Jamiyat
tana tili bizni nimalardan ogohlantiradi?
Inson organizmi o‘zida ro‘y berayotgan har qanday o‘zgarish haqida tanadagi turli belgilar orqali xabar beradi. Tirnoqdagi oq dog‘lar, milk qonashi, sochdagi qazg‘oq, teri qurishi faqat tashqi ko‘rinishdagi o‘zgarish emas, ichki muvozanat buzilgani haqida tanamiz bizga yuborayotgan ishora hamdir. Organizm doim “gapiradi”, bu tilni tushunish salomatligimizni saqlash yo‘lidagi muhim qadamlardan biri bo‘ladi. Ushbu maqolada tanamiz yuboradigan 7 muhim signal va ularning tibbiy sabablari, qanday kasalliklar bilan bog‘liqligi haqidagi faktlarni ko‘rib chiqamiz.
Soch to‘kilishi
Ko‘pchilik uchun bu holat faqat tashqi ko‘rinishdagi noqulaylikdek tuyulib, estetik muammo sifatida qabul qilinadi Aslida soch to‘kilishi ichki muvozanat buzilganidan darak beradi, unga sabab bo‘luvchi asosiy omillardan biri temir tanqisligi, ya’ni kamqonlikdir. Tanamizda gemoglobin miqdori kamayganda to‘qima va a’zolar, jumladan, soch ildizlari ham kislorodga to‘yinmaydi. Ushbu vaziyat sochlarning o‘sishini sekinlashtiradi, follikulalarni zaiflashtiradi va soch to‘kilishini kuchaytiradi.
Soch o‘sishining tabiiy ritmini qalqonsimon bez faoliyati ham boshqaradi. Gipotireoz (qalqonsimon bez gormonlari yetishmovchiligi) holatida soch hujayralarining yangilanishi sekinlashadi, follikulalar “uyqu” rejimiga o‘tadi va tolalar zaiflashadi.
Bundan tashqari, gormonal muvozanatdagi o‘zgarishlar, ayniqsa, polikistik tuxumdon sindromi (PTXS) yoki menopauza davri ayollarda kuchli soch to‘kilishini yuzaga keltiradi. Tanada sink, biotin, temir, D vitamini va B guruhi vitaminlari tanqisligi ham soch to‘kilishini yuzaga keltiradi.
Qazg‘oq
Sochdan oqish rangli parchalar yelkaga to‘kilsa, ko‘pchilik uni darhol shampun yoki niqoblar bilan bartaraf etishga urinadi. Aslida bu teri ostidagi muammo. Tibbiy izlanishlarga ko‘ra, qazg‘oq bosh terisida “malassezia” deb nomlangan zamburug‘larning keragidan ortiq ko‘payishi natijasida paydo bo‘ladi. Ushbu zamburug‘lar aslida har bir odamda tabiiy holatda mavjud, muammo ularning haddan tashqari faollashuvi va immun tizimning bunga qarshi kurasha olmasligida. Aynan shu holatni yuzaga keltiruvchi omillardan biri organizmda A, E va B guruhi vitaminlarining yetishmovchiligi hisoblanadi. Masalan, B6 va B7 (biotin) tanqisligi bosh terisi hujayralarining yangilanish jarayonini sekinlashtirib, yog‘ bezlari faoliyatini izdan chiqaradi. E vitamini teri qatlamini oksidlovchi stresslardan himoya qiladi, A vitamini bosh terisining himoya funksiyasida muhim rol o‘ynaydi. Tanada ushbu moddalar tanqis bo‘lsa, bosh terisi quriydi, yallig‘lanadi va qazg‘oq yuzaga keladi.
Qazg‘oq ba’zida ichak yallig‘lanish kasalliklarining ilk belgisi sifatida namoyon bo‘ladi. Ichak florasi, ya’ni foydali bakteriyalar muvozanati buzilsa (disbakterioz), organizmda yallig‘lanish kuchayadi, immunitet susayadi va bu bevosita terida aks etadi.
Qalqonsimon bez faoliyatining yaxshi ishlamasligi ham qazg‘oqni yuzaga keltiradi. Gipotireoz holatida tanadagi barcha modda almashinuvi sekinlashadi, teri va soch suvsizlanadi, yog‘ ishlab chiqarish jarayoni izdan chiqadi. Bu esa quruq teri va sinuvchan soch, qayta-qayta paydo bo‘ladigan qazg‘oqni hosil qiladi.
