Jamiyat
Tarix zarvaraqlari: Temurxon naslidan Kantemir…
Tarix qatlarida bobongiz ismi
Kantemir bitilgan… demak – Xon Temir.
Ajnabiy atadi Sizni rus nasli,
To‘g‘ri! Ajdodingiz Temurbek erur!
…Bu o‘zbekning atoqli shoiri Azim Suyun she’ridan bir parcha…
1949 yili dunyo yuzini ko‘rgan qizg‘ish-sarg‘ish rangli, pishiq muqovali bir kitob, mana, ellik yildirki, kaminaning kitob javonida o‘zining doimiy «propiska» joyini egallab turadi. Bichimi katta, hajmi 1094 sahifali salmoqqa ega. Moskva-Leningrad Davlat badiiy adabiyot nashriyoti chop etgan. Kitobda ulug‘ rus adabiy tanqidchisi V.G.Belinskiyning tanlangan asarlari jamlangan. Uni allaqachondan buyon kamyoblar sirasiga kirgan bo‘lsa kerak deb o‘ylayman.
Kitobning 776–785-sahifalarida «Kantemir» sarlavhali maqola joylashtirilgan. Unda shunday satrlarni o‘qiymiz: «Rus adabiyotini Lomonosovdan boshlaydilar – bu ayni haqiqat. … rus adabiyoti tarixi esa Kantemirdan boshlanadi, deyishadiki, bu ham haqiqatdir» (776-bet).
– Rus tilida eski bir kitob borki, – davom etadi Belinskiy. – Uni 1783 yili Novikov nashr etgan. Nomi: «Moldaviyalik janob knyaz Konstantin Kantemirning hayoti va a’mollari tarixi. Sankt-Peterburg Fanlar akademiyasining marhum professori Beyer tarafindan yozilmish, rusiya tiliga tarjima, knyaz Kantemirlar xonadoni shajarasi haqidagi izohlar bilan» deb ataladi.
Vissarion Grigorevich Belinskiy maqolada: «Kantemirlar o‘z nasl-nasablarini qrim tatarlari bilan bog‘laydilar», – deydi va buning hech qanaqa tahqirli jihati yo‘qligini, tatarlarning shon-shavkatlari shub-hasizligini ta’kidlaydi (777-bet). So‘ngra quyidagi dalillarni keltiradi: «Kantemirlarning kelib chiqishi to‘ppa-to‘g‘ri Temurlangga bog‘lanadi… Ammo hajvchi (Antiox) Kantemirning shajarasi Temurlangga bog‘lanadimi, Odam Atogami – rus adabiyoti uchun baribir. Uning moldaviyalik janob Dmitriy Kantemirning o‘g‘li ekani, bu janob buyuk Pyotrning zamonidan, xususan, Prutda sulh bilan tugallangan rus-turk urushi tarixidan ma’lumu mashhur ekanini bilish rus adabiyoti uchun kifoyadir».
«Knyaz Dmitriy alloma odam edi: u tarix ilmi bilan astoydil shug‘ullangan, falsafa va riyoziyotda ham peshqadam bo‘lgan, me’moriy ilmlarni yaxshi bilgan, Berlin akademiyasining a’zosi bo‘lgan. Turk, fors, yunon, lotin, italyan, rus, moldavan tillarida erkin so‘zlashardi, fransuz tilini rosa egallagan edi. Undan lotin, yunon, moldavan va rus tillarida bir necha asar meros qolgan. U yozgan «Muhammad qonunlari» kitobi buyuk Pyotrning buyrug‘iga binoan 1722 yili chop etilgan. Filhaqiqat, bundayin otaning bolalari ham bilimdon va olim insonlar bo‘lib yetishgan» (iqtibos Tohir Qahhorning «Insonni ma’rifat tarbiyalaydi» maqolasidan olindi). «Fitna san’ati» 2-kitobi. «Fan» nashriyoti. Toshkent. 1993 yil, 70–73-betlar).
