Jamiyat
«Shifokorlar bee’tibor bo‘lishdi» – kasalxonada vafot etgan 4 yoshli bolaning otasi
16 avgust kuni Toshkentdagi 4-sonli shahar yuqumli kasalliklar shifoxonasida 4 yoshli Zubayr Amonov vafot etdi. Dastlabki tibbiy ma’lumotnomada uning o‘limi sababi o‘pka-yurak yetishmovchiligi, A09 infeksiyasi bilan bog‘liqligi taxmin qilinayotgan diareya va gastroenterit ekanligi ko‘rsatilgan. Marhumning otasi Bahrom Amonov esa bolasiga shifokorlar to‘g‘ri tashxis qo‘ymagani, unga yetarli darajada e’tibor bilan muolajalar qilmaganini ta’kidlamoqda.
{Yii::t(}
O’tkazib yuborish 6s
O’tkazib yuborish
Farzand dog‘ida qolgan otaning so‘zlariga ko‘ra, shifoxonaga olib borilganidan so‘ng, bolada isitma chiqqan va kechqurun lablari ko‘karib, oyoqlari muzlab qolgan. Onasi shifokorlarga mazkur holat haqida aytganda “bu oddiy hol, o‘tib ketadi” deya ularga hech kim qaramagan. Bolaning ahvoli og‘irlashib, tanasi qaltiray boshlaganda reanimatsiyaga olingan va shu joyda go‘dakning joni uzilgan.
Marhumning otasi Bahrom Amonov voqealarni Kun.uz’ga so‘zlab berdi:
“2025 yil 12 avgust kuni ko‘chadan ikkita tarvuz oldim. Bittasini ota hovliga olib bordim, ikkinchisini esa kvartiraga olib chiqib, tushlik payti bolalarim bilan yedik. Oradan ikki-uch soat o‘tib, eng kichkina qizim (1,5 yosh)kusa boshladi. Darhol Shayxontohur tumanidagi 4-sonli yuqumli kasalliklar shifoxonasiga olib bordik. Uyda olishga mo‘ljallab muolajalar yozib berishdi. Yo‘lda qizimga qusishni to‘xtatadigan ukol qildirdik, ertasiga ahvoli sal yaxshilandi. Kechga borib esa yana mazzasi qochdi, ichi ketishni boshladi. Yana o‘sha yuqumli kasalliklar shifoxonasiga olib bordik. Analizlari yomon chiqqani uchun qizimni shifoxonada qoldirishdi.
O‘sha kuni kechqurun katta qizimda (5,5 yosh) bosh og‘rig‘i kuzatildi. Ertasi kuni isitmasi ko‘tarildi. Bir payt 4 yoshli o‘g‘lim qayt qila boshladi. Unda isitma yo‘q edi, faqat tinimsiz qusdi. Shundan keyin ularni ham kiyintirib, yuqumli kasalliklar shifoxonasiga olib bordim. Shifokorlar ikkisini ham palataga yotqizishdi. Bu 15 avgust kuni ertalab soat 8:00-8:30 lar atrofida bo‘lgan voqea.
16 avgust kuni tongda telefon orqali ayolimdan farzandlarim holatini so‘raganimda o‘g‘limning isitmasi balandligi, behol yotganini aytdi. Men “doktorga ko‘rsat” dedim, u esa “shifokorlar bu oddiy holat, xavotirga o‘rin yo‘q” deya tushuntirganini ta’kidladi. Hamshira esa o‘zining ishlari bilan ovvora bo‘lib, ayolimning gapiga e’tibor ham bermagan”, – deydi ota.
Kun davomida bolaning isitmasi ko‘tarilib, kechqurun 38,5 darajagacha yetgan. Bola tinmay qusgani sababli dorilar berilmagan, faqat analgin va dimedrol ukoli qilingan. Biroq ertalabgacha isitma pasaymagan. Tongda shifokor tekshiruvga kirganida bolaning qusishida qon aralashganligi kuzatilgan. Shifokor bu holatni kuchli qusish oqibatida mayda qon tomirlar yorilishi bilan izohlagan va qo‘shimcha muolaja yozib bergan. Shunga qaramay, kun davomida bolaning isitmasi tushmagan. Ona bola uyg‘onmaganini aytganida esa shifokor uning ahvoli normal ekanini bildirgan va faqat ko‘proq suyuqlik ichirishni tavsiya qilgan.