Ko‘z osti qorayishi
Ko‘z atrofidagi teri inson tanasidagi eng nozik va yupqa qatlamlardan biri. Bu hududda qon tomirlari teriga yaqin joylashgan, shu sabab tana bo‘ylab qon aylanishidagi har qanday muammo yoki suyuqlik almashinuvidagi buzilish birinchi navbatda ko‘z ostida seziladi.
Buyrak faoliyati sustlashganda tana o‘zidan ortiqcha suyuqlikni chiqarishda qiynaladi. Uning natijasida ko‘z ostida qorayish va shish paydo bo‘ladi.
Boshqa bir ehtimoliy sabab – qon aylanishidagi buzilish. Yurak yetishmovchiligi, anemiya (kamqonlik) mavjud yoki qon bosimi past odamlarda qon terining ostida turg‘un holatga keladi. Bu ko‘z tagida ko‘kimtirlik yoki sarg‘ishlikni hosil qilishi mumkin.
Shuningdek, surunkali yallig‘lanish holatlari (masalan, allergik rinit, bronxial astma, ichki a’zolardagi yashirin iltihobiy jarayonlar) ham ko‘z atrofi qorayishlariga olib keladi,
Milk qonashi
Ko‘pchilik buni tish yuvishda noto‘g‘ri cho‘tkadan foydalanish yoki vaqtinchalik yallig‘lanish deb o‘ylaydi. Milk qonashining doimiy tus olishi tana ichkarisida nimadir izdan chiqqani haqida ogohlantiruvchi signal bo‘lishi mumkin.
Uning eng keng tarqalgan sababi organizmda askorbin kislotasi (C vitamini) tanqisligi hisoblanadi. Bu vitamin kollagen sintezi va qon tomirlarning mustahkamligi uchun zarur. Agar C vitamini yetarli bo‘lmasa, milklar oson jarohatlanadi, yallig‘lanadi va eng oddiy harakat ta’sirida ham qonay boshlaydi.
B guruhi vitaminlari (B2, B6, B12) va folat yetishmovchiligi milk to‘qimalarining tiklanishiga salbiy ta’sir qiladi. Og‘iz bo‘shlig‘idagi surunkali yallig‘lanish, ya’ni gingivit va paradontit kabi kasalliklar tufayli ham milklar qonaydi. Mazkur hastaliklar bakterial infeksiya va tish toshi yig‘ilishi oqibatida yuzaga keladi.
Milk qonashi qon aylanishi tizimi bilan bog‘liq kasalliklarning dastlabki belgisi sifatida ham paydo bo‘lishi mumkin. Masalan, qonda trombotsitlar sonining kamayishi (trombotsitopeniya), gemofiliya holatlarida tananing eng nozik joylari: milklar, burun ichki qavati, teri osti birinchi bo‘lib ta’sirlanadi.
Lab yorilishi
Lab terisi inson tanasidagi eng nozik to‘qimalardan biri bo‘lib, u yog‘ bezlarisiz, ya’ni tabiiy himoyasiz faoliyat yuritadi. Shu sabab organizmdagi har qanday muvozanat buzilishi eng avval lablarda seziladi. B2 (riboflavin) va B6 (piridoksin) vitaminlari yetishmasa, lab burchaklarida yoriq, og‘riq va qizarish holatlari paydo bo‘ladi. Bu vitaminlar teri va shilliq qavatlarning tiklanishi, hujayralar regeneratsiyasida muhim rol o‘ynaydi. Mazkur moddalar tanqisligi terining quruqlashishi, yallig‘lanishi va yoriqlarga olib keladi.
Tanada temir moddasining kamayishi qon orqali kislorod tashilishini zaiflashtiradi, natijada lablardagi to‘qimalar yetarlicha oziqlanmaydi. Bu esa ularni mo‘rt, qurigan va yorilishga moyil holatga keltiradi.
Ko‘pincha lab burchaklaridagi yoriqlar (tibbiyotda bu holat angular xeylit deb ataladi) immunitet pasaygan davrlarda: shamollash, antibiotiklardan so‘ng yoki ichki infeksiyalar ortidan paydo bo‘ladi. Bunday paytda og‘iz bo‘shlig‘idagi bakteriyalar tez ko‘payib, yallig‘lanishni kuchaytiradi.
