Iqtisodiyot
Rossiya va Xitoy «Sila Sibiri
Rossiya Xitoyga «Sila Sibiri – 2» quvuri va Mo‘g‘uliston orqali o‘tadigan «Soyuz-Vostok» tranzit gaz quvuri bo‘yicha yuridik jihatdan majburiy memorandum imzoladi.
Foto: Sergei Bobylev/Sputnik/dpa/picture alliance
Rossiya Xitoyga «Sila Sibiri – 2» gaz quvuri va Mo‘g‘uliston orqali «Soyuz-Vostok» tranzit gaz quvurini qurish bo‘yicha qonuniy kuchga ega bo‘lgan memorandumni imzoladi. Bu haqda Pekinda uch davlat rahbarlarining muzokaralaridan so‘ng «Gazprom» rahbari Aleksey Miller ma’lum qildi.
«Loyiha Rossiyadan Mo‘g‘uliston orqali yiliga 50 milliard kub metr gaz yetkazib berishga imkon beradi», — deya Millerning so‘zlaridan iqtibos keltirgan «Interfaks». Tranzit kelishuvi 30 yil muddatga amal qilishi kutilmoqda.
Imzolash Rossiya, Xitoy va Mo‘g‘uliston rahbarlari – Vladimir Putin, Si Jinping va Uxnaagiyna Xurelsuxaning uch tomonlama sammiti fonida bo‘lib o‘tdi. Bu formatdagi muzokaralar yettinchi marta o‘tkazildi.