Internetdan olgan ma’lumotlarimizga ko‘ra, Moldaviya gospodarlari (hokimlari) sulolasi vakili bo‘lgan Kantemirlarning qadimiy ajdodlari musulmon bo‘lishgan. Qandaydir sabablarga ko‘ra, 1540 yilda ularning bobosi nasroniylikni qabul qilgan va Moldaviyaga ko‘chib o‘tgan.
Kantemirlar xuddi shu holatni doimo qattiq sir tutib kelganlariga olimlar tomonidan e’tibor qaratiladi. Dmitriy Kantemir buning ustiga nasroniylar orasida o‘zining go‘yo bir necha avlodi yashab o‘tganligini ko‘rsatish uchun shajara ham tuzib qo‘ygan ekan.
– Ulug‘ Pyotr atrofidagilar buni bilishgan, – deya ta’kidlaydi bu haqda tadqiqotchilar – ammo Kantemir oilasining nasroniylik ildizini podshoh rasman tan olgan va bu narsa muhokama qilinmagan…
Tarixda keltirilishicha, Kantemirlar sulolasi bobosining ismi «arslon o‘g‘li» deya tarjima qilingan. Bobo jamiyatda qudratli shaxs bo‘lgan: chunonchi u Qrim xoniga tobe bo‘lishni emas, balki Istambul qaramligini o‘ziga ma’qul ko‘radi va yuqori Dneprdan to Dunaygacha bo‘lgan yerlarda hukm yuritadigan Silistra viloyati gubernatorligini oladi.
Aytadilarki, shundan so‘nggi 40 yil mobaynida Qrimda qilinadigan birorta yumush Arslono‘g‘lining, (ya’ni Kantemirlar bobosining – muallif) ishtirokisiz bo‘lmagan. Ammo 1637 yilda Turkiya sultoni uni Istambulga chaqirib oladi va bo‘g‘ib o‘ldirtiradi. Kantemir Arslon o‘g‘lining o‘lim bilan jazolanishiga olib kelgan sababni uning kenja o‘g‘li mastlik holatida bir faqir musulmon kishi hayotiga zomin bo‘lganligidan izlaydilar.
Nima bo‘lganda ham, ana shu voqea sabab, Kantemirlar oilasida usmoniylar imperiyasiga nisbatan salbiy munosabat shakllanishi boshlangan.
Sulolaning eng mashhuri Dmitriy Kantemir 1673 yili Moldaviya gospodari Konstantin Kantemir oilasida tug‘iladi. Konstantin Kantemir o‘z jangchilari bilan sulton oilasini muqarrar halokatdan saqlab qolgan va minnatdorchilik ramzi sifatida unga Moldaviya taxti topshirilgan edi.
Dmitriy otaning sultonga itoatkorligini ta’minlash uchun garov sifatida yuborilib, 15 yoshidan Istambulda yashaydi. Bu yerda u As’ad Efendi, Sa’d Efendi kabi ustozlardan ta’lim olib, favqulodda qobiliyatini namoyon etadi, turli fanlarni ishtiyoq bilan egallaydi, harbiy ishlarda o‘zini ko‘rsatadi, sultonning nazariga tushadi. Yoshlik chog‘laridan tarix, falsafa, matematika fanlarini, o‘nga yaqin chet tillar, jumladan, fors va turk tillarini bilish-o‘rganish tufayli Turkiyada va Yevropada eng ma’lumotli kishi darajasiga chiqadi.
Dmitriy Kantemir ko‘plab musiqa asboblarini qiyomiga yetkazib chala olgan, bastakorlik ham qilgan. U yaratgan «Boyazid marshi» musiqasi ancha yillar davomida turk davlatining milliy madhiyasi sifatida ijro etilgan. Kantemir tomonidan yozib olingan va qayta ishlangan turk navolari keyinchalik ulug‘ kompozitor Motsart tomonidan «Saroydagi o‘g‘rilik» operasini yaratishda foydalanilgan. U usmonlilar imperiyasi va umuman monarxiyalarning qismati haqida yozilgan bir nechta kitoblar muallifi.
