Jamiyat
quyoshdan himoyalovchi ko‘zoynak qanday tanlanadi?
Ko‘pchilik ko‘zoynaklarni faqat go‘zallik ulashuvchi aksessuar deb biladi: narxi arzon va dizayni qulay bo‘lsa, darrov sotib oladi. Aslida mazkur mahsulot quyoshli kunlarda ko‘z uchun eng zarur himoya vositasi hisoblanadi, ammo uning noto‘g‘ri tanlangani foyda o‘rniga zarar yetkazishi mumkin. Ushbu maqolada quyosh nurlarini qaytara oladigan, sifatli ko‘zoynaklar qanday bo‘lishi va ularni to‘g‘ri tanlashda nimalarga e’tibor berish zarurligi haqida to‘xtalamiz.
Yoz fasli quyosh nurlari eng faol bo‘ladigan davr. Bu paytda oftobdan kelayotgan UV (ultrabinafsha) nurlari teri bilan bir qatorda ko‘zni ham shikastlaydi. Xususan, quyosh nurlari ta’sirida ko‘zda
katarakta;
to‘r pardaning zararlanishi;
qurish;
fotofobiya (yorug‘likka sezuvchanlik) kabi muammolar kuzatilishi aniqlangan. Shu sababdan quyosh nurlaridan ko‘zlarni himoya qilish salomatlikni asrash nuqtayi nazaridan muhim chora hisoblanadi.
Soat 10:00 dan 16:00 gacha bo‘lgan vaqt oralig‘ida ultrabinafshaviy nurlanish eng yuqori darajaga chiqadi. Bu vaqtda ochiq havoda yurish ko‘z to‘qimalariga ortiqcha yuklama beradi. Natijada ko‘zning ichki qatlamlari, ayniqsa, to‘r parda (setchatka) va gavhar qavat (linsa) yallig‘lanadi. Mazkur holatning uzoq muddatli ta’siri esa ko‘zning erta qarishi va ko‘rish qobiliyatining zaiflashuviga olib kelishi mumkin.
Jazirama kunlarda ko‘zni quyoshning zararli ta’sirlaridan himoya qilish uchun ko‘zoynak taqish tavsiya etiladi. Uning faqat chiroyli aksessuar emas, haqiqiy himoya vositasi sifatida xizmat qilishi uchun esa tanlovda quyidagi jihatlarga e’tibor qaratish zarur:
UV400 belgisi
Qora linzali ko‘zoynakni taqqaningizda ko‘z qorachig‘i avtomatik ravishda kengayadi, chunki ko‘z atrofdagi yorug‘lik miqdorini kamaygan deb qabul qiladi. Agar ko‘zoynakda UV filtri bo‘lmasa, kengaygan qorachiq orqali zararli ultrabinafsha nurlari ko‘zoynak taqilmagan holatdagidan ko‘proq miqdorda ichkariga kiradi.
UV400 – maxsus belgi bo‘lib, bunday nishoni bor ko‘zoynak linzasi 400 nanometrgacha bo‘lgan, ya’ni inson ko‘ziga zarar yetkazish ehtimoli yuqori hisoblangan ultrabinafsha nurlarini to‘liq ushlab qoladi va ko‘zga o‘tishiga yo‘l qo‘ymaydi. Oddiy qilib aytganda, bunday ko‘zoynak quyoshning ko‘zga tushadigan zararli zarralarini 99–100% miqdorda to‘sadi, ko‘z qorachig‘i kengaygan holatda ham xavfsizlikni ta’minlaydi, ko‘zdagi charchoq, xiralik, achishishni kamaytiradi.
UV400 himoyasiga ega ko‘zoynakni tanlashda eng avvalo yorlig‘iga e’tibor bering: unda “UV” yoki “100% UV protection” yozuvi bo‘lishi kerak. Agar bu belgilar yo‘q yoki faqat “sun protection” deb yozilgan bo‘lsa, bunday mahsulot ko‘z uchun yetarli himoya bermasligi mumkin.
