Sport
Tamp Oq uy hududida UFC jangi o‘tkazilishini e’lon qildi
Jang sanasi 80 yoshga to‘ladigan Donald Trampning tug‘ilgan kuniga, shuningdek, AQSh bayrog‘i kuniga to‘g‘ri keladi.
AQSh prezidenti Donald Tramp 2026 yil 14 iyun kuni Oq uy hududida UFC shafeligida jang o‘tkazilishini e’lon qildi. Bu haqda Reuters xabar berdi.
Sana tasodifan tanlanmagan – 14 iyun 80 yoshga to‘ladigan Donald Trampning tug‘ilgan kuniga, shuningdek, AQSh bayrog‘i kuniga to‘g‘ri keladi.
Tadbir Oq uyning Janubiy maysazorida (South Lawn) o‘tkazilishi rejalashtirilgan bo‘lib, bu prezident qarorgohi hududida professional sport jangi o‘tkaziladigan birinchi holat bo‘ladi.
UFC prezidenti Dana Uayt uzoq vaqtdan beri Tramp bilan do‘stona munosabatda bo‘lib kelgan. U bir necha bor uning kampaniyalarida qatnashgan va ommaviy ravishda qo‘llab-quvvatlagan.
Reuters ma’lumotlariga ko‘ra, shouni tashkil etish uchun taxminan 700 ming dollar kerak bo‘ladi – jumladan, janglardan keyin Oq uydagi maysazorni tiklash uchun ham.
UFC brendiga egalik qiluvchi TKO Group Holdings bosh kompaniyasi bo‘lajak tadbirga hozircha rasman izoh bermadi.
Sana allaqachon e’lon qilingan bo‘lsa-da, janglar xaritasi hali tasdiqlanmagan. Dana Uayt intervyuda jangchilar bilan muzokaralar keyinroq boshlanishini, Konor MakGregor bilan shartnoma haqidagi mish-mishlar esa «haqiqatga to‘g‘ri kelmasligini» ta’kidladi.
Bundan tashqari, Oq uy ham tadbir o‘tkazilishini ochiq tasdiqlamadi.
Mutaxassislarning ta’kidlashicha, prezident qarorgohi hududida bo‘lib o‘tadigan UFC jangi savollar tug‘dirishi mumkin – xavfsizlik va moliyalashtirishdan tortib, bunday shouning ramzlari va etikasigacha.
Avvalroq janglarni 2026 yil 4 iyul – AQSh Mustaqillik kunida o‘tkazish g‘oyasi muhokama qilingan edi, biroq «logistika sabablariga» ko‘ra sana iyunga ko‘chirildi.
UFC va Oq uy hozircha tafsilotlar, jumladan, tomoshabinlar soni, ishtirokchilar ro‘yxati va translatsiya formati ustida ishlamoqda.
UFC (Ultimate Fighting Championship) – aralash yakkakurash janglari (MMA) bo‘yicha dunyodagi eng yirik tashkilot. 1993 yilda AQShda tashkil etilgan. Bugungi kunda u o‘nlab mamlakatlarning eng yaxshi jangchilarini birlashtirgan jahon brendi bo‘lib, 170 dan ortiq mamlakatlarda turnirlarni translatsiya qiladi.
UFC oktagon-arena (sakkizburchakli ring) formatini ommalashtirdi va jangovar mahorat, shou va biznes uyg‘unlashgan zamonaviy sport sanoatining ramziga aylandi. Tashkilot prezidenti – Dana Uayt, 2001 yildan beri uni boshqaradi. 2023 yildan beri UFC WWE (kurash shousi) bilan birlashtirilgan TKO Group Holdings korporatsiyasi tarkibiga kiradi.
Uning boyligi 1,4 mlrd dollarga baholanmoqda.
Saudiya Arabistonining «An-Nasr» klubi hujumchisi, portugaliyalik Krishtianu Ronaldu tarixdagi birinchi milliarder futbolchiga aylandi. Bu haqda Bloomberg agentligi o‘zining Billionaires Index indeksiga asoslanib xabar bermoqda. Ma’lum bo‘lishicha, 40 yoshli futbolchining boyligi 1,4 mlrd dollarga o‘sgan.
