Jamiyat
Sifatli chiziq – xavfsiz hayot. O‘zbekiston yo‘llarida “yo‘qolib ketadigan” chiziqlar haqida
O‘zbekistonda yo‘llarda eng qisqa umr ko‘radigan narsa nima deb o‘ylaysiz? Asfalt emas. Yo‘l chiziqlari. To‘g‘ri, ular vaqt o‘tishi bilan eskiradi. Ammo ayrim holatlarda yo‘l chiziqlari 1-2 hafta ichida yo‘q bo‘lib ketishi ko‘p kuzatiladi. Ammo bu yerda gap odam hayoti xavfsizligiga borib taqaladi.
Yo‘l chiziqlari va belgilari — shahar infratuzilmasining bir qismi emas, balki inson hayotiga bevosita ta’sir qiluvchi xavfsizlik kafolati hisoblanadi. Ammo amalda ularga nisbatan bo‘lgan munosabat ko‘p hollarda shunchaki “rasmiy topshiriqni bajarish” darajasida qolmoqda.
Sifatli yo‘l chiziqlari:
· tunda va yomg‘irli ob-havoda ko‘rinarli bo‘lishi kerak;
· tez to‘kilib ketmaydigan, uzoq muddat saqlanadigan materiallardan tayyorlanishi shart;
· harorat o‘zgarishiga chidamli, harakat tezligiga mos tarkibda bo‘lishi talab etiladi.
Sifatli yo‘l belgilari esa:
· nur qaytaruvchanligi yuqori bo‘lishi,
· havo ta’sirida shakli va rangini yo‘qotmasligi
· va eng muhimi jahon standartlariga javob berishi lozim.
Biroq kuzatuvlar shundan dalolat beradiki, ayrim hududlarda belgilar bir necha oyda zanglab, chiziqlar esa bir necha haftada izsiz yo‘qolib ketmoqda. Bu — faqat moliyaviy zarar emas, balki odam hayotiga xavf tug‘diradigan javobgarlikdir.
Aslida boshqa mamlakatlarda yo‘l chiziqlari 6 oydan 2 yilgacha xizmat qiladi. Bizda esa ba’zi hollarda 1 oy ham chidamaydi. Nega? Javob oddiy: sifati past va arzon materiallar. Xo‘sh, o‘zi bu chiziqlarning sifati qanday bo‘lishi kerak?
Kun.uz bu savolga javob topish maqsadida Toshkent viloyatida joylashgan AVTOROAD BELGI MARKERING bo‘yoq ishlab chiqaruvchi korxonada bo‘ldi. “Avtobelgi Road Marking” MChJ qo‘shma korxonasi bosh muhandisi Alisher Uzoqov ishlab chiqarilayotgan mahsulotlar sifati haqida ma’lumot berdi.
“Yo‘l chiziqlari ekologik toza mahsulotlardan, ya’ni juda qat’iy yomon ta’sir ko‘rsatadigan mahsulotlardan ishlab chiqarilmaydi. Ular keyinchalik chirish, adgeziyaga uchrash va havoda parchalanib yo‘q bo‘lib ketishi xususiyatlariga ega bo‘lishi kerak. Va ularni ekologiyaga zarari yo‘q deb hisoblasa bo‘ladi.
Bu bo‘yoqlarni ishlab chiqish jarayoni 3 bosqich: mahsulotlarni tayyorlash, tayyor mahsulotlarni ma’lum hajmdagi idishga solib, kerakli temperaturada qadoqlashdan iborat. Mahsulotlarimiz intensivlik darajasiga qarab 6 oydan 1 yilgacha muddatda xizmat ko‘rsatib beradi. Bu bizning mahalliy va jahon standartlariga mos keladi.
Ishlab chiqarish jarayonida har bir partiya mahsulotni o‘zimizning akkreditatsiyadan o‘tgan laboratoriyada tegishli normalarda tekshirib o‘tamiz. Savdo bo‘yicha ISO sertifikat hamda sifat bo‘yicha AyTek sertifikati mavjud. Bu sertifikat dunyoning 3 ta mamlakatida akkreditatsiyadan o‘tgan laboratoriyalar tomonidan beriladi. Ya’ni Ispaniya, Germaniya va AQShda.