Do‘kon yoki optika salonida ko‘zoynakni tekshirish uchun maxsus qurilmalar mavjud bo‘ladi, mahsulotni xarid qilishdan oldin sotuvchidan linzaning UV filtri haqidagi hujjat yoki sertifikatni so‘rang. Yoki ko‘zoynakni o‘sha joyning o‘zida UV-nur o‘lchovchi moslama orqali tekshirtirib ko‘ring. Ishonchli va sifatli brendlar odatda bunday ma’lumotni ochiq taqdim etadi.
Professional optika salonlari yoki dorixonalarda sotiladigan ko‘zoynaklar UV himoyasi bor-yo‘qligi bo‘yicha sinovdan o‘tkazilgan bo‘ladi. Tasodifiy joylarda yoki bozor rastalaridagi arzon mahsulotlar esa bu jihatdan kafolat bermaydi.
Linza rangi
Ko‘zoynak tanlayotganda linzaning rangi nafaqat estetik ko‘rinish, balki ko‘z salomatligi va ko‘rish qulayligi uchun ham muhim ahamiyatga ega. Rangli linzalar yorug‘likni turlicha singdiradi, atrofdagi ranglarni farqli aks ettiradi. Ular ko‘zga bo‘lgan yuklamani kamaytirishi yoki aksincha, kuchaytirishi mumkin.
Masalan:
Kulrang linzalar yorug‘likni bir xil darajada kamaytiradi va ranglarni tabiiy holicha saqlab qoladi va kundalik foydalanish uchun eng maqbul variant hisoblanadi.
Jigarrang linzalar yorug‘lik va soyalar orasidagi kontrastni oshiradi, harakat jarayonida, ya’ni avtomobil haydash yoki sport bilan shug‘ullanishda foydali bo‘ladi. Yo‘lni aniq ko‘rish, signal va belgilarning tez farqlanishi uchun jigarrang linzalar qulay tanlov sanaladi.
Sariq yoki yashil linzalar past yorug‘likda, masalan, tumanli ob-havo yoki quyosh botgan vaqtlarda ko‘rishni yaxshilaydi. Ular yorug‘likka sezuvchanlikni oshiradi va ko‘rish qobiliyatini tiniqlashtiradi.
Moviy, yashil va qizil linzalar esa chiroyli ko‘rinsa-da, ko‘zga ortiqcha zo‘riqish berishi mumkin, ularni uzoq vaqt davomida taqish tavsiya etilmaydi.
Shakli va o‘lchami
Quyosh nurlaridan to‘liq himoyalash uchun ko‘zoynak faqat ko‘zni emas, uning atrofidagi terini ham qamrab olishi lozim. Kengroq va yuzga yaqin joylashadigan ko‘zoynaklar yon tomonidan kirib keladigan ultrabinafsha nurlarini ham to‘sadi.
Aviator, sport uslubidagi yoki oversize shakldagi ko‘zoynaklar foydali hisoblanadi. Ular ko‘z, qovoq, yon yuz terilari va hatto qosh usti qismini ham himoyalaydi.
Yuz tuzilmasiga to‘g‘ri keladigan, qulay joylashadigan va harakatda siljib ketmaydigan shaklni tanlash muhim. Juda tor yoki kichik ko‘zoynaklar esa himoya funksiyasini to‘liq bajara olmaydi va quyosh nurlarining yon yoki pastdan kirib kelishiga imkon beradi.
Sertifikat va brend
Ko‘zoynak xarid qilayotganda sertifikatlar, brend va mahsulotning qayerda ishlab chiqarilganiga e’tibor berish kerak. Agar mahsulot xorijdan olib kelingan bo‘lsa, unda odatda quyidagi belgilar mavjud bo‘ladi:
• CE – Yevropa Ittifoqi talablariga javob berishini bildiradi;
• UV400 – ko‘zoynak 400 nanometrgacha bo‘lgan zararli nurlarni to‘liq to‘sishini anglatadi;
• ANSI yoki FDA – mahsulot xavfsizlik va sifat talablariga javob berishini ko‘rsatadi.