Bu raqamlarga homiylar bilan shartnomalar orqali keladigan mablag‘lar, klublardan olinadigan maosh va tijoriy faoliyatdan daromadlar kiradi.
Ronaldu 20 yildan oshgan futbolchilik faoliyati davomida «Manchester Yunayted», «Real» va «Yuventus» kabi grand klublarda to‘p surishdan tashqari, Armani va Nike kabilarni ham o‘z ichiga oluvchi ko‘plab yirik brendlar bilan ham hamkorlik qilgan. Xususan, 2002 yildan 2023 yilga qadar 550 mln dollardan ortiq mablag‘ ishlab olgan.
Ammo u faoliyatining so‘nggi qismida eng badavlat sportchilar qatoriga kirdi. Joriy yil iyunida Ronaldu hozirgi klubi «An-Nasr» bilan tuzilgan yangi shartnomaga ko‘ra, yiliga 400 million dollardan ortiq mablag‘ ishlab topishi mumkin.
May oyida Ronaldu Forbes talqiniga ko‘ra, ketma-ket uchinchi marta dunyoning eng ko‘p maosh oluvchi sportchilari ro‘yxatida birinchi o‘rinni egallagani xabar qilingandi.
Saudiya klubida Krishtianu barcha turnirlar doirasida 111 o‘yinda maydonga tushib, 98 gol urgan. U kattalar futbolida jami 1060 o‘yinda ishtirok etib, 799 gol va 257 golli uzatmani o‘z hisobiga yozib qo‘ygan.
Krishtianu Ronaldu futbolchilar orasida birinchi bo‘lib milliarderga aylandi. Bloomberg bu haqda o‘zining indeksi (Billionaires Index)ga asoslanib xabar berdi.
Agentlik hisob-kitoblariga ko‘ra, sportchining boyligi 1,4 milliard dollarga yetgan.
Ronalud 20 yildan oshgan faoliyati davomida Armani va Nike kabi yirik brendlar bilan hamkorlik qilgan. Biroq, Bloomberg ta’kidlashicha, aynan hozir — «futbolchilik faoliyatining oxirida» 40 yoshli portugaliyalik eng boy sportchilar qatoriga kirdi.
Eslatib o‘tamiz, iyun oyida Ronaldu Saudiya Arabistonining «Al-Nasr» klubi bilan 400 million dollarlik yangi shartnoma imzolagan edi.
Ozarbayjonda III MDH o‘yinlari yakuniga yetib bormoqda. Ortda qolgan kun O‘zbekiston delegatsiyasi 3 ta oltin, 2 ta kumush va 5 ta bronza medallariga sazovor bo‘ldi.
Oltin:
Javohir Sharifboyev (yunon-rum kurashi, -45 kg)
Farid Karomov (yunon-rum kurashi, -48 kg)
Abdulaziz Xolmirzayev (yunon-rum kurashi, -80 kg)
Kumush:
Saidamir Ne’matov (yunon-rum kurashi, -110 kg)
Chavgon bo‘yicha O‘zbekiston terma jamoasi
Bronza:
Azizbek Barlikbayev (yunon-rum kurashi, -65 kg)
Faxrikamol Komiljonov (yunon-rum kurashi, -92 kg)
Qilichbozlik (shpaga, yigitlar jamoaviy)
Qilichbozlik (sablya, qizlar jamoaviy)
Badiiy gimnastika (bulava, jamoaviy)
Ayni paytda O‘zbekiston delegatsiyasi jamlagan medallar — 25 ta oltin, 33 ta kumush va 60 ta bronza.
Bugun so‘nggi kun bellashuvlari o‘tkaziladi.
Bunga O‘zbekiston – Qatar uchrashuvida bir qator reglament buzilishlari qayd etilgani sabab qilib ko‘rsatilgan.
Osiyo futbol konfederatsiyasi O‘zbekiston futbol assotsiatsiyasini jarimaga tortdi. OFK rasmiy saytida xabar berilishicha, tartib-intizom qo‘mitasi O‘zbekiston futbol assotsiatsiyasini ikkita holat bo‘yicha jami 340 ming dollar miqdorida jarimaga tortish to‘g‘risida qaror chiqargan.