Biz bo‘yoqlarimizni mahalliylashtirishga harakat qilganmiz. Chunki yildan yilga tirbandliklar ko‘p, yo‘llarni to‘laqonli yopish imkoniyati juda kam. Shuning uchun maksimal darajada tezroq qurishini ta’minlash maqsadida komponentlarimizni shunga moslab, issiq paytlarda 10-15 daqiqa, sovuq vaqtlarda 20 daqiqada quriydi”.
Chizilgan yo‘l chiziqlari shunchaki belgi emas, inson hayoti uchun xavf tug‘diruvchi omil bo‘lishi hech gap emas. Uning sifati esa bu xavfning darajasini belgilaydi. Kun.uz muxbiri poytaxt ko‘chalarida chizilgan yo‘l chiziqlarining sifatini tekshirish maqsadida mutaxassislar bilan birgalikda reydda ishtirok etdi. “Avtobelgi Road Marking” MChJ qo‘shma korxonasi bosh laboranti G‘iyos Toshnazarov belgining nur qaytarish koeffitsiyenti haqida ma’lumot berdi:
“Hozir nur qaytarish koeffitsiyenti 420, nurning qaytish koeffitsiyenti (oqlik darajasi) 265 ni ko‘rsatib turibdi. Milliy standart bo‘yicha 562 bo‘lsa, nur qaytarish esa 300 bo‘lishi kerak. Bizda esa bu ko‘rsatkich 420 ni tashkil qilyapti. Demak, bu yo‘l chiziqlari standartlarga javob beradi”, – deydi u.
“Avtobelgi Road Marking” korxonasi faqatgina bo‘yoq mahsulotlari emas, yo‘l belgilari ham ishlab chiqaradi. Reyd davomida ushbu yo‘l belgilarining ham sifat darajasi tekshiruvdan o‘tkazildi.
Yo‘l chiziqlari va belgilarida foydalaniladigan xomashyo — mahsulotning xizmat muddati va samaradorligini belgilaydigan eng muhim omillardan biridir. Sifati past, arzon bo‘yoq va materiallar qo‘llanilgan taqdirda, belgilar tez to‘kilib ketadi, nur qaytarmaslik xususiyatini yo‘qotadi va natijada yo‘ldagi harakat xavfsizligi yo‘qoladi.
Shu sababli, bu sohada uzoq muddat saqlanadigan, iqlimga va yuklamalarga chidamli, jahon standartlariga mos xomashyolardan foydalanish na faqat sifat mezoni, balki jamoat xavfsizligi talabi sifatida qaralishi shart.
Har bir chiziq — bu haydovchiga yo‘lni ko‘rsatadigan yo‘riq, har bir belgi esa inson hayotini himoya qiluvchi ogohlantiruvchi vosita. Ular vaqtinchalik emas, uzoqni ko‘zlab, puxta xisob-kitob bilan tayyorlanishi kerak. Buning zamirida esa faqat bir talab bor — sifatdan tamoman chekinmaslik.
Ma’lumot uchun: AVTOROAD BELGI MARKERING Avstriyaning Suvorovskiy holdingi va O‘zavtoyo‘lbelgi davlat unitar korxonasi bilan hamkorlikda tashkil qilingan qo‘shma korxona sanaladi. Suvorovskiy holdingi dunyo miqyosida bu mahsulotlar bo‘yicha TOP-5 likka kiradi. Qo‘shma korxona ishlab chiqarayotgan mahsulotlar jahon standartlariga to‘laqonli javob beradi.
Jamiyat
Tadbirkorlarga Belarusdagi sheriklar bilan qo‘shma tashabbuslarni boshlash vazifasi yuklatildi
Prezident Shavkat Mirziyoyev Belarusga tashrif davomida hududlararo hamkorlikni kengaytirish bo‘yicha erishilgan kelishuvlar ijrosiga doir taqdimot bilan tanishdi. Unda har bir hududdan 30 nafardan yetakchi tadbirkorni Belarusga olib borib, mahalliy sheriklar bilan qo‘shma tashabbuslarni boshlash vazifasi qo‘yildi.
