Sport
Superligada chempionlik poygasi. So‘nggi turlar oldidan qanday intrigalar bor?
«Neftchi» uzoq kutilgan chempionlikni rasmiylashtiradimi? «Nasaf», «Paxtakor» va «Dinamo»da imkoniyat qanday? Uchta jamoada ochkolar soni teng kelib qolsa, medallar kimga nasib etadi?
O‘zbekiston Superligasida navbatdagi mavsum yakuniga yetib bormoqda va atigi ikki tur qolganda ham birato‘la to‘rt jamoa nazariy jihatdan chempionlik imkoniyatiga ega bo‘lib turishi – jiddiy voqea. Yanada e’tiborlisi, mavsum yakunlangach, peshqadam uchta jamoaning ochkolari soni teng bo‘lib qolishi ham mumkin ekan. Bu – ichki chempionatning o‘ziga yarasha raqobatbardosh bo‘lib borayotganidan darak beradi, bunday kurashlarda toblangan futbolchilar muhimroq darajadagi turnirlarda o‘zini ko‘rsatishi va milliy jamoaga chaqiruv olishi mumkin bo‘ladi.
Quyida so‘nggi turlar oldidan chempionlik intrigalari haqida so‘z yuritiladi va jamoalarning imkoniyatlari chamalab ko‘riladi.
28 turdan keyingi turnir jadvali:
«NeFTChI»
Tabiiyki, ayni paytda eng ko‘p ochko to‘plab turgan, chempionlik masalasi faqat o‘z qo‘lida bo‘lgan yagona jamoa – «Neftchi». Farg‘onaliklar 2001 yilgi mavsumdan beri, ya’ni 24 yillik tanaffusdan so‘ng o‘z tarixida oltinchi bor mamlakat chempioniga aylanishga yaqin turibdi. Qizig‘i, shu eslangan mavsumda ham keyingi o‘rinlarni «Paxtakor» va «Nasaf» qo‘lga kiritgandi.
«Neftchi»ning keyingi o‘yinlari:
29-tur. «Neftchi» – «Qizilqum» (22 noyabr)
30-tur. «Xorazm» – «Neftchi» (30 noyabr)
Hozirda «Neftchi» 61 ochkoga ega va eng yaqin ta’qibchisi «Nasaf» bilan oradagi farq 3 ochkoni tashkil qilmoqda. Reglamentga ko‘ra, ochkolar teng kelib qolganda o‘zaro o‘yinlarga qaralishi e’tiborga olinsa, bu borada ustunlik farg‘onaliklarda. Birinchi davrada Qarshida o‘tgan o‘yinda hisob ochilmagan bo‘lsa, Farg‘onada mezbonlar 1:0 hisobida g‘alaba qozonishgan. Demak, «Nasaf» yetib olmasligi uchun «Neftchi»ga yana uch ochko olish kifoya qiladi.
Keyingi o‘rinlardagi «Paxtakor» va «Dinamo» bilan esa 5 ochkolik masofa yuzaga kelgan, farg‘onaliklar yana 3 ochko olish orqali bu jamoalar uchun ham yetib bo‘lmas masofada ilgarilab ketadi. Demak, 22 noyabr kuni «Qizilqum»ga qarshi Farg‘onada o‘tadigan o‘yinda har qanday g‘alaba «Neftchi»ni mamlakat chempioniga aylantiradi. Ushbu chempionlik o‘yiniga klub fanatlari o‘ziga xos syurpriz tayyorlayotgani, chiptalar esa allaqachon sotib bo‘lingani haqida ma’lumotlar bor.
«Qizilqum»ga qarshi o‘yindagi durang ham «Neftchi»ni rasman chempionga aylantirishi mumkinmi? Ha, buning uchun bugun bo‘lib o‘tadigan «Paxtakor» – «Nasaf» o‘yinida ham durang qayd etilishi talab etiladi. Bu holatda durang ham «Neftchi»ni eng yaqin ta’qibchisidan uch uchkolik masofada saqlab qoladi. Yuqorida aytilganidek, «Nasaf» bilan ham, yetib olishi mumkin bo‘lgan boshqa jamoa «Dinamo» bilan ham «Neftchi»ning o‘zaro o‘yinlarda ustunligi bor.
Agar «Neftchi» qolgan 2 turda atigi bir ochko olsa va «Paxtakor» qolgan 2 turda 100 foizlik natija qayd etadigan bo‘lsa, o‘zaro o‘yinlarga ko‘ra (0:4, 1:2), «sherlar» oldinga chiqadi.
Xullas, qolgan ikki turda uch ochko «Neftchi»ni chempionga aylantiradi. Ma’lum shartlarda 2, hatto 1 ochko ham yetarli bo‘lishi mumkin.
«NASAF»
«Nasaf»ning keyingi o‘yinlari:
29-tur. «Paxtakor» – «Nasaf» (20 noyabr)
30-tur. «Nasaf» – «Dinamo» (29 noyabr)
Ro‘ziqul Berdiyev shogirdlari chempionlikni himoya qolishi uchun avvalo qolgan 2 o‘yinni o‘z foydasiga hal qilishi, shuningdek, «Neftchi» ikki o‘yinda ham g‘alaba qozona olmasligiga umid qilishi kerak bo‘ladi.
Ushbu ikki o‘yinda 4 ochko, ya’ni g‘alaba va durang ham nazariy jihatdan «Nasaf»ni chempion qilishi mumkin, lekin buning uchun «Neftchi» ikkala o‘yinda ham mag‘lubiyatga uchrashi shart bo‘lib qoladi. Bunga esa ishonish qiyin.