“Kechqurun ularni ko‘rishga bordim. Shom payti ayolim to‘rt yoshli o‘g‘limni qo‘lida ko‘tarib pastga tushdi. Bolamning tanasi qizib ketgan, yuzi shishgan edi. Nima bo‘ldi, deb so‘rasam, kapelnitsa ta’siridan ekanligini ma’lum qildi. Mayli, o‘tib ketar, deb uyga qaytdim.
Har soatda telefon orqali bolalarimdan xabar olib turdim. Kechki soat 00:58 larda ayolimdan “adasi, xavotir olmang, isitmasi tushdi”, degan xabar keldi. Xotirjam bo‘lib, uyquga ketdim. Soat tungi 02:40 da xotinim qo‘ng‘iroq qildi:“shifoxonaga kelib keta olasizmi?” dedi. “Tinchlikmi?” desam, “kelavering, kelganda gaplashamiz” deya javob berdi. Borib qarasamki, o‘g‘limning joni uzilgan ekan”, – deydi marhumning otasi.
Bahrom Amonov operatsiya xonasiga kirganda reanimatsiya bo‘limi xodimi bolaning o‘pkasidan 2 litr suv chiqqani aytadi. Ota bir kun oldin isitma va ich ketishi bilan shifoxonaga olib borilgan dilbandining o‘pkasida bir sutka ichida qanday qilib shuncha miqdorda suv to‘planib qolganidan taajjubda ekanligini bildirdi.
“Reanimatsiya xonasiga kirganimda bolamni yelkalaridan bog‘lab qo‘yishganini ko‘rdim. Shifokorlar kecha kechqurun (16 avgust) soat 8–10 oralig‘ida ko‘rikdan o‘tkazilganini, xavotirlanadigan narsa yo‘qligini, bu oddiy isitma holati ekanini aytishgan edi. Reanimatsiyadagi doktor esa “men farzandingizni birinchi marta ko‘rib turibman, unga qanday tashxis qo‘yilganidan bexabarman”, dedi. Keyin esa “o‘pkasidan 1,5–2 litrcha suv chiqdi”, deb ko‘rsatdi. Bolam 15 avgust kuni ertalab 8:30 da kasalxonaga yotqizilgan, 17 avgust kuni soat birlar atrofida jon taslim qildi. Bir yarim sutka ichida bunday holat qanday yuz berdi? Vazni atigi 14 kilo bo‘lgan bolaning o‘pkasida shuncha suv qayerdan paydo bo‘lishi mumkin?
Turmush o‘rtog‘imning aytishicha, 16 avgust kuni o‘g‘lim nafas olayotganda xirillash paydo bo‘lgan. U esa tomog‘ida balg‘am to‘silayotgandir, deb o‘ylagan. Ahvoli biroz yengillashsin deb bir-ikki qultum suv ham ichirgan. Keyin esa bolaning oyoqlari muzlab, lablari ko‘kara boshlagan. Hamshiralarga holat haqida aytganda ular e’tibor bermagan. Bir mahal bolamning og‘zi qiyshayib, qaltiragan. Shunda ayolim baqirib yordam so‘ragan. Keyin hamshiralar o‘g‘limni reanimatsiyaga olib kirib ketishgan va u yerdan bolam o‘lik holda chiqqan”, – deydi Bahrom Amonov.
Ota reanimatsiya bo‘limiga kirganda defibrillyator apparatini ko‘rmaganini, u yerda bemorni jonlantirish uchun hech qanday tibbiy asbob-uskunalar bo‘lmaganini aytadi. Shifokorlar esa Bahrom Amonovga bolani jonlantirish uchun 40 daqiqaga yaqin vaqt davomida harakat qilishganini bildirgan.
Bahrom Amonov Sog‘liqni saqlash vazirligiga murojaat qilib, holatga aniqlik kiritishlari, reanimatsiya bo‘limida shoshilinch holatlar uchun tibbiy asbob-uskunalar doim shay holatda turishini ta’minlashlari, shifokor va hamshiralardan bemor sog‘ligiga befarq bo‘lmay, ishiga diqqatliroq yondashishlari talab qilinishini so‘ramoqda.