Teran tafakkur sohibi Dmitriy Kantemir Bolqon yarim oroli va unda yashovchi xalqlar tarixini mukammal o‘rganib, usmonlilar imperiyasining halokati yaqinligini va bunda Rossiyaning rolini tushunib yetadi. Shuning uchun bo‘lsa kerak, Moldaviya ozodligini o‘ylab rus diplomatlari bilan yaqinlashadi va to umrining oxirigacha Rossiya bilan birga bo‘lish ahdida sobit turadi.
1710 yili otasi vafot etganida sulton uni Moldaviya gospodari etib tayinlagan va Dmitriy Kantemir sulton xizmatida bo‘lgani holda Rossiya bilan tuzilgan yashirin shartnoma asosida ish olib borgan…
Tez orada Turkiya bilan boshlangan urush Rossiya va Moldaviyaning omadsizlikka uchrashi bilan yakun topadi. Natijada Dmitriy Kantemir xotini, qizi hamda to‘rt o‘g‘lini olib, Moldaviyaning yuzlab boyonlari va to‘rt ming askar hamrohligida rus yeriga ko‘chib o‘tadi.
Podshoh Pyotr Dmitriy Kantemirga barcha sharoitlarni yaratib bergan, uni Sharq masalalari bo‘yicha o‘zining maslahatchisi qilib olgan. Pyotr Moldaviyaning sobiq gospodari salohiyati va bilimini qadrlagani tufayli Kantemir Yevropada ham shuhrat qozongan. Deydilarki, hatto Volter uni tan olib, asarlaridan foydalangan.
Rossiyada bir necha asarlar chop ettirgan Dmitriy Kantemir ikki mamlakat – Moldaviya va Rossiyaning shon-shuhratini oshirgan olim va siyosatchi sifatida tarixda qoldi. Hozirgi kunda Moskva shahrida Kantemir ko‘chasi va metro bekati bor. Ikkinchi Jahon urushi yillarida mashhur bo‘lgan gvardiyachi Kantemir diviziyasi hozirgacha Rossiya armiyasida mavjud va hokazo.
Kantemirlarning Pushkin va Tolstoy bilan qarindoshchiligi ham aniqlab chiqilgan, ya’ni Dmitriy Kantemir Pyotr tomoniga o‘tib ketgan paytida uning akasi Antiox ixtiyorsiz Istambulda qoladi. Antiox Dmitriy Kantemirga jiyan hisoblangan Moldaviya gospodari Dukining qiziga uylanadi va undan Konstantin degan o‘g‘il ko‘radi. Xuddi shu Konstantin vaqti kelib Kiyev shahrida Natalya Golovina degan ayol bilan ikkinchi nikohdan o‘tgan. Qarangki, Natalya Golovinaning opalaridan biri Pushkinga va boshqasi Tolstoyga momo bo‘lgan ekanlar.
Yana bir tarixiy ma’lumotga ko‘ra, Rossiya podshosi Pyotr kantemirlar oilasi vakili bo‘lgan sohibjamol Mariyaga uylanmoq taraddudida edi. Ammo bundan norozi bo‘lgan podshoh xotini Yekaterina bo‘yida bor Mariyaning homilasini tushirish hiyla-chorasini qiladi! Kim bilsin, mana shu mash’um reja amalga oshirilmay qolganda tarix yo‘nalishi qay taraflarga burilgan bo‘lardi!..
Turkiy gagauz xalqi farzandi, taniqli moldavan yozuvchisi, tadqiqotchi olim, diplomat, siyosatchi Fyodor Angeli 2010 yilda o‘zining «Kantemirlar davri va unga yangicha nazar: 16-asr oxiri va 17-asrning birinchi yarmi» degan kitobini jamoatchilik hukmiga havola qildi.
Ushbu kitobning bizga qiziqarli bo‘lgan jihatlaridan biriga e’tibor qaratamiz, ya’ni kantemirlar o‘zlarini Amir Temur naslidan hisoblagani, butun avlodi bundan faxrlanib yurgani Rossiya-Moldaviya tarixida aks etishi va, umuman, asrlar davomida bu ikki mamlakat xalqining siyosiy-ijtimoiy-ma’naviy ongida mustahkam o‘rnashgani bugungi kunda hech kimga sir emas.
