Jamiyat
“Tashqi ko‘rinishim bilimimni belgilab bermaydi” – O‘zJOKUda bo‘yinbog‘siz talabalar darsga kiritilmadi
O‘zbekiston jurnalistika va ommaviy kommunikatsiyalar universitetida o‘nlab talabalar darsga kiritilmadi. Bunga ular forma kiymagani va darsga kech qolgani “sabab” bo‘lgan. Universitet talabasi Akmal Yo‘ldoshevga ko‘ra, undan “dars tayyorladingmi, ma’ruzalarga qatnashdingmi, adabiyotlarni o‘qidingmi?” deb so‘rashmagan, aksincha, “galstuging qani, agar bo‘lmasa, bor, ketaver, bu ichki qoida”, deyishgan.
16 fevral kuni O‘zbekiston jurnalistika va ommaviy kommunikatsiyalar universitetida bir guruh talabalar forma kiymagani va kech qolgani uchun darsga kiritilmadi. Holat aks etgan video magistratura bosqichi talabasi Akmal Yo‘ldoshevning Facebook’dagi sahifasida e’lon qilindi.
Videoda u bilan suhbatlashgan yana bir talaba Bahodirxon Eliboyev bakalavr va magistratura bosqichida tahsil olayotgan qariyb 100 nafar talaba darsga qo‘yilmaganini ma’lum qilgan.
“Darsga tayyorlandingmi, ma’ruzalarga qatnashdingmi, adabiyotlarni o‘qidingmi, deb hech kim mendan so‘ragani yo‘q. Galstuging qani, agar bo‘lmasa bor, ketaver, bu ichki tartib-qoida, hamma narsadan ustun deyishyapti”, degan Akmal Yo‘ldoshev.
Shuningdek, u oliy ta’limda forma masalasiga salbiy qarashini bildirgan.
“Mening tashqi ko‘rinishim bilimimni belgilab bermaydi, mahoratli jurnalistmanmi-yo‘qmi, bularga hech qanday aloqasi yo‘q. Universitet menga xizmat ko‘rsatadi, buning uchun oramizda shartnoma tuzilgan: pul to‘laganman, menga ma’ruza o‘qilishi kerak, seminarga qatnashishim kerak va bu bilim baholanib, oxirida diplom olishim kerak. Shu ikki munosabat bor. Hozir qandaydir ichki tartib-qoidani deb mening iste’molchi sifatidagi huquqlarim, ma’nan talabalik huquqlarim buzilyapti. Men bilim olgani kelganman, galstugimni ko‘z-ko‘z qilgani emas”, degan u.
Bundan tashqari, Akmal Yo‘ldoshev bunday holatlar talabaning qo‘shimcha mablag‘ to‘lashiga olib kelishi mumkinligini bildirgan.
“Bu tuzini yeb, tuzlug‘iga tupurish bilan barobar”
O‘zbekiston jurnalistika va ommaviy kommunikatsiyalar universiteti dekani Oisha Zakirova holat yuzasidan Facebook’dagi o‘z sahifasida fikr bildirdi.
“Dushanba — yangi o‘quv haftasining boshlanishi. Ammo afsuski, ayrim talaba va magistrantlar universitet ichki tartib-qoidalariga nisbatan bepisandlik bilan munosabat bildirdi. Universitet bu shunchaki ta’lim muassasasi emas. Bu — intellektual muhit, tarbiya maktabi, professional shaxs shakllanadigan maskan. Ichki tartib-qoidalar esa muhokama uchun o‘rnatilmaydi, ijro uchun qabul qilinadi va barcha bunga birdek amal qiladi! Bu har bir tashkilotning o‘z imijini shakllantirish uchun xizmat qiladi! Oq ko‘ylak va galstuk — akademik madaniyat, poklik, intizom va hurmat ramzi. Uni kiyib yurishning nimasi yomon?!” deya yozgan dekan.
U dekan sifatida universitet imiji, akademik muhit va tartib uchun shaxsan javobgar ekanini qo‘shimcha qilgan.
“Shu bois ichki tartib-qoidalarga rioya qilish masalasida yon berish bo‘lmaydi. Oddiy intizom va ichki tartib-qoida islohotlarning eng asosiy sharti bo‘lib xizmat qiladi. Qolaversa, o‘zi o‘qiyotgan universitetni mana shunday ommaga olib chiqish, oddiy elementar so‘ralgan narsa uchun uning sha’niga dog‘ tushirish tuzini yeb tuzlug‘iga tupurish bilan barobar, shuni unutmang, hurmatli talabalar!” degan Oisha Zakirova.
Shuningdek, dekan jurnalist o‘zi ishlayotgan tashkilot ichki tartib-qoidasidan yoki o‘z shaxsiy xohish istagidan kelib chiqib kiyinish huquqiga ega ekanini, ammo universitetda tahsil olayotgan har bir talaba ichki tartib-qoidalariga amal qilishi lozimligini, videoda ko‘ringan barcha talabalar darsga formasiz kelgani uchun emas, kech qolib kelgani uchun kiritilmaganini ma’lum qilgan.