Jamiyat
Turkiya va O‘zbekiston o‘rtasida turizm sohasidagi ikki tomonlama hamkorlik mustahkamlanmoqda
Shu kunlarda Turkiya va O‘zbekiston o‘rtasidagi uzoq yillik do‘stlik hamda strategik sheriklik doirasida Anqarada diniy va madaniy sohalardagi hamkorlikni yanada rivojlantirishga qaratilgan uchrashuvlar bo‘lib o‘tmoqda.
O‘zbekiston Respublikasi Prezidenti Administratsiyasi Diniy-ma’rifiy masalalar bo‘yicha departamentining boshlig‘i, O‘zbekiston xalqaro islomshunoslik akademiyasi rektori Muzaffar Kamilov boshchiligidagi delegatsiya Turkiyaga tashrif buyurdi. Tashrif doirasida delegatsiya vakillarining Turkiya Respublikasi Madaniyat va turizm vazirligi rasmiylari bilan uchrashuvi bo‘lib o‘tdi. Unda Turkiya Madaniyat va turizm vaziri Mehmet Nuri Ersoy va O‘zbekiston delegatsiyasi rahbari Muzaffar Komilov, O‘zbekiston musulmonlari idorasi raisi o‘rinbosari Zayniddin Eshonqulov ishtirok etdi.
Uchrashuv doirasida Turkiya va O‘zbekiston o‘rtasidagi o‘zaro ishonchga asoslangan do‘stona munosabatlar hamda strategik sheriklik ikki mamlakat rahbarlari Rejep Tayyip Erdog‘an va Shavkat Mirziyoyevning qat’iy siyosiy irodasi tufayli so‘nggi yillarda yangi bosqichga ko‘tarilgani alohida ta’kidlandi.
Muloqot davomida, ayniqsa, vaqf tizimi va uni rivojlantirish masalalari muhokama qilinib, O‘zbekistonda xayriya faoliyati hamda turizm infratuzilmasini mustahkamlashga qaratilgan ishlar haqida ma’lumot almashildi. Shuningdek, “Vaqf” xayriya jamoat fondi va Ijtimoiy himoya agentligining faoliyatiga to‘xtalib, ushbu tashkilotlarning jamiyatda hamjihatlikni mustahkamlash va ehtiyojmandlarni qo‘llab-quvvatlashdagi roli alohida ta’kidlandi.
Shuningdek, tomonlar ziyorat turizmini rivojlantirish, ushbu sohadagi islohotlar hamda kelgusidagi hamkorlik masalalarini har tomonlama muhokama qildilar. Ziyorat turizmi bilan vaqf mulklari o‘rtasidagi mustahkam bog‘liqlikka alohida e’tibor qaratilib, ushbu ikki yo‘nalishni birgalikda rivojlantirish muhimligi ta’kidlandi.
Shuningdek, ikki mamlakat o‘rtasida o‘zaro turizm salohiyatini targ‘ib qilishga qaratilgan bir qator hamkorlik takliflari ilgari surildi.
Mart oyida Toshkent shahrida uy-joy ijarasining o‘rtacha narxi har bir kvadrat metr uchun qariyb 8,9 dollarni tashkil etgan. Bu fevral oyiga nisbatan 2,7 foizga, o‘tgan yilning shu davriga nisbatan esa 10,8 foizga yuqori.
Iqtisodiy tadqiqotlar va islohotlar markazi bergan ma’lumotga ko‘ra, eng yuqori ijara narxlari asosan poytaxtning markaziy tumanlarida saqlanib qolmoqda. Jumladan, Mirobod, Shayxontohur, Yakkasaroy va Mirzo Ulug‘bek tumanlarida bir kvadrat metr ijara narxi o‘rtacha 11 dollar atrofida bo‘lgan.
Shu bilan birga, yillik hisobda ijara narxlarining eng katta o‘sishi Yashnobod tumanida kuzatilib, 18,9 foizni tashkil etgan. Mirzo Ulug‘bek tumanida bu ko‘rsatkich 14,3 foiz, Yakkasaroy tumanida esa 12,5 foiz bo‘lgan.
Dam olish kunlari kutilayotgan ob-havo ma’lumoti taqdim etildi.
Bugun kunduzi O‘zbekiston bo‘yicha quruq va iliq ob-havo bo‘lishi kutilmoqda. Havo harorati 24-27 daraja atrofida, respublika janubida va cho‘l hududlarida 29-32 darajagacha bo‘ladi.