Fyodor Angelining asarida esa yuqoridagi konsepsiya o‘zining tarixiy isbotini topmaganligi ta’kidlangan. «Temur – O‘rta osiyolik, kantemirlar esa – Itil bo‘ylaridan» deyiladi unda va davomida shunday yozilgan. –«Kantemirlarning ildizi Oltin O‘rdani 20 yildan ziyodroq boshqargan amir Yedigeyga (Idiku – muallif) borib taqaladi».
Bu fikr hozirgi kunda faollashib turibdi va o‘rni kelgani uchun biz ham ulug‘ rus adabiy tanqidchisi V.G.Belinskiyning siz yuqorida o‘qigan so‘zlariga hamohang holatda shuni ta’kidlamoqchimiz:
– Kantemirning shajarasi Amir Temurga bog‘lanadimi, amir Yedigeygami – biz uchun baribir. Barcha janob kantemirlar Amir Temur nomini o‘zlariga bekorga bayroq qilmaganliklari, musulmonmi yoki nasroniymii, qaysi e’tiqodda bo‘lishlaridan qat’i nazar, yetti iqlim hukmdori bo‘lgan nazarkarda sohibqiron bobomizning sharofati bilan jahoniy ulug‘lik sifat kasb etganliklarini bilish bizga kifoyadir.
Abdulla Xolmirzayev
BYD Central Asia mahalliy ishlab chiqarilayotgan BYD CHAZOR UzPride modelining rasmiy sotuvi boshlanganini e’lon qiladi. Mahalliylashtirish darajasi yuqori bo‘lgani tufayli 55 KM Luxe jamlanmasi 255 900 000 so‘m narxda taklif etilmoqda.
Modelning nomi uning mazmun-mohiyatini aks ettiradi: brend mahalliy bozorda izchil rivojlanib, texnik mutaxassislarni tayyorlash va mamlakat avtomobilsozlik sanoatini zamonaviylashtirishga ko‘maklashmoqda. Shu bilan birga, zamonaviy texnologiyalarni aholining tobora keng qatlamlari uchun qulay va hamyonbop qilmoqda. Shu sababli yangi talqin O‘zbekiston va uning xalqiga chuqur hurmat ramzi sifatida UzPride nomini oldi.
O‘zbekiston Respublikasi mustaqilligining 35 yilligi munosabati bilan xaridorlar uchun maxsus moliyalashtirish dasturi tayyorlandi:
– boshlang‘ich to‘lov – 35%;
– bo‘lib to‘lash muddati – 35 oy;
– foiz stavkasi – 0%;
– moliyalashtirishni rasmiylashtirish – faqat OFB hamkor banki orqali.
Mustaqillikning 35 yilligiga bag‘ishlangan moliyalashtirish dasturi shartlari 2026 yil 29 avgustdan 1 sentyabrgacha amal qiladi.
Dastur shartlari qutlug‘ sana bilan ramziy tarzda uyg‘unlashtirilgan bo‘lib, yangi supergibrid sedanni O‘zbekiston bo‘ylab xaridorlar uchun yanada qulayroq shartlarda sotib olish imkonini beradi.
BYD CHAZOR UzPride haqida
BYD CHAZOR UzPride DM-i supergibrid tizimi bilan jihozlangan. Unda elektr yuritmaning afzalliklari 1,5 litr hajmli yuqori samarali benzin dvigatelining imkoniyatlari bilan uyg‘unlashtirilgan.
132 kVt quvvatga ega elektr dvigatelining eng yuqori burovchi kuchi 316 N·m ni tashkil etadi. Avtomobil 0 dan 100 km/soat tezlikka 7,9 soniyada chiqadi. NEDC o‘lchov tartibi bo‘yicha faqat elektr quvvatida yurish masofasi 55 kilometrgacha yetadi. Akkumulyator quvvati past bo‘lganda yoqilg‘i sarfining eng kam ko‘rsatkichi 100 kilometrga 3,8 litrni tashkil etadi.
55 KM Luxe jamlanmasiga aylantiriladigan 12,8 dyuymli multimedia ekrani, 8,8 dyuymli displeyga ega raqamli ko‘rsatkichlar paneli, o‘zbek tilidagi aqlli ovozli boshqaruv tizimi, 4G va Bluetooth ulanishi, shuningdek, OTA orqali masofadan yangilash imkoniyati kiradi.