Bunga 10 iyun kuni JCh-2026 saralashi doirasida Toshkentdagi «Bunyodkor» stadionida O‘zbekiston va Qatar uchrashuvida bir qator qoidalar buzilgani sabab sifatida keltirilgan. Xususan, o‘yindan keyin O‘zbekiston futbol assotsiatsiyasi OFKning ruxsatisiz yopilish marosimini tashkil qilgan.
Marosimda futbolchilarni mukofotlash uchun ajratilgan BYD avtomobillari maydonga olib chiqilgandi. Bu bilan O‘FA marketing huquqlarini himoya qilishda OFK va uning tijorat hamkorlarini qo‘llab-quvvatlamagan va «ambush-marketing» holatlarining oldini olmagan deb topilgan.
Shuningdek, O‘FA OFKga rasmiy tadbirlar, jumladan, matbuot anjumanlari va intervyular o‘tkazishda ham zarur yordam ko‘rsatmagani uchun jazolangan.
Qayd etilishicha, OFK mezbonlardan stadion hududida, maydon ichida va atrofida o‘z homiylari brendlaridan boshqa brendlar bo‘lmasligini qat’iy talab qiladi. Chunki, OFK JCh saralash o‘yinlari uchun har bir mezbon jamoaga pul to‘laydi.
Bundan tashqari, OFK 22–28 iyul kunlari bo‘lib o‘tgan «Mirabror Usmonov xotirasi kubogi-2025» xalqaro turnirini tashkil etishda qoidabuzarlik holatini qayd etgan. Assotsiatsiya musobaqani avtorizatsiya qilish uchun kech so‘rov yuborgan, bu takroriy davrda yettinchi qoidabuzarlik bo‘lgan.
Ushbu epizod bo‘yicha OFK futbol assotsiatsiyasini 1500 dollar jarimaga tortdi.
Shu yilning 10-iyun kuni O‘zbekiston-Qatar uchrashuvi tugashi bilan maydonga futbolchilarni mukofotlash uchun ajratilgan BYD avtomobillari olib kirilgani qoidabuzarlik deb topildi.
OFK tartib-intizom qo‘mitasiga qaroriga ko‘ra, O‘zbekiston futbol assotsiatsiyasi 340 ming AQSh dollari miqdorida jarimaga tortildi.
OFK mezbonlardan stadion hududida, maydon ichida va atrofida o‘z homiylari brendlaridan boshqa brendlar bo‘lmasligini qat’iy talab qiladi. Chunki, OFK JCh saralash o‘yinlari uchun har bir mezbon jamoaga pul to‘laydi. O‘zbekiston shu talabni bajarmagani uchun 340 ming dollar to‘laydi.
AQSh va Kanada raketalarini himoya qilish tizimlari oltin gumbazda birgalikda ishlashni xohlaydi
Turkiy dunyo birdamligi O‘zbekistonga qanday manfaat keltiradi?
Boysunda ko‘mir tarqatish punktida talato‘p yuzaga keldi
-
Dunyodan5 days agoEvropa davlatlarining hukmdorlari taxtdan voz kechishdi
-
Jamiyat3 days agoO‘zbekiston va OTB hamkorligining 30 yilligi munosabati bilan ekologik aksiya o‘tkazildi
-
Jamiyat5 days agoBolalarga nisbatan Internetdan foydalanib uyatsiz harakatlar sodir etganlik uchun javobgarlik belgilanmoqda
-
Sport5 days agoJCh-2026 chiptalari rekord darajada qimmat bo‘ladi
-
Mahalliy4 days ago«TalabaExpo–2025» Surxondaryoda — ko‘rgazma qanday o‘tdi!
-
Sport5 days agoKannavaro hal bo‘ldi: bu yaxshimi yoki yomon?
-
Turk dunyosi4 days agoG’azo bilan bog’langan flot: Isroil 137 faollarni tinchlik bilan deportatsiya qilganini tasdiqlaydi – Dunyo
-
Jamiyat4 days agoTadbirkorning salkam 1 mlrd so‘mini qo‘lga kiritgan shaxs aniqlandi