Iqtisodiyot
Qozog‘istondan O‘zbekistonga don eksporti sezilarli darajada oshdi
Qozog‘iston donining O‘zbekistonga eksporti 2,75 million tonnadan 3,7 million tonnagacha, ya’ni 34,4 foizga oshdi.
Foto: Maksim Stulov / Vedomosti
Qozog‘istondan don eksporti bir yil ichida 55 foizga o‘sib, 9,8 million tonnadan oshdi, deb yozdi Tengrinews mamlakat Qishloq xo‘jaligi vazirligiga tayanib.
«Qozog‘iston temir yo‘llari» AJ ma’lumotlariga ko‘ra, 2024 yil sentabrdan 2025 yil 10 avgustgacha bo‘lgan davrda eksport hajmi 9,8 million tonnani tashkil etdi, bu 2023-2024 yillarning shu davriga nisbatan 55 foizga ko‘pdir», deyiladi press-relizda.
Ta’kidlanishicha, ta’minot hajmining sezilarli darajada oshishi tashqi bozorlarda Qozog‘iston doniga bo‘lgan yuqori talabni aks ettiradi.
Vazirlik asosiy yo‘nalishlar bo‘yicha yetkazib berish dinamikasini keltirib o‘tdi.
Shunday qilib, Qozog‘iston donining O‘zbekistonga eksporti 2,75 million tonnadan 3,7 million tonnagacha, ya’ni 34,4 foizga oshdi. Tojikistonga yetkazib berish 46 foizga o‘sib, bir yil avvalgi 960 ming tonna o‘rniga 1,4 million tonnani tashkil etdi. Afg‘onistonga eksport hajmi 51,6 foizga oshib, 217 ming tonnadan 329 ming tonnaga yetdi. Qirg‘izistonga yetkazib berish hajmi ikki baravarga oshdi: 131 ming tonnadan 262 ming tonnagacha. Eronga eksport hajmi 16 barobarga oshib, bir yil avvalgi 61 ming tonnaga nisbatan 974 ming tonnaga yetdi. Ozarboyjonga yetkazib berish hajmi 121 barobarga oshib, 6 ming tonnadan 728 ming tonnaga yetdi.
2024 yilda yalpi don hosili 26,7 million tonnani tashkil etgan, bu Qozog‘iston uchun rekord ko‘rsatkichdir. Qozog‘iston bug‘doyini sotishning an’anaviy bozorlari ro‘yxatiga Markaziy Osiyo mamlakatlari – O‘zbekiston, Tojikiston, Qirg‘iziston, shuningdek, Afg‘oniston kiradi.