq O‘FA milliy jamoa bosh murabbiyligini Paulu Bentu va Yoaxim Lyovga taklif qilib, ulardan rad javobini olgani haqida xabarlar chiqqandi. Bentu Toshkentga keldi ham. Lekin portugaliyalik mutaxassis aftidan shunchaki poytaxtni aylangani kelgan ko‘rinadi, bo‘lmasa u bilan shartnoma imzolangani e’lon qilinardi.
Shu kunlarda O‘FA bosh murabbiylik taklifi bilan 2006 yilgi jahon chempioni, o‘sha yilgi «Oltin to‘p» sohibi Fabiu Kannavaroga ham aloqaga chiqib, rad javobi olgani haqida xabar tarqaldi. Bu haqda Romano ham yozdi. Bu ketishda O‘FAdagilar Kloppdan boshqa hamma bekor yurgan murabbiylarga aloqaga chiqib ko‘rishadi chog‘i.
Bu orada milliy jamoani jahon chempionatiga olib chiqqan murabbiy Temur Kapadze Angliyada o‘ziga xos turne o‘tkazmoqda. Uning «Manchester Siti» mashg‘ulotiga borgani, «Enfild»da yurgani aks etgan rasmlar tarqaldi. Kapadze bu klublarga shunchaki aylangani borganmi yoki ularning murabbiylaridan biror narsa o‘rganishgami, bilmadim. Lekin Urugvayga qarshi o‘rtoqlik o‘yiniga milliy jamoani Kapadze olib borishi aniq.
Aytgancha, 13 oktyabr Urugvayga qarshi o‘rtoqlik o‘yinida maydonga tushamiz. Ya’ni milliy jamoa jahon chempionatiga tayyorgarlikning asosiy qismini boshlamoqda. Lekin hamon bizni tarixdagi ilk mundialga kim olib borishi aniq emas. Vaholanki oldida rasmiy o‘yini bo‘lmagan biz kabi jamoalar uzoq tanaffusdan foydalanib aniq reja asosida musobaqaga tayyorlanishi kerak. Tarkib shakllangan, chempionatda o‘zini ko‘rsatayotgan futbolchilar o‘rtoqlik o‘yinlarida sinovdan o‘tkazilaverishi kerak.
Aytaylik, hozir Kapadze kimlarni o‘ynatishini biladi, lekin O‘FAdagilar istayotgan xorijlik (!) kelsa, bu tarkib unga yoqmasligi mumkin. Keyin qaytadan o‘yinni shakllantirish uchun vaqt yetadimi yoki «o‘zbekchasiga» taxmin, tavakkal o‘yin o‘ynab qaytamizmi?
Futbolchilar nega jim?
O‘FA rahbariyati negadir Kapadze bilan jahon chempionatiga borishni istamay, xorijlik murabbiy izlashga tushgan deylik. Ammo yetakchi futbolchilar nega bu borada fikrini bildirmayapti? Jurnalistlar bu haqda so‘rasa, hammasi «Biz hal qilmaymiz, rahbariyat biladi», deb javob bermoqda.
Yigitlar, maydonda siz futbol o‘ynaysiz, rahbariyatning vazifasi siz va murabbiyga qulay sharoit yaratish, erta-indin jahon chempionatiga boradigan jamoaga kim murabbiylik qilishi masalasini mujmallashtirish kerak emas. Siz bu borada dangal fikringizni aytishingiz kerak, bir-biringizga emas, muxlislarga. Milliy jamoa o‘z nomi bilan millatning jamoasi, unga butun xalq muxlislik qiladi. Va mana shu xalqning aksari hozir Kapadzeni qo‘llamoqda. Ular bu borada futbolchilarning fikrini bilishni istaydi, rahbariyatnikini emas. Shaxsan men yetakchi futbolchilar Kapadzeni qo‘llab chiqishini kutgandim, lekin aftidan orada biz bilmaydigan nimadir borga o‘xshaydi.
Men doim bir savolga javob izlayman: nega milliy jamoa bosh murabbiyi kim bo‘lishini bir tashkilot hal qilishi kerak o‘zi? Bu tashkilot muxlislar fikrini, futbolchilar qarashlarini inobatga olmaydimi? Axir futboldagi hamma masala kabinetlarda hal qilinadigan davrlar o‘tdi, futbol O‘zbekistondagi eng demokratik soha, azaldan shunaqa bo‘lgan.