Haydovchiga yanada ko‘proq qulaylik yaratish maqsadida avtomobil kalitsiz kirish tizimi, NFC-karta, masofadan ishga tushirish, o‘rindiqni elektr yordamida sozlash, elektr yuritmali tom tuynugi hamda orqa o‘rindiq yo‘lovchilari uchun havo yo‘naltirgichlarga ega iqlim tizimi bilan jihozlangan.
360° atrofni ko‘rsatuvchi panoramali HD-kamera hamda old va orqa to‘xtash datchiklari avtomobilni boshqarish va tor joylarda harakatlanishni osonlashtiradi.
Xavfsizlik tizimlari qatoriga tezlikni bir maromda saqlash tizimi, yo‘nalish barqarorligini nazorat qilish, g‘ildiraklarning sirpanishiga qarshi tizim, shinalardagi bosimni kuzatish, qiyalikda harakatni boshlashga ko‘maklashish, avtomobilni avtomatik ushlab turish, old va yon xavfsizlik yostiqchalari, shuningdek, parda turidagi xavfsizlik yostiqchalari kiradi.
BYD CHAZOR UzPride modelining mahalliy ishlab chiqarilishi yangi energiya manbalarida harakatlanuvchi zamonaviy avtomobillar tanlovini kengaytiradi hamda mamlakat avtomobilsozlik sanoatining rivojlanishiga hissa qo‘shadi.
BYD Central Asia kompaniyasining mustaqillikning 35 yilligiga bag‘ishlangan dasturi – O‘zbekiston Respublikasi mustaqilligining 35 yilligini mamlakatimizda ishlab chiqarilgan yangi avtomobil boshqaruvida kutib olish uchun ajoyib imkoniyatdir.
*Mustaqillikning 35 yilligiga bag‘ishlangan moliyalashtirish dasturi 2026 yil 29 avgustdan 1 sentyabrgacha, 1 sentyabr kuni ham, amal qiladi. Dastur doirasidagi moliyalashtirish faqat OFB hamkor banki orqali rasmiylashtiriladi. Dastur bo‘yicha taklif etiladigan avtomobillar soni cheklangan. Texnik ko‘rsatkichlar ma’lumot berish maqsadida keltirilgan bo‘lib, yo‘l va ob-havo sharoiti, avtomobilning yuklanish darajasi hamda haydash uslubiga qarab farq qilishi mumkin. Avtomobilni sotib olish shartlari va jamlanmasi haqidagi batafsil ma’lumotni BYD kompaniyasining rasmiy dilerlaridan olishingiz mumkin.
BYD kompaniyasining O‘zbekistondagi aloqa ma’lumotlari
Rasmiy ishonch telefoni: 1811
Rasmiy veb-sayt: bydauto.uz
Instagram: @bydauto.uz
Telegram: t.me/bydautouz
Jamiyat
Yangi o‘quv yilida 806 mingdan ziyod 6 yoshli bola maktabga tayyorlov guruhlariga qamrab olinadi
E-qaror tizimida Maktabgacha va maktab ta’limi vazirligining maktabgacha ta’lim tashkilotlarini 2026/2027 o‘quv yiliga tayyorlash va bolalarni qabul qilish jarayonini samarali tashkil etishga oid buyrug‘i e’lon qilindi. Hujjatning ilovalari Maktabgacha va maktab ta’limi vazirining 2026-yil 18-avgustdagi 299-son buyrug‘i bilan tasdiqlangan.
Hujjatga ko‘ra, 2026/2027 o‘quv yilida respublika bo‘yicha 811 ming 586 nafar 6 yoshli bola hisobga olingan. Ularning 806 ming 290 nafarini maktabga tayyorlov guruhlariga qamrab olish rejalashtirilgan. Natijada qamrov darajasi 99,3 foizga yetkazilishi ko‘zda tutilmoqda.
