Ota taxminan 8–9 yoshdagi o‘g‘lini “maqsadlariga yetishi” uchun avtomobil shinasiga bog‘lab, jismoniy zo‘riqishga undayapti va “mashg‘ulot” videolarini Instagram’ga joylab bormoqda. Holat tarmoqlarda e’tirozlarga sabab bo‘ldi. Ayrim foydalanuvchilar bola nosog‘lom sport turiga jalb etilayotganini ta’kidlab, otaga chora ko‘rishni so‘ragan. Bolalar ombudsmani buni “normal amaliyot emas” deya baholab, bola manfaatlarida holatga aniqlik kiritish uchun tegishli idoralarga murojaat qildi.

Farg‘onada ota o‘zining taxminan 8–9 yoshli o‘g‘liga avtomobil shinasini bog‘lab, yugurishga majbur qilgani aks etgan video ijtimoiy tarmoqlarda tarqaldi. Kadrlarda ota bolani “monstr o‘g‘lim” deya, uni shina bilan jismoniy mashq bajarishga undayotgani ko‘rinadi.

Sahifadagi boshqa videolarda ham bolaga nisbatan jismoniy bosim holatlari aks etgan.

Ota farzandiga “maqsadlariga yetish” haqida gapirgan, lekin qanaqa maqsadlar ekanini biror videoda tilga olmaydi.

Foydalanuvchilarning fikricha, ota farzandini sportda yuqori natijalarga yetkazishni, chempion qilishni maqsad qilgan bo‘lishi mumkin, biroq ko‘rsatilgan mashqlar professional sport tayyorgarligi talablariga mos kelmaydi. Aksincha, bu bolaga nisbatan ortiqcha jismoniy va ruhiy zo‘riqish sifatida baholanishi mumkin.

Izohlarda foydalanuvchilar bola nosog‘lom sport turiga majburlanayotgani va otaga nisbatan chora ko‘rilishini so‘ragan. Jumladan, bir foydalanuvchi quyidagicha izoh qoldirgan:

“Mana shu ‘ota’ga munosabat kutib qolamiz. Farzandiga yetarli ‘pitaniya’siz va sport uchun zarur sharoitlarsiz jismoniy mashqlarga majburlayapti. Sahifasiga kirib ko‘rsangiz, bir qator shunga o‘xshash videolar bor. U bola hozir ilm olishi kerak bo‘lgan yoshda. Ishonchim komil, farzand otasining majburlashi bilan nosog‘lom yuklamalar ostida mashq qilmoqda. Sizlardan iltimos, bu holatga huquqiy baho berib, chora ko‘rishingizni so‘raymiz”, deyiladi izohda.

Bolalar ombudsmani Kun.uz’ga holat yuzasidan o‘z munosabatini bildirib, bu normal holat emasligini ta’kidladi.

“Hozirgi kunda bolalarni ijtimoiy tarmoqlar orqali kontent yaratish jarayoniga jalb qilish amaliyoti kengayib bormoqda va bu global muammo sifatida baholanadi. Ko‘p holatlarda ota-onalar farzandlarini ijtimoiy tarmoqlarda namoyish etish orqali auditoriya yig‘ish yoki turli maqsadlarni ko‘zlashga intilmoqda. Masalaning murakkab jihati shundaki, bu borada aniq huquqiy tartib va cheklovlar yetarlicha belgilanmagan, natijada bolalar o‘z xavfsizligi va huquqlari nuqtai nazaridan yetarlicha himoyalanmagan holda qolmoqda”, deyiladi ombudsman munosabatida.

Idora pozitsiyasiga ko‘ra, bolaning shaxsiy hayotini internetda ommaviy namoyish qilish uning manfaatlariga zid bo‘lib, ota-onalar farzandlarining tobeligi va zaif holatidan foydalanish orqali ularning shaxsiy daxlsizligiga putur yetkazishi mumkin.

Ayni paytda Bolalar ombudsmani so‘rovi asosida mutasaddi idoralar tomonidan ushbu holat bo‘yicha otaning shaxsini aniqlash va tegishli chora ko‘rish yuzasidan ishlar olib borilayotgani ma’lum qilindi.

Source link

Xorazm viloyati, Hazorasp tumaniga hokim tayinlandi. Bu haqda Xorazm viloyati hokimligi xabar berdi. 

Jumaniyozov Ruslan Rustamovich – xalq deputatlari Hazorasp tuman Kengashining navbatdan tashqari sessiyasida Hazorasp tumani hokimi lavozimiga tasdiqlandi. 