Kun.uz holat yuzasidan Jurnalistika va ommaviy kommunikatsiyalar universiteti rektori Sherzodxon Qudratxo‘jaga so‘rov jo‘natdi.
Raqobat qo‘mitasi tomonidan ijtimoiy tarmoqlarda tarqatilayotgan reklama materiallarining qonunchilik talablariga muvofiqligi yuzasidan o‘tkazilgan monitoring davomida bloger N.Sobirovning sahifasida alkogolli ichimliklar reklamasi joylashtirilgani aniqlandi.
Qo‘mita ma’lumotiga ko‘ra, mazkur reklama amaldagi qonunchilik talablariga zid hisoblanadi.
O‘rganish natijalari asosida blogerga nisbatan belgilangan tartibda ma’muriy chora ko‘rildi.
«Reklama to‘g‘risida»gi Qonunning 38-moddasiga muvofiq, har qanday quvvatdagi alkogolli ichimliklarni reklama qilish taqiqlangan.
Qonunchilikda faqat pivo, tabiiy va ko‘piklanadigan vinolar reklamasiga belgilangan vaqt, shakl va auditoriya bo‘yicha cheklovlarga rioya etilgan holdagina ruxsat beriladi.
Shu bilan birga, ijtimoiy tarmoqlarda alkogolli ichimliklarni har qanday shaklda reklama qilishga yo‘l qo‘yilmaydi.
Raqobat qo‘mitasi bloger N.Sobirov reklama qilinishi qonun bilan taqiqlangan mahsulotni targ‘ib qilgani uchun ma’muriy javobgarlikka tortilganini ma’lum qildi.
Holat yuzasidan rasmiylashtirilgan tegishli hujjatlar qonunchilikda belgilangan tartibda sudga yuborilgan.
O‘zbekistonda anomal issiq va jazirama kuchayishi kutilmoqda. Shu munosabat bilan Davlat mehnat inspeksiyasi ish beruvchilarni ochiq havoda mehnat qilayotgan xodimlarning xavfsizligini ta’minlash bo‘yicha kechiktirib bo‘lmaydigan choralarni ko‘rishga chaqirdi.
Inspeksiya tavsiyasiga ko‘ra, kunning eng issiq vaqti — soat 11:00dan 16:00gacha tashqi ishlar qisqartirilishi yoki vaqtincha to‘xtatilishi lozim. Shuningdek, ushbu vaqtda og‘ir jismoniy mehnatni cheklash ham tavsiya etilmoqda.
Qayd etilishicha, yuqori harorat sharoitida ishlayotgan xodimlar issiq urishi, suvsizlanish, hushdan ketish hamda yurak-qon tomir kasalliklari xavfiga ko‘proq duch keladi.
Davlat mehnat inspeksiyasi ish beruvchilarga xodimlarni doimiy ravishda toza va salqin ichimlik suvi bilan ta’minlash, soya yoki sovutiladigan dam olish joylarini tashkil etish, yengil va issiqdan himoya qiluvchi maxsus kiyimlar berish, issiq urishi va suvsizlanish alomatlari bo‘yicha yo‘riqnoma o‘tkazish hamda sog‘lig‘i yomonlashgan xodimlarga zudlik bilan birinchi tibbiy yordam ko‘rsatishni tavsiya qildi.
Bundan tashqari, issiq sharoitida ishlaydigan xodimlar belgilangan tartibda tibbiy ko‘rikdan o‘tgan bo‘lishi shartligi eslatildi.
Inspeksiya mehnatni muhofaza qilish talablariga rioya etish faqat tavsiya emas, balki ish beruvchining qonunchilikda belgilangan majburiyati ekanini ta’kidladi. Ogohlantirilishicha, jazirama sharoitida zarur choralarni ko‘rmaslik xodimlar hayoti va sog‘lig‘iga jiddiy xavf tug‘dirishi, ish joyida baxtsiz hodisalarga sabab bo‘lishi mumkin.
Ko‘rsatmada anomal issiqda ochiq havoda mehnat qilayotgan obodonlashtirish xodimlarining hayoti va sog‘lig‘ini muhofaza qilish bo‘yicha talablar belgilangan.
Anomal issiq ob-havo sharoitida ochiq havoda mehnat qilayotgan obodonlashtirish xodimlarining hayoti va sog‘lig‘ini muhofaza qilish maqsadida barcha hokimliklarga tegishli ko‘rsatma yuborildi, deb xabar berdi Davlat mehnat inspeksiyasi.