Foto: Prezident matbuot xizmati
Taqdimotda qayd etilganidek, davlat rahbarining 8-9 iyul kunlari ushbu mamlakatga rasmiy tashrifi chog‘ida o‘zaro savdo hajmini 2 milliard dollarga yetkazish, mashinasozlik, qishloq xo‘jaligi, farmatsevtika, to‘qimachilik, yog‘ochni qayta ishlash va tibbiyot sohalarida umumiy qiymati 2 milliard dollarlik 310 ta loyiha va chora-tadbirni ro‘yobga chiqarish bo‘yicha muhim kelishuvlarga erishildi. Prezident ularni qisqa muddatda amaliy natijaga aylantirish, yangi korxonalar va ish o‘rinlarini tashkil etish, tadbirkorlar uchun zarur shart-sharoitlarni yaratish muhimligini ta’kidladi.
Belarusda investitsiya loyihalarini joylashtirish uchun taklif etilayotgan sanoat obektlari, davlat mulki va keng qishloq xo‘jaligi yerlari mavjud. Mamlakat hududining 40 foizini yoki 8 million gektarini qishloq xo‘jaligi maydonlari tashkil etadi.
Bu imkoniyatlar qo‘shma ishlab chiqarishlarni yo‘lga qo‘yish, agrar kooperatsiyani rivojlantirish, tadbirkorlik aloqalarini kengaytirish hamda fuqarolarni tashkiliy asosda ish bilan ta’minlash uchun mustahkam zamin yaratadi.
Bunda Belarusda ishlash yoki biznes yuritish istagidagi fuqarolar va tadbirkorlar ro‘yxatini shakllantirib, Belarus bilan oldindan kelishib, ish joyi, yashash sharoiti, loyiha uchun zarur bino va yer masalalarini hal etgan holda ularning borishini tashkil qilish zarurligi ko‘rsatib o‘tildi.
Taqdimotda Andijon va Vitebsk viloyatlari o‘rtasidagi hamkorlik doirasida bajarilgan ishlar haqida axborot berildi.
Ikki hudud o‘rtasida “yo‘l xaritasi” tasdiqlanib, aniq tashabbuslarni ro‘yobga chiqarish boshlangan. Ta’kidlanishicha, Andijon viloyatida yashovchi 255 kishining tashkiliy asosda Vitebskka borishi va bandligi ta’minlandi.
Shuningdek, 11 ta chorvachilik majmuasi negizida yangi loyihalarni yo‘lga qo‘yish bo‘yicha kelishuvga erishildi. Ularning har biri 200 boshdan 3 ming boshgacha qoramol parvarishlash imkoniyatiga hamda yetarli ozuqa maydonlariga ega.
“Andijon invest” kompaniyasi ishtirokida yirik chorvachilik kompleksi va sanatoriy majmuasi negizida investitsiya hamda ijtimoiy tashabbuslarni boshlash choralari ko‘rilmoqda.
Umuman, Vitebsk va Belarusning boshqa viloyatlarida chorvachilik, yog‘ochni qayta ishlash, logistika, savdo va xizmat ko‘rsatish yo‘nalishlarida umumiy qiymati 100 million dollardan ziyod bo‘lgan 30 ta yangi loyiha paketi shakllantirildi.
Xususan, Vitebsk viloyatida 3 ming bosh qoramolga mo‘ljallangan yirik sutchilik majmuasi, bir qator o‘rta hajmdagi chorvachilik xo‘jaliklari, yog‘ochni chuqur qayta ishlash va uning chiqindilaridan pellet ishlab chiqarish korxonasini tashkil etish rejalashtirilgan.
Prezident Andijon va Vitebsk viloyatlari o‘rtasida shakllangan hamkorlik modelini boshqa hududlar kesimida ham rivojlantirish bo‘yicha ko‘rsatmalar berdi.
Buxoro, Qashqadaryo, Navoiy, Namangan, Toshkent, Farg‘ona va Samarqand viloyatlari Belarusning Vitebsk, Mogilyov, Grodno, Gomel va Brest viloyatlariga biriktiriladi.
Sanoat va agrar obektlar negizida yangi ishlab chiqarishlarni tashkil etish, tadbirkorlik loyihalarini joylashtirish hamda aholi bandligini ta’minlash bo‘yicha alohida “yo‘l xaritalari” tasdiqlanadi.
Har bir hududdan 30 nafardan yetakchi tadbirkorni Belarusga olib borib, mahalliy sheriklar bilan qo‘shma tashabbuslarni boshlash vazifasi qo‘yildi.