Ruslan Jumaniyozov bunga qadar Yangibozor tumani hokimi lavozimida faoliyat olib borgan. 

Hazorasp tumaniga avval Maqsudbek Abdullayev rahbarlik qilib kelayotgandi. 

Source link

Ma’lum qilinishicha, platforma faoliyatini takomillashtirish, nosozliklarni bartaraf etish maqsadida texnik ishlar amalga oshirilmoqda.

Ekologiya qo‘mitasi ecofaolfuqaro.uz platformasi ishlamayotganligi haqida ijtimoiy tarmoqlarda tarqalgan xabarlar bo‘yicha rasmiy munosabat bildirdi.

Ma’lum qilinishicha, ayni damda platforma faoliyatini takomillashtirish, nosozliklarni bartaraf etish maqsadida texnik ishlar amalga oshirilmoqda.

“Texnik ishlar tugagach, qo‘shimcha ma’lumot beriladi”, deyiladi qo‘mita izohida.

Ma’lumot uchun, «Eko-madaniyat» umummilliy loyihasi doirasida ekologik ta’lim, ilm-fan va targ‘ibotni jadallashtirishga oid kompleks chora-tadbirlar to‘g‘risida”gi prezident qarorida 2026 yil davomida 10 000 qadam piyoda yurish tajribasini qayta tiklash hamda sog‘lom turmush tarziga qaratilgan platforma faoliyatini yo‘lga qo‘yish belgilangan.

Source link

Xorazm viloyati Yangibozor tumaniga hokim tayinlandi. 

Masharipov Alisher Sharifbayevich- xalq deputatlari Yangibozor tuman Kengashining navbatdan tashqari sessiyasida Yangibozor tumani hokimi lavozimiga tasdiqlandi. 

Alisher Masharipov bunga qadar Yangibozor tumani hokimining moliya iqtisodiyot va kambag‘allikni qisqartirish masalalari bo‘yicha birinchi o‘rinbosari – iqtisodiyot va moliya bo‘limi boshlig‘i lavozimida faoliyat olib borgan.

Avval Yangibozor tumaniga Ruslan Jumaniyozov hokim edi. U Hazorasp tumaniga rahbar etib tayinlandi. 

Source link

O‘zbekistonda Olimpiya va Paralimpiya o‘yinlari dasturiga kiritilmagan sport turlarini qo‘llab-quvvatlash va rivojlantirish bo‘yicha yangi tizim joriy etish reja qilinmoqda.

Jumladan, Hukumat qarori loyihasi bilan «O‘zbekiston noolimpiya sport turlari konfederatsiyasi»ni tashkil etish rejalashtirildi.

Hujjat loyihasiga ko‘ra, yangi konfederatsiya noolimpiya sport turlari bo‘yicha federatsiya va assotsiatsiyalarni birlashtiruvchi nodavlat notijorat tashkilot sifatida faoliyat yuritadi hamda davlat va sport tashkilotlari o‘rtasida ko‘prik vazifasini bajaradi.

Qaror loyihasi bilan noolimpiya sport turlarini rivojlantirishning asosiy yo‘nalishlari ham belgilandi. Ular qatorida yoshlar uchun keng imkoniyat yaratish, iqtidorli sportchilarni saralash, yagona elektron baza shakllantirish, xalqaro musobaqalarda munosib ishtirokni ta’minlash va sport infratuzilmasini kuchaytirish kabi vazifalar bor.

Shuningdek, konfederatsiya xalqaro tashkilotlar bilan hamkorlik qilish, grantlar jalb etish, xususiy investitsiyalarni kengaytirish va sport klublarida marketing hamda menejmentni rivojlantirish bilan ham shug‘ullanadi.

Loyihaga muvofiq, noolimpiya sport turlari bo‘yicha O‘zbekiston terma jamoalari trenerlari konfederatsiya tomonidan Sport vazirligi bilan kelishgan holda tayinlanadi.

Konfederatsiya Toshkent shahri Mirobod tumanidagi binoga bepul joylashtiriladi. Shuningdek, hududlarda uning vakillari uchun joy ajratiladi.

2026-yil 1-dekabrga qadar noolimpiya sport turlari bo‘yicha trenerlar va sportchi-o‘quvchilarning yagona elektron ma’lumotlar bazasini yaratish ham rejalashtirilgan.

Bundan tashqari, 2027-yilda konfederatsiya faoliyatini yo‘lga qo‘yish va sport tadbirlarini moliyalashtirish uchun davlat budjetidan 5 milliard so‘mgacha mablag‘ ajratilishi belgilangan.

Source link