Xabarda aytilishicha, ko‘rsatmada soat 10:00–17:00 oralig‘ida yuqori harorat ta’sirida xodimlar hayoti va sog‘lig‘iga xavf tug‘dirishi mumkin bo‘lgan ishlarni vaqtincha to‘xtatish hamda moslashuvchan ish rejimini belgilash, xodimlarni yetarli miqdorda sifatli ichimlik suvi bilan ta’minlash kabi talablar belgilangan.
Bundan tashqari, quyosh nurlari va yuqori harorat ta’siridan himoyalangan dam olish joylarini tashkil etish, majburiy tibbiy ko‘rikdan o‘tmagan yoki tibbiy xulosaga ko‘ra ishga yaroqsiz deb topilgan shaxslarni ishga qo‘ymaslik, shaxsiy himoya vositalari bilan ta’minlash va mehnat hamda dam olish rejimini qayta ko‘rib chiqish lozimligi aytilgan.
“Ko‘rsatma talablarining bajarilishi Davlat mehnat inspeksiyasi tomonidan nazorat qilinadi”, deyiladi xabarda.
Ta’kidlanishicha, mehnatni muhofaza qilish talablarini buzgan shaxslar qonunchilikda belgilangan tartibda javobgarlikka tortiladi.
Kogon shahrida fuqaroning ishonchiga kirib, uni 8 000 dollar evaziga Koreya davlatiga ishga yuborishini aytib, kelishilgan puldan 1 000 dollarini firibgarlik yo‘li bilan qo‘lga kiritgan shaxs ushlandi.
Foto: EPA / YONHAP / TASS
Bosh prokuratura huzuridagi Departamentning Kogon shahri bo‘limi tomonidan o‘tkazilgan tergovga qadar tekshiruvda Koreyaga ishga yuborish bilan bog‘liq firibgarlik holati aniqlandi.
Ma’lum qilinishicha, fuqaro Z.I. fuqaro Sh.I.ning ishonchiga kirib, uni 8 000 AQSh dollari evaziga go‘yoki yuqori lavozimlarda ishlovchi tanishlari orqali Koreya davlatiga ishga yuborishini aytib, kelishilgan puldan 1 000 AQSh dollarini firibgarlik yo‘li bilan qo‘lga kiritgan.
Tergovga qadar tekshiruv jarayonida ushbu pullar hisobidan 200 AQSh dollarining qaytarilishi protsessual tartibda rasmiylashtirildi.
Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Toshkent viloyatida Koreyaga ishga jo‘natishni va’da qilib, ikki nafar fuqarodan 15 ming AQSh dollarini firibgarlik yo‘li bilan olgan shaxsning noqonuniy harakatlari fosh etilgani xabar qilingandi.
Jamiyat
Axborot texnologiyalari va sun’iy intellekt yo‘nalishlari uchun davlat grantlari ko‘paytirildi
Ma’lum qilinishicha, mazkur yo‘nalishlar bo‘yicha davlat granti asosidagi qabul ko‘rsatkichlari 35 foizga oshirilib, jami 2 930 ta davlat granti ajratilgan.
2026/2027-o‘quv yili uchun axborot texnologiyalari va sun’iy intellekt sohasiga oid ta’lim yo‘nalishlari hamda mutaxassisliklari bo‘yicha davlat granti asosidagi qabul ko‘rsatkichlari 35 foizga oshirildi.
Oliy ta’lim, fan va innovatsiyalar vazirligining ma’lum qilishicha, mazkur yo‘nalishlar uchun jami 2 930 ta davlat granti ajratildi.
Qayd etilishicha, bunda bakalavriat uchun 2 309 ta, magistratura uchun 621 ta davlat granti ajratilgan.
Iordaniya amerikalik askari Eron hujumida halok bo’ldi: Prezident Trampning javobi
Vengriya prezidenti isteʼfoga chiqish toʻgʻrisidagi konstitutsiyaviy oʻzgartirishni imzoladi
Alkogol ichimliklarni reklama qilgan bloger ma’muriy javobgarlikka tortildi
-
Jamiyat4 days agoNikoh shartnomasi qanday tartibda tuziladi?
-
Dunyodan5 days agoMalayziya Isroil fuqarolarini deportatsiya qilmoqda
-
Dunyodan5 days ago
Venesueladagi zilzila qurbonlari soni 4829 kishiga yetdi
-
Jamiyat3 days agoXalqaro qidiruvdagi fuqaro Varshavadan Toshkentga olib kelindi
-
Jamiyat5 days agoJazirama sabab poyezdlar tezligiga cheklov qo‘yiladi
-
Iqtisodiyot4 days ago
Dollar kursi qimmatlashuvi davom etadi
-
Jamiyat5 days agoMahallalar budjetiga tushadigan mablag‘lar ko‘paytiriladi
-
Jamiyat5 days agoMahallada ishni to‘g‘ri tashkil qilmagan 152 nafar rahbar ishdan olindi