Mayli, murabbiyni tanlash O‘FAning istagiga bog‘liq ekan, bunga ham rozimiz deylik. Agar shunday bo‘lsa, bu tashkilot muxlislarga ichkaridagi vaziyat haqida hisobot berishi shart. Agar Kapadze qoladigan bo‘lsa, «O‘rtoqlar, siz eshitgan hamma gaplar mish-mish, mundialga Kapadze bilan boramiz», deyishsin. Yoki ularning istagi xorijlik murabbiy bo‘lsa, buni ham ochiq aytishsin: «Kapadzega qilgan xizmatlari uchun rahmat, lekin mundialga boshqa murabbiy tayinlaymiz», deyishsin. Shunda Kapadze ham boshqa ishni ko‘raveradi, klublar uni jon deb ishga chaqirishadi.
O‘FAdagilar balki O‘mon saralashni yakunlagach Keyrushni olib kelishni kutayotgandir, balki yana boshqa variant bordir. Bu haqda muxlislar bilishga haqli. Xullas, millat jamoasi taqdiriga jiddiyroq qarash kerak. Unutmang, mujmallik shubha-gumonga, mish-mishlarga yo‘l ochadi.
O‘tkir Jalolxonov tayyorladi.
Tasvirchi va montaj ustasi — Faxriddin Hotamov
«Paxtakor» bosh murabbiyi Kamoliddin Tojiyev matbuot anjumanida himoyachi Muhammadrasul Abdumajidovning Fransiya jamoasiga o‘tishini tasdiqladi.
«Abdumajidov 1 yanvardan e’tiboran “Brest” a’zosiga aylanadi, shartnoma imzolangan. Shunchaki Muhammadrasulning o‘zi jamoada qolib, yordam berishni istadi.
Agar ular oldinroq xat jo‘natishganida, balki, uni Fransiyaga jo‘natar edik. O‘tgan yili Muhammadali O‘rinboyevni Belgiya jamoasiga bergandik», — dedi Tojiyev.
Avvalroq tarmoqda «Paxtakor» rahbariyati futbolchining Fransiya klubiga o‘tishiga ruxsat bermagani haqida xabarlar tarqalgan edi.
Shundan so‘ng klub Fransiyadan taklif kech yetib kelgani va O‘zbekistonda transfer davri yopilganini ma’lum qildi. Shu tufayli mazkur transfer bo‘yicha taklif qishda ko‘rib chiqilishi aytilgan.
Bugun «Vatanparvar» tashkiloti Markaziy kengashida O‘zbekiston Biatlon federatsiyasining hisobot-saylov konferensiyasi bo‘lib o‘tdi. Unda federatsiyaning yangi rahbariyati saylandi.
Konferensiya yakuniga ko‘ra, Husan Botirov O‘zbekiston Biatlon federatsiyasi raisi etib saylandi. Mansur Mamadaminov birinchi o‘rinbosar, Anvar Kurbaniyazov esa rais o‘rinbosari lavozimini egalladi.
Yangi rahbariyat federatsiya oldida turgan ustuvor vazifalarni belgilab, O‘zbekiston biatlonini yanada rivojlantirish, sportchilarning xalqaro musobaqalardagi natijalarini yaxshilash va yuqori darajadagi musobaqalarga puxta tayyorgarlik ko‘rishga alohida e’tibor qaratishini ma’lum qildi.
Xususan, 2027-yilgi Jahon chempionati hamda 2030-yilgi Qishki Olimpiya o‘yinlariga tayyorgarlik federatsiya faoliyatining muhim yo‘nalishlaridan biri bo‘lishi ta’kidlandi.
Yangi rahbariyat oldida biatlon infratuzilmasini rivojlantirish, iqtidorli sportchilarni saralash va tayyorlash hamda O‘zbekiston biatlonining xalqaro maydondagi mavqeini mustahkamlash kabi vazifalar turibdi.
Afsonaviy futbolchi Lionel Messi Argentina milliy terma jamoasidagi faoliyatini yakunlashini ma’lum qildi. Leo ijtimoiy tarmoqlarda bu haqdagi maktubni e’lon qildi.
«Finaldan keyingi voqealar va uzoq o‘ylanishlardan so‘ng barchaga milliy terma jamoadagi faoliyatimni yakunlayotganimni ma’lum qilmoqchiman. Bu og‘riqli qaror bo‘lgan va shunday bo‘lib qoladi. Biroq hozir buning uchun eng munosib vaqt ekanini tushunyapman.
Qasam ichaman, men nafaqat so‘nggi yillarda, barcha sovrinlarni qo‘lga kiritgan davrimizda, balki undan oldin ham doimo bor kuchimni berib keldim. Har doim kurashdim va sizlarga quvonch ulashish, futbol orqali argentinalik ekaningizdan faxrlanishingiz uchun ushbu kiyim sharafi uchun borimni berdim.