O‘zbekiston bozorida esa ushbu belgilarga ega bo‘lgan sifatli brendlar optika do‘konlarida yoki rasmiy distribyutorlarda sotiladi. Afsuski, bozorda yoki yo‘l bo‘yidagi ko‘zoynaklarning aksariyatida bunday sertifikatlar bo‘lmaydi. Qolaversa, ular tashqi tomondan chiroyli ko‘rinsa-da, amalda hech qanday himoya xususiyatiga ega emas, hatto zararli bo‘lishi ham mumkin.
Polaroid linzalar (qaytgan nurga qarshi himoya)
Oddiy quyosh nurlaridan tashqari suv yuzasi, asfalt yo‘l, avtomobil oynasi, qorli maydonlar kabi silliq sathlardan qaytgan kuchli yorug‘lik nurlari ham ko‘zimizga salbiy ta’sir ko‘rsatadi. Bunday nurlar ko‘zni charchatadi, tasvirni xiralashtiradi va uzoq vaqt davomida noqulaylik tug‘diradi. Polaroid (polarizatsiyalangan) linzalar esa aynan shu muammolarni bartaraf etishga yordam beradi.
Ushbu linzalar maxsus qavatga ega bo‘lib, gorizontal yo‘nalishda qaytgan yorug‘lik to‘lqinlarini “filtrlaydi”, ko‘zga zararsiz, foydali nurlarni o‘tkazadi. Natijada ko‘rish ancha tiniq, kontrastli va qulay bo‘ladi. Ayniqsa, avtomobil boshqarayotgan haydovchilar uchun bu juda foydali.
Polaroid linza doim bir xil darajada sifatli bo‘lavermaydi. Ko‘zoynak tanlayotganda uning yorlig‘ida yoki hujjatlarida “polarized” deb aniq yozilgan bo‘lishi, shuningdek, uni rasmiy do‘kondan olish muhim. Ba’zida arzon va sifatsiz mahsulotlarda ham bu so‘z marketing vositasi sifatida ishlatiladi, linzalar esa haqiqiy polarizatsiyaga ega bo‘lmaydi.
Sifatli ko‘zoynak tanlashda ishonchli optika do‘konlariga murojaat qiling, sotuvchidan mahsulotga oid hujjat yoki sertifikatni so‘rang. Imkon qadar xalqaro yoki O‘zbekistonda ro‘yxatdan o‘tgan brendlarni tanlang. Esda tuting: ko‘zoynak – bu oddiy aksessuar emas, ko‘z salomatligini asraydigan muhim vosita. Sifatsiz mahsulot tufayli ko‘rish qobiliyatingizga putur yetkazishingiz mumkin.
Diyoraxon Nabijonova tayyorladi.
Reklama qo‘ng‘iroqlari va xabarnomalariga oid huquqlar himoyasi kuchaytiriladi.
«Aholiga ko‘rsatilayotgan davlat xizmatlarini takomillashtirish hamda fuqarolar uchun qo‘shimcha qulayliklar yaratish chora-tadbirlari to‘g‘risida»gi Prezident qarori (PQ-265-son, 15.07.2026-y.) qabul qilindi.
Qarorga ko‘ra, voyaga yetmagan shaxslar o‘z huquqlarini mustaqil ravishda amalga oshirish yuzasidan sudlarga murojaat qilishda davlat bojidan ozod qilinishi belgilandi.