O‘zaro savdoni jadallashtirish va yuk tashish xarajatlarini kamaytirish maqsadida zamonaviy logistika infratuzilmasini barpo etish masalalari ham ko‘rib chiqildi.
Yil yakuniga qadar “Belarus temir yo‘llari” bilan hamkorlikda Vitebsk viloyatidagi Orsha stansiyasida eksport-import yuklari uchun maqbul tariflar asosida xizmat ko‘rsatadigan intermodal logistika markazini ishga tushirish belgilandi.
Shuningdek, Belarus kompaniyalari bilan hamkorlikda ikki mamlakat o‘rtasida blok-poyezdlar qatnovini yo‘lga qo‘yish vazifasi qo‘yildi.
Fuqarolarni tashkiliy tartibda ishga joylashtirish masalasiga alohida e’tibor qaratildi.
Birinchi bosqichda Vitebsk va boshqa hududlardagi 13 ta korxonaga 1 ming 100 nafar O‘zbekiston fuqarosini tanlov asosida ishga joylashtirish rejalashtirilgan.
Sentabr oyidan boshlab har oyda 500 nafardan, jami 5 ming nafar andijonlikni Vitebsk viloyatida doimiy ish bilan ta’minlash ko‘zda tutilgan. Buning uchun Vitebsk shahrida Migratsiya agentligi vakolatxonasi ochiladi.
Tadbirkorlarga Belarusda hisobvaraq ochish, ustav fondiga mablag‘ o‘tkazish va loyihalariga moliyaviy resurslar olishda ko‘maklashish vazifasi qo‘yildi.
Vitebskda zamonaviy sutchilik majmuasi, yog‘ochni qayta ishlash zavodi va logistika kompaniyasini tashkil etish uchun zarur mablag‘larni qulay shartlarda ajratish bo‘yicha ko‘rsatmalar berildi.
Davlat rahbari har bir kelishuv aniq loyiha, yangi korxona, qo‘shimcha savdo hajmi va munosib ish o‘rniga aylanishi shartligini ta’kidladi.
Mutasaddilarga erishilgan natijalarni tizimli nazorat qilish va “yo‘l xaritalari” ijrosini tanqidiy tahlil qilib borish topshirildi.
Hozir o‘zini o‘zi band qilgan fuqarolar ixtiyoriy ravishda soliq to‘lamoqda. Keyinchalik bu majburiy bo‘lishi mumkin.
O‘zini o‘zi band qilgan shaxslarga ijtimoiy soliq to‘lashni majburiy qilish rejalashtirilmoqda. Bu haqda Iqtisodiyot va moliya vaziri o‘rinbosari Otabek Fozilkarimov «O‘zbekiston 24» telekanaliga bergan intervyusida ma’lum qildi.
«Hozir 2,8 million nafar o‘zini o‘zi band qilgan fuqarodan 800 mingga yaqini ixtiyoriy ravishda soliq to‘laydi. Pensiya jamg‘armasiga bazaviy hisoblash miqdorida (412 ming so‘m) to‘lov qilsa, ularga bir yillik ish staji avtomatik hisoblanadi. Mana shuni rag‘batlantirish maqsadida majburiy tartibda belgilash tizimini joriy qilmoqchimiz», dedi u.
Unga ko‘ra, fuqarolarning to‘lagan pullaridan Ijtimoiy sug‘urta jamg‘armasiga ajratmalar joriy qilinadi. Yangi tizimda kelgusida bola parvarishi yoki kasallik sabab nafaqa ta’tiliga chiqqanlarga nafaqa olish imkoniyati yaratiladi.
«Davlat rahbari shu bo‘yicha alohida topshiriqlar berdi, takliflarimizni ma’qulladi», dedi vazirlik rasmiysi.
Ta’kidlanishicha, hozir Pensiya jamg‘armasidan moliyalashtiradigan pensionerlar soni 4,3 milliondan oshgan. Ularga 2026 yilda jami 86 trillion so‘m to‘lash belgilangan. Bu jon boshiga oyiga o‘rtacha 1,66 million so‘mdan to‘g‘ri keladi.
