Oq uy rahbari so‘zlariga ko‘ra, bu ularning «hayoti va xavfsizligi» uchun muhim.

AQSh prezidenti Donald Tramp futbol bo‘yicha Eron milliy jamoasining jahon chempionatidagi ishtiroki o‘rinli emasligini aytdi.

«Eron milliy jamoasi jahon chempionatida mamnuniyat bilan kutib olinadi, lekin men haqiqatan ham ularning hayoti va xavfsizligi uchun u yerda bo‘lishini o‘rinli deb hisoblamayman», deb yozdi Tramp ijtimoiy tarmoqda.

Avvalroq, Eron sport vaziri Ahmad Dunyomoli xavfsizlik masalalari va AQSh bilan urush sababli milliy jamoaning jahon chempionatidagi ishtiroki imkonsiz ekanini aytgan edi.

«Bu korrupsiyalashgan hukumat rahbarimizni o‘ldirganidan so‘ng, jahon chempionatida ishtirok etishimizga imkon beradigan hech qanday sharoit qolmadi. Eronga qarshi olib borilgan dushmanlik harakatlari fonida bizga qarshi ikki marta urush olib borildi va bir necha ming fuqaromiz o‘ldirildi. Bunday sharoitda bizda ishtirok etish imkoniyati yo‘q», dedi u.

Hozircha bu haqda rasmiy qaror qabul qilinmagan. Eron futbol federatsiyasi va FIFA bu xabar yuzasidan izoh bermadi.

Jahon chempionati 11 iyundan 19 iyulga qadar AQSh, Kanada va Meksikada bo‘lib o‘tadi. Eron milliy jamoasi Osiyo saralashi uchinchi bosqichida O‘zbekiston bilan bir guruhda qatnashgan va birinchi o‘rin bilan mundial yo‘llanmasini qo‘lga kiritgandi. Qur’a natijalariga ko‘ra Eronga G guruhida Belgiya, Misr va Yangi Zelandiya jamoalar raqib bo‘lgandi. Eronliklarning guruh bosqichidagi barcha o‘yinlari AQShda, ikki o‘yin Los-Anjyelesda, yana bittasi – Sietlda bo‘lib o‘tishi belgilangan.

Source link

Bugun Turkiyaning Antalya shahrida sport gimnastikasi bo‘yicha Jahon kubogining navbatdagi bosqichi start oladi. 15-martga qadar davom etadigan musobaqada O‘zbekiston terma jamoasi a’zolari ham qatnashishadi.

Mamlakat gimnastika federatsiyasining ma’lum qilishicha, ushbu bosqichda to‘rt nafar atletimiz yurtimiz sharafini himoya qiladi: Abdulaziz Mirvaliyev, Humoyun Ismoilov, Rasuljon Abdurahimov hamda sportimiz afsonasi — Oksana Chusovitina.

Source link

«Siti» Madridda 3 ta, «Chelsi» Parijda 5 ta gol o‘tkazdi. Kun o‘yinlari

Hujumchi yo‘qligida hujumchiga aylangan Valverde «Siti» himoyachilarini manekenga aylantirdi. «Chelsi» bosh murabbiyi esa «Tottenhem»dagi hamkasbining xatosini takrorladi, «Arsenal» Germaniyadan durang bilan qaytdi, «Budyo-Glimt» ertagi davom etadi.



Source link

Yevropa chempionlar ligasida 1/8 final bosqichining yana to‘rt uchrashuvi o‘tkazildi. Chorshanba oqshomida bo‘lib o‘tgan uchta bahsda mezbonlarning qo‘li baland keldi, Leverkuzendagi o‘yinda tomonlar murosa ko‘chasini tanladi.

«Real» o‘z maydonida «Manchester Siti»ni mag‘lubiyatga uchratdi. Madridliklarning barcha gollarini Federiko Valverde kiritdi. Bu uning faoliyatidagi ilk het-trikli o‘yini bo‘ldi. «Siti» himoyachisi Abduqodir Husanov asosiy tarkibda maydonga tushib, to‘liq o‘yin o‘tkazdi.

Turnir favoriti deya sifatlanayotgan «Arsenal» safarda «Bayer» bilan durangga erishdi. Gollarga boy bahsda «PSJ» «Chelsi»ga imkoniyat qoldirmadi, «Budyo-Glimt» esa «Sporting» ustidan ishonchli g‘alabani nishonladi.

Javob uchrashuvlari bir haftadan so‘ng o‘tkaziladi.

1/8 final: Dastlabki o‘yinlar natijalari (11-mart)

Bayer — Arsenal — 1:1
Gollar: Andrix 46 — Xavers 89 (pen.)

Budyo-Glimt — Sporting — 3:0
Gollar: Fet 32 (pen.), Blomberg 45+1, Xyog 71

Real Madrid — Man Siti — 3:0
Gollar: Valverde 20, 27, 42

PSJ — Chelsi — 5:2
Gollar: Barkolya 10, Dembele 40, Vitinya 74, Xvicha 86, 90+4 — Gusto 28, Fernandes 57

Source link

Yevropa chempionlar ligasida 1/8 final bosqichining dastlabki to‘rt o‘yini bo‘lib o‘tdi. Seshanba oqshomida bo‘lib o‘tgan bahslarda «Bavariya» va «Atletiko Madrid» yirik hisobda g‘alaba qozondi.

1/8 final: Dastlabki o‘yinlar natijalari (10-mart)

Galatasaroy — Liverpul — 1:0
Gol: Lemina (7)

Atalanta — Bavariya — 1:6
Gollar: Pashalich (90+3) — Stanishich (12), Olise (22), Gnabri (25), Jekson (52), Olise (64), Musiala (67)

Atletiko Madrid — Tottenhem — 5:2
Gollar: Lorente (6), Grizmann (14), Alvares (15), Le Normand (22), Alvares (55) — Porro (26), Solanke (76)

Nyukasl Yunayted — Barselona — 1:1
Gol: Barns (86) — Yamal (pen, 90+6)

11-martdan 12-martga o‘tar kechasi bo‘lib o‘tadigan o‘yinlar (Toshkent vaqti bilan):

22:45 — «Bayer Leverkuzen» — «Arsenal»
01:00 — «Real Madrid» — «Manchester Siti»
01:00 — «PSJ» — «Chelsi»
01:00 — «Budyo-Glimt» — «Sporting»

Source link