2026-yil 1-oktyabrdan jismoniy shaxsning familiyasi, ismi va otasining ismi, tug‘ilgan sanasi kabi birlamchi ma’lumotlari o‘zgarganda o‘zida ushbu ma’lumotlarni aks ettiruvchi davlat organlariga tegishli axborot tizimlaridagi ma’lumotlarga avtomatik tarzda idoralararo elektron hamkorlik yo‘li bilan o‘zgartirishlar kiritish amaliyoti yo‘lga qo‘yiladi.
2026-yil 1-noyabrdan boshlab:
– mobil aloqa vositalari orqali SMS-xabarnomalar yo‘li bilan tovar (ish, xizmat)larni taklif (reklama) qiluvchi har qanday yuridik va jismoniy shaxslar faqat shaxsning yozma yoki elektron roziligini olgandan so‘ng ushbu harakatlarni (reklamani) amalga oshiradi;
– mobil aloqa vositalariga reklama qo‘ng‘iroqlari va SMS-xabarnomalarni jo‘natish xizmatini ko‘rsatuvchi yuridik shaxslar o‘zlarining axborot tizimlarini Shaxsga doir ma’lumotlar bazalarining davlat reyestrida ro‘yxatdan o‘tkazgandan keyin tegishli xizmatlarni ko‘rsatishiga yo‘l qo‘yiladi;
– reklama qo‘ng‘iroqlari va xabarnomalarini telekommunikatsiya tarmoqlari (mobil aloqa) orqali soat 18.00 dan 09.00 gacha tarqatish taqiqlanadi;
– mobil aloqa operatorlariga o‘zlari tomonidan tarqatiladigan reklama qo‘ng‘iroqlari va xabarnomalarini abonent so‘roviga ko‘ra to‘liq yoki qisman bloklash majburiyati yuklatiladi;
– mazkur belgilangan talablarga rioya etmaslik reklama hamda shaxsga doir ma’lumotlar to‘g‘risidagi qonunchilikni buzish hisoblanadi va tegishli choralar ko‘rish uchun asos bo‘ladi.
Kino, teatr, muzey va konsertlarga muntazam tashrif buyurish fiziologik qarishning sekinlashishi bilan bog‘liq bo‘lishi mumkin.
Bu ikki mingga yaqin keksa odamlarning ma’lumotlarini tahlil qilgan yapon olimlari tomonidan chiqarilgan xulosadir. Tadqiqot natijalari Epidemiologiya va Jamiyat Salomatligi jurnalida (JECH) chop etildi.
Tadqiqotchilar qarish bo‘yicha uzoq muddatli tadqiqotda ishtirok etgan 50 yoshdan oshgan 1899 nafar ingliz fuqarosining ma’lumotlarini o‘rganib chiqdilar.
Ishtirokchilar kinoteatrlar, muzeylar, san’at galereyalari, teatrlar, konsertlar va operalarga qanchalik tez-tez tashrif buyurganliklarini xabar qilishdi. Keyin bu ma’lumot ularning fiziologik yoshi bilan taqqoslandi – bu qon bosimi, o‘pka funksiyasi, gemoglobin va xolesterin darajasi, tana massasi indeksi, ushlash kuchi va yurish tezligi kabi o‘nta parametr asosida tananing haqiqiy sog‘lig‘ini aks ettiruvchi ko‘rsatkich.
Ma’lum bo‘lishicha, madaniy tadbirlarga kamida bir necha oyda bir marta tashrif buyurgan odamlarning o‘rtacha fiziologik yoshi 66,9 yoshni tashkil etgan. Deyarli faqat madaniy hayotda ishtirok etganlar orasida bu ko‘rsatkich 69,9 yoshga yetdi – bu taxminan uch yillik farq.
Daromad, bandlik, surunkali kasalliklar va boshqa omillarni hisobga olgan holda ham, madaniy faoliyat shkalasidagi har bir qo‘shimcha birlik fiziologik yoshni taxminan 31 kunga qisqartirish bilan bog‘liq edi.
