Iqtisodiyot
Qozog‘iston va O‘zbekiston o‘rtasidagi tovar ayirboshlash hajmi salkam 1,4 mlrd dollarga yetdi
2025 yilning yanvar-aprel oylari yakunlariga ko‘ra, Qozog‘iston O‘zbekistonning asosiy savdo hamkorlari uchligidan joy oldi.
Foto: Sputnik / Vladislav Vodnev
“Kazinform” xalqaro axborot agentligining O‘zbekiston Milliy statistika qo‘mitasi ma’lumotlariga asoslanib yozishicha, shu yil yanvar-aprel oylarida mamlakat tashqi savdo aylanmasi o‘tgan yilning shu davriga nisbatan 16,3 foizga o‘sish bilan 24,6 milliard AQSh dollariga yetdi.
Qayd etilishicha, bugungi kunda O‘zbekiston 183 ta mamlakat bilan savdo qiladi. O‘zbekistonning asosiy savdo hamkorlari orasida Xitoy yetakchilik qilmoqda. Belgilangan davrda ikki davlat o‘rtasidagi tovar ayirboshlash hajmi 4,1 milliard dollardan oshdi, bu esa umumiy ko‘rsatkichning 17 foizi demakdir.
Tovar aylanmasi bo‘yicha Rossiya keyingi o‘rinda – 15,1 foiz. Yanvar-aprel oylarida ushbu mamlakat bilan import va eksport hajmi 3,7 milliard dollardan ziyod bo‘ldi.
Qozog‘iston bu borada uchinchi mamlakat bo‘lib turibdi. Yanvar-aprel oylarida Qozog‘iston va O‘zbekiston o‘rtasidagi tovar ayirboshlash hajmi 1,4 milliard dollarga, ya’ni 5 foizga yaqinlashdi. Bu ko‘rsatkich o‘tgan yilning shu davriga nisbatan 168 million dollarga yuqori. Xususan, yanvar-aprel oylari holatiga ko‘ra O‘zbekiston Qozog‘istonga 405,7 million dollarlik mahsulot eksport qilgan va 986,8 million dollardan ortiq import qilingan.
2024 yilda Qozog‘iston va O‘zbekiston o‘rtasidagi tovar ayirboshlash hajmi 4,2 milliard dollardan oshgan. Shuningdek, Rasmiy Ostona va Toshkent o‘zaro tovar ayirboshlash hajmini yiliga 10 milliard dollarga yetkazish niyati borligini bildirgan edi.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Milliy statistika qo‘mitasi ma’lumotlariga ko‘ra, 2026-yil yanvar–iyul oylarida O‘zbekistonga 46 davlatdan qariyb 28,5 ming tonna shokolad mahsulotlari olib kirilgan.
Import qilingan mahsulotlarning umumiy qiymati 123,7 mln AQSh dollarini tashkil etgan. Bu o‘tgan yilning mos davriga nisbatan 1,6 ming tonnaga yoki 6 foizga ko‘p.
Import hajmi bo‘yicha Rossiya keskin ustunlik qilgan. Yilning dastlabki yetti oyida Rossiyadan O‘zbekistonga 19,5 ming tonna shokolad mahsulotlari yetkazib berilgan.
Rossiyadan kelgan shokolad mahsulotlari umumiy importning qariyb 70 foizini tashkil etgan. Keyingi o‘rinda Ukraina bo‘lib, undan 2,2 ming tonna mahsulot import qilingan.
Qozog‘istondan 914 tonna, Belarusdan 805,2 tonna shokolad mahsulotlari olib kirilgan. Litvadan import 746,2 tonnani tashkil etgan.
Turkmaniston 715,2 tonna, Turkiya esa 569,5 tonna ko‘rsatkich bilan keyingi o‘rinlarda qayd etilgan. Qolgan davlatlar hisobiga 3 ming tonna mahsulot to‘g‘ri kelgan.
Prezident Shavkat Mirziyoyev raisligida Andijon viloyatini ijtimoiy-iqtisodiy rivojlantirish, tadbirkorlikni qo‘llab-quvvatlash va aholi daromadlarini oshirish masalalari bo‘yicha yig‘ilish o‘tkazilmoqda.
Joriy yilning birinchi yarmida viloyat iqtisodiyoti 8,8 foiz, sanoat 9,2 foiz, xizmatlar 16,1 foiz, investitsiyalar 8,9 foizga o‘sgani qayd etildi.
– Bizga o‘sishdagi raqamlar emas, balki har bir ko‘rsatkich har bir oilaning kundalik hayotiga qanday o‘zgarish olib kirgani muhim,– dedi davlatimiz rahbari.
Andijonda yer va tabiiy boyliklar cheklangan bo‘lsa-da, harakatchan aholi, kuchli tadbirkorlik ruhi, ko‘p sonli yoshlar, sanoat maktabi va katta bozor kabi imkoniyatlar borligi ta’kidlandi.
So‘nggi o‘n yilda viloyatga respublika budjetidan 20 trillion so‘m, banklar tomonidan tadbirkorlik uchun 90 trillion so‘m yo‘naltirildi. Birgina joriy yilda aholi farovonligini oshirishga 6 trillion so‘m ajratildi.
Hokimlarga berilgan vakolatlar va yaratilgan moliyaviy imkoniyatlar shunga munosib natijaga aylanishi zarurligi ko‘rsatib o‘tildi.