Vaqt oz qoldi. Yangi boblar ochilmoqda, ammo bu bob menga chuqur og‘riq bermoqda. Men milliy terma jamoada bo‘lishni sevdim, sevaman va har doim sevib qolaman. Bor kuchimni berdim. Endi beradigan boshqa narsam qolmadi.
Bundan tashqari, ortimdan juda iste’dodli yosh futbolchilar kelmoqda va ular terma jamoada bo‘lishga loyiq. 20 yil davomidagi mehringiz uchun rahmat», — deb yozdi Messi.
Messi Argentina terma jamoasida 2005 yildan buyon o‘ynab kelgan. U jami 207 ta uchrashuvda maydonga tushib, 125 ta gol urgan va 68 ta golli uzatmani amalga oshirgan.
Messi Argentina bilan 2022 yilgi jahon chempionati, 2021 va 2024 yillardagi Amerika kubogi, 2022 yilgi Finalissimada g‘olib bo‘lgan, shuningdek, 2008 yilgi Olimpiadada oltin medalni qo‘lga kiritgan.
Shuningdek, Leo bilan Argentina 2014 va 2026 yilgi jahon chempionatlarida finalga chiqqan. Jamoa 2007, 2015 va 2016 yillardagi Amerika kubogida ham kumush medallarni qo‘lga kiritgan.
Sport
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
Niderlandiyaning Amsterdam shahrida akademik eshkak eshish bo‘yicha jahon chempionati bo‘lib o‘tmoqda. Unda O‘zbekiston terma jamoasi musobaqadagi tarixiy medalga sazovor bo‘ldi.
Yengil vaznli sportchilar o‘rtasidagi juftlik dasturida (LM2x) Shahzod Nurmatov va Sobir Safaraliyev dueti oltin medal sohibi bo‘ldi. Bu o‘zbekistonlik akademik eshkak eshuvchilarning kattalar o‘rtasidagi jahon chempionatida qo‘lga kiritgan birinchi oltin medalidir.
Musobaqada kumush medal Germaniya, bronza medali esa AQSh sportchilariga nasib etdi.
UEFA Chempionlar ligasi 2026/2027-yilgi mavsumi umumiy bosqichi to‘liq taqvimni e’lon qildi.
Bu bosqichda har bir jamoa 8 ta o‘yin o‘tkazadi: 4 tasi o‘z maydonida, 4 tasi safarda.
Joriy mavsumdan e’tiboran bir jamoa bir raqib bilan ketma-ket uch mavsum davomida o‘z maydonida o‘ynashiga yo‘l qo‘yilmaydi.
Umumiy bosqichning 1-turi uch kun — seshanba, chorshanba va payshanba (8-9-10-sentyabr) kunlariga taqsimlanadi. Qolgan turlar ikki kun davomida o‘tkaziladi. So‘nggi turda esa barcha uchrashuvlar bir vaqtda boshlanadi.
1-turni Abduqodir Husanov va «Manchester Siti» safarda «Portu»ga qarshi o‘tkazadi. Boshlanishi: bizning vaqt bilan 9 sentyabrga o‘tar kechasi soat 00:01 da.
Umarali Rahmonaliyev va «Sabah» esa Chempionlar ligasi umumiy bosqichidagi debyutida «Manchester Yunayted» maydonida sinovdan o‘tadi. Boshlanishi: bizning vaqt bilan 11-sentyabrga o‘tar kechasi soat 00:00 da.
Manba: UEFA
Asadjon Xodjayev Raqamli texnologiyalar vaziri o‘rinbosari etib tayinlandi
2030 yilga qadar havoni ifloslantiruvchi moddalar miqdori 10,5 foizga kamaytiriladi
O‘zbekistonda raqamli valyuta to‘lov vositasi sifatida sinab ko‘riladi
-
Sport3 days ago
Husan Botirov Biatlon federatsiyasi raisi etib saylandi
-
Jamiyat3 days ago
Prezidentning xususiylashtirishga oid farmoni e’lon qilindi
-
Jamiyat4 days ago
Toshkentda yana bir BRT yo‘lagi foydalanishga topshirildi
-
Siyosat3 days ago
Shavkat Mirziyoyev Serbiyaga yetib bordi
-
Jamiyat2 days ago
Sudyalikka nomzodlar uchun yosh senzi 30 yoshga tushirilishi mumkin
-
Jamiyat1 day ago
Hokim yordamchilarining 9 ta asosiy vazifasi belgilab berildi
-
Iqtisodiyot2 days agoDollar qimmatladi, yevroda ham ko‘tarilish kuzatildi
-
Jamiyat13 hours ago
Asadjon Xodjayev Raqamli texnologiyalar vaziri o‘rinbosari etib tayinlandi