Dam olish kunlari respublika hududi bo‘yicha asosan yog‘ingarchiliksiz ob-havo bo‘lishi kutilmoqda. Faqat 25-aprel — shanba kuni Qoraqalpog‘iston Respublikasi shimolida va Farg‘ona vodiysida ba’zi joylarda, shuningdek, 26-aprel — yakshanba kuni Toshkent viloyatida ayrim joylarda biroz qisqa muddatli yomg‘ir yog‘ishi, momaqaldiroq bo‘lishi mumkin. Shanba kuni kunduzi havo 28-31 darajagacha, shimolda, janubda va cho‘l hududlarda 32-35 darajagacha isiydi.
Yakshanba kuni ko‘pchilik viloyatlar bo‘yicha havo harorati ushbu darajalar atrofida bo‘ladi. Faqat Qoraqalpog‘iston va Xorazm viloyatida kunduzgi harorat 20-23 darajagacha, Buxoro va Navoiy viloyatlarida esa 25-28 darajagacha pasayadi.
24-25-aprel kunlari shimolda va cho‘l hududlarida, 26 aprelda respublika bo‘yicha ba’zi joylarda shamol tezligi 15-20 m/s gacha kuchayishi, ayrim joylarda chang-to‘zonlar bilan kuzatilishi mumkin.
Toshkentda bugun kunduzi yog‘ingarchilik kutilmaydi. Havo harorati 25-27 daraja bo‘ladi.
Shanba kuni yog‘ingarchilik kutilmaydi. Yakshanba kuni kunning ikkinchi yarmida qisqa muddatli yomg‘ir yog‘ishi, momaqaldiroq bo‘lishi mumkin, shamol tezligi 10-12 m/s gacha kuchayadi. Dam olish kunlari havo harorati 27-30 daraja atrofida bo‘ladi. Harorat asosan kechalari 14-17 daraja bo‘ladi.
O‘zbekistonda turizm sohasida yashirin iqtisodiyotni qisqartirish va xizmatlar bozorida shaffoflikni ta’minlashga qaratilgan yangi tartib ishlab chiqilmoqda. Hujjat hozircha loyiha bosqichida bo‘lib, u amalga oshirilsa, ayniqsa dala hovlilar orqali ijara bozorida jiddiy o‘zgarishlar bo‘lishi kutilmoqda.
Yangi tartibga ko‘ra, aholi tomonidan turistlarga vaqtincha ijaraga berilayotgan dala hovlilar rasman joylashtirish vositasi sifatida tan olinadi. Bu esa ularni yagona elektron bazaga kiritish va faoliyatini tizimli hisobga olish imkonini beradi.
Eng muhim o‘zgarishlardan biri — barcha joylashtirish vositalari, jumladan dala hovlilar ham o‘z xizmatlari narxini maxsus milliy turizm platformasiga kiritib borishi majburiy qilib belgilanmoqda. Bu talab 2027-yil 1-yanvardan joriy etilishi rejalashtirilgan.
Mazkur yondashuv orqali bozordagi yashirin narxlar siyosatiga barham berish, turistlar uchun ochiq va tushunarli narxlar muhitini shakllantirish ko‘zda tutilmoqda. Shu bilan birga, bu raqobatni sog‘lomlashtirib, barcha ishtirokchilar uchun teng sharoit yaratishi kutilmoqda.
Loyihaga muvofiq, turistik dala hovlilarda faoliyat yuritish uchun alohida litsenziya talab etilmaydi. Shuningdek, bunday hovlilarda joylashgan mijozlardan turistik yig‘im undirilmaydi. Bu esa sohani ortiqcha byurokratik to‘siqlarsiz tartibga solishga qaratilgan.
Davlat organlari esa sohani raqamlashtirishga alohida e’tibor qaratadi. Turizm qo‘mitasi dala hovlilarning elektron reyestrini shakllantirishi, Soliq qo‘mitasi esa ularni to‘liq xatlovdan o‘tkazib, ma’lumotlarni yagona tizimga kiritishni ta’minlashi rejalashtirilgan.
Shuningdek, yangi tizim doirasida jamoatchilik nazoratini kuchaytirish ham ko‘zda tutilgan. Agar fuqarolar ro‘yxatdan o‘tmagan yoki noqonuniy faoliyat yuritayotgan ijara ob’yektlari haqida xabar bersa va bu holat tasdiqlansa, ularga undirilgan jarimaning bir qismi mukofot sifatida berilishi mumkin.