Lab yorilishi ba’zida gormonlar muvozanatining buzilishi yoki qalqonsimon bez faoliyatining susayishi bilan ham bog‘liq bo‘ladi. Gipotireoz holatlarida tana harorati tushadi, qon aylanishi sekinlashadi va periferik to‘qimalar, jumladan, lablar yetarlicha oziqlanmaydi. Bu esa yoriq, qurish va qichishish kabi belgilarni hosil qiladi
Tirnoqdagi oq dog‘lar
Tibbiyotda bu holat “leukonixia” deb yuritiladi. U ikki shaklda namoyon bo‘ladi: birinchisida dog‘lar butun tirnoq bo‘ylab yoyilgan, ikkinchisida kichik-kichik oq to‘rtburchak yoki aylana ko‘rinishida.
Tirnoqda oq dog‘lar yuzaga kelishining asosiy sababi organizmda sink, kalsiy va magniy tanqisligi kuzatilishidir. Tsink teri va tirnoq hujayralarining yangilanishida muhim rol o‘ynaydi. Uning yetishmovchiligi nafaqat oq dog‘lar, balki tirnoqning mo‘rtlashishi, sinuvchanligi va sarg‘ayishiga ham sabab bo‘ladi.
Kalsiy va magniy esa suyak-to‘qima mustahkamligi bilan birga, tirnoq plastinkasining strukturasi uchun muhim elementlar sanaladi. Bu moddalar yetishmovchiligi, odatda, noto‘g‘ri ovqatlanish, stress, ichak faoliyati buzilishi yoki surunkali ichki kasalliklar fonida rivojlanadi.
Teri qurishi
Buning asosiy ichki sabablaridan biri – qalqonsimon bez faoliyatining pasayishi (gipotireoz). Ushbu holatda tana harorati tushadi, modda almashinuvi sekinlashadi va yog‘ bezlari yetarli miqdorda lipid ishlab chiqarmaydi. Natijada teri quriydi, tirsak, tizza va yuz terisida o‘zgarishlar yaqqol seziladi.
Bundan tashqari, ayollarda estrogen darajasi pasayganda (menopauza, tug‘uruqdan keyingi davr) teri elastikligi kamayadi, namlikni ushlab turish qobiliyati zaiflashadi. Bu esa namlovchi vositalar yordam bermaydigan darajada teri qurishiga olib keladi.
Shuningdek, teri qurishi ba’zida qandli diabet yoki buyrak yetishmovchiligi fonida ham yuzaga chiqadi. Diabetga uchragan odamlarda qon tarkibida glyukoza darajasi yuqori bo‘lib, bu teri hujayralarining suvni ushlab turish qobiliyatiga salbiy ta’sir qiladi. Shu tufayli teri quruq va tez yoriladigan holga keladi. Buyrak kasalliklari esa tanadagi suyuqlik aylanishini izdan chiqaradi, bu ham terining suvsizlanishiga sabab bo‘ladi.
A, E, va B guruhi vitaminlari, ayniqsa, B3 (niatsin) va B7 (biotin) terining yangilanishi va himoya qatlami holati uchun javobgar moddalar sanaladi. Ularning yetishmovchiligi teri hujayralarini zaiflashtiradi, yangilanish jarayonini sekinlashtiradi va namlikni yo‘qotadi. Omega-3 yog‘ kislotalari tanqisligi ham terini quruq va qichishadigan qilib qo‘yadi.
Yuqorida qayd etilgan belgilar tanamiz tomonidan yuborilayotgan ogohlantiruvchi signallardir. Har bir simptom organizmdagi ichki tizim: qon aylanishi, immunitet, gormonlar, ovqat hazm qilish yoki nerv sistemasi faoliyatida muvozanat buzilganini ko‘rsatadi. Ko‘pincha biz buni kosmetik vositalar yoki vaqtinchalik choralar bilan bartaraf etishga harakat qilamiz. Ammo asl davo sabablarga qarshi kurashishdan boshlanadi. Shifokorga murojaat etib, qon tahlili, vitamin va mikroelementlar balansi, gormonal tekshiruvlar, ichki organlar faoliyatini tahlil qilish tana signallari vositasida organizmni sog‘lomlashtirish yo‘lidagi eng to‘g‘ri qadamlardan biri bo‘ladi.