Mualliflarning fikriga ko‘ra, bu ta’sir madaniy dam olish ijtimoiy muloqotni rivojlantirishi, aqliy farovonlikni yaxshilashi va sog‘lom turmush tarzini rag‘batlantirishi bilan izohlanishi mumkin.
Olimlar madaniy faoliyatning fiziologik qarishga ta’siri muntazam jismoniy faollikning ta’siriga o‘xshashligini va qo‘shimcha tadqiqotlarga loyiqligini ta’kidlamoqdalar.
«Aholiga ko‘rsatilayotgan davlat xizmatlarini takomillashtirish hamda fuqarolar uchun qo‘shimcha qulayliklar yaratish chora-tadbirlari to‘g‘risida»gi prezident qarori qabul qilindi.
Foto: Ronstik / Shutterstock
«Aholiga ko‘rsatilayotgan davlat xizmatlarini takomillashtirish hamda fuqarolar uchun qo‘shimcha qulayliklar yaratish chora-tadbirlari to‘g‘risida»gi prezident qarori qabul qilindi.
Qarorga ko‘ra, 2026 yil 1 noyabrdan boshlab:
mobil aloqa vositalari orqali SMS-xabarnoma shaklida tovar va xizmatlarni taklif (reklama) qiluvchi har qanday yuridik va jismoniy shaxs faqat shaxsning yozma yoki elektron roziligini olgandan so‘ng ushbu harakatlarni (reklamani) amalga oshiradi;
mobil aloqa vositalariga reklama qo‘ng‘iroqlari va SMS-xabarnomalarni jo‘natish xizmatini ko‘rsatuvchi yuridik shaxslar o‘z axborot tizimlarini Shaxsga doir ma’lumotlar bazalarining davlat reyestrida ro‘yxatdan o‘tkazgandan keyin tegishli xizmatlarni ko‘rsatishiga yo‘l qo‘yiladi;
reklama qo‘ng‘iroqlari va xabarnomalarini telekommunikatsiya tarmoqlari (mobil aloqa) orqali soat 18.00 dan 9.00 gacha tarqatish taqiqlanadi;
mobil aloqa operatorlariga reklama qo‘ng‘iroqlari va xabarnomalarini abonent so‘roviga ko‘ra to‘liq yoki qisman bloklash majburiyati yuklatiladi;
Ushbu talablarga rioya etmaslik reklama hamda shaxsga doir ma’lumotlar to‘g‘risidagi qonunchilikni buzish hisoblanadi va tegishli choralar ko‘rish uchun asos bo‘ladi.
Jamiyat | 20:07 / 15.07.2026
2671
2 daqiqa o‘qiladi
«Aholiga ko‘rsatilayotgan davlat xizmatlarini takomillashtirish hamda fuqarolar uchun qo‘shimcha qulayliklar yaratish chora-tadbirlari to‘g‘risida»gi prezident qarori qabul qilindi.
Foto: Dreamstime
Qarorga ko‘ra, 2026 yil 1 oktyabrdan Yagona interaktiv davlat xizmatlari portalida (Yagona portal) quyidagi xizmatlar joriy etiladi:
Jismoniy va yuridik shaxslarga o‘ziga mulk huquqi asosida tegishli bo‘lgan ko‘chmas mulk obektlari va avtomototransportlarni garovga yoki ipotekaga qo‘yishga, shuningdek, ularni begonalashtirishga taqiq qo‘yish yoki uni bekor qilish;
Fuqarolarning o‘z nomiga rasmiylashtirilgan va foydalanilayotgan telefon raqamlari va bank kartalari to‘g‘risida ma’lumot olish va ushbu jarayonni boshqarishning quyidagi imkoniyatlarini yaratish:
telefon raqamini muayyan muddatga nofaol holatga o‘tkazish (faollashtirish) va o‘zi foydalanmayotgan telefon raqamlariga xizmat ko‘rsatishni to‘xtatish haqida ariza kiritish;
telefon raqami ulangan pulli xizmatlar haqida ma’lumot olish;
bank kartalarini bloklash (yopish) haqida emitentga arizalar yuborish;
fuqaroning nomiga yangi notarial harakat rasmiylashtirilganda avtomatik tarzda uni Yagona portal orqali xabardor qilish va ular hisobini yuritish.