Toshkent shahrida jamoat transporti harakatini yaxshilash va uning o‘z vaqtida qatnovini ta’minlash maqsadida qator yangi chora-tadbirlar rejalashtirilmoqda. Bu haqda Xalq deputatlari Toshkent shahri kengashining qurilish, kommunal, suv xo‘jaligi, ekologiya, sanoat va transport masalalari bo‘yicha doimiy komissiyasining 23 apreldagi qarori qabul qilingan.
Ayni paytda poytaxtda 169 ta yo‘nalishda jami 1 927 ta avtobus harakatlanmoqda. Kunlik qatnovlar soni 23 mingtani tashkil etsa, yo‘lovchilar soni 1,4 million nafarga yetadi. Harakat intervali o‘rtacha 10–12 daqiqa, qatnovlarni bajarish darajasi esa 95 foizni tashkil qilmoqda.
Shu bilan birga, tizimdagi muammolarni bartaraf etish va xizmat sifatini oshirish maqsadida transport parkini kengaytirish rejalashtirilgan. Xususan, qo‘shimcha 240 ta avtobus xarid qilinishi, 16 ta yangi yo‘nalish ochilishi va kunlik qatnovlar soni yana 2 mingtaga oshirilishi ko‘zda tutilmoqda.
Yo‘llarda jamoat transportiga ustuvorlik berish maqsadida alohida avtobus yo‘laklari kengaytiriladi. Rejaga ko‘ra, 16,2 km BRT yo‘laklari hamda 56 km yangi ajratilgan avtobus yo‘laklari tashkil etiladi. Bu yo‘laklarda tartibni ta’minlash uchun 600 dan ortiq kuzatuv kameralari o‘rnatiladi.
Shuningdek, bekat infratuzilmasini yangilash ishlari ham amalga oshiriladi. 1 116 ta bekat rekonstruksiya qilinib, qo‘shimcha ravishda 70 ta yangi bekat qurilishi rejalashtirilgan.
Transport harakatini samarali boshqarish maqsadida raqamli texnologiyalar joriy etiladi. Jumladan, 545 ta «aqlli» svetofor o‘rnatilib, harakatni real vaqt rejimida boshqarish tizimi yo‘lga qo‘yiladi.
Mutaxassislar tomonidan shahardagi xavfli uchastkalar o‘rganilib, yo‘l harakatini tashkil etish sxemalarini takomillashtirish bo‘yicha takliflar ishlab chiqiladi. Shuningdek, yangi turar-joy massivlari hisobga olingan holda bekatlarni qayta joylashtirish va modernizatsiya qilish ishlari ham olib boriladi.
Yo‘llarda tirbandliklarni kamaytirish uchun transport oqimlari doimiy monitoring qilinadi va tezkor choralar ko‘riladi. Shu bilan birga, aholi o‘rtasida jamoat transportidan foydalanish afzalliklarini targ‘ib qilish ishlari ham kuchaytiriladi.
Shukronalik omad eshiklarini ochadi
Tramp tadbirdan evakuatsiya qilindi.
«Barsa»ga bir qadam qoldi, «Siti» yana bir finalda. Kun o‘yinlari
-
Siyosat5 days agoSaida Mirziyoyeva xalqaro forumda Prezident murojaatini o‘qib eshittirdi
-
Siyosat4 days agoPrezident Mirziyoyev mintaqaviy sammitda yashil savdo yoʻlaklari va yagona iqlim investitsiya strategiyasini taklif qildi
-
Siyosat5 days agoHukumat mehnat muhojirlariga til oʻrgatish va malaka olish xarajatlari uchun kompensatsiya toʻlashi kerak
-
Siyosat4 days agoPrezident Shavkat Mirziyoyev JSST bosh direktorini qabul qildi
-
Jamiyat4 days ago
Giyohvand moddalar aylanmasini nazorat qilishning milliy tizimi takomillashtiriladi
-
Iqtisodiyot3 days ago
Markaziy bank: 24-aprelda dollar pasayadi
-
Siyosat5 days agoPrezident Mirziyoyev Ostonaga Orol dengiziga yordam berish jamg‘armasi yig‘ilishiga keldi
-
Jamiyat4 days agoShavkat Mirziyoyev Ostonaga yetib bordi