Diyoraxon Nabijonova
Prezident o‘z nutqida 7 milliy dastur haqida e’lon qildi.
Birinchi milliy dastur bilim va malakani kelgusi taraqqiyotning asosiy kapitaliga aylantirishdan iborat bo‘ladi.
Bolalarning 6 yoshli tayyorlov guruhlariga qamrov qisqa muddatda 100 foizga olib chiqiladi. Xususiy bog‘cha tashkil qilish bo‘yicha mavjud imtiyozlar saqlab qolinadi.
Barcha maktablar xalqaro baholash dasturlari bilan to‘liq qamrab olinadi.
Yurtimizdagi texnikumlarda xalqaro ta’lim standartlarini joriy etiladi. Ularda yoshlarimizni yuqori daromadli kasblarga o‘qitishni yo‘lga qo‘yib, qamrovni 1 millionga yetkaziladi. Bir so‘z bilan aytganda, Yangi O‘zbekistonda kasb egallamagan birorta yigit-qiz qolmaydi.
Ikkinchi milliy dastur xalqimizning sog‘lom bo‘lishi va uzoq umr ko‘rishini ta’minlashga xizmat qiladi.
Shu maqsadda aholi salomatligi bilan bog‘liq davlat xarajatlarini kelgusi besh yilda yalpi ichki mahsulotga nisbatan 5 foizga yetkaziladi.
Tibbiyotda profilaktikani kuchaytirish orqali salomatlikni asrash modeliga o‘tiladi. Davlat tibbiy sug‘urtasi mamlakatning barcha xonadonlariga kirib boradi
Ixtisoslashgan tibbiyotda raqobat muhitini kuchaytirish maqsadida dunyoning eng nufuzli kamida 5 ta klinikasi olib kelinadi.
Uchinchi milliy dastur – iqtisodiyotimizni yuqori texnologiya va mehnat unumdorligi modeliga o‘tkazish.
Buning uchun kelgusi o‘n yilda 450 milliard dollar xorijiy investitsiya jalb qilinadi. Iqtisodiyotda yuqori o‘sish sur’atini saqlagan holda, 2030 yilgacha yalpi ichki mahsulot hajmi 300 milliard dollarga yetkaziladi, sanoatda 2 millionta yuqori daromadli ish o‘rni yaratiladi.
Yoshlarimizning salohiyatini to‘liq ro‘yobga chiqarishda startap, venchur va sun’iy intellektni rivojlantirish ustuvor yo‘nalishga aylanadi.
Shuningdek, kichik biznes – o‘rta biznesga, o‘rta korxonalar esa yirik kompaniya va korporatsiyalarga aylanishi uchun yaxlit ekotizimni yo‘lga qo‘yamiz. Bularning hisobiga kelgusi o‘n yilda jon boshiga yalpi ichki mahsulot hajmi 10 ming dollarlik marradan oshadi.
Global iqlim o‘zgarishi sharoitida suv va ekologiya masalalari yanada dolzarb bo‘lib bormoqda.
Shu bois, to‘rtinchi milliy dastur suv va tabiatga munosabatni tubdan o‘zgartirishga qaratiladi.
Kelgusi besh yilda ekin maydonlarida suv tejaydigan texnologiyalar qamrovini 100 foizga olib chiqiladi. Bu – umummilliy marraga aylanadi.
Adolat qaror topgan joyda iqtisodiy o‘sish ham, ijtimoiy ishonch ham yuksaladi.
Bu borada beshinchi milliy dastur – sud mustaqilligini kuchaytirish va qonun ustuvorligini ta’minlashni umumiy qadriyatga aylantirishdan iborat.
“Buning uchun huquqiy tarbiyani maktabdan boshlab aniq tizim asosida yo‘lga qo‘yamiz. Fuqarolar va tadbirkorlarning qonuniy kafolatlarini kuchaytirish bo‘yicha islohotlarimizni qat’iy davom ettiramiz. Kiberjinoyatchilik, giyohvandlik va odam savdosining oldini olish bo‘yicha choralarni yanada kuchaytiramiz.
“Yashirin iqtisodiyot”, uyushgan jinoyatchilik, ayollar va bolalar huquqini kamsitishga qarshi kurashni yangi bosqichga ko‘taramiz.