Maktabga tayyorlov guruhlari bilan qamrab olinmagan 6 yoshli bolalar uchun 485 ta bir yillik bepul majburiy tayyorlov guruhi tashkil etiladi. Ularda jami 13 ming 104 nafar bolani qamrab olish rejalashtirilgan.
Shundan:
— umumiy o‘rta ta’lim maktablarida 413 ta guruh tashkil etilib, 11 ming 163 nafar bola;
— davlat maktabgacha ta’lim tashkilotlarida 65 ta guruh ochilib, 1 ming 766 nafar bola;
— boshqa mos binolarda 7 ta guruh tashkil qilinib, 175 nafar bola qamrab olinadi.
Chora-tadbirlar rejasiga muvofiq, avval hududlardagi 6 yoshli bolalar xatlovdan o‘tkaziladi. Xatlov natijasida tayyorlov bilan qamrab olinmagan bolalar mavjud bo‘sh guruh va o‘rinlarga joylashtiriladi.
Shundan keyin ham qamrovdan tashqarida qolgan bolalar uchun umumta’lim maktablari, davlat maktabgacha ta’lim tashkilotlari, «Kelajak markazlari» va boshqa obyektlarning bo‘sh xonalarida yangi tayyorlov guruhlari tashkil etiladi. Ularni sentyabr–oktyabr oylarida ishga tushirish belgilangan.
Prezident farmonida tadbirkorlik subyektlarining huquqiy himoyasini kuchaytirishga qaratilgan «tadbirkorlik subyektining haqlilik prezumpsiyasi» belgilandi.
Unga ko‘ra, davlat organi tomonidan aksi isbotlanmaguncha tadbirkorlik subyekti va uning mansabdor shaxsi qonunchilikka muvofiq harakat qilgan hamda o‘z majburiyatlarini lozim darajada bajargan deb hisoblanadi.
Sudda tadbirkorga nisbatan huquqiy ta’sir chorasi qo‘llash uchun uning asosli, qonuniy va mutanosib ekanini, shuningdek, huquqbuzarlik faktini isbotlash majburiyati davlat organiga yuklanadi.
Qonunchilikdagi bartaraf etib bo‘lmaydigan ziddiyatlar, noaniqlik va tushunmovchiliklar, shuningdek, dalillar yetarli emasligi tufayli yuzaga keladigan shubhalar tadbirkorlik subyekti foydasiga talqin qilinadi.
Ko‘ksaroy qarorgohida O‘zbekiston Prezidenti Shavkat Mirziyoyev va Hindiston Bosh vaziri Narendra Modi o‘rtasida muzokaralar bo‘lib o‘tdi. Uchrashuv avvalida mehmon davlatimiz rahbarini Mustaqillik kuni bilan samimiy tabrikladi. Ushbu tarixiy tashrif ikki mamlakat o‘rtasidagi munosabatlarni keng qamrovli strategik sheriklik darajasiga olib chiqib, o‘zaro hamkorlikda yangi bosqichni boshlab berishi ta’kidlandi.
Tomonlar savdo-iqtisodiy aloqalar izchil rivojlanayotganini mamnuniyat bilan qayd etdilar. O‘tgan yili tovar ayirboshlash hajmi ilk bor 1 milliard dollardan oshdi, qo‘shma korxonalar soni esa 7 barobarga ko‘paydi, haftasiga 14 ta to‘g‘ridan-to‘g‘ri aviaparvoz amalga oshirilmoqda. Ikki davlat rahbarlari 2030-yilga qadar o‘zaro savdo hajmini 5 milliard dollarga yetkazish bo‘yicha zarur choralarni ko‘rishga kelishib oldilar. Shuningdek, energetika, farmatsevtika, metallurgiya, sog‘liqni saqlash va qishloq xo‘jaligi kabi ustuvor sohalarda yangi sanoat kooperatsiyasi loyihalarini amalga oshirishga alohida e’tibor qaratildi.
Hamkorlikni samarali muvofiqlashtirish maqsadida tashqi siyosat idoralari rahbarlari darajasida yangi muvofiqlashtiruvchi mexanizm ta’sis etiladigan bo‘ldi. Tomonlar parlamentlararo, Hukumatlararo komissiya va Ishbilarmonlar kengashi doirasidagi muloqotlarni faollashtirishga kelishib oldilar. Andijon va Gujarat, Farg‘ona va Haryana, Samarqand va Agra o‘rtasidagi hududlararo yaqin sheriklik aloqalari ham yuqori baholandi.