Bugun «Paxtakor»ga qarshi o‘yinda mag‘lubiyat esa qarshiliklarning chempionlik uchun imkoniyatini butunlay yo‘qqa chiqaradi. Chunki «Neftchi» bilan uch ochkolik masofa saqlanib qolsa, so‘nggi turda yetib olish imkoni bo‘lmaydi. Toshkentdagi mag‘lubiyat «Nasaf»ni 29-tur yakunlari bo‘yicha hatto 4-o‘ringa tushirib yuborishi mumkin.
«DINAMO»
«Dinamo»ning keyingi o‘yinlari:
29-tur. «Dinamo» – «Qo‘qon 1912» (21 noyabr)
30-tur. «Nasaf» – «Dinamo» (30 noyabr)
«Dinamo» to‘rt peshqadam orasida chempionlik uchun eng kam imkoniyatga ega bo‘lgan klubdir, lekin nazariy tomondan samarqandliklarda ham imkon saqlanib qolgan. «Dinamo» qolgan ikki o‘yinni o‘z foydasiga hal qiladigan bo‘lsa, ochkolari soni 62 taga yetadi. Ayni paytda «Neftchi»da 61 ochko bor. Farg‘onaliklar umuman ochko olishmasa, «Dinamo» ularni quvib o‘tadi. Ochkolar soni teng bo‘lib qolishi yana «Neftchi»ning ustunligini ta’minlaydi. Sababi, «Neftchi» «Dinamo» bilan o‘zaro o‘yinlarda ham yaxshiroq natijaga ega: har ikki o‘yinda g‘alaba qozongan (2:0 va 2:1).
Qolgan turlarda 100 foizlik natija qayd etadigan bo‘lsa, chempionlik yo‘lida «Dinamo»ga «Neftchi»dan boshqa to‘siq bo‘lmaydi. Birinchidan, ayni paytda «Paxtakor» bilan teng ochko to‘plagan bo‘lsa-da, o‘zaro o‘yinlarda ustunlikka ega (1:0, 1:1). Ikkinchidan, agar ikki o‘yinni yutadigan bo‘lsa, «Nasaf»ni ham quvib o‘tadi, chunki so‘nggi turdagi o‘yin aynan «Nasaf»ga qarshi kechadi. Demak, «Dinamo» o‘z o‘yinlarini yutsa, kamida 2-o‘rinni o‘ziniki qiladi.
«PAXTAKOR»
Toshkent jamoasi so‘nggi turlarda quyidagi raqiblarga qarshi maydonga tushadi:
29-tur. «Paxtakor» – «Nasaf» (20 noyabr)
30-tur. «Navbahor» – «Paxtakor» (29 noyabr)
«Paxtakor» bugun «Nasaf» ustidan g‘alaba qozonadigan bo‘lsa, ochkolari sonini 59 taga yetkazib oladi. Poytaxt jamoasi chempion bo‘lishi uchun qolgan ikki o‘yinni ham o‘z foydasiga hal qilishi va «Neftchi» qolgan ikki o‘yinda 1 ochkodan ko‘p olmasligiga umid qilishi kerak bo‘ladi. Ikki g‘alaba bilan «Paxtakor» ochkolari sonini 62 taga yetkazadi. Ammo farq shundaki, «Paxtakor»da «Neftchi» bilan o‘zaro o‘yinlarda ustunlik bor. Yuqorida aytilganidek, «Paxtakor» har ikki o‘yinda ham «Neftchi» ustidan g‘alaba qozonishni uddalagan.
Yana bir qiziq holat. Nazariy jihatdan birato‘la uch jamoada 62 tadan ochko bo‘lib qolish ehtimoli ham bor. Agar «Paxtakor» va «Dinamo» o‘z o‘yinlarida yutsa, o‘z navbatida, «Neftchi» qolgan ikki o‘yinda atigi bir ochko oladigan bo‘lsa, mana shu uchlik teng ochko bilan uchhokimlik hosil qiladi.
Qizig‘i, «Paxtakor» «Neftchi»dan, «Nefchi» «Dinamo»dan, «Dinamo» esa «Paxtakor»dan o‘zaro o‘yinlarda ustunlikka ega. Bu qaysidir jihatdan o‘zimizning «qaychi, qog‘oz, quduq» o‘yinidagi holatni yodga solib yuboradi. U holda nima bo‘ladi?
Shunday vaziyat yuzaga kelib qolsa, mana shu uch jamoaning o‘zaro o‘yinlari bo‘yicha umumiy jadval shakllantiriladi. «Neftchi» «Paxtakor» va «Dinamo»ga qarshi o‘yinlarda jami 6 ochko olgan. «Dinamo» esa «Paxtakor» va «Neftchi»ga qarshi 4 o‘yinda 4 ochkoga ega. «Paxtakor» esa 7 ochko to‘plashga muvaffaq bo‘lgan. O‘z o‘zidan uloqni «Paxtakor» olib ketadi.
O‘zbekistonning eng birinchi milliy chempionatida ham «Paxtakor» va «Neftchi»ning yakuniy ochkolari soni teng bo‘lib qolgandi. O‘shanda «Neftchi» o‘zaro o‘yinlarda toshkentliklarni ikki marta mag‘lubiyatga uchratgan, «Paxtakor»ning esa to‘plar nisbati yaxshiroq bo‘lgan. U paytlarda avvaldan kelishib qo‘yilmaganmi, reglament bunday holatlarni nazarda tutmaganmi, xullas, qo‘shchempionlik e’lon qilinib, har ikki jamoa futbolchilariga oltin medallar topshirilgandi.
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat5 days ago
Toshkentda xalqaro moda akademiyasi tashkil etiladi
-
Iqtisodiyot2 days ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot21 hours ago
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
-
Jamiyat2 days ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat2 days ago
O‘zbekiston do‘konlarida 73 turdagi mahsulot sifatsiz deb topildi