Prezident Shavkat Mirziyoyev 2030 yilgacha 1,5 ming nafar yuqori salohiyatli mutaxassisdan iborat milliy rahbar kadrlar zaxirasini shakllantirishni topshirdi. Istiqbolli boshqaruvchilar sun’iy intellekt va raqamli texnologiyalar asosida saralanib, maxsus dasturlar orqali tayyorlanadi.
Foto: Prezident matbuot xizmati
Prezident Shavkat Mirziyoyev 15 iyul kuni iqtidorli boshqaruvchilar, liderlar va yangi avlod rahbarlarini aniqlash va tanlash hamda «El-yurt umidi» jamg‘armasi orqali iste’dodli yoshlarni qo‘llab-quvvatlash chora-tadbirlari yuzasidan taqdimot bilan tanishdi.
Taqdimotda sun’iy intellekt yordamida tarmoqlar va hududlarning drayver sohalari tahlil qilinib, 50 dan ortiq zamonaviy kasb bo‘yicha boshqaruv kadrlariga ehtiyoj mavjudligi aniqlangani qayd etildi. Ayniqsa, energetika va «yashil» texnologiyalar, qurilish va urbanizatsiya, qishloq va suv xo‘jaligi, raqamlashtirish hamda xizmat ko‘rsatish yo‘nalishlarida malakali mutaxassislarga talab yuqori.
Davlat rahbari tayyor kadrlar bazasi bo‘lmasa, boshqaruv tizimida uzilishlar yuz berishi, ish samaradorligi va qarorlar sifati pasayishini ta’kidladi.
Kadrlarni baholashda eskicha «obektivka» usulidan voz kechib, nomzodning bilimi, kasbiy tajribasi, psixologik xususiyatlari, strategik fikrlashi va liderlik qobiliyatini qamrab oladigan portfolio tizimiga o‘tish zarurligi ko‘rsatib o‘tildi.
Yangi tartibga ko‘ra, istiqbolli boshqaruvchilar raqamli texnologiyalar asosida 100 ballik mezon bo‘yicha baholanadi. Katta ma’lumotlar va biznes-tahlil vositalari orqali yuqori salohiyatli kadrlar aniqlanib, ular uchun sun’iy intellekt yordamida individual kasbiy rivojlanish rejalari ishlab chiqiladi. Mazkur tizimni dastlab qishloq xo‘jaligi, oliy ta’lim va qurilish sohalarida sinovdan o‘tkazish taklif etildi.
Har ikki yilda 500 nafar istiqbolli boshqaruvchini saralab olish, shu tariqa 2030 yilga qadar 1,5 ming nafar yuqori salohiyatli mutaxassisdan iborat yangi avlod rahbar kadrlar zaxirasini yaratish rejalashtirilgan.
Taqdimotda rahbarlik lavozimlari uchun zaxirani shaffof shakllantirishga qaratilgan «TOP-100» ochiq tanlovini o‘tkazish mexanizmi ham bayon qilindi. Tanlov agrar soha, sog‘liqni saqlash, tadbirkorlik, sud-huquq, ta’lim, axborot texnologiyalari va sun’iy intellekt yo‘nalishlarini qamrab oladi.
Nomzodlar test, kompleks kasbiy baholash va suhbat bosqichlaridan o‘tadi. G‘oliblar maxsus o‘quv kurslarida tayyorlanib, milliy kadrlar zaxirasiga kiritiladi, ularning kasbiy o‘sishi va rahbarlik lavozimlariga tayinlanishi bo‘yicha manzilli choralar ko‘riladi.