Odamlarimizning kayfiyati, oilalarning farovonligi, yoshlarning orzu-istagi, tadbirkorlarning tashabbuskorligi, eng avvalo, mahallada namoyon bo‘ladi.
Shuning uchun oltinchi milliy dastur mahallani jamiyat taraqqiyotining asosiy buyurtmachisiga aylantirishga yo‘naltiriladi.
Endi davlat dasturlarini ishlab chiqish bo‘yicha yondashuv butkul o‘zgaradi. Tuman budjeti, investitsiya dasturi hamda infratuzilma loyihalari mahalla buyurtmasi asosida ishlab chiqiladi. Bunda fuqarolarning talab va ehtiyoji, mahallaning farovonligi – eng asosiy mezon sifatida belgilanadi”, dedi Prezident.
Yettinchi milliy dastur – O‘zbekistonning tinchlik va do‘stlik diyori, bag‘rikeng o‘lka sifatidagi nufuzini har tomonlama yuksaltirishdan iborat.
Bizning ochiq, pragmatik va tinchlikparvar siyosatimiz uzoq muddatli taraqqiyotimizni ta’minlashga qaratilgan.
Bu yilgi Mustaqillik bayrami ijtimoiy tarmoqlarda chin ma’noda portladi. Prezident Shavkat Mirziyoyevning nutqi, bayram ssenariysi va sahnadagi chiqishlarga foydalanuvchilardan juda katta, samimiy va kuchli reaksiya bo‘ldi.
Izohlarni o‘qib, bir narsa yaqqol ko‘rinadi: odamlar bayramni shunchaki tomosha qilmagan — his qilgan.
“Juda zo‘r!”, “Boshqacha bo‘ldi!”, “Ta’sirli!”, “Gap yo‘q!”, “Sahnadagi energiya va jonli ijro odamni lol qoldirdi, haqiqiy bayram kayfiyati!”, “Harbiylarning safdagi kelishgan va qat’iy qadamlari qalbimizni g‘ururga to‘ldiradi”, “Juda go‘zal bayram, betakror bayram”… — ijtimoiy tarmoqlardagi minglab fikrlarda bir xil kayfiyat.
Ayniqsa, Prezident nutqidagi fikrlar alohida muhokama qilindi. Vatan tarixi, bugungi islohotlar va kelajakka ishonch uyg‘unlashgan nutq ko‘pchilikda kuchli taassurot qoldirdi.
Bu yilgi Mustaqillik bayrami sahnada o‘zgacha bo‘ldi — ijtimoiy tarmoqlardagi reaksiya esa bundan ham kuchli!
Bu shunchaki izohlar emas. Bu — xalqning bayramga bo‘lgan kayfiyati.
BYD Central Asia mahalliy ishlab chiqarilayotgan BYD CHAZOR UzPride modelining rasmiy sotuvi boshlanganini e’lon qiladi. Mahalliylashtirish darajasi yuqori bo‘lgani tufayli 55 KM Luxe jamlanmasi 255 900 000 so‘m narxda taklif etilmoqda.
Modelning nomi uning mazmun-mohiyatini aks ettiradi: brend mahalliy bozorda izchil rivojlanib, texnik mutaxassislarni tayyorlash va mamlakat avtomobilsozlik sanoatini zamonaviylashtirishga ko‘maklashmoqda. Shu bilan birga, zamonaviy texnologiyalarni aholining tobora keng qatlamlari uchun qulay va hamyonbop qilmoqda. Shu sababli yangi talqin O‘zbekiston va uning xalqiga chuqur hurmat ramzi sifatida UzPride nomini oldi.
O‘zbekiston Respublikasi mustaqilligining 35 yilligi munosabati bilan xaridorlar uchun maxsus moliyalashtirish dasturi tayyorlandi:
– boshlang‘ich to‘lov – 35%;
– bo‘lib to‘lash muddati – 35 oy;
– foiz stavkasi – 0%;
– moliyalashtirishni rasmiylashtirish – faqat OFB hamkor banki orqali.
Mustaqillikning 35 yilligiga bag‘ishlangan moliyalashtirish dasturi shartlari 2026 yil 29 avgustdan 1 sentyabrgacha amal qiladi.
Dastur shartlari qutlug‘ sana bilan ramziy tarzda uyg‘unlashtirilgan bo‘lib, yangi supergibrid sedanni O‘zbekiston bo‘ylab xaridorlar uchun yanada qulayroq shartlarda sotib olish imkonini beradi.