Poytaxtda avtobus bekatlari buzilib, o‘rniga yangi tipdagilari o‘rnatilmoqda. Yangi bekatlar qishning sovuq, yozning jazirama kunlarida yo‘lovchilarga nima bera oladi? Soyasi yetmaganidan quyoshdan pana izlab o‘zini har yonga urayotgan odamlar bu yangilik haqida qanday fikrda? Kun.uz odamlarga mikrofon tutdi.
Toshkent shahrida jamoat transporti infratuzilmasini yaxshilash maqsadida boshlangan avtobus bekatlarini modernizatsiya qilish ishlari davom etmoqda. Poytaxt hokimligiga ko‘ra, hozirga qadar 1000 dan ortiq bekat yangilangan.
Joriy yil mart oyi boshida Toshkent shahar hokimi barcha bekatlarni yagona standart asosida bosqichma-bosqich modernizatsiya qilish to‘g‘risidagi qarorni imzolagan edi. Hujjatga ko‘ra, poytaxtdagi jami 2717 ta bekatdan 1185 tasi yangilanishi, shuningdek, ulardagi noqonuniy savdo shoxobchalari olib tashlanishi belgilangan.
Loyiha Yo‘l harakatini tashkil etish markazi (YHTeM) tomonidan muvofiqlashtirilib, davlat-xususiy sheriklik mexanizmi asosida amalga oshirilmoqda. Rasmiylarning ta’kidlashicha, yangi bekatlar platformalari tekis va to‘siqsiz bo‘lib, imkoniyati cheklangan fuqarolar uchun ham moslashtiriladi. Shahar bo‘ylab kunlik yo‘lovchilar oqimi hozirda 1,4 million kishini tashkil etmoqda va yil yakuniga qadar bu ko‘rsatkichni 2 million kishiga yetkazish rejalashtirilgan. Bu esa bekatlarning sig‘imi va qulayligiga bo‘lgan talabni yanada oshirmoqda.
Rasmiy ma’lumotlar ortida qanday amaliy holat mavjudligini aniqlash maqsadida Kun.uz muxbiri bir nechta bekatda bo‘lib, yo‘lovchilar fikri bilan qiziqdi.
So‘rovnoma davomida respondentlarning aksariyati yangi bekatlarning “ochiq” va “yupqa” konstruksiyaga ega ekanidan shikoyat qildi. Shuningdek, bekatlarning quyosh, yomg‘ir va boshqa noqulay ob-havo sharoitlaridan yetarli darajada himoya qila olmasligi asosiy muammolardan biri sifatida qayd etildi. Aksariyat yo‘lovchilar bekatlar zamonaviy dizaynga ega bo‘lsa-da, amaliy foydalanish nuqtayi nazaridan yetarlicha qulay emasligini ta’kidladilar. Ayniqsa, yoz oylaridagi yuqori harorat sharoitida soyabon maydonining kichikligi yo‘lovchilarga noqulaylik tug‘dirayotgani ta’kidlandi.
«Quyoshli kun, issiq kunlari quyoshni qop ketayotganligini sababli, sal kengaytirish ham kerak. Naves bo‘lsa yaxshi, odamlarga qulay bo‘ladi-da», — deya izohladi yo‘lovchilardan biri.
Yana bir respondent bekat konstruksiyasining amaliy jihatlariga e’tibor qaratib, shunday dedi:
«Bekatni orqa tarafiga o‘tib, avtobusni kutishga majbur bo‘lyapmiz. Bu ostanovkalar bittasi ham yaramas bo‘ladi, yomg‘ir-qorda odamlar hammasini urib tashlaydi».
So‘rovnoma ishtirokchilari tomonidan ko‘tarilgan yana bir muhim masala — bekatlarning raqamli axborot tizimlari bilan to‘liq jihozlanmaganidir. Xususan, GPS asosidagi real vaqt rejimida avtobuslarning harakatini ko‘rsatuvchi elektron monitorlarning yetishmasligi yo‘lovchilarda noaniqlikni yuzaga keltirib, kutish vaqtining ortishiga sabab bo‘lmoqda. Bu esa jamoat transportidan foydalanish qulayligiga salbiy ta’sir ko‘rsatmoqda.
«Bu yerda GPS yo‘q, bu yerda o‘zbekchilik, mana shu yo‘lga qarab, tomosha qilib o‘tirishadi».