Milliy kadrlar zaxirasini shakllantirishda xorijdagi vatandoshlar, shuningdek, dunyoning eng nufuzli 100 ta universitetini tamomlagan va ularda tahsil olayotgan yoshlar salohiyatidan samarali foydalanish muhimligi ta’kidlandi.
Bu borada 2026 yil 1 oktyabrdan career.edu.uz platformasida «Xorijdagi talabalar» modulini ishga tushirish rejalashtirilgan. U orqali chet elda ta’lim olayotgan yoshlar davlat idoralari va xususiy korxonalarga biriktiriladi, ularning amaliyot o‘tashi, ish beruvchilar bilan muloqoti hamda kelgusida ishga jalb qilinishi ta’minlanadi.
Yig‘ilishda «El-yurt umidi» jamg‘armasi faoliyatini takomillashtirish masalalariga ham e’tibor qaratildi. O‘tgan yili jamg‘arma transformatsiya qilingani natijasida dunyoning eng nufuzli 100 ta oliygohi talabasi bo‘lgan stipendiatlar ulushi 30 foizdan 80 foizga yetdi. Keyingi yilda yangi tartib asosida o‘tkazilgan uchta tanlovda 447 nafar iqtidorli yosh stipendiya sohibi bo‘ldi.
Shu bilan birga, jamg‘arma dasturlarini hudud va tarmoqlarning aniq ehtiyojlariga bog‘lash zarurligi ko‘rsatib o‘tildi. Iqtidorli yoshlarni xorijiy universitetlarda manzilli tayyorlash, o‘qish xarajatlarini yirik korxonalar bilan birgalikda moliyalashtirish, nufuzli xorijiy oliygohlar bilan qo‘shma dasturlarni yo‘lga qo‘yish bo‘yicha takliflar bildirildi.
Shuningdek, bitiruvchilarning ilmiy tadqiqotlari, startaplari va islohotlarga qaratilgan tashabbuslarini kichik grantlar orqali qo‘llab-quvvatlash, yuqori bo‘g‘in rahbarlari uchun Singapur, Malayziya, Buyuk Britaniya va Yaponiya tajribasi asosida liderlik dasturlarini tashkil etish rejalari ko‘rib chiqildi.
Prezident kadrlarni saralashda ochiqlik va xolislikni ta’minlash, iqtidorli mutaxassislarni tizimli ravishda qo‘llab-quvvatlash hamda ularning salohiyatidan mamlakat taraqqiyoti yo‘lida samarali foydalanish bo‘yicha mutasaddilarga topshiriqlar berdi.
Reklama qo‘ng‘iroqlari va xabarnomalariga oid huquqlar himoyasi kuchaytiriladi
teatr, kino va konsertlarga borish umrni uzaytirishi mumkin
Volkswagen yana 50 ming ish joyini qisqartirishi mumkin
-
Sport5 days agoIspaniya Belgiyani yengib, yarimfinalga chiqdi
-
Sport4 days agoAngliya-Norvegiya bahsi boshlanish vaqti kechiktirilishi mumkin
-
Sport3 days agoInfantino yana JCh ishtirokchilari sonini oshirish g‘oyasi haqida gapirdi
-
Jamiyat4 days agoBektemir tumanida «zakladchik»lar qo‘lga olindi
-
Jamiyat5 days agoDori narxini sun’iy oshirgan yuzlab dorixonalar aniqlandi
-
Jamiyat5 days agoJanubiy Koreya va AQShga noqonuniy migratsiya tashkil etmoqchi bo‘lganlar ushlandi
-
Iqtisodiyot5 days ago
17 mlrd so‘mdan ortiq davlat xaridlaridagi qonunbuzilishlar aniqlandi
-
Dunyodan4 days ago
Frantsiyada ko’pchilik qo’rqqan narsa yuz berdi.