BYD CHAZOR UzPride haqida
BYD CHAZOR UzPride DM-i supergibrid tizimi bilan jihozlangan. Unda elektr yuritmaning afzalliklari 1,5 litr hajmli yuqori samarali benzin dvigatelining imkoniyatlari bilan uyg‘unlashtirilgan.
132 kVt quvvatga ega elektr dvigatelining eng yuqori burovchi kuchi 316 N·m ni tashkil etadi. Avtomobil 0 dan 100 km/soat tezlikka 7,9 soniyada chiqadi. NEDC o‘lchov tartibi bo‘yicha faqat elektr quvvatida yurish masofasi 55 kilometrgacha yetadi. Akkumulyator quvvati past bo‘lganda yoqilg‘i sarfining eng kam ko‘rsatkichi 100 kilometrga 3,8 litrni tashkil etadi.
55 KM Luxe jamlanmasiga aylantiriladigan 12,8 dyuymli multimedia ekrani, 8,8 dyuymli displeyga ega raqamli ko‘rsatkichlar paneli, o‘zbek tilidagi aqlli ovozli boshqaruv tizimi, 4G va Bluetooth ulanishi, shuningdek, OTA orqali masofadan yangilash imkoniyati kiradi.
Haydovchiga yanada ko‘proq qulaylik yaratish maqsadida avtomobil kalitsiz kirish tizimi, NFC-karta, masofadan ishga tushirish, o‘rindiqni elektr yordamida sozlash, elektr yuritmali tom tuynugi hamda orqa o‘rindiq yo‘lovchilari uchun havo yo‘naltirgichlarga ega iqlim tizimi bilan jihozlangan.
360° atrofni ko‘rsatuvchi panoramali HD-kamera hamda old va orqa to‘xtash datchiklari avtomobilni boshqarish va tor joylarda harakatlanishni osonlashtiradi.
Xavfsizlik tizimlari qatoriga tezlikni bir maromda saqlash tizimi, yo‘nalish barqarorligini nazorat qilish, g‘ildiraklarning sirpanishiga qarshi tizim, shinalardagi bosimni kuzatish, qiyalikda harakatni boshlashga ko‘maklashish, avtomobilni avtomatik ushlab turish, old va yon xavfsizlik yostiqchalari, shuningdek, parda turidagi xavfsizlik yostiqchalari kiradi.
BYD CHAZOR UzPride modelining mahalliy ishlab chiqarilishi yangi energiya manbalarida harakatlanuvchi zamonaviy avtomobillar tanlovini kengaytiradi hamda mamlakat avtomobilsozlik sanoatining rivojlanishiga hissa qo‘shadi.
BYD Central Asia kompaniyasining mustaqillikning 35 yilligiga bag‘ishlangan dasturi – O‘zbekiston Respublikasi mustaqilligining 35 yilligini mamlakatimizda ishlab chiqarilgan yangi avtomobil boshqaruvida kutib olish uchun ajoyib imkoniyatdir.
*Mustaqillikning 35 yilligiga bag‘ishlangan moliyalashtirish dasturi 2026 yil 29 avgustdan 1 sentyabrgacha, 1 sentyabr kuni ham, amal qiladi. Dastur doirasidagi moliyalashtirish faqat OFB hamkor banki orqali rasmiylashtiriladi. Dastur bo‘yicha taklif etiladigan avtomobillar soni cheklangan. Texnik ko‘rsatkichlar ma’lumot berish maqsadida keltirilgan bo‘lib, yo‘l va ob-havo sharoiti, avtomobilning yuklanish darajasi hamda haydash uslubiga qarab farq qilishi mumkin. Avtomobilni sotib olish shartlari va jamlanmasi haqidagi batafsil ma’lumotni BYD kompaniyasining rasmiy dilerlaridan olishingiz mumkin.