Gumanitar sohada ta’lim va madaniyat yo‘nalishidagi aloqalar kengaymoqda. Hozirda O‘zbekistonda Hindistonning 4 ta universiteti faoliyat yuritmoqda. Madaniy-gumanitar aloqalarni rivojlantirishga alohida e’tibor qaratilmoqda. Bunda Lal Bahodur Shastri nomidagi Hind madaniyati markazi va Mahatma Gandi nomidagi Hindshunoslik markazi muhim o‘rin tutmoqda.
Shuningdek, O‘zbekistonda yoga tobora ommalashib borayotgani va ushbu sohadagi hamkorlik faol rivojlanayotgani qayd etildi.
Tashrif doirasida Madaniy almashinuv bo‘yicha besh yillik dastur imzolanishi, madaniyat kunlari va kinofestivallar muntazam o‘tkazilishi belgilandi. Rahbarlar BMT, ShHT va BRIKS kabi xalqaro tashkilotlar doirasida bir-birini izchil qo‘llab-quvvatlashni davom ettirishlarini bildirdilar. Muzokaralar yakunida belgilangan barcha vazifalar bo‘yicha aniq «yo‘l xaritalari» ishlab chiqilishiga kelishib olindi.
Buxoro viloyati hokimiga birinchi o‘rinbosar tayinlandi.
Jamshid Sharopov Buxoro viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari – viloyat iqtisodiyot va moliya boshqarmasi boshlig‘i lavozimiga tayinlandi.
Jamshid Sharopov 1984-yil 27-yanvarda G‘ijduvon tumanida tug‘ilgan. 2005-yilda Buxoro davlat universiteti, 2009 yilda Toshkent davlat iqtisodiyot universitetini tamomlagan. Ma’lumoti bo‘yicha mutaxassisligi-iqtisodchi.
Mehnat faoliyatini 2002-yilda AT “Paxta Bank”ning Buxoro viloyati boshqarmasi bank jarayonlari bo‘limi iqtisodiy bo‘linmasi mutaxassisi sifatida boshlab, ATB “Agrobank” Buxoro viloyati boshqarmasi boshlig‘i (2014-2020), O‘zbekiston Respublikasi Markaziy banki Buxoro viloyati bosh boshqarmasi boshlig‘i (2020-2021), Shofirkon tumani hokimi (2021-2023), ATB “Agrobank” agrosanoat majmuasi korxonalarini moliyalashtirish departamenti direktori o‘rinbosari (2023-2026) lavozimlarida faoliyat yuritgan.
Ayni paytga qadar u ATB “Agrobank” muammoli kreditlar bilan ishlash departamenti direktori vazifasida ishlab kelayotgan edi.
Shavkat Mirziyoyev va Si Szinpin o‘rtasida muzokaralar bo‘lib o‘tdi
BYD CHAZOR UzPride – O‘zbekiston mustaqilligining 35 yilligiga bag‘ishlangan maxsus taklif
O‘zbekiston prezidenti BMT Bosh kotibi bilan uchrashdi
-
Sport3 days ago
EChL 2026/2027. Umumiy guruh bosqichi taqvimi e’lon qilindi
-
Sport2 days ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
-
Jamiyat2 days ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Siyosat3 days ago
Prezidentning Mustaqillik bayrami tabrigidan o‘rin olgan asosiy fikrlari
-
Jamiyat1 day ago
Qonunchilikdagi noaniqliklar tadbirkor foydasiga talqin qilinadi
-
Siyosat1 day ago
Pokiston bosh vaziri bilan uchrashuv o‘tkazildi
-
Siyosat2 days ago
Saida Mirziyoyeva Pekinda Va I bilan muloqot o‘tkazdi
-
Jamiyat6 hours ago
BYD CHAZOR UzPride – O‘zbekiston mustaqilligining 35 yilligiga bag‘ishlangan maxsus taklif