Bekatlarda o‘rindiqlar sonining kamligi ham yo‘lovchilar tomonidan dolzarb muammo sifatida tilga olindi. Ayniqsa, yoshi katta fuqarolar, homilador ayollar hamda yosh bolalar bilan harakatlanayotgan yo‘lovchilar uzoq vaqt tik turishga majbur bo‘layotgani qayd etildi. Bu esa bekatlarning inklyuzivlik va qulaylik talablariga to‘liq javob bermayotganini ko‘rsatadi.
«Skameykalar ham ko‘paytirish kerak, chunki bu yerda yoshi katta odamlar qiynaladi, ko‘p oyoqda qolib ketishadi».
Intervyular davomida ayrim bekatlarda sanitariya holati va tozalik masalalari ham ko‘tarildi. Respondentlarning ta’kidlashicha, chiqindi qutilarining o‘z vaqtida bo‘shatilmasligi hamda bekat hududining muntazam tozalanmasligi umumiy muhit sifatiga salbiy ta’sir ko‘rsatmoqda. Bu holat nafaqat estetik ko‘rinishni, balki yo‘lovchilarning jamoat transporti tizimi haqidagi umumiy taassurotini ham yomonlashtirmoqda.
«Birinchidan, hozir bu yerni ko‘rganda holi kayfiyat tushib ketadigan darajada. Musur idishlari yo‘lida qaralmagan, toza emas».
12:12
44 darajali issiqda ish beruvchilarga yangi talablar qo‘yildi
Source link
Samarqand shahridagi banklardan biriga niqobli shaxs qora sumka ko‘targan holda kirib borgan. U o‘zida portlovchi modda borligini aytib, bank xodimlarini qo‘rqitgan. So‘ngra oynalarni sindirib, pul talab qilgan.
Samarqandda bankni o‘marmoqchi bo‘lgan shaxs qo‘lga olindi. Bu haqda Qo‘riqlash departamenti xabar berdi.
Ma’lum qilinishicha, holat 13 iyul kuni Samarqand shahridagi banklardan birida sodir bo‘lgan. Bankka qishki kiyimda, yuzini niqob bilan yashirgan va qora sumka ko‘targan shaxs kirib kelgan. U o‘zida portlovchi modda borligini aytib, bank xodimlarini qo‘rqitgan. So‘ngra oynalarni sindirib, pul talab qilgan.
Kelib tushgan tashvish xabari asosida voqea joyiga qo‘riqlash xizmati xodimlari yetib borgan. Ular niqobli shaxs bilan xavfsiz masofadan turib, muloqot qilishgan. Muzokaralardan so‘ng bosqinchi o‘z xohishi bilan taslim bo‘lgan va qo‘lga olingan. Hodisa oqibatida fuqarolarga zarar yetmagani bildirildi.
Holat yuzasidan Jinoyat kodeksining 164-moddasi (bosqinchilik) 4-qismi bilan jinoyat ishi qo‘zg‘atilgan.
Germaniyaning O‘zbekistondagi elchisi diplomatik missiyasini yakunladi
O‘zbekistonda mehnat ruxsatnomasisiz ishlagan xorijliklar javobgarlikka tortiladi
Tadbirkorlarga Belarusdagi sheriklar bilan qo‘shma tashabbuslarni boshlash vazifasi yuklatildi
-
Sport4 days agoIspaniya Belgiyani yengib, yarimfinalga chiqdi
-
Sport4 days agoAngliya-Norvegiya bahsi boshlanish vaqti kechiktirilishi mumkin
-
Jamiyat4 days agoBektemir tumanida «zakladchik»lar qo‘lga olindi
-
Jamiyat4 days agoDori narxini sun’iy oshirgan yuzlab dorixonalar aniqlandi
-
Jamiyat5 days agoJanubiy Koreya va AQShga noqonuniy migratsiya tashkil etmoqchi bo‘lganlar ushlandi
-
Iqtisodiyot4 days ago
17 mlrd so‘mdan ortiq davlat xaridlaridagi qonunbuzilishlar aniqlandi
-
Dunyodan4 days ago
Frantsiyada ko’pchilik qo’rqqan narsa yuz berdi.
-
Sport3 days agoInfantino yana JCh ishtirokchilari sonini oshirish g‘oyasi haqida gapirdi