BYD kompaniyasining O‘zbekistondagi aloqa ma’lumotlari
Rasmiy ishonch telefoni: 1811
Rasmiy veb-sayt: bydauto.uz
Instagram: @bydauto.uz
Telegram: t.me/bydautouz
Jamiyat
Yangi o‘quv yilida 806 mingdan ziyod 6 yoshli bola maktabga tayyorlov guruhlariga qamrab olinadi
E-qaror tizimida Maktabgacha va maktab ta’limi vazirligining maktabgacha ta’lim tashkilotlarini 2026/2027 o‘quv yiliga tayyorlash va bolalarni qabul qilish jarayonini samarali tashkil etishga oid buyrug‘i e’lon qilindi. Hujjatning ilovalari Maktabgacha va maktab ta’limi vazirining 2026-yil 18-avgustdagi 299-son buyrug‘i bilan tasdiqlangan.
Hujjatga ko‘ra, 2026/2027 o‘quv yilida respublika bo‘yicha 811 ming 586 nafar 6 yoshli bola hisobga olingan. Ularning 806 ming 290 nafarini maktabga tayyorlov guruhlariga qamrab olish rejalashtirilgan. Natijada qamrov darajasi 99,3 foizga yetkazilishi ko‘zda tutilmoqda.
Maktabga tayyorlov guruhlari bilan qamrab olinmagan 6 yoshli bolalar uchun 485 ta bir yillik bepul majburiy tayyorlov guruhi tashkil etiladi. Ularda jami 13 ming 104 nafar bolani qamrab olish rejalashtirilgan.
Shundan:
— umumiy o‘rta ta’lim maktablarida 413 ta guruh tashkil etilib, 11 ming 163 nafar bola;
— davlat maktabgacha ta’lim tashkilotlarida 65 ta guruh ochilib, 1 ming 766 nafar bola;
— boshqa mos binolarda 7 ta guruh tashkil qilinib, 175 nafar bola qamrab olinadi.
Chora-tadbirlar rejasiga muvofiq, avval hududlardagi 6 yoshli bolalar xatlovdan o‘tkaziladi. Xatlov natijasida tayyorlov bilan qamrab olinmagan bolalar mavjud bo‘sh guruh va o‘rinlarga joylashtiriladi.
Shundan keyin ham qamrovdan tashqarida qolgan bolalar uchun umumta’lim maktablari, davlat maktabgacha ta’lim tashkilotlari, «Kelajak markazlari» va boshqa obyektlarning bo‘sh xonalarida yangi tayyorlov guruhlari tashkil etiladi. Ularni sentyabr–oktyabr oylarida ishga tushirish belgilangan.
Prezident farmonida tadbirkorlik subyektlarining huquqiy himoyasini kuchaytirishga qaratilgan «tadbirkorlik subyektining haqlilik prezumpsiyasi» belgilandi.
Unga ko‘ra, davlat organi tomonidan aksi isbotlanmaguncha tadbirkorlik subyekti va uning mansabdor shaxsi qonunchilikka muvofiq harakat qilgan hamda o‘z majburiyatlarini lozim darajada bajargan deb hisoblanadi.
Sudda tadbirkorga nisbatan huquqiy ta’sir chorasi qo‘llash uchun uning asosli, qonuniy va mutanosib ekanini, shuningdek, huquqbuzarlik faktini isbotlash majburiyati davlat organiga yuklanadi.
Qonunchilikdagi bartaraf etib bo‘lmaydigan ziddiyatlar, noaniqlik va tushunmovchiliklar, shuningdek, dalillar yetarli emasligi tufayli yuzaga keladigan shubhalar tadbirkorlik subyekti foydasiga talqin qilinadi.
O‘zbekiston mahsulotlari AQShning eng yirik savdo tarmog‘i orqali Amerika bozoriga chiqishi mumkin
Prezident 7 milliy dastur haqida e’lon qildi
Prezidentning bojxona xizmatiga oid farmoni qabul qilindi
-
Sport4 days ago
EChL 2026/2027. Umumiy guruh bosqichi taqvimi e’lon qilindi
-
Jamiyat4 days ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Siyosat5 days ago
Prezidentning Mustaqillik bayrami tabrigidan o‘rin olgan asosiy fikrlari
-
Siyosat2 days ago
Шавкат Мирзиёев Бишкекда кутиб олинди
-
Sport4 days ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
-
Jamiyat3 days ago
Qonunchilikdagi noaniqliklar tadbirkor foydasiga talqin qilinadi
-
Siyosat3 days ago
Pokiston bosh vaziri bilan uchrashuv o‘tkazildi
-
Mahalliy1 day ago
«Enamdan qolgan dalalar» (Esse)